JOHAN 8
8
1Cuorasala Zingsuv ca Olif Tluo luo kha a kie. 2Mawdiy chiekari ta Biena-ing luo kha a cakuo pakhaa. Cawsaa bangkhuo ta a vya hmyasue yi te Zingsuv ca a tu te a pacuv yi. 3Phungbie saya tie hne Farasi tie ta nungvaathingsuena a tue ningta ama patuv nung kha a vawkhyi yi te zaapuv hmielie kha ama padaa. 4Zingsuv kyihuo khata, “Saya, hingpa cawsaanung hing nungvaathingsuena a tue nguoluo pata patuvpa a cuo. 5#Tbr 20.10; Pbp 22.22-24 Moses ta ca hing haapa canung hing ca alung ta vaasa riypa tana a cuo, ta pata phungbie chunglie malie a chang. Nama haw tuokhaatama na rue?” ama ta. 6Hing haa hingta bie ama hiehriypa ca ama kha ama pachie the riypata ama dyapasyapa tana a cuo. Zingsuv ca a bung te alyi lie kha a kuvdaw ta caa a cape. 7Bie kha ama hiehriy canyi pari nakawta a daa te, “Niema hrawlie suena a tue buo lipa ta alung ta vaa taa tie ung,” a ta yi. 8A bung pakhaa te alyi lie#8.8 Kuvtie caataw chekha tie lie ca pakha cyicuo ama suenapa kha a ta kha caa a cape pakhaa. 9Capa bie ama thyi tiyta a uvthyi cepa taata patha te pakha hnang pakha ta ama cakuo diy. Zingsuv dyi a tuo te a hmiekunglie kha cawsaanung ca a daa thluo. 10A dangta tah a kya daa te, “Cawsaanung, iema ca khaapaliema ama aw? Pakha tahmuo sue ca be va yi ma?” a ta. 11Cawsaanung ca ta, “Abyipa, ahungtahmuo sue na be va yi,” a ta. Zingsuv ta, “A cuo kieca, kama zaw sue ca be ra'a va ang. Cakuo la ata taa hingta ca suena va tue pakhaa khah,” ]#8.11 Kuvtie caataw hluv vie lie ca 7.53—8.11 te hing aw vyi; caataw hrangpa tie ta 7.36 lie acuolikie 21.25 khutaata acuolikie Luka 21.38 khutaata ama chi; chekha lieta ca a paluolue na a chiy, ta pata ama cape a ta.
Zingsuv Ca Chuelyi Khena Tana A Cuo
12 #
Mat 5.14; Jhn 9.5 Zingsuv ta iema kha chang pakhaa yi te, “Kama ca chuelyi khena tana i cuo, kama naa ziytuv ahunghmuota zingna chunglie cakuocavaa buo'a va yi, cuorasala hringna khena kha ama hnyi aa,” a ta yi. 13#Jhn 5.31 Farasi tie ta, “Nama ta nama kaw naa ri nakawta na ripa ca khaapahmuo cuo vyi,” ama ta. 14Zingsuv ta, “Kama kaw ca kama ta i ri zaw ta i ripa ca aa hmuopa tana a cuo, tahematapakieca khaapa taata a vaw angte ma khaapa luo i vaa aa tapa kha i pachang, cuorasala niema ca khaapa taata a vaw angte ma khaapa luo i vaa aa tapa kha pachang va ung ciy. 15Niema ca cawsaa phung#8.15 Gk saapa cuona tana bieripana nama tue; kama ca ahung cunglie hmuo bieripana tue va ang. 16Bieripana i tue kie zawma, i bieripana ca aa hmuo aa, tahematapakieca kama seta tue va ang; naa pathlietuv i Paa hneta ma tuepa tana a cuo. 17#Pbp 19.15 Nama phungbie lieta, ‘Pachangkhyituv pahning ama ripa bie ca aa hmuo,’ ta pata aa cape. 18Kama cuota kama ta tehte i khuo, cakhutaata kama naa pathlietuv i paa ta kama cuota tehte a khuo,” a ta. 19Iema ta, “Na Paa ca khaapaliema a aw?” ama ta. Zingsuv ta, “Kama cuose, i Paa cuose malie pachang va ung ciy. Kama hing na pachang ung la ca i Paa zaw nama pachang ra aa,” a ta yi. 20Zingsuv ta hingpa bie a ripa hing biena-ing chung sue pathlanapa thingkaw ama china khuo lie a pacuv ning yi ta a cuo, cuorasala ahungtahmuo patuv va yi, tahematapakieca a cuo a tling li lie nakawta a cuo.
