မာကု နိဒါန်း
နိဒါန်း
သတင်ꩻဟဝ် မာကုကျမ်ꩻကို ကပါဒါႏ အကျောင်ꩻခရာႏနဝ်ꩻ စဒေါ့ꩻအီစွဉ်ႏ၊ “ဗွေႏဘုရာꩻပိုခို ဗွေႏယေသျုခရစ်တောႏ သတင်ꩻဟဝ်ခရာႏ” နုဲင်းနဝ်ꩻသွူ။ ဗွေႏယေသျုနဝ်ꩻထွာ အပွုံႏမာꩻထာꩻ နုဲင်းလိုꩻတဖြာꩻတဲင် အဝ်ႏဗွေတွမ်ႏ အာႏဏာႏတန်ꩻခိုꩻနဝ်ꩻသွူ။ ဝွေꩻဗွေႏ အာႏဏာႏတန်ꩻခိုꩻနဝ်ꩻ ထီႏသော့ꩻဗာႏ ဝွေꩻဗွေႏ ထာꩻသွဉ်သင်ကိုတဲင်၊ ဝွေꩻဗွေႏတန်ꩻခိုꩻနဝ်ꩻ အုပ်လူꩻကုဲင်ဖုံႏစွဉ်ႏ အွဉ်ႏစွꩻလွစ်ဖေႏ လိုꩻအပဲစ်ဖုံႏနဝ်ꩻသွူ။ ဗွေႏယေသျု ဒေါ့ꩻချာအနမ်း၊ ဖေႏနေး ကအွဉ်ႏစွꩻလွစ်ဖေႏ လိုꩻကအဝ်ႏ အပဲစ်ကိုတာႏနဝ်ꩻ အီႏစွဉ်ꩻဖေႏ ဝွေꩻဗွေႏ အသက်တွော့ꩻ ကျွꩻလွဉ် နုဲင်းလိုꩻပိုခိုနဝ်ꩻသွူ။
မာကု ကဒင်ႏပျနယ်ဒါႏ ဗွေႏယေသျု ရာႏဇဝင်ႏကိုနဝ်ꩻ နုဲင်းဝွေꩻဗွေႏ ကမာꩻလဲဉ်းဒါႏ ထာꩻမာꩻနဝ်ꩻ အွဉ်ႏရေꩻလွိုကယ်ꩻက ဝွေꩻဗွေႏ အငဝ်းဖုံႏစွဉ်ႏ အထာꩻသွဉ်သင်ဖုံႏနဝ်ꩻသွူ။ နဝ်ꩻထွူ ဗတ္တိဇံႏဆရာႏ ယောဟန်ခရာႏ၊ ကခံႏဗတ္တိဇံႏ ထီမင်္ဂလာႏတွမ်ႏ ဗွေႏယေသျု ကခံႏဗာႏဒါႏ ထာꩻသွေꩻကုဲင် ခရာႏဖုံႏနဝ်ꩻ ဖေါႏနယ်ဒျာႏ အအဲဉ်ႏလွုမ်ꩻနဝ်ꩻသွူ။ လိတ်တဲမ်းသားနဝ်ꩻ ဖေါႏနယ်ဖေႏအာဒျာႏ ဗွေႏယေသျု ကမာꩻအမုတောႏ ထာꩻမာꩻတွမ်ႏ ကလုမ်ꩻလာꩻ မာꩻဟဝ်ဖေႏဒါႏ လိုꩻဆာစွဉ်ႏ ထာꩻသွဉ်သင်ဖုံႏသွူ။ နုဲင်းအချိန်ႏနဝ်ꩻ မာꩻငါ ဗွေႏယေသျု တပဲ့တောႏဖုံႏနဝ်ꩻ ကယိန်းသေနာႏ စဲင်းလွဉ်ထဲင်း ဝွေꩻဗွေႏခရာႏနဝ်ꩻသွူ။ ကွဲႏတွော့ꩻ ဗွေႏယေသျု ရန်ႏသူႏဖုံႏနဝ်ꩻ ယိန်းဆန်သန်ချာ ဝွေꩻဗွေႏသွူ။ ကျမ်ꩻအဆုဲင်ꩻသွတ်ꩻခန်ꩻနဝ်ꩻ ဖေါႏနယ်ဒျာႏ ဗွေႏယေသျု ကမာꩻထာꩻမာꩻ ဟံႏတန်လောင်း ထာꩻမာꩻ အဆုဲင်ꩻသွတ်ꩻပတ်ကို အရေꩻတန်သွတ်ꩻ တွဲႏဒပ်ဝွေꩻဗွေႏ ကင်းထွန်ႏလောင်းတွမ်ႏ အဝ်ႏထာꩻသီကို ထွိုင်ႏမွန်လွဉ်ချာ ခရာႏနဝ်ꩻသွူ။
