Maruko 10
10
na kireeman za panadam kana meretra' za 'azin na vavayan
(Matay 19.1-2; Luka 16.18)
1muveruk i Yēsu kanizu na kinazuwan zuwa i Yodaya kana pinidare'an, melavat kana Yorudan na zinanuman. na zinekalranan masasalr ziya muwazuk kantaw i kazu, zi kemazu panadam kanazu i intaw.
2ulra papida na Palisay na trau zuwa kirepana'uwa kani Yēsu, maranger pakakuwatreng kantaw, zi kiyumalr kantaw: <<'alrazi rengayaw mi, nanta kuret paturus kana 'azin na ma'inayan meretra' 'ematelr kanantu 'azin na vavayan ziyamaw?>>
3tu veneliyas kiyumalr ni Yēsu: <<tu seratr ni Mosē eman kema marengay ziyamaw?>>
4temuvang nazu: <<i Mosē muwai paturus kana 'azin na ma'inayan venavalray za pararetra' na valray veray kana 'azin na vavayan, zi karuwa meretra' 'ematelr kantaw.>>
5i Yēsu marengay kanazu: <<i Mosē venavalray veray kanmu kanini na saya na kuret 'alrana kamatru'ayan nanmu anger. 6mawmu a melrivak, a parevuwa' demaway i punapunan mu, na Viruwa i itras demaway za trau, ulra na ma'inayan ulra na vavayan; 7mawna kemani na trau mu kiruwaaday kana ma'izangan, mukasa kana 'azin na vavayan#10.7 ulra pidaya na awatranan lulun iniyan za <<mararekep mare'azin>>., 8na zazuwa mutu sazazekan. nu maw kemani mu, na mare'azin amelri lra zazuwa na trau, mawna sazazekan lra. 9semeneng, na pinarepa'uwa na Viruwa i itras mu, na trau 'azi parewadaday.>>
10mareveliyas nazu mukuwa i savak kana ruma' mu, kiyumalra ziya na temakesi kanini na lremak. 11marengay i Yēsu kanazu: <<na ma'inayan ziyan meretra' 'ematelr kanantu 'azin na vavayan, zi masalr mukuwa mi'azina za zuma za vavayan mu, mawna pamelri semiya', veneliyas kanantu 'azin na vavayan; 12na 'azin na vavayan nu meretra' 'ematelr kanantu 'azin na ma'inayan, masalr ziya mukuwa mi'azina kana zuma na trau mu, kemazu maw pamelri semiya'.>>
i Yēsu 'emaperez kana lralrak
(Matay 19.13-15; Luka 18.15-17)
13ulra papida a trau murung za alrak zuwa kirepana'uwa kani Yēsu, padikes kani Yēsu nazu; mawmu na temakesi maselru kanazu na trau. 14mena'u lra i Yēsu zi 'ilremes, marengay kana temakesi: <<pazuwayu na lralrak kaninku i kani, amanan na tala'aw nazu, 'alrana zinekalranan kana kanatal na Viruwa i itras mu penauwa maw na kamawan kanazu kemani na trau. 15patuangeru i inmu, na 'azi kamawan kana lralrak zuwa kituluz za pinitrepa tu kezang na Viruwa i itras na trau mu, ka'azi'aziyan karuwa mutu zinekalranan kantaw.>> 16kemazu zi mava kana alrak i intaw, kemasaesa mapelras kanazu, zi 'emaperez kanazu.
