Санау 1
1
Исраил халкъны биринчи саналыуу
1Исраиллиле Мисирден чыкъгъандан сора экинчи жыл, экинчи айны биринчи кюнюнде#1:1 Жазны ортасында.. Синай атлы къуу жерде Раббий Муссагъа Тюбешиу Чатырда сёлешип, былай айтханды:
2– Исраил улуланы битеу жамауатын, тукъумларына бла юйюрлерине кёре, хар эр кишини атын санап жазыгъыз. 3Харун бла сен аскерчиликге жараулу болгъан, жыл санлары жыйырмадан атлагъан исраиллилени санап, аскер бёлеклеге айырыгъыз. 4Сизге болушлукъгъа хар тайпадан бирер тамата биргегизге болургъа керекди. 5Сизге болушурукъ адамла быладыла:
Рубенден Шедеурну жашы Элисур;
6Шимондан Цуришаддайны жашы Шелумиел;
7Яхудадан – Аминадабны жашы Нахшон;
8Иссахардан – Цуарны жашы Нетанел;
9Зебулундан – Хелонну жашы Элиаб;
10Юсюпню уланларындан:
Эфрайимден – Аммихудну жашы Элишама;
Манашеден – Педасурну жашы Гамалиел;
11Беняминден – Гидеонини жашы Абидан;
12Дандан – Аммишаддайны жашы Ахиезер;
13Ашерден – Охранны жашы Пагиел;
14Гаддан – Деуелни жашы Элиясаф;
15Нафталийден – Энанны жашы Ахира.
16Была – жамауатны сайланнган адамлары, ата тайпаларыны бачамаларыдыла#1:16 Бачама – халкъны таматасы, башчысы; орус. вождь., Исраилни мингбашчыларыдыла.
17Мусса бла Харун, бу атлары айтылгъан адамла бла бирге, 18битеу жамауатны экинчи айны биринчи кюнюнде жыйгъандыла. Исраил улула тукъумларыны бла юйюрлерини тукъум тарыхларын айтхандыла да, жыл санлары жыйырмадан атлагъан эр кишилени бир-бири ызындан атларын жазып санагъандыла. 19Муну барын Раббий Муссагъа айтханыча этгендиле. Синай атлы къуу жерде Мусса аланы ма алай санагъанды.
20Исраилни тюнгюч уланы Рубенни туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 21Рубенни тайпасында 46 500 адам саналгъанды.
22Шимонну туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 23Шимонну тайпасында 59 300 адам саналгъанды.
24Гадны туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 25Гадны тайпасында 45 650 адам саналгъанды.
26Яхуданы туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 27Яхуданы тайпасында 74 600 адам саналгъанды.
28Иссахарны туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 29Иссахарны тайпасында 54 400 адам саналгъанды.
30Зебулунну туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 31Зебулунну тайпасында 57 400 адам саналгъанды.
32Юсюпню уланларындан:
Эфрайимни туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 33Эфрайимни тайпасында 40 500 адам саналгъанды.
34Манашени туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 35Манашени тайпасында 32 200 адам саналгъанды.
36Беняминни туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 37Беняминни тайпасында 35 400 адам саналгъанды.
38Данны туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 39Данны тайпасында 62 700 адам саналгъанды.
40Ашерни туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 41Ашерни тайпасында 41 500 адам саналгъанды.
42Нафталийни туудукълары,
тукъумларына бла юйюрлерине кёре, аскерчиликге жараулу, жыл санлары жыйырмадан атлагъан эр кишилени атлары бирер-бирер жазылып саналгъандыла. 43Нафталийни тайпасында 53 400 адам саналгъанды.
44Была Мусса, Харун эм Исраилни онеки бачамасы санагъан адамладыла. Бачамала уа хар тайпадан бирер адам болгъандыла. 45Алай бла, Исраилни аскерчиликге жараулулары, жыл санлары жыйырмадан атлагъан исраиллиле, юйюрлерине кёре саналгъандыла. 46Аланы саны 603 550 болгъанды.
47Алай а лебийлиле тайпасыны атаууллары бирсиле бла бирге саналмагъандыла. 48Раббий Муссагъа былай айтханды:
49– Жангыз Лебийни тайпасын санама эм бирси исраиллиле бла бирге жазма. 50Лебийлилеге Шагъатлыкъ Чатырны, аны битеу адырларын эм битеу кереклерин буюр. Ала Сыйлы Чатырны бла аны битеу адырларын ташысынла, аланы къайгъысын этип турсунла эмда кеси чатырларын Сыйлы Чатырны тёгерегинде салсынла. 51Сыйлы Чатырны кёчюрюр заманда аны лебийлиле жыйып кётюрсюнле; аны салыргъа керекде да, аны лебийлиле салсынла. Аладан башха адам анга тийсе уа, ёлтюрюллюкдю. 52Исраил улула чатырларын аскер бёлеклерине кёре, хар бири ёз къонушунда, ёзбайрагъыны тюбюнде салсынла. 53Лебийлиле уа, Исраил улуланы жамауатына Аллах чамланмаз ючюн, чатырларын Шагъатлыкъ Чатырны тёгерегинде саллыкъдыла. Лебийлиле Шагъатлыкъ Чатырны къалауурлары боллукъдула.
54Исраил улулары муну барында тюз Раббий Муссагъа айтханы кибик этгендиле.
Currently Selected:
Санау 1: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
