LUKA 1
1
Theofilas'a Luo Capepa Caa
1Cawsaa hluvpuv ta kiema hrawlieta a zaa cuopa hmang kaw kha a pha ce pata cape a maa zaa zue. 2A hruothu ningta ming ta zaa hmungpa tie malie ama changpa hne hing bie zaa phutuv tie ta kiema malie ama changpa haata ama cape. 3Kama zaw ta hmang bangkhuo hing a hruothu taata a phasa pata i khieluo diy khutaata, 4vya abyipa Theofilas, aca chang ciepa yi hne aa patuv pata hmang dangpa bangkhuo kha a tlingsa pata hne aa hmuosa pata na pachang riypata, hingpa caa hing na cuota suokha hnang suokha, aa paziy pata cape ra riypata bie i chi.
Tiynawtuv Johan Puvna
5 #
1Chr 24.10
Herod kha Judea ruo lie siepahruo a cuo ningta, Abijah tluobyi phang a cuo rapa tluobyi Zekhariah a za aw. A napuvnung ca Aaron ciypathla ta cuo te a ming ca Elizabeth ta a cuo. 6Ama pahning ta Khazing minghmungna lie aa dangpa cuo yi te Abyipa phungbie hne nawpipa bangkhuo chunglie risie riypa aw li pata ama hring. 7Cuorasala saata hnyi khu va yi, tahematapakieca Elizabeth ca cing te, ama pahning ta ama nungpuv ama macuo mangtli.
8Luo kha ca a re hrie cuo pha te Khazing hmiekunglie tluobyi re a hrie nguoluo ning kha, 9Abyipa hmangpathepa chung luo a ngie pata, bienatluophie cunglie rangpa-ue rue riypata tluobyi tie ama ziyphung haata vyisung a da yi te ama kha amaa tlaw. 10Rangpa-ue rue cuo ning ca cawsaa bangkhuo ca ale lie a daa yi te thlaa ama chuo nguoluo. 11Cakhutaata, ama'a luo kha Abyipa avuoming pakha zaa luo te rangpa-ue ruenapa cacuoluo kuo khata aa daa. 12Zekhariah ta a hmung ca a thlaa zangsa te a ciy hringhruo. 13Cuorasala avuoming khata, “Ciy khah, Zekhariah! Na thlaachuona ca thyipa pata na cuo tli. Na napuvnung Elizabeth ta sacapaa ca sapa'a te ama kha Johan ta pata ming na sa aa. 14Palungtluona hne alawna hnyi'a ung cate, ama puvna kawlie hingta cawsaa hluvpuv ama palung a tluo aa. 15#Mlr 6.3 Tahematapakieca ama ca Abyipa hmungna lie cawsaa lepa a cuo aa. Mingsuvtiy cuose, sahmaa hne zuvre cuose, dang'a vyi; a za puv hluo taata Thlaapa Pathe ta a bi aa. 16Israel ming hluvpuv kha ama Byipaapa ama Khazing'a luo a vya kaakhyi'a yi. 17#Mal 4.5-6 Ama ca Profet Elijah haata a cahrapa hne hmang a tue khupa ta a cuo aa. Nungpaa zaw pathiypalung kha saata zaw'a luo maa riypa cuose, ri a ngie lipa tie kha cawsaa phapa tie ruena pahnyi sa pakhaa riypa hne, Abyipa cawsaa zaw kha a cuota ting pacie pata chi riypata, Elijah thlaapa hne cahrana ta bi'a te Abyipa hmieluo ta a silu aa,” a ta. 18Zekhariah ta avuoming kha, “Na ripa haata a cuo aa tapa kha tuokhaatama i pachang aa? Kama hing macuo tli angte i napuvnung zaw a nungpuvsa tli,” a ta. 19#Dan 8.16; 9.21 Avuoming ta, “Kama hing Gabriel tana i cuo. Khazing hmiekunglie a daapa ta cuo angte, nama'a lie bie ri riypa hne hingpa thuophaa hing chang riypata pathliepa tana i cuo. 20Cuorasala a ning hne a cuo a pha thueta a vya tling riypa i bie na zang li nakaw hingta, capa hmang a vya tlingna te, na ueryi chiy li pata, bie ri khu'a vaciy,” a ta.
