သဓဳဖဳး 15
15
တဲၤလၤဓ့ၢ်ပျဳာ်ဒဳယရူၤၡလ့ၣ်အူးပူၤ
1အလ့ၤကါပၠၤအအီၣ်ဒဳယူဒၤက့ၤ တစီာ်လၤကဲၤဒဳ အၣ်တံၤ အီစအူးကၱာ် သိၣ်အံာ် သီအံာ်ကဲၤသဲပူၤသဲဝ့ၤတစီာ်ကၱာ် စဒီၣ်ကဲၤ, “သံ ကတခးတဲၤဟိရကၱအစာ်ဘိစီၤမိၤၡ့အတဲၤ မှဲးလၤအီၣ်အဓ့နီးနဳၤ, သံတနံၤဘဲာ်ဇၤ တဲၤလှိ ထာ်က့ၤနီး,” စဒီၣ်ပၠၤဓဳၤ. 2စီၤပီလူးကၱာ် စီၤ ဘၢ်နါဘၤတရၤသ့ပွ့ၤသၱာ်လၱကဲၤပၠၤတစီာ်ဒဳၣ်, တဲၤလၤကျၤအီၣ်ကဲၤထဲၢ် စီၤပီလူးကၱာ် စီၤဘၢ် နါဘၤကၱာ်ပၠၤအလဝ့ၤအအီၣ်ဒဳ အၣ်တံၤအီာ် အူး တစီာ်ကထာ်ဝှါဒဳယရူၤၡလ့ၣ်အူးနဳၤ, စကလ့ၤစာ်ထၱးပီၢ်အပျဲၢ်အဘီၣ် ကၱာ်အန့ၤဓဳၤသးပွ့ၤတစီာ် အဘဲာ်ကၠးတဲၤဝၱၤတဲၤကဲအယဳၤနဳၤ.
3တဲၤအီၣ်ပျဳာ်ဖဳးလဳစါစဲး လ့ၤသဲစဲာ် တစီာ် ကၱာ်စဖျီးတလိး ကဲၤဖံၤနံက့ၤအက့ၤကၱာ် ရှၤမရၱအက့ၤတစီာ်ကၱာ် စဒီဆးကဲၤလၢ်ဝၤ ပွဲၤ သူကူာ်ဖဳးတစီာ်နံၤဘဲာ်ကဲၤတဲၤဘူၣ်စာ်တဲၢ်နဳၤ, ကၱာ်ဒီသဲပူၤသဲဝ့ၤတစီာ် သးကနၢ်အံာ်ကဲၤအဇၱၢ် အဇိၢ်. 4ဘ့စဲာ်တစီာ်ဓဳၤလ့ၤကဲၤယရူၤ ရှ လ့ၣ်အူးနဳၤ, တဲၤအၣ်ပျဳာ်ကၱာ်အပျဲၢ်အဘီၣ်တစီာ် ကၱာ်အဓဳၤအပွ့ၤတစီာ် ရှံအံာ်ကဲၤစကျဲးမီၤမီၤ ဝၱၤဝၱၤ, မဲၤဝှါစဲာ်တစီာ်ဒီဆးလဳလၢ်ဝၤ ထဲၢ်ကဘၱာ် စဲာ်မဲၤနံၤကဲၤစဲာ်တစီာ်တဲၤနဳၤ. 5ပရၤဆါဒဳၣ်, ဖၤရၱၤရှဲဖဳးတစီာ်အကျဲ, အဘူၣ် တဲၤတစီာ်တရၢ်တဲၤ ကၱာ်ဒီၣ်တကြၱၤနၱၤကဲၤ ထဲၢ် ပွဲၤသူကူာ် ဖဳးတစီာ်မီၤဘဲာ်ဟိရကၱကၱာ် မီၤအီၣ်အံာ်စီၤမိၤၡ့အတဲၤမှဲးလၤနဳၤ.
