Лебийлиле 15
15
Чархны харамлыгъыны юсюнден
1Раббий Муссагъа бла Харуннга былай айтханды:
2– Исраил улулагъа сёлешип былай айтыгъыз:
Адамны уятлыкъ санындан акъгъаны болса, акъгъаныны себепли ол адам харамды. 3Акъгъаны ючюн харамлыкъны юсюнден жорукъ буду. Акъгъаны тохтаса, тохтамаса да, энди адам харамды.
4Акъгъаны болгъан адам жатхан тёшек, ол юсюне олтургъан хар зат да харамдыла. 5Ол жатхан тёшекге ким тийсе, ол кийимин жуусун, кеси да жууунсун; ингирге дери ол харам болур. 6Акъгъаны болгъан адам олтургъан жерге ким чёксе да, кийимин жуусун, кеси да жууунсун; ол ингирге дери харам болур.
7Акъгъаны болгъан адамгъа ким тийсе, ол кийимин жуусун, кеси да жууунсун; ол ингирге дери харам болур.
8Акъгъаны болгъан адам таза адамгъа тюкюрсе, ол адам кийимин жуусун, кеси да жууунсун; ол ингирге дери харам болур.
9Акъгъаны болгъан адам олтургъан иер харам болур. 10Ол олтургъан затха ким тийсе, ингирге дери харам болур. Аланы алып элтген адам да кийимлерин жуусун, кеси да жууунсун; ол ингирге дери харам боллукъду.
11Акъгъаны болгъан адам, къолларын жуумагъанлай, биреуге тийсе, ол адам кийимлерин жуусун, кеси да жууунсун; ол ингирге дери харам боллукъду.
12Акъгъаны болгъан адам топуракъ сауутха тийсе, ол сауутну ууатыргъа керекди. Агъачдан ишленнген сауутха тийсе уа, ол сауутну таза жууаргъа керекди.
13Акъгъаны болгъан адамны акъгъаны тохтагъандан сора ол, тазаланыр ючюн, жети кюнню сакъласын да, сора кийимлерин жуусун, кеси да жууунсун; сора ол таза болур. 14Сегизинчи кюн ол эки къумру неда эки кёгюрчюн бала алып, Раббийни аллына, Тюбешиу Чатырны эшигини аллына келсин да, аланы дин къуллукъчугъа берсин. 15Дин къуллукъчу аладан бирин гюнях ючюн къурман, экинчисин да толусунлай кюйдюрюлген къурман этсин. Аны бла дин къуллукъчу Раббийни аллында ол адамны акъгъанындан тазаласын.
16Бир эр кишини огъу тёгюлсе, ол битеу санларын жуусун; ингирге дери ол харам болур. 17Къумачдан неда териден ишленнген затха окъ тамса, аны жууаргъа керекди; ол зат ингирге дери харам болур. 18Бир эр киши къатыны бла жатып, окъ тёксе, ала экиси да жууунсунла; ингирге дери ала харам болурла.
19Тиширыуну хайыз къан кетгени болса, ол, тазаланыр ючюн, жети кюн сакъласын. Бу кезиуде анга тийген адам ингирге дери харам болур.
20Къаны кетген заманында ол жатхан эм ол олтургъан хар зат да харам болур. 21Аны тёшегине ким тийсе, ол кийимин жуусун, кеси да жууунсун; ол ингирге дери харам болур. 22Тиширыу олтургъан затха ким тийсе, ол кийимин жуусун, кеси да жууунсун; ол ингирге дери харам болур. 23Ол олтургъан тёшекге неда башха затха тийген адам ингирге дери харам болур.
24Эр киши аны бла жатса, харамлыгъы эр кишисине да кёчерикди. Ол жети кюн харам болур. Ол жатхан хар тёшек харам болур.
25Тиширыуну аллай тазаланыу кезиуден тышында аны хайыз къаны кёп кюнню кетип болса неда къаны кетгени адетдеги тазаланыу кезиуден созулса, тазаланыу кезиуюндеча, ол аллай бирге дери харам болур. 26Къаны кетген заманда, тазаланыу кезиуюндеча, ол жатхан тёшек харам болур; ол олтургъан хар зат да, тазаланыу кезиуюндеча, харамгъа саналырла. 27Алагъа тийген адам харам болур. Ол кийимин жуусун, кеси да жууунсун; ол ингирге дери харам болур.
28Къаны кетгени тохтагъандан сора, тиширыу жети кюн сакъласын; сора ол таза болур. 29Сегизинчи кюн эки къумру неда эки кёгюрчюн бала алып, дин къуллукъчугъа, Тюбешиу Чатырны эшигини аллына келтирсин. 30Дин къуллукъчу аладан бирин гюнях ючюн къурман, экинчисин а толусунлай кюйдюрюлген къурман этсин. Алай бла, дин къуллукъчу, Раббийни аллында, аны къаны кетгенини харамлыгъындан тазалар.
31Былай этип, Исраил улуланы харамлыкъдан сакълагъыз. Алайсыз, аланы арасында болгъан Мекямымы харам этгенлери ючюн, ёлтюрюллюкдюле.
32Адамны уятлыгъындан акъгъаны ючюн, неда огъу тёгюлгени ючюн болгъан харамлыгъыны юсюнден адет буду. 33Тиширыуну хайыз къаны кетген кезиуде, акъгъаны болгъан эр кишини неда тиширыуну, харам болгъан тиширыу бла жатхан эр кишини юсюнден жорукъла.
