ရောမ 6
6
သီအီစွဉ်ႏအပဲစ်ကွဲႏတွော့ꩻအသက်မွန်ငီꩻစွဉ်ႏဗွေႏခရစ်တောႏ
1နဝ်ꩻထွူ နီအီႏဒေါ့ꩻဗာႏ နုဲင်းမုဲင်ꩻဟောင်း။ ဖေႏနေး ဗွေႏဘုရာꩻ ဆုကေꩻဇူꩻ ကလွိုင်ႏကွိုန်ꩻ အာလွဉ်နဝ်ꩻ နီဟဝ်အုံအဝ်ႏ သွုပ်သော့ꩻဒျာႏ အပဲစ်ကိုနဲ့ဟောင်း။ 2နုဲင်းနဝ်ꩻ တမွေးတဝ်း။ နီသီထိုꩻလဲဉ်းသွူ အပဲစ်ကိုနဝ်ꩻ နီအီႏမာꩻ နုဲင်းမုဲင်ꩻအသက် အဝ်ႏမွန်သွုပ်နွောင်ꩻ သော့ꩻယင်း အပဲစ်ကို နဝ်ꩻဟောင်း။ 3နီကခံႏငီꩻလဲဉ်းစွဉ်ႏ ဗွေႏခရစ်တောႏ ယေသျု ဗတ္တိဇံႏ ထီမင်္ဂလာႏ တလွောင်ႏတဗူႏချိန်ႏနဝ်ꩻ ထွာနီခံႏငီꩻသော့ꩻလဲဉ်း စွဉ်ႏဝွေꩻဗွေႏ ဗတ္တိဇံႏ ထီမင်္ဂလာႏ ထာသီကို၊ ပွိုးသီ အဝ်ႏသေမွေးဒျာႏ နဝ်ꩻသွူ။ 4#ကော ၂:၁၂။ နဝ်ꩻထွူ စွဉ်ႏနီကခံႏဗတ္တိဇံႏ ထီမင်္ဂလာႏနဝ်ꩻနဝ်ꩻ နီသင်္ဂြိုဟ်ႏငီꩻလဲဉ်း စွဉ်ႏဝွေꩻဗွေႏတဲင် ခံႏသီငီꩻလဲဉ်း စွဉ်ႏဝွေꩻဗွေႏ ထာꩻသီကိုသွူ၊ စွဉ်ႏဖါတောႏ ဘွုန်ꩻသꩻရေႏတောႏ တန်ꩻခိုꩻအဝ်ႏ ထာꩻသီကို မာꩻထွိုင်ႏမွန်ဖေႏလဲဉ်း ဗွေႏခရစ်တောႏအတွိုင်ꩻ နီနဝ်ꩻတဲ့ သက်အဝ်ႏမွန်သော့ꩻဗာႏ ဘဝတသာကိုသွူ။ 5ပွိုးတွော့ꩻ နီမဉ်ႏအဝ်ႏငီꩻ တလွောင်ႏတဗူႏတွမ်ႏ ဝွေꩻဗွေႏနမ်း တဖြာꩻချင်ႏတဲင် ခံႏသီငီꩻတွမ်ႏ ဝွေꩻဗွေႏအတွိုင်ꩻ ဗွိုန်နုဲင်း နဝ်ꩻနေနေ နီနဝ်ꩻတဲ့ အီႏထွိုင်ႏမွန် ငီꩻယင်း နုဲင်းဝွေꩻဗွေႏ ထွိုင်ႏမွန် နဝ်ꩻသွူ။ 6နီဇာႏတိ အကျင်ꩻလီꩻဖုံႏနဝ်ꩻ အွဉ်ႏခံႏသီငီꩻလဲဉ်းတွမ်ႏ ဗွေႏခရစ်တောႏ ဝွေꩻဗွေႏ အကင်းထွန်ႏလောင်း နုဲင်းနဝ်ꩻနဝ်ꩻ မာဖေႏနေး ကယားကုဲင်ထိုꩻ အပဲစ်တန်ꩻခိုꩻ ကအဝ်ႏဗွေဒါႏစွဉ်ႏ နီနမ်းဇာႏတိ နဝ်ꩻသွူ။ ပွိုးနုဲင်းနဝ်ꩻမꩻ နီအီႏတထွာထဲင်းဗာႏ တဝ်းဒွုမ် အပဲစ်သွဉ်းကျောင်ꩻနဝ်ꩻ နီသေဗာႏသွူ။ 7ပွိုးနီ ကသီဒါႏချိန်ႏနဝ်ꩻ အဝ်ႏအပဲစ်တန်ꩻခိုꩻ ဆꩻလနဝ်ꩻ နီလွစ်ကင်ꩻ ထိုꩻလဲဉ်းနဝ်ꩻသွူ။ 8တယ်ႏနီ ကအဝ်ႏခံႏသီ ငီꩻလဲဉ်းစွဉ်ႏ ဗွေႏခရစ်တောႏ ခါကာႏနဝ်ꩻ နီနဝ်ꩻတဲ့ အီႏအဝ်ႏမွန်ငီꩻဒျာႏ စွဉ်ႏဝွေꩻဗွေႏနဝ်ꩻ နီယွုမ်းသွူ။ 9အဝ်ႏထာꩻသီကို ဗွေႏခရစ်တောႏနဝ်ꩻ ထွိုင်ႏမွန်လဲဉ်းတဲင် မုဲင်ꩻခါတဲ့ အီႏတသီဗာႏ ဖျင်တဝ်းဒွုမ်၊ ထာꩻသီ အီႏတအုပ်စိုꩻ ဗာႏတဝ်းဒွုမ် ဝွေꩻဗွေႏနဝ်ꩻ နီသေဗာႏသွူ။ 10ကွပ်ပွိုး ဝွေꩻဗွေႏ သီလဲဉ်းအတွက် အပဲစ်တန်ꩻခိုꩻနဝ်ꩻ အီႏတအုပ်စိုꩻတဝ်းဒွုမ် ဝွေꩻဗွေႏတဲင် ယိုခါ ဝွေꩻဗွေႏဘဝ အသက်အဝ်ႏမွန် မာꩻဖဉ်းမွိုတ်သွꩻလဲဉ်း စွဉ်ႏ ဗွေႏဘုရာꩻနဝ်ꩻသွူ။ 11ဗွိုန် နုဲင်းနဝ်ꩻနေနေ သီနမ်းဖုံႏနဝ်ꩻ မတ်ဗာႏ နုဲင်းကသီထိုလဲဉ်း၊ ဆဲင်ႏတဝ်းဒွုမ်အပဲစ် ညာꩻထိုꩻလဲဉ်းနဝ်ꩻသွူ။ ကွဲႏတွော့ꩻ စွဉ်ႏဗွေႏခရစ်တောႏ ယေသျုနဝ်ꩻ အုံအဝ်ႏဖဉ်းမွိုတ် မာꩻသွꩻသွော့ စွဉ်ႏဗွေႏဘုရာꩻဟုဲင်း။ 12ဖေႏနေး သီကလွောက်ꩻနာႏ စူꩻလွဉ်ꩻမွိုန်း သီနမ်း ဇာႏတိအလိုႏဆန္ဒ၊ အပဲစ်တရာꩻနဝ်ꩻ ဖေႏကအုပ်စိုꩻထိုꩻ လꩻထဲင်းမွိုန်း ကသီထိုꩻဒါႏ ရုပ်ခန္ဓာႏနဝ်ꩻသွူ။ 13ဖေႏကမာꩻအပဲစ် ကအီႏသွုံꩻစွဲꩻအီ ထာꩻမွိုက်ကုဲင် အကျံႏတာႏနဝ်ꩻ သီနမ်းအင်္ဂါႏ မုဲင်ꩻတယဝ်း ဖေႏသွုမ်ꩻထိုꩻမွိုန်း။ ကွပ်စွဉ်ႏအီႏမာꩻ နုဲင်းနဝ်ꩻ နုဲင်းလိုꩻကအဝ်ႏ ထာꩻသီကို မာꩻထွိုင်ႏမွန်ဖေႏလဲဉ်းဒါႏ အဗွေႏအတွိုင်ꩻ ဖေႏကသွုံꩻစွဲꩻ အီဒျာႏ ထာꩻစွို့ꩻစွဉ်ႏတာႏနဝ်ꩻ သီနမ်းတဗာႏလွုမ်းနဝ်ꩻ ခံႏနွမ်ꩻအပ်သွော့ ဝွေꩻဗွေႏထျꩻဟုဲင်း။ 14အပဲစ်တရာꩻနဝ်ꩻ ဖေႏကအုပ်စိုꩻ လꩻမွိုန်းသီ၊ ပွိုးတွော့ꩻ သီနဝ်ꩻ အဝ်ႏသော့ꩻ ပညတ်တရာꩻ ဆꩻလ တမွေးတဝ်း၊ အဝ်ႏသော့ꩻဒျာႏ ဗွေႏဘုရာꩻ အကေꩻဇူꩻတရာꩻ ဆꩻလ အတွက်သွူ။