21Capa chung bangkhuo ca cawsaa ta Zekhariah kha huo yi te, hmangpathepa chunglie cacuo nanaa a rupa kha ama kharue a haa. 22A kya pya tiyta iema kha chaw va tli yi, caacuonakawta hmangpathepa chungliena muocuo suokhakha a hmung tapa kha ama pachang. Iema'a lie kha a kuv a phyi dyi ta paluo sa te bie ri khu vyi. 23A re hrie riypa a chuo taata ing luo kha a cakuo.
24Cakhutaata a napuvnung Elizabeth ca nu phya te thla pangaa chung ale luo pya li pata a aw. 25Elizabeth ta, “Abyipa ta i cuo ta a tuepa ca hingpa hing tana a cuo, tlechuona hne na za mang te i cawsaa zaw hrawlie nangzaana i za angpa kha ina lapa tli,” a ta.
Zingsuv Puvna Kaw Riluna
26A thla caruvnapa chunglie kha Khazing ta avuoming Gabriel ca Galilee ruo Nazareth khy lie a awpa, 27#Mat 1.18 David ciypathla Josef hneta a chiyhie riypata biekuona a hnyi tlipa lesaa pathenung Mary'a luo kha a pathlie. 28Avuoming ca ama'a luo kha a vaw te, “Abyipa hmiephaa a hmung nung! Na cunglie thluechiy aw mang sue. Abyipa ca nama'a liena a aw”#1.28 Kuvtie caataw chekha lie ca, ‘Canung zaw hrawlie thluechiy a hmung nung tana na cuo,’ a ta. a ta. 29Mary ca avuoming bie khata khuopuv ta a palung patawpamuo te hing bie-achangna hing tuokhaapa bie-achangna tama a cuo ta pata a siyluo kha nang-uosa pata a rue. 30Avuoming ta, “Mary, Ciy khah, tahematapakieca Khazing na hmiephaa caa pi. 31#Mat 1.21 Nu phya'a cate, sacapaa hnyi'a cate a ming ca Zingsuv ta pata na sa aa. 32#2Sam 7.12,13,16; Isa 9.7 Ama ca cawsaa lesyipa cuo'a te, Cungnungce Sacapaa ama ta aa. Abyipa Khazing ta a mingpa David byithude kha a pi aa. 33Jakob ciypathla zaw cunglie kha chuozaa ta siepahruo cuo'a te, a pena ca chuo buo'a vyi,” a ta. 34Mary ta avuoming kha, “Kama ca lesaa pathenung tana i cuo, tuokhaatama cahaacata a cuo the aa?” a ta. 35Avuoming ta, “Thlaapa Pathe ca na cunglie za aw'a te, Cungnungce cahrana ta nama kha ningdiy haata aca buv aa. Caacuonakawta zaa puvpa sacapaa ca a pathepa ta cuo'a te, Khazing Sacapaa ta pata kupa a cuo aa. 36Ata zaw hing nama tieriy ta a cuopa, a cing nung ama tapa Elizabeth ca a nungpuv tli pata sacapaa kha phya te thla caruv a ta tli. 37#Sah 18.14 Tahematapakieca Khazing ta a tue khu lipa khaapahmuo aw vyi,” a ta. 38Mary ta, “Kama ca Khazing changtaanung tana i cuo, na ripa haata i cunglie tlung thluo se,” a ta. Cakhutaata avuoming ta a thuse.
