Лебийлиле 13
13
Тери ауруулары болгъан адамла юсюнден жорукъла
1Раббий Муссагъа бла Харуннга былай айтханды:
2– Биреуню терисинде кёпгени, чапырыуу неда къызарыуу болуп, ол зат жукъгъан тери ауруу болса, ол адамны алып, дин къуллукъчу Харуннга неда аны дин къуллукъчу уланларына келтирирге керекди. 3Дин къуллукъчу къарасын да, ауругъан жерде ёсген тюк агъарып болса эмда ауруу терини тюбюне тереннге барса, ол жукъгъан аурууду. Ауругъаннга къарагъандан сора, дин къуллукъчу аны харамлы болгъанын билдирсин. 4Адамны терисинде акъ тамгъасы болуп, алай а ол терини тюбюне тереннге бармаса, дин къуллукъчу ауругъан адамны башха адамладан жети кюннге айырсын. 5Жетинчи кюн дин къуллукъчу анга къарасын да, ауругъан жер тюрленмесе эмда терисинде жайылмаса, дин къуллукъчу аны башха адамладан дагъыда жети кюннге айырсын. 6Жетинчи кюн дин къуллукъчу анга жангыдан къарасын да, ауругъан жер онгса эмда терисинде жайылмаса, дин къуллукъчу адамны таза болгъанын билдирсин. Ол бош чапырыуду. Ауругъан адам кийимин жуусун да таза болур. 7Алай а, ауругъан адам тазаланыр ючюн дин къуллукъчугъа келип кетгенден сора, чапырыу терисинде жайылса, ол биягъы дин къуллукъчугъа барсын. 8Дин къуллукъчу чапырыуну терисинде жайылгъанын кёрсе, ауругъанны харамлы болгъанын билдирсин. Бу – жукъгъан тери аурууду.
9Алайды да, жукъгъан тери аурууу болгъан адамны дин къуллукъчугъа келтирирге керекди. 10Дин къуллукъчу анга къарасын да, терисинде акъ кёпгени болса, тюгю да агъарса, кёпген жерде ачыкъ жара да кёрюнсе, 11ол – тохтамагъан тери аурууду. Дин къуллукъчу аны харамлы болгъанын билдирсин да, башха адамладан айырсын, нек дегенде, ол харамлыды.
12Ауруу адамны битеу терисине жайылса эм башындан аякъларына дери къаплап алса, дин къуллукъчу анга къарасын. 13Дин къуллукъчу, тери ауруу адамны битеу санларына жайылгъанын кёрсе, ауругъанны таза болгъанын билдирсин. Битеу акъ болгъан эсе, ол тазады. 14Алай а юсюнде ачыкъ жара кёрюнсе, ол харамлы болур. 15Ачыкъ жарала кёрсе, дин къуллукъчу ауругъанны харамлы болгъанын билдирсин. Ачыкъ жара – харамлыкъды, жукъгъан тери аурууду. 16Ачыкъ жара тюрленип агъарса, ауругъан адам дин къуллукъчугъа келсин. 17Дин къуллукъчу анга къарасын да, ауругъан жер агъарып эсе, ол ауругъан адамны таза болгъанын билдирсин. Ол адам тазады.
18Биреуню терисинде иринлегени болуп, сау болса, 19ол жерде уа акъ кёпгени неда къызгъылдым тамгъа кёрюнсе, ауругъан адам дин къуллукъчугъа келсин. 20Дин къуллукъчу анга къарасын да, ауруу терисине тереннге кетсе, юсюндеги тюгю да агъаргъан эсе, ол аны харамлы болгъанын билдирсин. Бу – жукъгъан тери аурууду. Ол иринлеген жерде чыкъгъанды. 21Дин къуллукъчу тамгъагъа къарагъанда юсюнде агъаргъан тюк кёрмесе, тамгъа да терини теренине кетмеген эсе эмда онгнган болса, дин къуллукъчу ауругъанны сынаугъа башха адамладан жети кюннге айырсын. 22Тамгъа терисинде жайылып барса, дин къуллукъчу ауругъанны харамлы болгъанын билдирсин. Бу – аурууну белгисиди. 23Тамгъа тюрленмесе эм жайылмаса, ол – жалан да иринлеген жерни табыды. Дин къуллукъчу ауругъанны таза болгъанын билдирсин.
24Биреуню терисинде кюйген жери болуп, ол жерде къызгъылдым неда акъ тамгъа кёрюнсе, 25дин къуллукъчу тамгъагъа къарасын да, юсюндеги тюгю агъарып, тамгъа да терисине тереннге кетсе, ол, кюйген жерде чыкъгъан жукъгъан аурууду. Дин къуллукъчу ауругъанны харамлы болгъанын билдирсин. Бу – жукъгъан аурууду. 26Тамгъагъа къарагъанда дин къуллукъчу агъаргъан тюк кёрмесе уа, тамгъа да терини теренине кетген болмаса эмда онгнган болса, дин къуллукъчу ауругъанны сынаугъа башха адамладан жети кюннге айырсын. 27Жетинчи кюн дин къуллукъчу анга къарасын да, тамгъа терисинде жайылса, ауругъан адамны харамлы болгъанын билдирсин. Бу – жукъгъан тери аурууду. 28Тамгъа тюрленмей, терисинде да жайылмай, онгса, ол – жалан да кюйген жерни кёпгениди. Дин къуллукъчу адамны таза болгъанын билдирсин, нек дегенде, бу – жалан да кюйген жерни табыды.
29Эр кишини неда тиширыуну башында неда сакъалында ауругъан жери болса, 30дин къуллукъчу анга къарасын да, ауруу терисине тереннге кирип, юсюндеги тюгю уа сары эм иничге эсе, ол ауругъан адамны харамлы болгъанын билдирсин. Бу – темиреудю#13:30 Темиреу – орус. лишай., адамны башында неда сакъал тюбюнде чыгъыучу жукъгъан аурууду. 31Дин къуллукъчу ауругъан жерге къарагъанда, ауруу терини теренине бармагъанын, юсюнде къара тюгю да болмагъанын кёрсе, ол ауругъан адамны сынаугъа башха адамладан жети кюннге айырсын. 32Жетинчи кюн дин къуллукъчу жангыдан ауругъан жерге къарасын да, темиреу жайылмаса, юсюнде да сары тюк болмаса, кеси да терини теренине бармаса, 33ол адамны ауругъан жериндеги тюгюнден башха битеу тюгюн жюлюсюнле. Дин къуллукъчу аны башха адамладан дагъыда жети кюннге айырсын. 34Жетинчи кюн дин къуллукъчу темиреу чыкъгъан жерге къарасын да, ол терисинде жайылмаса, терини теренине да бармаса, ол адамны таза болгъанын билдирсин. Ауругъан адам кийимин жуусун да, таза болур. 35Алай а, аны таза болгъаны билдирилгенден сора, темиреу терисинде жайылып башласа, 36дин къуллукъчу анга биягъы къарасын. Темиреу терисинде жайылып барса, дин къуллукъчу сары тюк излеп кюрешмесин: ол адам харамлыды. 37Жаланда, ауругъан жер тюрленмесе, юсюнде да къара тюк ёсюп чыкъса, темиреу кетгени баямды. Ауругъан адам тазады. Дин къуллукъчу аны таза болгъанын билдирсин.
38Эр кишини неда тиширыуну терисинде акъ тамгъала кёрюнселе, 39дин къуллукъчу алагъа къарасын. Тамгъала саз бетли болсала, бу – терини юсюнде болуучу бош чапырыуду. Адам тазады.
40Биреуню тёппеси чачсыз болса, ол къашхады, ол адам тазады. 41Мангылай башы чачсыз болса, ол да къашхады, ол адам тазады. 42Алай а къашхада къызгъылдым ауругъан жер кёрюнсе, къашхасында жукъгъан тери ауруу чыкъгъаны баямды. 43Дин къуллукъчу ол адамгъа къарасын да, къашхасындагъы кёпгени, жукъгъан тери ауруугъа ушаш къызгъылдым тюрсюнлю эсе, 44ол адамны тери аурууу болгъаны баямды, ол харамлыды. Башында тери аурууну белгилери шарт ачыкъланнганлары себепли, дин къуллукъчу аны харамлы болгъанын билдирсин.
45Аллай белгилери болгъан ауругъан адам жыртылгъан кийимни кийсин, чачы да бош болуп, бетини да тюп жаны жабылып: «Харам! Харам!» – дегенни къычырып, айлансын. 46Ауруулу болгъан битеу заманында ол харамлы болур. Ол, башха адамладан айры, къонушну тышында жашасын.
