Sito 5
5
i Ananiya zi Safira
1ulra zuma a sasa, i Ananiya kinuwa; i intaw zi tu 'azin i Safira tu trima'anay pidaya tu 'uma. 2tu vilinaw zuma na paisu, na sama' tu tuluzanay veray kana sito; ini na lremak tu 'azin mu muwai paturus. 3marengay i Pētēro kantaw: <<Ananiya, kemuda zi kidadikus kana satang lra nu anger, venavetra' u kana Vangesar Lu'em, vilinaw a zuma na paisu kana trima' na 'uma? 4'azi mutrima' na 'uma mu, maw ninu, nu mutrima' lra mu, zi na paisu maw ninu; kemuda zi mianger u za kemani ziyamaw? amelri u venavetra' za trau, maw venavetra' kana Viruwa i itras!>> 5i Ananiya a kinger kanini na ngay, zi mureve', minatray lra; na kinger kanini na lremak na trau mu salaw makaud mapiya. 6ulra papida a vangesaran musavak, liputraw tu zazek na minatray, 'aluwaw pupatraran tremevelr lra.
7kararuwa lra za teluwa tuki, tu 'azin na vavayan musavak zuwa, 'azi ziyan malrazam kana mupana lra na lremak. 8marengay i Pētēro kantaw: <<rengayaw ku, nanmu itrima' kana 'uma na paisu mu ulra peniya i kani ziyamaw?>>
temuvang i intaw: <<ai, ulra peniya i kani.>>
9zi marengay i Pētēro: <<kemuda zi marepaturus mu melralrimaw kana Lu'em ni Luzu ziyamaw? na'uwi, na tremevelr kanannu 'azin na trau mu ulra lra i sulrasulray, zi 'a'alu kannu pupatraran nazu!>> 10i intaw payas mureve' i kakuyan kani Pētēro, minatray lra. nazu na vangesaran musavak, mena'u kantaw za minatray lra, zi tu 'aluwaw pupatraran, trevelraw kanantu 'azin i trapingiran. 11i kiyokay peniya zi zuma na kinger kanini na lremak na trau mu salaw makaud mapiya.
na karepalripalri kirekamelri na lremak
12na sito kazu kana zinekalranan pupana lra sazu za karepalripalri kirekamelri na lremak; na ulra ziya na sinziya mukasakasa za anger muwazuk kana Solomon salripi. 13ara kemairaya kanazu na zinekalranan mu, mawmu na amelri a sinziya na trau mu makaud mudalrep kanazu. 14a azu na pakutatena' kani Luzu na trau mu marekakazuwan, ulra na ma'inayan na vavayan. 15mawna pupana lra za sazu a karepalripalri na sito, ulra a trau 'emalu kana kuwaaleng mukuwa i dadalan, tra'anay i sa'esa', lre'ap i itras, kiyalriman kani Pētēro nu melavat mu, tu 'elralriwang aatek i zazek kanazu na trau. 16ulra ziya mulepun na trau murung kana kuwaaleng zi na pinalrar na trau kemay i dalrep kana Yērusalem na kazekalran zuwa; nanni na kuwaaleng 'inava lra mapiya.
kipakakuwatreng na sito
17na tinuma'izang na rahan zi tu sevang, mawna i kazu na Satukay na trau, salaw masepelr kana sito, mawna kemani zi kemuret za kuwadakudain. 18'emvang kana sito nazu, tu imengaw i imengan. 19mawmu kana karauvan azu, na tēnsi ni Luzu tremuwalr kana 'alrevan i imengan, pupanayaw na sito, marengay kanazu: 20<<uwa i inmu, katikezir kana vangesar ruma' i savak, vavati kana zinekalranan na kireeman kanini na vekalan na uwavaawan tu pauwayan.>> 21mukinger na sito kanini na ngay, kazu a 'iyadenan musavak kana vangesar ruma', kemirakaz panadam kana trau.
