Жаратылыу 42
42
Юсюпню къарындашлары Мисирге келедиле
1Якъуп Мисирде мирзеу болгъанын билгенде уланларына:
– Бир-биригизге нек къарап турасыз? – деди. – 2Мен Мисирде мирзеу болгъанын эшитгенме. Ары барып, андан бизге мирзеу сатып алыгъыз, ёлмей кечинейик.
3Алай бла Юсюпню он къарындашы Мисирде мирзеу сатып алыргъа кетгендиле. 4Юсюпню къарындашы Беняминни уа Якъуп: «Анга бир палах болмагъа эди», – деп, ала бла жибермегенди.
5Мирзеу сатып алыргъа келгенлени арасында Исраилни жашлары да болгъандыла, нек дегенде, ачлыкъ Кенанны жерине да кирген эди.
6Юсубʼа къыралны таматасы эди, мирзеуню да къыралны битеу халкъына ол сата эди. Юсюпню къарындашлары келип, аны аллында жерге къапланнгандыла. 7Юсюп къарындашларын кёрюп, аланы таныгъанды, алай а танымагъанча этгенди. Алагъа хыны сёлешип:
– Сиз къайдан келгенсиз? – деди.
Ала да:
– Аш сатып алыр ючюн, Кенанны жеринден келгенбиз, – дедиле.
8Юсюп къарындашларын таныгъанды, ала уа аны танымагъандыла. 9Сора Юсюп аланы юсюнден анга кёрюннген тюшлени эсине тюшюрюп, алагъа:
– Сиз тасхачыласыз! – деди. – Сиз бу къыралны къарыусуз жерлерин излеп, табаргъа келгенсиз.
10– Угъай, бийибиз! – дедиле ала. – Къулларынг аш сатып алыргъа келгендиле. 11Барыбыз да бир адамны сабийлерибиз, биз тюз ниетли адамлабыз. Къулларынг тасхачыла тюйюлдюле.
12– Угъай, – деди Юсюп, – бу къыралны къарыусуз жерлерин излеп, табаргъа келгенсиз.
13– Биз, сени къулларынг, онеки къарындашбыз, – дедиле ала. – Кенанны жеринде бир адамны уланларыбыз. Ма, гитчебиз энди атабыз блады, бирибиз а тас болду.
14– Мен сизге айтханча, тасхачыласыз сиз, – деди Юсюп. – 15Ма былай сыналлыкъсыз: фыргъауунну жаны бла ант этеме, гитче къарындашыгъыз бери келмесе, сиз мындан чыгъарыкъ тюйюлсюз. 16Кесигизден биреуню ийигиз да, ол къарындашыгъызны алып келсин. Сиз а тутулуп турлукъсуз. Айтханыгъыз керти эсе, билинир; алай тюйюл эсе уа, фыргъауунну жаны бла ант этеме, сиз тасхачыласыз.
17Сора аланы юч кюннге тутмакъгъа салгъанды.
18Ючюнчю кюн Юсюп алагъа:
– Ма былай этигиз, сора сау къалырсыз, нек дегенде, мен Аллахдан къоркъама, – деди. – 19Сиз тюз ниетли адамла эсегиз, бир къарындашыгъыз сиз тутулуп тургъан юйде турсун. Сиз а, юйдегилеригиз ач болгъанлары себепли, мирзеу элтип барыгъыз. 20Гитче къарындашыгъызны уа манга келтиригиз, ол заманда сёзлеригиз тюз болуп чыгъарла эмда сиз ёлмей къалырсыз.
Ала да алай этгендиле.
21Сора бир-бирлерине:
– Туура, биз къарындашыбызгъа этгенибиз ючюн азапха тюшдюк. Ол жалбарып бизден тилеген заманда аны жаны термилгенин кёрген эдик, алай болгъанлыкъгъа анга тынгыламагъан эдик. Бу палах бизге аны ючюн тюшгенди, – дей эдиле.
22Рубен сёз алып:
– Мен сизге жашха къажау гюнях этмегиз деп айтмагъанмы эдим? Алай болгъанлыкъгъа, тынгыламагъан эдигиз. Ма, энди аны къаны ючюн тёлеу, – деди.
23Юсюп аланы айтханларын ангылагъанын а билмей эдиле, нек дегенде, аланы араларында тилманч бар эди. 24Юсюп аладан айырылып, жилягъанды. Къайтханында, ала бла сёлешгенди эм араларындан Шимонну алып, ала кёре тургъанлай аны байлагъанды.
Къарындашла Кенаннга къайтадыла
25Сора Юсюп буйрукъ этгенди да, аланы тулукъларын мирзеуден толтургъандыла, ахчаларын да къайтарып хар бирини кесини тулугъуна салгъандыла, алагъа жол азыкъ да бергендиле. Алай этилгенден сора, 26ала мирзеулерин эшеклерине жюклеп, андан кетгендиле. 27Кече къалгъан жерлеринде аладан бирлери эшегине жем берирге тулугъун ачханды. Тулугъуну башында кюмюшюн кёрюп, 28къарындашларына:
– Ахчам къайтарылгъанды. Ма, ол тулугъумдады! – деди.