Mary Ta Elizabeth A Parie
39Capa chung ca ta Mary ca a tha te tluocung ruo lie a awpa Judah ming khy khy kha luo kha a pahraasa pata a si. 40Zekhariah ing luo kha a ngie te Elizabeth kha bie aa chang. 41Mary ta Elizabeth bie aa changpa kha Elizabeth ta a thyi tiyta a riy chunglie a awpa nu ca aa cathlu. Elizabeth ca Thlaapa Pathe ta bi te, khuopuv ta u te, 42“Nama ca canung bangkhuo hrawlie thluechiy ce nung tana na cuo, na hnyi riypa haatiy zaw hing thluechiypa tana a cuo. 43Khaapanakawma hingpa hmang hing i cunglie tlung te, i Byipaapa a nung ta ina vya parie? 44Nama bie inaa changpa i thyi pahne ta i chunglie nu ca palungtluona hne aa cathlu. 45Abyipa ta ama'a luo a changpa bie ca a cunglie a tling hrahring aa ta pata a zang nung ca kha tluv ta thluechiypa tama a cuo!” a ta.
Mary Sapa Pathuosana Hlaa
46 #
1Sam 2.1-10
Cakhutaata Mary ta,
“I pathiypalung ta Abyipa a pathuosa;
47i hringna ca naa Khuotuv Khazing cunglie aa law,
48 #
1Sam 1.11
ri tluo lipa a changtaanung hing,
ama ta inaa thyi pari.
Ataning taa hingta chuo bangkhuo ta
thluechiynung ina ta'a yi,
49Cungnungce Khazing ta
i cunglie hmanglepuv a tue mangtli.
A ming ca a pathe;
50Chuo kha hnang chuo kha ta
ama a ciyzaapa tie cunglie,
a nangduena a paluo sa.
51Ama ta a buo kha pazuo te
a hruo a tlepa tie kha
ama khuekhuona hne a chepatlaa diy yi.
52 #
Job 5.11; 12.19 A cahrasapa siepahruo tie kha
ama byithude taata pacung yi te,
nutaapa tie kha a calang yi;
53ama nang a diypa tie kha
hmang phapa ta ama riy pabi yi te,
a hnyirungpa tie kha kuv cahri pata a padiy sa yi.
54A nangduena a thyi pakhaana ta,
a changtaapa Israel kha aa bya tli,
55 #
Sah 17.7
mingchingmingvuo tie'a lie hne
Abraham'a lie hne a ciypathla tie cunglie
chuozaa cuota bie aa kuopa haata,” a ta.
56Mary ca Elizabeth'a lie kha thla thung tluv a aw khutaata a ing luo a kaa.
Tiynawtuv Johan Puvna
57Elizabeth ca a ningthlaa vya tling te sacapaa a sa. 58Abyipa na nangduena lesapa a pahmung sa tapa kha a ingpaa hne a tieriy zaw ta ama thyi tiyta ama palung a tluokhyi hringhruo.
59 #
Tbr 12.3
A ning carinapa lieta haatiy kha vangdaw te riypata a vawkhyi yi te, a paa ming la pata, Zekhariah ta pata ming paphya amaa ting. 60Cuorasala a nung ta, “Cuo vyi, ama ca Johan ta pata kupa tana a cuo aa,” a ta. 61Iema ta, “Niema phang chunglie cahaapaapa ming a phyapa pakha hmuo aw va ung ciy,” ama ta. 62Cakhutaata a paa kha ama kuv ta pahmungsana tue yi te, haatiy ming tuokhaatama a paphya khing tapa kha ama hiehriy. 63Zekhariah ta caahnaa kha a hie yi te, “A ming ca Johan tana a cuo,” ta pata a cape. Ama bangkhuo ta ama kharue a haasa. 64Ca khu pahne ta Zekhariah ca bie ri khu pakhaa te Khazing kha a pathuosa. 65Ama ingpaa zaw ca ama thlaa zangsa te, capa chiycuona bangkhuo ca Judea pe tluocung ruo bangkhuo kha a pathuo. 66Capa thuo a thyipa bangkhuo ta pacuo syalya yi te, “Hingpa haatiypa hing khaapama a vya lu syalya aa?” ama ta. Tahematapakieca Abyipa cahrana ca a cunglie a aw hmisi.
