Maruku 10
10
Prokéna mavagé ku sbuburu
(Matai 19.1-12; Luka 16.18)
1Ki Yésu ka lagia svagé ku tékanidria mwa tlikadra Yudai, mosavkalɨ Yordan. Ku icico lusarbulaa mua ikétikadra, latumé ku tumamanɨdra buburudria.
2Iké na Hualrisai ico mukani cɨnglɨ Yésu na, taptharania mia, lakbuburudria, <<Alatililanɨma, Horécɨ ta ka uduru usiridria mavɨgé asiradra?>>
3Ki Yésu laptilikwanɨ kbuburudria, <<Ki Mosi ku tumiayani ka patumanɨdra msobaka?>>
4Labridria, <<Ki Mosi ka iyoma ku usiridria sulte na spavagé na sulatɨ bwi ku asiradra, si ladurunga mavagé.>>
5Ki Yésu lapsobakadria, <<Mosi ka ubémwa sulte sesa ku adraitɨmainia yiadra kérké ku matkɨ kdrɨdrɨmu. 6Makasi iku palénila, ku péthénila bola, ki Ticomtia péthénina ico, iké na sovlé iké na abéya; 7Sukédra na ico nusvagéma ku tévlakɨdria, terɨsɨ ku asiradra#10.7 Iké na buruenɨ na sulatɨ tédra na <<terɨsɨ ku asiradra>>., 8drudɨsa ka laksesanɨnga tabuetɨnadra. Ku tumanɨninia, lɨmataka ikɨmaninga na drusua ico, laksesanɨnga tabuetɨnadra. 9Sukédra, iku pateresadra ki Ticomtia ka, idurudria na ico pavagé.>>
10Iku sviridranga mwa danɨ, ku sétodra lakbuburulaa kɨné dɨdepɨ. 11Ki Yésu latililadria, <<Makasovalénga bongu mavɨgé ku asiradra, lakula silɨpe druma abéya spalɨnganɨ, ikidri ka mangungethɨ na psaila, tumé na pasrélé bongu ku asiradra. 12Ku asiradra labongu svagé usiridria, lawa druma na ico spalɨnganɨ, tumai manguethɨ na psaila.>>
Ki Yésu ka patɨdraru na valɨvalɨke
(Matai 19.13-15; Luka 18.15-17)
13Iké na ico umɨcɨ valɨvalɨke mukné cɨnglɨ Yésu na; kitubi Yésu na depaniamia, ku sétodra ka lagaucudria ku icico. 14Ki Yésu cɨnglɨdra ka sukngicingici nga, lapsobakadria ku séto, <<Nanga mia valɨvalɨke mukniangkua kné, adra itkɨpɨdria, iku dédadra ki Ticomtia na ico ka tumainia kɨné ico. 15Musa ikrimru, ina itumaina valɨvalɨke sarkédra mra ktromanɨ ku arcɨngadra kéngdri ki Ticomtia ka, nudulia amani ku vlavlakɨdra.>> 16Si soranga kopili vlavlakɨ, ngangɨsa depɨ, ptidrarudria.