Аланы да жюреклери жунчуп, къоркъуп, ала бир-бирлерине:
– Аллахны бизге бу этгени не болур? – дедиле.
29Сора Кенанны жерине, аталары Якъупха келип, битеу алагъа болгъан затны анга айтхандыла:
30– Ол къыралгъа таматалыкъ этген адам бизге хыны сёлешгенди эм бизни ол къыралда тасхачылыкъ этгеннге санагъанды. 31Биз а анга: «Тюз ниетли адамлабыз, тасхачыла тюйюлбюз. 32Биз, атабызны уланлары, онеки къарындашбыз, бирибиз тас болду, гитчебиз а энди атабыз бла Кенанны жериндеди», – деген эдик. 33Ол къыралгъа таматалыкъ этген адам а бизге: «Сизни тюз ниетли адамла болгъаныгъызны мен ма былай билликме: сиз бир къарындашыгъызны мени къатымда къоюгъуз, къалгъанларыгъыз а, юйдегилеригиз ач болгъанлары себепли, мирзеу алып, барыгъыз. 34Гитче къарындашыгъызны да манга келтиригиз. Сора мен тасхачыла болмагъаныгъызны, тюз ниетли адамла болгъаныгъызны билирме. Къарындашыгъызны сизге къайтарырма, сора бу къыралда алыш-бериш этерсиз», – деген эди.
35Ала тулукъларын бошатхан заманда, хар бири тулугъунда кюмюш ахча тюйюмчегин тапханды. Ахча тюйюмчеклерин кёргенлеринде ала да, аталары да къоркъгъандыла. 36Аталары Якъуп:
– Сиз мени сабийлеримден айырдыгъыз: Юсюп жокъ, Шимон да жокъ, Беняминни да алыргъа кюрешесиз. Была бары да мени башыма келедиле! – деди.
37Рубен а атасына:
– Мен аны санга къайтармасам, мени эки уланымы ёлтюр. Аны мени къолума бер, мен аны санга къайтарып келтирирме, – деди.
38Алай а Якъуп:
– Жашым сизни бла барлыкъ тюйюлдю, – деди, – аны къарындашы ёлюп, ол жангыз къалгъанды. Сиз барлыкъ жолда анга бир палах болса, мени чал башымы къабыргъа бушуу бла тюшюрлюксюз.
Currently Selected:
Жаратылыу 42: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 42
42
Юсюпню къарындашлары Мисирге келедиле
1Якъуп Мисирде мирзеу болгъанын билгенде уланларына:
– Бир-биригизге нек къарап турасыз? – деди. – 2Мен Мисирде мирзеу болгъанын эшитгенме. Ары барып, андан бизге мирзеу сатып алыгъыз, ёлмей кечинейик.
3Алай бла Юсюпню он къарындашы Мисирде мирзеу сатып алыргъа кетгендиле. 4Юсюпню къарындашы Беняминни уа Якъуп: «Анга бир палах болмагъа эди», – деп, ала бла жибермегенди.
5Мирзеу сатып алыргъа келгенлени арасында Исраилни жашлары да болгъандыла, нек дегенде, ачлыкъ Кенанны жерине да кирген эди.
6Юсубʼа къыралны таматасы эди, мирзеуню да къыралны битеу халкъына ол сата эди. Юсюпню къарындашлары келип, аны аллында жерге къапланнгандыла. 7Юсюп къарындашларын кёрюп, аланы таныгъанды, алай а танымагъанча этгенди. Алагъа хыны сёлешип:
– Сиз къайдан келгенсиз? – деди.
Ала да:
– Аш сатып алыр ючюн, Кенанны жеринден келгенбиз, – дедиле.
8Юсюп къарындашларын таныгъанды, ала уа аны танымагъандыла. 9Сора Юсюп аланы юсюнден анга кёрюннген тюшлени эсине тюшюрюп, алагъа:
– Сиз тасхачыласыз! – деди. – Сиз бу къыралны къарыусуз жерлерин излеп, табаргъа келгенсиз.
10– Угъай, бийибиз! – дедиле ала. – Къулларынг аш сатып алыргъа келгендиле. 11Барыбыз да бир адамны сабийлерибиз, биз тюз ниетли адамлабыз. Къулларынг тасхачыла тюйюлдюле.
12– Угъай, – деди Юсюп, – бу къыралны къарыусуз жерлерин излеп, табаргъа келгенсиз.
13– Биз, сени къулларынг, онеки къарындашбыз, – дедиле ала. – Кенанны жеринде бир адамны уланларыбыз. Ма, гитчебиз энди атабыз блады, бирибиз а тас болду.