Zekhariah Profetbiephu
67Cakhutaata a paa Zekhariah ca Thlaapa Pathe ta bi te hingpa profetbiephu hing a ri:
68“Israel Khazing, Abyipa cunglie
thluechiy aw mang sue,
tahematapakieca a cawsaa zaw kha tlechuona hne
mang yi te a khuo yi.
69Ma cuota a cahrapa Khuotuv kha,
a changtaapa David ciypathla chungtaata a padaa tli.
70Hluo ning a pathepa profet tie
palyipakaa taata bie a za ripa haata
71ma carie tie hne malie a huepa tie
kuv chungtaata khuo pata ma cuo aa.
72Cahaacata ma mingchingmingvuo tie kha nangduena ta bie kuo yi te,
a pathepa a biekuona kha aa thyi.
73Kiema pi riypata Mingpa Abraham'a lie bie aa kuopa ca,
74ma carie tie kuv taata khuo pata a cuopa kiema ta
ciyna hnyi li pata
75pathena hne adangna ta
a hmiekunglie chuozaa ta a re ma hrie riypa khata a cuo.
76 #
Mal 3.1
I saa, nama ca Cungnungce
profet ta pata kupa na cuo aa;
tahematapakieca a luo zaw kha sa pacie riypata Abyipa hmieluo ta si'a cate,
77a cawsaa zaw kha ama suena a ngiethe pata
khuona kaw a pachang sa riypata na cuo aa.
78Ma Khazing nangne nangduena thueta,
cungluo taata mawdiy ningkhepa
ma cunglie za cung'a te,
79 #
Isa 9.2
zingna chunglie a tupa tie hne
thiyna ningdiy rawlie a awpa tie kha,
khena pi riypata a cuo aa.
Kiema kha diena luopuv luo malie aa chiy aa,” a ta.
80Haatiy ca lethaw te thlaapa lie a cahra, Israel ming'a lie zaapuv hmung pata aa luo hluo li ruocaapa lie kha a aw.
Currently Selected:
LUKA 1: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
LUKA 1
1
Theofilas'a Luo Capepa Caa
1Cawsaa hluvpuv ta kiema hrawlieta a zaa cuopa hmang kaw kha a pha ce pata cape a maa zaa zue. 2A hruothu ningta ming ta zaa hmungpa tie malie ama changpa hne hing bie zaa phutuv tie ta kiema malie ama changpa haata ama cape. 3Kama zaw ta hmang bangkhuo hing a hruothu taata a phasa pata i khieluo diy khutaata, 4vya abyipa Theofilas, aca chang ciepa yi hne aa patuv pata hmang dangpa bangkhuo kha a tlingsa pata hne aa hmuosa pata na pachang riypata, hingpa caa hing na cuota suokha hnang suokha, aa paziy pata cape ra riypata bie i chi.
Tiynawtuv Johan Puvna
5 #
1Chr 24.10
Herod kha Judea ruo lie siepahruo a cuo ningta, Abijah tluobyi phang a cuo rapa tluobyi Zekhariah a za aw. A napuvnung ca Aaron ciypathla ta cuo te a ming ca Elizabeth ta a cuo. 6Ama pahning ta Khazing minghmungna lie aa dangpa cuo yi te Abyipa phungbie hne nawpipa bangkhuo chunglie risie riypa aw li pata ama hring. 7Cuorasala saata hnyi khu va yi, tahematapakieca Elizabeth ca cing te, ama pahning ta ama nungpuv ama macuo mangtli.