ထာꩻစွို့ꩻစွဉ်ႏအသွဉ်းဖုံႏ
15တွိုႏနဝ်ꩻ ရိုꩻဗာႏ နုဲင်းမုဲင်ꩻဟောင်း။ နီနဝ်ꩻ ကွပ်ပွိုး တအဝ်ႏသော့ꩻတဝ်းဒွုမ် ပညတ်တရာꩻ ဆꩻလအတွက် ပွိုးအဝ်ႏသော့ꩻဒျာႏ ဗွေႏဘုရာꩻ ကေꩻဇူꩻတရာꩻဆလ နဝ်ꩻမꩻ အီႏမာꩻဗာႏ အပဲစ်နဲ့ဟောင်း။ မဉ်ရိုꩻနုဲင်းနဝ်ꩻ တမွေးတဝ်းသွူ။ 16ကခံႏနွမ်ꩻ သီနမ်း အီႏလွောက်ꩻနာႏဒါႏ ပါꩻတဖြာꩻဖြာꩻ အငဝ်း နုဲင်းသွဉ်းချိန်ႏနဝ်ꩻ သီအဝ်ႏသေစဲင်းဒျာႏသွူ။ သီမဉ်ႏ အဝ်ႏထွာဒျာႏ အပဲစ်တရာꩻအသွဉ်းတွော့ꩻ လွောက်ꩻနာႏ မာꩻလွဉ်ꩻဒျာႏ အပဲစ်တရာꩻငဝ်း အကျိုꩻနဝ်ꩻ ထွာဒျာႏထာꩻသီ။ မဉ်ႏတမွေးတဝ်း မဉ်ႏလွောက်ꩻနာႏဒျာႏ ဗွေႏဘုရာꩻငဝ်း၊ အကျိုꩻတရာꩻနဝ်ꩻ စွို့ꩻစွဉ်ႏလဲဉ်း တွမ်ႏဗွေႏဘုရာꩻသွူ။ 17ကွဲႏတွော့ꩻ တလဲင်ႏခါ ပွိုးသီအဝ်ႏထွာဒျာႏ အပဲစ်တရာꩻ အသွဉ်း တချိန်ႏလွုမ်း၊ သီနဝ်ꩻ စွဉ်ႏသွိုန်ႏလို့ သꩻစင် လွောက်ꩻနာႏလွဉ်ꩻဒျာႏ သီကလက်ခံႏလꩻဒါႏ ထာꩻသွဉ်သင်ကို မော့ꩻလဲဉ်း အမဲဉ်ႏတရာꩻနဝ်ꩻ အတွက် အုပ်ꩻထင်ႏဗာႏ ဗွေႏဘုရာꩻ ကေꩻဇူꩻတောႏသွူ။ 18သီအဝ်ႏ အပဲစ်တရာꩻကိုနဝ်ꩻ လွစ်ထန်ႏလꩻလဲဉ်းတဲင် ထွာလွဉ်လဲဉ်း ထာꩻစွို့ꩻစွဉ်ႏတရာꩻ အသွဉ်းဖုံႏနဝ်ꩻသွူ။ (19ကွပ်ပွိုး သီဇာႏတိကိုကာႏ ဉာဏ်ႏဆေ့ꩻအတွက် ခွေအဝ်ႏသွုံꩻ အီသေႏသေႏဗာႏ ငဝ်းဘာႏသာႏ အစားယိုနဝ်ꩻသွူ။) တချိန်ႏခါ အီႏမာꩻထာꩻကုဲင်တာႏ သီနမ်းတဗာႏလွုမ်းနဝ်ꩻ သီအဝ်ႏခံႏနွမ်ꩻထွာဒျာႏ ထာꩻတဗော့ꩻလဲ့ꩻတွမ်ႏ ထာꩻမွိုက်ကုဲင် အသွဉ်းသွူ။ ဗွိုန် နုဲင်းနဝ်ꩻနေနေ ကအီႏမာꩻ ထာꩻကြောင်းစင်တွက်တာႏ ယိုခါ သီနမ်းတဗာႏလွုမ်းနဝ်ꩻ သီခံႏနွမ်ꩻ အပ်သွော့ ထာꩻစွို့ꩻစွဉ်ႏသွဉ်း။
