Санау 9
9
Къутхарылыу байрамны жорукълары
1Исраиллиле Мисирден чыкъгъандан сора, экинчи жылны биринчи айында Раббий Синай атлы къуу жерде Муссагъа сёлешип былай айтханды:
2– Исраил улула белгиленнген заманда Къутхарылыу байрам этсинле. 3Ол байрамны белгиленнген заманда, бу биринчи айны онтёртюнчю кюн, ингирде, битеу жорукъларына бла адетлерине кёре этигиз.
4Мусса Исраил улулагъа Къутхарылыу байрам белгилерге буюргъанды. 5Алай бла Исраил улула Синай атлы къуу жерде биринчи айны онтёртюнчю кюнюнде, ингирде, Къутхарылыу байрам этгендиле; хар затны Раббий Муссагъа айтханы кибик этгендиле.
6Алай аладан бир къаууму, адам ёлюкге тийгенден харам болгъанлары себепли, ол кюн Къутхарылыу байрамгъа къатышыргъа эркин болмагъандыла. Ала ол кюн Муссагъа бла Харуннга келип, 7Муссагъа былай айтхандыла:
– Биз адам ёлюкге тийгенибиз себепли, харам болгъан эсек да, Исраил улула бла бирге Раббийге белгиленнген кюн къурман этиуден бизни нек айырыргъа керекди?
8Мусса алагъа жууапха:
– Тохтахыз, Раббий сизни юсюгюзден не буюргъанын мен билейим, – дегенди.
9Раббий Муссагъа былай айтханды:
10– Исраил улулагъа былай айт: «Сизден, не сизни туудукъларыгъыздан биреу ёлюкге тийгенден харам болса, неда узакъ жолда болса, ол Раббий ючюн Къутхарылыу байрам этерге тийишлиди. 11Аллай адамла экинчи айны онтёртюнчю кюнюнде, ингирде, байрам этсинле; къурман къозуну ачымагъан ётмек бла эм ачы хансла бла бирге ашасынла; 12эрттенликге дери андан жукъ къоймасынла, сюеклерин сындырмасынла; Къутхарылыу байрамны битеу жорукъларына кёре этсинле. 13Биреу, таза да болуп, жолда да болмагьанлай, Къутхарылыу байрамны тийишлисича белгилемесе, ол адам жамауатдан жокъ этилир, нек дегенде, ол керекли заманда Раббийге саугъала келтирмегенди; гюняхына жууаплы боллукъду.
14Сизни арагъызда жашагъан тыш адам Раббий ючюн Къутхарылыу байрам этерге сюйсе, ол аны жорукъларына бла адетине кёре этсин. Хар адамгъа – кёчгюнчюге да, кеси адамыгъызгъа да – жорукъла бирча болсунла».
Сыйлы Мекямны башында булут
15Мекям салыннган кюн Мекямны, Шагъатлыкъ Чатырны, булут жапханды. Ингирден эрттеннге уа Мекямны юсюнде ол булут от кибик жаннганча кёрюне эди. 16Дайым да алай эди: Мекямны башын булут жабып тургъанды, кече уа, ол от кибик жаннганча кёрюнюп тургъанды. 17Булут Чатырны тёппесинден кётюрюлгени сайын, Исраил улула жолгъа чыгъа эдиле. Булут тохтагъан жерде Исраил улула да тохтап чёк сала эдиле. 18Алай бла Исраил улула жолгъа да Раббийни буйругъу бла чыгъа эдиле, чёкню да Раббийни буйругъу бла сала эдиле. Булут Мекямны тёппесинде тургъан кезиуде, ала да чёкде тура эдиле. 19Булут Мекямны юсюнде кёп заман турса да, Исраил улула, Раббийни буйругъуна бой салып, жолгъа чыкъмай тургъандыла. 20Бир бирде булут Мекямны юсюнде бир аз кюнню тура эди. Раббийни буйругъуна кёре ала чёкде тура эдиле, эм Раббийни буйругъу бла жолгъа чыгъа эдиле. 21Бир бирде булут бир жерде жаланда ингирден эрттеннге дери туруп болгъанды, эрттенликде ол кётюрюлген заманда уа, халкъ да жолгъа чыгъа эди. Кюндюз, кече болса да, булут кётюрюлген заманда, ала да жолгъа чыгъа эдиле. 22Булут Мекямны юсюнде эки кюн, бир ай, неда андан кёп заман турса, Исраил улула, чёкде къалып, жолгъа атланмай тургъандыла. Булут кётюрюлген заманда уа, ала да жолгъа чыгъа эдиле. 23Ала Раббийни буйругъу бла чёкде тура эдиле эм Раббийни буйругъу бла жолгъа чыгъа эдиле. Алай бла ала, Раббий Муссаны юсю бла берген буйрукълагъа кёре, Раббийни айтханын эте эдиле.