tu kakuwalengan na miyaeman na tawki
(Matay 19.16-30; Luka 18.18-30)
17a maw ziya mudadalan i Yēsu mu, ulra sasa a trau pavekas zuwa, malrituzu i ngawayan kantaw, kiyumalr kantaw: <<na mi'inavayan na sinsi, kemudaya ku zi karuwa ku kiveray kana uwavaawan munayun awa?>>
18kiyumalr kantaw i Yēsu: <<kemuda zi kema u kaninku za mi'inavayan ziyamaw? mawmau na Viruwa i itras a sasa na pakazuma, iniyan lra za mi'inavayan. 19'azi u ka'azi malrazam kananni na kuret: <ipiyanatray za trau; isasiya'; itratrakaw; ivavetra' wasay; i'uwali'ulid pakakuwatreng; kirungetru mena'u na ma'izangan.> >>
20tumuvang izu na trau: <<sinsi, ini na kuret peniya miturus ku lra kemay kinamakitengan.>>
21tremeketrek mena'u i Yēsu kantaw, salaw sahar kantaw, zi marengay: <<'azi u ziya penauwa za saya. uwa trima'an nannu piniemanan ziya, verayan na paisu kana kalramalraman na trau, zi kaulra nannu inepetr na piniemanan i itras; kemazu zi alamu kurelrang kaninku.>> 22a kinger izu na trau kanini na ngay mu, muvalis nantu mudingan, zi sipeleng muveruk lra, 'alrana salaw miyaeman i intaw.
23i Yēsu mena'u i tarawalran zi i tarawiri kana temakesi, marengay kanazu: <<na mipaisuwan na trau utu zinekalranan kana kanatal na Viruwa i itras mu kemuda kana kakuwalengan a!>>
24na temakesi pakumelri kanini kanantu ngay; mawmu masalr ziya marengay i Yēsu: <<lralrak a, mutu zinekalranan kana kanatal na Viruwa i itras mu kemudakuda kana kakuwalengan a! 25na mipaisuwan na trau nu utu zinekalranan kana kanatal na Viruwa i itras mu, marakakuwalengan kana rakuda za mulisek kana vuwang na daum!>>
26a azu, na temakesi puwapuwa mare'alav, marekiyumaumalr: <<nu kema ta mu, ulra i eman na karuwa muvaaw ziyamaw?>>
27tremeketrek mena'u i Yēsu kanazu, marengay: <<na trau maw 'azi maruwa, 'azi kemazu na Viruwa i itras; 'alrana kana Viruwa i itras, maruwa za eman ziyan.>>
28pakalusu mu marengay i Pētēro: <<na'uwi, mi retra'anay na eman ziyan zuwa kurelranga kannu lra.>>
29marengay i Yēsu kanazu: <<ai, penatezelra ku marengay kanmu, na muramawan kaninku zi za fukuing meretra' za ruma', wadadiyan, ma'izangan, alrak, zi 'uma mu, 30'azika'azi marasazusazu nantu kiniveray i punapunan haram. uri kiyaveray i intaw za pinakasaleman za ruma', wadadiyan, ma'izangan, alrak, zi za 'uma, pawnung kikuwatreng; zi nu aziyu lra mu, uri kiyaveray za uwavaawan munayun i intaw. 31mawmu, kazuwan na kazu i ngawayan mu, uri kaazu i likuzan; na kazu i likuzan mu, uri kaazu i ngawayan.>>
i Yēsu karetatelun putralri marengay kanantu kiyanatrayan
(Matay 20.17-19; Luka 18.31-34)
32nazu a makuwa i Yērusalem i dadalan mu, kazu i iyangawayan kemakawang i Yēsu. herenarenas i anger na temakesi; na zuma na kurelrang na trau mu makaud mapiya. i Yēsu masalr ziya tu pilralrangaw na papulu' zi zazuwa na sito mukuwa i saninin, marengay kanazu kana uri uwapana na lremak kantaw i zazek. 33marengay i intaw: <<na'uwi a, harem makuwa ta i Yērusalem. Alrak na trau uri trima'anay veray kana ma'izang na rahan zi na sinsi kana Sēsiyo; nazu tu i sayvangaw i intaw za kiyanatrayan, zi tatuluzanay veray kana sizumayan na trau i intaw. 34tu i tariyaemanaw i intaw, tatamayay i intaw, melrepit kantaw, pawnung piyanatray kantaw; katelu wari mu, kavavaaw i intaw.>>