na tinuma'izang na rahan zi tu sevang puwazuk kana Yodaya na ciyoro mapiya kaygi i gikay, zi semeratr papauwa i imengan pupana kana sito. 22mawmu meredek na ki'alra'alra mu, mena'u za iniyan na sito i imengan, zi mareveliyas i gikay pakalrazam marengay: 23<<meredek mi lra i imengan, mena'u za trina'etra'an patulre'ay na 'alrevan, na kingsas i imengan kazu ki'alra'alra i patraran kana sulray; mawmu tremuwalr mi kana 'alrevan mu, mena'u za arusay iniyan za sasa sasa!>> 24na ma'izang kana ki'alra'alra kana vangesar ruma' zi na ma'izang na rahan kinger kanini na ngay, salaw pakumelri, 'azi malrazam kana sito za muelep lra za eman. 25a azu, ulra a sasa musavak pakalrazam marengay: <<nanmu inimeng na trau ulra matikezir kana vangesar ruma' i savak pananadam kana zinekalranan!>> 26kemazu mu izu na ma'izang na ki'alra'alra milralrang kanantu pakarunan mukuwa, murung pazuwa kana sito, mawmu 'azi temengez, 'alrana makaud kitrapurulr za varasa' kana zinekalranan.
27nazu tu pilralrangaw zuwa na sito mu, tu patikeziraw i ngawayan kana gikay. kemirakaz na tinuma'izang na rahan kiyumaumalr kanazu. 28marengay i intaw: <<pakirev mi lra papaziyazi kanmu za pakalrang kanini na trau tu ngadan panadam kana trau, muveliyas melak mu kanizu nanmu pauwayan na vati paketrepay palenak i Yērusalem, pawnung maranger melak kana pinatray kanini na trau tu kiyam na dara' kaniyam i zazek!>>
29i Pētēro zi zuma na sito temuvang: <<'azi mi ka'azi kureturus kana Viruwa i itras, amelri kureturus kana trau. 30nanmu itrehetreh pinatray kana ziyuzika i itras i Yēsu, niyam temuwamuwan kanantu Viruwa i itras parevaaw lra kantaw. 31na Viruwa i itras tu puitrasaw pikazu kantaw i tarawalran, putu ayawan, mutu Luzu za uwavaawan. muramawan vaveray kana Iseraēl na trau za ulraya a wari muasalr pakavekal, maruwaya kilapus kanantu pinamelriyan nazu. 32maw mi na wasay kananni na lremak na trau; na kureturus kantaw na trau na Viruwa i itras tu iyaveray na Vangesar Lu'em kuwaazu mukasa kaniyam uwasay.>>
33i gikay na giing kinger lra kanini na ngay mu, ka'ilremesan, kemuret piyanatray kana sito. 34mawmu, kanazu i savakan ulra a sasa Palisay na trau, mingadan kani Kamaliēl, maw kinaira za trau a sinsi kana kuret; matikezir i intaw i gikay, patalru za trau murung kana sito pupatraran, 35zi marengay kana giing: <<i Iseraēl na mawan, nu kemakuda mu kana lremak kananni na trau mu 'azika'azi temaranapaw! 36a pakangawayan ziya mu, marahan i Tuta, kemamatras palalavat marengay, ulra za kararuwa pata leman na trau kurelrang kantaw. tivus kipinatray i intaw, mavuraw na kurelrang kantaw na trau, na marekudakuda kuwatrengan na lremak mu malremes lra. 37i likuzan mu ulra ziya na Galili i Yoda a kiyansa kana kokomēvo mu marahan a azu, zi kemezeng za kazuwan kurelrang kantaw; zi kipinatray i intaw, na kurelrang kantaw na trau mu kemazu kivavuraw mutatepi'. 38kema ta kanini na lremak harem mu, marengaya ku kanmu, amanan kirepakuda kanazu, kalrawalrawi lra kanazu! nu maw tu niranganger nazu, tu kinakudayan nu maw kemay kana trau mu, 'azika'azi muranak; 39nu maw kemay kana Viruwa i itras, zi 'azi mu karuwa puilus kanazu. nanmu kinakuda, kakaud ta za maw kima'etrev kana Viruwa i itras lra!>>
na gikay kituluz kanantu ngay ni Kamaliēl, 40zi tu vinayaw na sito pusavak, melrepit kanazu, zi semeratr ziya kanazu iaasalr lra pakalrang kanantu ngadan ni Yēsu venavati kema, zi meretra' puveruk kanazu. 41muveruk i gikay na sito, 'alrana kirepa'uwa za muramawan kanantu ngadan ni Yēsu zi kitariyaeman, kasemangalan i anger. 42nazu kemazu kana wariwari kazu i vangesar ruma' zi na raruma'ruma' za trau 'azi maziyaazi panadam kana trau, palenak kana kireeman kani Kiristo Yēsu na fukuing.
