Мисирден чыгъыу 12
12
Къутхарылыу байрам
(Леб. 23:5-8; Сан. 28:16-25; Эсг. 16:1-8)
1Раббий Мисирни жеринде Муссагъа бла Харуннга былай айтханды:
2– Бу ай сизде айланы башы, жылны биринчи айы болсун. 3Битеу Исраил жамауатына айтыгъыз: Бу айны онунчу кюнюнде хар ким юйюрюне кёре бир къозу#12:3 Былайда «къозу» деп кёчюрюлген сёз оригиналда «улакъ» деген магъананы да тутады. Аны кибик, 4-чю эм 21-чи аятлада. алсын, хар юйюр бирер къозу. 4Юйюрю къозуну ашап бошаялмазча, алай гитче болса уа, кесини юйюне эм жууукъ къоншусу бла жан санына кёре алсынла; хар ким ашап бошаяллыкъ марда бла къозугъа юлешинигиз. 5Къурманыгъыз къыяусуз, бир жыллыкъ, эркек мал болургъа керекди. Къойладан бир къозу неда эчкиледен бир улакъ болсун. 6Бу айны онтёртюнчю кюнюне дери ол сизде асыралып турсун. Ол заманда битеу Исраилни жамауаты жыйылып, хайыуанланы ингирде кессин. 7Хайыуанны къанындан алып, этин ашарыкъ юйледе эшиклени эки жанына бла башына жакъсынла. 8Этни отда биширип ол кече окъуна ашап бошасынла. Аны ачымагъан ётмек бла эм ачы хансла бла ашасынла. 9Аны биширмей, неда сууда биширип ашамагъыз, алай а башы бла, аякълары бла, ичи бла бирге отда биширип ашагъыз. 10Андан эрттенликге къалдырмагъыз, андан эрттенликге къалгъанны уа отда кюйдюрюгюз. 11Аны уа былай ашагъыз: беллеригиз къысылып болсунла, чарыкъларыгъыз аякъларыгъызда, таякъларыгъыз да къолларыгъызда болсунла, аны ашыгъышлыкъ бла ашагъыз. Бу Раббийни Къутхарылыу байрамыны ашыды.
12Мен а тамам ол кече Мисирни жерини юсю бла ётерме, Мисирни жеринде адамланы, малланы да биринчи туугъанларын барын да къырырма эмда Мисирни аллахларыны барына да сюд этерме. Мен Раббийме. 13Сиз тургъан юйлени юсюндеги къан сизге белги болур. Къанны кёргенимде сизге тиймей озарма. Мисирни жерин халек этген заманымда, сизни арагъызда къырылыу болмаз. 14Бу кюн сизге унутулмаз кюн болсун. Тёлюден тёлюге да ол кюн Раббийге байрам этигиз. Бу байрам сизге ёмюрлюк адетди.
15Жети кюн ачымагъан ётмек ашагъыз. Биринчи кюнден башлап, юйлеригизде ачыгъан затны жокъ этигиз. Биринчи кюнден жетинчи кюннге дери ачыгъан затны ким ашаса да, ол адам Исраилни арасындан къоратылыр. 16Биринчи кюнюнде эм жетинчи кюнюнде сизде сыйлы жыйылыу болсун. Ол кюнледе бир тюрлю бир иш этмегиз. Хар биригизге ашарыгъын хазырлагъандан башха иш этерге жарарыкъ тюйюлдю.
17Ачымагъан Ётмекле байрамны тутугъуз. Тамам бу кюнде Мен сизни Мисирни жеринден чыгъаргъанма. Бу кюнню тёлюден тёлюге да ёмюрлюк адетча тутугъуз. 18Биринчи айны онтёртюнчю кюнюню ингиринден, ол айны жыйырма биринчи кюнюню ингирине дери ачымагъан ётмек ашагъыз. 19Юйлеригизде жети кюнню ачытхы жюрютюрге жарарыкъ тюйюлдю. Ачыгъан затны ким ашаса да, ол адам Исраилни жамауатындан къоратыллыкъды – тыш адам болса да, ол жерни адамы болса да. 20Бир тюрлю бир ачыгъан затны ашамагъыз. Хар тургъан жеригизде ачымагъан ётмек ашагъыз.
