မးသဲ 24
24
ယရူၤၡလ့ၣ်အတဲၤလၤမူၤလၤဖး
(မၢ် ၁၃:၁-၂, လူၤ ၂၁:၅-၆)
1ကၱာ်ဒီယ့ၣ်ရှူးဟဲးထာ်ဝှါတဲၤလှူၣ်ၡံၣ်အပူၤဒဳၣ်, စက့ၤကဲၤ. စပွဲၤအပျဲၢ်အဘီၣ်တစီာ်လ့ၤဘိးထၱးစဲာ် စာ်ဘိ ထဲၢ်စကဒဲလၱၢ်လၢ်ဝၤတဲၤ လှူၣ်ၡံၣ်အတဲၤဘီာ်ထာ် တစီာ်နဳၤ. 2မၱာ်စဲာ်နဳၤ, စဒီၣ်ကဲၤလၢ်ဝၤကယဳၤ, “သံစာ်ထၱးတဲၤအယဳၤလဳစါစဲးဧါ. ယဒီဆးသံ အတၱၢ် အမှး, ဘ့ ယဳၤ, လဳၤထဲၢ်အတလၤတ့ၢ်ဖးနီး, အအီၣ်ဒီ လါအခီအခဳးနဳၤ, ကတအီၣ် ပ့ၤကီတဒဳနီး.”
တဲၤပၤတဲၤဆဲကၱာ်တဲၤလိၤမဲၤဆဲးညဲ
(မၢ် ၁၃:၃-၁၃, လူၤ ၂၁:၇-၁၉)
3ကၱာ်ဒီဘ့စဆးနါအီၣ်သဳာ်စၤယံးခီးလီခဳးနဳၤ, စပျဲၢ်စဘီၣ်လ့ၤ ထၱးလၤဓူၢ်စဲာ်ကၱာ်စဒီၣ်, “ဒီဆးပီၢ်ဝၤ တဲၤအယဳၤတစီာ်ကဖၱထာ်ကီတၤ အခဲနဲၢ်. နတဲၤလ့ၤ လၤလၢ်ခဳးအနံၤကူဓူၤအဟိအကလဲၤကမၱာ်ကီတၤ နဲၢ်,” စဒဲလၢ်ဝၤဓဳၤ.
4ကၱာ်ဒီ, ယ့ၣ်ရှူးဒီၣ်က့ၤစဲာ်အလံၢ်, “ဆီးအံာ်ဝၢ် အံာ်ပီၢ်သံ န့ၤ စာ်ဘိထဲၢ်ပၠၤကတလှီးပျဲာ်နံၤသံတဗွဲနီး နဳၤ. 5မၤနဲၢ်ကဒီၣ်ဓဳၤ ဒဳၣ်, ပၠၤအီၣ်အဲဗွဲကလ့ၤဒဳ ယမံၤအပူၤကၱာ်ကဒီၣ်ကီ, ‘ယမၱာ်ခရၱာ်,’ ကၱာ် ကလှီး ပျဲာ်ကီပၠၤအီၣ်အဲပွဲၤ. 6ကၱာ်ဒီသံကသၱာ်ဟဲဘဲာ် ကီတဲၤဒဳး တဲၤဖၠးအဝၱၤအကဲ, ကၱာ်တဲၤဒဳးတဲၤဖၠးအဒ့ အဒီၣ်. ဆီးအံာ်ဝၢ်အံာ်ပီၢ်သံ န့ၤ. အီၣ်ကဳၤအီၣ်ကဲၢ်မဲး. မၤနဲၢ်ကဒီၣ်ဓဳၤဒဳၣ်, တဲၤအယဳၤတစီာ်ကဖၱထာ် လဳဘဲာ်, ပရၤဆါတဘဲာ်တပွဲးအကူဓူၤနှၱနီး. 7မၤနဲၢ်ကဒီၣ် ဓဳၤဒဳၣ်, ပၠၤတခွံကၱာ်တခွံ, တက့ၤကၱာ်တက့ၤ ကဝဲၢ် ထဳးထာ်ခဳးကါလှဲးကီလၢ်ဝၤ, ကၱာ်ဒီတဲၤဆဲအဝ့ၤကလၤကီ, တဲၤသးဝံာ်လၤဒီၣ်ကအီၣ်ကီ, ကၱာ်တဲၤကပဳၤ တလၢ်တလၢ်. 8ပရၤဆါတဲၤအယဳၤလဳစါစဲးမၱာ် တဲၤဆဲးညဲပီၤ တီၤအကါထၱးကလီ.
9“ဘ့နဳၤပၠၤကအံာ်လၤဖျီးမံကီသံစာ်ဘိထဲၢ် သံ ကဘဲာ်မဲၤ ဆဲးညဲနဳၤ, ကၱာ်ပၠၤကမဲၤသံကီသံ, ကၱာ်ဒီ ယမံၤအခဳးအစဲ ပၠၤအခွံလဳစါစဲး ကတဝဲၢ်တဆဲကီ သံနီး. 10ကၱာ်ဒီဘ့နဳၤပၠၤအီၣ်အဲဗွဲၤအတဲၤ ဘူၣ် ကဟဲးကဲကၱာ်စကဟိလါကီလၢ်ဝၤတပွဲၤကၱာ်တပွဲၤကၱာ် စကတဝဲၢ်လှဲး ကီလၢ်ဝၤနီး. 11ကၱာ်ဒီဝံအပျဲး ကအီၣ်ထာ်အီၣ်ကီအီၣ်အဲပွဲၤ, ကၱာ်စလှီးပျဲးကီပၠၤ ပွ့တမံၤ. 12ကၱာ်ဒီတဲၤကၱကဲာ်မဲၤလှီကအီၣ်အဲး ထာ်အခဳးအစဲ, ပၠၤအီၣ်အဲဗွဲၤအတဲၤဘဲာ်လီၢ်ကစဳးလၤ ကီ. 13ပရၤဆါပၠၤအခီးသးဒီထိအကူဓူၤတပွဲၤနဳၤ, စလှိထာ်က့ၤကီ. 14ကၱာ်ဒီထံက့ၤအတဲၤသးလဳၢ်သးလၤအံာ်အယဳၤ ကဘဲာ်ဒီၣ်အူဒီဆးကီလၢ် ခဳးသဒဲ ဘဲာ်အခဳး, အစာ်ဘိပၠၤအခွံလဳစါစဲးအနံၤခံသဲသၱးနဳၤ, ကၱာ်ဒီဘ့နဳၤ တဲၤအကူဓူၤကဓဳၤကီ.
