1. Mojsije 44
44
O Josif čhol zamka pire phralenđe
1Pale godova o Josif naredisarda e upravitelješće katar piro ćher: “Pher e gone akale manušenđe e habeja, kozom god šaj inđaren, thaj svakonešće love bolde opral ande lesko gono. 2A mungro rupuno pehari čho opral ando gono e majternešće zajedno lešće lovenca savenca poćindas o điv.”
Thaj o upravitelj ćerda sar o Josif phendas lešće.
3Detharinako kana svanosardas, spremisardine e phralen thaj lenđe magarcen po drom.
4Ali tek so inkljistine cara majdur andar o gav, o Josif phendas pire upravitelješće: “Ušti thaj teljar pale okola manuša, pa kana areseja len, phen lenđe: ‘Sostar bolden bilačhipe palo lačhipe? 5Sostar čordine o rupuno pehari mungre gospodaresko. Godova si pehari andar savo pijel mungro gospodari thaj savo služil lešće te drabarel. Ćerdine baro bilačhipe!’ ”
6Kana o upravitelj aresla len, ponovisarda lenđe sa akala alava. 7A von pe godova phendine lešće: “Sostar gajda phenes amenđe, gospodarina? Amen, ćire sluge, nikada či ćerdamas gajda vareso! 8Čak andar o Hanaan boldam okola love save arakhlam opral ande amare gone. Sostar askal čordamas o rup ili o sunakaj andar o ćher ćire gospodaresko? 9Ako godova arakhadol ke jek amendar, ćire slugendar, godole mudaren, a amen aver avasa ćire roburja, gospodarina.”
10“Lačhe phenen”, vo phendas, “ali neka avel gajda: Kaste arakhadol o pehari, godova avela mungro robo, a tumen aver avena slobodne.”
11Askal svako lendar brzo mukla piro gono pe phuv thaj putardas les. 12O upravitelj rodas ande lenđe gone počnisarda katar o majpurano a završisarda e majternesa. Thaj o pehari arakhadilo ande Venjaminesko gono. 13Pe godova von pharadine pe peste pire drze pa natovarisardine e magarcen thaj boldine pe ando gav.
14Kana o Juda thaj lešće phral aviline ande Josifesko ćher, vo sas još okote.
Von peline pe koča angle leste, 15a o Josif phendas lenđe: “So godova ćerdine? Zar či džanen kaj o manuš savo si sago me džanel te drabarel?”
16Askal o Juda phendas: “So te phenas tuće, gospodarina? So te phenas? Sar te dokažis kaj naj sam došale? O Del sikadas amari doš pale varesoste so ćerdam majsigo. Gospodarina, amen sam akana ćire roburja, amen thaj vi okova kaste arakhadilo ćiro pehari.”
17Ali o Josif phendas: “Na! Me či kamav godova te ćerav tumenđe! Samo okova ke savo arakhadilo o pehari avela mungro robo, a tumen aver ando miro bolden tumen ke tumaro dad.”
18Askal o Juda avilo dži leste thaj phendas: “Moliv tut, gospodarina, muk man ćire sluga te vareso phenav tuće thaj na te holjavos pe mande, vi ako san tu sago o faraon. 19Tu, gospodarina, phučlan amen: ‘Dali si tumen dad ili još varesavo phral?’ 20Thaj amen phendam: ‘Si amen purano dad thaj majterno phral, savo bijandilo lešće kana sas purano. Lesko rođeno phral si mulo thaj samo vo ačhilo katar e čhave lešće dejaće, thaj o dad zurale volil les.’ 21Ali tu askal phendan amenđe ćire slugenđe: ‘Anen les te dikhav les mungre jakhenca.’ 22A amen, gospodarina, phendam tuće: ‘O čhavro našti džaltar katar o dad kaj amaro dad mulosas kana o čhavro muklasas les.’ 23Ali tu phendan amenđe, ćire slugenđe: ‘Ako tumaro majterno phral či avel tumenca, na inkljen angle mungre jakha!’ 24Kana bolda men ke ćiro sluga, ke amaro dad, phendam lešće sa so tu, gospodarina, phendan. 25Amaro dad phendas: ‘Bolden tumen inća thaj ćinen još habe.’ 26A amen phendam: ‘Našti te džas inća osim ako amaro majterno phral či džal amenca. Či tromas te avas okole manušešće angle jakha bi amare majterne phralesko.’ 27Ćiro sluga, amaro dad, phendas amenđe: ‘Džanen kaj mungri romnji bijandas manđe duj čhaven. 28Jek nestanisardas, sigurno si rastrgnome pe kotora, thaj nikada majbut či dikhlem les. 29Ako vi akales len mandar, pa dogodil pe lešće varesavo bilačhipe, tradena man puranes thaj tužnes ando limori.’ 30Ako akana me bolda man ke ćiro sluga, ke mungro dad, savo zurale phangla pe palo čhavro, 31thaj ako vo dićhel kaj o čhavro naj amenca, merela. Gajda amen, ćire sluge, tradamas amare dades, ćire slugo, puranes thaj tužne ando limori. 32A me, ćiro sluga, garantuisardem mungre dadešće palo čhavro: ‘Ako či boldav les tuće palpale, sasto trajo avava došalo angle tute!’ 33Zato moliv tut, gospodarina, muk te me ačhav akate sago ćiro robo umesto okova čhavro, a okole čhavre muk te boldel pes palpale lešće phralenca. 34Kaj sar šaj te bolda man palpale angle mungro dad, ako o čhavro naj manca? Našti dikhlemas o jado savo arakhlasas mungre dade.”
