Санау 13
13
Тасхачыла Кенаннга барадыла
1Андан сора халкъ Хасеротдан кетип, чёкню Паран атлы къуу жерде салгъанды.
2Раббий Муссагъа:
3– Мен Исраил улулагъа берген Кенан жерни тинтирге сен адамла ий. Хар тайпадан бирер бачама ий, – дегенди.
4Раббий буюргъаны кибик, Мусса аланы Паран атлы къуу жерден ийгенди. Ала бары Исраил улуланы бачамалары эдиле. 5Ма аланы атлары:
Рубенни тайпасындан – Заккур улу Шаммуа;
6Шимонну тайпасындан – Хорий улу Шафат;
7Яхуданы тайпасындан – Ефунне улу Калеб;
8Иссахарны тайпасындан – Юсюп улу Игал;
9Эфрайимни тайпасындан – Нунну жашы Хошия;
10Беняминни тайпасындан – Рафу улу Палтий;
11Зебулунну тайпасындан – Содий улу Гаддиел;
12Юсюпню тайпасындан, Манашеден – Сусий улу Гаддий;
13Данны тайпасындан – Гемаллий улу Аммиел;
14Ашерни тайпасындан – Микаел улу Сетур;
15Нафталийни тайпасындан – Бопсий улу Нахбий;
16Гадны тайпасындан – Макий улу Геуел.
17Мусса жерни тинтирге ийген адамланы атлары быладыла. Мусса Нунну жашы Хошиягъа Ешуа#13:17 Хошия атны магъанасы – «къутхарыу». Ешуа атны магъанасы – «Раббий – къутхарыуду». деп атагъанды.
18Мусса аланы Кенанны тинтирге ийгенде былай айтханды:
– Негебге барып, тау жерлеге чыгъыгъыз. 19Ол жерни тинтигиз. Жер къаллайды? Анда жашагъан халкъ къаллайды? Кючлюмюдю, огъесе къарыусузмуду? Азмыды, огъесе кёпмюдю? 20Жашагъан жерлери игимиди, огъесе аманмыды? Шахарлары къаллайдыла? Къонушладамы жашайдыла, огъесе къалаладамы? 21Анда жер битимлимиди, битимсизмиди? Тереклери бармыды, жокъмуду? Таукел этип, ол жерни кёгетлеринден алып келигиз. (Ол а тамам жюзюм бишген кезиу эди).
22Ол адамла барып, Цин атлы къуу жерден башлап Хаматны тийресиндеги Рехобха дери жерлени тинтгендиле. 23Ала Негебге барып Хеброн шахаргъа чыкъгъандыла. Анда Анакъны туудукълары Ахиман, Шешай эм Талмай жашай эдиле. Хеброн шахар Мисирдеги Соан шахардан жети жыл алгъа къуралгъан эди. 24Сора ала Эшкол ёзеннге келгендиле. Анда ала жюзюм терекден бир жоккусу#13:24 Жокку – орус. кисть, гроздь. бла бирге бутакъны кесип алгъандыла да, аны, къазыкъгъа тагъып, экеулен элтгендиле; дагъыда, анарла#13:24 Анар – орус. гранат. бла инжирле да алгъандыла. 25Исраил улула андан жюзюм жоккуну кесип алгъанлары себепли, ол жерге Эшкол#13:25 Эшкол сёзню магъанасы – «жокку». ёзен деп атагъандыла. 26Къыркъ кюнден, жерни тинтип чыкъгъандан сора, ала тасхачылыкъдан къайтхандыла.
Тасхачыланы хапарлары
27Ол адамла Муссагъа, Харуннга эм Исраил жамауатына Паран атлы къуу жердеги Кадешге къайтхандыла. Алагъа эм битеу Исраил жамауатха хапар айтып, ол жерни кёгетлерин кёргюзтгендиле. 28Ала Муссагъа былай айтхандыла:
– Сен бизни ийген жерге бардыкъ. Ол кертиси бла да сют бла бал баргъан жерди! Ма кёгетлери да. 29Алай а ол жерде жашагъан халкъ кючлюдю, шахарлары уа деменгилидиле эм бек уллудула. Анда биз Анакъны туудукъларын да кёргенбиз. 30Негебде Амалеклиле жашайдыла. Хитлиле, эбуслула эм аморлула тау жерледе, кенанлыла уа тенгизни жагъасында бла Иордан сууну жагъасында жашайдыла.
31Калеб а Муссаны аллында халкъны тынчайтыргъа кюрешип:
– Келигиз, ол жерни къолгъа алайыкъ! Бизни къарыуубуз жетерикди, – дей эди.
32Алай а аны бла бирге баргъанла:
– Биз ол халкъгъа уруш эталлыкъ тюйюлбюз, ол бизден кючлюдю, – дегендиле.
33Ала Исраил улуланы алларында тинтип чыкъгъан жерни аманларгъа кюрешип, былай айта эдиле:
– Биз тинтип чыкъгъан жер аны юсюнде жашагъан адамланы ашап биттирген жерди. Биз анда кёрген битеу халкъ – бек узун бойлу адамладыла. 34Биз анда пелиуанланы да, пелиуан тайпадан чыкъгъан Анакъ улуланы кёргенбиз. Аланы къатларында кесибизни сенгирчгеле кибик суна эдик, алагъа да биз алай кёрюннгенбиз.
