မးသဲ 27
27
ယ့ၣ်ရှူးဘဲာ်လ့ၤယဳၤအံာ်ဒဳစီၤပံၤလးအလှီမီၢ်
(မၢ် ၁၅:၁, လူၤ ၂၃:၁-၂, ယိၤ ၁၈:၂၈-၃၂)
1အလ့ၤကါတဂီၤနဳၤ, ပၠၤလှူၣ်တဲၤအဓဳၤ လဳစါစဲးကၱာ်အန့ၤ ဓဳၤသးပွ့ၤ တစီာ်လၤကျၤတဲၤစာ်ဘိ ထဲၢ်စစံးရးသံပီၢ်ယ့ၣ်ရှူးနဳၤ. 2စစဳကျဳၤဝှါ လၢ်ဝၤဒဳၣ်, စလ့ၤအံာ်ကဲၤလၢ်ဝၤဒဳအူးအမၢ်ဓဳၤ, စီၤပံၤလး အီၣ်နဳၤ.
စီၤယူဒၤအတဲၤသံ
(သဓဳဖဳး ၁:၁၈-၁၉)
3ဘ့နဳၤအခၠၱးစီၤယူဒၤထဲၢ်အဟိလါကဲၤ စဲာ်တပွဲၤနဳၤစာ်ထၱးပၠၤ စံးရးသံကဲၤယ့ၣ်ရှူးဒဳၣ်, စအဳးသဳး အဳးသး, စဖၱးဝှါဝှိသဳခဲဒဳၣ်, စလ့ၤအံာ် က့ၤကဲၤဝှိဒဳပၠၤလှူၣ်တဲၤအဓဳၤအီၣ်ကၱာ် အဓဳၤအပွ့ၤတစီာ်အီၣ်ကၱာ် ဒီၣ် ကဲၤ, 4“ယမဲၤကမဲာ်ကဲၤ, ယဝှိလါ ကမဲး ကဲၤပၠၤအတၱၢ်အမှးတပွဲၤနဳၤ.”
မၱာ်စဲာ်တစီာ်ဒီၣ်ကဲၤစဲာ်, “အဘဲာ်ကၠးဝၤတၤနဲၢ်. စာ်မဲၤဒီဧဲၤနအဲ.”
5မၱာ်စဲာ်နဳၤစလ့ၤဝှ့လါက့ၤဝှါဝှိဒဳ တဲၤလှူၣ်ၡံၣ်ပူၤနဳၤဒဳၣ်, စဟဲး ထာ်ဝှါ စလ့ၤစဳထာ်သံကဲၤ စန့ၤ.
6ပၠၤလှူၣ်တဲၤအဓဳၤတစီာ်ဖၱးဝှါဝှိအနဳၤ တဓဲဒဳၣ်, စဒီၣ်လှဲး ကဲၤလၢ်ဝၤ, “ကဘဲနံၢ်စဲာ်ဒဳတဲၤလှူၣ် အကဳပူၤနဳၤမၱာ်အတအဲးနီး, မၤနဲၢ်, အမၱာ်တဲၤသွံၣ် အပွၱၤ.” 7စဲာ်တစီာ်ဒဲလှဲးလၢ်ဝၤအတဲၤကဳ တဲၤကၠး ဒဳၣ်, စပွၱၤကဲၤအဘီာ်ကပဳၤအလၢ်ခဳးတကျးဝး စာ်ဘိထဲၢ်စဘူလါအံာ်ပီၢ် တၱတမဲအသံတစီာ်အနံၤ ခံနဳၤ. 8အယဳၤအခဳးအစဲ, တဲၤအလ့ၤ အနဳၤ တကျးဝးနဳၤပၠၤယဳၤကဲၤအမံၤဟးလ့ၤတမၤ, ထဲၢ်အထာ်ပဳၤထာ် ဘါမၱာ် “တဲၤသွံၣ်အလ့ၤ,” ထိဓဳၤခဳနဳၤ ယဳၤနဳၤ.
9ဘ့နဳၤတဲၤယၱၢ်ဘဲာ်ထဲၢ်ဝံယံးရမံယၤ ဒီၣ်တီၤလီၤတဓဲ ဖၱ ထာ်ကဲၤ, ထဲၢ်အဒီၣ်, “စဲာ်တစီာ်ဖၱး ဝှိသဳခဲ, ထဲၢ်အတၤပၠၤတပွဲၤအခဳးသံ အစာ်ဘိ အံၣ် စရ့လးဖဳးတစီာ်တၤနဲၢ်နီၤအအဲအဓ့နဳၤ 10ကၱာ် စပွၱၤကဲၤအဘီာ်ကပဳၤအလၢ်ခဳးအစာ်ဘိဘၱာ်စဲာ် မှဲးလၤ ယဲၤနဳၤ.”
စီၤပံၤလးအတဲၤထိးတဲၤဒဲယ့ၣ်ရှူး
(မၢ် ၁၅:၂-၅, လူၤ ၂၃:၃-၅, ယိၤ ၁၈:၃၃-၃၈)
11ပၠၤနှးဆီထဳးကဲၤယ့ၣ်ရှူးဒဳမၢ်ဓဳၤအလှီ မီၢ်နဳၤ, ကၱာ်ဒီမၢ်ဓဳၤ ဒဲစာ်ကဲၤစဲာ်, “နဲၤနဳၤနမၱာ်ယူဒၤဖဳး အဆးဖြးဧါ.”
ယ့ၣ်ရှူးဒီၣ်က့ၤစဲာ်, “နဒီၣ်ဘဲာ်တပွဲး.”
12ပၠၤလှူၣ်တဲၤအဓဳၤတစီာ် ကၱာ်အန့ၤဓဳၤ သးပွ့ၤတစီာ် ဆးဝဲၢ် နီၣ်သီစလီၤတဲၤကမဲာ်နှီနူၤ, စတဒီၣ်က့ၤကဲၤအလံၢ်တမံနီး.
13ဘ့နဳၤစီၤပံၤလးဒီၣ်ကဲၤစဲာ်, “နတသၱာ် ဟဲပၠၤဆးဝဲၢ်နလီၤ တဲၤကမဲာ်နီးဧါ.”
14ယ့ၣ်ရှူးတဒီၣ်က့ၤကဲၤအလံၢ်တမှိနီး, ထိကၱာ်ကစာ်မၢ်ဓဳၤ ထဲးတမိၢ်တမှါကဲၤအဇၱၢ်အဇိၢ်နဳၤ.
ယ့ၣ်ရှူးဘဲာ်စံးရးသံ
(မၢ် ၁၅:၆-၁၅, လူၤ ၂၃:၁၃-၂၅, ယိၤ ၁၈:၃၉—၁၉:၁၆)
15ဘ့ပွဲပူၤအခဲနဳၤ, မၢ်ဓဳၤဘးလှိထာ်နဲၤနီၤ တ့ၤဝှ့ဖဳးတပွဲၤထဲၢ် အဘဲာ်သးပၠၤအပဳၤအဟီးတပွဲၤပွဲၤ နဳၤ. 16ဘ့နဳၤအခၠၱးနဳၤတ့ၤဝှ့ဖဳး အမံၤဟဳထာ်သဲာ် လၤထဲၢ် စီၤယ့ၣ်ရှူးဘၤရးဘါအီၣ်ကဲၤတပွဲၤ. 17ဘ့ပၠၤလၤတ့ၢ်ပျဳာ်လၢ်ဝၤအခဲနဳၤ, စီၤပံၤလးဒဲစာ်ကဲၤစဲာ် တစီာ်ကယဳၤ, “သံသးအဲးနံၤယကဘးလှိထာ်နံၤသံ မၱာ်ပီၢ်ပွဲၤ. စီၤဘၤရးဘါဧါ, မၱာ်ယ့ၣ် ရှူးထဲၢ်ပၠၤယဳၤခရၱာ် တပွဲၤနဳၤဧါ.” 18စီၤပံၤလးဒဲကနဳၤမၱာ်စသၱာ်ဟဲ ထဲၢ်ပၠၤဖီၣ်စဲာ်မၱာ်ဒဳတဲၤသးကျးအစဲလီၤနဳၤ.
