Мисирден чыгъыу 34
34
Экинчи гыйы ташла
(Эсг. 10:1-5)
1Сора Раббий Муссагъа:
– Алгъыннгы гыйы ташлагъа ушаш кесинге эки гыйы таш жон. Ол гыйыланы юсюне, сен ууатхан алгъыннгы гыйылада болгъан сёзлени жазарма. 2Эрттенликде хазыр болуп тур. Танг атханлай, Синай таугъа чыкъ да, анда тауну башында Мени аллымда тохта. 3Сени бла биреу да чыкъмасын, битеу тауда башха адам кёрюнмесин. Ол тауну тийресинде не къой-эчки, не тууар отламасын, – дегенди.
4Сора Мусса, алгъыннгы гыйы ташлагъа ушаш эки гыйы таш жоннганды. Раббий анга буюргъанча, эрттенликде эртте туруп, Синай тауну башына чыкъгъанды. Эки гыйы ташны да къолуна алып баргъанды. 5Раббий булутда эннгенди эм анда Муссагъа жууукъ тохтап, Кесини «Раббий» атын ачыкълагъанды. 6Раббий Муссаны аллы бла ётдю да, былай айтды: «Раббий, Раббий! Ырахматлы, халал жюрекли, уллу тёзюмлю, кёп мархаматлы эмда ышаннгылы Аллах! 7Ол минг тёлюге мархамат этип турады; терсликни, аманлыкъны, гюняхны да кечеди. Алай болгъанлыкъгъа, терслени жазасыз къоймайды; аталарыны терсликлерине, сабийлерине бла туудукъларына, ючюнчю эм тёртюнчю тёлюлерине жетишдирип, тюбетеди».
8Мусса олсагъат жерге къапланып, Аллахха сежда этди, 9эмда:
– Бийим, Сени кёз аллынгда ыразылыкъ тапхан эсем, тилейме, Бийим, биргебизге бар. Бу халкъ – терсбоюн халкъ эсе да, бизни аманлыкъларыбызны эм гюняхларыбызны кеч, бизни Кесинги энчи халкъынг эт, – деп тиледи.
Сыйлы кесаматны жангыртыу
10Раббий былай айтды:
– Ма, Мен кесамат этеме: сени битеу халкъынгы аллында, битеу дунияда да, бир тюрлю бир миллетде да болмагъан сейирлик илишанла тежерикме. Сиз араларында жашагъан халкъла Раббийни ишин кёрюрле. Нек дегенде, Мен сизге этерик иш къоркъунчлуду. 11Сизге бюгюн буюргъанымы тутугъуз. Ма, Мен сизни аллыгъыздан аморлуланы, кенанлыланы, хитлилени, перизлилени, хивлилени, эбуслуланы кыстайма. 12Сиз кирлик къыралны адамлары бла кесамат этмезге сакъ бол. Алайсыз, ала сизге тузакъ болурла. 13Аланы къурман этилиучю жерлерин оюгъуз, тейри ташларын ууатыгъыз, Ашерагъа аталгъан тереклерин кесигиз. 14Сиз башха тейрилеге табыныргъа керек тюйюлсюз, Мени атым – Эришиучю, Мен Раббий – эришиучю Аллахма.
15Ол жерни адамлары бла бир тюрлю кесамат да этмегиз. Алай болса, ала кеслерини тейрилери бла саякъ айланып, къурман этген заманларында, сизни да чакъырырла, сиз да аланы къурманларындан ашарсыз. 16Сора аланы къызларын кесигизни уланларыгъызгъа къатыннга алырсыз, къызла да кеслерини тейрилери бла саякъ айланып, уланларыгъызны да ол тейриле ючюн саякълыкъ этдирирле. 17Кесигизге эритип къуюлгъан тейриле этмегиз.
18Ачымагъан Ётмек Байрамны тутугъуз. Сизге буюргъаным кибик, Абиб айны белгиленнген кезиуюнде жети кюн ачымагъан ётмек ашарсыз. Мисирден сиз бу айда чыкъгъансыз.
19Битеу биринчи туугъанла – Меникиледиле, тууарларыгъыздан эм къойларыгъыздан биринчи туугъан эркек малла барысы да Меникиледиле. 20Биринчи туугъан гылыуланы, къозу къурман этип, жулургъа керексиз. Жулургъа сюймесегиз а, гылыуну боюнун сындырыгъыз. Биринчи туугъан уланларыгъызны барын да, къозу къурман этип, жулургъа керексиз.
Мени аллымда къуру къоллары бла биреу да кёрюнмесин.
21Алты кюн ишлегиз, жетинчи кюн а тынчайыгъыз. Сабан сюрген эм оракъ оргъан заманыгъызда да тынчайыгъыз.