6မဲၤကနဳၤဒဳၣ်, အပျဲၢ်အဘီၣ်တစီာ်ကၱာ် အဓဳၤပွ့ၤတစီာ် လၤ ဓ့ၢ်ပျဳာ်လၢ်ဝၤကၱာ် ပ့ၢ်ဖး ကဲၤတဲၤအဝၱၤအကဲအယဳၤ. 7ကၱာ်တဲၤ တရၤအီၣ်ယၱၢ်အီၣ်ကၠးဝှါ, စီၤပ့းတရူးဝဲၢ်ထဳး ဒီၣ်ကဲၤစဲာ်တစီာ်ကယဳၤ, “ယသဲပူၤဝ့ၤတစီာ်, သံသၱာ်ဟဲတပွဲးထဲၢ် လှ့မဳၤစဲခဳးနဳၤ, ကဘၱာ်စဲာ် ရိၤ ထာ်ကဲၤယဲၤဒဳသံကျဲ အကဒီဆးပွဲၤသူကူာ် ဖဳးတစီာ် တဲၤသးလဳၢ်သးလၤ အံာ်အဝၱၤအကဲ, စာ်ဘိထဲၢ်စကသၱာ်ဟဲကၱာ် ကဘူၣ်ပီၢ်အနံၤခံ နဳၤ. 8အနှဲးနှဲးမၱာ်, ကဘၱာ်စဲာ်ထဲၢ်အသၱာ် ဟဲ ပၠၤကိအပွဲၤအတဲၤကမဳၤနဳၤ, စအဳလါကိာ် လၢ်ဝၤဒဳစတဲၤအံာ်လၤလၢ်ဝၤသးစါထံ အစာ် ဘိစအံာ် လၤ နံၤကဲၤဝၤနဳၤ. 9ကဘၱာ်စဲာ် တပ့ၢ်ဖးစဲာ်တစီာ်ကၱာ် ဝၤအဇဳၤနီး, မၤ နဲၢ်, စမဲၤ ပျၱမဲၤစါထဳလၢ်ဝၤ ဒဳစဲာ်တစီာ်အတဲၤဘူၣ် အစဲ နဳၤ. 10မဲၤကနဳၤခဳနူၤယဳၤ, သံသးအဲး ဘဲ လါမၤတဲၤဘံာ်တဲၤဇၢ်ဒဳအပျဲၢ် အဘီၣ် တစီာ်အခဳး, ထဲၢ်ဝၤကၱာ်ဝၤဖံဝၤဖူတစီာ် တဘံာ်တဇၢ်ကဲာ် ထာ်နီး, ကၱာ် မဲၤစာ်မၤဘၱာ်စဲာ်ကနဳၤနဲၢ်. 11နီး, ဝၤဘူၣ်ထဲၢ်ဝၤနံၤဘဲာ်တဲၤလှိထာ် က့ၤဒဳ ဘၱာ် စဲာ်ယ့ၣ်ရှူးအလှူၣ်အတါအခဳးအစဲ, အစာ်ဘိစဲာ် တစီာ် နဳၤ လီၤလီၤ.”
12အလၤဓ့ၢ်ပျဳာ်လၢ်ဝၤတစီာ် စၱးစၱး, အီၣ်ဓဳၤလီၤ, ကၱာ်ဆီးခ့ န့းကဲၤစီၤပီလူးကၱာ် စီၤဘၢ်နါဘၤ ဒီဆးစဲာ်ကဘၱာ်စဲာ်မဲၤနံၤကဲၤ ပွဲၤ သူ ကူာ်ဖဳးတစီာ်အနံၤခံ တဲၤဒဲလၱၢ်အစီးကျၱး စီးရှဲကၱာ်တဲၤအမီၤထဲတမိၢ်တမှါတစီာ်နဳၤ. 13ပၠၤတစီာ်ဒီဆးဝှါလၢ်ဝၤဒဳၣ်, စီၤယၤကိာ် ယၱၢ်ဘဲာ် ကဲၤ, “ယသဲပူၤဝ့ၤတစီာ်, ဆီးခ့န့းပီၢ် ယဲၤ,” စဒီၣ်ဓဳၤ. 14“စီၤရှံ မိၣ်ဒီဆးထဳထဲၢ်အအူဆူး, ကဘၱာ်စဲာ်ပြး တီၤလီၤကဲၤပွဲၤသူကူာ်ဖဳးတစီာ် အကလ့ၤနံၢ်ကိာ် စပၠၤတစီာ်အကျဲ ဒဳစမံၤအပူၤစာ်တဲၢ်နဳၤ. 15အယဳၤမၱာ်အဘဲာ်သရီာ်ကဲၤ ဝံတစီာ်အတဲၤ ယၱၢ်ဘဲာ်ဒဳစဲာ်စါထံအပူၤစာ် တဲၢ် နဳၤ, ထဲၢ်အဒီၣ်,
16‘အလ့ၤကါဘ့ယကက့ၤဘး,
ယကပြးက့ၤကီစီၤဒၤဝံးအရှံၣ်လၤဖြး,
ဒဳတဲၤကဲတဲၤအိးအကျဲ
ယကပြးထာ်က့ၤကီအသဲ.
17ပၠၤအခွံအသလဲအလဝ့ၤ,
ပွဲၤသူကူာ်ဖဳး ယရိၤလှဲးဒဳယမံၤစါထံအပူၤတစီာ် ကလ့ၤထၱးကီယဲၤ.
18ဘၱာ်စဲာ်ဒီၣ်ကဲၤလှ့အအူဆူး အီၣ်ယၱၢ်အီၣ်ကၠးကဲၤနဳၤ.’
19“မဲၤကနဳၤ ယသးအဲးဒီဆးသံမၱာ် ကတမီၤမဲၤပၤပွဲၤသူကူာ် ဖဳး ထဲၢ်အက့ၤဘးထၱး ဘၱာ်စဲာ်တစီာ်နီး, 20ဝၤကဝှ့းဒီဆးစဲာ် တစီာ်အကဒူၣ်တဲၤဟၱးတဲၤဘးအဘဲာ်လှူၣ်ထာ်အံာ် ပွဲၤယီၤအနှးနှါတစီာ်နဳၤ, အကဆဲးကိနံၤတဲၤလၤ သူးလၤကမဲာ်အလ့ၤ, အကဒူၣ်တဲၤဖဳးတဲၤဝ့ၤ အဘဲာ်စဳသံကီၢ်တစီာ်အဟၱးအဘး, ကၱာ်အကတအၣ်ပီၢ်တဲၤသွံၣ်တဲၤခဲး နီးနဳၤလီၤ,” စဒီၣ်လၢ် ဝၤဓဳၤ. 21“မၤနဲၢ်စီၤမိၤၡ့အပၠၤအဒီထိးဒီ တလဲၤတဲၤအီၣ် ကိအဒဳးဆီကၱာ် စဖးနံၤတပွဲး ပၠၤဒဳအအီၣ်ဘူၣ်ဘျီၣ်အပူၤကိမူၤနံၤဆီးဒဲနဳၤ,” စဒီဆးပၠၤတစီာ်ဓဳၤ.
