LUCUOTUV 5
5
Ananias Hne Safira Kaw
1Cuorasala Ananias ama tapa paa hne a napuvnung Safira ca ama hnyipa hmang kha ama zaa; 2ama hmungpa tuokaa che kha kha a napuvnung palung tlingkhyina hneta pangaabuo te chekha dyi kha lucuotuv tie phyi thabaw luo a vya chiykhyi. 3Piter ta, “Ananias, khaapanakawma Thlaapa dung riypata Setaa hing na palung lie bi te alyi na zaanapa chekha kha naa pangaabuo?” a ta. 4Na zaa hluo kha nama huopa ta cuo va ma? Caacuokieca na zaa khutaata na hmungpa a muo ca nama huopa ta cuo va ma? Khaapanakawma capa hmang tue riypa palung ca na phya? Kiema#5.4 Gk Cawsaa dung vaciy malie dung vaciy cuorasala Khazing na na dung,” a ta. 5Ananias ca capa bie ca a thyi pahne ta a liepatyi te a thiy. Capa thuohlaa a thyipa bangkhuo ca ama ciy hringhruo. 6Satlie tie a vaw yi te a riyy#5.6 Gk lie a ri khingna sie vyi kha ama pahlaw khutaata a puvle yi te ama va paby.
7Cakhutaata siymaluo pathung tluv a ru pata khaapa hmang ma a cuo tapa pachang li pata a napuvnung ca a zaa ngie. 8Piter ta, “Na chang tie, nama hne na navaapa ta alyi kha hingpa zaata dyi hingta ma nama zaa?” a ta. Ama ta, “A cuo, ama zaa kha tana ma zaa,” a ta. 9Cakhutaata Piter ta, “Khaapanakawma Abyipa Thlaapa kha dyapasya riypata nama palung a tling pakhaw? Mang tie, na navaapa vaa pabypa tie kha ingchiypakaa athaalie amaa daa kalie khiy, nama zaw acaa puvle ra'a yi,” a ta. 10Sungkha ta Piter phyi thabaw lie kha a lie te a thiy. Satlie tie amaa zaa ngie ca a thiy rapa kha hmung yi te pyakhyi yi te a navaapa athaalie kha ama va paby. 11Khrihsaabuv hne capa thuohlaa a thyipa bangkhuo ca ama ciy hringhruo.
Lucuotuv Tie Ta Cawsaa Hluvpuv Ama Patluo Sa
12Lucuotuv tie ta cawsaa hrawlie kha pamangsana hne kharuehaa hmang a hluvpuv ama tue. Zangtuv tie ca Solomon hmiechue lie kha palung a lusa pata amaa hmya. 13Cawsaa hrangpa ahunghmuo vaa phuv nguo va yi, cuorasala cawsaazaapuv ta ca ama pathuosa. 14Tuokhaata a cuo zaw canung hne capaa hne a hluv vie hryly ta Abyipa kha zang yi te ama buv luo ca amaa vya cha hryly. 15Caacuonakawta Piter a vya cakuole pata a mingthlaapa ta sisuele naase yi ta pata a pasapa kha a vya puv yi te luopuv chunglie kha amaa phaa cunglie'a nata pangphaa cunglie kha ama pahlaa. 16Jerusalem cahriy khypuv zaw taa khata cawsaa hluvpuv ca a vya hmya yi te, a pasapa hne thlaapa pyalyipa ta a tuepa tie kha a vawkhyi yi te, ama bangkhuo ta patluo sa pata ama cuo.
Lucuotuv Tie Hrisaana Ama Ang
17Cakhutaata tluobyi lepa hne, ama hne a aw hnepa Sadusi tie bangkhuo ta khuopuv ta ihnyi yi te lucuotuv tie kha 18patuv yi te zaapuv thaw-ing lie kha thaw ama pathla. 19Cuorasala zuo khata Abyipa avuoming ta thaw-ing chiypakaa kha pahaw te, 20“Cakuo ung la, biena-ing chunglie kha a daa ung la, hingpa hringna kaw bie bangkhuo hing cawsaa kha va chang tie ung,” a ta yi. 21Capa ca ama thyi tiyta, khy a dyi pahne khata ziytuv tie ca biena-ing chung luo kha a ngie yi te ama pacuv.