Мугутну юсюнден жорукъла
47– Кийимде мугут кёрюнсе: жюн кийим болсун, гетен#13:47 Гетен – орус. лён. кийим болсун, 48гетенден неда жюнден согъулгъан неда эшилген къумач эсе да, тери неда териден этилген зат болсун, – 49кийимде, териде, согъулгъан неда эшилген къумачда, неда териден этилген затда жашил неда къызгъылдым тамгъа кёрюнсе, ол – жайылгъан мугутду. Ол затны дин къуллукъчугъа кёргюзтюрге керекди. 50Дин къуллукъчу мугутха къарасын да, ол мугут жукъгъан затны алып, аны жети кюнню айры тутсун. 51Жетинчи кюн дин къуллукъчу анга къарасын да, кийимни, согъулгъан неда эшилген къумачны неда териден этилген затны юсюнде мугут жайылгъан болса, ол жайылыучу мугутду. Ол зат харамды. 52Дин къуллукъчу юсюнде мугуту болгъан кийимни, жюнден неда гетенден согъулгъан неда эшилген къумачны, неда териден этилген затны кюйдюрсюн, нек дегенде, ол – жайылыучу мугутду. Аны кюйдюрюрге керекди.
53Алай а, дин къуллукъчу къарагъанда, кийимни, согъулгъан неда эшилген къумачны, неда териден этилген затны юсюндеги мугут жайылмагъанын кёрсе, 54дин къуллукъчу юсюнде мугуту болгъан затны жууаргъа буюрсун. Сора ол затны алып, аны жети кюнню айры тутсун. 55Мугут тийген зат жууулгъандан сора, анга дин къуллукъчу къарасын да, мугут тюрленмесе, ол жайылгъан да этмесе, ол зат харамды. Мугут ол затны ич жанына тийсе, тыш жанына тийсе да, аны кюйдюрюрге керекди. 56Дин къуллукъчу къарагъанда, ол зат жууулгъандан сора, мугутну онгнганын кёрсе, ол кийимден, териден, согъулгъан неда эшилген къумачдан мугут тийген кесегин жыртып кетерсин. 57Кийимде, согъулгъан неда эшилген къумачда неда териден этилген затда жангыдан мугут кёрюнсе, аны жайылгъаны баямды. Мугут тийген затны кюйдюрюрге керекди. 58Мугут жууулгъан кийимден, согъулгъан неда эшилген къумачны, неда териден этилген затны юсюнден кетсе, аны жангыдан жууаргъа керекди. Сора ол таза болур.
59Мугут тийген, жюнден неда гетенден этилген кийимни, согъулгъан неда эшилген къумачны, неда териден этилген затны юсюнден, аланы таза неда харам болгъанларын билдиргенни юсюнден адет буду.
Currently Selected:
Лебийлиле 13: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Лебийлиле 13
13
Тери ауруулары болгъан адамла юсюнден жорукъла
1Раббий Муссагъа бла Харуннга былай айтханды:
2– Биреуню терисинде кёпгени, чапырыуу неда къызарыуу болуп, ол зат жукъгъан тери ауруу болса, ол адамны алып, дин къуллукъчу Харуннга неда аны дин къуллукъчу уланларына келтирирге керекди. 3Дин къуллукъчу къарасын да, ауругъан жерде ёсген тюк агъарып болса эмда ауруу терини тюбюне тереннге барса, ол жукъгъан аурууду. Ауругъаннга къарагъандан сора, дин къуллукъчу аны харамлы болгъанын билдирсин. 4Адамны терисинде акъ тамгъасы болуп, алай а ол терини тюбюне тереннге бармаса, дин къуллукъчу ауругъан адамны башха адамладан жети кюннге айырсын. 5Жетинчи кюн дин къуллукъчу анга къарасын да, ауругъан жер тюрленмесе эмда терисинде жайылмаса, дин къуллукъчу аны башха адамладан дагъыда жети кюннге айырсын. 6Жетинчи кюн дин къуллукъчу анга жангыдан къарасын да, ауругъан жер онгса эмда терисинде жайылмаса, дин къуллукъчу адамны таза болгъанын билдирсин. Ол бош чапырыуду. Ауругъан адам кийимин жуусун да таза болур. 7Алай а, ауругъан адам тазаланыр ючюн дин къуллукъчугъа келип кетгенден сора, чапырыу терисинде жайылса, ол биягъы дин къуллукъчугъа барсын. 8Дин къуллукъчу чапырыуну терисинде жайылгъанын кёрсе, ауругъанны харамлы болгъанын билдирсин. Бу – жукъгъан тери аурууду.
9Алайды да, жукъгъан тери аурууу болгъан адамны дин къуллукъчугъа келтирирге керекди. 10Дин къуллукъчу анга къарасын да, терисинде акъ кёпгени болса, тюгю да агъарса, кёпген жерде ачыкъ жара да кёрюнсе, 11ол – тохтамагъан тери аурууду. Дин къуллукъчу аны харамлы болгъанын билдирсин да, башха адамладан айырсын, нек дегенде, ол харамлыды.