Zingsuv Ta A Thiyna Riypa Kaw A Rilu
21Zingsuv ta iema ca chang pakhaa yi te, “Kama ca i si aa, ina huv'a ung ciy, cuorasala nama suena chunglie nama thiy aa. I sina luo ca vya si ra khu'a va ung ciy,” a ta yi. 22Cakhutaata Judah ming ta, “I sina luo ca vya si ra khu'a va ung ciy, a tapa ca, ‘Ama hne ama aa thie khing nakawta a cuo'a ma'?” ama ta. 23Zingsuv ta, “Niema ca a rawluo ming ta nama cuo, kama ca cungluo taa tana i cuo. Niema ca hingpa chuelyi ming hingta nama cuo, kama ca hingpa chuelyi taa hingta cuo va ang. 24Kama ta, nama suena liena nama thiy aa ica ta yi, kama hing ama kha tana i cuo tapa kha nama zang li kieca nama suena chungliena nama thiy aa,” a ta. 25Iema ta, “Ahungtama na cuo,” ama ta. Zingsuv ta, “Ica chang pari tli yi kha saw. 26Niema kaw hing ri riypa a hluvsa i hnyi, sue be riypa zaw a hluvsa i hnyi; cuorasala naa pathlietuv hing zang tluo aa tlapa cuo te, ama'a taata i thyipa dyina chuelyi lie hing i pathyipa yi ta a cuo,” a ta yi. 27Paa kaw a changpa yi kha iema ta pachang the va yi. 28Caacuonakawta Zingsuv ta, “Cawsaa Sacapaa hing vieluo lie nama pathlie khutaa kyalya ta kama ca ama tana i cuo, tapa kha ina pachang'a ung ciy; cakhutaata kama ri ta khaapahmuo i tue lipa hne i paa ta ina changpa haata i ripa kha nama pachang aa. 29Naa pathlietuv ca kama'a lie aw te, kama se ta na thuse buo vyi, tahematapakieca ama palung a patluopa dyi khana i tue pari,” a ta. 30Hingpa bie a ri nguoluo ning hingta cawsaa hluvpuv ta ama kha ama zang.
Ziytuv Hmisipa Tie
31Cakhutaata Zingsuv ta ama a zangtuv Judah ming kha, “I pacuvna hing nama ziy kieca niema ca naa ziytuv hmisi ta nama cuo; 32biehmisipa kha pachang'a ung cate, capa biehmisipa ca ta hya aca pazang'a yi,” a ta. 33#Mat 3.9; Luk 3.8 Iema ta, “Kiema ca Abraham ciypathla cuo pate ahung sii hmuo cuo buo vapuv. ‘Hya aca pazang'a yi,’ na tapa hing khaapama na ri khing?” ama ta.
34Zingsuv ta iema kha, “Biehmisi tana ica chang yi, ahunghmuota suena a tuepa ca suena sii tana a cuo. 35Sii ca chungkhue lie kha cipari ta aw vyi; sacapaa ca cipari ta a aw. 36Caacuonakawta Sacapaa ta hya aca pazang kie yi ca cawsaa hyazangpa nama cuo hmisi aa. 37Abraham ciypathla nama cuopa ca ica pachang yi; cuorasala thie inaa nang ung ciy, tahematapakieca i bie kha nama chunglie pari va ung ciy. 38Kama ta i Paa'a lie i hmungpa kha i phu, niema ca nama paa'a taata nama thyipa kha nama tue riypa tana a cuo,” a ta yi.
