MARKA 16
16
Zingsuv Thupakhaana
(Mat 28.1-8; Luk 24.1-12; Jhn 20.1-10)
1Sabbath ning a chuo khutaata, Mary Magdalin, Jeim nung Mary hne Salome ca Zingsuv riyy thuv riypata ziyhmyi kha ama calyi. 2Ningzaa zaa kha a ning khanapa mawdiy ta thluo luo kha ama vaa. 3Luopuv lieta pakha hne pakha kha, “Thluo khaakhuvlung kha ahungma malie a hnyipa aa?” amaa ta. 4Ama mang ca thluo khaakhuvlung a lesapa ca a zaa hnyi tlipa kha ama hmung. 5Thluo chung luo ama vaa ngie ca pang ruopa a buvpa satlie pakha cacuoluo kuo ta aa tupa kha hmung yi te amaa pahlusa. 6Cuorasala ama ta, “Nama thlaa zang khah se; vieluo lie ama thiepa Nazareth khypa Zingsuv na nama huv cuo va ma? Ama ca a thu pakhaa tli; hingpa lie hing aw va tli. Ama ama pahlaanapa hmang hing mang tie ung. 7Cakuo ung la ziytuv tie hne Piter kha, ama ca aca changlupa haa yi khata nama hmie luo tana Galilee luo a silu tli, capa lie ca na nama va hmung aa, ta pata va chang tie ung” a ta yi.#Mat 26.32; Mar 14.28 8Caacuonakawta pya yi te thluo taa khata amaa ruo, ciysa yi te ama nang dyi a uo nakawta ahunghmuota khaapahmuo chang va yi.#16.8 Kuvtie caataw chekha lie ca tluo 8 lie hing ama pachuo sa. Kuvtie caataw suokha ta ca pachuosana pachang viepa lie hingta pachuo sa te, cadyiseca a hrangpa tie ta pachuosana a pachang viepa patepuo pata tluo 9-20 te ama patue chiy. Kuvtie caataw hluv vie lie ca tluo 9-20 hing tluo 8 hneta a patue paluo te, cadyiseca chekha ta ca hingpa caatluo tie hing a paluolue aa chiypa tana a cuo ama ta
MARKA THUOPHAA CHUONA A PACHANG VIEPA
(Iema'a luo ama changpa bangkhuo kha Piter hne a viesaa zaw kha a pachangta tah ama va chang. Cakhutaata Zingsuv ama hrahring khata a pathepa hne chuozaa hringna thuophaa ca ziytuv tie hmuo pata ningchiy taata ningtla te a pathyi sa.#16.8 Kuvtie caataw chekha tie lie ca Amen a bechiy)
MARKA THUOPHAA CHUONA A PASIY VIEPA
Mary Magdalin'a Lie Zingsuv Aa Luo
(Mat 28.9-10; Jhn 20.11-18)
9(Zaa kha lie a ning khanapa ning mawdiy ta a thu pakhaa khutaata Zingsuv ca khuevuo pasariy a papyanapa nung, Mary Magdalin'a lie kha aa luo taa. 10Mary Magdalin ca vaa te ama hne zaa aw hnepa tie kha ama ngiechisa pata ama caa nguoluo ning kha a va chang yi. 11Cuorasala Zingsuv a hringna kaw hne capa nung ta a hmungna kaw kha ama thyi tiyta zang va yi.
Ziytuv Pahning Tie'a Lie Aa Luo
(Luk 24.13-35)
12Cakhutaata Zingsuv ca ziytuv tie pahning khyta luo ama tlawna lie kha a phang hrang ta aa luo. 13Kaa yi te a hrangpa tie kha ama chang, cuorasala zang va yi.
Zingsuv Ta Ziytuv Tie A Pathlie Yi
(Mat 28.16-20; Luk 24.36-49; Jhn 20.19-23; Lct 1.6-8)
14Cakhutaata Zingsuv ca ziytuv hlyikha tie cabya lie amaa tu nguoluopa khata a luo te, zangna ama hnyi lina kaw hne ama palung a le tuvna kawlie kha a mawchie yi, tahematapakieca iema ta a thu pakhaa khutaata a hmungpa tie kha zang va yi. 15Cakhutaata ziytuv tie kyihuo khata, “Chuelyicung yalya luo kha si ung la sapa bangkhuo kha thuophaa va chang tie ung.#Lct 1.8 16Zang te tiy a nawpa ca khuo pata a cuo aa, a zang lipa ca suebieripana a ang aa. 17A zangpa tie ca hingpa pamangsana hmang hing ama tue khu aa: i ming ta khuevuo ama papya aa; ryi thaapa kha ama cyi aa; 18ama kuv ta#16.18 Kuvtie caataw chekha tie lie ca ama kuv ta tapa hing aw vyi pariy kha patuv'a yi te, thiysiyy ama dang zaw ta capa ca ta ruvnaana pi'a va yi; a pasapa cunglie ama kuv khang'a yi te ama tluo aa,” a ta yi.