တဲၤမီၤရှံးဆါကၱာ်တဲၤစၱးပိးစၱးသဳ
(မၢ် ၁၃:၁၄-၂၃, လူၤ ၂၁:၂၀-၂၄)
15“ဝံဒၤနံးယ့လးဒီၣ်ကဲၤအသရ့, “မဲၤ ကနဳၤ, ဘ့သံစာ်ထၱး တဲၤအကၱကဲာ်အမီၤဇံၤဇီၤမီၤသဳ, တဓဲဖၱထာ်ဒဳတဲၤစါထံအလ့ၤနဳၤ.” (အဖးစဲာ်တပွဲၤကသၱာ်ဟဲဒီဧဲၤ.) 16“ဘ့နဳၤပၠၤအအီၣ်ဒဳယူဒၤ အက့ၤတစီာ်ကဆဲးဖျီးမံဒီဧဲၤဒဳခီမူၤခီးလီခဳးနဳၤ. 17ကၱာ်ဒီပၠၤအအီၣ်ရှံၣ်ပူၤတပွဲၤကတက့ၤဘးဖၱး ဒီဧဲၤတဲၤဒဳစရှံၣ်ပူၤ နဳၤတမံနီး. 18ကၱာ်ဒီပၠၤ အအီၣ်လဲၤပူၤတပွဲၤကတက့ၤဘးဖၱးဒီဧဲၤစၡံာ် ဒဳနီး. 19ဘ့အနံၤအသဲနဳၤတစီာ်အပူၤ, တၤပၤတဲၤဆဲ အဓဳၤအမူၤ ကလၤဘဲာ်ကီအမူၤသဲာ်ဒဳကၱာ်အအံာ်အီ အဖဳးနူၤတစီာ်နဳၤ. 20သဘဲထာ်ပီၢ်စာ်ဘိထဲၢ် သံကတဆဲးဘဲာ်တဲၤဟီးခဲမၱာ်ဝၱၤ, မူၤနံၤဆီးဒဲမၱာ် ဝၱၤ နီးနဳၤ. 21မၤနဲၢ်ကဒီၣ်ဓဳၤဒဳၣ်, ဘ့နဳၤအခၠၱး တဲၤ ဆဲးညဲပီၤတီၤ အဇၱၢ်အဇိၢ်ကအီၣ်ထာ်ကီလှ့လၢ်ခဳး အကါထၱးနဳၤထိဓဳၤခဳနူၤယဳၤအတအီၣ်ကဲၤကနဳၤတပျါ နီး, ကၱာ်ဒီအလ့ၤကါအကတအီၣ်ကီနီးနီးနဳၤ. 22ကၱာ်ဒီတဲၤကတမဲၤပိဖဳးလၤကီ မူၤနံၤမူၤသဲအနဳၤတစီာ် နီးဒဳၣ်, ပၠၤကတလှိထာ်ဇၤကီတဗွဲနီး. ပရၤဆါပၠၤအဘဲာ် ရိၤထဳတစီာ်အခဳးအစဲ, တဲၤ ကမဲၤပိဖဳးလၤကီ မူၤနံၤမူၤသဲအနဳၤတစီာ်နဳၤ.
23“ဘ့နဳၤပၠၤကဒီဆးသံတပွဲၤပွဲၤ, ‘စာ်ပီၢ်, ခရၱာ်အီၣ်ဘ့ယဳၤ’ မၱာ်ဝၱၤ, ‘ဒဳနဳၤ’ မၱာ်ဝၱၤ, ဘူၣ်ပီၢ်မဲး. 24မၤနဲၢ်ကဒီၣ်ဓဳၤဒဳၣ်, ခရၱာ်အသိပျိၤ ကၱာ်ဝံ အပျဲးကအီၣ်ထာ်ကီတစီာ်, ကၱာ်စကမဲၤကီတဲၤပီၤ တဲၤ ပၤကၱာ်တဲၤစီးကျၱးစီးၡဲအဓဳၤ, ပွ့အစာ်ဘိ (တဲၤ ကဖၱထာ်ဇၤဒဳၣ်), စကလှီးပျဲးပၠၤအဘဲာ်ရိၤထဳတစီာ်နဳၤ နဳၤ. 25စာ်ပီၢ်, အတဖၱထာ်နှၱနီး, ယဒီဆး တီၤလီၤထဳသံ.