22Будайны биринчи битимлерин жыйгъаныгъызда, Ыйыкъла байрамын белгилерсиз, жылны ахырында уа Тирликле байрамын этерсиз. 23Битеу эр киши адамларыгъыз жылдан юч кере Исраилни Аллахыны, Раббий-Тааланы аллына кёрюнюрге керекдиле. 24Миллетлени сизни аллыгъыздан къыстарма, чеклеригизни кенгертирме эмда жылдан юч кере Раббий Аллахыгъызны аллында кёрюне тургъан заманыгъызда, сизни жеригизге бир киши да къол узатыргъа базынмаз.
25Мени къурманларымы къанын ачыгъан зат бла бирге келтирмегиз. Къутхарылыу байрамны къурман этин да эрттенликге дери къалдырмагъыз.
26Жеригизни эм биринчи битимлерин Раббий Аллахынгы юйюне келтиригиз.
Улакъ этни анасыны сютюнде биширмегиз.
27Сора Раббий Муссагъа:
– Бу сёзлени жаз. Мен сени бла эм Исраил бла бу сёзлеге кёре кесамат этеме, – деди.
28Мусса анда Раббий бла къыркъ кюн бла къыркъ кече тургъан эди, аш ашамагъан эди, суу да ичмеген эди. Раббий а кесамат сёзлени, Он Фарызны гыйыланы юсюне жазгъан эди.
Мусса Синай таудан тюшеди
29Мусса, къолларында Шагъатлыкъ гыйыла тутуп, Синай таудан тюшдю. Раббий бла сёлешгени ючюн, бети нюр жана эди, Мусса уа аны билмей эди. 30Харун да, битеу Исраил улула да Муссаны бети нюр жаннганын кёрюп, анга жууукълашыргъа къоркъгъан эдиле. 31Мусса аланы чакъырды, Харун да, жамауатны битеу бачамалары да аны къатына келдиле, сора Мусса ала бла сёлешди. 32Андан сора битеу Исраил улула жууукълашдыла да, Раббий Синай тауда анга айтхан затланы барын да Мусса алагъа фарыз этди.
33Мусса ала бла сёлешип бошагъандан сора, бетине жабыу жайды. 34Сёлешир ючюн Раббийни аллына кирген заманында уа, Мусса андан чыкъгъынчыгъа дери, бетинден жабыуун ала эди. Чыкъгъанында, битеу фарыз этилген затланы Исраил улулагъа айта эди. 35Исраил улулары Муссаны бети нюр жаннганын кёре эдиле. Сора Мусса Раббий бла сёлеширге киргинчиге дери бетине, биягъы, жабыу жая эди.
Currently Selected:
Мисирден чыгъыу 34: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 34
34
Экинчи гыйы ташла
(Эсг. 10:1-5)
1Сора Раббий Муссагъа:
– Алгъыннгы гыйы ташлагъа ушаш кесинге эки гыйы таш жон. Ол гыйыланы юсюне, сен ууатхан алгъыннгы гыйылада болгъан сёзлени жазарма. 2Эрттенликде хазыр болуп тур. Танг атханлай, Синай таугъа чыкъ да, анда тауну башында Мени аллымда тохта. 3Сени бла биреу да чыкъмасын, битеу тауда башха адам кёрюнмесин. Ол тауну тийресинде не къой-эчки, не тууар отламасын, – дегенди.
4Сора Мусса, алгъыннгы гыйы ташлагъа ушаш эки гыйы таш жоннганды. Раббий анга буюргъанча, эрттенликде эртте туруп, Синай тауну башына чыкъгъанды. Эки гыйы ташны да къолуна алып баргъанды. 5Раббий булутда эннгенди эм анда Муссагъа жууукъ тохтап, Кесини «Раббий» атын ачыкълагъанды. 6Раббий Муссаны аллы бла ётдю да, былай айтды: «Раббий, Раббий! Ырахматлы, халал жюрекли, уллу тёзюмлю, кёп мархаматлы эмда ышаннгылы Аллах! 7Ол минг тёлюге мархамат этип турады; терсликни, аманлыкъны, гюняхны да кечеди. Алай болгъанлыкъгъа, терслени жазасыз къоймайды; аталарыны терсликлерине, сабийлерине бла туудукъларына, ючюнчю эм тёртюнчю тёлюлерине жетишдирип, тюбетеди».
8Мусса олсагъат жерге къапланып, Аллахха сежда этди, 9эмда:
– Бийим, Сени кёз аллынгда ыразылыкъ тапхан эсем, тилейме, Бийим, биргебизге бар. Бу халкъ – терсбоюн халкъ эсе да, бизни аманлыкъларыбызны эм гюняхларыбызны кеч, бизни Кесинги энчи халкъынг эт, – деп тиледи.