kiyami ni Yakob zi i Yohanē
(Matay 20.20-28)
35tu alrak ni Zēbēdē i Yakob zi i Yohanē zuwa kirepana'uwa kani Yēsu, marengay: <<sinsi, ulra a saya naniyam kiyami, kiyalriman za muwai u.>>
36kiyumalr i Yēsu: <<kakudayanay mi za eman kema mu?>>
37temuvang nazu: <<nu kemayan u kana milihu penazangal na kakayanan mu, 'alrazi pakayanaw mi mukasa kannu, na sasa kazuwa i tarawalran kannu, na sasa kazuwa i tarawiri kannu.>>
38marengay i Yēsu kanazu: <<'azi mu malrazam za eman nanmu kiniyaami. nanku 'a'awan na 'apelrin na takilr, karuwa mu 'emaw ziyamaw? nanku kiyasuwapan mu, karuwa mu kisuwap ziyamaw?>>
39temuvang nazu: <<karuwa mi!>>
marengay i Yēsu: <<nanku 'a'awan na takilr, maw nanmu 'a'awan, nanku kiyasuwapan, maw kiyatuluz mu; 40mawmu i eman na kararuwa kemayan i tarawalran i tarawiri kaninku mu, mawmu amelri i inku na kararuwa kemuret. nanni na kakayanan, na Viruwa i itras penadang veray kani eman, zi vaveray kani eman.>>
41na zuma na papulu' na temakesi kinger kanini na lremak mu, 'azi semangal kani Yakob zi i Yohanē. 42mawna kemani, i Yēsu tu puwazukaw nazu i ngawayan kantaw, marengay kanazu: <<malrazam mu, i punapunan nazu maw na demadikes kema na mikezang menana'u kemirungetr kana zinekalranan, na kemakezeng kemazu mikezang putrepa pakarun kana zinekalranan. 43mawmu, amelri mu kemani. kanmu i savakan i eman na utu ma'izang mu, i eman na utu pakarunan kanmu; 44i eman na maranger kazu i ngawayan mu, i eman na utu kuli kana zinekalranan. 45'alrana Alrak na trau amelri zuwa kitara za trau, mawna zuwa temara kana trau, pawnung mawili za venaaw kana trau mapiya zi semunan kanantu uwavaawan.>>
paka'inava kana mavutri' i Patimay
(Matay 20.29-34; Luka 18.35-43)
46a zuwa i Yēliko nazu. i Yēsu zi tu temakesi zi na salepun na trau a muveruk i Yēliko mu, ulra sasa a mavutri' alrak ni Timay i Patimay, kazu kemayan i ngaydiran kana dalan kiyaveray za maderu. 47i intaw a kinger za maw na Nazalē i Yēsu, zi 'emuy'uy marengay: <<na Alrak ni Davidē i Yēsu a, kalramanaw ku a!>>
48kazuwan na trau maselru kantaw, apapeng tu kuwayaw. mawmu marekatamuni 'emuy'uy i intaw: <<na Alrak ni Davidē a, kalramanaw ku a!>>
49zi maziyazi i Yēsu, marengay: <<alamu kuwayu i intaw.>>
zi marengay nazu kana mavutri' na trau: <<amanan na mavangavang, karahan, venavina i intaw kannu a!>>
50na mavutri' payas 'ematelr kanantu kaytu, menekun, kemakawang mukuwa kani Yēsu i ngawayan.
51kiyumalr i Yēsu kantaw: <<kakudayanay ku za eman kema u kaninku?>>
temuvang na mavutri': <<sinsi, maruwaya ku mena'u!>>
52marengay i Yēsu: <<uwa lra, paka'inava lra kannu nannu pakutatena'an.>>
na mavutri' payas maruwa mena'u, zi kurelrang kani Yēsu muveruk lra.