Madraru na ico ku madrɨsngadra makcɨngé na depɨ
(Matai 19.16-30; Luka 18.18-30)
17Ki Yésu tugigidrala iké dadɨranɨ, iké sesa na ico mukné pidɨke iké tlucbungadra pokru, kbuburudria, <<Margi sikdrɨdrɨmɨ na singsi, aciku nudopali si lasaduru kɨkɨ mra ku aburerenɨ na nusako dridripiali?>>
18Ki Yésu lakbuburudria, <<Nakusu margi sikdrɨdrɨmɨ na singsi mia kwa? Tkathadra ku sesa Ticomtia, tédranga na margi sikdrɨdrɨmɨ. 19Nurguma musu kɨné ku musadra itmainiayiadra, <Adra iptémudu na ico, adra ikunguthe, adra ikiupupa, adra ipɨdraku tumédriamia pthara na ico, adra itɨnangɨ pdraku, corgia ku tévlakswa.> >>
20Ku ico ka labri, <<Singsi ikné musadra itɨmainiayadra ka angculu kɨkɨ skévlavlakɨ kingiaro.>>
21Ki Yésu ka ikingmceya cɨnglɨdria, kdrɨdrɨmɨdra ka madlamedria, supsobakanga, <<Ikéla ku sesa ipapɨktasu. Mwa longédria ikéswa na makainunga, mradria pésu bui ku matérubu molɨlɨmɨ na ico, si nukémasua madraru csɨkɨlɨ pké tbɨlɨnga, tumisudria nanga ksaparakwa.>> 22Ikidri ico biciringidranga ku babɨka, sungépelanga tɨmacadra, mkrothe kdrɨdrɨmɨdra gia, tumanɨdra kidri ka sakura na madraru.
23Ki Yésu ka lapacɨngcɨnglɨ ku sétodra, lapsobakadria, <<Ku sapésuanɨ na ico kukɨmani dédadra ki Ticomtia na ico miaka sakura na makcɨngé!>>
24Ku sétodra pokédria bkédra rɨsaliya mrɨkmɨ; makasi masobka la ki Yésu, <<Mumu ka valɨvalɨkenga, kukɨmani dédadra ki Ticomtia na ico miaka sakura na makcɨngé! 25Sapésuanɨ na ico kukmani dédadra ki Ticomtia na ico miaka, orbatɨla na rigi kuthobratɨ mcédra na numé midra ka makcɨngélaa!>>
26Knénga ka, sétodra ka sakukura ma mrɨkmɨ, si labakbuburu, <<Tuméninia ka, aci ku nuduruma ktormanɨ skodipi?>>
27Ki Yésu ka ikingmceya cɨnglɨdria, msobaka, <<Ico ka iduru, Ticomtia ka ipatɨmai, sakédraka iké Ticomtia, na makadepɨnga ka tédra iduradra.>>
28Ki Pitiru lacungulu msobaka, <<Cɨngɨla, obongunga knamɨ ku makakuanga mukné ksaparaswa.>>
29Ki Yésu lapsobakadria, <<Iyo, kuptapɨdrɨngɨ tililamwa, ina kiaké kwa si Hukuing bongu ku danɨ, lɨmngene sovlé, lɨmengne bébibé, tévelakɨdria, vlavlakɨdra, si tomuma. 30Nukéma tikadrabuala nukadroma ku aradra ktormanɨ. Nurama pribte ɨdé na danɨ, lɨmngene sovlé, lɨmengnɨ bébibé, tévelakɨdria, vlavlakɨdra, si tomuma, si nukéma ku spatérubu; ina kulédra mukné buala, kidri ka norama ktormanɨ na abururenɨ na skodipi. 31Makasi, madro na thamdalɨne ka, nubrilanɨmanga, si iku ibrila ka, nu thamdalɨnema.>>
Skutruludra ki Yésu palalé msobaka ku nusakamduadra
(Matai 20.17-19; Luka 18.31-34)
32Iku avéthédra Yérusalrim ku dadɨranɨ, ki Yésu ka thamdadalɨne. Ku sétodra lakuldru; iku kisapra druma na ico rɨsaliya akludruu. Ki Yésu lakulala ɨmɨcɨ ku mngesle kudrusa sétodra mwa bila, tililadria ku nukéma yienɨnga nukdrɨsɨngadra na depɨ. 33Masobka, <<Cɨngla, knéka nuvétha mamiti Yérusalrim. Vlakɨdra na Ico nuklangéma bwi ku utatarasɨnga sidepɨ lɨgɨsɨ si ubrubru Sésio na singsi; saibang ma tabtémudu madria, laradria bwi ku skiulanɨ na ico. 34Tatrimumtu madria, lasngarédria, lastitidria, si ptémududria; spakturulunga na vienɨ ka lasiela modripi.>>