12Ауруу адамны битеу терисине жайылса эм башындан аякъларына дери къаплап алса, дин къуллукъчу анга къарасын. 13Дин къуллукъчу, тери ауруу адамны битеу санларына жайылгъанын кёрсе, ауругъанны таза болгъанын билдирсин. Битеу акъ болгъан эсе, ол тазады. 14Алай а юсюнде ачыкъ жара кёрюнсе, ол харамлы болур. 15Ачыкъ жарала кёрсе, дин къуллукъчу ауругъанны харамлы болгъанын билдирсин. Ачыкъ жара – харамлыкъды, жукъгъан тери аурууду. 16Ачыкъ жара тюрленип агъарса, ауругъан адам дин къуллукъчугъа келсин. 17Дин къуллукъчу анга къарасын да, ауругъан жер агъарып эсе, ол ауругъан адамны таза болгъанын билдирсин. Ол адам тазады.
18Биреуню терисинде иринлегени болуп, сау болса, 19ол жерде уа акъ кёпгени неда къызгъылдым тамгъа кёрюнсе, ауругъан адам дин къуллукъчугъа келсин. 20Дин къуллукъчу анга къарасын да, ауруу терисине тереннге кетсе, юсюндеги тюгю да агъаргъан эсе, ол аны харамлы болгъанын билдирсин. Бу – жукъгъан тери аурууду. Ол иринлеген жерде чыкъгъанды. 21Дин къуллукъчу тамгъагъа къарагъанда юсюнде агъаргъан тюк кёрмесе, тамгъа да терини теренине кетмеген эсе эмда онгнган болса, дин къуллукъчу ауругъанны сынаугъа башха адамладан жети кюннге айырсын. 22Тамгъа терисинде жайылып барса, дин къуллукъчу ауругъанны харамлы болгъанын билдирсин. Бу – аурууну белгисиди. 23Тамгъа тюрленмесе эм жайылмаса, ол – жалан да иринлеген жерни табыды. Дин къуллукъчу ауругъанны таза болгъанын билдирсин.
24Биреуню терисинде кюйген жери болуп, ол жерде къызгъылдым неда акъ тамгъа кёрюнсе, 25дин къуллукъчу тамгъагъа къарасын да, юсюндеги тюгю агъарып, тамгъа да терисине тереннге кетсе, ол, кюйген жерде чыкъгъан жукъгъан аурууду. Дин къуллукъчу ауругъанны харамлы болгъанын билдирсин. Бу – жукъгъан аурууду. 26Тамгъагъа къарагъанда дин къуллукъчу агъаргъан тюк кёрмесе уа, тамгъа да терини теренине кетген болмаса эмда онгнган болса, дин къуллукъчу ауругъанны сынаугъа башха адамладан жети кюннге айырсын. 27Жетинчи кюн дин къуллукъчу анга къарасын да, тамгъа терисинде жайылса, ауругъан адамны харамлы болгъанын билдирсин. Бу – жукъгъан тери аурууду. 28Тамгъа тюрленмей, терисинде да жайылмай, онгса, ол – жалан да кюйген жерни кёпгениди. Дин къуллукъчу адамны таза болгъанын билдирсин, нек дегенде, бу – жалан да кюйген жерни табыды.
29Эр кишини неда тиширыуну башында неда сакъалында ауругъан жери болса, 30дин къуллукъчу анга къарасын да, ауруу терисине тереннге кирип, юсюндеги тюгю уа сары эм иничге эсе, ол ауругъан адамны харамлы болгъанын билдирсин. Бу – темиреудю#13:30 Темиреу – орус. лишай., адамны башында неда сакъал тюбюнде чыгъыучу жукъгъан аурууду. 31Дин къуллукъчу ауругъан жерге къарагъанда, ауруу терини теренине бармагъанын, юсюнде къара тюгю да болмагъанын кёрсе, ол ауругъан адамны сынаугъа башха адамладан жети кюннге айырсын. 32Жетинчи кюн дин къуллукъчу жангыдан ауругъан жерге къарасын да, темиреу жайылмаса, юсюнде да сары тюк болмаса, кеси да терини теренине бармаса, 33ол адамны ауругъан жериндеги тюгюнден башха битеу тюгюн жюлюсюнле. Дин къуллукъчу аны башха адамладан дагъыда жети кюннге айырсын. 34Жетинчи кюн дин къуллукъчу темиреу чыкъгъан жерге къарасын да, ол терисинде жайылмаса, терини теренине да бармаса, ол адамны таза болгъанын билдирсин. Ауругъан адам кийимин жуусун да, таза болур. 35Алай а, аны таза болгъаны билдирилгенден сора, темиреу терисинде жайылып башласа, 36дин къуллукъчу анга биягъы къарасын. Темиреу терисинде жайылып барса, дин къуллукъчу сары тюк излеп кюрешмесин: ол адам харамлыды. 37Жаланда, ауругъан жер тюрленмесе, юсюнде да къара тюк ёсюп чыкъса, темиреу кетгени баямды. Ауругъан адам тазады. Дин къуллукъчу аны таза болгъанын билдирсин.
