LUKA 7
7
Zingsuv Ta Riebyipa Changtaapa A Patluo Sa
(Mat 8.5-13)
1Zingsuv ta hing bie bangkhuo hing zaapuv thyi pata a ri khutaata Kapernaum khy luo kha aa ngie. 2Capa lie a awpa riebyipa ta a due laalawpa a changtaapa pakha ca pasa te vuotaa a thiy'a nang. 3Riebyipa ca Zingsuv kaw kha a thyi tiyta Judah uvthyi tie kha pathlie yi te, a vaw pata a changtaapa kha a patluo sa riypata paa apa kie sa yi. 4Zingsuv'a luo ama pha tiyta, khuosa ta paa kie yi te, “Hingpa paa hing bya aa tla hrahringpa tana a cuo, 5tahematapakieca ma mingphang malie due te apungna-ing zaw malie a sapatuv tana a cuo,” ama ta. 6Caacuonakawta Zingsuv ca iema hne ca ta a cakuo, ing ama va pha'a nang tlipa khata riebyipa ta a viesaa zaw kha vya pathlie yi te, “Abyipa, na rie a pathyi khing khah, tahematapakieca kama ca i ingchung luo naa ngie riypata a tla va ang. 7Caacuonakawta nama'a luo a vaw riypa kha a nguo va ang. Cuorasala na ryi kaa kha na pathlie kieca i changtaapa ca a tluo aa. 8Tahematapakieca kama zaw hing i rieka tie hneta byi le viepa kuv rawlie a awpa tana i cuo. Pakha kha, ‘Cakuo!’ i ta kie cakuo te, a hrangpa pakha kha, ‘A vaw,’ i ta kie aa vaw; cakhutaata i sii a cuopa kha, ‘Hingpa hing tue,’ i ta kie a tue,” a ta. 9Zingsuv ta capa bie ca a thyi tiyta a nang-uosa te, a hnangluo a pali te a ziypa cawsaazaapuv kha, “Ica chang yi, Israel ming chunglie hmuota hing haapa zangna hing hmung buo va ang,” a ta. 10A pathliepa tie ca riebyipa ing luo kha ama kaa tiyta, a siipaapa a za tluopa kha ama hmung.
Nunghlyinung Sacapaa A Pathu Pakhaa
11Ca khu pahne ta#7.11 Kuvtie caataw chekha tie lie ca a mawluopa ta a ta Zingsuv ca Nain ama tapa khy luo kha si te a ziytuv tie hne cawsaazaapuv khata ama ziy. 12Khy hukaa a vya phapa khiy ta a thiypa a vya puvlepa tie kha ama vya pya. A thiypa ca nunghlyinung sacapaa, pakhata dyi a hnyi tlakuopa cuo te khychung ming a hluvsa ta a nung ca ama vya paziy. 13Abyipa ta capa nung ca a hmung tiyta ngiechi hringhruo te, “Caa khah,” a ta. 14Cakhutaata va cakuo te riyy thingkaw kha hrie te a vya puvlepa tie ca amaa daa. Zingsuv ta, “Satliepa, thu la ica ta!” a ta. 15A thiypa ca kya thu te bie a ri, cakhutaata Zingsuv ta a nung'a luo kha a pi. 16Iema bangkhuo ca ciysa yi te, Khazing kha ama pathuosa. “Kiema'a liena profet lepa aa luo! Khazing na a cawsaa zaw kha minghmie pha a pi tli yi!” ama ta. 17Zingsuv thuohlaa ca Judea hne a kiecahriy ruo ting khata a pathuo.
Tiynawtuv Johan'a Taata Biephyatuv Tie
(Mat 11.2-19)
18Capa thuohlaa bangkhuo ca Johan kha ama a ziytuv tie ta ama chang. Caacuonakawta Johan ta iema hraw taata pahning kha ku yi te, 19“Nama hing a vaw riypa paa cata na cuo ma, acuolikie cawsaa hrangpa kha ma huo kalie'a ma?” ta pata Abyipa kha va hiehriy riypata a pathlie yi. 20“Zingsuv'a luo ama vya chiy tiyta, ‘Nama hing a vaw riypa paa cata na cuo ma, acuolikie cawsaa hrangpa kha ma huo kalie'a ma?’ ta pata hiehriy riypa tana tiynawtuv Johan ta malie a vya pathlie,” ama ta. 21Zingsuv ta cawsaa a hluvpuv kha ama pasanapa a phangphang hne thlaapa chiepa ta a tuena taa yi ta patluo sa yi te a ming cuepa zaw a pahmung sa khu pahne yi ta a cuo. 22#Isa 35.5-6; Isa 61.1 Iema kha palie yi te, “Vaa ung la nama hmungpa hne nama thyipa hing Johan ca va chang tie ung: a ming cuepa tie ta ama hmung, a phyi cabiepa tie ta ama cakuo, caahminghmaa#7.22 Caahminghmaa tapa biesuo hing pasana phangphang tana zaw a cuo khu a phyapa tie ama pathe, a naa ruepa tie ta ama thyi, a thiypa tie thu pakhaa yi te a siypasapa tie kha thuophaa chang pata ama cuo tli. 23Kama naa du lipa tie ca thluechiypa tana ama cuo,” a ta yi.
