Matay 13
13
na paruwalruwan kana 'emapiyar
(Maruko 4.1-9; Luka 8.4-8)
1mararesan kana wari, muveruk lra i Yēsu kana ruma', mukuwa i ngaydiran kana danaw, kemayan. 2na mulepun na trau zuwa muwazuka kantaw i ngawayan, semeneng muitras za saya kana tamina, kemayan; na zinekalranan kazu matikezir makangaydiran kana danaw. 3zi mimanay i intaw za paruwalruwan venavati kanazu za sazu a lremak.
marengay i intaw: <<ulra a sasa na 'ema'apiyar mupatraran mukuwa 'emapiyara. 4a 'emapiyar i intaw mu, ulra na 'apiyar mutani i ngaydiran kana dalan, muvii zuwa na 'ayam tu ekanaw lra nazu. 5ulra a zuma mutani kana apana na dare' i itras kana varasarasa', 'alrana 'azi pasavak na dare', zi dika temelriyu; 6mawmu nu mupana na kadaw, tu kadaway na sever zi marum lra; zi 'alrana 'azi pasavak merami, zi marum lra. 7ulra zuma mutani kana su'asu'ar i savakan, nu ma'a'izang na su'asu'ar, tu lrikutraw na sever lra. 8ulra na zuma na 'apiyar mutani kana 'inava na dare', ma'izang zi mivuwa', mare'ani mu ulra na pinakasaleman, ulra na pinakamakanemen, zi ulra na pinakamakatelun.>>
9kemazu zi marengay i Yēsu: <<na mitralinga mu, kingeri mapiya a!>>
na paruwalru tu pauwayan
(Maruko 4.10-12; Luka 8.9-10)
10na temakesi zuwa kirepana'uwa kani Yēsu, kiyumalr kantaw: <<kemuda zi nu venavati u kana zinekalranan mu nu pakalranganay peniya za paruwalruwan awa?>>
11temuvang i Yēsu: <<na kireeman kana kanatal i itras na asavak muvulri na kalrazaman iveray lra kanmu, 'azi iveray kanazu. 12'alranu izu na ulra lra mu, vaveray kantaw za marasazu, merevawa i intaw zi misama'; izu na iniyan mu, arusay na ulra kantaw na saema mu 'a'araway melak peniya. 13muramawan kanini na nirekudayan, ku paruwalruwanay marengay kanazu; 'alrana mena'u nazu mu 'azi mena'u, kinger mu 'azi putralinga, zi 'azi patulre'ay malrazam. 14tu pinutralri marengay ni Isaya penauwa mula'esi kanazu; marengay i intaw:
ini na zinekalranan kinger lra zi masasalr kinger, mawmu 'azi patulre'ay malrazam;
mena'u lra zi masasalr mena'u, mawmu 'azi mena'u.
15'alrana 'azi mukitruwalr tu anger nazu,
muputut lra na tralinga,
palrupe'aw na matra.
nu 'azi mu, nana'u tu matra nazu,
zi kiyaanger na tralinga,
marulrazam za anger, marevelaliyas muasalr za anger,
zi ku i paka'inavayaw nazu.