21Сора Мусса Исраилни битеу тукъум таматаларын жыйып, алагъа:
– Юйюрлеригизге кёре кесигизге къозула сайлап алыгъыз эмда Къутхарылыу байрамны къурманын кесигиз, – деди. – 22Иссоп хансны чопалын алыгъыз да, тазда болгъан къаннга сугъуп, эшиклени эки жанына бла башына жагъыгъыз. Тангнга дери сизден бир киши да юйюню эшигинден тышына чыкъмасын. 23Раббий мисирлилени къырыргъа ётюп баргъанында, эшиклени башында бла эки жанында къанны Раббий кёрюр да, ол эшикледен озуп кетер, къырыучу мёлекге юйлеригизге кирип сизни къырыргъа къоймаз. 24Бу адет сизге да, уланларыгъызгъа да ёмюрлюк бегим болсун. 25Раббийни айтханыча, Ол сизге берлик жерге баргъан заманыгъызда, бу байрамны адетин тутарсыз. 26Сабийлеригиз сизге: «Бу байрамны магъанасы неди?» – деп соргъан заманда, 27алагъа: «Бу Раббийни Къутхарылыу байрамыны къурманыды. Раббий, мисирлилени къыргъан заманында, Мисирде Исраил улуланы юйлерини жаны бла озгъанды эм юйюрлерибизни къутхаргъанды», – деп айтыгъыз.
Сора халкъ, ийилип, сежда этгенди. 28Сора Исраил улулары барып, айтылгъанны этгендиле. Раббийни Муссагъа бла Харуннга буюргъаныча, алай этгендиле.
Онунчу палах: тюнгючлени къырылгъаны
29Кече арасында Раббий Мисирни жеринде биринчи туугъанланы барын да къыргъанды, тахтасында олтургъан фыргъауунну тюнгючюнден, зинданда тургъан тутмакъны тюнгючюне дери, малладан да битеу биринчи туугъанларын къыргъанды. 30Фыргъауун кеси да, битеу къуллукъчулары да, битеу мисирлиле да кечегиде тургъандыла. Мисирни жеринде уллу къычырыкъ-сыйыт этилгенди, нек дегенде, ёлюгю болмагъан юй жокъ эди.
Исраил халкъ Мисирден чыгъады
31Ол кече фыргъауун, Муссаны бла Харунну чакъыртып:
– Тебирегиз! Халкъымы ичинден чыгъыгъыз, сиз да, Исраил улулары да, барыгъыз, айтханыгъызча, Раббийге къуллукъ этигиз. 32Айтханыгъызча, къой-эчкилеригизни да, тууар малыгъызны да алыгъыз, барыгъыз. Манга да ыразылыкъ беригиз, – деди.
33Мисирлиле: «Биз барыбыз да къырыллыкъбыз», – деп къоркъуп, Исраилни халкъын кетигиз деп, къыса эдиле.
34Сора халкъ тылыларын ачыгъынчы алып, тылы тегенелерин кийимлери бла чулгъап, аркъаларына кётюрюп кетгендиле. 35Исраил улулары, Мусса айтханча этип, мисирлиледен кюмюш затла да, алтын затла да, кийимле да тилеп алгъандыла. 36Раббий а халкъгъа мисирлилени кёзлеринде ыразылыкъ бергенди. Мисирлиле исраиллиле тилеген затланы бергендиле. Алай бла ала мисирлилени тонап кетгендиле.
37Сора Исраил улулары, сабийлени санамай, 600 000-нге жууукъ жаяу эр киши болуп, Рамсесден Суккотха атланнгандыла. 38Ала бла бирге тыш адамладан кёбюсю да чыкъгъанды. Къой-эчкиле да, тууар мал да, бек уллу сюрюу болуп чыкъгъандыла. 39Мисирден алып чыкъгъан тылылары ачымагъаны себепли, ала ачымагъан гюттюле этип биширгендиле. Ала, Мисирден къысталгъандан эм мычыргъа болалмагъандан, кеслерине жол азыкъ да этмеген эдиле.