Currently Selected:
Санау 13: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Санау 13
13
Тасхачыла Кенаннга барадыла
1Андан сора халкъ Хасеротдан кетип, чёкню Паран атлы къуу жерде салгъанды.
2Раббий Муссагъа:
3– Мен Исраил улулагъа берген Кенан жерни тинтирге сен адамла ий. Хар тайпадан бирер бачама ий, – дегенди.
4Раббий буюргъаны кибик, Мусса аланы Паран атлы къуу жерден ийгенди. Ала бары Исраил улуланы бачамалары эдиле. 5Ма аланы атлары:
Рубенни тайпасындан – Заккур улу Шаммуа;
6Шимонну тайпасындан – Хорий улу Шафат;
7Яхуданы тайпасындан – Ефунне улу Калеб;
8Иссахарны тайпасындан – Юсюп улу Игал;
9Эфрайимни тайпасындан – Нунну жашы Хошия;
10Беняминни тайпасындан – Рафу улу Палтий;
11Зебулунну тайпасындан – Содий улу Гаддиел;
12Юсюпню тайпасындан, Манашеден – Сусий улу Гаддий;
13Данны тайпасындан – Гемаллий улу Аммиел;
14Ашерни тайпасындан – Микаел улу Сетур;
15Нафталийни тайпасындан – Бопсий улу Нахбий;
16Гадны тайпасындан – Макий улу Геуел.
17Мусса жерни тинтирге ийген адамланы атлары быладыла. Мусса Нунну жашы Хошиягъа Ешуа#13:17 Хошия атны магъанасы – «къутхарыу». Ешуа атны магъанасы – «Раббий – къутхарыуду». деп атагъанды.
18Мусса аланы Кенанны тинтирге ийгенде былай айтханды:
– Негебге барып, тау жерлеге чыгъыгъыз. 19Ол жерни тинтигиз. Жер къаллайды? Анда жашагъан халкъ къаллайды? Кючлюмюдю, огъесе къарыусузмуду? Азмыды, огъесе кёпмюдю? 20Жашагъан жерлери игимиди, огъесе аманмыды? Шахарлары къаллайдыла? Къонушладамы жашайдыла, огъесе къалаладамы? 21Анда жер битимлимиди, битимсизмиди? Тереклери бармыды, жокъмуду? Таукел этип, ол жерни кёгетлеринден алып келигиз. (Ол а тамам жюзюм бишген кезиу эди).
22Ол адамла барып, Цин атлы къуу жерден башлап Хаматны тийресиндеги Рехобха дери жерлени тинтгендиле. 23Ала Негебге барып Хеброн шахаргъа чыкъгъандыла. Анда Анакъны туудукълары Ахиман, Шешай эм Талмай жашай эдиле. Хеброн шахар Мисирдеги Соан шахардан жети жыл алгъа къуралгъан эди. 24Сора ала Эшкол ёзеннге келгендиле. Анда ала жюзюм терекден бир жоккусу#13:24 Жокку – орус. кисть, гроздь. бла бирге бутакъны кесип алгъандыла да, аны, къазыкъгъа тагъып, экеулен элтгендиле; дагъыда, анарла#13:24 Анар – орус. гранат. бла инжирле да алгъандыла. 25Исраил улула андан жюзюм жоккуну кесип алгъанлары себепли, ол жерге Эшкол#13:25 Эшкол сёзню магъанасы – «жокку». ёзен деп атагъандыла. 26Къыркъ кюнден, жерни тинтип чыкъгъандан сора, ала тасхачылыкъдан къайтхандыла.
Тасхачыланы хапарлары
27Ол адамла Муссагъа, Харуннга эм Исраил жамауатына Паран атлы къуу жердеги Кадешге къайтхандыла. Алагъа эм битеу Исраил жамауатха хапар айтып, ол жерни кёгетлерин кёргюзтгендиле. 28Ала Муссагъа былай айтхандыла:
– Сен бизни ийген жерге бардыкъ. Ол кертиси бла да сют бла бал баргъан жерди! Ма кёгетлери да. 29Алай а ол жерде жашагъан халкъ кючлюдю, шахарлары уа деменгилидиле эм бек уллудула. Анда биз Анакъны туудукъларын да кёргенбиз. 30Негебде Амалеклиле жашайдыла. Хитлиле, эбуслула эм аморлула тау жерледе, кенанлыла уа тенгизни жагъасында бла Иордан сууну жагъасында жашайдыла.
31Калеб а Муссаны аллында халкъны тынчайтыргъа кюрешип:
– Келигиз, ол жерни къолгъа алайыкъ! Бизни къарыуубуз жетерикди, – дей эди.
32Алай а аны бла бирге баргъанла:
– Биз ол халкъгъа уруш эталлыкъ тюйюлбюз, ол бизден кючлюдю, – дегендиле.
33Ала Исраил улуланы алларында тинтип чыкъгъан жерни аманларгъа кюрешип, былай айта эдиле:
– Биз тинтип чыкъгъан жер аны юсюнде жашагъан адамланы ашап биттирген жерди. Биз анда кёрген битеу халкъ – бек узун бойлу адамладыла. 34Биз анда пелиуанланы да, пелиуан тайпадан чыкъгъан Анакъ улуланы кёргенбиз. Аланы къатларында кесибизни сенгирчгеле кибик суна эдик, алагъа да биз алай кёрюннгенбиз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024