Мисирден чыгъыу 25

Сыйлы Мекямгъа жараулу саугъала

(Чыгъ. 35:4-9)

1Раббий Муссагъа сёлешип, былай айтды:

2– Исраил улулагъа айт, ала Манга саугъала келтирсинле. Манга хар кёл салып берген адамдан саугъа алыгъыз. 3Ма сиз аладан аллыкъ саугъала: алтын, кюмюш, жез, 4кёк, къызгъылдым эм ачы къызыл тюрсюнлю жюн, иничге гетен, эчки жюн, 5къызылгъа боялгъан къой териле, кёк сахтиян эм къадаркъан агъач, 6чырахтаннга зейтун жау, майлар ючюн эм тютюн урдурур ючюн ариу ийисли затла, 7эфодха#25:7 Эфод – тыш кийим. эм ёшюнлюкге оникс эм башха асыл ташла. 8Манга Сыйлы Жер къурасынла, сора араларында турурма. 9Битеу Мен санга кёргюзтген юлгюле кибик, Мекямны да, битеу аны сауутларын да алай этигиз.

Шагъатлыкъ Кюбюр

(Чыгъ. 37:1-9)

10– Къадаркъан агъачдан Кюбюр ишлегиз. Аны узунлугъу эки къары бла жарым, кенглиги бир къары бла жарым, бийиклиги да бир къары бла жарым болсун. 11Аны ичин да, тышын да сырма алтын бла тышлап, баш жанында да аны тёгерегине алтын карниз этдир. 12Анга, эритип къуюп, тёрт алтын тогъай этдир да, аланы Кюбюрню тёрт аягъына орнат: эки тогъайны бир жанында, эки тогъайны бирси жанында. 13Къадаркъан агъачдан къурукъла#25:13 Къурукъ – орус. шест (толстый). ишлетип, аланы алтын бла тышлат. 14Кюбюрню кётюрюп жюрютюр ючюн, аны эки жанындан къурукъланы тогъайлагъа кийирт. 15Къурукъла Кюбюрню тогъайларына кийирилгенлей турсунла, андан чыгъарылмасынла. 16Кюбюрню ичине Мен санга берлик Шагъатлыкъ ташланы сал.

17Кюбюрню башын – Мархамат Жерни – сырма алтындан ишлет. Аны узунлугъу эки къары бла жарым, кенглиги уа бир къары бла жарым болсун. 18Тёш-чёгюч бла ишленнген алтындан эки Керуб#25:18 Керуб – уллу мёлек. сурат этдир. Ала Кюбюрню башыны эки къыйырында орнат. 19Бир Керубну бир къыйырына, бирси Керубну уа бирси къыйырына сал. Керубла Кюбюрню башыны эки къыйырында, аны бла бир болурча этигиз. 20Керубла къанатлары бла Мархамат Жерни жапсынла, аланы къанатлары ёрге керилсинле, бетлери уа бир-бирлерине къарасынла. Керубланы бетлери Мархамат Жерге айланып болсунла.

21Кюбюрню ичине Мен санга берлик Шагъатлыкъны салып, аны юсюне Кюбюрню башын – Мархамат Жерни – сал. 22Мен сени бла анда тюбеширикме эмда Шагъатлыкъ Кюбюрню юсюнде болгъан Керубну арасындан, Мархамат Жерни юсюнден Исраил улулагъа буюргъанымы барын санга билдирликме.

Сыйлы ётмекле салынырыкъ стол

(Чыгъ. 37:10-16)

23– Къадаркъан агъачдан стол ишлет. Аны узунлугъу эки къары, кенглиги бир къары, бийиклиги да бир къары бла жарым болсун. 24Аны сырма алтын бла тышлат, тёгерегине алтын карниз ишлет. 25Столну тёгерегине къол аяз бийиклиги#25:25 8 сантиметр. болгъан къабыргъа ишлет, къабыргъаны тёгерегине да алтын карниз ишлет. 26Столгъа тёрт алтын тогъай ишлет, аланы столну тёрт мюйюшюндеги тёрт аягъына бегит. 27Столну кётюрюп жюрютюр ючюн, къурукъла кийирирча, къабыргъаларында тогъайла болсунла. 28Къурукъланы уа къадаркъан агъачдан ишлет, алтын бла тышлат, ол столну бу къурукъла бла кётюрюп жюрютюрле. 29Анга табакъла да, ашлаула да, суусап къуярча къошунла бла аякъла да ишлет; ала сырма алтындан болсунла. 30Сыйлы ётмеклени столгъа, Мени аллыма дайым сала тур.

Алтын чырахтан

(Чыгъ. 37:17-24)

31– Сырма#25:31 Сырма – былайда орус. чистый, без примеси. алтындан чырахтан ишлет. Аны аягъы бла сабы тёш-чёгюч бла ишленсин, чёмючлери да, алмалары да, чечеклери#25:31 Чечек – былайда орус. бутон. да кесинден тюйюп-созуп чыгъарылыргъа керекдиле. 32Чырахтанны къабыргъаларындан алты бутакъ чыгъаргъа керекди: юч бутагъы бир къабыргъасындан, бирси юч бутагъы да бирси къабыргъасындан. 33Бир бутагъында сюеккъоз#25:33 Сюеккъоз – орус. миндаль. чечекге ушаш, алмалары бла эм чечеклери бла юч чёмюшчюк, бирси бутагъында да сюеккъоз чечекге ушаш, алмалары бла эм чечеклери бла юч чёмюшчюк болургъа керекди. Чырахтандан чыкъгъан алты бутакъ да бирчала болсунла. 34Чырахтанны сабында уа, сюеккъоз чечекге ушаш, алмалары эм чечеклери бла тёрт чёмюшчюк болургъа керекди. 35Чырахтанны сабындан алты бутакъ чыгъаргъа керекди. Биринчи эки бутагъыны, бирси эки бутагъыны эм къалгъан эки бутагъыны тюбюнде да бирер алма болургъа керекди. 36Алмала да, бутакълары да чырахтанны кесинден чыгъаргъа керекдиле. Ол, сырма алтындан тёш-чёгюч бла ишленнген бир сау зат болургъа керекди.

37Чырахтаннга жети чыракъ ишлет, чыракъларын аны юсюне сал, ала чырахтанны ал жанын жарытсынла. 38Анга къысхачланы да, къырыкъланы да сырма алтындан этдир. 39Битеу бу кереклери бла бирге чырахтанны бир талант#25:39 Бир талант – ауурлукъну ёлчеси, 30 килограммгъа жууукъ. сырма алтындан ишлесинле. 40Къара, аланы санга тауда кёргюзтюлген юлгю бла ишлет.

Currently Selected:

Мисирден чыгъыу 25: МалкъСК

Highlight

Copy