19ဘ့စဆးနါအီၣ်အကစံးရးတဲၤအခဲနဳၤ, စမှဲသဓဳလ့ၤကဲၤပၠၤ တပွဲၤ ဒဳစအီၣ်ကၱာ်စဒီၣ်ကဲၤ, “လ့ၤ နံၢ်တရၤဇါကိာ်မဲးပၠၤအတၱၢ်အမှးအနဳၤတပွဲၤအတဲၤမှူ အပူၤမဲး. မၤနဲၢ်, ခူတနံၤယဆီးမံဘးစဲာ် ကၱာ်အမဲၤ နံၤ ဝံနံၤဝၤဆိးကဲၤယဲၤ.”
20မၱာ်ပၠၤလှူၣ်တဲၤအဓဳၤကၱာ် အန့ၤဓဳၤသး ပွ့ၤနှးကဲၤပၠၤအကါ စာ်ဘိထဲၢ် အကတၤစဲာ်စဘါပျဲးပီၢ် စီၤဘၤရးဘါကၱာ်စကမဲၤသံပီၢ် ယ့ၣ်ရှူးနဳၤ. 21မၢ်ဓဳၤတပွဲၤဒီၣ်ကဲၤစဲာ်တစီာ်, “အယဳၤကၠံၢ်ပွဲၤအကျဲ သံ သးအဲးနံၤယကဘးလှိနံၤသံမၱာ်ပီၢ်ပွဲၤ.”
စဲာ်တစီာ်ဒီၣ်က့ၤကဲၤ, “စီၤဘၤရးဘါ.”
22စီၤပံၤလးဒီၣ်က့ၤကဲၤစဲာ်တစီာ်, “မဲၤကနဳၤ, ယကမဲၤအံာ် ဘဲာ်ဒီယ့ၣ်ရှူးထဲၢ် ပၠၤယဳၤခရၱာ်တပွဲၤစာ်တဲၢ်.”
“ထးလၤကျဳၤသံစဲာ်,” စဲာ်တစီာ်ကဲာ်ဧဳၤဓဳၤ.
23မၱာ် စီၤပံၤလးဒီၣ်ကဲၤစဲာ်တစီာ်, “စတဲၤကမဲာ်မၱာ်ကဲၤတၤ နဲၢ်.”
စဲာ်တစီာ်ကဲာ်ဧဳၤထးဒဳၣ်ချဳကဲၤ, “ထးလၤကျဳၤသံစဲာ်.”
24စီၤပံၤလးစာ်ထၱးကဲၤတဲၤအချဳထာ် မၤမံၤတအီၣ်တမံနီး, မၱာ်ပၠၤပဳၤ ကလၢ်ဒဳၣ်ချဳထာ်ကဲၤ တခီဒဳၣ်, စတၤဝှါထံ, စဝှူစဘါကဲၤစစူး ခီးဒဳပၠၤအလှီမီၢ်ကၱာ်ဒီၣ်ကဲၤ, “ယဲၤယဳၤ, ယအီၣ်လှိအီၣ်လၤကၱာ် တပွဲး ပၠၤအတၱၢ်အမှးအယဳၤတပွဲၤအသွံၣ်. စာ်ကၱာ်မဲၤ ဓီဒီဧဲၤသံအဲ.”
25ကၱာ်ဒီပၠၤအပဳၤအဟီးလဳစါစဲး တစီာ် ဒီၣ်ကဲၤ, “စသွံၣ်ကလၤဒီဧဲၤဝၤခဳး ကၱာ်ဝၤဖဳးဝၤလံၤ တစီာ်အခဳးနဳၤ.”
26ဘ့နဳၤစီၤပံၤလးဘးလှိနံၤကဲၤတ့ၤဝှ့ဖဳး စီၤဘၤရးဘါ, မၱာ် ယ့ၣ်ရှူးနဳၤစလှၱးစပျဲဝှါလၢ်ဝၤဒဳၣ်, စအံာ်လၤကဲၤလၢ်ဝၤဒဳစဲာ်တစီာ် အစူး ခီးပူၤနဳၤ, စာ်ဘိ ထဲၢ်စကထးလၤကျဳၤသံပီၢ်လၢ်ဝၤနဳၤ.
ကျံဖဳးကီၤဆဲလဲၤဝဲၢ်ယ့ၣ်ရှူး
(မၢ် ၁၅:၁၆-၂၀, ယိၤ ၁၉:၂-၃)
27မၢ်ဓဳၤအကျံအပွဲၤတစီာ်ဖၱးဝှါယ့ၣ်ရှူး ဒဳၣ်စလ့ၤအံာ်ကဲၤ လၢ်ဝၤဒဳၡံၣ်ဓဳၤအပူၤနဳၤ, ကၱာ်ကျံ ဖဳးတစီာ်အီၣ်ဝ့ၤခွဲဘးစဲာ်. 28စဘဳးလၤတ့ၢ် ကဲဝှါလၢ်ဝၤအၡံာ်ဒဳဒဳၣ်, စသီးနံၤကဲၤလၢ်ဝၤ ၡံာ်ဒဳတီၢ်တိၤ အလၱၤတဘဲာ်. 29မဲၤဝှါ စထ့ထီးကယီၢ်ဆူးအသကွါကၱာ်စဖျးလၤကဲၤဒဳလၢ်ဝၤအကဳာ် ခဳးနဳၤ, ကၱာ်ဒီစနှးဖီးကျဳၤအံာ်လၢ်ဝၤကပီၤတဘီဒဳစစူးခီးအတထွဲးတခီနဳၤ. စဆီးလူဆီယဲၢ်လၢ်ဝၤ. စဓဳၢ် နှဳလါလၢ် ဝၤအလှီမီၢ်ကၱာ်စဒီၣ်, “ဘဲာ်မီၤ, ယူဒၤ ဖဳးအဆးဖြး.” 30စထွၱးဝဲၢ် လၢ်ဝၤအလီၤ စပအဲးထံကၱာ်စဖၱးကပီၤကၱာ်ပျဲကဲၤလၢ်ဝၤအကဳာ်. 31အကဓူၤလါစမဲၤယဳၤမဲၤလဲၢ်ဝှါလၢ်ဝၤဒဳၣ်, စဘဳးလၤ တ့ၢ်ကဲလၢ်ဝၤ အၡံာ်ဒဳကၱာ် စသီးထာ်နံၤက့ၤ လၢ်ဝၤစအဲတစီာ်ကၱာ်ဒီ စဟဲးဖျီးမံ အံာ် ကဲၤလၢ်ဝၤ စာ်ဘိထဲၢ်စကထးလၤကျဳၤသံပီၢ် လၢ်ဝၤသဳာ်ပျီၤထူၣ်စူညါအလီၤနဳၤ.
