Лебийлиле 10
10
Надабны бла Абихуну гюняхлары
1Харун улула Надаб бла Абиху хар бири кёмюр табагъын алып, ары мыдых, мыдыхны юсюне уа ариу ийис берген хансла атхандыла да, Раббийни аллына, Ол буюрмагъан киши от#10:1 Дин къуллукъчула, ладан ийис чыгъарыр ючюн, мыдыхны Сыйлы Чатырны арбазында тургъан къурман жерден алыргъа керек эдиле (къ. 16:12). Баям, Харунну уланлары мыдыхны бир башха жерден алгъан болур эдиле. Дагъыда, Харунну уланлары эсирип да болур эдиле, нек дегенде, 9-чу аятда Раббий дин къуллукъчулагъа чагъыр неда сыра ичмезге буюрады. келтиргендиле. 2Сора Раббийден от чыгъып, аланы кюйдюргенди да, ала Раббийни аллында ёлгендиле. 3Мусса Харуннга былай айтды:
– Раббий:
«Манга жуукълашхан адамланы юсюнде Мен сыйлылыгъымы кёргюзтюрме,
битеу халкъны кёз аллында къудуретими кёргюзтюрме», –
деп, ма муну юсюнден айта эди.
Харун анга жукъ айтмады.
4Мусса Харунну атасыны къарындашы Уззиел улулары Мишаелни бла Элсафанны чакъыртып, алагъа:
– Барыгъыз да, къарындашларыгъызны Сыйлы Жерден алып, къонушдан тышына чыгъарыгъыз, – деди.
5Ала бардыла да, Мусса буюргъаны кибик, аланы узун кёлеклеринден тутуп къонушдан тышына чыгъардыла.
6Мусса Харуннга бла аны жашларына, Элазар бла Итамаргъа:
– Чачларыгъызны бошламагъыз, кийимлеригизни жыртмагъыз, – дегенди. – Алай болмаса, сиз да ёлюрсюз, битеу жамауатха да Раббийни ачыуу тюшер. Алай а сизни жууукъларыгъыз эм битеу Исраил халкъы Раббий кюйдюргенле ючюн бушуу этерге эркиндиле. 7Сиз ёлмез ючюн, Тюбешиу Чатырдан чыкъмагъыз, нек дегенде, сизни юсюгюзде Раббийге майланнганыгъызны жауу барды.
Ала Мусса буюргъаны кибик этгендиле.
Дин къуллукъчуланы жумушлары
8Раббий Харуннга былай айтханды:
9– Сен бла сени улуларынг Тюбешиу Чатыргъа киргенигизде, чагъыр неда эсиртген башха ичги ичмегиз, ичсегиз а – ёллюксюз. Келлик тёлюлеге бу ёмюрлюк жорукъ болсун. 10Сыйлыны бла сыйлы болмагъанны, харамны бла халалны айыра билигиз, 11Исраил улуланы Раббий Муссадан билдирген бегимлеге юйретигиз.
12Мусса Харуннга бла аны къалгъан улулары Элазар бла Итамаргъа:
– Раббийге отда кюйдюрюлген къурманладан къалгъан мирзеу саугъаны, ачымагъан халыуланы алыгъыз да, аны къурман жерни жанында ашагъыз. Ол – бек сыйлыды. 13Аны сыйлы жерде ашагъыз. Ол, Раббийге отда кюйдюрюлген къурманладан сени бла уланларынгы юлюшюгюздю. Манга алай буюрулгъанды. 14Сен да, сени уланларынг бла къызларынг да, кётюрюлген тёшню эм саугъагъа берилген бутну ашаргъа эркинсиз. Аланы таза жерде ашагъыз; ала Исраил улула келтирген саламатлыкъ къурманладан санга бла сени сабийлеринге юлюшге берилгендиле. 15Саугъагъа берилген бутну бла кётюрюлген тёшню отда кюйдюрюлген къурманланы жаулары бла, Раббийни аллында кётюрюп келтирирге керекди. Ол санга бла сени сабийлеринге дайым юлюш боллукъду. Раббий алай буюргъанды.
16Мусса гюнях ючюн къурманнга келтирилген текени излегенди да, аны кюйдюрюлгенин билип, Харунну къалгъан уланларына, Элазар бла Итамаргъа, ачыуланнганды.
17– Сиз гюнях ючюн къурманны сыйлы жерде нек ашамагъансыз? – деп соргъанды. – Ол бек сыйлы затды. Ол сизге, сиз жамауатны терслигин боюнугъузгъа алыр ючюн эм аланы Раббийни аллында тазалау этер ючюн, берилгенди. 18Аны къаны Тюбешиу Чатыргъа кийирилмегени себепли, сиз, буюргъаным кибик, ол къурманны сыйлы жерде ашаргъа керек эдигиз.
19Харун Муссагъа былай айтды:
– Бюгюн ала Раббийге гюнях ючюн къурманларын, толусунлай кюйдюрюлген къурманларын да келтиргендиле. Мени башыма уа бу тюшдю. Мен бюгюн гюнях ючюн къурманны ашасам, Раббий аны жаратырмы?
20Мусса, аны эшитгенде, ыразы болгъанды.
