Мисирден чыгъыу 37
37
Кесамат Кюбюрню ишлениую
(Чыгъ. 25:10-22)
1Бесалел къадаркъан агъачдан Кюбюр ишлегенди. Аны узунлугъу эки къары бла жарым, кенглиги бир къары бла жарым, бийиклиги да бир къары бла жарым эди. 2Аны ичин да, тышын да сырма алтын бла тышлап, баш жанында да аны тёгерегине алтын карниз этгенди. 3Анга, эритип къуюп, тёрт алтын тогъай этип, аланы Кюбюрню тёрт аягъына орнатханды: эки тогъайны бир жанында, эки тогъайны бирси жанында. 4Къадаркъан агъачдан къурукъла ишлегенди, аланы алтын бла тышлагъанды. 5Кюбюрню кётюрюп жюрютюр ючюн, аны эки жанындан къурукъланы тогъайлагъа кийиргенди.
6Кюбюрню башын – Мархамат Жерни – сырма алтындан ишлегенди. Аны узунлугъу эки къары бла жарым, кенглиги уа бир къары бла жарым эди. 7Тёш-чёгюч бла ишленнген алтындан эки Керуб сурат этгенди. Аланы Кюбюрню башыны эки къыйырына орнатханды. 8Бир Керубну бир къыйырына, бирси Керубну уа бирси къыйырына салгъанды. Керубла Кюбюрню башыны эки къыйырында, аны бла бир болуп эдиле. 9Керубла къанатлары бла Мархамат Жерни жабып турурча, аланы къанатлары ёрге керилип эдиле, бетлери уа бир-бирлерине къарай эдиле. Керубланы бетлери Мархамат Жерге айланып эдиле.
Столну ишлениую
(Чыгъ. 25:23-30)
10Къадаркъан агъачдан стол ишлеген эди. Аны узунлугъу эки къары, кенглиги бир къары, бийиклиги да бир къары бла жарым эди. 11Аны сырма алтын бла тышлагъан эди, тёгерегине да алтын карниз ишлегенди. 12Столну тёгерегине къол аяз бийиклиги болгъан къабыргъа ишлегенди, къабыргъаны тёгерегине да алтын карниз ишлегенди. 13Столгъа тёрт алтын тогъай ишлегенди, аланы столну тёрт мюйюшюндеги тёрт аягъына бегитгенди. 14Столну кётюрюп жюрютюр ючюн, къурукъла кийирирча къабыргъаларында тогъайла салыннгандыла. 15Къурукъла къадаркъан агъачдан ишленип, алтын бла тышланнгандыла. 16Андан сора, столгъа сырма алтындан табакъла да, ашлаула да, суусап къуярча аякъла бла къошунла да ишлегенди.
Алтын чырахтанны ишлениую
(Чыгъ. 25:31-40)
17Сырма алтындан чырахтан ишлегенди. Аны аягъын бла сабын тёш-чёгюч бла ишлегенди, чёмючлерин да, алмаларын да, чечеклерин да кесинден тюйюп-созуп чыгъаргъанды. 18Чырахтанны къабыргъаларындан алты бутакъ чыгъа эди: юч бутагъы бир къабыргъасындан, бирси юч бутагъы да бирси къабыргъасындан. 19Бир бутагъында сюеккъоз чечекге ушаш, алмасы бла эм чечеклери бла юч чёмюшчюк, бирси бутагъында да, алмасы бла эм чечеклери бла сюеккъоз чечекге ушаш юч чёмюшчюк бар эди, чырахтандан чыкъгъан алты бутакъда да алай эди. 20Чырахтанны сабында уа, сюеккъоз чечекге ушаш, алмалары эм чечеклери бла тёрт чёмюшчюк сурат бар эдиле. 21Чырахтанны сабындан чыкъгъан алты бутакъны биринчи эки бутагъыны тюбюнде бир алма, бирси эки бутагъыны тюбюнде бир алма, къалгъан эки бутагъыны тюбюнде бир алма бар эди. 22Алмала да, бутакълары да чырахтанны кесинден чыгъа эдиле. Ол, сырма алтындан тёш-чёгюч бла ишленнген бир сау зат эди.
23Чырахтаннга жети чыракъ, анга къысхачланы да, къырыкъланы да сырма алтындан ишлеген эди. 24Чырахтанны бла битеу аны кереклери бир талант ауурлугъу болгъан сырма алтындан этилгендиле.
Ладан ийис чыгъарылыучу жерни ишлениую
(Чыгъ. 30:1-5, 22-38)
25Къадаркъан агъачдан, ладан ийис чыгъарылыучу жер ишлеген эди. Аны узунлугъу бир къары, эни да бир къары эди, ол тёртгюл эди, аны бийиклиги эки къары эди, аны мюйюзлери кесинден чыгъа эдиле. 26Аны юсюн да, тёрт къабыргъасын да, мюйюзлерин да сырма алтын бла тышлагъан эди, аны тёгерегине да алтын карниз ишлеген эди. 27Карнизини тюбюнде, аны эки мюйюшюне эки алтын тогъай орнатып, быланы аны эки жанына такъгъанды, аны къурукъла бла кётюрюп жюрютюр ючюн, тогъайла къурукъланы сугъар жер болгъан эдиле. 28Къурукъланы къадаркъан агъачдан ишлеп, аланы алтын бла тышлагъанды.
29Таза, ариу ийисли майлау этиучю устала жарашдырыучуларыча сыйлы майлау этер ючюн, мюр жау да, ариу ийисли тютюн урдуруучу затла да жыйышдыргъан эди.