Currently Selected:
1. Mojsije 44: RČB
Highlight
Share
Copy
Want to have your highlights saved across all your devices? Sign up or sign in
1. Mojsije 44
44
O Josif čhol zamka pire phralenđe
1Pale godova o Josif naredisarda e upravitelješće katar piro ćher: “Pher e gone akale manušenđe e habeja, kozom god šaj inđaren, thaj svakonešće love bolde opral ande lesko gono. 2A mungro rupuno pehari čho opral ando gono e majternešće zajedno lešće lovenca savenca poćindas o điv.”
Thaj o upravitelj ćerda sar o Josif phendas lešće.
3Detharinako kana svanosardas, spremisardine e phralen thaj lenđe magarcen po drom.
4Ali tek so inkljistine cara majdur andar o gav, o Josif phendas pire upravitelješće: “Ušti thaj teljar pale okola manuša, pa kana areseja len, phen lenđe: ‘Sostar bolden bilačhipe palo lačhipe? 5Sostar čordine o rupuno pehari mungre gospodaresko. Godova si pehari andar savo pijel mungro gospodari thaj savo služil lešće te drabarel. Ćerdine baro bilačhipe!’ ”
6Kana o upravitelj aresla len, ponovisarda lenđe sa akala alava. 7A von pe godova phendine lešće: “Sostar gajda phenes amenđe, gospodarina? Amen, ćire sluge, nikada či ćerdamas gajda vareso! 8Čak andar o Hanaan boldam okola love save arakhlam opral ande amare gone. Sostar askal čordamas o rup ili o sunakaj andar o ćher ćire gospodaresko? 9Ako godova arakhadol ke jek amendar, ćire slugendar, godole mudaren, a amen aver avasa ćire roburja, gospodarina.”
10“Lačhe phenen”, vo phendas, “ali neka avel gajda: Kaste arakhadol o pehari, godova avela mungro robo, a tumen aver avena slobodne.”
11Askal svako lendar brzo mukla piro gono pe phuv thaj putardas les. 12O upravitelj rodas ande lenđe gone počnisarda katar o majpurano a završisarda e majternesa. Thaj o pehari arakhadilo ande Venjaminesko gono. 13Pe godova von pharadine pe peste pire drze pa natovarisardine e magarcen thaj boldine pe ando gav.
14Kana o Juda thaj lešće phral aviline ande Josifesko ćher, vo sas još okote.
Von peline pe koča angle leste, 15a o Josif phendas lenđe: “So godova ćerdine? Zar či džanen kaj o manuš savo si sago me džanel te drabarel?”
16Askal o Juda phendas: “So te phenas tuće, gospodarina? So te phenas? Sar te dokažis kaj naj sam došale? O Del sikadas amari doš pale varesoste so ćerdam majsigo. Gospodarina, amen sam akana ćire roburja, amen thaj vi okova kaste arakhadilo ćiro pehari.”
17Ali o Josif phendas: “Na! Me či kamav godova te ćerav tumenđe! Samo okova ke savo arakhadilo o pehari avela mungro robo, a tumen aver ando miro bolden tumen ke tumaro dad.”
18Askal o Juda avilo dži leste thaj phendas: “Moliv tut, gospodarina, muk man ćire sluga te vareso phenav tuće thaj na te holjavos pe mande, vi ako san tu sago o faraon. 19Tu, gospodarina, phučlan amen: ‘Dali si tumen dad ili još varesavo phral?’ 20Thaj amen phendam: ‘Si amen purano dad thaj majterno phral, savo bijandilo lešće kana sas purano. Lesko rođeno phral si mulo thaj samo vo ačhilo katar e čhave lešće dejaće, thaj o dad zurale volil les.’ 21Ali tu askal phendan amenđe ćire slugenđe: ‘Anen les te dikhav les mungre jakhenca.’ 22A amen, gospodarina, phendam tuće: ‘O čhavro našti džaltar katar o dad kaj amaro dad mulosas kana o čhavro muklasas les.’ 23Ali tu phendan amenđe, ćire slugenđe: ‘Ako tumaro majterno phral či avel tumenca, na inkljen angle mungre jakha!’ 24Kana bolda men ke ćiro sluga, ke amaro dad, phendam lešće sa so tu, gospodarina, phendan. 25Amaro dad phendas: ‘Bolden tumen inća thaj ćinen još habe.’ 26A amen phendam: ‘Našti te džas inća osim ako amaro majterno phral či džal amenca. Či tromas te avas okole manušešće angle jakha bi amare majterne phralesko.’ 27Ćiro sluga, amaro dad, phendas amenđe: ‘Džanen kaj mungri romnji bijandas manđe duj čhaven. 28Jek nestanisardas, sigurno si rastrgnome pe kotora, thaj nikada majbut či dikhlem les. 29Ako vi akales len mandar, pa dogodil pe lešće varesavo bilačhipe, tradena man puranes thaj tužnes ando limori.’ 30Ako akana me bolda man ke ćiro sluga, ke mungro dad, savo zurale phangla pe palo čhavro, 31thaj ako vo dićhel kaj o čhavro naj amenca, merela. Gajda amen, ćire sluge, tradamas amare dades, ćire slugo, puranes thaj tužne ando limori. 32A me, ćiro sluga, garantuisardem mungre dadešće palo čhavro: ‘Ako či boldav les tuće palpale, sasto trajo avava došalo angle tute!’ 33Zato moliv tut, gospodarina, muk te me ačhav akate sago ćiro robo umesto okova čhavro, a okole čhavre muk te boldel pes palpale lešće phralenca. 34Kaj sar šaj te bolda man palpale angle mungro dad, ako o čhavro naj manca? Našti dikhlemas o jado savo arakhlasas mungre dade.”
Currently Selected:
:
Highlight
Share
Copy
Want to have your highlights saved across all your devices? Sign up or sign in