အပျဲၢ်အဘီၣ်အစဲာ်ပရဳ
22အပျဲၢ်အဘီၣ်တစီာ်ကၱာ်အဓဳၤအပွ့ၤ တစီာ် လၤကျၤကဲၤ အကရိၤထာ် အပွဲၤဇဳၤအကဘဲာ်သဓဳလ့ၤဒဳ အၣ်တံၤအီာ်အူးပျဳာ်ပျဳာ်ကၱာ် စီၤပီလူးကၱာ်စီၤဘၢ်နါဘၤနဳၤဒဳၣ်, တဲၤအီၣ်ပျဳာ် သဒဲပျဳာ်အဳလါကိာ်တပွဲး ကဲၤ. စဲာ်တစီာ်ရိၤထာ် ကဲၤစီၤယူဒၤ, ထဲၢ်ပၠၤယဳၤစီၤဘၢ်စဘါကၱာ် စီၤ စံ လး, ထဲၢ်အဘူၣ်တဲၤတစီာ်လဲၢ်ဒဳ လဲၢ်ယး ကၠံၢ်ပွဲၤနဳၤ. 23ပၠၤနှး ကဲၤစကလ့ၤအံာ် စဲာ် အယဳၤတဘဲာ်နဳၤ.
“ဝၤ, သံသဲပူၤဝ့ၤအပျဲၢ်အဘီၣ် တစီာ်ကၱာ်အဓဳၤအပွ့ၤတစီာ်, နှူဆဲးသံသဲပူၤဝ့ၤ အအီၣ်လၤကဲၤ အစာ် ဘိပွဲၤသူကူာ်ဖဳး အအီၣ်ဒဳ အၣ်တံၤအီာ်အူး, စူၤရံက့ၤကၱာ်ကံၤလံၤကံက့ၤ ပူၤလဳစါစဲးတစီာ်နဳၤ. 24ဝၤသၱာ်ဟဲဘဲာ်ထဲၢ်ဒဳဝၤ ကျဲ တစီာ်စီာ်မဲၤဆဲးဆီး ဧီၢ်ထာ်ကဲၤတဲၤ ကၱာ်မဲၤတမီၤသးကဲၤသံနီးဒဳစတဲၤယၱၢ်ဘဲာ် တတီၤ အခဳးအစဲလီၤ. စဲာ်တစီာ်မဲၤကဲၤတဲၤ အယဳၤ, တဘဲာ်ဒဳဝၤတဲၤထူး လၤမှဲးလၤအပူၤနီး. 25မဲၤကနဳၤဝၤလၤကျၤကဲၤ လၢ်ဝၤအကရိၤထာ်အပွဲၤဇဳၤ အကသဓဳ လ့ၤဒဳသံအီၣ်, ပျဳာ်ပျဳာ်ကၱာ်စီၤဘၢ်နါ ဘၤ ကၱာ်စီၤပီလူး, 26ပၠၤထဲၢ်ဝၤဒဳ ဘဲာ် ယးဘဲာ်, အအံာ် လၤလဳၢ်သဳးလဳၢ်သးအန့ၤ ဒဳဘၱာ်စဲာ်ယ့ၣ်ရှူးခရၱာ်အမံၤအပူၤတစီာ် နဳၤ. 27ဝၤသဓဳလ့ၤကိာ်ဒီၣ်ကဲၤစီၤယူဒၤ ကၱာ်စီၤစံလး, အကသိထိးကီဝၤ, ဒဳဝၤဝှ့း လၤအိးစဲာ်အပူၤတစီာ်နဳၤ. 28သး စါထံပဲၢ်လၤထဳထဲၢ်ဝၤကတစဳကျဳၤကၠၱၢ်ကျဳၤ ပီၢ်သံကၱာ် တဲၤထဳး တဲၤပၤတမံနီး, 29မၱာ်သံကဒူၣ်ပီၢ်တဲၤအၣ်တဲၤအီ အဘဲာ် လှူၣ်ထာ်အံာ်ကဲၤပွဲၤယီၤတစီာ်နဳၤ, သံကတအၣ်ပီၢ်တဲၤသွံၣ်တဲၤခဲး နီး, ကၱာ်တဲၤဖဳးတဲၤဝ့ၤပၠၤစဳသံကီၢ်တစီာ်အဟၱးနီး ကၱာ်သံကတလၤ သူးလၤကမဲာ်ပီၢ်နီးနဳၤ. ဆဲး ကိနံၤပီၢ်တဲၤအယဳၤတစီာ်အလ့ၤ, ကၱာ် သံ ကမဲၤတပွဲးတဲၤအဘဲာ်လီၢ်. တဲၤမီၤဘဲာ်သံ.”