24Johan biephyatuv tie ama cakuo khu pahne ta, Zingsuv ta cawsaazaapuv kha Johan kaw a chang yi: “Khaapa mang riypata ma ruocaapa luo ca nama pya? Thliy ta a canyipa phiepahlaa kung ma? 25Khaapa mang riypata ma nama pya? Cawsie phasapa a tuepa pakhakha mang riypata ma? Mang tie ung, cawsie phasapa a tuepa tie hne aa nuosa pata a awpa tie ca siepahruo ing lie muo ama aw ta. 26Caacuokieca khaapa mang riypata ma nama pya? Profet ma? A cuo, ica chang yi, profet laata a le viepa tana a cuo. 27#Mal 3.1 Caapathe lie a kaw a capepa ca,
‘Mang tie, nama luo caa sa daw riypa tana i biephyatuv kha
na hmieluo ta i pathlie aa,’ a ta.
28Ica chang yi, canung ta ama sapa zaw hrawlieta Johan laata a le viepa ahunghmuo aw va yi; cuorasala Khazing pena chunglie a caw cepa ca Johan laata a le vie,” a ta. 29#Mat 21.32; Luk 3.12 (Ngukhyituv tie a te ra pata, a bie a thyipa cawsaa bangkhuo ta Khazing biedangpa ca amaa paw, tahematapakieca iema ca Johan tiynawna a angpa tana ama cuo. 30Cuorasala Farasi ming hne Phungbie saya tie ca Johan tiynawna kha ang khing lipa yi ta Khazing ta ama cuota a tingpa kha ama thaw.)
31“Ata chuo cawsaa zaw hing khaapa hneta ma i pakhingpuo'a yi? Khaapa hne ma amaa lu? 32Chadawtluo lie a tu yi te phuv kha hne phuv kha a khisue pata,
‘Ramang maca tungpa yi,
cuorasala luo va ung ciy;
caana hlaa maacaa ngiypa yi,
cuorasala caa va ung ciy,'
a tapa haatiy tie hne tana amaa lu. 33Tahematapakieca tiynawtuv Johan kha viechuo ning li pata hne mingsuv dang li pata aa vaw ca niema ta, ‘Khuevuo na a hnyi,’ nama ta. 34Cawsaa Sacapaa ca ningpuo dangpuo pata aa vaw tiyta, niema ta, ‘Mang tie ung, ning a rangpa hne sahmaa a rangpa, ngukhyituv tie hne a suepa tie viesaa tana a cuo!’ nama ta. 35Cadyiseca singna ca a saa a nu zaw na aa hmuo hrahring a paluo sa yi,” a ta.
