Maruko 8
8
i Yēsu pakavetreker kana pata kuzulr na trau
(Matay 15.32-39)
1melavat za 'azi sawariyan, zuma a salepun na trau muwazuk mukasa. iniyan lra za eman tu karuwayan mekan nazu; tu pazuwayaw na temakesi ni Yēsu, marengay kanazu: 2<<paruveli ku mavangavang kananni na salepun na trau; 'alrana mukasa kaninku za teluwa wariyan lra nazu, harem iniyan lra za emaeman aekanen. 3nu ku pakasavelawaw puruma' nazu mu, kalalingatr mureve' i dadalan nazu, 'alrana ulra na zuwa kemay dawilr nazu.>>
4kiyumalr kantaw nantu temakesi: <<kazu kanini na mudawilr za zekalr na kinazuwan, auwa ta i iyan miya'a za aekanen pavetreker za kemani kana kazuwan na trau awa?>>
5kiyumalr kanazu i Yēsu: <<ulra mu pidaya na pang?>>
temuvang nazu: <<pituwa.>>
6i Yēsu patalru kana zinekalranan kemayan i dare', zi melak kana pituwa na pang, lrayuwan kana Viruwa i itras, pisa'aw, tuluzanay veray kana temakesi, zi na temakesi tu paniniyay veray mapapiya. 7ulra ziya pidaya kakitengan na vulraw nazu; i Yēsu semunan lrayuwan, patalru kana temakesi paniniyanay veray kanazu mapiya. 8-9mekan mapapiya, zi vetratrekeran lra; tu pinitrawan na mekan mu karuwa pata kuzulr. na temakesi tu apetraw na sama' na karekitekiteng, pukasayaw mavak peniya mu matemuy pituwa 'arayan. i Yēsu tu puverukaw na zinekalranan, 10payas mukasa kana temakesi muitras kana tamina mukuwa i Dalmanuta na pinidare'an.
kiyami za karepalripalri na Palisay na trau
(Matay 16.1-4)
11ulra papida na Palisay na trau zuwa kirepana'uwa kani Yēsu, kimatatuvang kantaw. maranger pakakuwatreng kantaw nazu, kiyami kantaw pupana za karepalripalri, wasay kanantu kinakuda ziya maw kemay kana Viruwa i itras. 12kemasavak mengamengaz i Yēsu, marengay: <<na trau harem kana ziday kemuda zi kiyaami za karepalripalri awa? penatezelra ku marengay kanmu, na trau harem kana ziday 'azi kirepa'uwa mena'u za karepalripalri!>>
13zi kiruwaday kanazu i intaw, masalr ziya muitras kana tamina melavat kana danaw i makakuwaziyu kana dare'.
tu paresasemak na Palisay na trau zi ni Hērodē
(Matay 16.5-12)
14malalup puwapuwa murung za pang na temakesi, i itras kana tamina mawmau ulra sasaya a pang, iniyan a zuma za aekanen. 15pataranapaw marenay i Yēsu kanazu: <<taranapaw, pataranapaw kanantu paresasemak na Palisay na trau zi tu paresasemak ni Hērodē.>>
16mazayazayar nazu marengay: <<marengay i intaw kanini na ngay mu maw 'alrana iniyan ta za pang a.>>
17malrazam i Yēsu kanazu za kemiyaanger za eman, zi kiyumalr kanazu: <<kemuda zi mazayazayar mu kana iniyan za inurung za pang na lremak ziyamaw? kamelriya lra 'azi mu ziyan marulrazam, 'azi mu ziyan patulre'ay malrazam ziyamaw? kemazu kana ma'ulid nanmu tranguru' ziyamaw? 18mimatra mu mawmu 'azi mena'u, mitralinga mawmu 'azi kinger ziyamaw? 'azi mu patuanger 19penisa' ku kana lruwatra na pang panini paekan kana lruwatra kuzulr na trau ini na lremak ziyamaw? na sama' na karekitekiteng mu avakaw patemuy za pidaya 'arayan ziyamaw?>>
temuvang nazu: <<muketrep misama' za zuwaya 'arayan.>>
20masalr ziya kiyumalr i Yēsu: <<a penisa' ku kana pituwa na pang paekan kana pata kuzulr na trau mu, temuyay mavak pidaya 'arayan ziya kana karekitekiteng i inmu ziyamaw?>>