16<<mawmu maw mu na mika'inavayan! 'alrana mena'u nanmu matra, kiyaanger nanmu tralinga. 17penatezelra ku marengay kanmu, ulra a kazuwan na patralritralri zi na 'iyanavayan na trau maranger mena'u kananmu nina'uwan, mawmu 'azi pakana'u; maranger kinger kananmu kiningeran mu, kemazu 'azi pakakinger.>>
venavati tu pauwayan za paruwalruwan kana 'emapiyar
(Maruko 4.13-20; Luka 8.11-15)
18<<semeneng, malrazama mu kanini na paruwalruwan kana 'emapiyar tu pauwayan. 19izu na kinger lra kana vati na kanatal i itras zi 'azi malrazam na trau mu kamawan kana mu'apiyar i ngaydiran kana dadalan na 'apiyar, zuwa izu na kuwatrengan na trau mu, na 'inapiyar kantaw i anger na vati mu tu 'araway melak peniya lra. 20izu na 'inapiyar i varasarasa' na 'apiyar kema kana trau za kinger lra kana vati mu, payas semangal kituluz, 21mawmu 'azi pasavak merami, 'azi maruwa patrutru sawariyan, nu muramawan kana vati zi muelep kana kuwaatrengan zi za kemuwatreng mu, payas meretra' 'ematelr. 22izu na 'inapiyar i su'asu'ar i savakan na 'apiyar mu kema kana trau nu kinger za vati i likuzan mu, na mavangavang i wayway zi za tu iyakezeng kana piniemanan paziyazi lra kanantu iyavaaw na vati, 'azi maruwa mivuwa'. 23izu na 'inapiyar kana 'inava na dare' i savakan na 'apiyar mu kema kana trau na kinger za vati mu, zi marulrazam lra; mivuwa' i intaw, mare'ani mu ulra na pinakasaleman, ulra na pinakamakanemen, ulra na pinakamakatelun.>>
na paruwalruwan kana palraus
24i Yēsu marengay za zuma a saya za paruwalruwan kanazu: <<na kanatal i itras kamawan za ulra a trau 'emapiyar kana 'inava na 'apiyar i 'uma. 25a alrupe' mapiya mu, zuwa lra na 'alra, tu 'apiyaranay na palraus kana emi i savakan, zi muveruk lra. 26palru za ma'izang lra na emi mivusisi mu, zi mupana lra na palraus. 27tu pakarunan na tawki zuwa zi marengay: <tawki, nu 'inapiyar i 'uma mu maw a 'inava na 'apiyar, nanni na palraus mu kemay i iyaiyan awa?> 28temuvang i intaw: <ini maw tu parekuda na 'alra.> zi kiyumalr nazu: <maranger u papauwa kaniyam pazulrutr kana palraus ziyamaw?> 29marengay i intaw: <'azi! 'alrana nu zemulrutr mu kana palraus mu, makaud ta za kurelrang muzulrutr na emi lra. 30na emi parelrangaw kana palraus mukasa ma'izang; nu mare'ani mu, ku i patalruway na mara'ani na trau tu piyanguwayanaw zemulrutr kana palraus, vetu'aw venatri', zi melrasez kana emi, epetraw lrasezaw kananku 'alili.> >>
na paruwalruwan kana karasina na 'apiyar
(Maruko 4.30-32; Luka 13.18-19)
31i Yēsu marengay kanazu za zuma a saya za paruwalruwan: <<na kanatal i itras kamawan za saya 'apiyar na karasina, tu salemanay i 'uma za trau. 32ini na 'apiyar maramakiteng kana 'apiyar ziyan, anu mukuwa ma'izanga mu marama'izang kana kulang ziyan; mutu saya kawi, arusay na 'ayam kazu kanantu sa'az demaway za ruvu.>>
na paruwalruwan kana paresasemak kana 'emu
(Luka 13.20-21)
33i Yēsu marengay lra za zuma a saya paruwalruwan: <<na kanatal i itras kamawan za paresasemak kana 'emu, ulra a sasa vavayan melak zi tu puwayanay kana makapetelr vising na 'emu i savakan, paresemakaw peniya na ininu' na 'emu.>>
mimanay za paruwalruwan
(Maruko 4.33-34)
34i Yēsu manay za paruwalruwan venavati kana zinekalranan kanini peniya; nu 'azi manay za paruwalruwan mu, 'azi lra marenagay za eman kanazu i intaw. 35kemani kemakuda i intaw mu penauwa pula'esi lra kanantu nirengayan na patralritralri: <<maanay ku za paruwalruwan venavati kanazu, marengay kanazu a melrivak mudaway i punapunan na muvulri na lremak.>>
