Санау Ал сёз
Ал сёз
Бу китапны аллында Исраил халкъны санаугъа киргенини юсюнден айтылады. Ол санау халкъны Мисирден Кенан жерге кёчюп баргъан заманда этилгенди. Китап да «Санау» деп андан аталгъанды. Чюйют тилде уа, китапда айтылгъан затла къуу жерде болгъаны себепли, китапха да «Къуу жерде» деп атагъандыла.
Аллах Синай тауда Исраил халкъгъа Тауратны жорукъларын бергенден сора, Мусса аскерчиликге жараулу битеу эр кишилени санагъанды, лебийлилени да энчи санагъанды. Андан сора Аллах дагъыда башха жорукъла билдиргенди, алай бла халкъ Раббий алагъа жоралагъан жерге кёчерге хазыр болгъанды (1–9 башла).
Алай болгъанлыкъгъа, Кенан жерни чегинде болгъан Кадеш-Барней жерге жууукълашханда, Исраилни халкъы, андан ары барыргъа ишекли болгъандыла. Жерни тинтерге барып келген адамланы айтханларына ийнанып, Исраилге жораланнган жерге кирирге къоркъгъандыла. Ала алай къоркъгъанлары ючюн исраиллилеге къыркъ жылны ичинде къуу жерледе айланыргъа тюшгенди (10–20 башла). Ол Аллахха бойсунмагъан тёлю къуу жерледе ёлгенден сора уа, халкъ аз-аз Кенаннга жууукъ жерлени къолгъа алып башлап, Иордан сууну кюнчыгъыш жанында болгъан Моаб жерге келгенди (21–36 башла).
Битеу бу жылланы ичинде Исраилни халкъы кёп кере Аллахха къажау къозгъалгъанды, Мусса файхамбаргъа да тырман этгенлей тургъанды. Исраиллиле бойсунмагъанлары ючюн, Раббий алагъа азап чекдиргенди. Болсада, Ол Кеси сайлагъан халкъына кертичи болуп, жолда къайгъыларын этгенлей, душманларын хорларгъа да кюч бергенлей тургъанды.
Магъанасы
Биринчи тёлю Кенан жерге кирирге хазырланады (1:1–10:36).
Халкъ биринчи кере саналады, лебийлилеге жумушла юлешинедиле (1:1–4:49).
Халкъ, Жыйын Чатыр эм лебийлиле сыйлы этиледиле (5:1–9:23).
Халкъ жолгъа чыгъады (10:1-36).
Кенан жерге жол (11:1–25:18).
Халкъ Кенан жерге барыргъа унамайды; тюрлю жорукъла (11:1–15:41).
Корах къозгъалыу ачады эм Аллах Харуннга берилген къуллукъну бегитеди; лебийлилени борчлары (16:1–19:22).
Мусса бла Харун Аллахны айтханын этмейдиле (20:1-29).
Уруш этип биринчи жер алыу. Балакъ бла Билам. Исраиллиле Моаб тейрисине табынадыла (21:1–25:18).
Экинчи тёлю Кенан жерге кирирге хазырланады (26:1–36:13).
Халкъны экинчи кере санайдыла; Раббийни байрамла бла къурманла юсюнден эм башха буйрукълары (26:1–30:16).
Мадайлылагъа азап салынады, Иорданны кюнчыгъыш жанындагъы жерле юлешинедиле (31:1–32:42).
Кенан жерни юсюнден берилген буйрукъла (33:1–36:13).
Currently Selected:
Санау Ал сёз: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Санау Ал сёз
Ал сёз
Бу китапны аллында Исраил халкъны санаугъа киргенини юсюнден айтылады. Ол санау халкъны Мисирден Кенан жерге кёчюп баргъан заманда этилгенди. Китап да «Санау» деп андан аталгъанды. Чюйют тилде уа, китапда айтылгъан затла къуу жерде болгъаны себепли, китапха да «Къуу жерде» деп атагъандыла.
Аллах Синай тауда Исраил халкъгъа Тауратны жорукъларын бергенден сора, Мусса аскерчиликге жараулу битеу эр кишилени санагъанды, лебийлилени да энчи санагъанды. Андан сора Аллах дагъыда башха жорукъла билдиргенди, алай бла халкъ Раббий алагъа жоралагъан жерге кёчерге хазыр болгъанды (1–9 башла).
Алай болгъанлыкъгъа, Кенан жерни чегинде болгъан Кадеш-Барней жерге жууукълашханда, Исраилни халкъы, андан ары барыргъа ишекли болгъандыла. Жерни тинтерге барып келген адамланы айтханларына ийнанып, Исраилге жораланнган жерге кирирге къоркъгъандыла. Ала алай къоркъгъанлары ючюн исраиллилеге къыркъ жылны ичинде къуу жерледе айланыргъа тюшгенди (10–20 башла). Ол Аллахха бойсунмагъан тёлю къуу жерледе ёлгенден сора уа, халкъ аз-аз Кенаннга жууукъ жерлени къолгъа алып башлап, Иордан сууну кюнчыгъыш жанында болгъан Моаб жерге келгенди (21–36 башла).
Битеу бу жылланы ичинде Исраилни халкъы кёп кере Аллахха къажау къозгъалгъанды, Мусса файхамбаргъа да тырман этгенлей тургъанды. Исраиллиле бойсунмагъанлары ючюн, Раббий алагъа азап чекдиргенди. Болсада, Ол Кеси сайлагъан халкъына кертичи болуп, жолда къайгъыларын этгенлей, душманларын хорларгъа да кюч бергенлей тургъанды.
Магъанасы
Биринчи тёлю Кенан жерге кирирге хазырланады (1:1–10:36).
Халкъ биринчи кере саналады, лебийлилеге жумушла юлешинедиле (1:1–4:49).
Халкъ, Жыйын Чатыр эм лебийлиле сыйлы этиледиле (5:1–9:23).
Халкъ жолгъа чыгъады (10:1-36).
Кенан жерге жол (11:1–25:18).
Халкъ Кенан жерге барыргъа унамайды; тюрлю жорукъла (11:1–15:41).
Корах къозгъалыу ачады эм Аллах Харуннга берилген къуллукъну бегитеди; лебийлилени борчлары (16:1–19:22).
Мусса бла Харун Аллахны айтханын этмейдиле (20:1-29).
Уруш этип биринчи жер алыу. Балакъ бла Билам. Исраиллиле Моаб тейрисине табынадыла (21:1–25:18).
Экинчи тёлю Кенан жерге кирирге хазырланады (26:1–36:13).
Халкъны экинчи кере санайдыла; Раббийни байрамла бла къурманла юсюнден эм башха буйрукълары (26:1–30:16).
Мадайлылагъа азап салынады, Иорданны кюнчыгъыш жанындагъы жерле юлешинедиле (31:1–32:42).
Кенан жерни юсюнден берилген буйрукъла (33:1–36:13).
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024