Жаратылыу 44
44
Тас болгъан кюмюш аякъ
1Сора Юсюп кесини юй таматасына быллай буйрукъ берди:
– Бу адамланы тулукъларын мирзеуден элталлыкълары къадар толтур, хар бирини ахчасын да тулугъуну башына сал. 2Мени кюмюш аягъымы уа, мирзеу ючюн берген ахчасын да кичилерини тулугъуна сал.
Юй таматасы, Юсюп анга айтханча этгенди.
3Эрттенликде, танг жарыгъанлай, къарындашланы эшеклери бла бирге жибергендиле. 4Ала шахардан узакъ кетгинчи, Юсюп кесини юй таматасына:
– Бар, ол адамланы ызларындан тюш, – деди. – Сора, къуууп жетгенинглей, алагъа былай айт: «Сиз ахшылыкъ ючюн аманлыкъ нек этдигиз? 5Ол аякъ, бийим андан ичиучю аякъ тюйюлмюдю? Ол аны бла билгичлик этеди. Сиз осал иш этдигиз».
6Юй таматасы аланы къуууп жетип, алагъа бу сёзлени айтды. 7Ала уа:
– Бизни бийибиз аллай сёзле нек айтады? – дедиле. – Угъай, къулларынг аллай иш этерик тюйюлдюле. 8Ма, биз тулукъларыбызда тапхан ахчаны да Кенанны жеринден къайтарып санга келтиргенбиз. Бийинги юйюнден кюмюш неда алтын биз къалай урлар эдик? 9Къулларынгдан кимде табылса да, анга ёлюм, къалгъанларыбыз да бийибизге къулла болурбуз.
10– Ахшы, – деди юй таматасы, – сиз айтханча болсун: аякъ кимде табылса да, ол манга къул болур, къалгъанларыгъыз а терс болмазсыз.
11Аланы хар бири терк окъуна тулугъун жерге тюшюрюп, ачханды. 12Юй таматасы тинтиу этгенди, таматаларындан башлап, кичилеринде бошагъанды. Аякъ Беняминни тулугъунда табылгъанды. 13Къарындашлары жарсып, кеслерини кийимлерин жыртхандыла, сора, хар бири жюгюн эшегине салып, шахаргъа къайтхандыла.
14Яхуда бла аны къарындашлары Юсюпню юйюне келгенлеринде, Юсюп алыкъа юйюнде эди. Аны аллында жерге аугъандыла. 15Юсюп алагъа:
– Сиз алай нек этдигиз? – деди. – Мени кибик адам билгичлик этип биллигими къалай ангыламай эдигиз?
16– Бийибизге не айтайыкъ? – деди анга Яхуда. – Не дейик? Не бла ариуланайыкъ? Аллах къулларынгы терсликлерин тапханды. Ма биз да, аякъ кимни къолунда табылгъан эсе, ол да, бийибизге къуллабыз.
17– Угъай, – деди Юсюп, – мен алай этмем. Аякъ кимни къолунда табылгъан эсе да, ол манга къул боллукъду, сиз а ырахатлыкъ бла атагъызгъа барыгъыз.