30ပွဲၤဇဳၤတစီာ်ဟဲးထာ်ကၱာ် လၤ ကဲၤဒဳအၣ်တံၤအီစအူးနဳၤ, ဒဳနဳၤစယဳၤလၤဓ့ၢ်ပျဳာ် လဳကဲၤတဲၤအီၣ်ပျဳာ်ဖဳးတစီာ်, ဝှါစအံာ်ကဲၤလၢ် ဝၤ စဲာ်ပရဳ. 31တဲၤအီၣ်ပျဳာ်ဖဳးတစီာ် ဖးဝှါစဲာ်, သးလဳၢ်သူလၤအံာ်ဆိး ကဲၤဒဳအအံာ် ခဳးအံာ်အါစဲာ်တစီာ်အခဳးအစဲနဳၤ. 32စီၤယူဒၤကၱာ်စီၤစံလးမၱာ်ဝံတစီာ်အခဳးအစဲ, စယၱၢ်ဘဲာ်အီၣ်ယၱၢ်အီၣ်ကၠး ကဲၤ, စအံာ်ခဳးအံာ်အါ ကၱာ် မဲၤမှ့းမဲၤကျဳၤကဲၤစသဲပူၤဝ့ၤတစီာ်နဳၤ. 33ပၠၤအယဳၤကၠံၢ်ပွဲၤအီၣ်တဒဳတဆး, မဲၤဝှါ သဲပူၤဝ့ၤ အဘူၣ်တဲၤတစီာ်ဘါ ပျဲးက့ၤမီၤမီၤ တပွဲးစဲာ်ကၱာ်စဲာ်တစီာ်က့ၤဘးထၱးကဲၤဒဳပၠၤအသဓဳစဲာ်တစီာ် အီၣ်နဳၤ. 34မၱာ်စီၤစံလးနဳၤ စအီၣ်တၤဓီဝ့ၤဘ့နဳၤ.
35စီၤပီလူးကၱာ်စီၤဘၢ်နါဘၤ အီၣ် ဝ့ၤဒဳအၣ်တံၤအီာ်အူးပူၤ, ပျဳာ်ပျဳာ်ကၱာ်ပၠၤအလဝ့ၤ တစီာ်, ဒီၣ်အူဒီဆးကဲၤကဘၱာ်စဲာ်အလ့ၢ် အဝှဲး ဒဳနဳၤ.
စီၤပီလူးဟဲးပၢ်စီၤဘၢ်နါဘၤ
36အလ့ၤကါ စီၤပီလူးဒီၣ်ကဲၤ စီၤဘၢ်နါဘၤကယဳၤ, “ဝၤကက့ၤဘးကၱာ် ဟဲးပိာ်ဒဳထၱးဒီဧဲၤ ပၠၤထဲၢ်ဝၤဒီၣ်အူဒီဆးနံၤ ကဲၤကဘၱာ်စဲာ်အလ့ၢ်အဝှဲးတစီာ်နဳၤ, စာ်ဘိ ထဲၢ်ဝၤကစာ်ထၱးဘဲာ်ပီၢ် ဝၤသဲပူၤသဲဝ့ၤတစီာ် မဲၤကဲၤစာ်တဲၢ်နဳၤ,” စဒီၣ်လၢ်ဝၤဓဳၤ. 37စီၤ ဘၢ်နါဘၤအံာ်ကဳအံာ် ကၠးစဲာ် အကယဳၤ စီၤယိၤဟၣ်မၢ်ကူး, 38ပရၤဆါစီၤပီလူး စာ်ထၱး ဒဳ စတတးယဳၤလၢ်ဝၤနီး, မၤနဲၢ်, စတအီၣ် ကိာ်လၢ်ဝၤအကါထိတဲၤမဲၤ ဝှါနီး, စပၢ်လၤ ဓ့ၢ်ကဲၤလၢ်ဝၤတစီာ် ဒဳပၣ် ဖူၤလံက့ၤနဳၤ ကၱာ် က့ၤဘးကဲၤ စလ့ၤကါအခဳးအစဲလီၤ. 39စထာ် ဓဳၤထာ်ရၤဝှါစဟဲးပၢ်ကဲၤလၢ်ဝၤ. စီၤဘၢ်နါဘၤယဳၤနံၤဝှါစီၤမၢ်ကူးဒဳၣ်, စဒီၣ်ထာ် သဲပီၤကၱာ်လ့ၤကဲၤဒဳကူ ပြူးနဳၤ. 40မၱာ် စီၤပီလူးနဳၤ, စရိၤ ထာ်ဝှါစီၤစံလးဒဳၣ်, စဟဲး ယဳၤ အံာ်ကဲၤလၢ်ဝၤ အစာ်ဘိသဲပူၤဝ့ၤတစီာ် အံာ်ကဳ အံာ်ကၠးစဲာ် ဒဳကဘၱာ်စဲာ် အလှူၣ်အတါအပူၤနဳၤ. 41စဲာ်ကၱာ်စီၤစံလး လ့ၤနံၢ်ကိာ်စူၤရံက့ၤကၱာ် ကံၤ လံၤကံ က့ၤအပူၤကၱာ် အံာ်ခဳးအံာ် အါ, မဲၤမှ့းမဲၤကျဳၤ တဲၤအီၣ်ပျဳာ်အအီၣ် ဒဳနဳၤတစီာ်လီၤ.