Zingsuv Hne Abraham
39Iema ta, “Abraham ca ima paa tana a cuo,” ama ta. Zingsuv ta, “Abraham saata zaw nama cuo kieca a tuepa haa khata muo nama tue ra'a ta. 40Cuorasala Khazing'a taata i thyipa biehmisipa caa changpa yi kha thie inaa nang ung ciy. Abraham ta ca hing haapa hmang hing za tue vyi. 41Niema ca nama paa ta a tuepa khana nama tue,” a ta yi. Iema ta, “Kiema ca riesaa ta cuo vapuv; paa pakha hnyi pate Khazing ama hrahring tana a cuo,” ama ta. 42Zingsuv ta iema kha, “Khazing kha nama Paa ta a cuo kieca, kama hing ina due'a ung ciy, tahematapakieca kama ca Khazing'a taata a vaw angte hingpa lie hing i aw. Kama ri ta a vaw va ang, ama na naa pathlie. 43Khaapanakawma i ripa hing nama pachang the va? I bie kha nama cuhluo li nakaw tana a cuo. 44Niema ca nama paa khachie'a taata cuo ung cate nama paa khingna tue riypa kha namaa tlaw. A hruothu taata ama ca lie a nawpa cuo te biehmisipa lie a daa buo vyi, tahematapakieca a chunglie kha biehmisipa aw vyi. Hang te bie a ri tiyta a puvkhyipa hringzya haa khata a ri, tahematapakieca ama ca a hanghiepa hne hanghiena paa tana a cuo. 45Cuorasala kama ca biehmisipa kha ica chang nakaw yi ta na zang va ung ciy. 46Ahung hing ma i suena naa hmung khu ung ciy? Biehmisipa ica chang kie yi ca, khaapanakawma ina zang va ung ciy? 47Khazing'a taata a cuopa tie ca Khazing bie kha ama naathlie. Khazing bie nama naathlie khing lipa hing ca Khazing'a taata nama cuo li nakaw tana a cuo,” a ta yi.
48Judah ming ta, “Nama ca Samaria ming cuo cate khuevuo na caa hryi maca tapa hing maa hmuo cuo va ma?” ama ta. 49Zingsuv ta, “Khuevuo hnyi va ang; kama ta i Paa kha i pa-uvsathyi, cuorasala niema ta kama kha i na nutaa ung ciy. 50Kama ca kama rungnaana kha a huvpa cuo va ang; i rungnaana kha naa huvpatuv pakha aw te ama ca bieripatuv ta a cuo. 51Biehmisi tana ica chang yi, i bie a ziypa ahunghmuota thiy'a vyi,” a ta. 52Judah ming ta, “Ata hing ca khuevuo na caa hryi hrahring tapa kha maca pachang. Abraham ca za thiy te profet tie zaw ama za thiy diy, cuorasala nama ta ca, ‘I bie a ziypa ca khatiy tahmuo thiy'a va yi,’ na ta. 53A thiy tlipa mingpa Abraham laata i le vie naa ta ma? Profet tie zaw ama thiy diy tli. Ahungtama naa ri?” ama ta. 54Zingsuv ta, “Kama hne kama kha rungnaana i pi kieca, i rungnaana ca khaapahmuo cuo vyi. Kama rungnaana naa pituv ca i Paa ta cuo te, nama pachang li raalaa pata, ‘Ama ca ma Khazing tana a cuo,’ nama tapa kha tana a cuo. 55Cuorasala kama ca i pachang; pachang va ang i ta kieca, niema haata a hangpa tana i cuo aa. Cuorasala pachang angte, a bie kha i ziy. 56Nama mingpa Abraham ca kama ningcuo hmung riypa kha zaa ngietie vyi; hmung hmisi te a palung a tluo hringhruo,” a ta yi. 57Cakhutaata Judah ming ca ta, “Kung sawngaa hmuo na tling li lie pa hingta ma Abraham ca na hmung?” ama ta. 58Zingsuv ta, “Biehmisi tana ica chang yi, Abraham hluota i aw tli,” a ta yi. 59Caacuonakawta alung kha a haa yi te vaa amaa nang, cuorasala Zingsuv ca a nu te biena-ing taa khata a zuvpathla.
