Мисирден чыгъыу 30
30
Ладан ийис чыгъарылыучу жер
(Чыгъ. 37:25-28)
1– Ладан ийис чыгъарылыучу жер ишлет. Аны къадаркъан агъачдан этдир. 2Узунлугъу бир къары, кенглиги да бир къары болсун. Ол тёртгюл болургъа керекди. Бийиклиги уа эки къары болсун. Мюйюзлерин аны кесинден тюйюп чыгъарыргъа керекди. 3Аны юсюн да, тёрт къабыргъасын да, мюйюзлерин да сырма алтын бла тышлат. Аны тёгерегине да алтын карниз ишлет. 4Аны эки жанында, карнизини тюбюнде эки алтын тогъай салдыр. Сора аны къурукъла бла кётюрюп жюрютюр ючюн, тогъайла къурукъ тутхучла болурла. 5Къурукъланы къадаркъан агъачдан ишлет да, алтын бла сырдыр. 6Ладан ийис чыгъарылыучу жерни Шагъатлыкъ Кюбюрню туурасындагъы жабыуну аллына сал. Ол, Шагъатлыкъ Кюбюрню башына – Мархамат Жерине къаршы турсун. Анда Мен сени бла тюбеширикме.
7Харун аны юсюнде ладан кюйдюрлюкдю. Хар эрттен сайын чыракъланы тюзетген заманында, ол ладан тютюн чыгъарлыкъды. 8Харун ингирде чыракъланы жандыргъан заманында да, ладан ийис этдирликди. Алай бла Раббийни аллында келлик тёлюлеригизде дайым ладан ийис чыгъарылып турлукъду. 9Бу жерни юсюнде башха тюрлю бир тютюн ийис чыгъармагъыз, не толусунлай кюйдюрюлген къурман, не мирзеу саугъа этмегиз; аны юсюне къуюлгъан саугъагъа чагъыр да тёкмегиз. 10Харун жылдан бир кере гюнях ючюн къурман кесип, къанны ладан ийис чыгъырылыучу жерни мюйюзлерине сюртюп, аны тазаласын. Келлик тёлюлеригизде да, жылдан бир кере, гюнях ючюн этилген къурманны къаны бла, бу тазалау этилсин. Бу жер – Мен Раббийге уллу сыйлы затды.
Саналыу ючюн хакъ
11Сора Раббий Муссагъа былай айтды:
12– Исраил улуланы жангыдан тергеп, санарыкъ заманынгда, хар бири, жанын жулур ючюн, Раббийге хакъ берсин, сора аланы санагъан кезиуде, араларында къыргъан ауруу болмаз. 13Саналыугъа тюшген хар адам Раббийге Сыйлы Жерде жюрюген ахчадан жарым шекел#30:13 Жарым шекел – 6 грамм кюмюш. 13-чю аятда да алай. хакъ берирге керекди. Бир шекел жыйырма герады. 14Жыл санлары жыйырмадан атлагъан, саналыугъа тюшген хар адам Раббийге хакъ берирге керекди. 15Жанларыгъызны жулур ючюн Раббийге хакъ берген заманыгъызда, бай адам андан кёп, жарлы адам да андан аз бермесин, хар бирине жарым шекел мардады. 16Исраил улуладан тазалау ахчаны алып, аны Тюбешиу Чатырны кереклисине жарата турурса. Жанларыгъызны жулур ючюн, Исраил улулагъа, бу Раббийни аллында эсгертиучю болур.
Къол-аякъ жууаргъа суу орун
17Сора Раббий Муссагъа былай айтды:
18– Андан суу алып къол-аякъ жууаргъа бир жез суу орун ишлет, аны аякъ тюбю да жезден болсун, аны Тюбешиу Чатырны бла къурман этилиучю жерни арасында салдырып, ичине суу къуйдур. 19Харун да, аны уланлары да андан суу алып, къолларын бла аякъларын жуусунла. 20Ала Тюбешиу Чатыргъа кирлик кезиуде неда Раббийни сыйына отда кюйдюрюлген къурман этер ючюн къурман этилиучю жерде къуллукъ этерик заманларында, ёлюп къалмаз ючюн, суу бла жууунсунла. 21Ала, ёлюп къалмаз ючюн, къолларын бла аякъларын суу бла жуусунла. Бу Харуннга да, туудукъларына да, битеу келлик тёлюлеринде, ёмюрлюк бегим болсун.