Currently Selected:
သဓဳဖဳး 15: GBA
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
သဓဳဖဳး 15
15
တဲၤလၤဓ့ၢ်ပျဳာ်ဒဳယရူၤၡလ့ၣ်အူးပူၤ
1အလ့ၤကါပၠၤအအီၣ်ဒဳယူဒၤက့ၤ တစီာ်လၤကဲၤဒဳ အၣ်တံၤ အီစအူးကၱာ် သိၣ်အံာ် သီအံာ်ကဲၤသဲပူၤသဲဝ့ၤတစီာ်ကၱာ် စဒီၣ်ကဲၤ, “သံ ကတခးတဲၤဟိရကၱအစာ်ဘိစီၤမိၤၡ့အတဲၤ မှဲးလၤအီၣ်အဓ့နီးနဳၤ, သံတနံၤဘဲာ်ဇၤ တဲၤလှိ ထာ်က့ၤနီး,” စဒီၣ်ပၠၤဓဳၤ. 2စီၤပီလူးကၱာ် စီၤ ဘၢ်နါဘၤတရၤသ့ပွ့ၤသၱာ်လၱကဲၤပၠၤတစီာ်ဒဳၣ်, တဲၤလၤကျၤအီၣ်ကဲၤထဲၢ် စီၤပီလူးကၱာ် စီၤဘၢ် နါဘၤကၱာ်ပၠၤအလဝ့ၤအအီၣ်ဒဳ အၣ်တံၤအီာ် အူး တစီာ်ကထာ်ဝှါဒဳယရူၤၡလ့ၣ်အူးနဳၤ, စကလ့ၤစာ်ထၱးပီၢ်အပျဲၢ်အဘီၣ် ကၱာ်အန့ၤဓဳၤသးပွ့ၤတစီာ် အဘဲာ်ကၠးတဲၤဝၱၤတဲၤကဲအယဳၤနဳၤ.
3တဲၤအီၣ်ပျဳာ်ဖဳးလဳစါစဲး လ့ၤသဲစဲာ် တစီာ် ကၱာ်စဖျီးတလိး ကဲၤဖံၤနံက့ၤအက့ၤကၱာ် ရှၤမရၱအက့ၤတစီာ်ကၱာ် စဒီဆးကဲၤလၢ်ဝၤ ပွဲၤ သူကူာ်ဖဳးတစီာ်နံၤဘဲာ်ကဲၤတဲၤဘူၣ်စာ်တဲၢ်နဳၤ, ကၱာ်ဒီသဲပူၤသဲဝ့ၤတစီာ် သးကနၢ်အံာ်ကဲၤအဇၱၢ် အဇိၢ်. 4ဘ့စဲာ်တစီာ်ဓဳၤလ့ၤကဲၤယရူၤ ရှ လ့ၣ်အူးနဳၤ, တဲၤအၣ်ပျဳာ်ကၱာ်အပျဲၢ်အဘီၣ်တစီာ် ကၱာ်အဓဳၤအပွ့ၤတစီာ် ရှံအံာ်ကဲၤစကျဲးမီၤမီၤ ဝၱၤဝၱၤ, မဲၤဝှါစဲာ်တစီာ်ဒီဆးလဳလၢ်ဝၤ ထဲၢ်ကဘၱာ် စဲာ်မဲၤနံၤကဲၤစဲာ်တစီာ်တဲၤနဳၤ. 5ပရၤဆါဒဳၣ်, ဖၤရၱၤရှဲဖဳးတစီာ်အကျဲ, အဘူၣ် တဲၤတစီာ်တရၢ်တဲၤ ကၱာ်ဒီၣ်တကြၱၤနၱၤကဲၤ ထဲၢ် ပွဲၤသူကူာ် ဖဳးတစီာ်မီၤဘဲာ်ဟိရကၱကၱာ် မီၤအီၣ်အံာ်စီၤမိၤၡ့အတဲၤမှဲးလၤနဳၤ.