A Suena A Ngiethepa Canung
36Farasi ming pakha ta Zingsuv kha sa dung pakhaw riypata a ku. Zingsuv ta a ing luo ca vaa te cabya lie kha aa tu. 37#Mat 26.7; Mar 14.3; Jhn 12.3 Capa khy lie a awpa a suepa canung pakha ta Farasipa ing liena Zingsuv ta sa a ning tapa kha a thyi tiyta, alabaster ungthyi suokha ta ziyhmyi kha a vya cyi. 38Zingsuv hnangluo, a phyi thabaw lie kha a tu te, caa te a mingthliy ta Zingsuv phyi kha a tlasue nakawta a suo ta a hruv. Cakhutaata a phyi kha pahnuo te ziyhmyi a bya. 39Sa ning a upa Farasipa ta a hmung tiyta, ama hne ama kha, “Hingpa paa hing profet ta a cuo hmisi kieca ama a hriepa a suenung hing ahungma tapa hne tuokhaapa cawsaanung ta ma a cuo tapa kha a pachang aa,” a ta. 40Zingsuv ta, “Simon ica chang khingpa na a aw,” a ta. Simon ta, “Saya, ri tie,” a ta. 41Zingsuv ta, “Tuokaa ducyi a pipa paa lie tuokaa ducyi a lapa pahning ama aw. Pakha ta denarii#7.41 Denarii suokha ca kuliy re a hriepa pakha a ning kha thavie tana a cuo zapangaa a uo te a hrangpa pakha ta sawngaa aa uo. 42Ama pi khu li tiyta ama pahning khata aa ngiethe yi. Caacuokieca ahung ma ama ca a due vie aa?” a ta. 43Simon ta, “Lyibuo a hluv vie aa ngiethepa paa khana a due vie aa, tapa tana i rue,” a ta. Zingsuv ta, “Aa hmuopa na na ri,” a ta. 44Cawsaanung'a luo kha a pali te Simon kha, “Hingpa nung hing na hmung ma? Na ing chung luo kha i vya ngie: cuorasala i phyi a siyna riypa tiy na pi vaciy, cadyiseca hingpa nung hingta i phyi kha a mingthliy ta pasiy te a suo ta a hruv. 45Nama ca na pahnuo vaciy, cuorasala hingpa nung hing ca i vya ngie yalya ta ata te hingta ci li pata i phyi kha a pahnuo. 46Nama ca i luv kha sathu na pathuv vaciy, cuorasala ama ca i phyi kha ziyhmyi ta a bya. 47Caacuonakawta ica chang, a suena hluvpuv ca a ngiethe pata a cuo tli nakawta duena lepuv a paluo sa. Cuorasala a suena a cawta dyi a ngiethepa ca duena a cawta dyina a paluo sa ra,” a ta. 48Cakhutaata Zingsuv ta cawsaanung kha, “Na suena ca a ngiethe pata a cuo tli,” a ta. 49Cuorasala saningna cabya lie ama hne a tuhnepa tie khata iema hrawlie kha, “Suena hmuo a ngiethepa paa hing ahungtama a cuo?” amaa ta. 50Zingsuv ta cawsaanung kha, “Na zangna na caa khuo tli: thlaalungna hneta cakuo tie,” a ta.
Currently Selected:
LUKA 7: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
LUKA 7
7
Zingsuv Ta Riebyipa Changtaapa A Patluo Sa
(Mat 8.5-13)
1Zingsuv ta hing bie bangkhuo hing zaapuv thyi pata a ri khutaata Kapernaum khy luo kha aa ngie. 2Capa lie a awpa riebyipa ta a due laalawpa a changtaapa pakha ca pasa te vuotaa a thiy'a nang. 3Riebyipa ca Zingsuv kaw kha a thyi tiyta Judah uvthyi tie kha pathlie yi te, a vaw pata a changtaapa kha a patluo sa riypata paa apa kie sa yi. 4Zingsuv'a luo ama pha tiyta, khuosa ta paa kie yi te, “Hingpa paa hing bya aa tla hrahringpa tana a cuo, 5tahematapakieca ma mingphang malie due te apungna-ing zaw malie a sapatuv tana a cuo,” ama ta. 6Caacuonakawta Zingsuv ca iema hne ca ta a cakuo, ing ama va pha'a nang tlipa khata riebyipa ta a viesaa zaw kha vya pathlie yi te, “Abyipa, na rie a pathyi khing khah, tahematapakieca kama ca i ingchung luo naa ngie riypata a tla va ang. 7Caacuonakawta nama'a luo a vaw riypa kha a nguo va ang. Cuorasala na ryi kaa kha na pathlie kieca i changtaapa ca a tluo aa. 8Tahematapakieca kama zaw hing i rieka tie hneta byi le viepa kuv rawlie a awpa tana i cuo. Pakha kha, ‘Cakuo!’ i ta kie cakuo te, a hrangpa pakha kha, ‘A vaw,’ i ta kie aa vaw; cakhutaata i sii a cuopa kha, ‘Hingpa hing tue,’ i ta kie a tue,” a ta. 9Zingsuv ta capa bie ca a thyi tiyta a nang-uosa te, a hnangluo a pali te a ziypa cawsaazaapuv kha, “Ica chang yi, Israel ming chunglie hmuota hing haapa zangna hing hmung buo va ang,” a ta. 10A pathliepa tie ca riebyipa ing luo kha ama kaa tiyta, a siipaapa a za tluopa kha ama hmung.
