JOHAN 12
12
Mary Ta Zingsuv Ziyhmyi A Thuv
(Mat 26.6-13; Mar 14.3-9)
1Lawsena Pyi hluo, ning caruv lie kha Zingsuv ca thiyna taata a pathupa paa Lazaru a awnapa, Bethani khy luo kha a vaa. 2Capa lie ca ama cuota zuosa duonapa ama tue. Martha ca sa pi a bya yite, Lazaru ca Zingsuv hneta cabya lie a tu pakhawpa tie hrawlie kha a aw ra. 3#Luk 7.37-38 Mary ta paw kha aa riypa, a phang phasapa hne a muo ruvsapa ziyhmyi thyi kha kha la te Zingsuv phyi kha bya te a suo ta a hruv. Ziyhmyi rang pa-ue ca ingchung bangkhuo kha aa ze diy. 4Zingsuv ziytuv chungtaata pakha a cuopa, ama a lyituv riypa paa, Judas Iskariot khata, 5“Khaapanakawma hingpa ziyhmyi hing denarii#12.5 Denarii zathung kuliy re a hriepa pakha kung kha thavie tluv vuotaa a ta zathung ta zaa yi sala siypasa tie kha ama pi va?” a ta. 6(Hing haa hingta bie a ripa hing siypasa tie kaw a pacuo nakawta cuo li pata aparuvpa a cuo nakaw tana a cuo; tuokaa baw a caketuv ta cuo te tuokaa kha a hmuo paruv taw.) 7Zingsuv ta, “Ama hing hnaa pahnaw khah ung! I riyy paby ning huota aa chi riypa tana hingpa hing a calyi. 8#Pbp 15.11 Siypasa tie ca niema hrawlie ama aw pari aa, cuorasala kama ca niema'a lie aw pari'a va ang,” a ta.
Lazaru Thie Riypata Ama Raw
9Judah ming hluvpuv ta Bethani liena Zingsuv a aw tapa kha ama thyi nakawta capa khy luo ca ama vaa. Zingsuv vuota dyi cuo li pata Zingsuv ta thiyna taata a pathupa Lazaru ama hmung khing nakawta a cuo. 10Caacuonakawta tluobyi lepa tie ta Lazaru zaw kha thiepuo riypata khue ama khuo; 11tahematapakieca Lazaru kawlie ca ta Judah ming hluvpuv ta iema kha thuse yi te Zingsuv kha ama zang.
Zingsuv Rungnaasa Pata Jerusalem Luo Aa Ngie
(Mat 21.1-11; Mar 11.1-11; Luk 19.28-40)
12A mawluopa ta ca Lawsena Pyi luo a vawpa cawsaazaapuv ta Jerusalem luona Zingsuv aa vaw tapa kha ama thyi. 13#Slm 118.25-26 Caacuonakawta ama daw riypata hngiesie hnaa a cyi yi te ama pya,
“Hosanna!
“Abyipa ming ta a vawpa ca
thluechiypa tana a cuo.
Israel Siepahruo ca!” ta pata ama khi.
14Zingsuv ca laataata kha hmung te aa khang; Caapathe lie aa capepa haata:
15 #
Zek 9.9
“Zion sacanung, na thlaa zang khah se.
Mang tie, na siepahruo ca aa vaw nguoluo,
Laataata na aa vya khang!” a ta.
16A hruothu lie ca ziytuv tie ta hingpa kaw hing za pachang khu va yi, cuorasala Zingsuv ca rungnaana pi pata a cuo tiyta, Caapathe ta a ripa hing ama kaw ta cuo te, ama tuepa hmang zaw kha ama huo tana a cuo tapa kha ama palung a vuo pakhaa. 17Caacuonakawta Zingsuv ta Lazaru kha thluo chungtaata ku pathla te a pathu pakhaapa a hmungpa cawsaa tie khata hmang a cuopa kha ama ri pachaale. 18Cahaapaapa kharuehaa hmang na a tue tapa kha cawsaazaapuv ta ama thyi nakawta ama kha amaa vya taw. 19Farasi tie ta pakha hne pakha kha, “Hmung ung ca ma, khaapahmuo tue khu va ung ciy! Mang tie ung, chuelyi ming ta ama kha ama paziy diy tli hing haw!” amaa ta.