40Исраил улуларыны Мисирде тургъан заманлары уа 430 жыл эди. 41430 жыл озгъандан сора, туура ол кюн Раббийни битеу халкъы жыйын-жыйын болуп, кечегиде Мисирни жеринден чыкъгъанды. 42Ол кече Раббий, аланы Мисирни жеринден чыгъарыр ючюн, сагъайып тургъанды. Битеу Исраил улулары да, Раббийге хурмет этер ючюн, тукъумларындан тукъумларына бу кече сагъайып турургъа керекдиле.
Къутхарылыу байрамны жорукълары
43Раббий Муссагъа бла Харуннга:
– Ма Къутхарылыу байрамны жорукълары: бир тюрлю башха миллетли адам къурман этни ашаргъа жарарыкъ тюйюлдю. 44Ахчагъа сатылып алыннган хар къул а, анга сюннет этилгенден сора, андан ашаргъа боллукъду. 45Кёчгюнчю бла жалчы уа андан ашаргъа жарарыкъ тюйюлдю. 46Бир юйде ашаргъа керекди аны, къурман этни юйден тышына чыгъармагъыз, сюеклерин да сындырмагъыз. 47Бу байрамны Исраилни битеу жамауаты этерге керекди. 48Сенде тыш адам келип тохтап, Раббийни Къутхарылыу байрамын этерге излесе, аны битеу эр киши адамларына сюннет этилсин, сора, ол жерни адамы кибик, Исраилни халкъына къошулуп, байрамны этерге болур. Сюннет этилмеген бир тюрлю бир адам а къурман этни ашаргъа жарарыкъ тюйюлдю. 49Кеси адамыгъызгъа да, арагъызда келип жашагъан тыш адамгъа да, адет бир болсун, – дегенди.
50Сора битеу Исраил улулары айтылгъанны этгендиле. Раббийни Муссагъа бла Харуннга буюргъаныча, алай этгендиле. 51Туура ол кюн Раббий Исраил улуларын жыйын-жыйын этип, Мисирни жеринден чыгъаргъанды.
Currently Selected:
Мисирден чыгъыу 12: МалкъСК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024
Мисирден чыгъыу 12
12
Къутхарылыу байрам
(Леб. 23:5-8; Сан. 28:16-25; Эсг. 16:1-8)
1Раббий Мисирни жеринде Муссагъа бла Харуннга былай айтханды:
2– Бу ай сизде айланы башы, жылны биринчи айы болсун. 3Битеу Исраил жамауатына айтыгъыз: Бу айны онунчу кюнюнде хар ким юйюрюне кёре бир къозу#12:3 Былайда «къозу» деп кёчюрюлген сёз оригиналда «улакъ» деген магъананы да тутады. Аны кибик, 4-чю эм 21-чи аятлада. алсын, хар юйюр бирер къозу. 4Юйюрю къозуну ашап бошаялмазча, алай гитче болса уа, кесини юйюне эм жууукъ къоншусу бла жан санына кёре алсынла; хар ким ашап бошаяллыкъ марда бла къозугъа юлешинигиз. 5Къурманыгъыз къыяусуз, бир жыллыкъ, эркек мал болургъа керекди. Къойладан бир къозу неда эчкиледен бир улакъ болсун. 6Бу айны онтёртюнчю кюнюне дери ол сизде асыралып турсун. Ол заманда битеу Исраилни жамауаты жыйылып, хайыуанланы ингирде кессин. 7Хайыуанны къанындан алып, этин ашарыкъ юйледе эшиклени эки жанына бла башына жакъсынла. 8Этни отда биширип ол кече окъуна ашап бошасынла. Аны ачымагъан ётмек бла эм ачы хансла бла ашасынла. 9Аны биширмей, неда сууда биширип ашамагъыз, алай а башы бла, аякълары бла, ичи бла бирге отда биширип ашагъыз. 10Андан эрттенликге къалдырмагъыз, андан эрттенликге къалгъанны уа отда кюйдюрюгюз. 11Аны уа былай ашагъыз: беллеригиз къысылып болсунла, чарыкъларыгъыз аякъларыгъызда, таякъларыгъыз да къолларыгъызда болсунла, аны ашыгъышлыкъ бла ашагъыз. Бу Раббийни Къутхарылыу байрамыны ашыды.