Nunghlyinung Sacapaa A Pathu Pakhaa
11Ca khu pahne ta#7.11 Kuvtie caataw chekha tie lie ca a mawluopa ta a ta Zingsuv ca Nain ama tapa khy luo kha si te a ziytuv tie hne cawsaazaapuv khata ama ziy. 12Khy hukaa a vya phapa khiy ta a thiypa a vya puvlepa tie kha ama vya pya. A thiypa ca nunghlyinung sacapaa, pakhata dyi a hnyi tlakuopa cuo te khychung ming a hluvsa ta a nung ca ama vya paziy. 13Abyipa ta capa nung ca a hmung tiyta ngiechi hringhruo te, “Caa khah,” a ta. 14Cakhutaata va cakuo te riyy thingkaw kha hrie te a vya puvlepa tie ca amaa daa. Zingsuv ta, “Satliepa, thu la ica ta!” a ta. 15A thiypa ca kya thu te bie a ri, cakhutaata Zingsuv ta a nung'a luo kha a pi. 16Iema bangkhuo ca ciysa yi te, Khazing kha ama pathuosa. “Kiema'a liena profet lepa aa luo! Khazing na a cawsaa zaw kha minghmie pha a pi tli yi!” ama ta. 17Zingsuv thuohlaa ca Judea hne a kiecahriy ruo ting khata a pathuo.
Tiynawtuv Johan'a Taata Biephyatuv Tie
(Mat 11.2-19)
18Capa thuohlaa bangkhuo ca Johan kha ama a ziytuv tie ta ama chang. Caacuonakawta Johan ta iema hraw taata pahning kha ku yi te, 19“Nama hing a vaw riypa paa cata na cuo ma, acuolikie cawsaa hrangpa kha ma huo kalie'a ma?” ta pata Abyipa kha va hiehriy riypata a pathlie yi. 20“Zingsuv'a luo ama vya chiy tiyta, ‘Nama hing a vaw riypa paa cata na cuo ma, acuolikie cawsaa hrangpa kha ma huo kalie'a ma?’ ta pata hiehriy riypa tana tiynawtuv Johan ta malie a vya pathlie,” ama ta. 21Zingsuv ta cawsaa a hluvpuv kha ama pasanapa a phangphang hne thlaapa chiepa ta a tuena taa yi ta patluo sa yi te a ming cuepa zaw a pahmung sa khu pahne yi ta a cuo. 22#Isa 35.5-6; Isa 61.1 Iema kha palie yi te, “Vaa ung la nama hmungpa hne nama thyipa hing Johan ca va chang tie ung: a ming cuepa tie ta ama hmung, a phyi cabiepa tie ta ama cakuo, caahminghmaa#7.22 Caahminghmaa tapa biesuo hing pasana phangphang tana zaw a cuo khu a phyapa tie ama pathe, a naa ruepa tie ta ama thyi, a thiypa tie thu pakhaa yi te a siypasapa tie kha thuophaa chang pata ama cuo tli. 23Kama naa du lipa tie ca thluechiypa tana ama cuo,” a ta yi.
24Johan biephyatuv tie ama cakuo khu pahne ta, Zingsuv ta cawsaazaapuv kha Johan kaw a chang yi: “Khaapa mang riypata ma ruocaapa luo ca nama pya? Thliy ta a canyipa phiepahlaa kung ma? 25Khaapa mang riypata ma nama pya? Cawsie phasapa a tuepa pakhakha mang riypata ma? Mang tie ung, cawsie phasapa a tuepa tie hne aa nuosa pata a awpa tie ca siepahruo ing lie muo ama aw ta. 26Caacuokieca khaapa mang riypata ma nama pya? Profet ma? A cuo, ica chang yi, profet laata a le viepa tana a cuo. 27#Mal 3.1 Caapathe lie a kaw a capepa ca,
‘Mang tie, nama luo caa sa daw riypa tana i biephyatuv kha
na hmieluo ta i pathlie aa,’ a ta.
28Ica chang yi, canung ta ama sapa zaw hrawlieta Johan laata a le viepa ahunghmuo aw va yi; cuorasala Khazing pena chunglie a caw cepa ca Johan laata a le vie,” a ta. 29#Mat 21.32; Luk 3.12 (Ngukhyituv tie a te ra pata, a bie a thyipa cawsaa bangkhuo ta Khazing biedangpa ca amaa paw, tahematapakieca iema ca Johan tiynawna a angpa tana ama cuo. 30Cuorasala Farasi ming hne Phungbie saya tie ca Johan tiynawna kha ang khing lipa yi ta Khazing ta ama cuota a tingpa kha ama thaw.)