ယ့ၣ်ရှူးဘဲာ်လှၱးထာ်သံသဳာ်ပျီၤထူၣ်စူညါအလီၤ
(မၢ် ၁၅:၂၁-၃၂, လူၤ ၂၃:၂၆-၄၃, ယိၤ ၁၉:၁၇-၂၇)
32ဘ့ပၠၤလ့ၤအံာ်စဲာ်ကျဲးလီၤအခဲနဳၤ, ပၠၤ စာ်ထၱးကဲၤကူၤရ့ၤန့ဖဳးထဲၢ်အမံၤမၱာ်စီၤၡံမိၣ်တပွဲၤနဳၤ. ပၠၤနှးနဳၤနှးပဲၤကဲၤစဲာ် အကယး ဇဳၤယ့ၣ်ရှူးသဳာ်ပျီၤထူၣ်စူညါ. 33ဘ့ပၠၤဓဳၤလ့ၤထဲၢ်ပၠၤယဳၤအမံၤ ကီၤလၤ ကီၤသါ (အထာ်ပဳၤထာ်ဘါမၱာ်တဲၤကဳာ်ခွံးအလ့ၤ) တချဳးနဳၤ, 34ပၠၤအံာ်ကဲၤ စအီသဳာ်ပၡံးထံထဲၢ် အအီၣ်ချဲးဒီၣ်ကိာ်တဲၤသဳးထံတဓဲနဳၤ. စဓၱၢ်စာ်စာ်လီၤ, မၱာ်စတအီကဲၤနီး.
35ပၠၤထးလၤကျဳၤဝှါစဲာ်သဳာ်ပျီၤထူၣ်စူညါလီၤဒဳၣ်, ပၠၤဘဳးကဲၤမဲ ကၱာ်ပ့ၤ လၤလှဲးကဲၤလၢ်ဝၤ စတဲၤကိ တဲၤသီး. အစာ်ဘိဝံအတဲၤဒီၣ်တီၤလီၤအီၣ်တဓဲနဳၤကပ့ထာ်ပီၢ်နဳၤ. တဲၤဒီၣ်တီၤလီၤမၱာ်ကဲၤကယဳၤ, “စပ့ၤလၤလှဲးကဲၤလၢ်ဝၤစရှံာ်ဒဳ ဒဳတဲၤဘဳာ်မဲအပူၤနဳၤ.” 36မဲၤဝှါဒဳၣ်, စဲာ် တစီာ် ဆးနါအီၣ် ကၱာ်တိၤအံာ်ကဲၤလၢ်ဝၤ. 37ဒဳစကဳာ်ခဳးနဳၤ, စဝှ့းလၤ ကဲၤစဝၱၤစကဲကယဳၤ, “အယဳၤမၱာ်ယ့ၣ်ရှူး, ယူဒၤဖဳးအဆးဖြး.” 38ပၠၤထးလၤပျဳာ်ကဲၤစဲာ် တဲၤဝှ့ကၠံၢ်ပွဲၤ, အအီၣ်စစူးတထွဲးတခီဘဲာ်တပွဲၤ ကၱာ် စစူးတစၱးတခီဘဲာ်တပွဲၤ.
39ပၠၤလ့ၤဘိးထၱးစဲာ်တစီာ်ထဳးတယံၢ် အကဳာ်ကၱာ်ထဲးကဲထဲး အိးစဲာ်, 40ကၱာ်ဒီၣ်ကဲၤ, “နဲၤထဲၢ်အဒီၣ်အန့ၤအကမဲၤကဲဝှါ တဲၤ လှူၣ်ၡံၣ်ဒဳၣ်, အကပြးထာ်က့ၤဒဳသဳနံၤအဓၢ်ပူၤလီၤတပွဲးနဳၤ, မဲၤလှိ ထာ် က့ၤပီၢ်နန့ၤခးနၢ်. နကမၱာ်ဘ့ာ်မ့ ကဘၱာ်စဲာ်အဖဳး ဒဳၣ်, ခဲလါဓ့ၢ်ပီၢ်သဳာ် ပျီၤအလီၤ.”
41ပၠၤလှူၣ်တဲၤအဓဳၤ, အသဲာ်စဲာ်ကၱာ်အန့ၤ ဓဳၤတစီာ်မၱမၱာ်ထဲး ကဲထးအိးကိာ်ကဲၤပၠၤအလဝ့ၤတစီာ် အကါကနဳၤကၱာ်စဒီၣ်, 42“စမဲၤလှိထာ်က့ၤပၠၤ, မၱာ်စတမဲၤလှိထာ်က့ၤဇၤစန့ၤနီး. စမၱာ်အံၣ်စရ့လး အဆးဖြးစဒီၣ်ဓဳၤ. အီၣ်ဆိဧိၢ်မီၢ်ကိာ်. ကစာ်ထၱးဘ့ာ်မ့ စက့ၤလၤသဳာ်ပျီၤထူၣ်စူညါ အလီၤခၣ်လဲး, ကဘူၣ်ကီစဲာ်. 43စဆးၡံအံာ်ကဘၱာ်စဲာ်နၱၢ်. ကဘၱာ်စဲာ်အသးမၱာ် အီၣ်စဲာ်ဒဳၣ်, ကဘၱာ်စဲာ်ကမဲၤ လှိထာ်က့ၤဒီဧဲၤ စဲာ်ခဳနဳၤ ယဳၤ. မၤနဲၢ်ကဒီၣ်ဓဳၤဒဳၣ်, ‘ယဲၤမၱာ်ကဘၱာ်စဲာ် အဖဳး,’ စဒီၣ်ဓဳၤ.”
44တ့ၤဝှ့ဖဳး အဘဲာ်ထးလၤကျဳၤပျဳာ်စဲာ် တပွဲၤနဳၤမၱာ်မၱာ်စကီၤ ဝဲၢ်ကဲၤလၢ်ဝၤကနဳၤလီၤလီၤ.
ယ့ၣ်ရှူးအတဲၤသံ
(မၢ် ၁၅:၃၃-၄၁, လူၤ ၂၃:၄၄-၄၉, ယိၤ ၁၉:၂၈-၃၀)
45ဘ့လူၤမူၤထံးထာ်ထိဓဳၤသဳနၣ်ရၱၣ်နဳၤ, တဲၤခံးလၤကဲၤဒဳလၢ် ခဳးအခဳးနဳၤ. 46ကၱာ်ဒီဘ့သဳနၣ်ရၱၣ်အခၠၱးနဳၤ, ယ့ၣ်ရှူးကဲာ်ဧဳၤထာ် ဆိး ကၱာ်စဒီၣ်, “အ့ၤလံၤ, အ့ၤလံၤ, လၤမါစၤဘၤဃသၤ နံ,” အထာ်ပဳၤ ထာ်ဘါမၱာ်, “အဳဘၱာ်စဲာ်, ယဘၱာ်စဲာ်, နပၢ်ဖျီးမံမၤယဲၤနဲၢ်.”
47ပၠၤအီၣ်ဘိးထၱးစဲာ်တစီာ်သၱာ်ဟဲဘဲာ် တဲၤအယဳၤဒဳၣ်, စဒီၣ် လှဲးကဲၤလၢ်ဝၤတစီာ်, “စယဳၤ ထာ်ကဲၤစီၤအ့ၤလံယၤ.” 48မဲၤဝှါ ဒဳၣ်, စဲာ်တစီာ်အကျဲတပွဲၤစွဲးလ့ၤဖၱးကဲၤကပီၤတဘီ. စဘဲဝဲၢ်အလီၤပဲာ် လဲာ်သအိးတချဳးထဲၢ်စသြူလါသဳာ်ပၡံးထံအၡၱး အကျဲကၱာ်စအံာ်ထာ်ကဲၤ လၢ်ဝၤအီ.
49မၱာ်အလဝ့ၤတစီာ်ဒီၣ်ကဲၤစဲာ်, “အီၣ် ဆိဧိၢ်မီၢ်ကိာ်, ဘဲာ် တဘဲာ်နီး စီၤအ့ၤလံယၤကလၤမဲၤ လှိထာ်က့ၤပီၢ်ဒီစဲာ်လီၤမီၢ်.”
50ဘ့နဳၤအခၠၱး ယ့ၣ်ရှူးကဲာ်ဧဳၤထာ်ဆိး တပျာ်ပ့ၤကၱာ်စသး ဟဲးထာ်ကဲၤ.