20သီကအဝ်ႏထွာ အပဲစ်သွဉ်းချိန်ႏနဝ်ꩻ သီအဝ်ႏ ထာꩻစွို့ꩻစွဉ်ႏ တရာꩻကို လွစ်ထန်ႏထိုꩻနဝ်ꩻသွူ။ 21ယိုခါသီ ကအဝ်ႏမာꩻဒါႏ ထာꩻဝင်ꩻသꩻခရာႏနဝ်ꩻ လꩻအကျိုꩻတမုဲင်ꩻဟောင်း၊ ထာꩻနဝ်ꩻဖုံႏ အကျိုꩻနဝ်ꩻ လꩻဒျာႏ ထာꩻသီသွူ။ 22ကွဲႏတွော့ꩻ ယိုခါ သီအဝ်ႏအပဲစ်ကိုနဝ်ꩻ လွစ်ထန်ႏလဲဉ်းတဲင် ထွာလဲဉ်း ဗွေႏဘုရာꩻ အသွဉ်းဖုံႏသွူ။ သီဘဝ တစွိုးလွုမ်း ဆယ်ꩻကပ် အပ်လို့စင်လဲဉ်း အကျိုꩻနဝ်ꩻ လꩻထာဝရအသက်သွူ။ 23မာꩻအပဲစ်တာႏ အငိုအခနဝ်ꩻ ထွာဒျာႏထာꩻသီသွူ။ ကွဲႏတွော့ꩻ ဗွေႏဘုရာꩻ ကဖေႏခြေင်ဒါႏ ဆုကေꩻဇူꩻနဝ်ꩻ နီအဝ်ႏတလွောင်ႏ တဗူႏချင်ႏ စွဉ်ႏနီဗွေႏခရစ်တောႏ ယေသျုတွော့ꩻ လꩻထာဝရအသက်သွူ။
Currently Selected:
ရောမ 6: PBCL
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
ရောမ 6
6
သီအီစွဉ်ႏအပဲစ်ကွဲႏတွော့ꩻအသက်မွန်ငီꩻစွဉ်ႏဗွေႏခရစ်တောႏ
1နဝ်ꩻထွူ နီအီႏဒေါ့ꩻဗာႏ နုဲင်းမုဲင်ꩻဟောင်း။ ဖေႏနေး ဗွေႏဘုရာꩻ ဆုကေꩻဇူꩻ ကလွိုင်ႏကွိုန်ꩻ အာလွဉ်နဝ်ꩻ နီဟဝ်အုံအဝ်ႏ သွုပ်သော့ꩻဒျာႏ အပဲစ်ကိုနဲ့ဟောင်း။ 2နုဲင်းနဝ်ꩻ တမွေးတဝ်း။ နီသီထိုꩻလဲဉ်းသွူ အပဲစ်ကိုနဝ်ꩻ နီအီႏမာꩻ နုဲင်းမုဲင်ꩻအသက် အဝ်ႏမွန်သွုပ်နွောင်ꩻ သော့ꩻယင်း အပဲစ်ကို နဝ်ꩻဟောင်း။ 3နီကခံႏငီꩻလဲဉ်းစွဉ်ႏ ဗွေႏခရစ်တောႏ ယေသျု ဗတ္တိဇံႏ ထီမင်္ဂလာႏ တလွောင်ႏတဗူႏချိန်ႏနဝ်ꩻ ထွာနီခံႏငီꩻသော့ꩻလဲဉ်း စွဉ်ႏဝွေꩻဗွေႏ ဗတ္တိဇံႏ ထီမင်္ဂလာႏ ထာသီကို၊ ပွိုးသီ အဝ်ႏသေမွေးဒျာႏ နဝ်ꩻသွူ။ 4#ကော ၂:၁၂။ နဝ်ꩻထွူ စွဉ်ႏနီကခံႏဗတ္တိဇံႏ ထီမင်္ဂလာႏနဝ်ꩻနဝ်ꩻ နီသင်္ဂြိုဟ်ႏငီꩻလဲဉ်း