12Мен а тамам ол кече Мисирни жерини юсю бла ётерме, Мисирни жеринде адамланы, малланы да биринчи туугъанларын барын да къырырма эмда Мисирни аллахларыны барына да сюд этерме. Мен Раббийме. 13Сиз тургъан юйлени юсюндеги къан сизге белги болур. Къанны кёргенимде сизге тиймей озарма. Мисирни жерин халек этген заманымда, сизни арагъызда къырылыу болмаз. 14Бу кюн сизге унутулмаз кюн болсун. Тёлюден тёлюге да ол кюн Раббийге байрам этигиз. Бу байрам сизге ёмюрлюк адетди.
15Жети кюн ачымагъан ётмек ашагъыз. Биринчи кюнден башлап, юйлеригизде ачыгъан затны жокъ этигиз. Биринчи кюнден жетинчи кюннге дери ачыгъан затны ким ашаса да, ол адам Исраилни арасындан къоратылыр. 16Биринчи кюнюнде эм жетинчи кюнюнде сизде сыйлы жыйылыу болсун. Ол кюнледе бир тюрлю бир иш этмегиз. Хар биригизге ашарыгъын хазырлагъандан башха иш этерге жарарыкъ тюйюлдю.
17Ачымагъан Ётмекле байрамны тутугъуз. Тамам бу кюнде Мен сизни Мисирни жеринден чыгъаргъанма. Бу кюнню тёлюден тёлюге да ёмюрлюк адетча тутугъуз. 18Биринчи айны онтёртюнчю кюнюню ингиринден, ол айны жыйырма биринчи кюнюню ингирине дери ачымагъан ётмек ашагъыз. 19Юйлеригизде жети кюнню ачытхы жюрютюрге жарарыкъ тюйюлдю. Ачыгъан затны ким ашаса да, ол адам Исраилни жамауатындан къоратыллыкъды – тыш адам болса да, ол жерни адамы болса да. 20Бир тюрлю бир ачыгъан затны ашамагъыз. Хар тургъан жеригизде ачымагъан ётмек ашагъыз.
21Сора Мусса Исраилни битеу тукъум таматаларын жыйып, алагъа:
– Юйюрлеригизге кёре кесигизге къозула сайлап алыгъыз эмда Къутхарылыу байрамны къурманын кесигиз, – деди. – 22Иссоп хансны чопалын алыгъыз да, тазда болгъан къаннга сугъуп, эшиклени эки жанына бла башына жагъыгъыз. Тангнга дери сизден бир киши да юйюню эшигинден тышына чыкъмасын. 23Раббий мисирлилени къырыргъа ётюп баргъанында, эшиклени башында бла эки жанында къанны Раббий кёрюр да, ол эшикледен озуп кетер, къырыучу мёлекге юйлеригизге кирип сизни къырыргъа къоймаз. 24Бу адет сизге да, уланларыгъызгъа да ёмюрлюк бегим болсун. 25Раббийни айтханыча, Ол сизге берлик жерге баргъан заманыгъызда, бу байрамны адетин тутарсыз. 26Сабийлеригиз сизге: «Бу байрамны магъанасы неди?» – деп соргъан заманда, 27алагъа: «Бу Раббийни Къутхарылыу байрамыны къурманыды. Раббий, мисирлилени къыргъан заманында, Мисирде Исраил улуланы юйлерини жаны бла озгъанды эм юйюрлерибизни къутхаргъанды», – деп айтыгъыз.
Сора халкъ, ийилип, сежда этгенди. 28Сора Исраил улулары барып, айтылгъанны этгендиле. Раббийни Муссагъа бла Харуннга буюргъаныча, алай этгендиле.
Онунчу палах: тюнгючлени къырылгъаны
29Кече арасында Раббий Мисирни жеринде биринчи туугъанланы барын да къыргъанды, тахтасында олтургъан фыргъауунну тюнгючюнден, зинданда тургъан тутмакъны тюнгючюне дери, малладан да битеу биринчи туугъанларын къыргъанды. 30Фыргъауун кеси да, битеу къуллукъчулары да, битеу мисирлиле да кечегиде тургъандыла. Мисирни жеринде уллу къычырыкъ-сыйыт этилгенди, нек дегенде, ёлюгю болмагъан юй жокъ эди.