51ဘ့နဳၤလီၤ တဲၤသဲာ်ဒဳးဒၱာ်ဒါ ထဲၢ်အအီၣ် စဳးလၤဒဳတဲၤလှူၣ် ၡံၣ်ပူၤတဘဲာ်နဳၤ ထဲးလဲးကဲၤကၠံၢ်ကီ လၢ်, စးထာ်ဘ့အကဳာ်ထိဓဳၤလၤအကါနဳၤ. လၢ်ခဳး ကျ့ၤကျၢ်ကၱာ်လဳၤတစီာ်ထဲဖးကဲၤ. 52လူၢ်ခဳး တစီာ်အီၣ်တဘါကဲၤကၱာ်ပၠၤစာ်ထၱးကဲၤကဘၱာ်စဲာ် အပၠၤစါထံအသံဝှါကဲၤ တစီာ်ထာ်ပဳၤက့ၤအီၣ်အဲး အီးအီး. 53ကၱာ်ဒီဘ့ယ့ၣ်ရှူးထာ်ပဳၤက့ၤ ဝှါနဳၤ, စလ့ၤနံၢ်ကဲၤဒဳအူးစါထံအပူၤကၱာ်ဒဲလၱၢ် ကကဲၤအန့ၤဒဳ ပၠၤအီၣ် အဲ ဗွဲအလှီမီၢ်နဳၤ.
54အစာ်အံာ်ဘဲာ်ကျံဖဳးအပွဲၤတကယဲၤ တပွဲၤကၱာ်ကျံဖဳး အစာ်တိၤအံာ်ဘဲာ်ယ့ၣ်ရှူးတစီာ် သး ဖူးသးကနၢ်လဳၢ်ကဲၤ ဒဳစစာ်ထၱးဘဲာ် ကဲၤလၢ်ခဳး ကျ့ၤကျၢ်ကၱာ် တဲၤဖၱထာ်ကဲၤအလဝ့ၤဆီးဆူအစဲနဳၤ ကၱာ်စဒီၣ်ကဲၤ, “ပၠၤအယဳၤတပွဲၤမၱာ်နှဲးနှဲးကဘၱာ်စဲာ် အဖဳးဟဳ.”
55ကၱာ်ဒီအမံၤမှူးထဲၢ်အအီၣ် ကၤလံၤ လဲက့ၤအလ့ၤကိာ်ယ့ၣ်ရှူးအလ့ၤစာ်ဘိထဲၢ်အကစာ် အံာ်အိးအံာ်စဲာ် အီၣ်အဲပွဲၤအီၣ်စာ် တိၤအံာ် စဲာ်ဒဳအတပီၤလီၤ. 56နီၢ်မၤရၱမၤကဒၤလ့ၣ်, ကၱာ် စီၤယၤကိာ် ကၱာ်စီၤယိၤစ့ၣ်အမဳၤနီၢ်မၤရၱ, ကၱာ်စီၤစ့းဘ့း ဒဲအဖဳးခဳတစီာ်အမဳၤအီၣ်ကိာ် စကါကါ.
တဲၤဘူလါယ့ၣ်ရှူး
(မၢ် ၁၅:၄၂-၄၇, လူၤ ၂၃:၅၀-၅၆, ယိၤ ၁၉:၃၈-၄၂)
57ဘ့လူၤမူၤလၤကဲၤနဳၤ, ပၠၤအနံၤအီ ယီၤ အၣ်အရံၤမၤသဲအူးဖဳး, အမံၤမၱာ်စီၤယိၤသးတပွဲၤ, ထဲၢ်အမၱာ်ကဲၤယ့ၣ်ရှူး အပျဲၢ်အဘီၣ် အကျဲတပွဲၤနဳၤ, 58လ့ၤထၱးကဲၤစီၤပံၤလးကၱာ်စတၤကဲၤလၢ်ဝၤ ယ့ၣ်ရှူးအစဳး. စီၤပံၤလးအံာ်တနၢ် တပွဲးစဲာ်အခွဲး ကဖၱးက့ၤယ့ၣ်ရှူးအစဳး. 59မဲၤကနဳၤ, စီၤယိၤသး ဖၱးဝှါယ့ၣ်ရှူးအစဳးဒဳၣ် စဘီးဘံာ်အံာ် ကဲၤကၱာ်တကၱယၢ် အဘိာ်သါအပျၱအစါ, 60ကၱာ်ဒီ စဘဲနံၢ်ကဲၤ လၢ်ဝၤဒဳစလူၢ်ခဳးအသဲခြိး ထဲၢ်စခူးတီၤလီၤကဲၤ စနံၤခံ ဒဳလဳၤပူၤတပူၤနဳၤ, ကၱာ်ဒီစသရ့ာ်ဘံာ်ဝှါလဳၤဓဳၤသဘး ဘၱးတဒဳအစာ်ဘိခးကျဲၢ်နဳၤခးလဲာ်စက့ၤကီ. 61မၱာ်နီၢ်မၤရၱမၤကဒၤလ့ၣ် ကၱာ်နီၢ်မၤရၱအလဝ့ၤတပွဲၤ ဆးနါအီၣ်စာ်ခဳးကါကဲၤလူၢ်ခဳးဘ့နဳၤ.
အတိၤအံာ်တဲၤဘ့လူၢ်ခဳး
62အလ့ၤကါတနံၤ, တဲၤပြးတီၤလီၤ ပွဲးလ့ၤတလိးပွဲ အနံၤခံ ဝှါတနံၤနဳၤ, ပၠၤလှူၣ်တဲၤ အဓဳၤကၱာ် ဖၤရံၤၡဲဖဳးတစီာ် လ့ၤပျဳာ်ကဲၤလၢ်ဝၤဒဳ စီၤပံၤလးအလှီ မီၢ် 63ကၱာ်စဒီၣ်ကဲၤလၢ်ဝၤ, “ဘၱာ်စဲာ်, ဝၤကမဳၤ ထာ်နံၤတပွဲးထဲၢ်, ပၠၤအလှီးပျဲာ်တဲၤအယဳၤတပွဲၤ နဳၤ, လှ့စသမိဝ့ၤအခဲ နဳၤ, စဒီၣ်, ‘သဳနံၤသဳသဲဝှါနဳၤ, ယကထာ်ပဳၤက့ၤကီ.’ 64အယဳၤ အခဳးအစဲနဳၤ, နှးပီၢ်ပၠၤကလ့ၤတိၤအံာ်လူၢ်ခဳးထိအဘးထာ် သဳနံၤသဳ သဲနဳၤ. တမၱာ်နီးဒဳၣ်, စပျဲၢ်စဘီၣ်ဖဳးတစီာ်ကလ့ၤအၣ် ဟူၣ်ဝှါစဲာ်ဒဳၣ်, ‘စထာ်ပဳၤ က့ၤထဳတဲၤသံအကျဲ,’ စကဒီၣ်ဒီပၠၤဓဳၤကၱာ်တဲၤကမဲာ်အကဓူ လါတဓဲ ကဇၱၢ်ဓဳၤလံ ကၱာ်ဒီအအူဆူးတဓဲနဳၤဒီၣ်ပ့ၤ.”
65စီၤပံၤလးဒီၣ်ကဲၤစဲာ်တစီာ်, “သံပၠၤ အတိၤအံာ်တဲၤအီၣ် တပွဲး. နှးပီၢ်စဲာ်တစီာ်လ့ၤတိၤအံာ် အစာ်ဘိသံသၱာ်ဟဲ အလဳၤပၤအသရ့နဳၤ.”
66မဲၤကနဳၤ, စဲာ်တစီာ် လ့ၤဇွၱၢ်လၤကဲၤ တဲၤမှါ အံာ်လဳၤအလီၤကၱာ်ဘဲလါကဲၤ ကျံဖဳးအတိၤ အံာ်တဲၤတဖဳးတိၤအံာ်လူၢ်ခဳး.