Яхуда Бенямин ючюн жалбарады
18Сора Яхуда аны къатына барып:
– Бийим, сен фыргъаууннга тенг адамса. Тилейме, къулунга сёз айтыргъа эркинлик бер эмда къулунга чамланма. 19Бийим къулларына: «Сизни атагъыз неда къарындашыгъыз бармыды?» – деп соргъан эди. 20Биз а бийибизге: «Бизни бек къартайгъан атабыз эмда аны кичи жашы, къартлыгъында туугъан жашы барды, аны уа къарындашы ёлюп, ол анасындан жангыз къалгъанды, атабыз да аны бек сюеди», – деп айтхан эдик. 21Сен а къулларынга: «Аны манга келтиригиз, мен аны кёзюм бла кёрейим», – деген эдинг. 22Биз бийибизге: «Жаш атасын къоюп кетерге амалы жокъду; ол атасын къоюп кетсе уа, атабыз ёлюп къаллыкъды», – деген эдик. 23Сен а къулларынга: «Сизни гитче къарындашыгъыз биргегизге келмесе уа, сиз энди мени кёзюме кёрюнмегиз», – деген эдинг. 24Биз, сени къулунга, атабызгъа келген заманыбызда уа, бийими сёзлерин анга айтхан эдик. 25Сора атабыз: «Энтта барып, бизге бираз аш сатып алыгъыз», – деген эди. 26Биз а: «Бизге барыргъа амал жокъду; гитче къарындашыбыз бизни бла болса уа, барырбыз; нек десенг, гитче къарындашыбыз бизни бла болмаса, бизге ол адамны бетин кёрюрге амал жокъду», – деген эдик. 27Сора къулунг, атабыз, бизге былай айтхан эди: «Бу къатыным манга эки улан тапханын билесиз. 28Бири менден кетгенди, мен да: „Баям, ол таланнган болур“, – дегенме; мен аны эндиге дери да кёрмегенме. 29Муну да сиз мени кёз аллымдан алып, мынга да бир палах болса уа, сиз чал башымы къабыргъа бушуу бла тюшюрлюксюз», – деген эди.
30Энди уа мен, сени къулунга, мени атама къайтханда жаш бизни бла болмаса, атамы жюреги анга бек байлашханы себепли, 31ол, жашны биргебизге болмагъанын кёргенинлей, ёлюп къаллыкъды. Къулларынг, къулунгу, атабызны чал башын къабыргъа бушуу бла тюшюрлюкдюле. 32Аны юсюне да мен, къулунг, жаш ючюн атама жууаплы болургъа боюнума алгъанма. Атама: «Аны санга алып келмесем, мен битеу ёмюрюмде аллынгда гюняхлы болгъанлай къалырма», – дегенме. 33Ол себепден тилейме, мен, къулунг, жашны орунуна бийиме къул болуп къалайым; жаш а къарындашлары бла барсын. 34Нек десенг, жаш мени бла бирге болмаса, мен атама къалай барайым? Атама жетерик бушууну къалай кёрейим?
Currently Selected:
Жаратылыу 44: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 44
44
Тас болгъан кюмюш аякъ
1Сора Юсюп кесини юй таматасына быллай буйрукъ берди:
– Бу адамланы тулукъларын мирзеуден элталлыкълары къадар толтур, хар бирини ахчасын да тулугъуну башына сал. 2Мени кюмюш аягъымы уа, мирзеу ючюн берген ахчасын да кичилерини тулугъуна сал.
Юй таматасы, Юсюп анга айтханча этгенди.
3Эрттенликде, танг жарыгъанлай, къарындашланы эшеклери бла бирге жибергендиле. 4Ала шахардан узакъ кетгинчи, Юсюп кесини юй таматасына:
– Бар, ол адамланы ызларындан тюш, – деди. – Сора, къуууп жетгенинглей, алагъа былай айт: «Сиз ахшылыкъ ючюн аманлыкъ нек этдигиз? 5Ол аякъ, бийим андан ичиучю аякъ тюйюлмюдю? Ол аны бла билгичлик этеди. Сиз осал иш этдигиз».
6Юй таматасы аланы къуууп жетип, алагъа бу сёзлени айтды. 7Ала уа:
– Бизни бийибиз аллай сёзле нек айтады? – дедиле. – Угъай, къулларынг аллай иш этерик тюйюлдюле. 8Ма, биз тулукъларыбызда тапхан ахчаны да Кенанны жеринден къайтарып санга келтиргенбиз. Бийинги юйюнден кюмюш неда алтын биз къалай урлар эдик? 9Къулларынгдан кимде табылса да, анга ёлюм, къалгъанларыбыз да бийибизге къулла болурбуз.
10– Ахшы, – деди юй таматасы, – сиз айтханча болсун: аякъ кимде табылса да, ол манга къул болур, къалгъанларыгъыз а терс болмазсыз.