Currently Selected:
Лебийлиле 10: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Лебийлиле 10
10
Надабны бла Абихуну гюняхлары
1Харун улула Надаб бла Абиху хар бири кёмюр табагъын алып, ары мыдых, мыдыхны юсюне уа ариу ийис берген хансла атхандыла да, Раббийни аллына, Ол буюрмагъан киши от#10:1 Дин къуллукъчула, ладан ийис чыгъарыр ючюн, мыдыхны Сыйлы Чатырны арбазында тургъан къурман жерден алыргъа керек эдиле (къ. 16:12). Баям, Харунну уланлары мыдыхны бир башха жерден алгъан болур эдиле. Дагъыда, Харунну уланлары эсирип да болур эдиле, нек дегенде, 9-чу аятда Раббий дин къуллукъчулагъа чагъыр неда сыра ичмезге буюрады. келтиргендиле. 2Сора Раббийден от чыгъып, аланы кюйдюргенди да, ала Раббийни аллында ёлгендиле. 3Мусса Харуннга былай айтды:
– Раббий:
«Манга жуукълашхан адамланы юсюнде Мен сыйлылыгъымы кёргюзтюрме,
битеу халкъны кёз аллында къудуретими кёргюзтюрме», –
деп, ма муну юсюнден айта эди.
Харун анга жукъ айтмады.
4Мусса Харунну атасыны къарындашы Уззиел улулары Мишаелни бла Элсафанны чакъыртып, алагъа:
– Барыгъыз да, къарындашларыгъызны Сыйлы Жерден алып, къонушдан тышына чыгъарыгъыз, – деди.
5Ала бардыла да, Мусса буюргъаны кибик, аланы узун кёлеклеринден тутуп къонушдан тышына чыгъардыла.
6Мусса Харуннга бла аны жашларына, Элазар бла Итамаргъа:
– Чачларыгъызны бошламагъыз, кийимлеригизни жыртмагъыз, – дегенди. – Алай болмаса, сиз да ёлюрсюз, битеу жамауатха да Раббийни ачыуу тюшер. Алай а сизни жууукъларыгъыз эм битеу Исраил халкъы Раббий кюйдюргенле ючюн бушуу этерге эркиндиле. 7Сиз ёлмез ючюн, Тюбешиу Чатырдан чыкъмагъыз, нек дегенде, сизни юсюгюзде Раббийге майланнганыгъызны жауу барды.
Ала Мусса буюргъаны кибик этгендиле.
Дин къуллукъчуланы жумушлары
8Раббий Харуннга былай айтханды:
9– Сен бла сени улуларынг Тюбешиу Чатыргъа киргенигизде, чагъыр неда эсиртген башха ичги ичмегиз, ичсегиз а – ёллюксюз. Келлик тёлюлеге бу ёмюрлюк жорукъ болсун. 10Сыйлыны бла сыйлы болмагъанны, харамны бла халалны айыра билигиз, 11Исраил улуланы Раббий Муссадан билдирген бегимлеге юйретигиз.
12Мусса Харуннга бла аны къалгъан улулары Элазар бла Итамаргъа:
– Раббийге отда кюйдюрюлген къурманладан къалгъан мирзеу саугъаны, ачымагъан халыуланы алыгъыз да, аны къурман жерни жанында ашагъыз. Ол – бек сыйлыды. 13Аны сыйлы жерде ашагъыз. Ол, Раббийге отда кюйдюрюлген къурманладан сени бла уланларынгы юлюшюгюздю. Манга алай буюрулгъанды. 14Сен да, сени уланларынг бла къызларынг да, кётюрюлген тёшню эм саугъагъа берилген бутну ашаргъа эркинсиз. Аланы таза жерде ашагъыз; ала Исраил улула келтирген саламатлыкъ къурманладан санга бла сени сабийлеринге юлюшге берилгендиле. 15Саугъагъа берилген бутну бла кётюрюлген тёшню отда кюйдюрюлген къурманланы жаулары бла, Раббийни аллында кётюрюп келтирирге керекди. Ол санга бла сени сабийлеринге дайым юлюш боллукъду. Раббий алай буюргъанды.
16Мусса гюнях ючюн къурманнга келтирилген текени излегенди да, аны кюйдюрюлгенин билип, Харунну къалгъан уланларына, Элазар бла Итамаргъа, ачыуланнганды.
17– Сиз гюнях ючюн къурманны сыйлы жерде нек ашамагъансыз? – деп соргъанды. – Ол бек сыйлы затды. Ол сизге, сиз жамауатны терслигин боюнугъузгъа алыр ючюн эм аланы Раббийни аллында тазалау этер ючюн, берилгенди. 18Аны къаны Тюбешиу Чатыргъа кийирилмегени себепли, сиз, буюргъаным кибик, ол къурманны сыйлы жерде ашаргъа керек эдигиз.
19Харун Муссагъа былай айтды:
– Бюгюн ала Раббийге гюнях ючюн къурманларын, толусунлай кюйдюрюлген къурманларын да келтиргендиле. Мени башыма уа бу тюшдю. Мен бюгюн гюнях ючюн къурманны ашасам, Раббий аны жаратырмы?
20Мусса, аны эшитгенде, ыразы болгъанды.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024