8Luo kha ca a re hrie cuo pha te Khazing hmiekunglie tluobyi re a hrie nguoluo ning kha, 9Abyipa hmangpathepa chung luo a ngie pata, bienatluophie cunglie rangpa-ue rue riypata tluobyi tie ama ziyphung haata vyisung a da yi te ama kha amaa tlaw. 10Rangpa-ue rue cuo ning ca cawsaa bangkhuo ca ale lie a daa yi te thlaa ama chuo nguoluo. 11Cakhutaata, ama'a luo kha Abyipa avuoming pakha zaa luo te rangpa-ue ruenapa cacuoluo kuo khata aa daa. 12Zekhariah ta a hmung ca a thlaa zangsa te a ciy hringhruo. 13Cuorasala avuoming khata, “Ciy khah, Zekhariah! Na thlaachuona ca thyipa pata na cuo tli. Na napuvnung Elizabeth ta sacapaa ca sapa'a te ama kha Johan ta pata ming na sa aa. 14Palungtluona hne alawna hnyi'a ung cate, ama puvna kawlie hingta cawsaa hluvpuv ama palung a tluo aa. 15#Mlr 6.3 Tahematapakieca ama ca Abyipa hmungna lie cawsaa lepa a cuo aa. Mingsuvtiy cuose, sahmaa hne zuvre cuose, dang'a vyi; a za puv hluo taata Thlaapa Pathe ta a bi aa. 16Israel ming hluvpuv kha ama Byipaapa ama Khazing'a luo a vya kaakhyi'a yi. 17#Mal 4.5-6 Ama ca Profet Elijah haata a cahrapa hne hmang a tue khupa ta a cuo aa. Nungpaa zaw pathiypalung kha saata zaw'a luo maa riypa cuose, ri a ngie lipa tie kha cawsaa phapa tie ruena pahnyi sa pakhaa riypa hne, Abyipa cawsaa zaw kha a cuota ting pacie pata chi riypata, Elijah thlaapa hne cahrana ta bi'a te Abyipa hmieluo ta a silu aa,” a ta. 18Zekhariah ta avuoming kha, “Na ripa haata a cuo aa tapa kha tuokhaatama i pachang aa? Kama hing macuo tli angte i napuvnung zaw a nungpuvsa tli,” a ta. 19#Dan 8.16; 9.21 Avuoming ta, “Kama hing Gabriel tana i cuo. Khazing hmiekunglie a daapa ta cuo angte, nama'a lie bie ri riypa hne hingpa thuophaa hing chang riypata pathliepa tana i cuo. 20Cuorasala a ning hne a cuo a pha thueta a vya tling riypa i bie na zang li nakaw hingta, capa hmang a vya tlingna te, na ueryi chiy li pata, bie ri khu'a vaciy,” a ta.
21Capa chung bangkhuo ca cawsaa ta Zekhariah kha huo yi te, hmangpathepa chunglie cacuo nanaa a rupa kha ama kharue a haa. 22A kya pya tiyta iema kha chaw va tli yi, caacuonakawta hmangpathepa chungliena muocuo suokhakha a hmung tapa kha ama pachang. Iema'a lie kha a kuv a phyi dyi ta paluo sa te bie ri khu vyi. 23A re hrie riypa a chuo taata ing luo kha a cakuo.
24Cakhutaata a napuvnung Elizabeth ca nu phya te thla pangaa chung ale luo pya li pata a aw. 25Elizabeth ta, “Abyipa ta i cuo ta a tuepa ca hingpa hing tana a cuo, tlechuona hne na za mang te i cawsaa zaw hrawlie nangzaana i za angpa kha ina lapa tli,” a ta.