26“မဲၤကနဳၤဒဳၣ်, ပၠၤတပွဲၤပွဲၤကဒီၣ်သံ, ‘စာ်ပီၢ်, စအီၣ်ဒဳမှၱး လဲၢ်ကျဲ’ နဳၤဒဳၣ်, ဟဲးထာ်မဲး. စာ်ပီၢ်, စအီၣ်ရှံၣ်ဒဳးပူၤဒဳၣ်, ဘူၣ်မဲး. 27မၤနဲၢ်ကဒီၣ် ဓဳၤဒဳၣ်, အစာ်ဘိလှါကဳၤလၱၤလူၤမူၤထာ်တခီလှၱဓဳၤဘး လူၤမူၤလၤတခီနဳၤ, ပၠၤအဖဳးအတဲၤလ့ၤလၤကမၱာ်ကီ ကနဳၤနဳၤ.
28“တဲၤအစဳးအပ့ၤအီၣ်ဒီၣ်လဲၢ်အရါနဳၤ, လၤဓၢ်တစီာ်ကလ့ၤ အီၣ်ပျဳာ်ကီလၢ်ဝၤဘ့နဳၤ.
ပၠၤအဖဳးခဳအတဲၤလ့ၤလၤ
(မၢ် ၁၃:၂၄-၂၇, လူၤ ၂၁:၂၅-၂၈)
29“ဒဳအနံၤအသဲတစီာ်အတဲၤဆဲးညဲ ပီၤတီၤကဖၱထာ်ဝှါကၱာ်ဒီလူၤမူၤကခံးလၤကီ, ကၱာ်လှဲ ကတလှၱပ့ၤကီနီး, ကၱာ်ဒီဆဲးတစီာ်ကလၤတ့ၢ်ကီဒဳ မီၢ်ခဳးလဲၢ်နဳၤ, ကၱာ်ဒီမီၢ်ခဳးလဲၢ်အစိသလဲ ကကျ့ၤကျၢ် ကီ. 30ကၱာ်ဒီပၠၤအဖဳးခဳအဟိအယီၤကလၱၢ် ထာ်ကီ ဒဳမီၢ်ခဳးနဳၤ, ကၱာ်ဘ့နဳၤ, ပၠၤခွံဖဳးတသရာ်, တသရာ်လဳစါစဲးကယဳၤကဟး ကီ, ကၱာ်စကစာ်ထၱးကီ ပၠၤအဖဳးခဲလါမီၢ်ခဳးအတဲၢ်သဘဳာ်အခဳး ဒဳတဲၤ ဖျူတဲၤ သရ့ာ်ကၱာ်တဲၤဓီၤတဲၤသ့းအပူၤနဳၤ. 31ကၱာ်ဒီစကနှး ကီ မီၢ်ခဳးပွဲၤဇဳၤတစီာ်လၤအူးထာ်ကွဲၤကၱာ်ယဳၤထာ်ကိာ် အလ့ၢ်, စကက့ၤယံၢ် ပျဳာ်ကီလၢ်ဝၤပၠၤအဘဲာ်ရိၤ တစီာ်အအီၣ်ကလံၤအကြီာ်လွံၢ်ခီဘဲာ်, ဓဳၤဒဳ မီၤထၱး ကါအအီၣ်ယၱၤကဓူၤတခီဘဲာ်, ထိဓဳၤဒဳမီၢ်ခဳးလဲၢ် အကဓူၤလါ အလဝ့ၤတခီဘဲာ်နဳၤ.
တဲၤမဲလှိနံၤဒဳသဳာ်ဓဳၤထံသဲာ်အလီၤ
(မၢ် ၁၃:၂၈-၃၁, လူၤ ၂၁:၂၉-၃၃)
32“သၱာ်ဟဲပီၢ်တဲၤကလဲၤဒဳသဳာ်ဓဳၤထံမူၤ အလီၤနူၤ. ဘ့အဖါ ထူးထာ်ကၱာ်အလှဲာ်ဒီၣ်ဇ့ၤထာ်နဳၤ, သံသၱာ်ဟဲတပွဲးသးသၱးခဲဘိးထၱးထဳနဳၤ. 33ကနဳၤအခီဖး, ထိမၱာ်သံကဲာ်ထၱးတဲၤအယဳၤလဳစါစဲးနဳၤ, သၱာ်ဟဲ ပီၢ်တဲၤဆဳတဲၤခဲအီၣ်ဘိးထၱးထဳ, တဲၤအီၣ်ပြး နှဲထဳအကကဳၤထာ်က့ၤအကါထၱးတခီ. 34ယဒီဆးသံအတၱၢ်အမှး, ပၠၤအယဳၤတဇိၤတဖျီး သလိး နှၱနီး, တဲၤအယဳၤလဳစါစဲးကဖၱထာ်ကီ. 35မီၢ်ခဳးကၱာ်လၢ်ခဳး ကကဲနီၣ်သီနှီနူၤ, ယတဲၤယၱၢ်ဘဲာ်ကတကဲကီနီး.