Currently Selected:
JOHAN 8: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
JOHAN 8
8
1Cuorasala Zingsuv ca Olif Tluo luo kha a kie. 2Mawdiy chiekari ta Biena-ing luo kha a cakuo pakhaa. Cawsaa bangkhuo ta a vya hmyasue yi te Zingsuv ca a tu te a pacuv yi. 3Phungbie saya tie hne Farasi tie ta nungvaathingsuena a tue ningta ama patuv nung kha a vawkhyi yi te zaapuv hmielie kha ama padaa. 4Zingsuv kyihuo khata, “Saya, hingpa cawsaanung hing nungvaathingsuena a tue nguoluo pata patuvpa a cuo. 5#Tbr 20.10; Pbp 22.22-24 Moses ta ca hing haapa canung hing ca alung ta vaasa riypa tana a cuo, ta pata phungbie chunglie malie a chang. Nama haw tuokhaatama na rue?” ama ta. 6Hing haa hingta bie ama hiehriypa ca ama kha ama pachie the riypata ama dyapasyapa tana a cuo. Zingsuv ca a bung te alyi lie kha a kuvdaw ta caa a cape. 7Bie kha ama hiehriy canyi pari nakawta a daa te, “Niema hrawlie suena a tue buo lipa ta alung ta vaa taa tie ung,” a ta yi. 8A bung pakhaa te alyi lie#8.8 Kuvtie caataw chekha tie lie ca pakha cyicuo ama suenapa kha a ta kha caa a cape pakhaa. 9Capa bie ama thyi tiyta a uvthyi cepa taata patha te pakha hnang pakha ta ama cakuo diy. Zingsuv dyi a tuo te a hmiekunglie kha cawsaanung ca a daa thluo. 10A dangta tah a kya daa te, “Cawsaanung, iema ca khaapaliema ama aw? Pakha tahmuo sue ca be va yi ma?” a ta. 11Cawsaanung ca ta, “Abyipa, ahungtahmuo sue na be va yi,” a ta. Zingsuv ta, “A cuo kieca, kama zaw sue ca be ra'a va ang. Cakuo la ata taa hingta ca suena va tue pakhaa khah,” ]#8.11 Kuvtie caataw hluv vie lie ca 7.53—8.11 te hing aw vyi; caataw hrangpa tie ta 7.36 lie acuolikie 21.25 khutaata acuolikie Luka 21.38 khutaata ama chi; chekha lieta ca a paluolue na a chiy, ta pata ama cape a ta.
Zingsuv Ca Chuelyi Khena Tana A Cuo
12 #
Mat 5.14; Jhn 9.5 Zingsuv ta iema kha chang pakhaa yi te, “Kama ca chuelyi khena tana i cuo, kama naa ziytuv ahunghmuota zingna chunglie cakuocavaa buo'a va yi, cuorasala hringna khena kha ama hnyi aa,” a ta yi. 13#Jhn 5.31 Farasi tie ta, “Nama ta nama kaw naa ri nakawta na ripa ca khaapahmuo cuo vyi,” ama ta. 14Zingsuv ta, “Kama kaw ca kama ta i ri zaw ta i ripa ca aa hmuopa tana a cuo, tahematapakieca khaapa taata a vaw angte ma khaapa luo i vaa aa tapa kha i pachang, cuorasala niema ca khaapa taata a vaw angte ma khaapa luo i vaa aa tapa kha pachang va ung ciy. 15Niema ca cawsaa phung#8.15 Gk saapa cuona tana bieripana nama tue; kama ca ahung cunglie hmuo bieripana tue va ang. 16Bieripana i tue kie zawma, i bieripana ca aa hmuo aa, tahematapakieca kama seta tue va ang; naa pathlietuv i Paa hneta ma tuepa tana a cuo. 17#Pbp 19.15 Nama phungbie lieta, ‘Pachangkhyituv pahning ama ripa bie ca aa hmuo,’ ta pata aa cape. 18Kama cuota kama ta tehte i khuo, cakhutaata kama naa pathlietuv i paa ta kama cuota tehte a khuo,” a ta. 19Iema ta, “Na Paa ca khaapaliema a aw?” ama ta. Zingsuv ta, “Kama cuose, i Paa cuose malie pachang va ung ciy. Kama hing na pachang ung la ca i Paa zaw nama pachang ra aa,” a ta yi. 20Zingsuv ta hingpa bie a ripa hing biena-ing chung sue pathlanapa thingkaw ama china khuo lie a pacuv ning yi ta a cuo, cuorasala ahungtahmuo patuv va yi, tahematapakieca a cuo a tling li lie nakawta a cuo.