သတင်ꩻဟဝ် အွဉ်ႏသွတ်ꩻခန်ꩻနဝ်ꩻ အဝ်ႏနီဗာႏ၊ ကကွင်ꩻပေ့ꩻသေꩻခါꩻနေး ဖုံႏနဝ်ꩻသွူ။ ကဲဉ်းအာအာနဝ်ꩻ ထွာနွောင်ꩻ လိတ်တဲမ်းသား အလင်တဖြာꩻဖြာꩻနဝ်ꩻ တဲမ်းအွဉ်ႏသွတ်ꩻထိုꩻ မာကုကျမ်ꩻနဝ်ꩻသွူ။
အကျောင်ꩻခရာႏအအဲဉ်ႏ
သတင်ꩻဟဝ်ပေါႏလွဉ်စခရာႏ (၁:၁–၁၃)
ဗွေႏယေသျုမာꩻအမုတောႏထာꩻမာꩻလိုꩻအမျာꩻခြာကာလိလဲခမ်းကို (၁:၁၄—၉:၅၀)
အဝ်ႏကာလိလဲခမ်း လွေꩻထိုꩻ ဝေင်ꩻယေရုသလမ်ႏ (၁၀:၁–၅၂)
အဆုဲင်ꩻသွတ်ꩻပတ်ကိုတွမ်ႏအဝ်ႏဗော့ꩻဝေင်ꩻယေရုသလမ်ႏ (၁၁:၁—၁၅:၄၇)
ဗွေႏယေသျုထွိုင်ႏမွန်လွဉ်ချာ (၁၆:၁–၈)
ထွိုင်ႏမွန်လွဉ်ချာဒါႏထာဝရဘုရာꩻ ပျနယ်အနမ်းစွဉ်ႏ ကျွꩻသဲင်ꩻချာခမ်းထီမို့ꩻလောင်း (၁၆:၉–၂၀)
Currently Selected:
မာကု နိဒါန်း: PBCL
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
မာကု နိဒါန်း
နိဒါန်း
သတင်ꩻဟဝ် မာကုကျမ်ꩻကို ကပါဒါႏ အကျောင်ꩻခရာႏနဝ်ꩻ စဒေါ့ꩻအီစွဉ်ႏ၊ “ဗွေႏဘုရာꩻပိုခို ဗွေႏယေသျုခရစ်တောႏ သတင်ꩻဟဝ်ခရာႏ” နုဲင်းနဝ်ꩻသွူ။ ဗွေႏယေသျုနဝ်ꩻထွာ အပွုံႏမာꩻထာꩻ နုဲင်းလိုꩻတဖြာꩻတဲင် အဝ်ႏဗွေတွမ်ႏ အာႏဏာႏတန်ꩻခိုꩻနဝ်ꩻသွူ။ ဝွေꩻဗွေႏ အာႏဏာႏတန်ꩻခိုꩻနဝ်ꩻ ထီႏသော့ꩻဗာႏ ဝွေꩻဗွေႏ ထာꩻသွဉ်သင်ကိုတဲင်၊ ဝွေꩻဗွေႏတန်ꩻခိုꩻနဝ်ꩻ အုပ်လူꩻကုဲင်ဖုံႏစွဉ်ႏ အွဉ်ႏစွꩻလွစ်ဖေႏ လိုꩻအပဲစ်ဖုံႏနဝ်ꩻသွူ။ ဗွေႏယေသျု ဒေါ့ꩻချာအနမ်း၊ ဖေႏနေး ကအွဉ်ႏစွꩻလွစ်ဖေႏ လိုꩻကအဝ်ႏ အပဲစ်ကိုတာႏနဝ်ꩻ အီႏစွဉ်ꩻဖေႏ ဝွေꩻဗွေႏ အသက်တွော့ꩻ ကျွꩻလွဉ် နုဲင်းလိုꩻပိုခိုနဝ်ꩻသွူ။