ပၠၤတသၱာ်ဟဲမူၤနံၤတဗွဲနီး
(မၢ် ၁၃:၃၂-၃၇, လူၤ ၁၇:၂၆-၃၀,၃၄-၃၆)
36“ပရၤဆါ မၱာ်အနဳၤတနံၤကၱာ်အနဳၤတနၣ် ရၱၣ်နဳၤ, ပၠၤတသၱာ်ဟဲတဗွဲနီး. မီၢ်ခဳးပွဲၤဇဳၤနှီနူၤ တသၱာ်ဟဲနီးနီး, အသၱာ်ဟဲမၱာ်အပာ်တပွဲၤလီၤ. 37ကၱာ်ဒီဘ့တဲၤမဲၤကဲၤအန့ၤလှ့စီၤနိအၤအဇိၤခဲနဳၤ, တဲၤ ကမဲၤကီအန့ၤကနဳၤဘ့ပၠၤအဖဳးလ့ၤလၤအခၠၱးနဳၤ. 38မၤနဲၢ်ကဒီၣ် ဓဳၤဒဳၣ်, အစာ်ဘိလှ့ထံထာ် ဟးလၤ တဘဲာ်နှၱနီးနဳၤ, ပၠၤအၣ်သဗ့, အီသဗ့, ဖၱးအစူးခီးကၱာ် အံာ်ဆးနံၤလှဲးသဗ့လၢ်ဝၤ, ထိစီၤနိအၤခဲနံၢ်သဲပီၤပူၤ အမူၤတနံၤနဳၤ. 39ကၱာ်ဒီပၠၤတသၱာ်ဟဲကဲၤ နီး ထိထံဓဳၤပျၱၤထာ် ကၱာ်ဆဲးအံာ်လဳကဲၤစဲာ်တစီာ်နဳၤ. တဲၤ ကမဲၤကီကနဳၤဘ့ပၠၤအဖဳးလ့ၤ ကလ့ၤလၤအခၠၱးနဳၤ. 40ဘ့နဳၤပၠၤကအီၣ်ကီလဲၤပူၤကၠံၢ်ပွဲၤ, တပွဲၤကဘဲာ် ဟဲးအံာ်ကီ, တပွဲၤကအီၣ်တၤကီ. 41အမံၤမှူး ကၠံၢ်ပွဲၤကဝံၢ် မှူးသဗ့ကီဟူ, တပွဲၤကဘဲာ်ဟဲးအံာ်ကီ, တပွဲၤကအီၣ်တၤကီ. 42မဲၤကနဳၤ, တိၤအံာ်ပီၢ်, မၤနဲၢ်ကဒီၣ်ဓဳၤဒဳၣ်, သံဘၱာ်စဲာ်ကဓဳၤလ့ၤတၤအခၠၱး နၣ်ရၱၣ်နဲၤနဳၤ, သံတသၱာ်ဟဲနီး. 43မၱာ် သၱာ်ဟဲ ပီၢ်အယဳၤ, ရှံၣ် ဘၱာ်စဲာ်တပွဲၤကသၱာ်ဟဲမၤ ပၠၤအၣ် ဟူၣ်တဲၤတပွဲၤကလ့ၤတၤ အနၣ်ရၱၣ် နဲၤနဳၤဒဳၣ်, စတိၤ အံာ်သ့ပွ့ၤ, ကၱာ်စတအံာ်တပွဲးစရှံၣ်ဘဲာ်ဘးဖျီနီး. 44မဲၤကနဳၤအီၣ်တီၤလီၤပီၢ်, ဘ့သံတကမဳၤနီး အနၣ်ရၱၣ်နဳၤ, ပၠၤအဖဳး ကလ့ၤကီ.
ဇိၤဖဳးအတၱၢ်အမှးကၱာ်အတတၱၢ်တမှးနီး
(လူၤ ၁၂:၄၁-၄၈)
45“မဲၤကနဳၤဒဳၣ်, ဇိၤဖဳးအတၱၢ်အမှးကၱာ် အပျၱၤအပျၤ မၱာ်ပီၢ် ပွဲၤ, ထဲၢ်စဘၱာ်စဲာ်လဲၢ်လၤစဲာ် အရှံၣ်ပူၤအခဳး, စာ်ဘိထဲၢ်စအံာ်ရှံၣ်ဖဳးဖါ ဖဳးတစီာ် တဲၤအၣ်တဲၤအီဘ့အခၠၱးဘဲာ်နဳၤပွဲၤ. 46အဘဲာ်တဲၤဟိးဝၱၤ မၱာ်ဇိၤဖဳး, ထဲၢ်ဘ့ အဘၱာ်စဲာ်ဓဳၤလ့ၤ အခၠၱး, စပးနံၤအမဲၤကနဳၤတပွဲၤနဳၤ. 47ယဒီၣ် သံအတၱၢ်အမှး, စကလဲၢ်လၤကီလၢ်ဝၤစတဲၤလဳစါ စဲး အခဳး. 48ပရၤဆါဇိၤဖဳးအကၱကဲာ်တပွဲၤ ကဒီၣ်အသးပူၤ, ယဘၱာ် စဲာ်ကလ့ၤသးဒီကီဧဲၤ, 49စဒီၣ်ဓဳၤကၱာ်စဝဲၢ်ထဳးမူၢ်ထး စခီဇိၤဖဳးတစီာ်, ကၱာ်စဟဲး အၣ်ဟဲးအီကိာ်တပွဲးပၠၤအအီမှူးအၣ်ပီးတစီာ်အကါ ဒဳၣ်, 50ဇိၤဖဳး အနဳၤတပွဲၤအဘၱာ်စဲာ်ကဓဳၤလ့ၤ ကီဘ့မူၤနံၤ, ထဲၢ်စတကမဳၤနီး, ကၱာ်ဒီဘ့နၣ်ရၱၣ် ထဲၢ်စတသၱာ်ဟဲနီးနဳၤ. 51ကၱာ်ဒီစကျါ အၱးကျိးအၱးကျဲးကီလၢ်ဝၤ, ကၱာ်စဘဲပျဳာ်ကီလၢ်ဝၤပၠၤ အဝၱၤတပီးခဳးတစီာ်. ဒဳနဳၤတဲၤယဳၤတဲၤဟးကၱာ်တဲၤအ့း တံၤသိအ့းတံၤသဲကအီၣ်ကီ.