Currently Selected:
Maruko 10: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Maruko 10
10
na kireeman za panadam kana meretra' za 'azin na vavayan
(Matay 19.1-2; Luka 16.18)
1muveruk i Yēsu kanizu na kinazuwan zuwa i Yodaya kana pinidare'an, melavat kana Yorudan na zinanuman. na zinekalranan masasalr ziya muwazuk kantaw i kazu, zi kemazu panadam kanazu i intaw.
2ulra papida na Palisay na trau zuwa kirepana'uwa kani Yēsu, maranger pakakuwatreng kantaw, zi kiyumalr kantaw: <<'alrazi rengayaw mi, nanta kuret paturus kana 'azin na ma'inayan meretra' 'ematelr kanantu 'azin na vavayan ziyamaw?>>
3tu veneliyas kiyumalr ni Yēsu: <<tu seratr ni Mosē eman kema marengay ziyamaw?>>
4temuvang nazu: <<i Mosē muwai paturus kana 'azin na ma'inayan venavalray za pararetra' na valray veray kana 'azin na vavayan, zi karuwa meretra' 'ematelr kantaw.>>
5i Yēsu marengay kanazu: <<i Mosē venavalray veray kanmu kanini na saya na kuret 'alrana kamatru'ayan nanmu anger. 6mawmu a melrivak, a parevuwa' demaway i punapunan mu, na Viruwa i itras demaway za trau, ulra na ma'inayan ulra na vavayan; 7mawna kemani na trau mu kiruwaaday kana ma'izangan, mukasa kana 'azin na vavayan#10.7 ulra pidaya na awatranan lulun iniyan za <<mararekep mare'azin>>., 8na zazuwa mutu sazazekan. nu maw kemani mu, na mare'azin amelri lra zazuwa na trau, mawna sazazekan lra. 9semeneng, na pinarepa'uwa na Viruwa i itras mu, na trau 'azi parewadaday.>>
10mareveliyas nazu mukuwa i savak kana ruma' mu, kiyumalra ziya na temakesi kanini na lremak. 11marengay i Yēsu kanazu: <<na ma'inayan ziyan meretra' 'ematelr kanantu 'azin na vavayan, zi masalr mukuwa mi'azina za zuma za vavayan mu, mawna pamelri semiya', veneliyas kanantu 'azin na vavayan; 12na 'azin na vavayan nu meretra' 'ematelr kanantu 'azin na ma'inayan, masalr ziya mukuwa mi'azina kana zuma na trau mu, kemazu maw pamelri semiya'.>>
i Yēsu 'emaperez kana lralrak
(Matay 19.13-15; Luka 18.15-17)
13ulra papida a trau murung za alrak zuwa kirepana'uwa kani Yēsu, padikes kani Yēsu nazu; mawmu na temakesi maselru kanazu na trau. 14mena'u lra i Yēsu zi 'ilremes, marengay kana temakesi: <<pazuwayu na lralrak kaninku i kani, amanan na tala'aw nazu, 'alrana zinekalranan kana kanatal na Viruwa i itras mu penauwa maw na kamawan kanazu kemani na trau. 15patuangeru i inmu, na 'azi kamawan kana lralrak zuwa kituluz za pinitrepa tu kezang na Viruwa i itras na trau mu, ka'azi'aziyan karuwa mutu zinekalranan kantaw.>> 16kemazu zi mava kana alrak i intaw, kemasaesa mapelras kanazu, zi 'emaperez kanazu.