စွဉ်ႏဝွေꩻဗွေႏတဲင် ခံႏသီငီꩻလဲဉ်း စွဉ်ႏဝွေꩻဗွေႏ ထာꩻသီကိုသွူ၊ စွဉ်ႏဖါတောႏ ဘွုန်ꩻသꩻရေႏတောႏ တန်ꩻခိုꩻအဝ်ႏ ထာꩻသီကို မာꩻထွိုင်ႏမွန်ဖေႏလဲဉ်း ဗွေႏခရစ်တောႏအတွိုင်ꩻ နီနဝ်ꩻတဲ့ သက်အဝ်ႏမွန်သော့ꩻဗာႏ ဘဝတသာကိုသွူ။ 5ပွိုးတွော့ꩻ နီမဉ်ႏအဝ်ႏငီꩻ တလွောင်ႏတဗူႏတွမ်ႏ ဝွေꩻဗွေႏနမ်း တဖြာꩻချင်ႏတဲင် ခံႏသီငီꩻတွမ်ႏ ဝွေꩻဗွေႏအတွိုင်ꩻ ဗွိုန်နုဲင်း နဝ်ꩻနေနေ နီနဝ်ꩻတဲ့ အီႏထွိုင်ႏမွန် ငီꩻယင်း နုဲင်းဝွေꩻဗွေႏ ထွိုင်ႏမွန် နဝ်ꩻသွူ။ 6နီဇာႏတိ အကျင်ꩻလီꩻဖုံႏနဝ်ꩻ အွဉ်ႏခံႏသီငီꩻလဲဉ်းတွမ်ႏ ဗွေႏခရစ်တောႏ ဝွေꩻဗွေႏ အကင်းထွန်ႏလောင်း နုဲင်းနဝ်ꩻနဝ်ꩻ မာဖေႏနေး ကယားကုဲင်ထိုꩻ အပဲစ်တန်ꩻခိုꩻ ကအဝ်ႏဗွေဒါႏစွဉ်ႏ နီနမ်းဇာႏတိ နဝ်ꩻသွူ။ ပွိုးနုဲင်းနဝ်ꩻမꩻ နီအီႏတထွာထဲင်းဗာႏ တဝ်းဒွုမ် အပဲစ်သွဉ်းကျောင်ꩻနဝ်ꩻ နီသေဗာႏသွူ။ 7ပွိုးနီ ကသီဒါႏချိန်ႏနဝ်ꩻ အဝ်ႏအပဲစ်တန်ꩻခိုꩻ ဆꩻလနဝ်ꩻ နီလွစ်ကင်ꩻ ထိုꩻလဲဉ်းနဝ်ꩻသွူ။ 8တယ်ႏနီ ကအဝ်ႏခံႏသီ ငီꩻလဲဉ်းစွဉ်ႏ ဗွေႏခရစ်တောႏ ခါကာႏနဝ်ꩻ နီနဝ်ꩻတဲ့ အီႏအဝ်ႏမွန်ငီꩻဒျာႏ စွဉ်ႏဝွေꩻဗွေႏနဝ်ꩻ နီယွုမ်းသွူ။ 9အဝ်ႏထာꩻသီကို ဗွေႏခရစ်တောႏနဝ်ꩻ ထွိုင်ႏမွန်လဲဉ်းတဲင် မုဲင်ꩻခါတဲ့ အီႏတသီဗာႏ ဖျင်တဝ်းဒွုမ်၊ ထာꩻသီ အီႏတအုပ်စိုꩻ ဗာႏတဝ်းဒွုမ် ဝွေꩻဗွေႏနဝ်ꩻ နီသေဗာႏသွူ။ 10ကွပ်ပွိုး ဝွေꩻဗွေႏ သီလဲဉ်းအတွက် အပဲစ်တန်ꩻခိုꩻနဝ်ꩻ အီႏတအုပ်စိုꩻတဝ်းဒွုမ် ဝွေꩻဗွေႏတဲင် ယိုခါ ဝွေꩻဗွေႏဘဝ အသက်အဝ်ႏမွန် မာꩻဖဉ်းမွိုတ်သွꩻလဲဉ်း စွဉ်ႏ ဗွေႏဘုရာꩻနဝ်ꩻသွူ။ 11ဗွိုန် နုဲင်းနဝ်ꩻနေနေ သီနမ်းဖုံႏနဝ်ꩻ မတ်ဗာႏ နုဲင်းကသီထိုလဲဉ်း၊ ဆဲင်ႏတဝ်းဒွုမ်အပဲစ် ညာꩻထိုꩻလဲဉ်းနဝ်ꩻသွူ။ ကွဲႏတွော့ꩻ စွဉ်ႏဗွေႏခရစ်တောႏ ယေသျုနဝ်ꩻ အုံအဝ်ႏဖဉ်းမွိုတ် မာꩻသွꩻသွော့ စွဉ်ႏဗွေႏဘုရာꩻဟုဲင်း။ 12ဖေႏနေး သီကလွောက်ꩻနာႏ စူꩻလွဉ်ꩻမွိုန်း သီနမ်း ဇာႏတိအလိုႏဆန္ဒ၊ အပဲစ်တရာꩻနဝ်ꩻ ဖေႏကအုပ်စိုꩻထိုꩻ လꩻထဲင်းမွိုန်း ကသီထိုꩻဒါႏ ရုပ်ခန္ဓာႏနဝ်ꩻသွူ။ 13ဖေႏကမာꩻအပဲစ် ကအီႏသွုံꩻစွဲꩻအီ ထာꩻမွိုက်ကုဲင် အကျံႏတာႏနဝ်ꩻ သီနမ်းအင်္ဂါႏ မုဲင်ꩻတယဝ်း ဖေႏသွုမ်ꩻထိုꩻမွိုန်း။ ကွပ်စွဉ်ႏအီႏမာꩻ နုဲင်းနဝ်ꩻ နုဲင်းလိုꩻကအဝ်ႏ ထာꩻသီကို မာꩻထွိုင်ႏမွန်ဖေႏလဲဉ်းဒါႏ အဗွေႏအတွိုင်ꩻ ဖေႏကသွုံꩻစွဲꩻ အီဒျာႏ ထာꩻစွို့ꩻစွဉ်ႏတာႏနဝ်ꩻ သီနမ်းတဗာႏလွုမ်းနဝ်ꩻ ခံႏနွမ်ꩻအပ်သွော့ ဝွေꩻဗွေႏထျꩻဟုဲင်း။ 14အပဲစ်တရာꩻနဝ်ꩻ ဖေႏကအုပ်စိုꩻ လꩻမွိုန်းသီ၊ ပွိုးတွော့ꩻ သီနဝ်ꩻ အဝ်ႏသော့ꩻ ပညတ်တရာꩻ ဆꩻလ တမွေးတဝ်း၊ အဝ်ႏသော့ꩻဒျာႏ ဗွေႏဘုရာꩻ အကေꩻဇူꩻတရာꩻ ဆꩻလ အတွက်သွူ။
ထာꩻစွို့ꩻစွဉ်ႏအသွဉ်းဖုံႏ
15တွိုႏနဝ်ꩻ ရိုꩻဗာႏ နုဲင်းမုဲင်ꩻဟောင်း။ နီနဝ်ꩻ ကွပ်ပွိုး တအဝ်ႏသော့ꩻတဝ်းဒွုမ် ပညတ်တရာꩻ ဆꩻလအတွက် ပွိုးအဝ်ႏသော့ꩻဒျာႏ ဗွေႏဘုရာꩻ ကေꩻဇူꩻတရာꩻဆလ နဝ်ꩻမꩻ အီႏမာꩻဗာႏ အပဲစ်နဲ့ဟောင်း။ မဉ်ရိုꩻနုဲင်းနဝ်ꩻ တမွေးတဝ်းသွူ။ 16ကခံႏနွမ်ꩻ သီနမ်း အီႏလွောက်ꩻနာႏဒါႏ ပါꩻတဖြာꩻဖြာꩻ အငဝ်း နုဲင်းသွဉ်းချိန်ႏနဝ်ꩻ သီအဝ်ႏသေစဲင်းဒျာႏသွူ။ သီမဉ်ႏ အဝ်ႏထွာဒျာႏ အပဲစ်တရာꩻအသွဉ်းတွော့ꩻ လွောက်ꩻနာႏ မာꩻလွဉ်ꩻဒျာႏ အပဲစ်တရာꩻငဝ်း အကျိုꩻနဝ်ꩻ ထွာဒျာႏထာꩻသီ။ မဉ်ႏတမွေးတဝ်း မဉ်ႏလွောက်ꩻနာႏဒျာႏ ဗွေႏဘုရာꩻငဝ်း၊ အကျိုꩻတရာꩻနဝ်ꩻ စွို့ꩻစွဉ်ႏလဲဉ်း