Grik Ming Chekha Ta Zingsuv Ama Hmung Khing
20Pyi chunglie Khazing abie riypata Jerusalem luo a kiepa tie hrawlie kha Grik ming chekha ama aw ra. 21Galilee pe Bethsaida khy ming Filip'a luo kha a vaw yi te, “Abyipa, Zingsuv na ma hmung khing,” ama ta. 22Filip ta Andru kha va chang te, ama pahning ta Zingsuv'a luo kha vaa yi te ama va chang. 23Zingsuv ta, “Cawsaa Sacapaa ta rungnaana a hmungna cuo ca a vya tlung tli. 24Biehmisi tana ica chang yi, saciy hmung kha ca alyi lie tuv pata a thiy taa li kieca suokha dyi tana a cuo pari aa; cuorasala a thiy taa kieca saciy a hluvsa a papung sa. 25#Mat 10.39; 16.25; Mar 8.35; Luk 9.24; 17.33 A hringna a duepa tie ca ama hringna kha a sung'a yi te, hing chuelyi lie a hringna a huepa tie ca chuozaa cuota hringna ama hnyi aa. 26Ahunghmuo cuose i re a hriepa ca ina ziy hrahring aa, i changtaapa ta a cuopa ca i awna lie a aw ra aa. Ahunghmuo cuose i re a hrietuv ca Paa ta pa-uvsathyina a pi aa,” a ta.
Zingsuv Ta A Thiyna Riypa Kaw A Ri
27Zingsuv ta, “I palung rie na a thyisa. Tuokhaatama i ri aa? ‘I Paa, hing cuo chung taa hingta na khuo tie,’ i ta'a ma? Cuo vyi, hingpa kawlie hingta ca muo hingpa cuo hing i vya pha ta. 28I Paa, na ming ca parungnaa sa tie!” a ta. Cakhutaata, vuoruo taata ueryi paring te, “Rungnaana pi tli angte, i pi kalie aa,” a ta. 29Capa lie a daapa cawsaazaapuv khata ueryi ca thyi yi te, chekha ta, khalung na a thy, ama ta. Chekha ta, “Avuoming na ama kha bie a chang,” ama ta. 30Zingsuv ta, “Hingpa ueryi hing kama cuota cuo vyi, niema cuo tana a cuo,” a ta. 31Hing chuelyi hing a bie ripa riypa cuo a tling tli; hingpa chuelyi uvtuv byi hing a cade pata a cuo aa. 32Hing alyi taa hingta calangthawpa i cuo thueta cawsaa bangkhuo#12.32 Kuvtie caataw chekha tie lie ca hmangting bangkhuo a ta hing kama'a luo i da diy'a yi,” a ta. 33Hing haa hingta a ripa hing tuokhaapa thiyna ma i ang aa tapa khana a paluo sa khing. 34#Slm 110.4; Isa 9.7; Ezk 37.25; Dan 7.14 Cawsaazaapuv ta, “Phungbie taata ma thyipa ca, Messiah#12.34 Khrih ca chuozaa tana a hring aa, a ta. Tuokhaatama Cawsaa Sacapaa ca calangthawpa tana a cuo aa, na ta the? Capa Cawsaa Sacapaa ca ahungtama a cuo?” ama ta. 35Zingsuv ta, “Khena ca niema'a lie cuo pachangta chung a aw kalie aa. Khena nama hnyi chung hing zingna ta aca vya law li riypa yi ta cakuo tie ung. Zingna chunglie nama cakuo kieca khaapaliema nama cakuo tapa kha pachang va ung ciy. 36Khena nama hnyi chung hingta khena saa zaw nama cuo khuna riypata khena ca zang tie ung,” a ta.
Cawsaa Ta Zang Lina
Zingsuv ca capa bie a ri khutaa cata iema'a taata pya te aa nu. 37Ama hmungna lieta kharuehaa hmang a hluvsa a tue thluo pata ama kha zang va yi. 38#Isa 53.1 Capa ca profet Isaiah ta:
“Abyipa, ma bie ca ahungma a zang,
Abyipa kuv ca ahung'a luo ma aa luo?”
ta pata a za ripa kha a tlingna riypa tana a cuo. 39Cuorasala zang khu ngiethie va yi, Isaiah ngiethie ta,
40 #
Isa 6.10
"Ama ming ta ama mang li riypa hne,
ama palung ta ama pachang li riypa hne,
kama'a luo a vya pali'a yi te,
i patluo sa pathlyi li riypa yi ta,
ama ta ama ming pacue sa yi te,
ama palung a paping yi,” ta pata a za ri.