tu kakuwalengan na miyaeman na tawki
(Matay 19.16-30; Luka 18.18-30)
17a maw ziya mudadalan i Yēsu mu, ulra sasa a trau pavekas zuwa, malrituzu i ngawayan kantaw, kiyumalr kantaw: <<na mi'inavayan na sinsi, kemudaya ku zi karuwa ku kiveray kana uwavaawan munayun awa?>>
18kiyumalr kantaw i Yēsu: <<kemuda zi kema u kaninku za mi'inavayan ziyamaw? mawmau na Viruwa i itras a sasa na pakazuma, iniyan lra za mi'inavayan. 19'azi u ka'azi malrazam kananni na kuret: <ipiyanatray za trau; isasiya'; itratrakaw; ivavetra' wasay; i'uwali'ulid pakakuwatreng; kirungetru mena'u na ma'izangan.> >>
20tumuvang izu na trau: <<sinsi, ini na kuret peniya miturus ku lra kemay kinamakitengan.>>
21tremeketrek mena'u i Yēsu kantaw, salaw sahar kantaw, zi marengay: <<'azi u ziya penauwa za saya. uwa trima'an nannu piniemanan ziya, verayan na paisu kana kalramalraman na trau, zi kaulra nannu inepetr na piniemanan i itras; kemazu zi alamu kurelrang kaninku.>> 22a kinger izu na trau kanini na ngay mu, muvalis nantu mudingan, zi sipeleng muveruk lra, 'alrana salaw miyaeman i intaw.
23i Yēsu mena'u i tarawalran zi i tarawiri kana temakesi, marengay kanazu: <<na mipaisuwan na trau utu zinekalranan kana kanatal na Viruwa i itras mu kemuda kana kakuwalengan a!>>
24na temakesi pakumelri kanini kanantu ngay; mawmu masalr ziya marengay i Yēsu: <<lralrak a, mutu zinekalranan kana kanatal na Viruwa i itras mu kemudakuda kana kakuwalengan a! 25na mipaisuwan na trau nu utu zinekalranan kana kanatal na Viruwa i itras mu, marakakuwalengan kana rakuda za mulisek kana vuwang na daum!>>
26a azu, na temakesi puwapuwa mare'alav, marekiyumaumalr: <<nu kema ta mu, ulra i eman na karuwa muvaaw ziyamaw?>>
27tremeketrek mena'u i Yēsu kanazu, marengay: <<na trau maw 'azi maruwa, 'azi kemazu na Viruwa i itras; 'alrana kana Viruwa i itras, maruwa za eman ziyan.>>
28pakalusu mu marengay i Pētēro: <<na'uwi, mi retra'anay na eman ziyan zuwa kurelranga kannu lra.>>
29marengay i Yēsu kanazu: <<ai, penatezelra ku marengay kanmu, na muramawan kaninku zi za fukuing meretra' za ruma', wadadiyan, ma'izangan, alrak, zi 'uma mu, 30'azika'azi marasazusazu nantu kiniveray i punapunan haram. uri kiyaveray i intaw za pinakasaleman za ruma', wadadiyan, ma'izangan, alrak, zi za 'uma, pawnung kikuwatreng; zi nu aziyu lra mu, uri kiyaveray za uwavaawan munayun i intaw. 31mawmu, kazuwan na kazu i ngawayan mu, uri kaazu i likuzan; na kazu i likuzan mu, uri kaazu i ngawayan.>>
i Yēsu karetatelun putralri marengay kanantu kiyanatrayan
(Matay 20.17-19; Luka 18.31-34)
32nazu a makuwa i Yērusalem i dadalan mu, kazu i iyangawayan kemakawang i Yēsu. herenarenas i anger na temakesi; na zuma na kurelrang na trau mu makaud mapiya. i Yēsu masalr ziya tu pilralrangaw na papulu' zi zazuwa na sito mukuwa i saninin, marengay kanazu kana uri uwapana na lremak kantaw i zazek. 33marengay i intaw: <<na'uwi a, harem makuwa ta i Yērusalem. Alrak na trau uri trima'anay veray kana ma'izang na rahan zi na sinsi kana Sēsiyo; nazu tu i sayvangaw i intaw za kiyanatrayan, zi tatuluzanay veray kana sizumayan na trau i intaw. 34tu i tariyaemanaw i intaw, tatamayay i intaw, melrepit kantaw, pawnung piyanatray kantaw; katelu wari mu, kavavaaw i intaw.>>