temuvang nazu: <<pituwa 'arayan.>>
21kemazu zi kiyumalr i Yēsu kanazu: <<kemazu mu, 'azi mu ziya malrazam ziyamaw?>>
paka'inava kana mavutri' i Bētsayta na trau
22zuwa nazu i Bētsayta, ulra a trau mikinezeng za sasa a mavutri' na trau zuwa kani Yēsu i ngawayan, kiyami kani Yēsu demikes kantaw. 23i Yēsu kemezeng kanantu lima na mavutri', murung kantaw mukuwa kana zekalr i patraran, iyanguwayan temama za ngalay kanantu matra, zi demikes kanantu zazek, kiyumalr kantaw marengay: <<maruwa u mena'u za eman ziyamaw?>>
24teme'ang mena'u i intaw, marengay: <<mena'u ku za trau, nazu kamawan za sarakarakazan za kawi, kemawakawang.>>
25i Yēsu masalr ziya meretra' za lima kanantu matra. a harem seme'er mena'u na mavutri' mu, mareveliyas lra na iyana'u, patulre'ay lra mena'u kana eman ziya. 26uveruk kema kantaw i Yēsu, zi patalru ziya kantaw marengay: <<amanan masalr mukuwa i zekalr.>>
pakanumaw i Pētēro kani Yēsu maw i Kiristo
(Matay 16.13-20; Luka 9.18-21)
27i Yēsu zi na temakesi mukuwa i Kaysaliya Filipi i dalrep kana zekalr. kazu i dadalan, kiyumalr kanazu i intaw: <<marengay na trau lra i eman kema kaninku?>>
28temuvang nazu: <<ulra na marengay maw na semasuwap i Yohanē; ulra na marengay maw i Ēliya; zi ulra ziya na marengay maw a sasa na patralritralri.>>
29masasalr ziya kiyumalr i Yēsu kanazu: <<i inmu mu? rengay i inmu za i eman ku?>>
tumuvang i Pētēro: <<maw u i Kiristo.>>
30kemazu zi, i Yēsu patalru kanazu za iyauwauwa marengaya kana trau ziya kanantu ngadan.
i Yēsu putralri marengay kanantu kakuwatrengan zi na kiyanatrayan
(Matay 16.21-28; Luka 9.22-27)
31i Yēsu kemirakaz panadam kana temakesi marengay: <<Alrak na trau 'azika'azi uwaelep za sazu za ulepan, ki'atelr kana ciyoro, na ma'izang na rahan, zi na sinsi kana Sēsiyo, kipinatray, teluwa wariyan mu kavavaaw.>> 32patulre'ay marengay i intaw kananni na lremak. kemezeng kani Yēsu mukuwa i saninin i Pētēro, maranger penelret kantaw. 33marepiles i Yēsu, mena'una'u kana temakesi, maselru marengay kani Pētēro: <<satang, uveruk! nannu kiniyaanger amelri tu piniangeran na Viruwa i itras, maw tu piniangeran za trau.>>
34kemazu mu, i Yēsu tu pazuwayaw i ngawayan kantaw na zinekalranan zi na temakesi, marengay kanazu: <<nu ulra a trau kuwarelrang kaninku mu, zi tra'an i inu kannu, penazek kanantu ziyuzika alamu kurelrang kaninku. 35'alrana izu na maranger venaaw kanantu uwavaawan i intaw mu, muveliyas uwalremes za uwavaawan; izu na muramawan kaninku zi na fukuing malremes tu uwavaawan mu, muveliyas aelak za uwavaawan. 36na trau nu kiseker melak lra kana punapunan peniya mu, mawmu savunganay lra tu uwavaawan i intaw, ulra a eman ka'inavayan ziyamaw? 37i intaw karuwa melak za eman venalis pareveliyas kanantu uwavaawan ziyamaw? 38kazu kanini na zemanga semiya' zi pinamelri na ziday, nu ulra a trau pakanu kasamazan kema kaninku zi kananku vati mu, Alrak na trau kazu kanantu lihu ni Temamataw zi kanantu vangesar na tēnsi mukasa zuwa nu azu mu, kemazu kemasamaz kantaw.>>
Currently Selected:
Maruko 8: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Maruko 8
