Жаратылыу 3
3
Инсан гюняхха тюшеди
1Раббий Аллах жаратхан кийик жаныуарланы барындан да бек хыйлачы жилян эди. Жилян къатыннга:
– Аллахны, бахчада бир тюрлю терекден да кёгет юзюп ашамагъыз деп, айтханы кертимиди? – деп соргъанды.
2Къатын жиляннга жууапха:
– Биз терекледен кёгетле ашаргъа эркинбиз, – дегенди. – 3Жаланда бахчаны ортасындагъы терекни кёгетлерини юсюнден Аллах бизге: «Сиз ёлмез ючюн, аладан ашамагъыз эм алагъа тиймегиз», – дегенди ансы.
4Жилян а къатыннга:
– Угъай, ёллюк тюйюлсюз! 5Алай а Аллах биледи, сиз аланы ашагъан кюн кёзлеригиз ачылып, ахшыны бла аманны не болгъанын билип, Аллах кибик боллукъсуз, – дегенди.
6Къатын, ол терекни ашха иги болгъанын, кёзге ариу кёрюннгенин эм акъылманлыкъ тапдырыр ючюн кюселгенин кёрюп, аны кёгетлерин алгъанды да ашагъанды. Биргесине болгъан эрине да бергенди, ол да ашагъанды. 7Ол заманда экисини да кёзлери ачылгъандыла да, ала къымыжа болгъанларын кёрюп, инжир терекни чапыракъларындан байлаула тикгендиле да, беллерине къысхандыла.
8Ингир салкъыны тюшген заманда уа Раббий Аллахны бахчада айланнган тауушун эшитгендиле. Адам бла къатыны Раббий Аллах кёрмесин деп, терекле артында букъгъандыла. 9Раббий Аллах:
– Сен къайдаса? – деп, Адамны чакъыргъанды.
10Адам жууапха:
– Мен Сени бахчада болгъанынгы эшитип, къымыжа болгъаным себепли къоркъгъанма да, аны ючюн букъгъанма, – дегенди.
11Раббий Аллах:
– Санга къымыжаса деп, ким айтханды? Мен санга кёгетин ашама деп айтхан терекден жукъ юзюп ашагъан болурмуса? – деп соргъанды.
12Адам:
– Сен жанымда болсун деп къатын бергенсе да, ол манга ол терекни кёгетин берди да, мен аны ашадым, – дегенди.
13Раббий Аллах къатыннга:
– Неди бу этгенинг? – деп соргъанды.
Къатын жууапха:
– Мени жилян терилтди да ашадым, – дегенди.
14Сора Раббий Аллах жиляннга былай айтханды:
– Бу затны этгенинг ючюн,
битеу хайыуанланы эм битеу кийик жаныуарланы арасында эм налатлыса!
Сен быдырынгда сюркелликсе эмда ёмюрден ахыргъа битеу кюнлерингде топуракъ ашап турлукъса.
15Сени бла къатынны арагъызда, эмда сени урлугъунгу бла къатынны урлугъуну араларында Мен душманлыкъ саллыкъма.
Ол сени башынгы ууатырыкъды, сен а аны табанындан урлукъса.
16Къатыннга да былай айтханды:
– Бууазлыгъынгы Мен бек азаплы этерикме да,
сабийлеринги къыйналып табарыкъса.
Эринги кюсеп турлукъса,
ол да санга бийлик этип турлукъду.
17Адамгъа уа былай айтханды:
– Сен къатынынгы сёзюне тынгылап,
Мен санга кёгетин ашама деп буюргъан
терекни кёгетин ашагъанынг ючюн,
сени амалтын жер налатды;
сен андан ёмюрден ахыргъа
къыйынлыкъ бла ашап кечинириксе.
18Жер юсю санга шинжиле бла аман ханс ёсдюрлюкдю,
сен аулакъда ёсген къылкъылы битимле ашап турлукъса.
19Ётмегинги сен, бетинги тер басып, ашарыкъса.
Ахырынгда уа сен андан алыннган топуракъгъа къайтырыкъса.
Нек десенг сен топуракъса,
топуракъдан жаратылгъанса
эмда топуракъгъа кайтырыкъса.
20Адам къатынына Хауа#3:20 Хауа – чюйютча магъанасы – «Жашау». атагъанды, нек дегенде, ол битеу жашагъанланы аналары болгъанды. 21Раббий Аллах Адамгъа бла аны къатынына териден кийимле этип, аланы кийиндиргенди. 22Андан сора Раббий Аллах былай айтханды:
– Ма, адам,
ахшыны бла аманны не болгъанын билип,
Бизни кибик болуп къалгъанды.
Энди уа ол, къолун узатып,
жашау терекден да кёгет алып, ашап,
ёмюрге да жашап къалмагъа эди.
23Алай бла Раббий Аллах адамны Эдем бахчадан чыгъарып, ол андан жаратылгъан жерни ишлеп жарашдырыргъа ийгенди. 24Адамны къыстагъандан сора, Ол, жашау терекге баргъан жолну сакълар ючюн, Эдем бахчаны кюн чыкъгъан жанында Керубланы#3:24 Керубла – уллу оноугъа салыннган мёлеклени бир тюрлюсю. эм ары бла бери айланнган, от кибик жаннган къылыч салгъанды.