Tluobyi le cepa hne ama hne a aw hnepa tie ama vya chiy tiyta, bieripatuv phuv tie hne Israel uvthyi bangkhuo kha a hmya pahry yi te, lucuotuv tie kha ama hmiekung luo vya chiykhyi riypata bie ama pi. 22Cuorasala thaw-ing paliy tie kha ama vaa tiyta, iema kha thaw-ing chunglie hmung va yi; caacuonakawta kaa yi te ama va chang. 23“Kiema ta thaw-ing a phasa pata a hre te rievetuv tie chiypakaa lie amaa daapa kha ma hmung yi, cuorasala ma pahaw tiyta a chunglie pakha hmuo hmung va yi puv,” ama ta. 24Biena-ing uvtuv byipa hne tluobyi lepa tie ca capa bie ca ama thyi tiyta, ama nang ta uosa te khaapama a vya cuo aa tapa kha ama kharue ta a haasa. 25Ca khu pahne ta cawsaa pakha vya chiy te, “Mang tie ung, thaw nama pathlapa cawsaa tie khana biena-ing chunglie a daa yi te cawsaa a pacuv ciemuo yi,” a ta. 26Biena-ing uvtuv byipa ca paliy tie hne khata vaa te lucuotuv tie kha amaa vya chiy. Cuorasala hruohra ta nuopuole a dapuole pata ca cuo vyi, tahematapakieca cawsaa ta alung ta malie vaa'a kie yi tapa kha ama ciy.
27Lucuotuv tie ca vya chiykhyi yi te, bieripatuv phuv hmielie kha padaa yi te tluobyi lepa ta bie a hiehriy yi. 28#5.28: Mat 27.25 “Hingpa paa ming hingta cawsaa pacuv'a va ung ciy ta pata a cusa pata bie maca pi mangtli yi. Cuorasala nama pacuvna pata Jerusalem ca pabi ung cate hingpa paa thiyse hing kiema luv cung luo pathla namaa ting,” a ta yi. 29Cuorasala Piter hne lucuotuv tie ta, “Kiema ca cawsaa ri laata Khazing ri na maa ngie vie aa. 30Thingkung cunglie pathlie ung cate nama thiepa Zingsuv ca ma mingchingmingvuo tie Khazing ta a pathu pakhaa mangtli. 31Israel ming kha ama suena taata a ngiepachiy pata sue angiethena pi riypata Khazing ta ama ca luochiytuv hne khuotuv ta a cacuoluo kuo ta patu te a cyicalang tli. 32Kiema ca hingpa hmang pachangkhyituv ta ma cuo, Khazing ta ama ri a ngiepa tie a pipa yi Thlaapa Pathe zaw kha pachangkhyituv ta a cuo ra,” ama ta.
33Capa bie ca ama thyi tiyta ama hi haa laalaw te lucuotuv tie kha thie diy ama khing. 34Cuorasala bieripatuv phuv lie pakha ta a cuo rapa, Gamaliel ama tapa Farasipa, cawsaa bangkhuo ta ama pa-uvsathyipa phungbie sayapa ta bieripatuv phuv hmielie kha a daa te lucuotuv tie kha ingle luo pyakhyi caw riypata bie a pi yi. 35Ama ta Israel ming kha, “I phang kha Israel ming,#5.35 Gk Cawsaa zaw iema cunglie tue nama khingpa hmang hing a raaringsa pata ruepathiy tie ung. 36Ma hnangluo ning kha Theudas ama tapa paa za pya te, cawsaa cakhawpa ta cuo va ang aa ta nakawta cawsaa zapaliy tluv ta ama ziy. Cuorasala ama ca thie yi te a hnang a ziypa tie ca a chepatlaa yi te ama vie diy. 37Cakhutaa cata Galilee ming Judas kha mingluv ri cuo ning khata za pya ra te, cawsaa ta ama za ziy ra raalaa ca ama zaw kha rana luo chiy te a ziypa tie zaw kha amaa zaa chepatlaa diy. 38A taapa hmang kawlie zaw hing niema ta hingpa cawsaa zaw hing khaapahmuo ta khah ung, tahematapakieca hingpa hing cawsaa hmang tuepa ta a cuo kieca ra'a te, 39cuorasala Khazing hmang tuepa ta a cuo kieca te khu the'a va ung ciy, niema tlaku na Khazing a dutuv ta a cuo pali'a ung ciy,” a ta yi. A bie ca a ngie yi te, 40lucuotuv tie kha u yi te asung ta ama chi. Cakhutaata Zingsuv ming ta bie ri hrahring li tli riypata chang yi te ama pathlie. 41Lucuotuv tie ca bieripatuv phuv hmie taata ama za pya tiyta, Zingsuv thueta nangzaahmiechi ang riypata maa tla ta pata a rue yi te ama palung a tluosa. 42Cahaacata Zingsuv ca Messiah#5.42 Khrih tana a cuo tapa kha Biena-ing lie cuose, ing#5.42 ing kha hnang ing kha lie cuose, ningting ta ci li pata pacuv yi te ama ukhyi.
Currently Selected:
LUCUOTUV 5: LNT
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.