Currently Selected:
မးသဲ 27: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
မးသဲ 27
27
ယ့ၣ်ရှူးဘဲာ်လ့ၤယဳၤအံာ်ဒဳစီၤပံၤလးအလှီမီၢ်
(မၢ် ၁၅:၁, လူၤ ၂၃:၁-၂, ယိၤ ၁၈:၂၈-၃၂)
1အလ့ၤကါတဂီၤနဳၤ, ပၠၤလှူၣ်တဲၤအဓဳၤ လဳစါစဲးကၱာ်အန့ၤ ဓဳၤသးပွ့ၤ တစီာ်လၤကျၤတဲၤစာ်ဘိ ထဲၢ်စစံးရးသံပီၢ်ယ့ၣ်ရှူးနဳၤ. 2စစဳကျဳၤဝှါ လၢ်ဝၤဒဳၣ်, စလ့ၤအံာ်ကဲၤလၢ်ဝၤဒဳအူးအမၢ်ဓဳၤ, စီၤပံၤလး အီၣ်နဳၤ.
စီၤယူဒၤအတဲၤသံ
(သဓဳဖဳး ၁:၁၈-၁၉)
3ဘ့နဳၤအခၠၱးစီၤယူဒၤထဲၢ်အဟိလါကဲၤ စဲာ်တပွဲၤနဳၤစာ်ထၱးပၠၤ စံးရးသံကဲၤယ့ၣ်ရှူးဒဳၣ်, စအဳးသဳး အဳးသး, စဖၱးဝှါဝှိသဳခဲဒဳၣ်, စလ့ၤအံာ် က့ၤကဲၤဝှိဒဳပၠၤလှူၣ်တဲၤအဓဳၤအီၣ်ကၱာ် အဓဳၤအပွ့ၤတစီာ်အီၣ်ကၱာ် ဒီၣ် ကဲၤ, 4“ယမဲၤကမဲာ်ကဲၤ, ယဝှိလါ ကမဲး ကဲၤပၠၤအတၱၢ်အမှးတပွဲၤနဳၤ.”
မၱာ်စဲာ်တစီာ်ဒီၣ်ကဲၤစဲာ်, “အဘဲာ်ကၠးဝၤတၤနဲၢ်. စာ်မဲၤဒီဧဲၤနအဲ.”
5မၱာ်စဲာ်နဳၤစလ့ၤဝှ့လါက့ၤဝှါဝှိဒဳ တဲၤလှူၣ်ၡံၣ်ပူၤနဳၤဒဳၣ်, စဟဲး ထာ်ဝှါ စလ့ၤစဳထာ်သံကဲၤ စန့ၤ.
6ပၠၤလှူၣ်တဲၤအဓဳၤတစီာ်ဖၱးဝှါဝှိအနဳၤ တဓဲဒဳၣ်, စဒီၣ်လှဲး ကဲၤလၢ်ဝၤ, “ကဘဲနံၢ်စဲာ်ဒဳတဲၤလှူၣ် အကဳပူၤနဳၤမၱာ်အတအဲးနီး, မၤနဲၢ်, အမၱာ်တဲၤသွံၣ် အပွၱၤ.” 7စဲာ်တစီာ်ဒဲလှဲးလၢ်ဝၤအတဲၤကဳ တဲၤကၠး ဒဳၣ်, စပွၱၤကဲၤအဘီာ်ကပဳၤအလၢ်ခဳးတကျးဝး စာ်ဘိထဲၢ်စဘူလါအံာ်ပီၢ် တၱတမဲအသံတစီာ်အနံၤ ခံနဳၤ. 8အယဳၤအခဳးအစဲ, တဲၤအလ့ၤ အနဳၤ တကျးဝးနဳၤပၠၤယဳၤကဲၤအမံၤဟးလ့ၤတမၤ, ထဲၢ်အထာ်ပဳၤထာ် ဘါမၱာ် “တဲၤသွံၣ်အလ့ၤ,” ထိဓဳၤခဳနဳၤ ယဳၤနဳၤ.
9ဘ့နဳၤတဲၤယၱၢ်ဘဲာ်ထဲၢ်ဝံယံးရမံယၤ ဒီၣ်တီၤလီၤတဓဲ ဖၱ ထာ်ကဲၤ, ထဲၢ်အဒီၣ်, “စဲာ်တစီာ်ဖၱး ဝှိသဳခဲ, ထဲၢ်အတၤပၠၤတပွဲၤအခဳးသံ အစာ်ဘိ အံၣ် စရ့လးဖဳးတစီာ်တၤနဲၢ်နီၤအအဲအဓ့နဳၤ 10ကၱာ် စပွၱၤကဲၤအဘီာ်ကပဳၤအလၢ်ခဳးအစာ်ဘိဘၱာ်စဲာ် မှဲးလၤ ယဲၤနဳၤ.”
စီၤပံၤလးအတဲၤထိးတဲၤဒဲယ့ၣ်ရှူး
(မၢ် ၁၅:၂-၅, လူၤ ၂၃:၃-၅, ယိၤ ၁၈:၃၃-၃၈)
11ပၠၤနှးဆီထဳးကဲၤယ့ၣ်ရှူးဒဳမၢ်ဓဳၤအလှီ မီၢ်နဳၤ, ကၱာ်ဒီမၢ်ဓဳၤ ဒဲစာ်ကဲၤစဲာ်, “နဲၤနဳၤနမၱာ်ယူဒၤဖဳး အဆးဖြးဧါ.”
ယ့ၣ်ရှူးဒီၣ်က့ၤစဲာ်, “နဒီၣ်ဘဲာ်တပွဲး.”
12ပၠၤလှူၣ်တဲၤအဓဳၤတစီာ် ကၱာ်အန့ၤဓဳၤ သးပွ့ၤတစီာ် ဆးဝဲၢ် နီၣ်သီစလီၤတဲၤကမဲာ်နှီနူၤ, စတဒီၣ်က့ၤကဲၤအလံၢ်တမံနီး.
13ဘ့နဳၤစီၤပံၤလးဒီၣ်ကဲၤစဲာ်, “နတသၱာ် ဟဲပၠၤဆးဝဲၢ်နလီၤ တဲၤကမဲာ်နီးဧါ.”
14ယ့ၣ်ရှူးတဒီၣ်က့ၤကဲၤအလံၢ်တမှိနီး, ထိကၱာ်ကစာ်မၢ်ဓဳၤ ထဲးတမိၢ်တမှါကဲၤအဇၱၢ်အဇိၢ်နဳၤ.
ယ့ၣ်ရှူးဘဲာ်စံးရးသံ
(မၢ် ၁၅:၆-၁၅, လူၤ ၂၃:၁၃-၂၅, ယိၤ ၁၈:၃၉—၁၉:၁၆)
15ဘ့ပွဲပူၤအခဲနဳၤ, မၢ်ဓဳၤဘးလှိထာ်နဲၤနီၤ တ့ၤဝှ့ဖဳးတပွဲၤထဲၢ် အဘဲာ်သးပၠၤအပဳၤအဟီးတပွဲၤပွဲၤ နဳၤ. 16ဘ့နဳၤအခၠၱးနဳၤတ့ၤဝှ့ဖဳး အမံၤဟဳထာ်သဲာ် လၤထဲၢ် စီၤယ့ၣ်ရှူးဘၤရးဘါအီၣ်ကဲၤတပွဲၤ. 17ဘ့ပၠၤလၤတ့ၢ်ပျဳာ်လၢ်ဝၤအခဲနဳၤ, စီၤပံၤလးဒဲစာ်ကဲၤစဲာ် တစီာ်ကယဳၤ, “သံသးအဲးနံၤယကဘးလှိထာ်နံၤသံ မၱာ်ပီၢ်ပွဲၤ. စီၤဘၤရးဘါဧါ, မၱာ်ယ့ၣ် ရှူးထဲၢ်ပၠၤယဳၤခရၱာ် တပွဲၤနဳၤဧါ.” 18စီၤပံၤလးဒဲကနဳၤမၱာ်စသၱာ်ဟဲ ထဲၢ်ပၠၤဖီၣ်စဲာ်မၱာ်ဒဳတဲၤသးကျးအစဲလီၤနဳၤ.