14– Мен сизге айтханча, тасхачыласыз сиз, – деди Юсюп. – 15Ма былай сыналлыкъсыз: фыргъауунну жаны бла ант этеме, гитче къарындашыгъыз бери келмесе, сиз мындан чыгъарыкъ тюйюлсюз. 16Кесигизден биреуню ийигиз да, ол къарындашыгъызны алып келсин. Сиз а тутулуп турлукъсуз. Айтханыгъыз керти эсе, билинир; алай тюйюл эсе уа, фыргъауунну жаны бла ант этеме, сиз тасхачыласыз.
17Сора аланы юч кюннге тутмакъгъа салгъанды.
18Ючюнчю кюн Юсюп алагъа:
– Ма былай этигиз, сора сау къалырсыз, нек дегенде, мен Аллахдан къоркъама, – деди. – 19Сиз тюз ниетли адамла эсегиз, бир къарындашыгъыз сиз тутулуп тургъан юйде турсун. Сиз а, юйдегилеригиз ач болгъанлары себепли, мирзеу элтип барыгъыз. 20Гитче къарындашыгъызны уа манга келтиригиз, ол заманда сёзлеригиз тюз болуп чыгъарла эмда сиз ёлмей къалырсыз.
Ала да алай этгендиле.
21Сора бир-бирлерине:
– Туура, биз къарындашыбызгъа этгенибиз ючюн азапха тюшдюк. Ол жалбарып бизден тилеген заманда аны жаны термилгенин кёрген эдик, алай болгъанлыкъгъа анга тынгыламагъан эдик. Бу палах бизге аны ючюн тюшгенди, – дей эдиле.
22Рубен сёз алып:
– Мен сизге жашха къажау гюнях этмегиз деп айтмагъанмы эдим? Алай болгъанлыкъгъа, тынгыламагъан эдигиз. Ма, энди аны къаны ючюн тёлеу, – деди.
23Юсюп аланы айтханларын ангылагъанын а билмей эдиле, нек дегенде, аланы араларында тилманч бар эди. 24Юсюп аладан айырылып, жилягъанды. Къайтханында, ала бла сёлешгенди эм араларындан Шимонну алып, ала кёре тургъанлай аны байлагъанды.
Къарындашла Кенаннга къайтадыла
25Сора Юсюп буйрукъ этгенди да, аланы тулукъларын мирзеуден толтургъандыла, ахчаларын да къайтарып хар бирини кесини тулугъуна салгъандыла, алагъа жол азыкъ да бергендиле. Алай этилгенден сора, 26ала мирзеулерин эшеклерине жюклеп, андан кетгендиле. 27Кече къалгъан жерлеринде аладан бирлери эшегине жем берирге тулугъун ачханды. Тулугъуну башында кюмюшюн кёрюп, 28къарындашларына:
– Ахчам къайтарылгъанды. Ма, ол тулугъумдады! – деди.
Аланы да жюреклери жунчуп, къоркъуп, ала бир-бирлерине:
– Аллахны бизге бу этгени не болур? – дедиле.
29Сора Кенанны жерине, аталары Якъупха келип, битеу алагъа болгъан затны анга айтхандыла:
30– Ол къыралгъа таматалыкъ этген адам бизге хыны сёлешгенди эм бизни ол къыралда тасхачылыкъ этгеннге санагъанды. 31Биз а анга: «Тюз ниетли адамлабыз, тасхачыла тюйюлбюз. 32Биз, атабызны уланлары, онеки къарындашбыз, бирибиз тас болду, гитчебиз а энди атабыз бла Кенанны жериндеди», – деген эдик. 33Ол къыралгъа таматалыкъ этген адам а бизге: «Сизни тюз ниетли адамла болгъаныгъызны мен ма былай билликме: сиз бир къарындашыгъызны мени къатымда къоюгъуз, къалгъанларыгъыз а, юйдегилеригиз ач болгъанлары себепли, мирзеу алып, барыгъыз. 34Гитче къарындашыгъызны да манга келтиригиз. Сора мен тасхачыла болмагъаныгъызны, тюз ниетли адамла болгъаныгъызны билирме. Къарындашыгъызны сизге къайтарырма, сора бу къыралда алыш-бериш этерсиз», – деген эди.
35Ала тулукъларын бошатхан заманда, хар бири тулугъунда кюмюш ахча тюйюмчегин тапханды. Ахча тюйюмчеклерин кёргенлеринде ала да, аталары да къоркъгъандыла. 36Аталары Якъуп:
– Сиз мени сабийлеримден айырдыгъыз: Юсюп жокъ, Шимон да жокъ, Беняминни да алыргъа кюрешесиз. Была бары да мени башыма келедиле! – деди.
37Рубен а атасына:
– Мен аны санга къайтармасам, мени эки уланымы ёлтюр. Аны мени къолума бер, мен аны санга къайтарып келтирирме, – деди.
38Алай а Якъуп:
– Жашым сизни бла барлыкъ тюйюлдю, – деди, – аны къарындашы ёлюп, ол жангыз къалгъанды. Сиз барлыкъ жолда анга бир палах болса, мени чал башымы къабыргъа бушуу бла тюшюрлюксюз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024