11Аланы хар бири терк окъуна тулугъун жерге тюшюрюп, ачханды. 12Юй таматасы тинтиу этгенди, таматаларындан башлап, кичилеринде бошагъанды. Аякъ Беняминни тулугъунда табылгъанды. 13Къарындашлары жарсып, кеслерини кийимлерин жыртхандыла, сора, хар бири жюгюн эшегине салып, шахаргъа къайтхандыла.
14Яхуда бла аны къарындашлары Юсюпню юйюне келгенлеринде, Юсюп алыкъа юйюнде эди. Аны аллында жерге аугъандыла. 15Юсюп алагъа:
– Сиз алай нек этдигиз? – деди. – Мени кибик адам билгичлик этип биллигими къалай ангыламай эдигиз?
16– Бийибизге не айтайыкъ? – деди анга Яхуда. – Не дейик? Не бла ариуланайыкъ? Аллах къулларынгы терсликлерин тапханды. Ма биз да, аякъ кимни къолунда табылгъан эсе, ол да, бийибизге къуллабыз.
17– Угъай, – деди Юсюп, – мен алай этмем. Аякъ кимни къолунда табылгъан эсе да, ол манга къул боллукъду, сиз а ырахатлыкъ бла атагъызгъа барыгъыз.
Яхуда Бенямин ючюн жалбарады
18Сора Яхуда аны къатына барып:
– Бийим, сен фыргъаууннга тенг адамса. Тилейме, къулунга сёз айтыргъа эркинлик бер эмда къулунга чамланма. 19Бийим къулларына: «Сизни атагъыз неда къарындашыгъыз бармыды?» – деп соргъан эди. 20Биз а бийибизге: «Бизни бек къартайгъан атабыз эмда аны кичи жашы, къартлыгъында туугъан жашы барды, аны уа къарындашы ёлюп, ол анасындан жангыз къалгъанды, атабыз да аны бек сюеди», – деп айтхан эдик. 21Сен а къулларынга: «Аны манга келтиригиз, мен аны кёзюм бла кёрейим», – деген эдинг. 22Биз бийибизге: «Жаш атасын къоюп кетерге амалы жокъду; ол атасын къоюп кетсе уа, атабыз ёлюп къаллыкъды», – деген эдик. 23Сен а къулларынга: «Сизни гитче къарындашыгъыз биргегизге келмесе уа, сиз энди мени кёзюме кёрюнмегиз», – деген эдинг. 24Биз, сени къулунга, атабызгъа келген заманыбызда уа, бийими сёзлерин анга айтхан эдик. 25Сора атабыз: «Энтта барып, бизге бираз аш сатып алыгъыз», – деген эди. 26Биз а: «Бизге барыргъа амал жокъду; гитче къарындашыбыз бизни бла болса уа, барырбыз; нек десенг, гитче къарындашыбыз бизни бла болмаса, бизге ол адамны бетин кёрюрге амал жокъду», – деген эдик. 27Сора къулунг, атабыз, бизге былай айтхан эди: «Бу къатыным манга эки улан тапханын билесиз. 28Бири менден кетгенди, мен да: „Баям, ол таланнган болур“, – дегенме; мен аны эндиге дери да кёрмегенме. 29Муну да сиз мени кёз аллымдан алып, мынга да бир палах болса уа, сиз чал башымы къабыргъа бушуу бла тюшюрлюксюз», – деген эди.
30Энди уа мен, сени къулунга, мени атама къайтханда жаш бизни бла болмаса, атамы жюреги анга бек байлашханы себепли, 31ол, жашны биргебизге болмагъанын кёргенинлей, ёлюп къаллыкъды. Къулларынг, къулунгу, атабызны чал башын къабыргъа бушуу бла тюшюрлюкдюле. 32Аны юсюне да мен, къулунг, жаш ючюн атама жууаплы болургъа боюнума алгъанма. Атама: «Аны санга алып келмесем, мен битеу ёмюрюмде аллынгда гюняхлы болгъанлай къалырма», – дегенме. 33Ол себепден тилейме, мен, къулунг, жашны орунуна бийиме къул болуп къалайым; жаш а къарындашлары бла барсын. 34Нек десенг, жаш мени бла бирге болмаса, мен атама къалай барайым? Атама жетерик бушууну къалай кёрейим?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024