Мисирден чыгъыу 38

Къурман этилиучю жерни ишлениую

(Чыгъ. 27:1-8)

1Сора къадаркъан агъачдан, толусунлай кюйдюрюлген къурман этилиучю жер ишлегенди. Ол тёртгюл эди: узунлугъу беш къары#38:1 2,5 метрге жууукъ, эни да беш къары. Бийиклиги уа юч къары#38:1 1,5 метрге жууукъ. эди. 2Аны тёрт мюйюшюнде да мюйюзле ишлегенди. Мюйюзле аны кесинден ишленип чыгъарылгъандыла. Аны жез бла тышлагъанды. 3Къурман этилиучю жерни битеу кереклерин да ишлегенди: челекле, кюрекле, тазла, сенекле, мыдых алыучу сауутла этилгендиле эмда битеу кереклерин жезден ишлегенди. 4Къурман этилиучю жерни кюл агъыучу чалдишин#38:4 Чалдиш – былайда орус. решетка, сетка. да жезден ишлегенди. Чалдиш къурман этилиучю жерни жарымына дери жетерча, аны къурман этилиучю жерни тюп жаныны тёгерегине салгъан эди. 5Къурукъланы кийирир ючюн, жез чалдишни тёрт мюйюшюне тёрт тогъай орнатханды. 6Къурукъланы да къадаркъан агъачдан ишлеп, жез бла тышлагъанды. 7Къурман этилиучю жерни кётюрюп жюрютюр ючюн, аны эки жанындагъы тогъайлагъа къурукъланы кийиргенди. Аны ичин бош этип къангаладан жыйгъанды.

Къол-аякъ жууаргъа суу орунну ишлениую

(Чыгъ. 30:18)

8Къол-аякъ жууаргъа суу орунну да, аны аякъ тюбюн да, Тюбешиу Чатыргъа кирген жерни жасарча ариу суратла салып, жезден ишлегенди.

Арбазны ишлениую

(Чыгъ. 27:9-19)

9Сора Сыйлы Мекямгъа арбаз ишлегенди: арбазны къыбыла жаныны жабыуларыны узунлукълары жюз къары эди, ала ийирилген иничге гетенден согъулгъандыла. 10Жабыулагъа жыйырма багъана, багъаналагъа да жезден жыйырма аякъ тюп орнатханды. Багъаналаны ыргъакълары бла илгиклери кюмюшден эдиле. 11Арбазны шимал жаныны жабыулары да жюзюшер къары#38:11 50 метрге жууукъ. эдиле, жабыулагъа жыйырма багъана, багъаналагъа да жезден жыйырма аякъ тюп ишлегенди. Багъаналаны ыргъакълары бла илгиклери кюмюшден этилгендиле.

12Кюнбатыш жаныны жабыулары эллишер къары#38:12 25 метрге жууукъ. эдиле, жабыулагъа он багъана, багъаналагъа да он аякъ тюп ишлеген эди. Багъаналаны ыргъакълары бла илгиклери кюмюшден эдиле. 13Арбазны кюнчыгъыш жаныны жабыулары да эллишер къары эдиле. 14Арбазгъа кирир жерни бир жаныны жабыулары онбешишер къары#38:14 7,5 метрге жууукъ. 15-чи аятда да алай. эдиле. Жабыулагъа юч багъана, багъаналагъа да юч аякъ тюп ишлегенди. 15Арбазгъа кирир жерни бирси жаныны жабыулары да онбешишер къары эдиле. Жабыулагъа юч багъана, багъаналагъа да юч аякъ тюп ишлеген эди. 16Арбазны хар жаныны битеу жабыулары ийирилип согъулгъан иничге гетенден тигилгендиле. 17Багъаналаны аякъ тюплери жезден, багъаналаны ыргъакълары бла илгиклери уа кюмюшден эдиле. Багъаналаны баш жанлары кюмюш бла тышланнгандыла, арбазны тёгерегини битеу багъаналары кюмюш байламлыкъла бла жалгъаннган эдиле.