38Эр кишини неда тиширыуну терисинде акъ тамгъала кёрюнселе, 39дин къуллукъчу алагъа къарасын. Тамгъала саз бетли болсала, бу – терини юсюнде болуучу бош чапырыуду. Адам тазады.
40Биреуню тёппеси чачсыз болса, ол къашхады, ол адам тазады. 41Мангылай башы чачсыз болса, ол да къашхады, ол адам тазады. 42Алай а къашхада къызгъылдым ауругъан жер кёрюнсе, къашхасында жукъгъан тери ауруу чыкъгъаны баямды. 43Дин къуллукъчу ол адамгъа къарасын да, къашхасындагъы кёпгени, жукъгъан тери ауруугъа ушаш къызгъылдым тюрсюнлю эсе, 44ол адамны тери аурууу болгъаны баямды, ол харамлыды. Башында тери аурууну белгилери шарт ачыкъланнганлары себепли, дин къуллукъчу аны харамлы болгъанын билдирсин.
45Аллай белгилери болгъан ауругъан адам жыртылгъан кийимни кийсин, чачы да бош болуп, бетини да тюп жаны жабылып: «Харам! Харам!» – дегенни къычырып, айлансын. 46Ауруулу болгъан битеу заманында ол харамлы болур. Ол, башха адамладан айры, къонушну тышында жашасын.
Мугутну юсюнден жорукъла
47– Кийимде мугут кёрюнсе: жюн кийим болсун, гетен#13:47 Гетен – орус. лён. кийим болсун, 48гетенден неда жюнден согъулгъан неда эшилген къумач эсе да, тери неда териден этилген зат болсун, – 49кийимде, териде, согъулгъан неда эшилген къумачда, неда териден этилген затда жашил неда къызгъылдым тамгъа кёрюнсе, ол – жайылгъан мугутду. Ол затны дин къуллукъчугъа кёргюзтюрге керекди. 50Дин къуллукъчу мугутха къарасын да, ол мугут жукъгъан затны алып, аны жети кюнню айры тутсун. 51Жетинчи кюн дин къуллукъчу анга къарасын да, кийимни, согъулгъан неда эшилген къумачны неда териден этилген затны юсюнде мугут жайылгъан болса, ол жайылыучу мугутду. Ол зат харамды. 52Дин къуллукъчу юсюнде мугуту болгъан кийимни, жюнден неда гетенден согъулгъан неда эшилген къумачны, неда териден этилген затны кюйдюрсюн, нек дегенде, ол – жайылыучу мугутду. Аны кюйдюрюрге керекди.
53Алай а, дин къуллукъчу къарагъанда, кийимни, согъулгъан неда эшилген къумачны, неда териден этилген затны юсюндеги мугут жайылмагъанын кёрсе, 54дин къуллукъчу юсюнде мугуту болгъан затны жууаргъа буюрсун. Сора ол затны алып, аны жети кюнню айры тутсун. 55Мугут тийген зат жууулгъандан сора, анга дин къуллукъчу къарасын да, мугут тюрленмесе, ол жайылгъан да этмесе, ол зат харамды. Мугут ол затны ич жанына тийсе, тыш жанына тийсе да, аны кюйдюрюрге керекди. 56Дин къуллукъчу къарагъанда, ол зат жууулгъандан сора, мугутну онгнганын кёрсе, ол кийимден, териден, согъулгъан неда эшилген къумачдан мугут тийген кесегин жыртып кетерсин. 57Кийимде, согъулгъан неда эшилген къумачда неда териден этилген затда жангыдан мугут кёрюнсе, аны жайылгъаны баямды. Мугут тийген затны кюйдюрюрге керекди. 58Мугут жууулгъан кийимден, согъулгъан неда эшилген къумачны, неда териден этилген затны юсюнден кетсе, аны жангыдан жууаргъа керекди. Сора ол таза болур.
59Мугут тийген, жюнден неда гетенден этилген кийимни, согъулгъан неда эшилген къумачны, неда териден этилген затны юсюнден, аланы таза неда харам болгъанларын билдиргенни юсюнден адет буду.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024