Yakobu si Yuhani ku kitubiadra
(Matai 20.20-28)
35Ku vlakɨdra ki Zebedai Yakobu si Yuhani mukani cɨnglɨ Yésu na, msobaka, <<Singsi, iké sesa ku nuktubia nemeswa, smarnga iyolia musunema.>>
36Ki Yésu ka lakbuburu, <<Aci ku nitumé yamukua?>>
37Kidri ka labri, <<Ina inunusu iké tpakiliva na maragre anuru ka, nanga mianɨma niké knamɨ terɨsɨswa inunu, sesa ka iké vnanɨ su, sesa ka iké vrienɨsu.>>
38Ki Yésu ka lapsobakadria, <<Irigu mumu ku kitubianɨmu. Iku nungulali mapacuru na kopu, nuduruma mumu ungulu? Iku nuképabanavali, duruma mumu ktormanɨ?>>
39Kidri ka labri, <<Nuduruma knamɨ.>>
Ki Yésu masobka, <<Ku nungulali na kopu, nungulu mamuu, ku nuképabanavali ka, noramamu ktormanɨ; 40makasi aci ku nuduruma iké vrienɨ si vnanɨli inunu, ikɨmani kɨkɨ nudulriakɨ iyomia. Kɨné ténunura, Ticomtia kérkanɨdra ptarme, ka nubémadria.>>
41Ku druma mngsle séto bicringidra kɨné depɨ, masmadrɨ srakédra ki Yakobu si Yuhani. 42Sukédra, ki Yésu lasorubudria mwa tlucbungadra, lapsobakadria, <<Urgu mumu, kétakmɨnga tbɨlɨnga kɨné déda ku nukumanima ské yiadra amani ku iké kɨcɨnga urucɨngɨnia makaiconga, si otatarasɨ ka iké kɨcɨnga pavelavaladria ku icico. 43Makasi, itɨmai mumudria. Imumu ikékné ka kukmani totarese maka, amani ku nuksikoluma na ico; 44aci ku nu tatarsɨma, ka nukmanima sikoludria na makaiconga. 45Iku tumaninia Vlakɨdra na Ico ikɨmani na mukani nipéngcɨgɨ ngkwa mia, amani mukani péngcɨgɨ na ico, la kiaké psopara na makaiciconga mra bwi ptormana ku skodripidra.>>
Pakargagi dria maliecɨ ku Patimai
(Matai 20.29-34; Luka 18.35-43)
46Iku muidranga Yélriko. Iki Yésu si sétodra si makaiciconga svagédra Yélriko, iké sesa na maliecɨ ico Baretimai vlakɨdra ki Timai, iké inunu dadɨranɨ tbila kéknekne. 47Iku bicringidra amani ku Nazarethe Yésu, sokokonga, <<Vlakɨdra ki Davidi ka Yésu, mgaguca ngkwa!>>
48Madro na ico magaucudria, kcibɨna miadria. Makasi sakukura ma koko, <<Vlakɨdra ki Davidi ka Yésu, mgaguca ngkwa!>>
49Ki Yésu ka sutɨrénga, msobaka, <<Nanga miadria.>>
Kidri ico ka lapsobakadria ku maliecɨ, <<Adra iskidrɨdrɨmɨ, icikɨla, okoko swa.>>
50Ku maliecɨ sulribungunga bongu ku ɨbɨlɨdra, ithiekɨ, dodavce mua tlucbungadra ki Yésu.
51Ki Yésu kbuburudria, <<Aci ku nitumé kwa yiasu?>>
Ku maliecɨ labri, <<Singsi, kuduru cɨngɨlɨ makɨ!>>
52Ki Yésu masobka, <<Mua, ku tékabkanasu ka pakragragi ngaswa.>>
Ku maliecɨ ka mkakainga duru cɨngɨlɨ, sugianga kɨsapara Yésu na.
Currently Selected:
Maruku 10: Maolin23
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2023
