1. Mojsije 7
7
O Poplavne paja
1O GOSPOD phendas e Nojašće: “De andre ando brodo, tu thaj sasti ćiri familija, kaj dikhlem kaj san tu jedino pravedno angle mande maškar e manuša save trajin ande akaja vrjama. 2Le tusa efta parurja katar svako čisto životinja, muško thaj žensko, ali katar svako marime životinja samo jek paro, muško thaj žensko. 3Thaj efta parurja katar svako čiriklji, muško thaj žensko, te lengo potomstvo avel arakhado pe phuv. 4Kaj pale efta đesa mukava pe phuv o bršnd te perel štarvardeš đes thaj štarvardeš raća thaj kosava katar o muj e phuvjako svako džudo biće saves stvorisardem.”
5Thaj o Noja ćerda sa so o GOSPOD zapovedisardas lešće.
6E Noja sas šov šela brš kana e poplavne paja aviline pe phuv. 7Thaj o Noja dijas ando brodo pire romnjava, pire čhavenca thaj lenđe romnjenca, te našen katar e poplavne paja. 8Katar e čiste thaj katar e marime životinje, katar e čiriklja thaj katar sa e bićurja save crden pes pe phuv, 9dine andre ko Noja ando brodo duj po duj, muško thaj žensko, sago kaj o Del zapovedisardas e Nojašće. 10Efta đesa posle godova, e poplavne paja avile pe phuv.
11Kana sas e Nojašće šov šela brš, dešueftato đes ando dujto čhon, putajle sa e izvorja e bare bezdanošće thaj e brane po nebo. 12O bršnd delas pe phuv štarvardeš đesa thaj štarvardeš raća.
13Godova isto đes o Noja, lešći romnji, lešće čhave o Sim, o Ham thaj o Jafet, thaj lenđe romnja, dine ando brodo, 14a lesa vi sa e vrste katar e divlje životinje, sa e vrste katar e stoka, sa e vrste katar e džude bićurja save crden pes pe phuv thaj sa vrste katar e čiriklja. 15Po duj katar sa bićurja ande save si o daho e trajosko dine ko Noja ando brodo. 16Dine andre sago paro, muško thaj žensko katar sa džude bićurja, sago kaj o Del zapovedisardas e Nojašće.
Askal o GOSPOD phandadas o vudar pale leste.
17E poplavne paja štarvardeš đesa poplavinas e phuv, a sar o paj barjolas, gajda inđarda o brodo thaj vazda les vuče katar e phuv. 18O paj vazdelas pe thaj barjolas vuče opral pe phuv, a o brodo plovilas po paj. 19Gadići silno o paj vazda pes pe phuv kaj učharda sa e majvuče planine talo nebo. 20O paj vazda pe efta meterja katar e majvuče poplavime planine. 21Gajda muline sa e džude bićurja pe phuv: e čiriklja, e stoka, e divlje životinje, sa e bićurja save crden pes pe phuv thaj sa e manuša. 22Po kopno mudardilo sa so ando nak sas les daho e trajosko. 23Gajda o Del uništisardas svako džudo stvorenje: e manušen, e životinjen, e bićuren save crden pes pe phuv, thaj e čirikljen. Ačhilo samo o Noje thaj okola save sas lesa ando brodo.
24O paj učharelas e phuv šel thaj pandžvardeš đesa.
Currently Selected:
1. Mojsije 7: RČB
Highlight
Share
Copy
Want to have your highlights saved across all your devices? Sign up or sign in