19ဘ့စဆးနါအီၣ်အကစံးရးတဲၤအခဲနဳၤ, စမှဲသဓဳလ့ၤကဲၤပၠၤ တပွဲၤ ဒဳစအီၣ်ကၱာ်စဒီၣ်ကဲၤ, “လ့ၤ နံၢ်တရၤဇါကိာ်မဲးပၠၤအတၱၢ်အမှးအနဳၤတပွဲၤအတဲၤမှူ အပူၤမဲး. မၤနဲၢ်, ခူတနံၤယဆီးမံဘးစဲာ် ကၱာ်အမဲၤ နံၤ ဝံနံၤဝၤဆိးကဲၤယဲၤ.”
20မၱာ်ပၠၤလှူၣ်တဲၤအဓဳၤကၱာ် အန့ၤဓဳၤသး ပွ့ၤနှးကဲၤပၠၤအကါ စာ်ဘိထဲၢ် အကတၤစဲာ်စဘါပျဲးပီၢ် စီၤဘၤရးဘါကၱာ်စကမဲၤသံပီၢ် ယ့ၣ်ရှူးနဳၤ. 21မၢ်ဓဳၤတပွဲၤဒီၣ်ကဲၤစဲာ်တစီာ်, “အယဳၤကၠံၢ်ပွဲၤအကျဲ သံ သးအဲးနံၤယကဘးလှိနံၤသံမၱာ်ပီၢ်ပွဲၤ.”
စဲာ်တစီာ်ဒီၣ်က့ၤကဲၤ, “စီၤဘၤရးဘါ.”
22စီၤပံၤလးဒီၣ်က့ၤကဲၤစဲာ်တစီာ်, “မဲၤကနဳၤ, ယကမဲၤအံာ် ဘဲာ်ဒီယ့ၣ်ရှူးထဲၢ် ပၠၤယဳၤခရၱာ်တပွဲၤစာ်တဲၢ်.”
“ထးလၤကျဳၤသံစဲာ်,” စဲာ်တစီာ်ကဲာ်ဧဳၤဓဳၤ.
23မၱာ် စီၤပံၤလးဒီၣ်ကဲၤစဲာ်တစီာ်, “စတဲၤကမဲာ်မၱာ်ကဲၤတၤ နဲၢ်.”
စဲာ်တစီာ်ကဲာ်ဧဳၤထးဒဳၣ်ချဳကဲၤ, “ထးလၤကျဳၤသံစဲာ်.”
24စီၤပံၤလးစာ်ထၱးကဲၤတဲၤအချဳထာ် မၤမံၤတအီၣ်တမံနီး, မၱာ်ပၠၤပဳၤ ကလၢ်ဒဳၣ်ချဳထာ်ကဲၤ တခီဒဳၣ်, စတၤဝှါထံ, စဝှူစဘါကဲၤစစူး ခီးဒဳပၠၤအလှီမီၢ်ကၱာ်ဒီၣ်ကဲၤ, “ယဲၤယဳၤ, ယအီၣ်လှိအီၣ်လၤကၱာ် တပွဲး ပၠၤအတၱၢ်အမှးအယဳၤတပွဲၤအသွံၣ်. စာ်ကၱာ်မဲၤ ဓီဒီဧဲၤသံအဲ.”
25ကၱာ်ဒီပၠၤအပဳၤအဟီးလဳစါစဲး တစီာ် ဒီၣ်ကဲၤ, “စသွံၣ်ကလၤဒီဧဲၤဝၤခဳး ကၱာ်ဝၤဖဳးဝၤလံၤ တစီာ်အခဳးနဳၤ.”
26ဘ့နဳၤစီၤပံၤလးဘးလှိနံၤကဲၤတ့ၤဝှ့ဖဳး စီၤဘၤရးဘါ, မၱာ် ယ့ၣ်ရှူးနဳၤစလှၱးစပျဲဝှါလၢ်ဝၤဒဳၣ်, စအံာ်လၤကဲၤလၢ်ဝၤဒဳစဲာ်တစီာ် အစူး ခီးပူၤနဳၤ, စာ်ဘိ ထဲၢ်စကထးလၤကျဳၤသံပီၢ်လၢ်ဝၤနဳၤ.
ကျံဖဳးကီၤဆဲလဲၤဝဲၢ်ယ့ၣ်ရှူး
(မၢ် ၁၅:၁၆-၂၀, ယိၤ ၁၉:၂-၃)
27မၢ်ဓဳၤအကျံအပွဲၤတစီာ်ဖၱးဝှါယ့ၣ်ရှူး ဒဳၣ်စလ့ၤအံာ်ကဲၤ လၢ်ဝၤဒဳၡံၣ်ဓဳၤအပူၤနဳၤ, ကၱာ်ကျံ ဖဳးတစီာ်အီၣ်ဝ့ၤခွဲဘးစဲာ်. 28စဘဳးလၤတ့ၢ် ကဲဝှါလၢ်ဝၤအၡံာ်ဒဳဒဳၣ်, စသီးနံၤကဲၤလၢ်ဝၤ ၡံာ်ဒဳတီၢ်တိၤ အလၱၤတဘဲာ်. 29မဲၤဝှါ စထ့ထီးကယီၢ်ဆူးအသကွါကၱာ်စဖျးလၤကဲၤဒဳလၢ်ဝၤအကဳာ် ခဳးနဳၤ, ကၱာ်ဒီစနှးဖီးကျဳၤအံာ်လၢ်ဝၤကပီၤတဘီဒဳစစူးခီးအတထွဲးတခီနဳၤ. စဆီးလူဆီယဲၢ်လၢ်ဝၤ. စဓဳၢ် နှဳလါလၢ် ဝၤအလှီမီၢ်ကၱာ်စဒီၣ်, “ဘဲာ်မီၤ, ယူဒၤ ဖဳးအဆးဖြး.” 30စထွၱးဝဲၢ် လၢ်ဝၤအလီၤ စပအဲးထံကၱာ်စဖၱးကပီၤကၱာ်ပျဲကဲၤလၢ်ဝၤအကဳာ်. 31အကဓူၤလါစမဲၤယဳၤမဲၤလဲၢ်ဝှါလၢ်ဝၤဒဳၣ်, စဘဳးလၤ တ့ၢ်ကဲလၢ်ဝၤ အၡံာ်ဒဳကၱာ် စသီးထာ်နံၤက့ၤ လၢ်ဝၤစအဲတစီာ်ကၱာ်ဒီ စဟဲးဖျီးမံ အံာ် ကဲၤလၢ်ဝၤ စာ်ဘိထဲၢ်စကထးလၤကျဳၤသံပီၢ် လၢ်ဝၤသဳာ်ပျီၤထူၣ်စူညါအလီၤနဳၤ.
