Roma 10
10
1wadadiyan, kemudakuda ku kana kiyalrimayan zanku mawan za maruwa muvaaw, zi muramawan kanini na lremak 'azi maziyazi kiyami kana Viruwa i itras! 2maruwa ku wasay kanazu za tatena' penakasa za anger kana Viruwa i itras, mawmu nantu i pakasa i anger amelri pakalrang kana tatena' na kalrazaman putu rakaz. 3'azi patulre'ay malrazam zantu patezelran na Viruwa i itras, maranger miya' zantu dadalan, zi 'azi miturus kanantu patezelran na Viruwa i itras, 4tatena' mu, tu paziyaziyaw lra ni Kiristo tu kezang na kuret, tu putu patezelr a trau na pakutatena' ziyan kantaw na trau.
na ikalraman venaaw iveray kana trau ziyan
5na kireeman kana pakalrang za iyaturusan kana kuret zi mutu patezelr a trau ini na lremak, i Mosē kemani lra venavalray: <<izu na miturus kanantu seratr na kuret na trau uri uramawan kana kuret zi vaaw.>> 6mawmu, pakalrang za pakutatena' zi mutu patezelr a trau ini na lremak, kemani marengay na Sēsiyo: <<ikiyaumalr kannu i inu: i eman na auwa i itras? (zi kakuwa marengay za, uwa pilralrangu pulusu i Kiristo.) 7zi ikiyaumalr: i eman na auwa i 'aremeremeng? (zi kakuwa marengay za, pilralrangu puitras i Kiristo kemay kana minatray na trau i savak.)>> 8tu pauwayan nanni na ngay mu: <<tu vati na Viruwa i itras 'azi mudawilr kannu, ulra kanannu udung i savakan, ulra kanannu anger i savakan.>> pakalranganay za zuma a ngay marengay mu, mawna kazu kananta i palenak na kireeman kana <<pakutatena'>> na vati i savakan. 9nu marengay pakanumaw nannu udung kani Yēsu a i Luzu, pakutatena' i anger kana Viruwa i itras parevaaw kantaw kemay kana minatray, mu uwavaaw u. 10'alrana kemani pakutena' nanta anger, zi mutu patezelr a trau, kemani marengay pakanumaw i udung, zi muvaaw. 11marengay kana Sēsiyo: <<na kuretalrima kantaw na trau mu 'azi kasipeleng.>> 12ini na ngay mu mararengay kana trau ziyan, 'alrana iniyan za pinarekamelri kana Yodaya na trau zi sizumayan na trau; na Viruwa i itras maw a Luzu za tratrautrau ziyan, tu i parevawaw veray za ka'inavayan kana venina kiyami kantaw na trau. 13kamawan kana nirengay i Sēsiyo: <<na venina ziyan kiyami kanantu ngadan ni Luzu na trau mu 'azika'azi muvaaw.>>
14mawmu, 'azi pakutatena' nazu, kuwadakuda venina kiyami kantaw ziyamaw? 'azi ziyan mikiningeran, kuwadakuda pakutena' ziyamaw? 'azi palenak marengay na trau, kuwadakuda kinger ziyamaw? 15nu iniyan za trau kipakarun, kuwadakuda palenak ziyamaw? penauwa kamawan kana nirengay i Sēsiyo: <<na palenak kana fukuing na trau, nantu kinakawangan kemudakuda kana 'inava vulay!>> 16mawmu, amelri muwai kituluz kana fukuing na kurisaesa na trau. marengay lra i Isaya a aziyuziyan: <<Luzu a, i eman na pakutatena' kananiyam ipalenak na vati awa?>> 17kurena'uwan na pakutatena' mu zuwa kemay kana kiningeran, zi na kiningeran mu zuwa kemay kana vati ni Kiristo.
18mawmu kiyaumalr ku za: nazu tatena' za 'azi ziyan kinger kana vati ziyamaw? tatena' za mikiningeran lra. penauwa kamawan kana nirengay i Sēsiyo:
nantu lrengaw nazu mupalenak lra kani punapunan kana trau;
tu ngay nazu mupalenak lra makasesek.
19kiyumalra ku ziya: tatena' za 'azi malrazam na Iseraēl na trau ziyamaw? a ngawangaway, i Mosē tu pakalranganay kanantu vati na Viruwa i itras temuvang lra kanini na kiyaumalran:
ku i pakalranganay za <<amelri za zinekalranan>> na trau kemezeng zanmu sepelran,
pimanayaw na iniyan za lrazaman na kanatal paka'ilremes kanmu.
20puwapuwa 'uringetr marengay i Isaya lra za:
ku i pakaatrevungaw na 'azi maaya' kaninku na trau,
trempa kurenana'u kana 'azi kiyaumalr kaninku na trau.
21mawmu na kireeman kana Iseraēl na trau, marengay i intaw:
temezer ku pupana kananku lima,
maranger ku kanizu na kemuwatreng malrengetr na trau 'azi masepelr zi mareka'inava kaninku.
Currently Selected:
Roma 10: TPN
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023