Currently Selected:
မးသဲ 24: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
မးသဲ 24
24
ယရူၤၡလ့ၣ်အတဲၤလၤမူၤလၤဖး
(မၢ် ၁၃:၁-၂, လူၤ ၂၁:၅-၆)
1ကၱာ်ဒီယ့ၣ်ရှူးဟဲးထာ်ဝှါတဲၤလှူၣ်ၡံၣ်အပူၤဒဳၣ်, စက့ၤကဲၤ. စပွဲၤအပျဲၢ်အဘီၣ်တစီာ်လ့ၤဘိးထၱးစဲာ် စာ်ဘိ ထဲၢ်စကဒဲလၱၢ်လၢ်ဝၤတဲၤ လှူၣ်ၡံၣ်အတဲၤဘီာ်ထာ် တစီာ်နဳၤ. 2မၱာ်စဲာ်နဳၤ, စဒီၣ်ကဲၤလၢ်ဝၤကယဳၤ, “သံစာ်ထၱးတဲၤအယဳၤလဳစါစဲးဧါ. ယဒီဆးသံ အတၱၢ် အမှး, ဘ့ ယဳၤ, လဳၤထဲၢ်အတလၤတ့ၢ်ဖးနီး, အအီၣ်ဒီ လါအခီအခဳးနဳၤ, ကတအီၣ် ပ့ၤကီတဒဳနီး.”
တဲၤပၤတဲၤဆဲကၱာ်တဲၤလိၤမဲၤဆဲးညဲ
(မၢ် ၁၃:၃-၁၃, လူၤ ၂၁:၇-၁၉)
3ကၱာ်ဒီဘ့စဆးနါအီၣ်သဳာ်စၤယံးခီးလီခဳးနဳၤ, စပျဲၢ်စဘီၣ်လ့ၤ ထၱးလၤဓူၢ်စဲာ်ကၱာ်စဒီၣ်, “ဒီဆးပီၢ်ဝၤ တဲၤအယဳၤတစီာ်ကဖၱထာ်ကီတၤ အခဲနဲၢ်. နတဲၤလ့ၤ လၤလၢ်ခဳးအနံၤကူဓူၤအဟိအကလဲၤကမၱာ်ကီတၤ နဲၢ်,” စဒဲလၢ်ဝၤဓဳၤ.
4ကၱာ်ဒီ, ယ့ၣ်ရှူးဒီၣ်က့ၤစဲာ်အလံၢ်, “ဆီးအံာ်ဝၢ် အံာ်ပီၢ်သံ န့ၤ စာ်ဘိထဲၢ်ပၠၤကတလှီးပျဲာ်နံၤသံတဗွဲနီး နဳၤ. 5မၤနဲၢ်ကဒီၣ်ဓဳၤ ဒဳၣ်, ပၠၤအီၣ်အဲဗွဲကလ့ၤဒဳ ယမံၤအပူၤကၱာ်ကဒီၣ်ကီ, ‘ယမၱာ်ခရၱာ်,’ ကၱာ် ကလှီး ပျဲာ်ကီပၠၤအီၣ်အဲပွဲၤ. 6ကၱာ်ဒီသံကသၱာ်ဟဲဘဲာ် ကီတဲၤဒဳး တဲၤဖၠးအဝၱၤအကဲ, ကၱာ်တဲၤဒဳးတဲၤဖၠးအဒ့ အဒီၣ်. ဆီးအံာ်ဝၢ်အံာ်ပီၢ်သံ န့ၤ. အီၣ်ကဳၤအီၣ်ကဲၢ်မဲး. မၤနဲၢ်ကဒီၣ်ဓဳၤဒဳၣ်, တဲၤအယဳၤတစီာ်ကဖၱထာ် လဳဘဲာ်, ပရၤဆါတဘဲာ်တပွဲးအကူဓူၤနှၱနီး. 7မၤနဲၢ်ကဒီၣ် ဓဳၤဒဳၣ်, ပၠၤတခွံကၱာ်တခွံ, တက့ၤကၱာ်တက့ၤ ကဝဲၢ် ထဳးထာ်ခဳးကါလှဲးကီလၢ်ဝၤ, ကၱာ်ဒီတဲၤဆဲအဝ့ၤကလၤကီ, တဲၤသးဝံာ်လၤဒီၣ်ကအီၣ်ကီ, ကၱာ်တဲၤကပဳၤ တလၢ်တလၢ်. 8ပရၤဆါတဲၤအယဳၤလဳစါစဲးမၱာ် တဲၤဆဲးညဲပီၤ တီၤအကါထၱးကလီ.
9“ဘ့နဳၤပၠၤကအံာ်လၤဖျီးမံကီသံစာ်ဘိထဲၢ် သံ ကဘဲာ်မဲၤ ဆဲးညဲနဳၤ, ကၱာ်ပၠၤကမဲၤသံကီသံ, ကၱာ်ဒီ ယမံၤအခဳးအစဲ ပၠၤအခွံလဳစါစဲး ကတဝဲၢ်တဆဲကီ သံနီး. 10ကၱာ်ဒီဘ့နဳၤပၠၤအီၣ်အဲဗွဲၤအတဲၤ ဘူၣ် ကဟဲးကဲကၱာ်စကဟိလါကီလၢ်ဝၤတပွဲၤကၱာ်တပွဲၤကၱာ် စကတဝဲၢ်လှဲး ကီလၢ်ဝၤနီး. 11ကၱာ်ဒီဝံအပျဲး ကအီၣ်ထာ်အီၣ်ကီအီၣ်အဲပွဲၤ, ကၱာ်စလှီးပျဲးကီပၠၤ ပွ့တမံၤ. 12ကၱာ်ဒီတဲၤကၱကဲာ်မဲၤလှီကအီၣ်အဲး ထာ်အခဳးအစဲ, ပၠၤအီၣ်အဲဗွဲၤအတဲၤဘဲာ်လီၢ်ကစဳးလၤ ကီ. 13ပရၤဆါပၠၤအခီးသးဒီထိအကူဓူၤတပွဲၤနဳၤ, စလှိထာ်က့ၤကီ. 14ကၱာ်ဒီထံက့ၤအတဲၤသးလဳၢ်သးလၤအံာ်အယဳၤ ကဘဲာ်ဒီၣ်အူဒီဆးကီလၢ် ခဳးသဒဲ ဘဲာ်အခဳး, အစာ်ဘိပၠၤအခွံလဳစါစဲးအနံၤခံသဲသၱးနဳၤ, ကၱာ်ဒီဘ့နဳၤ တဲၤအကူဓူၤကဓဳၤကီ.