6မဲၤကနဳၤဒဳၣ်, အပျဲၢ်အဘီၣ်တစီာ်ကၱာ် အဓဳၤပွ့ၤတစီာ် လၤ ဓ့ၢ်ပျဳာ်လၢ်ဝၤကၱာ် ပ့ၢ်ဖး ကဲၤတဲၤအဝၱၤအကဲအယဳၤ. 7ကၱာ်တဲၤ တရၤအီၣ်ယၱၢ်အီၣ်ကၠးဝှါ, စီၤပ့းတရူးဝဲၢ်ထဳး ဒီၣ်ကဲၤစဲာ်တစီာ်ကယဳၤ, “ယသဲပူၤဝ့ၤတစီာ်, သံသၱာ်ဟဲတပွဲးထဲၢ် လှ့မဳၤစဲခဳးနဳၤ, ကဘၱာ်စဲာ် ရိၤ ထာ်ကဲၤယဲၤဒဳသံကျဲ အကဒီဆးပွဲၤသူကူာ် ဖဳးတစီာ် တဲၤသးလဳၢ်သးလၤ အံာ်အဝၱၤအကဲ, စာ်ဘိထဲၢ်စကသၱာ်ဟဲကၱာ် ကဘူၣ်ပီၢ်အနံၤခံ နဳၤ. 8အနှဲးနှဲးမၱာ်, ကဘၱာ်စဲာ်ထဲၢ်အသၱာ် ဟဲ ပၠၤကိအပွဲၤအတဲၤကမဳၤနဳၤ, စအဳလါကိာ် လၢ်ဝၤဒဳစတဲၤအံာ်လၤလၢ်ဝၤသးစါထံ အစာ် ဘိစအံာ် လၤ နံၤကဲၤဝၤနဳၤ. 9ကဘၱာ်စဲာ် တပ့ၢ်ဖးစဲာ်တစီာ်ကၱာ် ဝၤအဇဳၤနီး, မၤ နဲၢ်, စမဲၤ ပျၱမဲၤစါထဳလၢ်ဝၤ ဒဳစဲာ်တစီာ်အတဲၤဘူၣ် အစဲ နဳၤ. 10မဲၤကနဳၤခဳနူၤယဳၤ, သံသးအဲး ဘဲ လါမၤတဲၤဘံာ်တဲၤဇၢ်ဒဳအပျဲၢ် အဘီၣ် တစီာ်အခဳး, ထဲၢ်ဝၤကၱာ်ဝၤဖံဝၤဖူတစီာ် တဘံာ်တဇၢ်ကဲာ် ထာ်နီး, ကၱာ် မဲၤစာ်မၤဘၱာ်စဲာ်ကနဳၤနဲၢ်. 11နီး, ဝၤဘူၣ်ထဲၢ်ဝၤနံၤဘဲာ်တဲၤလှိထာ် က့ၤဒဳ ဘၱာ် စဲာ်ယ့ၣ်ရှူးအလှူၣ်အတါအခဳးအစဲ, အစာ်ဘိစဲာ် တစီာ် နဳၤ လီၤလီၤ.”
12အလၤဓ့ၢ်ပျဳာ်လၢ်ဝၤတစီာ် စၱးစၱး, အီၣ်ဓဳၤလီၤ, ကၱာ်ဆီးခ့ န့းကဲၤစီၤပီလူးကၱာ် စီၤဘၢ်နါဘၤ ဒီဆးစဲာ်ကဘၱာ်စဲာ်မဲၤနံၤကဲၤ ပွဲၤ သူ ကူာ်ဖဳးတစီာ်အနံၤခံ တဲၤဒဲလၱၢ်အစီးကျၱး စီးရှဲကၱာ်တဲၤအမီၤထဲတမိၢ်တမှါတစီာ်နဳၤ. 13ပၠၤတစီာ်ဒီဆးဝှါလၢ်ဝၤဒဳၣ်, စီၤယၤကိာ် ယၱၢ်ဘဲာ် ကဲၤ, “ယသဲပူၤဝ့ၤတစီာ်, ဆီးခ့န့းပီၢ် ယဲၤ,” စဒီၣ်ဓဳၤ. 14“စီၤရှံ မိၣ်ဒီဆးထဳထဲၢ်အအူဆူး, ကဘၱာ်စဲာ်ပြး တီၤလီၤကဲၤပွဲၤသူကူာ်ဖဳးတစီာ် အကလ့ၤနံၢ်ကိာ် စပၠၤတစီာ်အကျဲ ဒဳစမံၤအပူၤစာ်တဲၢ်နဳၤ. 15အယဳၤမၱာ်အဘဲာ်သရီာ်ကဲၤ ဝံတစီာ်အတဲၤ ယၱၢ်ဘဲာ်ဒဳစဲာ်စါထံအပူၤစာ် တဲၢ် နဳၤ, ထဲၢ်အဒီၣ်,
16‘အလ့ၤကါဘ့ယကက့ၤဘး,
ယကပြးက့ၤကီစီၤဒၤဝံးအရှံၣ်လၤဖြး,
ဒဳတဲၤကဲတဲၤအိးအကျဲ
ယကပြးထာ်က့ၤကီအသဲ.
17ပၠၤအခွံအသလဲအလဝ့ၤ,
ပွဲၤသူကူာ်ဖဳး ယရိၤလှဲးဒဳယမံၤစါထံအပူၤတစီာ် ကလ့ၤထၱးကီယဲၤ.
18ဘၱာ်စဲာ်ဒီၣ်ကဲၤလှ့အအူဆူး အီၣ်ယၱၢ်အီၣ်ကၠးကဲၤနဳၤ.’
19“မဲၤကနဳၤ ယသးအဲးဒီဆးသံမၱာ် ကတမီၤမဲၤပၤပွဲၤသူကူာ် ဖဳး ထဲၢ်အက့ၤဘးထၱး ဘၱာ်စဲာ်တစီာ်နီး, 20ဝၤကဝှ့းဒီဆးစဲာ် တစီာ်အကဒူၣ်တဲၤဟၱးတဲၤဘးအဘဲာ်လှူၣ်ထာ်အံာ် ပွဲၤယီၤအနှးနှါတစီာ်နဳၤ, အကဆဲးကိနံၤတဲၤလၤ သူးလၤကမဲာ်အလ့ၤ, အကဒူၣ်တဲၤဖဳးတဲၤဝ့ၤ အဘဲာ်စဳသံကီၢ်တစီာ်အဟၱးအဘး, ကၱာ်အကတအၣ်ပီၢ်တဲၤသွံၣ်တဲၤခဲး နီးနဳၤလီၤ,” စဒီၣ်လၢ် ဝၤဓဳၤ. 21“မၤနဲၢ်စီၤမိၤၡ့အပၠၤအဒီထိးဒီ တလဲၤတဲၤအီၣ် ကိအဒဳးဆီကၱာ် စဖးနံၤတပွဲး ပၠၤဒဳအအီၣ်ဘူၣ်ဘျီၣ်အပူၤကိမူၤနံၤဆီးဒဲနဳၤ,” စဒီဆးပၠၤတစီာ်ဓဳၤ.
အပျဲၢ်အဘီၣ်အစဲာ်ပရဳ
22အပျဲၢ်အဘီၣ်တစီာ်ကၱာ်အဓဳၤအပွ့ၤ တစီာ် လၤကျၤကဲၤ အကရိၤထာ် အပွဲၤဇဳၤအကဘဲာ်သဓဳလ့ၤဒဳ အၣ်တံၤအီာ်အူးပျဳာ်ပျဳာ်ကၱာ် စီၤပီလူးကၱာ်စီၤဘၢ်နါဘၤနဳၤဒဳၣ်, တဲၤအီၣ်ပျဳာ် သဒဲပျဳာ်အဳလါကိာ်တပွဲး ကဲၤ. စဲာ်တစီာ်ရိၤထာ် ကဲၤစီၤယူဒၤ, ထဲၢ်ပၠၤယဳၤစီၤဘၢ်စဘါကၱာ် စီၤ စံ လး, ထဲၢ်အဘူၣ်တဲၤတစီာ်လဲၢ်ဒဳ လဲၢ်ယး ကၠံၢ်ပွဲၤနဳၤ. 23ပၠၤနှး ကဲၤစကလ့ၤအံာ် စဲာ် အယဳၤတဘဲာ်နဳၤ.
“ဝၤ, သံသဲပူၤဝ့ၤအပျဲၢ်အဘီၣ် တစီာ်ကၱာ်အဓဳၤအပွ့ၤတစီာ်, နှူဆဲးသံသဲပူၤဝ့ၤ အအီၣ်လၤကဲၤ အစာ် ဘိပွဲၤသူကူာ်ဖဳး အအီၣ်ဒဳ အၣ်တံၤအီာ်အူး, စူၤရံက့ၤကၱာ်ကံၤလံၤကံက့ၤ ပူၤလဳစါစဲးတစီာ်နဳၤ. 24ဝၤသၱာ်ဟဲဘဲာ်ထဲၢ်ဒဳဝၤ ကျဲ တစီာ်စီာ်မဲၤဆဲးဆီး ဧီၢ်ထာ်ကဲၤတဲၤ ကၱာ်မဲၤတမီၤသးကဲၤသံနီးဒဳစတဲၤယၱၢ်ဘဲာ် တတီၤ အခဳးအစဲလီၤ. စဲာ်တစီာ်မဲၤကဲၤတဲၤ အယဳၤ, တဘဲာ်ဒဳဝၤတဲၤထူး လၤမှဲးလၤအပူၤနီး. 25မဲၤကနဳၤဝၤလၤကျၤကဲၤ လၢ်ဝၤအကရိၤထာ်အပွဲၤဇဳၤ အကသဓဳ လ့ၤဒဳသံအီၣ်, ပျဳာ်ပျဳာ်ကၱာ်စီၤဘၢ်နါ ဘၤ ကၱာ်စီၤပီလူး, 26ပၠၤထဲၢ်ဝၤဒဳ ဘဲာ် ယးဘဲာ်, အအံာ် လၤလဳၢ်သဳးလဳၢ်သးအန့ၤ ဒဳဘၱာ်စဲာ်ယ့ၣ်ရှူးခရၱာ်အမံၤအပူၤတစီာ် နဳၤ. 27ဝၤသဓဳလ့ၤကိာ်ဒီၣ်ကဲၤစီၤယူဒၤ ကၱာ်စီၤစံလး, အကသိထိးကီဝၤ, ဒဳဝၤဝှ့း လၤအိးစဲာ်အပူၤတစီာ်နဳၤ. 28သး စါထံပဲၢ်လၤထဳထဲၢ်ဝၤကတစဳကျဳၤကၠၱၢ်ကျဳၤ ပီၢ်သံကၱာ် တဲၤထဳး တဲၤပၤတမံနီး, 29မၱာ်သံကဒူၣ်ပီၢ်တဲၤအၣ်တဲၤအီ အဘဲာ် လှူၣ်ထာ်အံာ်ကဲၤပွဲၤယီၤတစီာ်နဳၤ, သံကတအၣ်ပီၢ်တဲၤသွံၣ်တဲၤခဲး နီး, ကၱာ်တဲၤဖဳးတဲၤဝ့ၤပၠၤစဳသံကီၢ်တစီာ်အဟၱးနီး ကၱာ်သံကတလၤ သူးလၤကမဲာ်ပီၢ်နီးနဳၤ. ဆဲး ကိနံၤပီၢ်တဲၤအယဳၤတစီာ်အလ့ၤ, ကၱာ် သံ ကမဲၤတပွဲးတဲၤအဘဲာ်လီၢ်. တဲၤမီၤဘဲာ်သံ.”