LUCUOTUV 5
5
Ananias Hne Safira Kaw
1Cuorasala Ananias ama tapa paa hne a napuvnung Safira ca ama hnyipa hmang kha ama zaa; 2ama hmungpa tuokaa che kha kha a napuvnung palung tlingkhyina hneta pangaabuo te chekha dyi kha lucuotuv tie phyi thabaw luo a vya chiykhyi. 3Piter ta, “Ananias, khaapanakawma Thlaapa dung riypata Setaa hing na palung lie bi te alyi na zaanapa chekha kha naa pangaabuo?” a ta. 4Na zaa hluo kha nama huopa ta cuo va ma? Caacuokieca na zaa khutaata na hmungpa a muo ca nama huopa ta cuo va ma? Khaapanakawma capa hmang tue riypa palung ca na phya? Kiema#5.4 Gk Cawsaa dung vaciy malie dung vaciy cuorasala Khazing na na dung,” a ta. 5Ananias ca capa bie ca a thyi pahne ta a liepatyi te a thiy. Capa thuohlaa a thyipa bangkhuo ca ama ciy hringhruo. 6Satlie tie a vaw yi te a riyy#5.6 Gk lie a ri khingna sie vyi kha ama pahlaw khutaata a puvle yi te ama va paby.
7Cakhutaata siymaluo pathung tluv a ru pata khaapa hmang ma a cuo tapa pachang li pata a napuvnung ca a zaa ngie. 8Piter ta, “Na chang tie, nama hne na navaapa ta alyi kha hingpa zaata dyi hingta ma nama zaa?” a ta. Ama ta, “A cuo, ama zaa kha tana ma zaa,” a ta. 9Cakhutaata Piter ta, “Khaapanakawma Abyipa Thlaapa kha dyapasya riypata nama palung a tling pakhaw? Mang tie, na navaapa vaa pabypa tie kha ingchiypakaa athaalie amaa daa kalie khiy, nama zaw acaa puvle ra'a yi,” a ta. 10Sungkha ta Piter phyi thabaw lie kha a lie te a thiy. Satlie tie amaa zaa ngie ca a thiy rapa kha hmung yi te pyakhyi yi te a navaapa athaalie kha ama va paby. 11Khrihsaabuv hne capa thuohlaa a thyipa bangkhuo ca ama ciy hringhruo.
Lucuotuv Tie Ta Cawsaa Hluvpuv Ama Patluo Sa
12Lucuotuv tie ta cawsaa hrawlie kha pamangsana hne kharuehaa hmang a hluvpuv ama tue. Zangtuv tie ca Solomon hmiechue lie kha palung a lusa pata amaa hmya. 13Cawsaa hrangpa ahunghmuo vaa phuv nguo va yi, cuorasala cawsaazaapuv ta ca ama pathuosa. 14Tuokhaata a cuo zaw canung hne capaa hne a hluv vie hryly ta Abyipa kha zang yi te ama buv luo ca amaa vya cha hryly. 15Caacuonakawta Piter a vya cakuole pata a mingthlaapa ta sisuele naase yi ta pata a pasapa kha a vya puv yi te luopuv chunglie kha amaa phaa cunglie'a nata pangphaa cunglie kha ama pahlaa. 16Jerusalem cahriy khypuv zaw taa khata cawsaa hluvpuv ca a vya hmya yi te, a pasapa hne thlaapa pyalyipa ta a tuepa tie kha a vawkhyi yi te, ama bangkhuo ta patluo sa pata ama cuo.
Lucuotuv Tie Hrisaana Ama Ang
17Cakhutaata tluobyi lepa hne, ama hne a aw hnepa Sadusi tie bangkhuo ta khuopuv ta ihnyi yi te lucuotuv tie kha 18patuv yi te zaapuv thaw-ing lie kha thaw ama pathla. 19Cuorasala zuo khata Abyipa avuoming ta thaw-ing chiypakaa kha pahaw te, 20“Cakuo ung la, biena-ing chunglie kha a daa ung la, hingpa hringna kaw bie bangkhuo hing cawsaa kha va chang tie ung,” a ta yi. 21Capa ca ama thyi tiyta, khy a dyi pahne khata ziytuv tie ca biena-ing chung luo kha a ngie yi te ama pacuv.