တဲၤမီၤရှံးဆါကၱာ်တဲၤစၱးပိးစၱးသဳ
(မၢ် ၁၃:၁၄-၂၃, လူၤ ၂၁:၂၀-၂၄)
15“ဝံဒၤနံးယ့လးဒီၣ်ကဲၤအသရ့, “မဲၤ ကနဳၤ, ဘ့သံစာ်ထၱး တဲၤအကၱကဲာ်အမီၤဇံၤဇီၤမီၤသဳ, တဓဲဖၱထာ်ဒဳတဲၤစါထံအလ့ၤနဳၤ.” (အဖးစဲာ်တပွဲၤကသၱာ်ဟဲဒီဧဲၤ.) 16“ဘ့နဳၤပၠၤအအီၣ်ဒဳယူဒၤ အက့ၤတစီာ်ကဆဲးဖျီးမံဒီဧဲၤဒဳခီမူၤခီးလီခဳးနဳၤ. 17ကၱာ်ဒီပၠၤအအီၣ်ရှံၣ်ပူၤတပွဲၤကတက့ၤဘးဖၱး ဒီဧဲၤတဲၤဒဳစရှံၣ်ပူၤ နဳၤတမံနီး. 18ကၱာ်ဒီပၠၤ အအီၣ်လဲၤပူၤတပွဲၤကတက့ၤဘးဖၱးဒီဧဲၤစၡံာ် ဒဳနီး. 19ဘ့အနံၤအသဲနဳၤတစီာ်အပူၤ, တၤပၤတဲၤဆဲ အဓဳၤအမူၤ ကလၤဘဲာ်ကီအမူၤသဲာ်ဒဳကၱာ်အအံာ်အီ အဖဳးနူၤတစီာ်နဳၤ. 20သဘဲထာ်ပီၢ်စာ်ဘိထဲၢ် သံကတဆဲးဘဲာ်တဲၤဟီးခဲမၱာ်ဝၱၤ, မူၤနံၤဆီးဒဲမၱာ် ဝၱၤ နီးနဳၤ. 21မၤနဲၢ်ကဒီၣ်ဓဳၤဒဳၣ်, ဘ့နဳၤအခၠၱး တဲၤ ဆဲးညဲပီၤတီၤ အဇၱၢ်အဇိၢ်ကအီၣ်ထာ်ကီလှ့လၢ်ခဳး အကါထၱးနဳၤထိဓဳၤခဳနူၤယဳၤအတအီၣ်ကဲၤကနဳၤတပျါ နီး, ကၱာ်ဒီအလ့ၤကါအကတအီၣ်ကီနီးနီးနဳၤ. 22ကၱာ်ဒီတဲၤကတမဲၤပိဖဳးလၤကီ မူၤနံၤမူၤသဲအနဳၤတစီာ် နီးဒဳၣ်, ပၠၤကတလှိထာ်ဇၤကီတဗွဲနီး. ပရၤဆါပၠၤအဘဲာ် ရိၤထဳတစီာ်အခဳးအစဲ, တဲၤ ကမဲၤပိဖဳးလၤကီ မူၤနံၤမူၤသဲအနဳၤတစီာ်နဳၤ.
23“ဘ့နဳၤပၠၤကဒီဆးသံတပွဲၤပွဲၤ, ‘စာ်ပီၢ်, ခရၱာ်အီၣ်ဘ့ယဳၤ’ မၱာ်ဝၱၤ, ‘ဒဳနဳၤ’ မၱာ်ဝၱၤ, ဘူၣ်ပီၢ်မဲး. 24မၤနဲၢ်ကဒီၣ်ဓဳၤဒဳၣ်, ခရၱာ်အသိပျိၤ ကၱာ်ဝံ အပျဲးကအီၣ်ထာ်ကီတစီာ်, ကၱာ်စကမဲၤကီတဲၤပီၤ တဲၤ ပၤကၱာ်တဲၤစီးကျၱးစီးၡဲအဓဳၤ, ပွ့အစာ်ဘိ (တဲၤ ကဖၱထာ်ဇၤဒဳၣ်), စကလှီးပျဲးပၠၤအဘဲာ်ရိၤထဳတစီာ်နဳၤ နဳၤ. 25စာ်ပီၢ်, အတဖၱထာ်နှၱနီး, ယဒီဆး တီၤလီၤထဳသံ.