Currently Selected:
Sito 5: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Sito 5
5
i Ananiya zi Safira
1ulra zuma a sasa, i Ananiya kinuwa; i intaw zi tu 'azin i Safira tu trima'anay pidaya tu 'uma. 2tu vilinaw zuma na paisu, na sama' tu tuluzanay veray kana sito; ini na lremak tu 'azin mu muwai paturus. 3marengay i Pētēro kantaw: <<Ananiya, kemuda zi kidadikus kana satang lra nu anger, venavetra' u kana Vangesar Lu'em, vilinaw a zuma na paisu kana trima' na 'uma? 4'azi mutrima' na 'uma mu, maw ninu, nu mutrima' lra mu, zi na paisu maw ninu; kemuda zi mianger u za kemani ziyamaw? amelri u venavetra' za trau, maw venavetra' kana Viruwa i itras!>> 5i Ananiya a kinger kanini na ngay, zi mureve', minatray lra; na kinger kanini na lremak na trau mu salaw makaud mapiya. 6ulra papida a vangesaran musavak, liputraw tu zazek na minatray, 'aluwaw pupatraran tremevelr lra.
7kararuwa lra za teluwa tuki, tu 'azin na vavayan musavak zuwa, 'azi ziyan malrazam kana mupana lra na lremak. 8marengay i Pētēro kantaw: <<rengayaw ku, nanmu itrima' kana 'uma na paisu mu ulra peniya i kani ziyamaw?>>
temuvang i intaw: <<ai, ulra peniya i kani.>>
9zi marengay i Pētēro: <<kemuda zi marepaturus mu melralrimaw kana Lu'em ni Luzu ziyamaw? na'uwi, na tremevelr kanannu 'azin na trau mu ulra lra i sulrasulray, zi 'a'alu kannu pupatraran nazu!>> 10i intaw payas mureve' i kakuyan kani Pētēro, minatray lra. nazu na vangesaran musavak, mena'u kantaw za minatray lra, zi tu 'aluwaw pupatraran, trevelraw kanantu 'azin i trapingiran. 11i kiyokay peniya zi zuma na kinger kanini na lremak na trau mu salaw makaud mapiya.
na karepalripalri kirekamelri na lremak
12na sito kazu kana zinekalranan pupana lra sazu za karepalripalri kirekamelri na lremak; na ulra ziya na sinziya mukasakasa za anger muwazuk kana Solomon salripi. 13ara kemairaya kanazu na zinekalranan mu, mawmu na amelri a sinziya na trau mu makaud mudalrep kanazu. 14a azu na pakutatena' kani Luzu na trau mu marekakazuwan, ulra na ma'inayan na vavayan. 15mawna pupana lra za sazu a karepalripalri na sito, ulra a trau 'emalu kana kuwaaleng mukuwa i dadalan, tra'anay i sa'esa', lre'ap i itras, kiyalriman kani Pētēro nu melavat mu, tu 'elralriwang aatek i zazek kanazu na trau. 16ulra ziya mulepun na trau murung kana kuwaaleng zi na pinalrar na trau kemay i dalrep kana Yērusalem na kazekalran zuwa; nanni na kuwaaleng 'inava lra mapiya.
kipakakuwatreng na sito
17na tinuma'izang na rahan zi tu sevang, mawna i kazu na Satukay na trau, salaw masepelr kana sito, mawna kemani zi kemuret za kuwadakudain. 18'emvang kana sito nazu, tu imengaw i imengan. 19mawmu kana karauvan azu, na tēnsi ni Luzu tremuwalr kana 'alrevan i imengan, pupanayaw na sito, marengay kanazu: 20<<uwa i inmu, katikezir kana vangesar ruma' i savak, vavati kana zinekalranan na kireeman kanini na vekalan na uwavaawan tu pauwayan.>> 21mukinger na sito kanini na ngay, kazu a 'iyadenan musavak kana vangesar ruma', kemirakaz panadam kana trau.