kiyami ni Yakob zi i Yohanē
(Matay 20.20-28)
35tu alrak ni Zēbēdē i Yakob zi i Yohanē zuwa kirepana'uwa kani Yēsu, marengay: <<sinsi, ulra a saya naniyam kiyami, kiyalriman za muwai u.>>
36kiyumalr i Yēsu: <<kakudayanay mi za eman kema mu?>>
37temuvang nazu: <<nu kemayan u kana milihu penazangal na kakayanan mu, 'alrazi pakayanaw mi mukasa kannu, na sasa kazuwa i tarawalran kannu, na sasa kazuwa i tarawiri kannu.>>
38marengay i Yēsu kanazu: <<'azi mu malrazam za eman nanmu kiniyaami. nanku 'a'awan na 'apelrin na takilr, karuwa mu 'emaw ziyamaw? nanku kiyasuwapan mu, karuwa mu kisuwap ziyamaw?>>
39temuvang nazu: <<karuwa mi!>>
marengay i Yēsu: <<nanku 'a'awan na takilr, maw nanmu 'a'awan, nanku kiyasuwapan, maw kiyatuluz mu; 40mawmu i eman na kararuwa kemayan i tarawalran i tarawiri kaninku mu, mawmu amelri i inku na kararuwa kemuret. nanni na kakayanan, na Viruwa i itras penadang veray kani eman, zi vaveray kani eman.>>
41na zuma na papulu' na temakesi kinger kanini na lremak mu, 'azi semangal kani Yakob zi i Yohanē. 42mawna kemani, i Yēsu tu puwazukaw nazu i ngawayan kantaw, marengay kanazu: <<malrazam mu, i punapunan nazu maw na demadikes kema na mikezang menana'u kemirungetr kana zinekalranan, na kemakezeng kemazu mikezang putrepa pakarun kana zinekalranan. 43mawmu, amelri mu kemani. kanmu i savakan i eman na utu ma'izang mu, i eman na utu pakarunan kanmu; 44i eman na maranger kazu i ngawayan mu, i eman na utu kuli kana zinekalranan. 45'alrana Alrak na trau amelri zuwa kitara za trau, mawna zuwa temara kana trau, pawnung mawili za venaaw kana trau mapiya zi semunan kanantu uwavaawan.>>
paka'inava kana mavutri' i Patimay
(Matay 20.29-34; Luka 18.35-43)
46a zuwa i Yēliko nazu. i Yēsu zi tu temakesi zi na salepun na trau a muveruk i Yēliko mu, ulra sasa a mavutri' alrak ni Timay i Patimay, kazu kemayan i ngaydiran kana dalan kiyaveray za maderu. 47i intaw a kinger za maw na Nazalē i Yēsu, zi 'emuy'uy marengay: <<na Alrak ni Davidē i Yēsu a, kalramanaw ku a!>>
48kazuwan na trau maselru kantaw, apapeng tu kuwayaw. mawmu marekatamuni 'emuy'uy i intaw: <<na Alrak ni Davidē a, kalramanaw ku a!>>
49zi maziyazi i Yēsu, marengay: <<alamu kuwayu i intaw.>>
zi marengay nazu kana mavutri' na trau: <<amanan na mavangavang, karahan, venavina i intaw kannu a!>>
50na mavutri' payas 'ematelr kanantu kaytu, menekun, kemakawang mukuwa kani Yēsu i ngawayan.
51kiyumalr i Yēsu kantaw: <<kakudayanay ku za eman kema u kaninku?>>
temuvang na mavutri': <<sinsi, maruwaya ku mena'u!>>
52marengay i Yēsu: <<uwa lra, paka'inava lra kannu nannu pakutatena'an.>>
na mavutri' payas maruwa mena'u, zi kurelrang kani Yēsu muveruk lra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023