41Isaiah ta hing haa hingta a ripa ca Zingsuv rungnaana kha za hmung tli te a kaw zaw a za ri tli nakawta a cuo. 42Cuorasala Judah ming uvthyi a hluvpuv zaw khata Zingsuv ca ama zang. Farasi tie ca apungna-ing taata malie papya'a kie yi ta pata a luohuo ta zang nguo va yi. 43Iema ca cawsaa rungnaana kha Khazing'a taata hmungpa rungnaana laata ama khing vie.
Zingsuv Pacuvna
44Zingsuv ta khuopuv ta khi te: “Ahunghmuo cuose kama naa zangpa mekaa ca kama dyi ina zangpa cuo li pata kama naa pathlietuv zaw kha a zangpa tana a cuo. 45Kama naa hmungpa ca naa pathlietuv zaw kha a hmungpa ta a cuo. 46Kama naa zangpa ahunghmuo zingna chunglie ama aw li riypata hing chuelyi luo hing khena ta i vaw tli. 47I bie kha thyi te a ziy lipa kha a bie ripa'a va ang. Kama ca chuelyi bie ripa riypata a vaw va ang, cuorasala khuo riypa tana i vaw. 48Kama kha na thaw te i bie kha a cuhluo lipa ca bie a ripatuv riypa pakha a hnyi. Kama i ripa bie hingna ningchuona ning thueta a bie a ripatuv ta a cuo aa! 49Tahematapakieca kama ri ta i ripa cuo vyi, cuorasala naa pathlietuv i Paa ama hrahring ta ri riypata ina changpa bie khana i ripa ta a cuo. 50A nawbie ca chuozaa hringna tana a cuo tapa kha i pachang. Caacuonakawta i ripa bie hing Paa ta ina changpa haata i ripa tana a cuo,” a ta yi.
Currently Selected:
JOHAN 12: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
JOHAN 12
12
Mary Ta Zingsuv Ziyhmyi A Thuv
(Mat 26.6-13; Mar 14.3-9)
1Lawsena Pyi hluo, ning caruv lie kha Zingsuv ca thiyna taata a pathupa paa Lazaru a awnapa, Bethani khy luo kha a vaa. 2Capa lie ca ama cuota zuosa duonapa ama tue. Martha ca sa pi a bya yite, Lazaru ca Zingsuv hneta cabya lie a tu pakhawpa tie hrawlie kha a aw ra. 3#Luk 7.37-38 Mary ta paw kha aa riypa, a phang phasapa hne a muo ruvsapa ziyhmyi thyi kha kha la te Zingsuv phyi kha bya te a suo ta a hruv. Ziyhmyi rang pa-ue ca ingchung bangkhuo kha aa ze diy. 4Zingsuv ziytuv chungtaata pakha a cuopa, ama a lyituv riypa paa, Judas Iskariot khata, 5“Khaapanakawma hingpa ziyhmyi hing denarii#12.5 Denarii zathung kuliy re a hriepa pakha kung kha thavie tluv vuotaa a ta zathung ta zaa yi sala siypasa tie kha ama pi va?” a ta. 6(Hing haa hingta bie a ripa hing siypasa tie kaw a pacuo nakawta cuo li pata aparuvpa a cuo nakaw tana a cuo; tuokaa baw a caketuv ta cuo te tuokaa kha a hmuo paruv taw.) 7Zingsuv ta, “Ama hing hnaa pahnaw khah ung! I riyy paby ning huota aa chi riypa tana hingpa hing a calyi. 8#Pbp 15.11 Siypasa tie ca niema hrawlie ama aw pari aa, cuorasala kama ca niema'a lie aw pari'a va ang,” a ta.
Lazaru Thie Riypata Ama Raw
9Judah ming hluvpuv ta Bethani liena Zingsuv a aw tapa kha ama thyi nakawta capa khy luo ca ama vaa. Zingsuv vuota dyi cuo li pata Zingsuv ta thiyna taata a pathupa Lazaru ama hmung khing nakawta a cuo. 10Caacuonakawta tluobyi lepa tie ta Lazaru zaw kha thiepuo riypata khue ama khuo; 11tahematapakieca Lazaru kawlie ca ta Judah ming hluvpuv ta iema kha thuse yi te Zingsuv kha ama zang.
