Roma 5
5
mi'inavayan za kireeman kana Viruwa i itras
1nu maw kemazu 'alrana pakutatena' ta zi karuwa ta mutu patezelr a trau kinuwa, pakalranganay kananta Luzu i Yēsu Kiristo zi mi'inavayan za kireeman kana Viruwa i itras. 2pakalrang za pakutatena', i Kiristo tu paruwayaw ta kazu ta vaaw kana ipuwavut na Viruwa i itras#5.2 <<pakalranga za pakutatena'an ... ipuwavut>> karuwa marengay za <<maruwaya ta musavak kana ulra ziya kisepad kana ka'inava na ipuwavut>>., mawna kemani semangala ta#5.2 <<inta semangamangal ta>> karuwa marenay za <<kemazuwa ta semangal>>. talrima semepad pa'inava tu lihu kana Viruwa i itras! 3'azi mawmau kemani, kazu kana kuwaatrengan, kemazu ta semamangal#5.3 <<kemaniya ta semangal>> karuwa marengay za <<kemazuwa ta kemaniya semangal>>; 'alrana malrazam ta na kuwaatrengan muwadaway a sasekeran. 4semaseker kipuitras za ngadan kana Viruwa i itras, nantu ipuitras za ngadan na Viruwa i itras murung za talrimayan. 5ini na talrimayan 'azi iyaniyan; 'alrana Viruwa i itras tu pakalranganay kantaw veray kanta za Vangesar Lu'em, 'ilrayay lra meretra' kanantu lramanan kanta i anger.
6a apelr ta ziya mu, i Kiristo mu tu paturusanay kanantu pinakamelri kemuret na Viruwa i itras na wari muramawan kana mipinamelriyan na trau minatray. 7muramawan minatray kana patezelr na trau 'azi kazu lra marayas; muramawan kana 'inava na trau minatray, kaulra ulra a trau malemu kemazu. 8muwmu na Viruwa i itras pakurena'u lra kanta kana iniyan za mara'inava lra na lramanan: a maw ta ziyan na mipinamelriyan na trau mu, i Kiristo mu muramawan kanta zi minatray lra! 9mukuwa kanantu ikiyanatray, inta harem maruwa ta mikireeman za penauwa kana Viruwa i itras; nantu ikiyanatray puwapuwa venaaw kanta puwaday kanantu 'ilremesan na patezelr kana Viruwa i itras. 10tu 'alra na Viruwa i itras a mawziyan i inta, mawmu pakalrang kanantu Alrak tu ikiyanatray zi mareka'inava ta kantaw. anu maw mareka'inava kantaw mu, kamelriya ta 'azi puwapuwa pakalrang kani Kiristo zantu uwavaawan muvaaw ziyamaw? 11'azi mawmau kemani, maruwa ta lra mareka'inava kana Viruwa i itras, zi 'azi ipakalrang kananta Luzu i Yēsu Kiristo misemangal kana Viruwa i itras ziyamaw?
i Adam zi i Kiristo
12na pinamelriyan kemay kana trau musavak i punapunan, maw na pinamelriyan, mareturuturus zuwa na kiyanatrayan; kemazu ziyanay na kiyanatrayan mu meredek lra kana trau ziyan, 'alrana mipinamelriyan na tratrautrau ziyan. 13kazu pakireveng kana kuret pakangawayan mu, ulra lra a pinamelriyan i punapunan; mawmu iniyan za kuret, na trau mu 'azi kazu kanantu vakesiyu na kuret kipasavung. 14mawmu, kemay kani Adam palru kani Mosē, na kiyanatrayan demikedikes lra kana trau ziyan, arusay nazu na 'azi kamawan kani Adam mipinamelriyan za 'azi miturus kana Viruwa i itras na trau, kemazu 'azi papusar za kiyanatrayan.
i Adam maw na pungaway paruveli na uri zazuwa i likuzan lra izu na sasa. 15mawmu, nazu na zuwaya 'azi mararesan, 'alrana Viruwa i itras puwavut veray za iputrep na kezang zi nantu pinamelriyan ni Adam mu ma'izang na parekamelriyan. nu maw kemazu ulra kazuwan na trau 'alrana tu pinamelriyan ni Adam sasa zi minatray; mawmu tu ikalraman na Viruwa i itras mu puwapuwa lra ma'izang, intaw tu pakalranganay kani Yēsu Kiristo sasa tu ipuwavut veray kana kazuwan na trau na lramanan puwapuwa lra merevaw. 16nantu iputrepa na Viruwa i itras zi nantu pinamelriyan na trau mu kurekalrazaman 'azi maresan. mipinamelriyan na trau, kisayvang za <<mipinamelriyan>>; mawmu kazuwan na trau mipinamelriyan, muveliyas kiveray kanizu na 'azi kirepa'uwa kiveray na iputrepa, zi kisayvang za <<iniyan mipinamelriyan>>! 17kaulra na kiyanatrayan mukuwa za sasa za trau mipinamelriyan zi kemirakaz demikedikes kana trau i punapunan, mawmu i Yēsu Kiristo sasa nantu pinaredaway mu puwapuwa lra ma'izang! na kituluz ziyan kanantu merevaw na ikalraman zi ipuwavut maruwa mikireeman za penauwa kana Viruwa i itras na trau, ipakalrang kani Kiristo muvaaw mapiya, zi demikes za kezang.
18nu kemani, 'alrana nu pamelri a sasa, na trau ziya kipupinamelriyan; mararesan, 'alranu penatezelr tu paelrangan a sasa, na trau ziyan kilapus za pinamelriyan zi kiveray za uwavaawan. 19penauwa kamawan sasa za trau semuveli za seratr, na trau mapiya mu mutu mipinamelriyan na trau; mararesan, nu miturus a sasa na trau, na trau ziya mu mutu patezelr a trau. 20tu i kakuret na kuret mu marekasaazu na pinamelriyan; mawmu marekasaazu na pinamelriyan mu, nantu ipuwavut na Viruwa i itras mu puwapuwa merevaw. 21penauwa kamawan kana pinamelriyan makalrang kana kiyanatrayan zuwa demikesa, zi nantu ipuwavut na Viruwa i itras makalrang kana paresaresan zuwa demikesa, zi paruwayaw ta pakalrang kani Luzu i Yēsu Kiristo kituluz kana munayun na uwavaawan.
Currently Selected:
Roma 5: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023