na tinuma'izang na rahan zi tu sevang puwazuk kana Yodaya na ciyoro mapiya kaygi i gikay, zi semeratr papauwa i imengan pupana kana sito. 22mawmu meredek na ki'alra'alra mu, mena'u za iniyan na sito i imengan, zi mareveliyas i gikay pakalrazam marengay: 23<<meredek mi lra i imengan, mena'u za trina'etra'an patulre'ay na 'alrevan, na kingsas i imengan kazu ki'alra'alra i patraran kana sulray; mawmu tremuwalr mi kana 'alrevan mu, mena'u za arusay iniyan za sasa sasa!>> 24na ma'izang kana ki'alra'alra kana vangesar ruma' zi na ma'izang na rahan kinger kanini na ngay, salaw pakumelri, 'azi malrazam kana sito za muelep lra za eman. 25a azu, ulra a sasa musavak pakalrazam marengay: <<nanmu inimeng na trau ulra matikezir kana vangesar ruma' i savak pananadam kana zinekalranan!>> 26kemazu mu izu na ma'izang na ki'alra'alra milralrang kanantu pakarunan mukuwa, murung pazuwa kana sito, mawmu 'azi temengez, 'alrana makaud kitrapurulr za varasa' kana zinekalranan.
27nazu tu pilralrangaw zuwa na sito mu, tu patikeziraw i ngawayan kana gikay. kemirakaz na tinuma'izang na rahan kiyumaumalr kanazu. 28marengay i intaw: <<pakirev mi lra papaziyazi kanmu za pakalrang kanini na trau tu ngadan panadam kana trau, muveliyas melak mu kanizu nanmu pauwayan na vati paketrepay palenak i Yērusalem, pawnung maranger melak kana pinatray kanini na trau tu kiyam na dara' kaniyam i zazek!>>
29i Pētēro zi zuma na sito temuvang: <<'azi mi ka'azi kureturus kana Viruwa i itras, amelri kureturus kana trau. 30nanmu itrehetreh pinatray kana ziyuzika i itras i Yēsu, niyam temuwamuwan kanantu Viruwa i itras parevaaw lra kantaw. 31na Viruwa i itras tu puitrasaw pikazu kantaw i tarawalran, putu ayawan, mutu Luzu za uwavaawan. muramawan vaveray kana Iseraēl na trau za ulraya a wari muasalr pakavekal, maruwaya kilapus kanantu pinamelriyan nazu. 32maw mi na wasay kananni na lremak na trau; na kureturus kantaw na trau na Viruwa i itras tu iyaveray na Vangesar Lu'em kuwaazu mukasa kaniyam uwasay.>>
33i gikay na giing kinger lra kanini na ngay mu, ka'ilremesan, kemuret piyanatray kana sito. 34mawmu, kanazu i savakan ulra a sasa Palisay na trau, mingadan kani Kamaliēl, maw kinaira za trau a sinsi kana kuret; matikezir i intaw i gikay, patalru za trau murung kana sito pupatraran, 35zi marengay kana giing: <<i Iseraēl na mawan, nu kemakuda mu kana lremak kananni na trau mu 'azika'azi temaranapaw! 36a pakangawayan ziya mu, marahan i Tuta, kemamatras palalavat marengay, ulra za kararuwa pata leman na trau kurelrang kantaw. tivus kipinatray i intaw, mavuraw na kurelrang kantaw na trau, na marekudakuda kuwatrengan na lremak mu malremes lra. 37i likuzan mu ulra ziya na Galili i Yoda a kiyansa kana kokomēvo mu marahan a azu, zi kemezeng za kazuwan kurelrang kantaw; zi kipinatray i intaw, na kurelrang kantaw na trau mu kemazu kivavuraw mutatepi'. 38kema ta kanini na lremak harem mu, marengaya ku kanmu, amanan kirepakuda kanazu, kalrawalrawi lra kanazu! nu maw tu niranganger nazu, tu kinakudayan nu maw kemay kana trau mu, 'azika'azi muranak; 39nu maw kemay kana Viruwa i itras, zi 'azi mu karuwa puilus kanazu. nanmu kinakuda, kakaud ta za maw kima'etrev kana Viruwa i itras lra!>>
na gikay kituluz kanantu ngay ni Kamaliēl, 40zi tu vinayaw na sito pusavak, melrepit kanazu, zi semeratr ziya kanazu iaasalr lra pakalrang kanantu ngadan ni Yēsu venavati kema, zi meretra' puveruk kanazu. 41muveruk i gikay na sito, 'alrana kirepa'uwa za muramawan kanantu ngadan ni Yēsu zi kitariyaeman, kasemangalan i anger. 42nazu kemazu kana wariwari kazu i vangesar ruma' zi na raruma'ruma' za trau 'azi maziyaazi panadam kana trau, palenak kana kireeman kani Kiristo Yēsu na fukuing.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023