26“မဲၤကနဳၤဒဳၣ်, ပၠၤတပွဲၤပွဲၤကဒီၣ်သံ, ‘စာ်ပီၢ်, စအီၣ်ဒဳမှၱး လဲၢ်ကျဲ’ နဳၤဒဳၣ်, ဟဲးထာ်မဲး. စာ်ပီၢ်, စအီၣ်ရှံၣ်ဒဳးပူၤဒဳၣ်, ဘူၣ်မဲး. 27မၤနဲၢ်ကဒီၣ် ဓဳၤဒဳၣ်, အစာ်ဘိလှါကဳၤလၱၤလူၤမူၤထာ်တခီလှၱဓဳၤဘး လူၤမူၤလၤတခီနဳၤ, ပၠၤအဖဳးအတဲၤလ့ၤလၤကမၱာ်ကီ ကနဳၤနဳၤ.
28“တဲၤအစဳးအပ့ၤအီၣ်ဒီၣ်လဲၢ်အရါနဳၤ, လၤဓၢ်တစီာ်ကလ့ၤ အီၣ်ပျဳာ်ကီလၢ်ဝၤဘ့နဳၤ.
ပၠၤအဖဳးခဳအတဲၤလ့ၤလၤ
(မၢ် ၁၃:၂၄-၂၇, လူၤ ၂၁:၂၅-၂၈)
29“ဒဳအနံၤအသဲတစီာ်အတဲၤဆဲးညဲ ပီၤတီၤကဖၱထာ်ဝှါကၱာ်ဒီလူၤမူၤကခံးလၤကီ, ကၱာ်လှဲ ကတလှၱပ့ၤကီနီး, ကၱာ်ဒီဆဲးတစီာ်ကလၤတ့ၢ်ကီဒဳ မီၢ်ခဳးလဲၢ်နဳၤ, ကၱာ်ဒီမီၢ်ခဳးလဲၢ်အစိသလဲ ကကျ့ၤကျၢ် ကီ. 30ကၱာ်ဒီပၠၤအဖဳးခဳအဟိအယီၤကလၱၢ် ထာ်ကီ ဒဳမီၢ်ခဳးနဳၤ, ကၱာ်ဘ့နဳၤ, ပၠၤခွံဖဳးတသရာ်, တသရာ်လဳစါစဲးကယဳၤကဟး ကီ, ကၱာ်စကစာ်ထၱးကီ ပၠၤအဖဳးခဲလါမီၢ်ခဳးအတဲၢ်သဘဳာ်အခဳး ဒဳတဲၤ ဖျူတဲၤ သရ့ာ်ကၱာ်တဲၤဓီၤတဲၤသ့းအပူၤနဳၤ. 31ကၱာ်ဒီစကနှး ကီ မီၢ်ခဳးပွဲၤဇဳၤတစီာ်လၤအူးထာ်ကွဲၤကၱာ်ယဳၤထာ်ကိာ် အလ့ၢ်, စကက့ၤယံၢ် ပျဳာ်ကီလၢ်ဝၤပၠၤအဘဲာ်ရိၤ တစီာ်အအီၣ်ကလံၤအကြီာ်လွံၢ်ခီဘဲာ်, ဓဳၤဒဳ မီၤထၱး ကါအအီၣ်ယၱၤကဓူၤတခီဘဲာ်, ထိဓဳၤဒဳမီၢ်ခဳးလဲၢ် အကဓူၤလါ အလဝ့ၤတခီဘဲာ်နဳၤ.
တဲၤမဲလှိနံၤဒဳသဳာ်ဓဳၤထံသဲာ်အလီၤ
(မၢ် ၁၃:၂၈-၃၁, လူၤ ၂၁:၂၉-၃၃)
32“သၱာ်ဟဲပီၢ်တဲၤကလဲၤဒဳသဳာ်ဓဳၤထံမူၤ အလီၤနူၤ. ဘ့အဖါ ထူးထာ်ကၱာ်အလှဲာ်ဒီၣ်ဇ့ၤထာ်နဳၤ, သံသၱာ်ဟဲတပွဲးသးသၱးခဲဘိးထၱးထဳနဳၤ. 33ကနဳၤအခီဖး, ထိမၱာ်သံကဲာ်ထၱးတဲၤအယဳၤလဳစါစဲးနဳၤ, သၱာ်ဟဲ ပီၢ်တဲၤဆဳတဲၤခဲအီၣ်ဘိးထၱးထဳ, တဲၤအီၣ်ပြး နှဲထဳအကကဳၤထာ်က့ၤအကါထၱးတခီ. 34ယဒီဆးသံအတၱၢ်အမှး, ပၠၤအယဳၤတဇိၤတဖျီး သလိး နှၱနီး, တဲၤအယဳၤလဳစါစဲးကဖၱထာ်ကီ. 35မီၢ်ခဳးကၱာ်လၢ်ခဳး ကကဲနီၣ်သီနှီနူၤ, ယတဲၤယၱၢ်ဘဲာ်ကတကဲကီနီး.