Сыйлы кесаматны жангыртыу
10Раббий былай айтды:
– Ма, Мен кесамат этеме: сени битеу халкъынгы аллында, битеу дунияда да, бир тюрлю бир миллетде да болмагъан сейирлик илишанла тежерикме. Сиз араларында жашагъан халкъла Раббийни ишин кёрюрле. Нек дегенде, Мен сизге этерик иш къоркъунчлуду. 11Сизге бюгюн буюргъанымы тутугъуз. Ма, Мен сизни аллыгъыздан аморлуланы, кенанлыланы, хитлилени, перизлилени, хивлилени, эбуслуланы кыстайма. 12Сиз кирлик къыралны адамлары бла кесамат этмезге сакъ бол. Алайсыз, ала сизге тузакъ болурла. 13Аланы къурман этилиучю жерлерин оюгъуз, тейри ташларын ууатыгъыз, Ашерагъа аталгъан тереклерин кесигиз. 14Сиз башха тейрилеге табыныргъа керек тюйюлсюз, Мени атым – Эришиучю, Мен Раббий – эришиучю Аллахма.
15Ол жерни адамлары бла бир тюрлю кесамат да этмегиз. Алай болса, ала кеслерини тейрилери бла саякъ айланып, къурман этген заманларында, сизни да чакъырырла, сиз да аланы къурманларындан ашарсыз. 16Сора аланы къызларын кесигизни уланларыгъызгъа къатыннга алырсыз, къызла да кеслерини тейрилери бла саякъ айланып, уланларыгъызны да ол тейриле ючюн саякълыкъ этдирирле. 17Кесигизге эритип къуюлгъан тейриле этмегиз.
18Ачымагъан Ётмек Байрамны тутугъуз. Сизге буюргъаным кибик, Абиб айны белгиленнген кезиуюнде жети кюн ачымагъан ётмек ашарсыз. Мисирден сиз бу айда чыкъгъансыз.
19Битеу биринчи туугъанла – Меникиледиле, тууарларыгъыздан эм къойларыгъыздан биринчи туугъан эркек малла барысы да Меникиледиле. 20Биринчи туугъан гылыуланы, къозу къурман этип, жулургъа керексиз. Жулургъа сюймесегиз а, гылыуну боюнун сындырыгъыз. Биринчи туугъан уланларыгъызны барын да, къозу къурман этип, жулургъа керексиз.
Мени аллымда къуру къоллары бла биреу да кёрюнмесин.
21Алты кюн ишлегиз, жетинчи кюн а тынчайыгъыз. Сабан сюрген эм оракъ оргъан заманыгъызда да тынчайыгъыз.
22Будайны биринчи битимлерин жыйгъаныгъызда, Ыйыкъла байрамын белгилерсиз, жылны ахырында уа Тирликле байрамын этерсиз. 23Битеу эр киши адамларыгъыз жылдан юч кере Исраилни Аллахыны, Раббий-Тааланы аллына кёрюнюрге керекдиле. 24Миллетлени сизни аллыгъыздан къыстарма, чеклеригизни кенгертирме эмда жылдан юч кере Раббий Аллахыгъызны аллында кёрюне тургъан заманыгъызда, сизни жеригизге бир киши да къол узатыргъа базынмаз.
25Мени къурманларымы къанын ачыгъан зат бла бирге келтирмегиз. Къутхарылыу байрамны къурман этин да эрттенликге дери къалдырмагъыз.
26Жеригизни эм биринчи битимлерин Раббий Аллахынгы юйюне келтиригиз.
Улакъ этни анасыны сютюнде биширмегиз.
27Сора Раббий Муссагъа:
– Бу сёзлени жаз. Мен сени бла эм Исраил бла бу сёзлеге кёре кесамат этеме, – деди.
28Мусса анда Раббий бла къыркъ кюн бла къыркъ кече тургъан эди, аш ашамагъан эди, суу да ичмеген эди. Раббий а кесамат сёзлени, Он Фарызны гыйыланы юсюне жазгъан эди.
Мусса Синай таудан тюшеди
29Мусса, къолларында Шагъатлыкъ гыйыла тутуп, Синай таудан тюшдю. Раббий бла сёлешгени ючюн, бети нюр жана эди, Мусса уа аны билмей эди. 30Харун да, битеу Исраил улула да Муссаны бети нюр жаннганын кёрюп, анга жууукълашыргъа къоркъгъан эдиле. 31Мусса аланы чакъырды, Харун да, жамауатны битеу бачамалары да аны къатына келдиле, сора Мусса ала бла сёлешди. 32Андан сора битеу Исраил улула жууукълашдыла да, Раббий Синай тауда анга айтхан затланы барын да Мусса алагъа фарыз этди.
33Мусса ала бла сёлешип бошагъандан сора, бетине жабыу жайды. 34Сёлешир ючюн Раббийни аллына кирген заманында уа, Мусса андан чыкъгъынчыгъа дери, бетинден жабыуун ала эди. Чыкъгъанында, битеу фарыз этилген затланы Исраил улулагъа айта эди. 35Исраил улулары Муссаны бети нюр жаннганын кёре эдиле. Сора Мусса Раббий бла сёлеширге киргинчиге дери бетине, биягъы, жабыу жая эди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024