venavati za pauwayan kana palraus tu paruwalruwan
36muwaday kana zinekalranan i Yēsu, musavak kana ruma'. zuwa ziya kiyumalra tu temakesi: <<'alrazi rengayaw mi, ini na paruwalruwan kana palraus i 'uma mu a eman tu pauwayan?>>
37marengay i Yēsu: <<izu na 'emapiyar kana 'inava na 'apiyar mu maw Alrak na trau; 38na 'uma mu maw ini na punapunan; na 'inava na 'apiyar mu maw na muravak kana kanatal i itras na trau; na palraus mu maw na muravak kanizu na kuwatrengan na trau; 39na 'emapiyar kana palraus tu 'alra mu mawna palrar; nu kara'aniyan mu maw nantu uwalremesan i kani punapunan; na mare'ani na kiyakarun mu maw na tēnsi. 40meredek lra kana uwalremesan i kani punapunan harem, na kemuwatreng na trau mu kamawan kana palraus kizulrutr pupana, 'atelranay kana apuy i savakan venatri'. 41Alrak na trau pakakarun kanantu tēnsi, 'evangaw mapiya kanantu kanatal i savakan nazu na kemezeng za trau pupamelri zi na kemuwaatreng ziya, 42'atelranay kana apuy i savakan. kaazu i kazu, tratrangis nazu, pakakaratr za walri. 43nu azu mu, na patezelr na trau kaazu kana kanatal ni Ama i itras, uri kamawan kana kadaw pasasenan. na mitralinga mu, kingeri mapiya a!>>
na paruwalruwan kana vinulri na pazangal na eman
44<<na kanatal i itras kamawan kana pazangal na pinieman vinulri i 'uma. ulra a trau malrazam lra, zi tu suvukaw, kamazu zi kasemangalan zi tu trima'anay lra tu pinieman ziya i intaw, mukuwa tremima'a kanizu na 'uma.>>
na paruwalruwan kana sinziyu
45<<na kanatal i itras kamuwan ziya za sasa kana tremiyamatrima' na trau maaya' kana pazangal na sinziyu. 46a atrevung lra za saya kana salaw pazangal na sinziyu mu, zi tu trima'anay tu pinieman ziya, zuwa tremima'a kanizu na sinziyu.
na paruwalruwan kana temavukulr
47<<na kanatal i itras kamawan ziya kana temavukulr i danaw, kivavulaw kana marekamelrimelri na vulraw. 48nu matemuy na tavukulr mu, na kivavulraw tu kezengaw puitras, kemayan i kaitrasan kana dare' zi penalimi' semaseneng, palimi'aw na 'inava puwa i patang, 'atelranay na kuwatreng. 49uwalremesan i punapunan harem kuwaani: uwapatraran na tēnsi, kemay kana 'inava na trau i savakan senengaw pupana na kuwatreng na trau, 50vulru'anay kana apuy i savakan. kaazu i kazu, tratrangis nazu, pakakaratr za walri.>>
na vekal zi na awatran
51kiyumalr i Yēsu kanazu: <<malrazam mu kananni na ngay peniya ziyamaw?>>
temuvang nazu: <<malrazam peniya.>>
52marengay i Yēsu: <<kema ta mu, na sinsi kana Sēsiyo kurisaesa mutu temakesi kana kanatal i itras, maw kamawan kana ma'izang i ruma' kemay kanantu 'alili makutr pupana kana vekal zi na awatran na eman.>>
kikarasak i Yēsu i Nazalē
(Maruko 6.1-6; Luka 4.16-30)
53piya marengay i Yēsu kanini na paruwalruwan mu, muveruk kanizu na kinazuwan, 54muruma' kanantu kazekalran i intaw. kazu i waazukan ruma' panadam kana trau i intaw, na kinger na trau mu salaw maherareher mapiya, marengay: <<melak kemay i iyan i intaw a kemani na sayhuwan? zi pupana ziya za karepalripalri i intaw awa! 55ini na trau amelri alrak na daykusang ziyamaw? i tainataw amelri i Maliya ziyamaw? i Yakob, Yosēf, Simon, zi i Yoda amelri waditaw na ma'inayan mapiya ziyamaw? 56na waditaw na vavayan mu amelri kaazu mapiya i kani kanta ziyamaw? tu i kasayhuwan ini peniya mu kemay i iyan awa?>> 57kemazu ziyanay marasak kantaw nazu.
marengay i Yēsu kanazu: <<na patralritralri kazu kana kazekalran, na ruma' i panayan salaw kikaira za trau.>> 58'alrana 'azi pakutatena' nazu, i intaw 'azi pupana za sazu a karepalripalri i kazu.