Zingsuv Rungnaasa Pata Jerusalem Luo Aa Ngie
(Mat 21.1-11; Mar 11.1-11; Luk 19.28-40)
12A mawluopa ta ca Lawsena Pyi luo a vawpa cawsaazaapuv ta Jerusalem luona Zingsuv aa vaw tapa kha ama thyi. 13#Slm 118.25-26 Caacuonakawta ama daw riypata hngiesie hnaa a cyi yi te ama pya,
“Hosanna!
“Abyipa ming ta a vawpa ca
thluechiypa tana a cuo.
Israel Siepahruo ca!” ta pata ama khi.
14Zingsuv ca laataata kha hmung te aa khang; Caapathe lie aa capepa haata:
15 #
Zek 9.9
“Zion sacanung, na thlaa zang khah se.
Mang tie, na siepahruo ca aa vaw nguoluo,
Laataata na aa vya khang!” a ta.
16A hruothu lie ca ziytuv tie ta hingpa kaw hing za pachang khu va yi, cuorasala Zingsuv ca rungnaana pi pata a cuo tiyta, Caapathe ta a ripa hing ama kaw ta cuo te, ama tuepa hmang zaw kha ama huo tana a cuo tapa kha ama palung a vuo pakhaa. 17Caacuonakawta Zingsuv ta Lazaru kha thluo chungtaata ku pathla te a pathu pakhaapa a hmungpa cawsaa tie khata hmang a cuopa kha ama ri pachaale. 18Cahaapaapa kharuehaa hmang na a tue tapa kha cawsaazaapuv ta ama thyi nakawta ama kha amaa vya taw. 19Farasi tie ta pakha hne pakha kha, “Hmung ung ca ma, khaapahmuo tue khu va ung ciy! Mang tie ung, chuelyi ming ta ama kha ama paziy diy tli hing haw!” amaa ta.
Grik Ming Chekha Ta Zingsuv Ama Hmung Khing
20Pyi chunglie Khazing abie riypata Jerusalem luo a kiepa tie hrawlie kha Grik ming chekha ama aw ra. 21Galilee pe Bethsaida khy ming Filip'a luo kha a vaw yi te, “Abyipa, Zingsuv na ma hmung khing,” ama ta. 22Filip ta Andru kha va chang te, ama pahning ta Zingsuv'a luo kha vaa yi te ama va chang. 23Zingsuv ta, “Cawsaa Sacapaa ta rungnaana a hmungna cuo ca a vya tlung tli. 24Biehmisi tana ica chang yi, saciy hmung kha ca alyi lie tuv pata a thiy taa li kieca suokha dyi tana a cuo pari aa; cuorasala a thiy taa kieca saciy a hluvsa a papung sa. 25#Mat 10.39; 16.25; Mar 8.35; Luk 9.24; 17.33 A hringna a duepa tie ca ama hringna kha a sung'a yi te, hing chuelyi lie a hringna a huepa tie ca chuozaa cuota hringna ama hnyi aa. 26Ahunghmuo cuose i re a hriepa ca ina ziy hrahring aa, i changtaapa ta a cuopa ca i awna lie a aw ra aa. Ahunghmuo cuose i re a hrietuv ca Paa ta pa-uvsathyina a pi aa,” a ta.