ပၠၤတသၱာ်ဟဲမူၤနံၤတဗွဲနီး
(မၢ် ၁၃:၃၂-၃၇, လူၤ ၁၇:၂၆-၃၀,၃၄-၃၆)
36“ပရၤဆါ မၱာ်အနဳၤတနံၤကၱာ်အနဳၤတနၣ် ရၱၣ်နဳၤ, ပၠၤတသၱာ်ဟဲတဗွဲနီး. မီၢ်ခဳးပွဲၤဇဳၤနှီနူၤ တသၱာ်ဟဲနီးနီး, အသၱာ်ဟဲမၱာ်အပာ်တပွဲၤလီၤ. 37ကၱာ်ဒီဘ့တဲၤမဲၤကဲၤအန့ၤလှ့စီၤနိအၤအဇိၤခဲနဳၤ, တဲၤ ကမဲၤကီအန့ၤကနဳၤဘ့ပၠၤအဖဳးလ့ၤလၤအခၠၱးနဳၤ. 38မၤနဲၢ်ကဒီၣ် ဓဳၤဒဳၣ်, အစာ်ဘိလှ့ထံထာ် ဟးလၤ တဘဲာ်နှၱနီးနဳၤ, ပၠၤအၣ်သဗ့, အီသဗ့, ဖၱးအစူးခီးကၱာ် အံာ်ဆးနံၤလှဲးသဗ့လၢ်ဝၤ, ထိစီၤနိအၤခဲနံၢ်သဲပီၤပူၤ အမူၤတနံၤနဳၤ. 39ကၱာ်ဒီပၠၤတသၱာ်ဟဲကဲၤ နီး ထိထံဓဳၤပျၱၤထာ် ကၱာ်ဆဲးအံာ်လဳကဲၤစဲာ်တစီာ်နဳၤ. တဲၤ ကမဲၤကီကနဳၤဘ့ပၠၤအဖဳးလ့ၤ ကလ့ၤလၤအခၠၱးနဳၤ. 40ဘ့နဳၤပၠၤကအီၣ်ကီလဲၤပူၤကၠံၢ်ပွဲၤ, တပွဲၤကဘဲာ် ဟဲးအံာ်ကီ, တပွဲၤကအီၣ်တၤကီ. 41အမံၤမှူး ကၠံၢ်ပွဲၤကဝံၢ် မှူးသဗ့ကီဟူ, တပွဲၤကဘဲာ်ဟဲးအံာ်ကီ, တပွဲၤကအီၣ်တၤကီ. 42မဲၤကနဳၤ, တိၤအံာ်ပီၢ်, မၤနဲၢ်ကဒီၣ်ဓဳၤဒဳၣ်, သံဘၱာ်စဲာ်ကဓဳၤလ့ၤတၤအခၠၱး နၣ်ရၱၣ်နဲၤနဳၤ, သံတသၱာ်ဟဲနီး. 43မၱာ် သၱာ်ဟဲ ပီၢ်အယဳၤ, ရှံၣ် ဘၱာ်စဲာ်တပွဲၤကသၱာ်ဟဲမၤ ပၠၤအၣ် ဟူၣ်တဲၤတပွဲၤကလ့ၤတၤ အနၣ်ရၱၣ် နဲၤနဳၤဒဳၣ်, စတိၤ အံာ်သ့ပွ့ၤ, ကၱာ်စတအံာ်တပွဲးစရှံၣ်ဘဲာ်ဘးဖျီနီး. 44မဲၤကနဳၤအီၣ်တီၤလီၤပီၢ်, ဘ့သံတကမဳၤနီး အနၣ်ရၱၣ်နဳၤ, ပၠၤအဖဳး ကလ့ၤကီ.
ဇိၤဖဳးအတၱၢ်အမှးကၱာ်အတတၱၢ်တမှးနီး
(လူၤ ၁၂:၄၁-၄၈)
45“မဲၤကနဳၤဒဳၣ်, ဇိၤဖဳးအတၱၢ်အမှးကၱာ် အပျၱၤအပျၤ မၱာ်ပီၢ် ပွဲၤ, ထဲၢ်စဘၱာ်စဲာ်လဲၢ်လၤစဲာ် အရှံၣ်ပူၤအခဳး, စာ်ဘိထဲၢ်စအံာ်ရှံၣ်ဖဳးဖါ ဖဳးတစီာ် တဲၤအၣ်တဲၤအီဘ့အခၠၱးဘဲာ်နဳၤပွဲၤ. 46အဘဲာ်တဲၤဟိးဝၱၤ မၱာ်ဇိၤဖဳး, ထဲၢ်ဘ့ အဘၱာ်စဲာ်ဓဳၤလ့ၤ အခၠၱး, စပးနံၤအမဲၤကနဳၤတပွဲၤနဳၤ. 47ယဒီၣ် သံအတၱၢ်အမှး, စကလဲၢ်လၤကီလၢ်ဝၤစတဲၤလဳစါ စဲး အခဳး. 48ပရၤဆါဇိၤဖဳးအကၱကဲာ်တပွဲၤ ကဒီၣ်အသးပူၤ, ယဘၱာ် စဲာ်ကလ့ၤသးဒီကီဧဲၤ, 49စဒီၣ်ဓဳၤကၱာ်စဝဲၢ်ထဳးမူၢ်ထး စခီဇိၤဖဳးတစီာ်, ကၱာ်စဟဲး အၣ်ဟဲးအီကိာ်တပွဲးပၠၤအအီမှူးအၣ်ပီးတစီာ်အကါ ဒဳၣ်, 50ဇိၤဖဳး အနဳၤတပွဲၤအဘၱာ်စဲာ်ကဓဳၤလ့ၤ ကီဘ့မူၤနံၤ, ထဲၢ်စတကမဳၤနီး, ကၱာ်ဒီဘ့နၣ်ရၱၣ် ထဲၢ်စတသၱာ်ဟဲနီးနဳၤ. 51ကၱာ်ဒီစကျါ အၱးကျိးအၱးကျဲးကီလၢ်ဝၤ, ကၱာ်စဘဲပျဳာ်ကီလၢ်ဝၤပၠၤ အဝၱၤတပီးခဳးတစီာ်. ဒဳနဳၤတဲၤယဳၤတဲၤဟးကၱာ်တဲၤအ့း တံၤသိအ့းတံၤသဲကအီၣ်ကီ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.