Сыйлы майлау жау
22Сора Раббий Муссагъа былай айтды:
23– Эм иги ариу ийисли затны ал: суусун мюрден беш жюз шекел#30:23 500 шекел – 6 килограмм. эмда аны жартысы – эки жюз элли шекел – ариу ийисли таржын, эки жюз элли шекел ариу ийисли къамиш, 24Сыйлы Жерде жюрюген шекелге кёре, беш жюз шекел касия эмда бир хин зейтун жау ал. 25Аладан сыйлы майлау этер ючюн жау къура, аны ариу ийисли майлау этиучю устала жарашдырыучуларыча, алай хазырла. Бу – сыйлы майлау жау болур. 26Тюбешиу Чатырны да, Шагъатлыкъ Кюбюрню да майларса. 27Столну да, аны битеу кереклерин да, чырахтанны да, аны битеу кереклерин да, ладан ийис чыгъарылыучу жерни да, 28толусунлай кюйдюрюлген къурман этилиучю жерни да, битеу аны кереклерин да, къол-аякъ жууаргъа суу орунну да, аны аякъ тюбюн да бу жау бла майларса. 29Аланы сыйлы этерсе, сора ала бек сыйлы затла болурла. Хар алагъа тийген зат да сыйлы болуп къалыр.
30Харунну бла аны уланларын майлап, ала Манга дин къуллукъчулукъ этер ючюн, аланы айырып сыйлы эт. 31Исраил улулагъа уа былай айт: «Бу сизни келлик тёлюлеригизде Манга сыйлы майлау жау боллукъду. 32Башха адамланы чархларын муну бла майларгъа жарарыкъ тюйюлдю эмда анга ушашдырып, май этмегиз. Бу – сыйлыды; сизге бу сыйлы зат болургъа керекди. 33Быллай май ким жарашдырса неда аны бла тыш адамны ким майласа, ол адам ёз халкъындан къоратылыр».
Ариу ийисли тютюн
34Сора Раббий Муссагъа былай айтды:
– Кесинге ариу ийисли затла ал: стакти, оних, халуан#30:34 Стакти, оних, халуан – бюгюнлюкде бу ариу ийис берген затла неден этилгенлерини тюзюн киши билмейди. эмда таза ладан – барын да тенг ал. 35Аладан, ариу ийисли затла этиучю устала жарашдырыучуларыча, тузланнган, таза, сыйлы, ариу ийисли тютюн чыгъарыучу къатышым этерсе. 36Биразын жармалап ууакъ этерсе, сора бир кесегин Тюбешиу Чатырда, Шагъатлыкъны аллына, Мен сени бла тюбеширик жерге салырса. Бу сизге уллу сыйлы зат болур. 37Кесигизге быллай тютюн чыгъарыучу къатышым этмегиз. Бу – Раббийге айырылгъан сыйлы затды. 38Аны бла тютюн урдурур ючюн аллай зат ким этсе да, ёз халкъындан къоратылыр.
Currently Selected:
Мисирден чыгъыу 30: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 30
30
Ладан ийис чыгъарылыучу жер
(Чыгъ. 37:25-28)
1– Ладан ийис чыгъарылыучу жер ишлет. Аны къадаркъан агъачдан этдир. 2Узунлугъу бир къары, кенглиги да бир къары болсун. Ол тёртгюл болургъа керекди. Бийиклиги уа эки къары болсун. Мюйюзлерин аны кесинден тюйюп чыгъарыргъа керекди. 3Аны юсюн да, тёрт къабыргъасын да, мюйюзлерин да сырма алтын бла тышлат. Аны тёгерегине да алтын карниз ишлет. 4Аны эки жанында, карнизини тюбюнде эки алтын тогъай салдыр. Сора аны къурукъла бла кётюрюп жюрютюр ючюн, тогъайла къурукъ тутхучла болурла. 5Къурукъланы къадаркъан агъачдан ишлет да, алтын бла сырдыр. 6Ладан ийис чыгъарылыучу жерни Шагъатлыкъ Кюбюрню туурасындагъы жабыуну аллына сал. Ол, Шагъатлыкъ Кюбюрню башына – Мархамат Жерине къаршы турсун. Анда Мен сени бла тюбеширикме.
7Харун аны юсюнде ладан кюйдюрлюкдю. Хар эрттен сайын чыракъланы тюзетген заманында, ол ладан тютюн чыгъарлыкъды. 8Харун ингирде чыракъланы жандыргъан заманында да, ладан ийис этдирликди. Алай бла Раббийни аллында келлик тёлюлеригизде дайым ладан ийис чыгъарылып турлукъду. 9Бу жерни юсюнде башха тюрлю бир тютюн ийис чыгъармагъыз, не толусунлай кюйдюрюлген къурман, не мирзеу саугъа этмегиз; аны юсюне къуюлгъан саугъагъа чагъыр да тёкмегиз. 10Харун жылдан бир кере гюнях ючюн къурман кесип, къанны ладан ийис чыгъырылыучу жерни мюйюзлерине сюртюп, аны тазаласын. Келлик тёлюлеригизде да, жылдан бир кере, гюнях ючюн этилген къурманны къаны бла, бу тазалау этилсин. Бу жер – Мен Раббийге уллу сыйлы затды.