Currently Selected:
Мисирден чыгъыу 37: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 37
37
Кесамат Кюбюрню ишлениую
(Чыгъ. 25:10-22)
1Бесалел къадаркъан агъачдан Кюбюр ишлегенди. Аны узунлугъу эки къары бла жарым, кенглиги бир къары бла жарым, бийиклиги да бир къары бла жарым эди. 2Аны ичин да, тышын да сырма алтын бла тышлап, баш жанында да аны тёгерегине алтын карниз этгенди. 3Анга, эритип къуюп, тёрт алтын тогъай этип, аланы Кюбюрню тёрт аягъына орнатханды: эки тогъайны бир жанында, эки тогъайны бирси жанында. 4Къадаркъан агъачдан къурукъла ишлегенди, аланы алтын бла тышлагъанды. 5Кюбюрню кётюрюп жюрютюр ючюн, аны эки жанындан къурукъланы тогъайлагъа кийиргенди.
6Кюбюрню башын – Мархамат Жерни – сырма алтындан ишлегенди. Аны узунлугъу эки къары бла жарым, кенглиги уа бир къары бла жарым эди. 7Тёш-чёгюч бла ишленнген алтындан эки Керуб сурат этгенди. Аланы Кюбюрню башыны эки къыйырына орнатханды. 8Бир Керубну бир къыйырына, бирси Керубну уа бирси къыйырына салгъанды. Керубла Кюбюрню башыны эки къыйырында, аны бла бир болуп эдиле. 9Керубла къанатлары бла Мархамат Жерни жабып турурча, аланы къанатлары ёрге керилип эдиле, бетлери уа бир-бирлерине къарай эдиле. Керубланы бетлери Мархамат Жерге айланып эдиле.
Столну ишлениую
(Чыгъ. 25:23-30)
10Къадаркъан агъачдан стол ишлеген эди. Аны узунлугъу эки къары, кенглиги бир къары, бийиклиги да бир къары бла жарым эди. 11Аны сырма алтын бла тышлагъан эди, тёгерегине да алтын карниз ишлегенди. 12Столну тёгерегине къол аяз бийиклиги болгъан къабыргъа ишлегенди, къабыргъаны тёгерегине да алтын карниз ишлегенди. 13Столгъа тёрт алтын тогъай ишлегенди, аланы столну тёрт мюйюшюндеги тёрт аягъына бегитгенди. 14Столну кётюрюп жюрютюр ючюн, къурукъла кийирирча къабыргъаларында тогъайла салыннгандыла. 15Къурукъла къадаркъан агъачдан ишленип, алтын бла тышланнгандыла. 16Андан сора, столгъа сырма алтындан табакъла да, ашлаула да, суусап къуярча аякъла бла къошунла да ишлегенди.
Алтын чырахтанны ишлениую
(Чыгъ. 25:31-40)
17Сырма алтындан чырахтан ишлегенди. Аны аягъын бла сабын тёш-чёгюч бла ишлегенди, чёмючлерин да, алмаларын да, чечеклерин да кесинден тюйюп-созуп чыгъаргъанды. 18Чырахтанны къабыргъаларындан алты бутакъ чыгъа эди: юч бутагъы бир къабыргъасындан, бирси юч бутагъы да бирси къабыргъасындан. 19Бир бутагъында сюеккъоз чечекге ушаш, алмасы бла эм чечеклери бла юч чёмюшчюк, бирси бутагъында да, алмасы бла эм чечеклери бла сюеккъоз чечекге ушаш юч чёмюшчюк бар эди, чырахтандан чыкъгъан алты бутакъда да алай эди. 20Чырахтанны сабында уа, сюеккъоз чечекге ушаш, алмалары эм чечеклери бла тёрт чёмюшчюк сурат бар эдиле. 21Чырахтанны сабындан чыкъгъан алты бутакъны биринчи эки бутагъыны тюбюнде бир алма, бирси эки бутагъыны тюбюнде бир алма, къалгъан эки бутагъыны тюбюнде бир алма бар эди. 22Алмала да, бутакълары да чырахтанны кесинден чыгъа эдиле. Ол, сырма алтындан тёш-чёгюч бла ишленнген бир сау зат эди.
23Чырахтаннга жети чыракъ, анга къысхачланы да, къырыкъланы да сырма алтындан ишлеген эди. 24Чырахтанны бла битеу аны кереклери бир талант ауурлугъу болгъан сырма алтындан этилгендиле.
Ладан ийис чыгъарылыучу жерни ишлениую
(Чыгъ. 30:1-5, 22-38)
25Къадаркъан агъачдан, ладан ийис чыгъарылыучу жер ишлеген эди. Аны узунлугъу бир къары, эни да бир къары эди, ол тёртгюл эди, аны бийиклиги эки къары эди, аны мюйюзлери кесинден чыгъа эдиле. 26Аны юсюн да, тёрт къабыргъасын да, мюйюзлерин да сырма алтын бла тышлагъан эди, аны тёгерегине да алтын карниз ишлеген эди. 27Карнизини тюбюнде, аны эки мюйюшюне эки алтын тогъай орнатып, быланы аны эки жанына такъгъанды, аны къурукъла бла кётюрюп жюрютюр ючюн, тогъайла къурукъланы сугъар жер болгъан эдиле. 28Къурукъланы къадаркъан агъачдан ишлеп, аланы алтын бла тышлагъанды.
29Таза, ариу ийисли майлау этиучю устала жарашдырыучуларыча сыйлы майлау этер ючюн, мюр жау да, ариу ийисли тютюн урдуруучу затла да жыйышдыргъан эди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024