Лебийлиле 2
2
Мирзеу саугъа
1Биреу Раббийге мирзеу саугъа келтирсе, ол бидиш#2:1 Бидиш – будайны бек сайламасы, бек иги сорту. ундан болсун. Адам унну юсюне зейтун жау къуйсун, юсюне ладан салсын 2эм Харунну уланларына, дин къуллукъчулагъа келтирсин. Дин къуллукъчу ол жау бла ладан къошулгъан ундан бир уууч алып, аны къурман жерни юсюнде эсгертиу юлюшге#2:2 Эсгертиу юлюш – къурман толусунлай Аллахныкъы болгъанын эсгертиуге, къурманны жалан да бир кесегин символ халда кюйдюргендиле. кюйдюрсюн. Бу – отда кюйдюрюлген саугъады, Раббийге жагъымлы ийис берген саугъады. 3Мирзеу саугъаны къалгъаны уа Харуннга бла уланларына болсун. Бу – Раббийге отда кюйдюрюлген саугъаладан бек сыйлы затды.
4Сен печде биширилген мирзеу саугъа келтирсенг, ол бидиш ундан болсун; не зейтун жау бла басылгъан ачымагъан ётмекледен, не жау жагъылгъан ачымагъан халыуладан. 5Сени мирзеу саугъанг табада биширилген эсе, ол бидиш ундан, жау бла басылгъан, ачымагъан халыуладан болсун. 6Аны кесек-кесек этип, юсюне зейтун жау къуй. Бу – мирзеу саугъады. 7Сени саугъанг табада биширилген болса, ол бидиш ундан бла жаудан этилсин. 8Мирзеу саугъаны, айтылгъаны кибик жарашдырып, Раббийге келтир, аны дин къуллукъчугъа бер, ол а аны къурман жерге элтсин. 9Дин къуллукъчу мирзеу саугъадан эсгертиу юлюшге бир кесегин алып, къурман жерни юсюнде кюйдюрсюн. Бу – отда кюйдюрюллюк, Раббийге жагъымлы ийис берген, отда кюйдюрюлген саугъады. 10Мирзеу саугъаны къалгъаны Харуннга бла уланларына болсун. Бу – Раббийге отда кюйдюрюлген саугъаладан бек сыйлы затды.
11Сен Раббийге келтирген хар мирзеу саугъанг ачымагъан болсун, нек дегенде, мыстыны бла балны отда кюйдюрюлген саугъагъа келтирирге жарамайды. 12Раббийге аланы эм биринчи битимлени келтиргенинг кибик келтир, алай а жагъымлы ийис берген от саугъаны кибик, мыстыны бла балны къурман жерге салып кюйдюрюрге жарамайды. 13Хар мирзеу саугъангы тузлагъан эт эмда саугъанга Аллахынгы сыйлы кесаматыны белгиси болгъан тузну#2:13 Бирге ашалгъан туз адамланы арасында келишиуню бузулмазлыгъыны белгиси болгъанды (къ. Сан. 18:19). салмай къойма. Хар саугъаны биргесине туз да келтир.
14Раббийге биринчи битимледен этилген мирзеу саугъа келтире эсенг, жаш къылкъыладан болгъан, къышхыры айырылгъан эм отда кепдирилген, тартылгъан мирзеу келтир. 15Юсюне зейтун жау къуюп, ладан сал. Бу – мирзеу саугъады. 16Дин къуллукъчу тартылгъан мирзеуню, жауну эм ладанны бир кесегин эсгертиу юлюшге кюйдюрсюн. Бу – Раббийге отда кюйдюрюлген саугъады.
Currently Selected:
Лебийлиле 2: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