31“Ata chuo cawsaa zaw hing khaapa hneta ma i pakhingpuo'a yi? Khaapa hne ma amaa lu? 32Chadawtluo lie a tu yi te phuv kha hne phuv kha a khisue pata,
‘Ramang maca tungpa yi,
cuorasala luo va ung ciy;
caana hlaa maacaa ngiypa yi,
cuorasala caa va ung ciy,'
a tapa haatiy tie hne tana amaa lu. 33Tahematapakieca tiynawtuv Johan kha viechuo ning li pata hne mingsuv dang li pata aa vaw ca niema ta, ‘Khuevuo na a hnyi,’ nama ta. 34Cawsaa Sacapaa ca ningpuo dangpuo pata aa vaw tiyta, niema ta, ‘Mang tie ung, ning a rangpa hne sahmaa a rangpa, ngukhyituv tie hne a suepa tie viesaa tana a cuo!’ nama ta. 35Cadyiseca singna ca a saa a nu zaw na aa hmuo hrahring a paluo sa yi,” a ta.
A Suena A Ngiethepa Canung
36Farasi ming pakha ta Zingsuv kha sa dung pakhaw riypata a ku. Zingsuv ta a ing luo ca vaa te cabya lie kha aa tu. 37#Mat 26.7; Mar 14.3; Jhn 12.3 Capa khy lie a awpa a suepa canung pakha ta Farasipa ing liena Zingsuv ta sa a ning tapa kha a thyi tiyta, alabaster ungthyi suokha ta ziyhmyi kha a vya cyi. 38Zingsuv hnangluo, a phyi thabaw lie kha a tu te, caa te a mingthliy ta Zingsuv phyi kha a tlasue nakawta a suo ta a hruv. Cakhutaata a phyi kha pahnuo te ziyhmyi a bya. 39Sa ning a upa Farasipa ta a hmung tiyta, ama hne ama kha, “Hingpa paa hing profet ta a cuo hmisi kieca ama a hriepa a suenung hing ahungma tapa hne tuokhaapa cawsaanung ta ma a cuo tapa kha a pachang aa,” a ta. 40Zingsuv ta, “Simon ica chang khingpa na a aw,” a ta. Simon ta, “Saya, ri tie,” a ta. 41Zingsuv ta, “Tuokaa ducyi a pipa paa lie tuokaa ducyi a lapa pahning ama aw. Pakha ta denarii#7.41 Denarii suokha ca kuliy re a hriepa pakha a ning kha thavie tana a cuo zapangaa a uo te a hrangpa pakha ta sawngaa aa uo. 42Ama pi khu li tiyta ama pahning khata aa ngiethe yi. Caacuokieca ahung ma ama ca a due vie aa?” a ta. 43Simon ta, “Lyibuo a hluv vie aa ngiethepa paa khana a due vie aa, tapa tana i rue,” a ta. Zingsuv ta, “Aa hmuopa na na ri,” a ta. 44Cawsaanung'a luo kha a pali te Simon kha, “Hingpa nung hing na hmung ma? Na ing chung luo kha i vya ngie: cuorasala i phyi a siyna riypa tiy na pi vaciy, cadyiseca hingpa nung hingta i phyi kha a mingthliy ta pasiy te a suo ta a hruv. 45Nama ca na pahnuo vaciy, cuorasala hingpa nung hing ca i vya ngie yalya ta ata te hingta ci li pata i phyi kha a pahnuo. 46Nama ca i luv kha sathu na pathuv vaciy, cuorasala ama ca i phyi kha ziyhmyi ta a bya. 47Caacuonakawta ica chang, a suena hluvpuv ca a ngiethe pata a cuo tli nakawta duena lepuv a paluo sa. Cuorasala a suena a cawta dyi a ngiethepa ca duena a cawta dyina a paluo sa ra,” a ta. 48Cakhutaata Zingsuv ta cawsaanung kha, “Na suena ca a ngiethe pata a cuo tli,” a ta. 49Cuorasala saningna cabya lie ama hne a tuhnepa tie khata iema hrawlie kha, “Suena hmuo a ngiethepa paa hing ahungtama a cuo?” amaa ta. 50Zingsuv ta cawsaanung kha, “Na zangna na caa khuo tli: thlaalungna hneta cakuo tie,” a ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.