တွမ်ႏဗွေႏဘုရာꩻသွူ။ 17ကွဲႏတွော့ꩻ တလဲင်ႏခါ ပွိုးသီအဝ်ႏထွာဒျာႏ အပဲစ်တရာꩻ အသွဉ်း တချိန်ႏလွုမ်း၊ သီနဝ်ꩻ စွဉ်ႏသွိုန်ႏလို့ သꩻစင် လွောက်ꩻနာႏလွဉ်ꩻဒျာႏ သီကလက်ခံႏလꩻဒါႏ ထာꩻသွဉ်သင်ကို မော့ꩻလဲဉ်း အမဲဉ်ႏတရာꩻနဝ်ꩻ အတွက် အုပ်ꩻထင်ႏဗာႏ ဗွေႏဘုရာꩻ ကေꩻဇူꩻတောႏသွူ။ 18သီအဝ်ႏ အပဲစ်တရာꩻကိုနဝ်ꩻ လွစ်ထန်ႏလꩻလဲဉ်းတဲင် ထွာလွဉ်လဲဉ်း ထာꩻစွို့ꩻစွဉ်ႏတရာꩻ အသွဉ်းဖုံႏနဝ်ꩻသွူ။ (19ကွပ်ပွိုး သီဇာႏတိကိုကာႏ ဉာဏ်ႏဆေ့ꩻအတွက် ခွေအဝ်ႏသွုံꩻ အီသေႏသေႏဗာႏ ငဝ်းဘာႏသာႏ အစားယိုနဝ်ꩻသွူ။) တချိန်ႏခါ အီႏမာꩻထာꩻကုဲင်တာႏ သီနမ်းတဗာႏလွုမ်းနဝ်ꩻ သီအဝ်ႏခံႏနွမ်ꩻထွာဒျာႏ ထာꩻတဗော့ꩻလဲ့ꩻတွမ်ႏ ထာꩻမွိုက်ကုဲင် အသွဉ်းသွူ။ ဗွိုန် နုဲင်းနဝ်ꩻနေနေ ကအီႏမာꩻ ထာꩻကြောင်းစင်တွက်တာႏ ယိုခါ သီနမ်းတဗာႏလွုမ်းနဝ်ꩻ သီခံႏနွမ်ꩻ အပ်သွော့ ထာꩻစွို့ꩻစွဉ်ႏသွဉ်း။
20သီကအဝ်ႏထွာ အပဲစ်သွဉ်းချိန်ႏနဝ်ꩻ သီအဝ်ႏ ထာꩻစွို့ꩻစွဉ်ႏ တရာꩻကို လွစ်ထန်ႏထိုꩻနဝ်ꩻသွူ။ 21ယိုခါသီ ကအဝ်ႏမာꩻဒါႏ ထာꩻဝင်ꩻသꩻခရာႏနဝ်ꩻ လꩻအကျိုꩻတမုဲင်ꩻဟောင်း၊ ထာꩻနဝ်ꩻဖုံႏ အကျိုꩻနဝ်ꩻ လꩻဒျာႏ ထာꩻသီသွူ။ 22ကွဲႏတွော့ꩻ ယိုခါ သီအဝ်ႏအပဲစ်ကိုနဝ်ꩻ လွစ်ထန်ႏလဲဉ်းတဲင် ထွာလဲဉ်း ဗွေႏဘုရာꩻ အသွဉ်းဖုံႏသွူ။ သီဘဝ တစွိုးလွုမ်း ဆယ်ꩻကပ် အပ်လို့စင်လဲဉ်း အကျိုꩻနဝ်ꩻ လꩻထာဝရအသက်သွူ။ 23မာꩻအပဲစ်တာႏ အငိုအခနဝ်ꩻ ထွာဒျာႏထာꩻသီသွူ။ ကွဲႏတွော့ꩻ ဗွေႏဘုရာꩻ ကဖေႏခြေင်ဒါႏ ဆုကေꩻဇူꩻနဝ်ꩻ နီအဝ်ႏတလွောင်ႏ တဗူႏချင်ႏ စွဉ်ႏနီဗွေႏခရစ်တောႏ ယေသျုတွော့ꩻ လꩻထာဝရအသက်သွူ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.