Currently Selected:
Matay 13: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 13
13
na paruwalruwan kana 'emapiyar
(Maruko 4.1-9; Luka 8.4-8)
1mararesan kana wari, muveruk lra i Yēsu kana ruma', mukuwa i ngaydiran kana danaw, kemayan. 2na mulepun na trau zuwa muwazuka kantaw i ngawayan, semeneng muitras za saya kana tamina, kemayan; na zinekalranan kazu matikezir makangaydiran kana danaw. 3zi mimanay i intaw za paruwalruwan venavati kanazu za sazu a lremak.
marengay i intaw: <<ulra a sasa na 'ema'apiyar mupatraran mukuwa 'emapiyara. 4a 'emapiyar i intaw mu, ulra na 'apiyar mutani i ngaydiran kana dalan, muvii zuwa na 'ayam tu ekanaw lra nazu. 5ulra a zuma mutani kana apana na dare' i itras kana varasarasa', 'alrana 'azi pasavak na dare', zi dika temelriyu; 6mawmu nu mupana na kadaw, tu kadaway na sever zi marum lra; zi 'alrana 'azi pasavak merami, zi marum lra. 7ulra zuma mutani kana su'asu'ar i savakan, nu ma'a'izang na su'asu'ar, tu lrikutraw na sever lra. 8ulra na zuma na 'apiyar mutani kana 'inava na dare', ma'izang zi mivuwa', mare'ani mu ulra na pinakasaleman, ulra na pinakamakanemen, zi ulra na pinakamakatelun.>>
9kemazu zi marengay i Yēsu: <<na mitralinga mu, kingeri mapiya a!>>
na paruwalru tu pauwayan
(Maruko 4.10-12; Luka 8.9-10)
10na temakesi zuwa kirepana'uwa kani Yēsu, kiyumalr kantaw: <<kemuda zi nu venavati u kana zinekalranan mu nu pakalranganay peniya za paruwalruwan awa?>>
11temuvang i Yēsu: <<na kireeman kana kanatal i itras na asavak muvulri na kalrazaman iveray lra kanmu, 'azi iveray kanazu. 12'alranu izu na ulra lra mu, vaveray kantaw za marasazu, merevawa i intaw zi misama'; izu na iniyan mu, arusay na ulra kantaw na saema mu 'a'araway melak peniya. 13muramawan kanini na nirekudayan, ku paruwalruwanay marengay kanazu; 'alrana mena'u nazu mu 'azi mena'u, kinger mu 'azi putralinga, zi 'azi patulre'ay malrazam. 14tu pinutralri marengay ni Isaya penauwa mula'esi kanazu; marengay i intaw:
ini na zinekalranan kinger lra zi masasalr kinger, mawmu 'azi patulre'ay malrazam;
mena'u lra zi masasalr mena'u, mawmu 'azi mena'u.
15'alrana 'azi mukitruwalr tu anger nazu,
muputut lra na tralinga,
palrupe'aw na matra.
nu 'azi mu, nana'u tu matra nazu,
zi kiyaanger na tralinga,
marulrazam za anger, marevelaliyas muasalr za anger,
zi ku i paka'inavayaw nazu.