30ပွဲၤဇဳၤတစီာ်ဟဲးထာ်ကၱာ် လၤ ကဲၤဒဳအၣ်တံၤအီစအူးနဳၤ, ဒဳနဳၤစယဳၤလၤဓ့ၢ်ပျဳာ် လဳကဲၤတဲၤအီၣ်ပျဳာ်ဖဳးတစီာ်, ဝှါစအံာ်ကဲၤလၢ် ဝၤ စဲာ်ပရဳ. 31တဲၤအီၣ်ပျဳာ်ဖဳးတစီာ် ဖးဝှါစဲာ်, သးလဳၢ်သူလၤအံာ်ဆိး ကဲၤဒဳအအံာ် ခဳးအံာ်အါစဲာ်တစီာ်အခဳးအစဲနဳၤ. 32စီၤယူဒၤကၱာ်စီၤစံလးမၱာ်ဝံတစီာ်အခဳးအစဲ, စယၱၢ်ဘဲာ်အီၣ်ယၱၢ်အီၣ်ကၠး ကဲၤ, စအံာ်ခဳးအံာ်အါ ကၱာ် မဲၤမှ့းမဲၤကျဳၤကဲၤစသဲပူၤဝ့ၤတစီာ်နဳၤ. 33ပၠၤအယဳၤကၠံၢ်ပွဲၤအီၣ်တဒဳတဆး, မဲၤဝှါ သဲပူၤဝ့ၤ အဘူၣ်တဲၤတစီာ်ဘါ ပျဲးက့ၤမီၤမီၤ တပွဲးစဲာ်ကၱာ်စဲာ်တစီာ်က့ၤဘးထၱးကဲၤဒဳပၠၤအသဓဳစဲာ်တစီာ် အီၣ်နဳၤ. 34မၱာ်စီၤစံလးနဳၤ စအီၣ်တၤဓီဝ့ၤဘ့နဳၤ.
35စီၤပီလူးကၱာ်စီၤဘၢ်နါဘၤ အီၣ် ဝ့ၤဒဳအၣ်တံၤအီာ်အူးပူၤ, ပျဳာ်ပျဳာ်ကၱာ်ပၠၤအလဝ့ၤ တစီာ်, ဒီၣ်အူဒီဆးကဲၤကဘၱာ်စဲာ်အလ့ၢ် အဝှဲး ဒဳနဳၤ.
စီၤပီလူးဟဲးပၢ်စီၤဘၢ်နါဘၤ
36အလ့ၤကါ စီၤပီလူးဒီၣ်ကဲၤ စီၤဘၢ်နါဘၤကယဳၤ, “ဝၤကက့ၤဘးကၱာ် ဟဲးပိာ်ဒဳထၱးဒီဧဲၤ ပၠၤထဲၢ်ဝၤဒီၣ်အူဒီဆးနံၤ ကဲၤကဘၱာ်စဲာ်အလ့ၢ်အဝှဲးတစီာ်နဳၤ, စာ်ဘိ ထဲၢ်ဝၤကစာ်ထၱးဘဲာ်ပီၢ် ဝၤသဲပူၤသဲဝ့ၤတစီာ် မဲၤကဲၤစာ်တဲၢ်နဳၤ,” စဒီၣ်လၢ်ဝၤဓဳၤ. 37စီၤ ဘၢ်နါဘၤအံာ်ကဳအံာ် ကၠးစဲာ် အကယဳၤ စီၤယိၤဟၣ်မၢ်ကူး, 38ပရၤဆါစီၤပီလူး စာ်ထၱး ဒဳ စတတးယဳၤလၢ်ဝၤနီး, မၤနဲၢ်, စတအီၣ် ကိာ်လၢ်ဝၤအကါထိတဲၤမဲၤ ဝှါနီး, စပၢ်လၤ ဓ့ၢ်ကဲၤလၢ်ဝၤတစီာ် ဒဳပၣ် ဖူၤလံက့ၤနဳၤ ကၱာ် က့ၤဘးကဲၤ စလ့ၤကါအခဳးအစဲလီၤ. 39စထာ် ဓဳၤထာ်ရၤဝှါစဟဲးပၢ်ကဲၤလၢ်ဝၤ. စီၤဘၢ်နါဘၤယဳၤနံၤဝှါစီၤမၢ်ကူးဒဳၣ်, စဒီၣ်ထာ် သဲပီၤကၱာ်လ့ၤကဲၤဒဳကူ ပြူးနဳၤ. 40မၱာ် စီၤပီလူးနဳၤ, စရိၤ ထာ်ဝှါစီၤစံလးဒဳၣ်, စဟဲး ယဳၤ အံာ်ကဲၤလၢ်ဝၤ အစာ်ဘိသဲပူၤဝ့ၤတစီာ် အံာ်ကဳ အံာ်ကၠးစဲာ် ဒဳကဘၱာ်စဲာ် အလှူၣ်အတါအပူၤနဳၤ. 41စဲာ်ကၱာ်စီၤစံလး လ့ၤနံၢ်ကိာ်စူၤရံက့ၤကၱာ် ကံၤ လံၤကံ က့ၤအပူၤကၱာ် အံာ်ခဳးအံာ် အါ, မဲၤမှ့းမဲၤကျဳၤ တဲၤအီၣ်ပျဳာ်အအီၣ် ဒဳနဳၤတစီာ်လီၤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.