Currently Selected:
Санау 9: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Санау 9
9
Къутхарылыу байрамны жорукълары
1Исраиллиле Мисирден чыкъгъандан сора, экинчи жылны биринчи айында Раббий Синай атлы къуу жерде Муссагъа сёлешип былай айтханды:
2– Исраил улула белгиленнген заманда Къутхарылыу байрам этсинле. 3Ол байрамны белгиленнген заманда, бу биринчи айны онтёртюнчю кюн, ингирде, битеу жорукъларына бла адетлерине кёре этигиз.
4Мусса Исраил улулагъа Къутхарылыу байрам белгилерге буюргъанды. 5Алай бла Исраил улула Синай атлы къуу жерде биринчи айны онтёртюнчю кюнюнде, ингирде, Къутхарылыу байрам этгендиле; хар затны Раббий Муссагъа айтханы кибик этгендиле.
6Алай аладан бир къаууму, адам ёлюкге тийгенден харам болгъанлары себепли, ол кюн Къутхарылыу байрамгъа къатышыргъа эркин болмагъандыла. Ала ол кюн Муссагъа бла Харуннга келип, 7Муссагъа былай айтхандыла:
– Биз адам ёлюкге тийгенибиз себепли, харам болгъан эсек да, Исраил улула бла бирге Раббийге белгиленнген кюн къурман этиуден бизни нек айырыргъа керекди?
8Мусса алагъа жууапха:
– Тохтахыз, Раббий сизни юсюгюзден не буюргъанын мен билейим, – дегенди.
9Раббий Муссагъа былай айтханды:
10– Исраил улулагъа былай айт: «Сизден, не сизни туудукъларыгъыздан биреу ёлюкге тийгенден харам болса, неда узакъ жолда болса, ол Раббий ючюн Къутхарылыу байрам этерге тийишлиди. 11Аллай адамла экинчи айны онтёртюнчю кюнюнде, ингирде, байрам этсинле; къурман къозуну ачымагъан ётмек бла эм ачы хансла бла бирге ашасынла; 12эрттенликге дери андан жукъ къоймасынла, сюеклерин сындырмасынла; Къутхарылыу байрамны битеу жорукъларына кёре этсинле. 13Биреу, таза да болуп, жолда да болмагьанлай, Къутхарылыу байрамны тийишлисича белгилемесе, ол адам жамауатдан жокъ этилир, нек дегенде, ол керекли заманда Раббийге саугъала келтирмегенди; гюняхына жууаплы боллукъду.
14Сизни арагъызда жашагъан тыш адам Раббий ючюн Къутхарылыу байрам этерге сюйсе, ол аны жорукъларына бла адетине кёре этсин. Хар адамгъа – кёчгюнчюге да, кеси адамыгъызгъа да – жорукъла бирча болсунла».
Сыйлы Мекямны башында булут
15Мекям салыннган кюн Мекямны, Шагъатлыкъ Чатырны, булут жапханды. Ингирден эрттеннге уа Мекямны юсюнде ол булут от кибик жаннганча кёрюне эди. 16Дайым да алай эди: Мекямны башын булут жабып тургъанды, кече уа, ол от кибик жаннганча кёрюнюп тургъанды. 17Булут Чатырны тёппесинден кётюрюлгени сайын, Исраил улула жолгъа чыгъа эдиле. Булут тохтагъан жерде Исраил улула да тохтап чёк сала эдиле. 18Алай бла Исраил улула жолгъа да Раббийни буйругъу бла чыгъа эдиле, чёкню да Раббийни буйругъу бла сала эдиле. Булут Мекямны тёппесинде тургъан кезиуде, ала да чёкде тура эдиле. 19Булут Мекямны юсюнде кёп заман турса да, Исраил улула, Раббийни буйругъуна бой салып, жолгъа чыкъмай тургъандыла. 20Бир бирде булут Мекямны юсюнде бир аз кюнню тура эди. Раббийни буйругъуна кёре ала чёкде тура эдиле, эм Раббийни буйругъу бла жолгъа чыгъа эдиле. 21Бир бирде булут бир жерде жаланда ингирден эрттеннге дери туруп болгъанды, эрттенликде ол кётюрюлген заманда уа, халкъ да жолгъа чыгъа эди. Кюндюз, кече болса да, булут кётюрюлген заманда, ала да жолгъа чыгъа эдиле. 22Булут Мекямны юсюнде эки кюн, бир ай, неда андан кёп заман турса, Исраил улула, чёкде къалып, жолгъа атланмай тургъандыла. Булут кётюрюлген заманда уа, ала да жолгъа чыгъа эдиле. 23Ала Раббийни буйругъу бла чёкде тура эдиле эм Раббийни буйругъу бла жолгъа чыгъа эдиле. Алай бла ала, Раббий Муссаны юсю бла берген буйрукълагъа кёре, Раббийни айтханын эте эдиле.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024