16<<mawmu maw mu na mika'inavayan! 'alrana mena'u nanmu matra, kiyaanger nanmu tralinga. 17penatezelra ku marengay kanmu, ulra a kazuwan na patralritralri zi na 'iyanavayan na trau maranger mena'u kananmu nina'uwan, mawmu 'azi pakana'u; maranger kinger kananmu kiningeran mu, kemazu 'azi pakakinger.>>
venavati tu pauwayan za paruwalruwan kana 'emapiyar
(Maruko 4.13-20; Luka 8.11-15)
18<<semeneng, malrazama mu kanini na paruwalruwan kana 'emapiyar tu pauwayan. 19izu na kinger lra kana vati na kanatal i itras zi 'azi malrazam na trau mu kamawan kana mu'apiyar i ngaydiran kana dadalan na 'apiyar, zuwa izu na kuwatrengan na trau mu, na 'inapiyar kantaw i anger na vati mu tu 'araway melak peniya lra. 20izu na 'inapiyar i varasarasa' na 'apiyar kema kana trau za kinger lra kana vati mu, payas semangal kituluz, 21mawmu 'azi pasavak merami, 'azi maruwa patrutru sawariyan, nu muramawan kana vati zi muelep kana kuwaatrengan zi za kemuwatreng mu, payas meretra' 'ematelr. 22izu na 'inapiyar i su'asu'ar i savakan na 'apiyar mu kema kana trau nu kinger za vati i likuzan mu, na mavangavang i wayway zi za tu iyakezeng kana piniemanan paziyazi lra kanantu iyavaaw na vati, 'azi maruwa mivuwa'. 23izu na 'inapiyar kana 'inava na dare' i savakan na 'apiyar mu kema kana trau na kinger za vati mu, zi marulrazam lra; mivuwa' i intaw, mare'ani mu ulra na pinakasaleman, ulra na pinakamakanemen, ulra na pinakamakatelun.>>
na paruwalruwan kana palraus
24i Yēsu marengay za zuma a saya za paruwalruwan kanazu: <<na kanatal i itras kamawan za ulra a trau 'emapiyar kana 'inava na 'apiyar i 'uma. 25a alrupe' mapiya mu, zuwa lra na 'alra, tu 'apiyaranay na palraus kana emi i savakan, zi muveruk lra. 26palru za ma'izang lra na emi mivusisi mu, zi mupana lra na palraus. 27tu pakarunan na tawki zuwa zi marengay: <tawki, nu 'inapiyar i 'uma mu maw a 'inava na 'apiyar, nanni na palraus mu kemay i iyaiyan awa?> 28temuvang i intaw: <ini maw tu parekuda na 'alra.> zi kiyumalr nazu: <maranger u papauwa kaniyam pazulrutr kana palraus ziyamaw?> 29marengay i intaw: <'azi! 'alrana nu zemulrutr mu kana palraus mu, makaud ta za kurelrang muzulrutr na emi lra. 30na emi parelrangaw kana palraus mukasa ma'izang; nu mare'ani mu, ku i patalruway na mara'ani na trau tu piyanguwayanaw zemulrutr kana palraus, vetu'aw venatri', zi melrasez kana emi, epetraw lrasezaw kananku 'alili.> >>
na paruwalruwan kana karasina na 'apiyar
(Maruko 4.30-32; Luka 13.18-19)
31i Yēsu marengay kanazu za zuma a saya za paruwalruwan: <<na kanatal i itras kamawan za saya 'apiyar na karasina, tu salemanay i 'uma za trau. 32ini na 'apiyar maramakiteng kana 'apiyar ziyan, anu mukuwa ma'izanga mu marama'izang kana kulang ziyan; mutu saya kawi, arusay na 'ayam kazu kanantu sa'az demaway za ruvu.>>
na paruwalruwan kana paresasemak kana 'emu
(Luka 13.20-21)
33i Yēsu marengay lra za zuma a saya paruwalruwan: <<na kanatal i itras kamawan za paresasemak kana 'emu, ulra a sasa vavayan melak zi tu puwayanay kana makapetelr vising na 'emu i savakan, paresemakaw peniya na ininu' na 'emu.>>
mimanay za paruwalruwan
(Maruko 4.33-34)
34i Yēsu manay za paruwalruwan venavati kana zinekalranan kanini peniya; nu 'azi manay za paruwalruwan mu, 'azi lra marenagay za eman kanazu i intaw. 35kemani kemakuda i intaw mu penauwa pula'esi lra kanantu nirengayan na patralritralri: <<maanay ku za paruwalruwan venavati kanazu, marengay kanazu a melrivak mudaway i punapunan na muvulri na lremak.>>
venavati za pauwayan kana palraus tu paruwalruwan