Исраил халкъ Мисирден чыгъады
31Ол кече фыргъауун, Муссаны бла Харунну чакъыртып:
– Тебирегиз! Халкъымы ичинден чыгъыгъыз, сиз да, Исраил улулары да, барыгъыз, айтханыгъызча, Раббийге къуллукъ этигиз. 32Айтханыгъызча, къой-эчкилеригизни да, тууар малыгъызны да алыгъыз, барыгъыз. Манга да ыразылыкъ беригиз, – деди.
33Мисирлиле: «Биз барыбыз да къырыллыкъбыз», – деп къоркъуп, Исраилни халкъын кетигиз деп, къыса эдиле.
34Сора халкъ тылыларын ачыгъынчы алып, тылы тегенелерин кийимлери бла чулгъап, аркъаларына кётюрюп кетгендиле. 35Исраил улулары, Мусса айтханча этип, мисирлиледен кюмюш затла да, алтын затла да, кийимле да тилеп алгъандыла. 36Раббий а халкъгъа мисирлилени кёзлеринде ыразылыкъ бергенди. Мисирлиле исраиллиле тилеген затланы бергендиле. Алай бла ала мисирлилени тонап кетгендиле.
37Сора Исраил улулары, сабийлени санамай, 600 000-нге жууукъ жаяу эр киши болуп, Рамсесден Суккотха атланнгандыла. 38Ала бла бирге тыш адамладан кёбюсю да чыкъгъанды. Къой-эчкиле да, тууар мал да, бек уллу сюрюу болуп чыкъгъандыла. 39Мисирден алып чыкъгъан тылылары ачымагъаны себепли, ала ачымагъан гюттюле этип биширгендиле. Ала, Мисирден къысталгъандан эм мычыргъа болалмагъандан, кеслерине жол азыкъ да этмеген эдиле.
40Исраил улуларыны Мисирде тургъан заманлары уа 430 жыл эди. 41430 жыл озгъандан сора, туура ол кюн Раббийни битеу халкъы жыйын-жыйын болуп, кечегиде Мисирни жеринден чыкъгъанды. 42Ол кече Раббий, аланы Мисирни жеринден чыгъарыр ючюн, сагъайып тургъанды. Битеу Исраил улулары да, Раббийге хурмет этер ючюн, тукъумларындан тукъумларына бу кече сагъайып турургъа керекдиле.
Къутхарылыу байрамны жорукълары
43Раббий Муссагъа бла Харуннга:
– Ма Къутхарылыу байрамны жорукълары: бир тюрлю башха миллетли адам къурман этни ашаргъа жарарыкъ тюйюлдю. 44Ахчагъа сатылып алыннган хар къул а, анга сюннет этилгенден сора, андан ашаргъа боллукъду. 45Кёчгюнчю бла жалчы уа андан ашаргъа жарарыкъ тюйюлдю. 46Бир юйде ашаргъа керекди аны, къурман этни юйден тышына чыгъармагъыз, сюеклерин да сындырмагъыз. 47Бу байрамны Исраилни битеу жамауаты этерге керекди. 48Сенде тыш адам келип тохтап, Раббийни Къутхарылыу байрамын этерге излесе, аны битеу эр киши адамларына сюннет этилсин, сора, ол жерни адамы кибик, Исраилни халкъына къошулуп, байрамны этерге болур. Сюннет этилмеген бир тюрлю бир адам а къурман этни ашаргъа жарарыкъ тюйюлдю. 49Кеси адамыгъызгъа да, арагъызда келип жашагъан тыш адамгъа да, адет бир болсун, – дегенди.
50Сора битеу Исраил улулары айтылгъанны этгендиле. Раббийни Муссагъа бла Харуннга буюргъаныча, алай этгендиле. 51Туура ол кюн Раббий Исраил улуларын жыйын-жыйын этип, Мисирни жеринден чыгъаргъанды.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2020-2024