Tluobyi le cepa hne ama hne a aw hnepa tie ama vya chiy tiyta, bieripatuv phuv tie hne Israel uvthyi bangkhuo kha a hmya pahry yi te, lucuotuv tie kha ama hmiekung luo vya chiykhyi riypata bie ama pi. 22Cuorasala thaw-ing paliy tie kha ama vaa tiyta, iema kha thaw-ing chunglie hmung va yi; caacuonakawta kaa yi te ama va chang. 23“Kiema ta thaw-ing a phasa pata a hre te rievetuv tie chiypakaa lie amaa daapa kha ma hmung yi, cuorasala ma pahaw tiyta a chunglie pakha hmuo hmung va yi puv,” ama ta. 24Biena-ing uvtuv byipa hne tluobyi lepa tie ca capa bie ca ama thyi tiyta, ama nang ta uosa te khaapama a vya cuo aa tapa kha ama kharue ta a haasa. 25Ca khu pahne ta cawsaa pakha vya chiy te, “Mang tie ung, thaw nama pathlapa cawsaa tie khana biena-ing chunglie a daa yi te cawsaa a pacuv ciemuo yi,” a ta. 26Biena-ing uvtuv byipa ca paliy tie hne khata vaa te lucuotuv tie kha amaa vya chiy. Cuorasala hruohra ta nuopuole a dapuole pata ca cuo vyi, tahematapakieca cawsaa ta alung ta malie vaa'a kie yi tapa kha ama ciy.
27Lucuotuv tie ca vya chiykhyi yi te, bieripatuv phuv hmielie kha padaa yi te tluobyi lepa ta bie a hiehriy yi. 28#5.28: Mat 27.25 “Hingpa paa ming hingta cawsaa pacuv'a va ung ciy ta pata a cusa pata bie maca pi mangtli yi. Cuorasala nama pacuvna pata Jerusalem ca pabi ung cate hingpa paa thiyse hing kiema luv cung luo pathla namaa ting,” a ta yi. 29Cuorasala Piter hne lucuotuv tie ta, “Kiema ca cawsaa ri laata Khazing ri na maa ngie vie aa. 30Thingkung cunglie pathlie ung cate nama thiepa Zingsuv ca ma mingchingmingvuo tie Khazing ta a pathu pakhaa mangtli. 31Israel ming kha ama suena taata a ngiepachiy pata sue angiethena pi riypata Khazing ta ama ca luochiytuv hne khuotuv ta a cacuoluo kuo ta patu te a cyicalang tli. 32Kiema ca hingpa hmang pachangkhyituv ta ma cuo, Khazing ta ama ri a ngiepa tie a pipa yi Thlaapa Pathe zaw kha pachangkhyituv ta a cuo ra,” ama ta.
33Capa bie ca ama thyi tiyta ama hi haa laalaw te lucuotuv tie kha thie diy ama khing. 34Cuorasala bieripatuv phuv lie pakha ta a cuo rapa, Gamaliel ama tapa Farasipa, cawsaa bangkhuo ta ama pa-uvsathyipa phungbie sayapa ta bieripatuv phuv hmielie kha a daa te lucuotuv tie kha ingle luo pyakhyi caw riypata bie a pi yi. 35Ama ta Israel ming kha, “I phang kha Israel ming,#5.35 Gk Cawsaa zaw iema cunglie tue nama khingpa hmang hing a raaringsa pata ruepathiy tie ung. 36Ma hnangluo ning kha Theudas ama tapa paa za pya te, cawsaa cakhawpa ta cuo va ang aa ta nakawta cawsaa zapaliy tluv ta ama ziy. Cuorasala ama ca thie yi te a hnang a ziypa tie ca a chepatlaa yi te ama vie diy. 37Cakhutaa cata Galilee ming Judas kha mingluv ri cuo ning khata za pya ra te, cawsaa ta ama za ziy ra raalaa ca ama zaw kha rana luo chiy te a ziypa tie zaw kha amaa zaa chepatlaa diy. 38A taapa hmang kawlie zaw hing niema ta hingpa cawsaa zaw hing khaapahmuo ta khah ung, tahematapakieca hingpa hing cawsaa hmang tuepa ta a cuo kieca ra'a te, 39cuorasala Khazing hmang tuepa ta a cuo kieca te khu the'a va ung ciy, niema tlaku na Khazing a dutuv ta a cuo pali'a ung ciy,” a ta yi. A bie ca a ngie yi te, 40lucuotuv tie kha u yi te asung ta ama chi. Cakhutaata Zingsuv ming ta bie ri hrahring li tli riypata chang yi te ama pathlie. 41Lucuotuv tie ca bieripatuv phuv hmie taata ama za pya tiyta, Zingsuv thueta nangzaahmiechi ang riypata maa tla ta pata a rue yi te ama palung a tluosa. 42Cahaacata Zingsuv ca Messiah#5.42 Khrih tana a cuo tapa kha Biena-ing lie cuose, ing#5.42 ing kha hnang ing kha lie cuose, ningting ta ci li pata pacuv yi te ama ukhyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lutuv Holy Bible © Bible Society of Myanmar, 2023.