Лебийлиле 12
12
Сабий туугъандан сора тазаланыу
1Раббий Муссагъа сёлешип, былай айтханды:
2– Исраил улулагъа былай айт: «Тиширыу бууаз болуп, жаш тапса, ол жети кюнню харамлы болур. Ол, хайыз#12:2 Хайыз – тиширыуну бала орунундан ай сайын келиучю къан; орус. менструация. кёрген заманда кибик, харамлы болур.
3Сегизинчи кюн сабийге сюннет этилсин. 4Адан сора тиширыу къанындан тазаланыр ючюн, 33 кюн сакъласын. Аны тазаланыу кюнлери озгъунчу, ол не бир сыйлы затха тиймесин, Сыйлы Жерге да бармасын. 5Тиширыу къыз тапса, эки ыйыкъны харамлы болур. Хайыз кёрген заманда кибик, харамлы болур. Сора ол, къанындан тазаланыр ючюн, 66 кюн сакъласын.
6Жаш бала неда къыз бала ючюн тазаланыу кюнлери озгъандан сора, ол дин къуллукъчугъа, Тюбешиу Чатырны эшигини аллына толусунлай кюйдюрюлген къурманнга къозу бла гюнях ючюн къурманнга кёгюрчюн бала неда къумру келтирсин. 7Дин къуллукъчу аланы Раббийни аллына келтирсин да тиширыуну тазаласын. Сора ол, къан жугъуларындан таза болур.
Жаш неда къыз тапхан тиширыуну юсюнден адет буду. 8Тиширыуну къозу къурман этер амалы болмаса, эки къумру бла эки кёгюрчюн бала келтирсин. Бирин – толусунлай кюйдюрюлген къурманнга, бирин а – гюнях ючюн къурманнга. Дин къуллукъчу тиширыу ючюн тазалау этер да, ол таза болур».
Currently Selected:
Лебийлиле 12: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