Currently Selected:
Жаратылыу 3: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Жаратылыу 3
3
Инсан гюняхха тюшеди
1Раббий Аллах жаратхан кийик жаныуарланы барындан да бек хыйлачы жилян эди. Жилян къатыннга:
– Аллахны, бахчада бир тюрлю терекден да кёгет юзюп ашамагъыз деп, айтханы кертимиди? – деп соргъанды.
2Къатын жиляннга жууапха:
– Биз терекледен кёгетле ашаргъа эркинбиз, – дегенди. – 3Жаланда бахчаны ортасындагъы терекни кёгетлерини юсюнден Аллах бизге: «Сиз ёлмез ючюн, аладан ашамагъыз эм алагъа тиймегиз», – дегенди ансы.
4Жилян а къатыннга:
– Угъай, ёллюк тюйюлсюз! 5Алай а Аллах биледи, сиз аланы ашагъан кюн кёзлеригиз ачылып, ахшыны бла аманны не болгъанын билип, Аллах кибик боллукъсуз, – дегенди.
6Къатын, ол терекни ашха иги болгъанын, кёзге ариу кёрюннгенин эм акъылманлыкъ тапдырыр ючюн кюселгенин кёрюп, аны кёгетлерин алгъанды да ашагъанды. Биргесине болгъан эрине да бергенди, ол да ашагъанды. 7Ол заманда экисини да кёзлери ачылгъандыла да, ала къымыжа болгъанларын кёрюп, инжир терекни чапыракъларындан байлаула тикгендиле да, беллерине къысхандыла.
8Ингир салкъыны тюшген заманда уа Раббий Аллахны бахчада айланнган тауушун эшитгендиле. Адам бла къатыны Раббий Аллах кёрмесин деп, терекле артында букъгъандыла. 9Раббий Аллах:
– Сен къайдаса? – деп, Адамны чакъыргъанды.
10Адам жууапха:
– Мен Сени бахчада болгъанынгы эшитип, къымыжа болгъаным себепли къоркъгъанма да, аны ючюн букъгъанма, – дегенди.
11Раббий Аллах:
– Санга къымыжаса деп, ким айтханды? Мен санга кёгетин ашама деп айтхан терекден жукъ юзюп ашагъан болурмуса? – деп соргъанды.
12Адам:
– Сен жанымда болсун деп къатын бергенсе да, ол манга ол терекни кёгетин берди да, мен аны ашадым, – дегенди.
13Раббий Аллах къатыннга:
– Неди бу этгенинг? – деп соргъанды.
Къатын жууапха:
– Мени жилян терилтди да ашадым, – дегенди.
14Сора Раббий Аллах жиляннга былай айтханды:
– Бу затны этгенинг ючюн,
битеу хайыуанланы эм битеу кийик жаныуарланы арасында эм налатлыса!
Сен быдырынгда сюркелликсе эмда ёмюрден ахыргъа битеу кюнлерингде топуракъ ашап турлукъса.
15Сени бла къатынны арагъызда, эмда сени урлугъунгу бла къатынны урлугъуну араларында Мен душманлыкъ саллыкъма.
Ол сени башынгы ууатырыкъды, сен а аны табанындан урлукъса.
16Къатыннга да былай айтханды:
– Бууазлыгъынгы Мен бек азаплы этерикме да,
сабийлеринги къыйналып табарыкъса.
Эринги кюсеп турлукъса,
ол да санга бийлик этип турлукъду.
17Адамгъа уа былай айтханды:
– Сен къатынынгы сёзюне тынгылап,
Мен санга кёгетин ашама деп буюргъан
терекни кёгетин ашагъанынг ючюн,
сени амалтын жер налатды;
сен андан ёмюрден ахыргъа
къыйынлыкъ бла ашап кечинириксе.
18Жер юсю санга шинжиле бла аман ханс ёсдюрлюкдю,
сен аулакъда ёсген къылкъылы битимле ашап турлукъса.
19Ётмегинги сен, бетинги тер басып, ашарыкъса.
Ахырынгда уа сен андан алыннган топуракъгъа къайтырыкъса.
Нек десенг сен топуракъса,
топуракъдан жаратылгъанса
эмда топуракъгъа кайтырыкъса.
20Адам къатынына Хауа#3:20 Хауа – чюйютча магъанасы – «Жашау». атагъанды, нек дегенде, ол битеу жашагъанланы аналары болгъанды. 21Раббий Аллах Адамгъа бла аны къатынына териден кийимле этип, аланы кийиндиргенди. 22Андан сора Раббий Аллах былай айтханды:
– Ма, адам,
ахшыны бла аманны не болгъанын билип,
Бизни кибик болуп къалгъанды.
Энди уа ол, къолун узатып,
жашау терекден да кёгет алып, ашап,
ёмюрге да жашап къалмагъа эди.
23Алай бла Раббий Аллах адамны Эдем бахчадан чыгъарып, ол андан жаратылгъан жерни ишлеп жарашдырыргъа ийгенди. 24Адамны къыстагъандан сора, Ол, жашау терекге баргъан жолну сакълар ючюн, Эдем бахчаны кюн чыкъгъан жанында Керубланы#3:24 Керубла – уллу оноугъа салыннган мёлеклени бир тюрлюсю. эм ары бла бери айланнган, от кибик жаннган къылыч салгъанды.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024