Саналыу ючюн хакъ
11Сора Раббий Муссагъа былай айтды:
12– Исраил улуланы жангыдан тергеп, санарыкъ заманынгда, хар бири, жанын жулур ючюн, Раббийге хакъ берсин, сора аланы санагъан кезиуде, араларында къыргъан ауруу болмаз. 13Саналыугъа тюшген хар адам Раббийге Сыйлы Жерде жюрюген ахчадан жарым шекел#30:13 Жарым шекел – 6 грамм кюмюш. 13-чю аятда да алай. хакъ берирге керекди. Бир шекел жыйырма герады. 14Жыл санлары жыйырмадан атлагъан, саналыугъа тюшген хар адам Раббийге хакъ берирге керекди. 15Жанларыгъызны жулур ючюн Раббийге хакъ берген заманыгъызда, бай адам андан кёп, жарлы адам да андан аз бермесин, хар бирине жарым шекел мардады. 16Исраил улуладан тазалау ахчаны алып, аны Тюбешиу Чатырны кереклисине жарата турурса. Жанларыгъызны жулур ючюн, Исраил улулагъа, бу Раббийни аллында эсгертиучю болур.
Къол-аякъ жууаргъа суу орун
17Сора Раббий Муссагъа былай айтды:
18– Андан суу алып къол-аякъ жууаргъа бир жез суу орун ишлет, аны аякъ тюбю да жезден болсун, аны Тюбешиу Чатырны бла къурман этилиучю жерни арасында салдырып, ичине суу къуйдур. 19Харун да, аны уланлары да андан суу алып, къолларын бла аякъларын жуусунла. 20Ала Тюбешиу Чатыргъа кирлик кезиуде неда Раббийни сыйына отда кюйдюрюлген къурман этер ючюн къурман этилиучю жерде къуллукъ этерик заманларында, ёлюп къалмаз ючюн, суу бла жууунсунла. 21Ала, ёлюп къалмаз ючюн, къолларын бла аякъларын суу бла жуусунла. Бу Харуннга да, туудукъларына да, битеу келлик тёлюлеринде, ёмюрлюк бегим болсун.
Сыйлы майлау жау
22Сора Раббий Муссагъа былай айтды:
23– Эм иги ариу ийисли затны ал: суусун мюрден беш жюз шекел#30:23 500 шекел – 6 килограмм. эмда аны жартысы – эки жюз элли шекел – ариу ийисли таржын, эки жюз элли шекел ариу ийисли къамиш, 24Сыйлы Жерде жюрюген шекелге кёре, беш жюз шекел касия эмда бир хин зейтун жау ал. 25Аладан сыйлы майлау этер ючюн жау къура, аны ариу ийисли майлау этиучю устала жарашдырыучуларыча, алай хазырла. Бу – сыйлы майлау жау болур. 26Тюбешиу Чатырны да, Шагъатлыкъ Кюбюрню да майларса. 27Столну да, аны битеу кереклерин да, чырахтанны да, аны битеу кереклерин да, ладан ийис чыгъарылыучу жерни да, 28толусунлай кюйдюрюлген къурман этилиучю жерни да, битеу аны кереклерин да, къол-аякъ жууаргъа суу орунну да, аны аякъ тюбюн да бу жау бла майларса. 29Аланы сыйлы этерсе, сора ала бек сыйлы затла болурла. Хар алагъа тийген зат да сыйлы болуп къалыр.
30Харунну бла аны уланларын майлап, ала Манга дин къуллукъчулукъ этер ючюн, аланы айырып сыйлы эт. 31Исраил улулагъа уа былай айт: «Бу сизни келлик тёлюлеригизде Манга сыйлы майлау жау боллукъду. 32Башха адамланы чархларын муну бла майларгъа жарарыкъ тюйюлдю эмда анга ушашдырып, май этмегиз. Бу – сыйлыды; сизге бу сыйлы зат болургъа керекди. 33Быллай май ким жарашдырса неда аны бла тыш адамны ким майласа, ол адам ёз халкъындан къоратылыр».
Ариу ийисли тютюн
34Сора Раббий Муссагъа былай айтды:
– Кесинге ариу ийисли затла ал: стакти, оних, халуан#30:34 Стакти, оних, халуан – бюгюнлюкде бу ариу ийис берген затла неден этилгенлерини тюзюн киши билмейди. эмда таза ладан – барын да тенг ал. 35Аладан, ариу ийисли затла этиучю устала жарашдырыучуларыча, тузланнган, таза, сыйлы, ариу ийисли тютюн чыгъарыучу къатышым этерсе. 36Биразын жармалап ууакъ этерсе, сора бир кесегин Тюбешиу Чатырда, Шагъатлыкъны аллына, Мен сени бла тюбеширик жерге салырса. Бу сизге уллу сыйлы зат болур. 37Кесигизге быллай тютюн чыгъарыучу къатышым этмегиз. Бу – Раббийге айырылгъан сыйлы затды. 38Аны бла тютюн урдурур ючюн аллай зат ким этсе да, ёз халкъындан къоратылыр.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024