Currently Selected:
Лебийлиле 15: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Лебийлиле 15
15
Чархны харамлыгъыны юсюнден
1Раббий Муссагъа бла Харуннга былай айтханды:
2– Исраил улулагъа сёлешип былай айтыгъыз:
Адамны уятлыкъ санындан акъгъаны болса, акъгъаныны себепли ол адам харамды. 3Акъгъаны ючюн харамлыкъны юсюнден жорукъ буду. Акъгъаны тохтаса, тохтамаса да, энди адам харамды.
4Акъгъаны болгъан адам жатхан тёшек, ол юсюне олтургъан хар зат да харамдыла. 5Ол жатхан тёшекге ким тийсе, ол кийимин жуусун, кеси да жууунсун; ингирге дери ол харам болур. 6Акъгъаны болгъан адам олтургъан жерге ким чёксе да, кийимин жуусун, кеси да жууунсун; ол ингирге дери харам болур.
7Акъгъаны болгъан адамгъа ким тийсе, ол кийимин жуусун, кеси да жууунсун; ол ингирге дери харам болур.
8Акъгъаны болгъан адам таза адамгъа тюкюрсе, ол адам кийимин жуусун, кеси да жууунсун; ол ингирге дери харам болур.
9Акъгъаны болгъан адам олтургъан иер харам болур. 10Ол олтургъан затха ким тийсе, ингирге дери харам болур. Аланы алып элтген адам да кийимлерин жуусун, кеси да жууунсун; ол ингирге дери харам боллукъду.
11Акъгъаны болгъан адам, къолларын жуумагъанлай, биреуге тийсе, ол адам кийимлерин жуусун, кеси да жууунсун; ол ингирге дери харам боллукъду.
12Акъгъаны болгъан адам топуракъ сауутха тийсе, ол сауутну ууатыргъа керекди. Агъачдан ишленнген сауутха тийсе уа, ол сауутну таза жууаргъа керекди.
13Акъгъаны болгъан адамны акъгъаны тохтагъандан сора ол, тазаланыр ючюн, жети кюнню сакъласын да, сора кийимлерин жуусун, кеси да жууунсун; сора ол таза болур. 14Сегизинчи кюн ол эки къумру неда эки кёгюрчюн бала алып, Раббийни аллына, Тюбешиу Чатырны эшигини аллына келсин да, аланы дин къуллукъчугъа берсин. 15Дин къуллукъчу аладан бирин гюнях ючюн къурман, экинчисин да толусунлай кюйдюрюлген къурман этсин. Аны бла дин къуллукъчу Раббийни аллында ол адамны акъгъанындан тазаласын.
16Бир эр кишини огъу тёгюлсе, ол битеу санларын жуусун; ингирге дери ол харам болур. 17Къумачдан неда териден ишленнген затха окъ тамса, аны жууаргъа керекди; ол зат ингирге дери харам болур. 18Бир эр киши къатыны бла жатып, окъ тёксе, ала экиси да жууунсунла; ингирге дери ала харам болурла.
19Тиширыуну хайыз къан кетгени болса, ол, тазаланыр ючюн, жети кюн сакъласын. Бу кезиуде анга тийген адам ингирге дери харам болур.
20Къаны кетген заманында ол жатхан эм ол олтургъан хар зат да харам болур. 21Аны тёшегине ким тийсе, ол кийимин жуусун, кеси да жууунсун; ол ингирге дери харам болур. 22Тиширыу олтургъан затха ким тийсе, ол кийимин жуусун, кеси да жууунсун; ол ингирге дери харам болур. 23Ол олтургъан тёшекге неда башха затха тийген адам ингирге дери харам болур.
24Эр киши аны бла жатса, харамлыгъы эр кишисине да кёчерикди. Ол жети кюн харам болур. Ол жатхан хар тёшек харам болур.
25Тиширыуну аллай тазаланыу кезиуден тышында аны хайыз къаны кёп кюнню кетип болса неда къаны кетгени адетдеги тазаланыу кезиуден созулса, тазаланыу кезиуюндеча, ол аллай бирге дери харам болур. 26Къаны кетген заманда, тазаланыу кезиуюндеча, ол жатхан тёшек харам болур; ол олтургъан хар зат да, тазаланыу кезиуюндеча, харамгъа саналырла. 27Алагъа тийген адам харам болур. Ол кийимин жуусун, кеси да жууунсун; ол ингирге дери харам болур.
28Къаны кетгени тохтагъандан сора, тиширыу жети кюн сакъласын; сора ол таза болур. 29Сегизинчи кюн эки къумру неда эки кёгюрчюн бала алып, дин къуллукъчугъа, Тюбешиу Чатырны эшигини аллына келтирсин. 30Дин къуллукъчу аладан бирин гюнях ючюн къурман, экинчисин а толусунлай кюйдюрюлген къурман этсин. Алай бла, дин къуллукъчу, Раббийни аллында, аны къаны кетгенини харамлыгъындан тазалар.
31Былай этип, Исраил улуланы харамлыкъдан сакълагъыз. Алайсыз, аланы арасында болгъан Мекямымы харам этгенлери ючюн, ёлтюрюллюкдюле.
32Адамны уятлыгъындан акъгъаны ючюн, неда огъу тёгюлгени ючюн болгъан харамлыгъыны юсюнден адет буду. 33Тиширыуну хайыз къаны кетген кезиуде, акъгъаны болгъан эр кишини неда тиширыуну, харам болгъан тиширыу бла жатхан эр кишини юсюнден жорукъла.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024