Zingsuv Ta A Thiyna Riypa Kaw A Rilu
21Zingsuv ta iema ca chang pakhaa yi te, “Kama ca i si aa, ina huv'a ung ciy, cuorasala nama suena chunglie nama thiy aa. I sina luo ca vya si ra khu'a va ung ciy,” a ta yi. 22Cakhutaata Judah ming ta, “I sina luo ca vya si ra khu'a va ung ciy, a tapa ca, ‘Ama hne ama aa thie khing nakawta a cuo'a ma'?” ama ta. 23Zingsuv ta, “Niema ca a rawluo ming ta nama cuo, kama ca cungluo taa tana i cuo. Niema ca hingpa chuelyi ming hingta nama cuo, kama ca hingpa chuelyi taa hingta cuo va ang. 24Kama ta, nama suena liena nama thiy aa ica ta yi, kama hing ama kha tana i cuo tapa kha nama zang li kieca nama suena chungliena nama thiy aa,” a ta. 25Iema ta, “Ahungtama na cuo,” ama ta. Zingsuv ta, “Ica chang pari tli yi kha saw. 26Niema kaw hing ri riypa a hluvsa i hnyi, sue be riypa zaw a hluvsa i hnyi; cuorasala naa pathlietuv hing zang tluo aa tlapa cuo te, ama'a taata i thyipa dyina chuelyi lie hing i pathyipa yi ta a cuo,” a ta yi. 27Paa kaw a changpa yi kha iema ta pachang the va yi. 28Caacuonakawta Zingsuv ta, “Cawsaa Sacapaa hing vieluo lie nama pathlie khutaa kyalya ta kama ca ama tana i cuo, tapa kha ina pachang'a ung ciy; cakhutaata kama ri ta khaapahmuo i tue lipa hne i paa ta ina changpa haata i ripa kha nama pachang aa. 29Naa pathlietuv ca kama'a lie aw te, kama se ta na thuse buo vyi, tahematapakieca ama palung a patluopa dyi khana i tue pari,” a ta. 30Hingpa bie a ri nguoluo ning hingta cawsaa hluvpuv ta ama kha ama zang.
Ziytuv Hmisipa Tie
31Cakhutaata Zingsuv ta ama a zangtuv Judah ming kha, “I pacuvna hing nama ziy kieca niema ca naa ziytuv hmisi ta nama cuo; 32biehmisipa kha pachang'a ung cate, capa biehmisipa ca ta hya aca pazang'a yi,” a ta. 33#Mat 3.9; Luk 3.8 Iema ta, “Kiema ca Abraham ciypathla cuo pate ahung sii hmuo cuo buo vapuv. ‘Hya aca pazang'a yi,’ na tapa hing khaapama na ri khing?” ama ta.
34Zingsuv ta iema kha, “Biehmisi tana ica chang yi, ahunghmuota suena a tuepa ca suena sii tana a cuo. 35Sii ca chungkhue lie kha cipari ta aw vyi; sacapaa ca cipari ta a aw. 36Caacuonakawta Sacapaa ta hya aca pazang kie yi ca cawsaa hyazangpa nama cuo hmisi aa. 37Abraham ciypathla nama cuopa ca ica pachang yi; cuorasala thie inaa nang ung ciy, tahematapakieca i bie kha nama chunglie pari va ung ciy. 38Kama ta i Paa'a lie i hmungpa kha i phu, niema ca nama paa'a taata nama thyipa kha nama tue riypa tana a cuo,” a ta yi.