Zingsuv Vuoruo Luo Kiena
(Luk 24.50-53; Lct 1.9-11)
19Abyipa Zingsuv ca iema'a lie bie a ri khutaata vuoruo luo kha calang pata cuo te Khazing cacuoluo kuo ta aa tu.#Lct 1.9-11 20Ziytuv tie ca ruo ting luo kha si yi te thuophaa kha ama phu; Abyipa ta iema'a lie kha re hrie te, ama phung ripa kha pamangsana hmang ta a pacu sale.#16.20 Kuvtie caataw chekha tie lie ca Amen a bechiy)
Currently Selected:
MARKA 16: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
MARKA 16
16
Zingsuv Thupakhaana
(Mat 28.1-8; Luk 24.1-12; Jhn 20.1-10)
1Sabbath ning a chuo khutaata, Mary Magdalin, Jeim nung Mary hne Salome ca Zingsuv riyy thuv riypata ziyhmyi kha ama calyi. 2Ningzaa zaa kha a ning khanapa mawdiy ta thluo luo kha ama vaa. 3Luopuv lieta pakha hne pakha kha, “Thluo khaakhuvlung kha ahungma malie a hnyipa aa?” amaa ta. 4Ama mang ca thluo khaakhuvlung a lesapa ca a zaa hnyi tlipa kha ama hmung. 5Thluo chung luo ama vaa ngie ca pang ruopa a buvpa satlie pakha cacuoluo kuo ta aa tupa kha hmung yi te amaa pahlusa. 6Cuorasala ama ta, “Nama thlaa zang khah se; vieluo lie ama thiepa Nazareth khypa Zingsuv na nama huv cuo va ma? Ama ca a thu pakhaa tli; hingpa lie hing aw va tli. Ama ama pahlaanapa hmang hing mang tie ung. 7Cakuo ung la ziytuv tie hne Piter kha, ama ca aca changlupa haa yi khata nama hmie luo tana Galilee luo a silu tli, capa lie ca na nama va hmung aa, ta pata va chang tie ung” a ta yi.#Mat 26.32; Mar 14.28 8Caacuonakawta pya yi te thluo taa khata amaa ruo, ciysa yi te ama nang dyi a uo nakawta ahunghmuota khaapahmuo chang va yi.#16.8 Kuvtie caataw chekha lie ca tluo 8 lie hing ama pachuo sa. Kuvtie caataw suokha ta ca pachuosana pachang viepa lie hingta pachuo sa te, cadyiseca a hrangpa tie ta pachuosana a pachang viepa patepuo pata tluo 9-20 te ama patue chiy. Kuvtie caataw hluv vie lie ca tluo 9-20 hing tluo 8 hneta a patue paluo te, cadyiseca chekha ta ca hingpa caatluo tie hing a paluolue aa chiypa tana a cuo ama ta
MARKA THUOPHAA CHUONA A PACHANG VIEPA
(Iema'a luo ama changpa bangkhuo kha Piter hne a viesaa zaw kha a pachangta tah ama va chang. Cakhutaata Zingsuv ama hrahring khata a pathepa hne chuozaa hringna thuophaa ca ziytuv tie hmuo pata ningchiy taata ningtla te a pathyi sa.#16.8 Kuvtie caataw chekha tie lie ca Amen a bechiy)
MARKA THUOPHAA CHUONA A PASIY VIEPA
Mary Magdalin'a Lie Zingsuv Aa Luo
(Mat 28.9-10; Jhn 20.11-18)
9(Zaa kha lie a ning khanapa ning mawdiy ta a thu pakhaa khutaata Zingsuv ca khuevuo pasariy a papyanapa nung, Mary Magdalin'a lie kha aa luo taa. 10Mary Magdalin ca vaa te ama hne zaa aw hnepa tie kha ama ngiechisa pata ama caa nguoluo ning kha a va chang yi. 11Cuorasala Zingsuv a hringna kaw hne capa nung ta a hmungna kaw kha ama thyi tiyta zang va yi.
Ziytuv Pahning Tie'a Lie Aa Luo
(Luk 24.13-35)
12Cakhutaata Zingsuv ca ziytuv tie pahning khyta luo ama tlawna lie kha a phang hrang ta aa luo. 13Kaa yi te a hrangpa tie kha ama chang, cuorasala zang va yi.
Zingsuv Ta Ziytuv Tie A Pathlie Yi
(Mat 28.16-20; Luk 24.36-49; Jhn 20.19-23; Lct 1.6-8)
14Cakhutaata Zingsuv ca ziytuv hlyikha tie cabya lie amaa tu nguoluopa khata a luo te, zangna ama hnyi lina kaw hne ama palung a le tuvna kawlie kha a mawchie yi, tahematapakieca iema ta a thu pakhaa khutaata a hmungpa tie kha zang va yi. 15Cakhutaata ziytuv tie kyihuo khata, “Chuelyicung yalya luo kha si ung la sapa bangkhuo kha thuophaa va chang tie ung.#Lct 1.8 16Zang te tiy a nawpa ca khuo pata a cuo aa, a zang lipa ca suebieripana a ang aa. 17A zangpa tie ca hingpa pamangsana hmang hing ama tue khu aa: i ming ta khuevuo ama papya aa; ryi thaapa kha ama cyi aa; 18ama kuv ta#16.18 Kuvtie caataw chekha tie lie ca ama kuv ta tapa hing aw vyi pariy kha patuv'a yi te, thiysiyy ama dang zaw ta capa ca ta ruvnaana pi'a va yi; a pasapa cunglie ama kuv khang'a yi te ama tluo aa,” a ta yi.
Zingsuv Vuoruo Luo Kiena
(Luk 24.50-53; Lct 1.9-11)
19Abyipa Zingsuv ca iema'a lie bie a ri khutaata vuoruo luo kha calang pata cuo te Khazing cacuoluo kuo ta aa tu.#Lct 1.9-11 20Ziytuv tie ca ruo ting luo kha si yi te thuophaa kha ama phu; Abyipa ta iema'a lie kha re hrie te, ama phung ripa kha pamangsana hmang ta a pacu sale.#16.20 Kuvtie caataw chekha tie lie ca Amen a bechiy)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.