18Арбазны къабакъ эшигини жабыуу уа кёк, къызгъылдым эм къызыл бетли жюнден бла ийирилип согъулгъан иничге гетенден этилген эди, анга накъышла да салыннган эдиле. Аны узунлугъу жыйырма къары#38:18 10 метрге жууукъ., бийиклиги да, арбазны битеу жайылгъан жабыулары кибик, беш къары#38:18 2,5 метрге жууукъ. эди. 19Жабыугъа тёрт багъана, багъаналагъа да жезден тёрт аякъ тюп ишлеген эди. Багъаналаны ыргъакълары кюмюшден эдиле, аланы баш жанлары да кюмюш бла тышланнган эдиле, байламлыкълары да кюмюшден эдиле. 20Сыйлы Мекямны да, аны тёгерегиндеги арбазны да битеу къазыкълары жезден этилгендиле.

Сыйлы Мекям ючюн ишленнген затла

21Анда мекямны – Шагъатлыкъ Мекямны – ишлеуде керек затланы санау буду. Быланы, Муссаны буйругъуна кёре, дин къуллукъчу Харунну уланы Итамарны башчылыгъы бла Лебийлиле санагъан эдиле. 22Раббий Муссагъа буюргъан битеу бу затланы этген а, Яхуданы тайпасындан Хурну туудугъу, Урийни жашы Бесалел эди. 23Тужур салыучу уста эмда кёк, къызгъылдым эм къызыл бетли къумачлада бла иничге гетенде накъышла тигиучю уста, Данны тайпасындан Ахисамакны жашы Охолиаб а болушлукъчусу. 24Сыйлы жерни ишлеуде керекли затлагъа жюрютюлген битеу алтын, саугъагъа келтирилген алтын, сыйлы жерни шекел ёлчеуюне кёре, 29 талант бла 730 шекел#38:24 29 талант бла 730 шекел – 1 тоннагъа жууукъ. эди.

25Жамауатдан санаугъа кирген адамладан тюшген кюмюш а, сыйлы жерни шекел ёлчеуюне кёре, 100 талант бла 1775 шекел#38:25 100 талант бла 1775 шекел – 3,4 тоннагъа жууукъ. эди. 26Жыл санлары жыйырмадан атлагъан, санаугъа тюшген 603550 адамдан, Сыйлы Жерни шекел ёлчеую бла, хар адам башындан жарым шекел#38:26 Жарым шекел – 6 граммгъа жууукъ. кюмюш берилген эди. 27100 талант#38:27 100 талант – 3,4 тоннагъа жууукъ. кюмюш, сыйлы жерни багъаналарыны аякъ тюплерин бла жабыуну багъаналарыны аякъ тюплерин этерге эритилип къуюлгъан эди. 100 талант кюмюшден да 100 аякъ тюп ишленнгенди. Хар аякъ тюп биришер талант кюмюшден эди. 281775 шекел#38:28 1775 шекел – 20 килограммгъа жууукъ. кюмюшден а багъаналагъа ыргъакъла этгенди эм багъаналаны башларын тышлагъанды эмда алагъа жалгъаула салгъанды.

29Саугъагъа келтирилген жез а 70 талант бла 2400 шекел#38:29 70 талант бла 2400 шекел – 2,5 тоннагъа жууукъ. эди. 30Тюбешиу Чатырны эшигини багъаналарына аякъ тюплени да, жезден ишленнген къурман этилиучю жерни да, анга жез чалдишни да, къурман этилиучю жерни битеу кереклерин да, 31битеу арбазны багъаналарыны аякъ тюплерин да, арбазны къабагъыны багъаналарыны аякъ тюплерин да, Сыйлы Мекямны битеу къазыкъларын да, арбазны тёгерегини битеу къазыкъларын да ол жезден ишлеген эди.

Currently Selected:

Мисирден чыгъыу 38: МалкъСК

Highlight

Copy