Zingsuv Hne Abraham
39Iema ta, “Abraham ca ima paa tana a cuo,” ama ta. Zingsuv ta, “Abraham saata zaw nama cuo kieca a tuepa haa khata muo nama tue ra'a ta. 40Cuorasala Khazing'a taata i thyipa biehmisipa caa changpa yi kha thie inaa nang ung ciy. Abraham ta ca hing haapa hmang hing za tue vyi. 41Niema ca nama paa ta a tuepa khana nama tue,” a ta yi. Iema ta, “Kiema ca riesaa ta cuo vapuv; paa pakha hnyi pate Khazing ama hrahring tana a cuo,” ama ta. 42Zingsuv ta iema kha, “Khazing kha nama Paa ta a cuo kieca, kama hing ina due'a ung ciy, tahematapakieca kama ca Khazing'a taata a vaw angte hingpa lie hing i aw. Kama ri ta a vaw va ang, ama na naa pathlie. 43Khaapanakawma i ripa hing nama pachang the va? I bie kha nama cuhluo li nakaw tana a cuo. 44Niema ca nama paa khachie'a taata cuo ung cate nama paa khingna tue riypa kha namaa tlaw. A hruothu taata ama ca lie a nawpa cuo te biehmisipa lie a daa buo vyi, tahematapakieca a chunglie kha biehmisipa aw vyi. Hang te bie a ri tiyta a puvkhyipa hringzya haa khata a ri, tahematapakieca ama ca a hanghiepa hne hanghiena paa tana a cuo. 45Cuorasala kama ca biehmisipa kha ica chang nakaw yi ta na zang va ung ciy. 46Ahung hing ma i suena naa hmung khu ung ciy? Biehmisipa ica chang kie yi ca, khaapanakawma ina zang va ung ciy? 47Khazing'a taata a cuopa tie ca Khazing bie kha ama naathlie. Khazing bie nama naathlie khing lipa hing ca Khazing'a taata nama cuo li nakaw tana a cuo,” a ta yi.
48Judah ming ta, “Nama ca Samaria ming cuo cate khuevuo na caa hryi maca tapa hing maa hmuo cuo va ma?” ama ta. 49Zingsuv ta, “Khuevuo hnyi va ang; kama ta i Paa kha i pa-uvsathyi, cuorasala niema ta kama kha i na nutaa ung ciy. 50Kama ca kama rungnaana kha a huvpa cuo va ang; i rungnaana kha naa huvpatuv pakha aw te ama ca bieripatuv ta a cuo. 51Biehmisi tana ica chang yi, i bie a ziypa ahunghmuota thiy'a vyi,” a ta. 52Judah ming ta, “Ata hing ca khuevuo na caa hryi hrahring tapa kha maca pachang. Abraham ca za thiy te profet tie zaw ama za thiy diy, cuorasala nama ta ca, ‘I bie a ziypa ca khatiy tahmuo thiy'a va yi,’ na ta. 53A thiy tlipa mingpa Abraham laata i le vie naa ta ma? Profet tie zaw ama thiy diy tli. Ahungtama naa ri?” ama ta. 54Zingsuv ta, “Kama hne kama kha rungnaana i pi kieca, i rungnaana ca khaapahmuo cuo vyi. Kama rungnaana naa pituv ca i Paa ta cuo te, nama pachang li raalaa pata, ‘Ama ca ma Khazing tana a cuo,’ nama tapa kha tana a cuo. 55Cuorasala kama ca i pachang; pachang va ang i ta kieca, niema haata a hangpa tana i cuo aa. Cuorasala pachang angte, a bie kha i ziy. 56Nama mingpa Abraham ca kama ningcuo hmung riypa kha zaa ngietie vyi; hmung hmisi te a palung a tluo hringhruo,” a ta yi. 57Cakhutaata Judah ming ca ta, “Kung sawngaa hmuo na tling li lie pa hingta ma Abraham ca na hmung?” ama ta. 58Zingsuv ta, “Biehmisi tana ica chang yi, Abraham hluota i aw tli,” a ta yi. 59Caacuonakawta alung kha a haa yi te vaa amaa nang, cuorasala Zingsuv ca a nu te biena-ing taa khata a zuvpathla.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.