36muwaday kana zinekalranan i Yēsu, musavak kana ruma'. zuwa ziya kiyumalra tu temakesi: <<'alrazi rengayaw mi, ini na paruwalruwan kana palraus i 'uma mu a eman tu pauwayan?>>
37marengay i Yēsu: <<izu na 'emapiyar kana 'inava na 'apiyar mu maw Alrak na trau; 38na 'uma mu maw ini na punapunan; na 'inava na 'apiyar mu maw na muravak kana kanatal i itras na trau; na palraus mu maw na muravak kanizu na kuwatrengan na trau; 39na 'emapiyar kana palraus tu 'alra mu mawna palrar; nu kara'aniyan mu maw nantu uwalremesan i kani punapunan; na mare'ani na kiyakarun mu maw na tēnsi. 40meredek lra kana uwalremesan i kani punapunan harem, na kemuwatreng na trau mu kamawan kana palraus kizulrutr pupana, 'atelranay kana apuy i savakan venatri'. 41Alrak na trau pakakarun kanantu tēnsi, 'evangaw mapiya kanantu kanatal i savakan nazu na kemezeng za trau pupamelri zi na kemuwaatreng ziya, 42'atelranay kana apuy i savakan. kaazu i kazu, tratrangis nazu, pakakaratr za walri. 43nu azu mu, na patezelr na trau kaazu kana kanatal ni Ama i itras, uri kamawan kana kadaw pasasenan. na mitralinga mu, kingeri mapiya a!>>
na paruwalruwan kana vinulri na pazangal na eman
44<<na kanatal i itras kamawan kana pazangal na pinieman vinulri i 'uma. ulra a trau malrazam lra, zi tu suvukaw, kamazu zi kasemangalan zi tu trima'anay lra tu pinieman ziya i intaw, mukuwa tremima'a kanizu na 'uma.>>
na paruwalruwan kana sinziyu
45<<na kanatal i itras kamuwan ziya za sasa kana tremiyamatrima' na trau maaya' kana pazangal na sinziyu. 46a atrevung lra za saya kana salaw pazangal na sinziyu mu, zi tu trima'anay tu pinieman ziya, zuwa tremima'a kanizu na sinziyu.
na paruwalruwan kana temavukulr
47<<na kanatal i itras kamawan ziya kana temavukulr i danaw, kivavulaw kana marekamelrimelri na vulraw. 48nu matemuy na tavukulr mu, na kivavulraw tu kezengaw puitras, kemayan i kaitrasan kana dare' zi penalimi' semaseneng, palimi'aw na 'inava puwa i patang, 'atelranay na kuwatreng. 49uwalremesan i punapunan harem kuwaani: uwapatraran na tēnsi, kemay kana 'inava na trau i savakan senengaw pupana na kuwatreng na trau, 50vulru'anay kana apuy i savakan. kaazu i kazu, tratrangis nazu, pakakaratr za walri.>>
na vekal zi na awatran
51kiyumalr i Yēsu kanazu: <<malrazam mu kananni na ngay peniya ziyamaw?>>
temuvang nazu: <<malrazam peniya.>>
52marengay i Yēsu: <<kema ta mu, na sinsi kana Sēsiyo kurisaesa mutu temakesi kana kanatal i itras, maw kamawan kana ma'izang i ruma' kemay kanantu 'alili makutr pupana kana vekal zi na awatran na eman.>>
kikarasak i Yēsu i Nazalē
(Maruko 6.1-6; Luka 4.16-30)
53piya marengay i Yēsu kanini na paruwalruwan mu, muveruk kanizu na kinazuwan, 54muruma' kanantu kazekalran i intaw. kazu i waazukan ruma' panadam kana trau i intaw, na kinger na trau mu salaw maherareher mapiya, marengay: <<melak kemay i iyan i intaw a kemani na sayhuwan? zi pupana ziya za karepalripalri i intaw awa! 55ini na trau amelri alrak na daykusang ziyamaw? i tainataw amelri i Maliya ziyamaw? i Yakob, Yosēf, Simon, zi i Yoda amelri waditaw na ma'inayan mapiya ziyamaw? 56na waditaw na vavayan mu amelri kaazu mapiya i kani kanta ziyamaw? tu i kasayhuwan ini peniya mu kemay i iyan awa?>> 57kemazu ziyanay marasak kantaw nazu.
marengay i Yēsu kanazu: <<na patralritralri kazu kana kazekalran, na ruma' i panayan salaw kikaira za trau.>> 58'alrana 'azi pakutatena' nazu, i intaw 'azi pupana za sazu a karepalripalri i kazu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023