Zingsuv Puvna Kaw Riluna
26A thla caruvnapa chunglie kha Khazing ta avuoming Gabriel ca Galilee ruo Nazareth khy lie a awpa, 27#Mat 1.18 David ciypathla Josef hneta a chiyhie riypata biekuona a hnyi tlipa lesaa pathenung Mary'a luo kha a pathlie. 28Avuoming ca ama'a luo kha a vaw te, “Abyipa hmiephaa a hmung nung! Na cunglie thluechiy aw mang sue. Abyipa ca nama'a liena a aw”#1.28 Kuvtie caataw chekha lie ca, ‘Canung zaw hrawlie thluechiy a hmung nung tana na cuo,’ a ta. a ta. 29Mary ca avuoming bie khata khuopuv ta a palung patawpamuo te hing bie-achangna hing tuokhaapa bie-achangna tama a cuo ta pata a siyluo kha nang-uosa pata a rue. 30Avuoming ta, “Mary, Ciy khah, tahematapakieca Khazing na hmiephaa caa pi. 31#Mat 1.21 Nu phya'a cate, sacapaa hnyi'a cate a ming ca Zingsuv ta pata na sa aa. 32#2Sam 7.12,13,16; Isa 9.7 Ama ca cawsaa lesyipa cuo'a te, Cungnungce Sacapaa ama ta aa. Abyipa Khazing ta a mingpa David byithude kha a pi aa. 33Jakob ciypathla zaw cunglie kha chuozaa ta siepahruo cuo'a te, a pena ca chuo buo'a vyi,” a ta. 34Mary ta avuoming kha, “Kama ca lesaa pathenung tana i cuo, tuokhaatama cahaacata a cuo the aa?” a ta. 35Avuoming ta, “Thlaapa Pathe ca na cunglie za aw'a te, Cungnungce cahrana ta nama kha ningdiy haata aca buv aa. Caacuonakawta zaa puvpa sacapaa ca a pathepa ta cuo'a te, Khazing Sacapaa ta pata kupa a cuo aa. 36Ata zaw hing nama tieriy ta a cuopa, a cing nung ama tapa Elizabeth ca a nungpuv tli pata sacapaa kha phya te thla caruv a ta tli. 37#Sah 18.14 Tahematapakieca Khazing ta a tue khu lipa khaapahmuo aw vyi,” a ta. 38Mary ta, “Kama ca Khazing changtaanung tana i cuo, na ripa haata i cunglie tlung thluo se,” a ta. Cakhutaata avuoming ta a thuse.
Mary Ta Elizabeth A Parie
39Capa chung ca ta Mary ca a tha te tluocung ruo lie a awpa Judah ming khy khy kha luo kha a pahraasa pata a si. 40Zekhariah ing luo kha a ngie te Elizabeth kha bie aa chang. 41Mary ta Elizabeth bie aa changpa kha Elizabeth ta a thyi tiyta a riy chunglie a awpa nu ca aa cathlu. Elizabeth ca Thlaapa Pathe ta bi te, khuopuv ta u te, 42“Nama ca canung bangkhuo hrawlie thluechiy ce nung tana na cuo, na hnyi riypa haatiy zaw hing thluechiypa tana a cuo. 43Khaapanakawma hingpa hmang hing i cunglie tlung te, i Byipaapa a nung ta ina vya parie? 44Nama bie inaa changpa i thyi pahne ta i chunglie nu ca palungtluona hne aa cathlu. 45Abyipa ta ama'a luo a changpa bie ca a cunglie a tling hrahring aa ta pata a zang nung ca kha tluv ta thluechiypa tama a cuo!” a ta.
Mary Sapa Pathuosana Hlaa
46 #
1Sam 2.1-10
Cakhutaata Mary ta,
“I pathiypalung ta Abyipa a pathuosa;
47i hringna ca naa Khuotuv Khazing cunglie aa law,
48 #
1Sam 1.11
ri tluo lipa a changtaanung hing,
ama ta inaa thyi pari.
Ataning taa hingta chuo bangkhuo ta
thluechiynung ina ta'a yi,
49Cungnungce Khazing ta
i cunglie hmanglepuv a tue mangtli.
A ming ca a pathe;
50Chuo kha hnang chuo kha ta
ama a ciyzaapa tie cunglie,
a nangduena a paluo sa.
51Ama ta a buo kha pazuo te
a hruo a tlepa tie kha
ama khuekhuona hne a chepatlaa diy yi.
52 #
Job 5.11; 12.19 A cahrasapa siepahruo tie kha
ama byithude taata pacung yi te,
nutaapa tie kha a calang yi;
53ama nang a diypa tie kha
hmang phapa ta ama riy pabi yi te,
a hnyirungpa tie kha kuv cahri pata a padiy sa yi.