Zingsuv Ta A Thiyna Riypa Kaw A Ri
27Zingsuv ta, “I palung rie na a thyisa. Tuokhaatama i ri aa? ‘I Paa, hing cuo chung taa hingta na khuo tie,’ i ta'a ma? Cuo vyi, hingpa kawlie hingta ca muo hingpa cuo hing i vya pha ta. 28I Paa, na ming ca parungnaa sa tie!” a ta. Cakhutaata, vuoruo taata ueryi paring te, “Rungnaana pi tli angte, i pi kalie aa,” a ta. 29Capa lie a daapa cawsaazaapuv khata ueryi ca thyi yi te, chekha ta, khalung na a thy, ama ta. Chekha ta, “Avuoming na ama kha bie a chang,” ama ta. 30Zingsuv ta, “Hingpa ueryi hing kama cuota cuo vyi, niema cuo tana a cuo,” a ta. 31Hing chuelyi hing a bie ripa riypa cuo a tling tli; hingpa chuelyi uvtuv byi hing a cade pata a cuo aa. 32Hing alyi taa hingta calangthawpa i cuo thueta cawsaa bangkhuo#12.32 Kuvtie caataw chekha tie lie ca hmangting bangkhuo a ta hing kama'a luo i da diy'a yi,” a ta. 33Hing haa hingta a ripa hing tuokhaapa thiyna ma i ang aa tapa khana a paluo sa khing. 34#Slm 110.4; Isa 9.7; Ezk 37.25; Dan 7.14 Cawsaazaapuv ta, “Phungbie taata ma thyipa ca, Messiah#12.34 Khrih ca chuozaa tana a hring aa, a ta. Tuokhaatama Cawsaa Sacapaa ca calangthawpa tana a cuo aa, na ta the? Capa Cawsaa Sacapaa ca ahungtama a cuo?” ama ta. 35Zingsuv ta, “Khena ca niema'a lie cuo pachangta chung a aw kalie aa. Khena nama hnyi chung hing zingna ta aca vya law li riypa yi ta cakuo tie ung. Zingna chunglie nama cakuo kieca khaapaliema nama cakuo tapa kha pachang va ung ciy. 36Khena nama hnyi chung hingta khena saa zaw nama cuo khuna riypata khena ca zang tie ung,” a ta.
Cawsaa Ta Zang Lina
Zingsuv ca capa bie a ri khutaa cata iema'a taata pya te aa nu. 37Ama hmungna lieta kharuehaa hmang a hluvsa a tue thluo pata ama kha zang va yi. 38#Isa 53.1 Capa ca profet Isaiah ta:
“Abyipa, ma bie ca ahungma a zang,
Abyipa kuv ca ahung'a luo ma aa luo?”
ta pata a za ripa kha a tlingna riypa tana a cuo. 39Cuorasala zang khu ngiethie va yi, Isaiah ngiethie ta,
40 #
Isa 6.10
"Ama ming ta ama mang li riypa hne,
ama palung ta ama pachang li riypa hne,
kama'a luo a vya pali'a yi te,
i patluo sa pathlyi li riypa yi ta,
ama ta ama ming pacue sa yi te,
ama palung a paping yi,” ta pata a za ri.
41Isaiah ta hing haa hingta a ripa ca Zingsuv rungnaana kha za hmung tli te a kaw zaw a za ri tli nakawta a cuo. 42Cuorasala Judah ming uvthyi a hluvpuv zaw khata Zingsuv ca ama zang. Farasi tie ca apungna-ing taata malie papya'a kie yi ta pata a luohuo ta zang nguo va yi. 43Iema ca cawsaa rungnaana kha Khazing'a taata hmungpa rungnaana laata ama khing vie.
Zingsuv Pacuvna
44Zingsuv ta khuopuv ta khi te: “Ahunghmuo cuose kama naa zangpa mekaa ca kama dyi ina zangpa cuo li pata kama naa pathlietuv zaw kha a zangpa tana a cuo. 45Kama naa hmungpa ca naa pathlietuv zaw kha a hmungpa ta a cuo. 46Kama naa zangpa ahunghmuo zingna chunglie ama aw li riypata hing chuelyi luo hing khena ta i vaw tli. 47I bie kha thyi te a ziy lipa kha a bie ripa'a va ang. Kama ca chuelyi bie ripa riypata a vaw va ang, cuorasala khuo riypa tana i vaw. 48Kama kha na thaw te i bie kha a cuhluo lipa ca bie a ripatuv riypa pakha a hnyi. Kama i ripa bie hingna ningchuona ning thueta a bie a ripatuv ta a cuo aa! 49Tahematapakieca kama ri ta i ripa cuo vyi, cuorasala naa pathlietuv i Paa ama hrahring ta ri riypata ina changpa bie khana i ripa ta a cuo. 50A nawbie ca chuozaa hringna tana a cuo tapa kha i pachang. Caacuonakawta i ripa bie hing Paa ta ina changpa haata i ripa tana a cuo,” a ta yi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.