ယ့ၣ်ရှူးဘဲာ်လှၱးထာ်သံသဳာ်ပျီၤထူၣ်စူညါအလီၤ
(မၢ် ၁၅:၂၁-၃၂, လူၤ ၂၃:၂၆-၄၃, ယိၤ ၁၉:၁၇-၂၇)
32ဘ့ပၠၤလ့ၤအံာ်စဲာ်ကျဲးလီၤအခဲနဳၤ, ပၠၤ စာ်ထၱးကဲၤကူၤရ့ၤန့ဖဳးထဲၢ်အမံၤမၱာ်စီၤၡံမိၣ်တပွဲၤနဳၤ. ပၠၤနှးနဳၤနှးပဲၤကဲၤစဲာ် အကယး ဇဳၤယ့ၣ်ရှူးသဳာ်ပျီၤထူၣ်စူညါ. 33ဘ့ပၠၤဓဳၤလ့ၤထဲၢ်ပၠၤယဳၤအမံၤ ကီၤလၤ ကီၤသါ (အထာ်ပဳၤထာ်ဘါမၱာ်တဲၤကဳာ်ခွံးအလ့ၤ) တချဳးနဳၤ, 34ပၠၤအံာ်ကဲၤ စအီသဳာ်ပၡံးထံထဲၢ် အအီၣ်ချဲးဒီၣ်ကိာ်တဲၤသဳးထံတဓဲနဳၤ. စဓၱၢ်စာ်စာ်လီၤ, မၱာ်စတအီကဲၤနီး.
35ပၠၤထးလၤကျဳၤဝှါစဲာ်သဳာ်ပျီၤထူၣ်စူညါလီၤဒဳၣ်, ပၠၤဘဳးကဲၤမဲ ကၱာ်ပ့ၤ လၤလှဲးကဲၤလၢ်ဝၤ စတဲၤကိ တဲၤသီး. အစာ်ဘိဝံအတဲၤဒီၣ်တီၤလီၤအီၣ်တဓဲနဳၤကပ့ထာ်ပီၢ်နဳၤ. တဲၤဒီၣ်တီၤလီၤမၱာ်ကဲၤကယဳၤ, “စပ့ၤလၤလှဲးကဲၤလၢ်ဝၤစရှံာ်ဒဳ ဒဳတဲၤဘဳာ်မဲအပူၤနဳၤ.” 36မဲၤဝှါဒဳၣ်, စဲာ် တစီာ် ဆးနါအီၣ် ကၱာ်တိၤအံာ်ကဲၤလၢ်ဝၤ. 37ဒဳစကဳာ်ခဳးနဳၤ, စဝှ့းလၤ ကဲၤစဝၱၤစကဲကယဳၤ, “အယဳၤမၱာ်ယ့ၣ်ရှူး, ယူဒၤဖဳးအဆးဖြး.” 38ပၠၤထးလၤပျဳာ်ကဲၤစဲာ် တဲၤဝှ့ကၠံၢ်ပွဲၤ, အအီၣ်စစူးတထွဲးတခီဘဲာ်တပွဲၤ ကၱာ် စစူးတစၱးတခီဘဲာ်တပွဲၤ.
39ပၠၤလ့ၤဘိးထၱးစဲာ်တစီာ်ထဳးတယံၢ် အကဳာ်ကၱာ်ထဲးကဲထဲး အိးစဲာ်, 40ကၱာ်ဒီၣ်ကဲၤ, “နဲၤထဲၢ်အဒီၣ်အန့ၤအကမဲၤကဲဝှါ တဲၤ လှူၣ်ၡံၣ်ဒဳၣ်, အကပြးထာ်က့ၤဒဳသဳနံၤအဓၢ်ပူၤလီၤတပွဲးနဳၤ, မဲၤလှိ ထာ် က့ၤပီၢ်နန့ၤခးနၢ်. နကမၱာ်ဘ့ာ်မ့ ကဘၱာ်စဲာ်အဖဳး ဒဳၣ်, ခဲလါဓ့ၢ်ပီၢ်သဳာ် ပျီၤအလီၤ.”
41ပၠၤလှူၣ်တဲၤအဓဳၤ, အသဲာ်စဲာ်ကၱာ်အန့ၤ ဓဳၤတစီာ်မၱမၱာ်ထဲး ကဲထးအိးကိာ်ကဲၤပၠၤအလဝ့ၤတစီာ် အကါကနဳၤကၱာ်စဒီၣ်, 42“စမဲၤလှိထာ်က့ၤပၠၤ, မၱာ်စတမဲၤလှိထာ်က့ၤဇၤစန့ၤနီး. စမၱာ်အံၣ်စရ့လး အဆးဖြးစဒီၣ်ဓဳၤ. အီၣ်ဆိဧိၢ်မီၢ်ကိာ်. ကစာ်ထၱးဘ့ာ်မ့ စက့ၤလၤသဳာ်ပျီၤထူၣ်စူညါ အလီၤခၣ်လဲး, ကဘူၣ်ကီစဲာ်. 43စဆးၡံအံာ်ကဘၱာ်စဲာ်နၱၢ်. ကဘၱာ်စဲာ်အသးမၱာ် အီၣ်စဲာ်ဒဳၣ်, ကဘၱာ်စဲာ်ကမဲၤ လှိထာ်က့ၤဒီဧဲၤ စဲာ်ခဳနဳၤ ယဳၤ. မၤနဲၢ်ကဒီၣ်ဓဳၤဒဳၣ်, ‘ယဲၤမၱာ်ကဘၱာ်စဲာ် အဖဳး,’ စဒီၣ်ဓဳၤ.”
44တ့ၤဝှ့ဖဳး အဘဲာ်ထးလၤကျဳၤပျဳာ်စဲာ် တပွဲၤနဳၤမၱာ်မၱာ်စကီၤ ဝဲၢ်ကဲၤလၢ်ဝၤကနဳၤလီၤလီၤ.
ယ့ၣ်ရှူးအတဲၤသံ
(မၢ် ၁၅:၃၃-၄၁, လူၤ ၂၃:၄၄-၄၉, ယိၤ ၁၉:၂၈-၃၀)
45ဘ့လူၤမူၤထံးထာ်ထိဓဳၤသဳနၣ်ရၱၣ်နဳၤ, တဲၤခံးလၤကဲၤဒဳလၢ် ခဳးအခဳးနဳၤ. 46ကၱာ်ဒီဘ့သဳနၣ်ရၱၣ်အခၠၱးနဳၤ, ယ့ၣ်ရှူးကဲာ်ဧဳၤထာ် ဆိး ကၱာ်စဒီၣ်, “အ့ၤလံၤ, အ့ၤလံၤ, လၤမါစၤဘၤဃသၤ နံ,” အထာ်ပဳၤ ထာ်ဘါမၱာ်, “အဳဘၱာ်စဲာ်, ယဘၱာ်စဲာ်, နပၢ်ဖျီးမံမၤယဲၤနဲၢ်.”
47ပၠၤအီၣ်ဘိးထၱးစဲာ်တစီာ်သၱာ်ဟဲဘဲာ် တဲၤအယဳၤဒဳၣ်, စဒီၣ် လှဲးကဲၤလၢ်ဝၤတစီာ်, “စယဳၤ ထာ်ကဲၤစီၤအ့ၤလံယၤ.” 48မဲၤဝှါ ဒဳၣ်, စဲာ်တစီာ်အကျဲတပွဲၤစွဲးလ့ၤဖၱးကဲၤကပီၤတဘီ. စဘဲဝဲၢ်အလီၤပဲာ် လဲာ်သအိးတချဳးထဲၢ်စသြူလါသဳာ်ပၡံးထံအၡၱး အကျဲကၱာ်စအံာ်ထာ်ကဲၤ လၢ်ဝၤအီ.
49မၱာ်အလဝ့ၤတစီာ်ဒီၣ်ကဲၤစဲာ်, “အီၣ် ဆိဧိၢ်မီၢ်ကိာ်, ဘဲာ် တဘဲာ်နီး စီၤအ့ၤလံယၤကလၤမဲၤ လှိထာ်က့ၤပီၢ်ဒီစဲာ်လီၤမီၢ်.”
50ဘ့နဳၤအခၠၱး ယ့ၣ်ရှူးကဲာ်ဧဳၤထာ်ဆိး တပျာ်ပ့ၤကၱာ်စသး ဟဲးထာ်ကဲၤ.