54A nangduena a thyi pakhaana ta,
a changtaapa Israel kha aa bya tli,
55 #
Sah 17.7
mingchingmingvuo tie'a lie hne
Abraham'a lie hne a ciypathla tie cunglie
chuozaa cuota bie aa kuopa haata,” a ta.
56Mary ca Elizabeth'a lie kha thla thung tluv a aw khutaata a ing luo a kaa.
Tiynawtuv Johan Puvna
57Elizabeth ca a ningthlaa vya tling te sacapaa a sa. 58Abyipa na nangduena lesapa a pahmung sa tapa kha a ingpaa hne a tieriy zaw ta ama thyi tiyta ama palung a tluokhyi hringhruo.
59 #
Tbr 12.3
A ning carinapa lieta haatiy kha vangdaw te riypata a vawkhyi yi te, a paa ming la pata, Zekhariah ta pata ming paphya amaa ting. 60Cuorasala a nung ta, “Cuo vyi, ama ca Johan ta pata kupa tana a cuo aa,” a ta. 61Iema ta, “Niema phang chunglie cahaapaapa ming a phyapa pakha hmuo aw va ung ciy,” ama ta. 62Cakhutaata a paa kha ama kuv ta pahmungsana tue yi te, haatiy ming tuokhaatama a paphya khing tapa kha ama hiehriy. 63Zekhariah ta caahnaa kha a hie yi te, “A ming ca Johan tana a cuo,” ta pata a cape. Ama bangkhuo ta ama kharue a haasa. 64Ca khu pahne ta Zekhariah ca bie ri khu pakhaa te Khazing kha a pathuosa. 65Ama ingpaa zaw ca ama thlaa zangsa te, capa chiycuona bangkhuo ca Judea pe tluocung ruo bangkhuo kha a pathuo. 66Capa thuo a thyipa bangkhuo ta pacuo syalya yi te, “Hingpa haatiypa hing khaapama a vya lu syalya aa?” ama ta. Tahematapakieca Abyipa cahrana ca a cunglie a aw hmisi.
Zekhariah Profetbiephu
67Cakhutaata a paa Zekhariah ca Thlaapa Pathe ta bi te hingpa profetbiephu hing a ri:
68“Israel Khazing, Abyipa cunglie
thluechiy aw mang sue,
tahematapakieca a cawsaa zaw kha tlechuona hne
mang yi te a khuo yi.
69Ma cuota a cahrapa Khuotuv kha,
a changtaapa David ciypathla chungtaata a padaa tli.
70Hluo ning a pathepa profet tie
palyipakaa taata bie a za ripa haata
71ma carie tie hne malie a huepa tie
kuv chungtaata khuo pata ma cuo aa.
72Cahaacata ma mingchingmingvuo tie kha nangduena ta bie kuo yi te,
a pathepa a biekuona kha aa thyi.
73Kiema pi riypata Mingpa Abraham'a lie bie aa kuopa ca,
74ma carie tie kuv taata khuo pata a cuopa kiema ta
ciyna hnyi li pata
75pathena hne adangna ta
a hmiekunglie chuozaa ta a re ma hrie riypa khata a cuo.
76 #
Mal 3.1
I saa, nama ca Cungnungce
profet ta pata kupa na cuo aa;
tahematapakieca a luo zaw kha sa pacie riypata Abyipa hmieluo ta si'a cate,
77a cawsaa zaw kha ama suena a ngiethe pata
khuona kaw a pachang sa riypata na cuo aa.
78Ma Khazing nangne nangduena thueta,
cungluo taata mawdiy ningkhepa
ma cunglie za cung'a te,
79 #
Isa 9.2
zingna chunglie a tupa tie hne
thiyna ningdiy rawlie a awpa tie kha,
khena pi riypata a cuo aa.
Kiema kha diena luopuv luo malie aa chiy aa,” a ta.
80Haatiy ca lethaw te thlaapa lie a cahra, Israel ming'a lie zaapuv hmung pata aa luo hluo li ruocaapa lie kha a aw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.