8
i Yēsu pakavetreker kana pata kuzulr na trau
(Matay 15.32-39)
1melavat za 'azi sawariyan, zuma a salepun na trau muwazuk mukasa. iniyan lra za eman tu karuwayan mekan nazu; tu pazuwayaw na temakesi ni Yēsu, marengay kanazu: 2<<paruveli ku mavangavang kananni na salepun na trau; 'alrana mukasa kaninku za teluwa wariyan lra nazu, harem iniyan lra za emaeman aekanen. 3nu ku pakasavelawaw puruma' nazu mu, kalalingatr mureve' i dadalan nazu, 'alrana ulra na zuwa kemay dawilr nazu.>>
4kiyumalr kantaw nantu temakesi: <<kazu kanini na mudawilr za zekalr na kinazuwan, auwa ta i iyan miya'a za aekanen pavetreker za kemani kana kazuwan na trau awa?>>
5kiyumalr kanazu i Yēsu: <<ulra mu pidaya na pang?>>
temuvang nazu: <<pituwa.>>
6i Yēsu patalru kana zinekalranan kemayan i dare', zi melak kana pituwa na pang, lrayuwan kana Viruwa i itras, pisa'aw, tuluzanay veray kana temakesi, zi na temakesi tu paniniyay veray mapapiya. 7ulra ziya pidaya kakitengan na vulraw nazu; i Yēsu semunan lrayuwan, patalru kana temakesi paniniyanay veray kanazu mapiya. 8-9mekan mapapiya, zi vetratrekeran lra; tu pinitrawan na mekan mu karuwa pata kuzulr. na temakesi tu apetraw na sama' na karekitekiteng, pukasayaw mavak peniya mu matemuy pituwa 'arayan. i Yēsu tu puverukaw na zinekalranan, 10payas mukasa kana temakesi muitras kana tamina mukuwa i Dalmanuta na pinidare'an.
kiyami za karepalripalri na Palisay na trau
(Matay 16.1-4)
11ulra papida na Palisay na trau zuwa kirepana'uwa kani Yēsu, kimatatuvang kantaw. maranger pakakuwatreng kantaw nazu, kiyami kantaw pupana za karepalripalri, wasay kanantu kinakuda ziya maw kemay kana Viruwa i itras. 12kemasavak mengamengaz i Yēsu, marengay: <<na trau harem kana ziday kemuda zi kiyaami za karepalripalri awa? penatezelra ku marengay kanmu, na trau harem kana ziday 'azi kirepa'uwa mena'u za karepalripalri!>>
13zi kiruwaday kanazu i intaw, masalr ziya muitras kana tamina melavat kana danaw i makakuwaziyu kana dare'.
tu paresasemak na Palisay na trau zi ni Hērodē
(Matay 16.5-12)
14malalup puwapuwa murung za pang na temakesi, i itras kana tamina mawmau ulra sasaya a pang, iniyan a zuma za aekanen. 15pataranapaw marenay i Yēsu kanazu: <<taranapaw, pataranapaw kanantu paresasemak na Palisay na trau zi tu paresasemak ni Hērodē.>>
16mazayazayar nazu marengay: <<marengay i intaw kanini na ngay mu maw 'alrana iniyan ta za pang a.>>
17malrazam i Yēsu kanazu za kemiyaanger za eman, zi kiyumalr kanazu: <<kemuda zi mazayazayar mu kana iniyan za inurung za pang na lremak ziyamaw? kamelriya lra 'azi mu ziyan marulrazam, 'azi mu ziyan patulre'ay malrazam ziyamaw? kemazu kana ma'ulid nanmu tranguru' ziyamaw? 18mimatra mu mawmu 'azi mena'u, mitralinga mawmu 'azi kinger ziyamaw? 'azi mu patuanger 19penisa' ku kana lruwatra na pang panini paekan kana lruwatra kuzulr na trau ini na lremak ziyamaw? na sama' na karekitekiteng mu avakaw patemuy za pidaya 'arayan ziyamaw?>>
temuvang nazu: <<muketrep misama' za zuwaya 'arayan.>>
20masalr ziya kiyumalr i Yēsu: <<a penisa' ku kana pituwa na pang paekan kana pata kuzulr na trau mu, temuyay mavak pidaya 'arayan ziya kana karekitekiteng i inmu ziyamaw?>>