51ဘ့နဳၤလီၤ တဲၤသဲာ်ဒဳးဒၱာ်ဒါ ထဲၢ်အအီၣ် စဳးလၤဒဳတဲၤလှူၣ် ၡံၣ်ပူၤတဘဲာ်နဳၤ ထဲးလဲးကဲၤကၠံၢ်ကီ လၢ်, စးထာ်ဘ့အကဳာ်ထိဓဳၤလၤအကါနဳၤ. လၢ်ခဳး ကျ့ၤကျၢ်ကၱာ်လဳၤတစီာ်ထဲဖးကဲၤ. 52လူၢ်ခဳး တစီာ်အီၣ်တဘါကဲၤကၱာ်ပၠၤစာ်ထၱးကဲၤကဘၱာ်စဲာ် အပၠၤစါထံအသံဝှါကဲၤ တစီာ်ထာ်ပဳၤက့ၤအီၣ်အဲး အီးအီး. 53ကၱာ်ဒီဘ့ယ့ၣ်ရှူးထာ်ပဳၤက့ၤ ဝှါနဳၤ, စလ့ၤနံၢ်ကဲၤဒဳအူးစါထံအပူၤကၱာ်ဒဲလၱၢ် ကကဲၤအန့ၤဒဳ ပၠၤအီၣ် အဲ ဗွဲအလှီမီၢ်နဳၤ.
54အစာ်အံာ်ဘဲာ်ကျံဖဳးအပွဲၤတကယဲၤ တပွဲၤကၱာ်ကျံဖဳး အစာ်တိၤအံာ်ဘဲာ်ယ့ၣ်ရှူးတစီာ် သး ဖူးသးကနၢ်လဳၢ်ကဲၤ ဒဳစစာ်ထၱးဘဲာ် ကဲၤလၢ်ခဳး ကျ့ၤကျၢ်ကၱာ် တဲၤဖၱထာ်ကဲၤအလဝ့ၤဆီးဆူအစဲနဳၤ ကၱာ်စဒီၣ်ကဲၤ, “ပၠၤအယဳၤတပွဲၤမၱာ်နှဲးနှဲးကဘၱာ်စဲာ် အဖဳးဟဳ.”
55ကၱာ်ဒီအမံၤမှူးထဲၢ်အအီၣ် ကၤလံၤ လဲက့ၤအလ့ၤကိာ်ယ့ၣ်ရှူးအလ့ၤစာ်ဘိထဲၢ်အကစာ် အံာ်အိးအံာ်စဲာ် အီၣ်အဲပွဲၤအီၣ်စာ် တိၤအံာ် စဲာ်ဒဳအတပီၤလီၤ. 56နီၢ်မၤရၱမၤကဒၤလ့ၣ်, ကၱာ် စီၤယၤကိာ် ကၱာ်စီၤယိၤစ့ၣ်အမဳၤနီၢ်မၤရၱ, ကၱာ်စီၤစ့းဘ့း ဒဲအဖဳးခဳတစီာ်အမဳၤအီၣ်ကိာ် စကါကါ.
တဲၤဘူလါယ့ၣ်ရှူး
(မၢ် ၁၅:၄၂-၄၇, လူၤ ၂၃:၅၀-၅၆, ယိၤ ၁၉:၃၈-၄၂)
57ဘ့လူၤမူၤလၤကဲၤနဳၤ, ပၠၤအနံၤအီ ယီၤ အၣ်အရံၤမၤသဲအူးဖဳး, အမံၤမၱာ်စီၤယိၤသးတပွဲၤ, ထဲၢ်အမၱာ်ကဲၤယ့ၣ်ရှူး အပျဲၢ်အဘီၣ် အကျဲတပွဲၤနဳၤ, 58လ့ၤထၱးကဲၤစီၤပံၤလးကၱာ်စတၤကဲၤလၢ်ဝၤ ယ့ၣ်ရှူးအစဳး. စီၤပံၤလးအံာ်တနၢ် တပွဲးစဲာ်အခွဲး ကဖၱးက့ၤယ့ၣ်ရှူးအစဳး. 59မဲၤကနဳၤ, စီၤယိၤသး ဖၱးဝှါယ့ၣ်ရှူးအစဳးဒဳၣ် စဘီးဘံာ်အံာ် ကဲၤကၱာ်တကၱယၢ် အဘိာ်သါအပျၱအစါ, 60ကၱာ်ဒီ စဘဲနံၢ်ကဲၤ လၢ်ဝၤဒဳစလူၢ်ခဳးအသဲခြိး ထဲၢ်စခူးတီၤလီၤကဲၤ စနံၤခံ ဒဳလဳၤပူၤတပူၤနဳၤ, ကၱာ်ဒီစသရ့ာ်ဘံာ်ဝှါလဳၤဓဳၤသဘး ဘၱးတဒဳအစာ်ဘိခးကျဲၢ်နဳၤခးလဲာ်စက့ၤကီ. 61မၱာ်နီၢ်မၤရၱမၤကဒၤလ့ၣ် ကၱာ်နီၢ်မၤရၱအလဝ့ၤတပွဲၤ ဆးနါအီၣ်စာ်ခဳးကါကဲၤလူၢ်ခဳးဘ့နဳၤ.
အတိၤအံာ်တဲၤဘ့လူၢ်ခဳး
62အလ့ၤကါတနံၤ, တဲၤပြးတီၤလီၤ ပွဲးလ့ၤတလိးပွဲ အနံၤခံ ဝှါတနံၤနဳၤ, ပၠၤလှူၣ်တဲၤ အဓဳၤကၱာ် ဖၤရံၤၡဲဖဳးတစီာ် လ့ၤပျဳာ်ကဲၤလၢ်ဝၤဒဳ စီၤပံၤလးအလှီ မီၢ် 63ကၱာ်စဒီၣ်ကဲၤလၢ်ဝၤ, “ဘၱာ်စဲာ်, ဝၤကမဳၤ ထာ်နံၤတပွဲးထဲၢ်, ပၠၤအလှီးပျဲာ်တဲၤအယဳၤတပွဲၤ နဳၤ, လှ့စသမိဝ့ၤအခဲ နဳၤ, စဒီၣ်, ‘သဳနံၤသဳသဲဝှါနဳၤ, ယကထာ်ပဳၤက့ၤကီ.’ 64အယဳၤ အခဳးအစဲနဳၤ, နှးပီၢ်ပၠၤကလ့ၤတိၤအံာ်လူၢ်ခဳးထိအဘးထာ် သဳနံၤသဳ သဲနဳၤ. တမၱာ်နီးဒဳၣ်, စပျဲၢ်စဘီၣ်ဖဳးတစီာ်ကလ့ၤအၣ် ဟူၣ်ဝှါစဲာ်ဒဳၣ်, ‘စထာ်ပဳၤ က့ၤထဳတဲၤသံအကျဲ,’ စကဒီၣ်ဒီပၠၤဓဳၤကၱာ်တဲၤကမဲာ်အကဓူ လါတဓဲ ကဇၱၢ်ဓဳၤလံ ကၱာ်ဒီအအူဆူးတဓဲနဳၤဒီၣ်ပ့ၤ.”
65စီၤပံၤလးဒီၣ်ကဲၤစဲာ်တစီာ်, “သံပၠၤ အတိၤအံာ်တဲၤအီၣ် တပွဲး. နှးပီၢ်စဲာ်တစီာ်လ့ၤတိၤအံာ် အစာ်ဘိသံသၱာ်ဟဲ အလဳၤပၤအသရ့နဳၤ.”
66မဲၤကနဳၤ, စဲာ်တစီာ် လ့ၤဇွၱၢ်လၤကဲၤ တဲၤမှါ အံာ်လဳၤအလီၤကၱာ်ဘဲလါကဲၤ ကျံဖဳးအတိၤ အံာ်တဲၤတဖဳးတိၤအံာ်လူၢ်ခဳး.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.