မာကု ကဒင်ႏပျနယ်ဒါႏ ဗွေႏယေသျု ရာႏဇဝင်ႏကိုနဝ်ꩻ နုဲင်းဝွေꩻဗွေႏ ကမာꩻလဲဉ်းဒါႏ ထာꩻမာꩻနဝ်ꩻ အွဉ်ႏရေꩻလွိုကယ်ꩻက ဝွေꩻဗွေႏ အငဝ်းဖုံႏစွဉ်ႏ အထာꩻသွဉ်သင်ဖုံႏနဝ်ꩻသွူ။ နဝ်ꩻထွူ ဗတ္တိဇံႏဆရာႏ ယောဟန်ခရာႏ၊ ကခံႏဗတ္တိဇံႏ ထီမင်္ဂလာႏတွမ်ႏ ဗွေႏယေသျု ကခံႏဗာႏဒါႏ ထာꩻသွေꩻကုဲင် ခရာႏဖုံႏနဝ်ꩻ ဖေါႏနယ်ဒျာႏ အအဲဉ်ႏလွုမ်ꩻနဝ်ꩻသွူ။ လိတ်တဲမ်းသားနဝ်ꩻ ဖေါႏနယ်ဖေႏအာဒျာႏ ဗွေႏယေသျု ကမာꩻအမုတောႏ ထာꩻမာꩻတွမ်ႏ ကလုမ်ꩻလာꩻ မာꩻဟဝ်ဖေႏဒါႏ လိုꩻဆာစွဉ်ႏ ထာꩻသွဉ်သင်ဖုံႏသွူ။ နုဲင်းအချိန်ႏနဝ်ꩻ မာꩻငါ ဗွေႏယေသျု တပဲ့တောႏဖုံႏနဝ်ꩻ ကယိန်းသေနာႏ စဲင်းလွဉ်ထဲင်း ဝွေꩻဗွေႏခရာႏနဝ်ꩻသွူ။ ကွဲႏတွော့ꩻ ဗွေႏယေသျု ရန်ႏသူႏဖုံႏနဝ်ꩻ ယိန်းဆန်သန်ချာ ဝွေꩻဗွေႏသွူ။ ကျမ်ꩻအဆုဲင်ꩻသွတ်ꩻခန်ꩻနဝ်ꩻ ဖေါႏနယ်ဒျာႏ ဗွေႏယေသျု ကမာꩻထာꩻမာꩻ ဟံႏတန်လောင်း ထာꩻမာꩻ အဆုဲင်ꩻသွတ်ꩻပတ်ကို အရေꩻတန်သွတ်ꩻ တွဲႏဒပ်ဝွေꩻဗွေႏ ကင်းထွန်ႏလောင်းတွမ်ႏ အဝ်ႏထာꩻသီကို ထွိုင်ႏမွန်လွဉ်ချာ ခရာႏနဝ်ꩻသွူ။
သတင်ꩻဟဝ် အွဉ်ႏသွတ်ꩻခန်ꩻနဝ်ꩻ အဝ်ႏနီဗာႏ၊ ကကွင်ꩻပေ့ꩻသေꩻခါꩻနေး ဖုံႏနဝ်ꩻသွူ။ ကဲဉ်းအာအာနဝ်ꩻ ထွာနွောင်ꩻ လိတ်တဲမ်းသား အလင်တဖြာꩻဖြာꩻနဝ်ꩻ တဲမ်းအွဉ်ႏသွတ်ꩻထိုꩻ မာကုကျမ်ꩻနဝ်ꩻသွူ။
အကျောင်ꩻခရာႏအအဲဉ်ႏ
သတင်ꩻဟဝ်ပေါႏလွဉ်စခရာႏ (၁:၁–၁၃)
ဗွေႏယေသျုမာꩻအမုတောႏထာꩻမာꩻလိုꩻအမျာꩻခြာကာလိလဲခမ်းကို (၁:၁၄—၉:၅၀)
အဝ်ႏကာလိလဲခမ်း လွေꩻထိုꩻ ဝေင်ꩻယေရုသလမ်ႏ (၁၀:၁–၅၂)
အဆုဲင်ꩻသွတ်ꩻပတ်ကိုတွမ်ႏအဝ်ႏဗော့ꩻဝေင်ꩻယေရုသလမ်ႏ (၁၁:၁—၁၅:၄၇)
ဗွေႏယေသျုထွိုင်ႏမွန်လွဉ်ချာ (၁၆:၁–၈)
ထွိုင်ႏမွန်လွဉ်ချာဒါႏထာဝရဘုရာꩻ ပျနယ်အနမ်းစွဉ်ႏ ကျွꩻသဲင်ꩻချာခမ်းထီမို့ꩻလောင်း (၁၆:၉–၂၀)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.