temuvang nazu: <<pituwa 'arayan.>>
21kemazu zi kiyumalr i Yēsu kanazu: <<kemazu mu, 'azi mu ziya malrazam ziyamaw?>>
paka'inava kana mavutri' i Bētsayta na trau
22zuwa nazu i Bētsayta, ulra a trau mikinezeng za sasa a mavutri' na trau zuwa kani Yēsu i ngawayan, kiyami kani Yēsu demikes kantaw. 23i Yēsu kemezeng kanantu lima na mavutri', murung kantaw mukuwa kana zekalr i patraran, iyanguwayan temama za ngalay kanantu matra, zi demikes kanantu zazek, kiyumalr kantaw marengay: <<maruwa u mena'u za eman ziyamaw?>>
24teme'ang mena'u i intaw, marengay: <<mena'u ku za trau, nazu kamawan za sarakarakazan za kawi, kemawakawang.>>
25i Yēsu masalr ziya meretra' za lima kanantu matra. a harem seme'er mena'u na mavutri' mu, mareveliyas lra na iyana'u, patulre'ay lra mena'u kana eman ziya. 26uveruk kema kantaw i Yēsu, zi patalru ziya kantaw marengay: <<amanan masalr mukuwa i zekalr.>>
pakanumaw i Pētēro kani Yēsu maw i Kiristo
(Matay 16.13-20; Luka 9.18-21)
27i Yēsu zi na temakesi mukuwa i Kaysaliya Filipi i dalrep kana zekalr. kazu i dadalan, kiyumalr kanazu i intaw: <<marengay na trau lra i eman kema kaninku?>>
28temuvang nazu: <<ulra na marengay maw na semasuwap i Yohanē; ulra na marengay maw i Ēliya; zi ulra ziya na marengay maw a sasa na patralritralri.>>
29masasalr ziya kiyumalr i Yēsu kanazu: <<i inmu mu? rengay i inmu za i eman ku?>>
tumuvang i Pētēro: <<maw u i Kiristo.>>
30kemazu zi, i Yēsu patalru kanazu za iyauwauwa marengaya kana trau ziya kanantu ngadan.
i Yēsu putralri marengay kanantu kakuwatrengan zi na kiyanatrayan
(Matay 16.21-28; Luka 9.22-27)
31i Yēsu kemirakaz panadam kana temakesi marengay: <<Alrak na trau 'azika'azi uwaelep za sazu za ulepan, ki'atelr kana ciyoro, na ma'izang na rahan, zi na sinsi kana Sēsiyo, kipinatray, teluwa wariyan mu kavavaaw.>> 32patulre'ay marengay i intaw kananni na lremak. kemezeng kani Yēsu mukuwa i saninin i Pētēro, maranger penelret kantaw. 33marepiles i Yēsu, mena'una'u kana temakesi, maselru marengay kani Pētēro: <<satang, uveruk! nannu kiniyaanger amelri tu piniangeran na Viruwa i itras, maw tu piniangeran za trau.>>
34kemazu mu, i Yēsu tu pazuwayaw i ngawayan kantaw na zinekalranan zi na temakesi, marengay kanazu: <<nu ulra a trau kuwarelrang kaninku mu, zi tra'an i inu kannu, penazek kanantu ziyuzika alamu kurelrang kaninku. 35'alrana izu na maranger venaaw kanantu uwavaawan i intaw mu, muveliyas uwalremes za uwavaawan; izu na muramawan kaninku zi na fukuing malremes tu uwavaawan mu, muveliyas aelak za uwavaawan. 36na trau nu kiseker melak lra kana punapunan peniya mu, mawmu savunganay lra tu uwavaawan i intaw, ulra a eman ka'inavayan ziyamaw? 37i intaw karuwa melak za eman venalis pareveliyas kanantu uwavaawan ziyamaw? 38kazu kanini na zemanga semiya' zi pinamelri na ziday, nu ulra a trau pakanu kasamazan kema kaninku zi kananku vati mu, Alrak na trau kazu kanantu lihu ni Temamataw zi kanantu vangesar na tēnsi mukasa zuwa nu azu mu, kemazu kemasamaz kantaw.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023