မတဲ 23
23
ဗွေႏယေသျုဖေႏသတိꩻဆန်ချာကျမ်ꩻဒါႏဆရာႏတွမ်ႏဖါရိသဲဖုံႏ
(မာကု ၁၂:၃၈။ လုကာ ၁၁:၄၃၊ ၄၆၊ ၂၀:၄၅–၄၆)
1နဝ်ꩻထွူ ဗွေႏယေသျုဒေါ့ꩻဖေႏ လိုꩻစွိုꩻဖုံႏတွမ်ႏ ဝွေꩻဗွေႏ တပဲ့တောႏဖုံႏနဝ်ꩻသွူ။ 2“ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏနဝ်ꩻ ဗွောင်နယ်ဖေႏ မောသျေ ပညတ်ကျမ်ꩻ အခွင်ꩻအာႏဏာႏအဝ်ႏသွူ။ 3နဝ်ꩻမꩻ ဝွေꩻသီး ကဒေါ့ꩻနယ်ဒါႏသီ ဖေႏကမာꩻနဝ်ꩻ သီလွောက်ꩻနာႏတဲင် မာꩻလွဉ်ꩻလို့သွော့၊ ကွဲႏတွော့ꩻ တွမ်ႏထွားနုဲင်းမွိုန်း နုဲင်းဝွေꩻသီးထာꩻမာꩻဖုံႏ၊ ပွိုးတွော့ꩻ နုဲင်းဝွေꩻသီးကဟော်ꩻနဝ်ꩻ ဝွေꩻသီး တကံကျင်ꩻလွဉ်ꩻတဝ်း အတွက်သွူ။ 4ဝွေꩻသီး စွိုင်အွဉ်ႏဒင်ႏဖေႏ လိုꩻဖုံႏ ငင်းလောင်း ကွန်ႏထာꩻခြိုꩻနဝ်ꩻ ထွူႏငါႏ။ ဝွေꩻတောလွေꩻဗာႏနဝ်ꩻ ယပ်ꩻခုဲင်ႏငါႏ၊ ကွဲႏတွော့ꩻ ကအီႏစွဲကို လိုꩻကအဝ်ႏတောလွေꩻ ကွန်ႏထာꩻခြိုꩻဖုံႏနဝ်ꩻ တွမ်ႏဝွေꩻသီး စူနုန် တလီးငါတဲ့ တမဉ်အွော့ꩻတဝ်းသွူ။ 5#မ ၆:၁၊ ဟော်ꩻ ၆:၈၊ ကွ ၁၅:၃၈။ ဖေႏနေးလိုꩻဖုံႏကထီႏ ဝွေꩻသီးနဝ်ꩻ ဝွေꩻသီးမာꩻနယ် ထာꩻစွုမ်ႏစွိုးနဝ်ꩻသွူ။ လိတ်ကျမ်ꩻပိုဒ်ဖုံႏ ကတဲမ်းလူးဒါႏ တဖြို့ꩻလောင်းနဝ်ꩻ အွဉ်ႏအကတောင် လောင်းတွမ်ႏ အစူဗောင် လောင်းတွော့ꩻ ဝွေꩻသီး တန်မျတ်ငါႏ ခွိုင်းကားမုဲင်ꩻကျောင်ꩻ မာဖေႏနေးလိုꩻဖုံႏ ကသေနဝ်ꩻသွူ၊ ဖေႏကသေပါက ဝွေꩻသီး ဆဲင်ꩻတန်လောင်း ကဝ်ႏဖုတ်ꩻဆွာꩻငါႏ ခွိုင်းကားမုဲင်ꩻကျောင်ꩻ နဝ်ꩻသွူ။ 6ပွယ်ꩻလမ်ꩻကို ခင်ႏလမ်း အဟဝ်သွတ်ꩻဖုံႏတွမ်ႏ ကအွဉ်ႏသေꩻခါꩻဖေႏ ခင်ႏလမ်းအုံလင်ꩻ တရာꩻစရွပ်ကိုဖုံႏနဝ်ꩻ ဝွေꩻသီး ကျွိုက်နစ်သက်ငါႏနဝ်ꩻသွူ။ 7စွဉ်ႏထာꩻရိုႏသေႏ ကနုတ်ဆက်ဝွေꩻသီး ဆေꩻတန်ꩻခါႏကိုစွဉ်ႏ အွဉ်ႏလိုꩻဖုံႏဟဲ့ꩻ ဝွေꩻသီး ‘ဆရာႏ’ နုဲင်းနဝ်ꩻနဝ်ꩻ ဝွေꩻသီး ကျွိုက်နစ်သက်ငါႏသွူ။ 8သီနဝ်ꩻ ခံႏဟဲ့ꩻဗာႏတဝ်း ‘ဆရာႏ’၊ ကွပ်ပွိုး သီကားကအဝ်ႏနဝ်ꩻ ဗွိုန်ဗွိုန်လို့ဒျာႏဝင်ꩻတဲင် ဆရာႏအဝ်ႏဒျာႏ တပါꩻလွုမ်ꩻနဝ်ꩻသွူ။ 9ဟံႏတန်လောင်းယိုနဝ်ꩻ ပါꩻမုဲင်ꩻတဖြာꩻတဲ့ သီတဟဲ့ꩻဗာႏတဝ်း ‘ဖါ’၊ ပွိုးတွော့ꩻ သီဖါနဝ်ꩻ အဝ်ႏဒျာႏ ခမ်းထီမို့ꩻလောင်းကီ တပါꩻလွုမ်ꩻ အတွက်သွူ။ 10သီနဝ်ꩻ ခံႏဟဲ့ꩻဗာႏတဝ်း ‘ခေါင်းဆောင်’ ပွိုးတွော့ꩻ သီခေါင်းဆောင်နဝ်ꩻ ထွာဒျာႏ ခရစ်တောႏ တပါꩻလွုမ်ꩻ အတွက်သွူ။ 11#မ ၂၀:၂၆၊ ၂၇၊ မာ ၉:၃၅၊ ၁၀:၄၃၊ ၄၄၊ လု ၂၂:၂၆။ သီအကို အတန်သွတ်ꩻ တဖြာꩻနဝ်ꩻ အီႏထွာဗာႏ သီအသွဉ်းသွူ။ 12#လု ၁၄:၁၁၊ ၁၈:၁၄။ ပါꩻမုဲင်ꩻအွဉ်ႏတန် အနမ်းသားနဝ်ꩻ အီႏခံႏဗာႏ အချꩻဖွိုႏတဲင် ပါꩻမုဲင်ꩻအွဉ်ႏချဖွိုႏ အနမ်းသားနဝ်ꩻ အီႏထွာဗာႏ အတန်သွတ်ꩻသွူ။
ဗွေႏယေသျုပဲစ်တင်ႏဝွေꩻသီးသူႏတောႏလဲဉ်
(မာကု ၁၂:၄၀၊ လုကာ ၁၁:၃၉–၄၂၊ ၄၄၊၅၂။ ၂၀:၄၇)
13“ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ သီအတာႏ ဟဝ်ငမ်းသꩻငါႏ ခွိုင်းကားမုဲင်ꩻ။ သီသူႏတောႏလဲဉ်။ ခမ်းထီမို့ꩻလောင်း တခါꩻနဝ်ꩻ သီအွဉ်ႏခတ်ꩻပေ့ꩻခါꩻ လိုꩻဖုံႏဆꩻငါသွူ။ ကွဲႏတွော့ꩻ သီနမ်းတဲ့ တနွို့သော့ꩻတဝ်း လိုꩻဖုံႏကအဝ်ႏကျိုꩻစာꩻ အီႏနွို့သော့ꩻနဝ်ꩻတဲ့ သီတဖေႏနွို့တဝ်း နဝ်ꩻသွူ။
14သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ သီရိမ်ထူႏရီး မဲမုဲင်းမူႏ ထာꩻခြိုꩻဖုံႏတဲင် စွန်ရိမ်ထူႏ အလမ်းဖုံႏ ထွူတွော့ꩻ ဆုတောင်ꩻဆွာꩻနယ် ဘုရာꩻ၊ ကွပ်ပွိုး ကအီႏဖေႏသီ အပဲစ်တံႏနဝ်ꩻ အီႏဟုဲင်းကယ်ꩻက လိုꩻလင်ကားကအဝ်ႏသွူ။
15“သီထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ ဖေႏပါꩻတဖြာꩻ ကပြောင်ꩻကြုဲင်ꩻလွဉ်နဝ်ꩻ သီထုမ်း သင်္ဘောꩻ ဖျတ်ကာႏ ပင်ႏလယ်ႏကို လယ်ႏစွစ်ꩻစဲစ်ꩻ တခမ်းလွုမ်း ဒေါ့ꩻဟော်ꩻတဲင်၊ သီထွိုင်ႏအောင်ႏနွောင်ꩻလွဉ်နဝ်ꩻ သီမာꩻထဲ့သော့ꩻထိုꩻဝွေꩻ ငရုဲင်ꩻနီဆꩻ နုဲင်းသီကထဲ့သော့ꩻနဝ်ꩻသွူ။
16“လိုꩻမဲ့ခေ့ꩻ အွဉ်ဝင်ꩻတဖူꩻသားဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ ‘ပါꩻတဖြာꩻဖြာꩻ မဉ်ႏတွိုင်ႏတယ်ႏအီစွဉ်ႏ ဗိမာန်ႏတောႏကျောင်ꩻတွော့ꩻ စွဉ်ႏဝွေꩻကမာꩻဒါႏ ဂတိနဝ်ꩻ တတီႏတဝ်းနဝ်ꩻသွူ။ ကွဲႏတွော့ꩻ ဝွေꩻမဉ်ႏတွိုင်ႏတယ်ႏ အီစွဉ်ႏခံꩻ ကအဝ်ႏသော့ꩻဒါႏ ဗိမာန်ႏတောႏ ကျောင်ꩻကိုနဝ်ꩻ ဝွေꩻဂတိတီႏ။ သီသွဉ်သင်ဝင်ꩻ နုဲင်းနဝ်ꩻသွူ။’ 17သီလိုꩻမဲ့ခေ့ꩻ ထာꩻသူႏသေဆေ့ꩻသားဖုံႏ၊ ခံꩻမဉ်ႏတမွေးတဝ်း ကမာꩻကြောင်းစင်ဒါႏခံꩻ ဗိမာန်ႏတောႏကျောင်ꩻနဝ်ꩻ အစွိုးမုဲင်ꩻ အရေꩻတန်လွိုဟောင်း။ 18သီအဝ်ႏသွဉ်သင်ပါက၊ ‘ပါꩻတဖြာꩻဖြာꩻ မဉ်ႏတွိုင်ႏတယ်ႏအီ ယဇ်ပလ္လင်ႏ စွဉ်ႏဝွေꩻကအွဉ်ႏ ဂတိနဝ်ꩻ၊ ဝွေꩻဂတိနဝ်ꩻ တတီႏတဝ်း။ ကွဲႏတွော့ꩻ ဝွေꩻမဉ်ႏတွိုင်ႏတယ်ႏ အီစွဉ်ႏ ယဇ်ထာꩻပူႏဇောႏကအဝ်ႏ ယဇ်ပလ္လင်ႏလောင်း လက်ဆောင်ႏနဝ်ꩻ ဝွေꩻဂတိနဝ်ꩻ ထွာအတီႏ’ သီသွဉ်သင်နုဲင်းနဝ်ꩻသွူ။ 19သီမွော့ꩻ မဲ့ခေ့ꩻငါႏ ခွိုင်းကားမုဲင်ꩻ၊ ယဇ်ထာꩻပူႏဇောႏ မဉ်ႏတမွေးတဝ်း ကမာꩻကြောင်းစင်ဒါႏ ယဇ်ထာꩻပူႏဇောႏ ယဇ်ပလ္လင်ႏနဝ်ꩻ အစွိုးမုဲင်ꩻ အရေꩻတန်လွိုဟောင်း။ 20နဝ်ꩻထွူ ပါꩻတဖြာꩻ ကတွိုင်ႏတယ်ႏအီစွဉ်ႏ ယဇ်ပလ္လင်ႏချိန်ႏ ဝွေꩻနဝ်ꩻ အဝ်ႏတွိုင်ႏတယ်ႏ ပါစွဉ်ႏ ယဇ်ထာꩻပူႏဇောႏ ကအဝ်ႏ ယဇ်ပလ္လင်ႏလောင်း နဝ်ꩻသွူ။ 21ဝွေꩻကတွိုင်ႏတယ်ႏအီစွဉ်ႏ ဗိမာန်ႏတောႏကျောင်ꩻချိန်ႏ၊ ဝွေꩻအဝ်ႏတွိုင်ႏတယ်ႏပါ ဗိမာန်ႏတောႏကျောင်ꩻတွမ်ႏ ဗွေႏဘုရာꩻ ကအဝ်ႏနင်းသော့ꩻ နဝ်ꩻကိုသွူ။ 22#ဟေသျာ ၆၆:၁၊ မ ၅:၃၄။ ပါꩻတဖြာꩻဖြာꩻ ကတွိုင်ႏတယ်ႏအီ ခမ်းထီမို့ꩻလောင်းချိန်ႏနဝ်ꩻ ဝွေꩻအဝ်ႏတွိုင်ႏတယ်ႏ ပါစွဉ်ႏ ဗွေႏဘုရာꩻ ပလ္လင်ႏတွမ်ႏ စွဉ်ႏဝွေꩻဗွေႏ ကအဝ်ႏနင်းဒါႏ ပလ္လင်ႏနဝ်ꩻလောင်းသွူ။
23 #
ဝိ ၂၇:၃၀။ “သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏ ဟဝ်ငမ်းသꩻငါႏ ခွိုင်းကားမုဲင်ꩻ။ သီလဲင်ꩻဖေႏနေးစွဉ်ႏ ဗွေႏဘုရာꩻ ဆီပွန်းတပွန်း ရာႏသီႏအလွောက်ꩻ တသီႏမွူးပေႏဖုံႏ ကသော့ꩻဒါႏ ဟန်ႏအိုကို အစားနုဲင်း အိန်ခြိမ်ꩻမွူး၊ စမုတ်မွူး၊ သီယာမွူးဖုံႏ၊ ကွဲႏတွော့ꩻ ကအီႏလွောက်ꩻနာႏမွေး အရေꩻတန် ပညတ်ကျမ်ꩻ ထာꩻသွဉ်သင် အစားနုဲင်း ထာꩻတရျား၊ ထာꩻသꩻညင်ꩻတွမ်ႏ ထာꩻစွို့ꩻစွဉ်ႏနဝ်ꩻ တအဲဉ်ထဝ်းသွူ။ ယိုဖုံႏနဝ်ꩻ သီဟဝ်ကံကျင်ꩻ၊ အလင်ဖုံႏနဝ်ꩻတဲ့ တွမ်ႏအွဉ်ႏဖွီထိုꩻမွိုန်း။ 24လိုꩻမဲ့ခေ့ꩻ အွဉ်တဖူꩻသားဖုံႏ၊ သီခါထန်ႏထိုꩻ ထာꩻသားပေႏကွင်ႏ သီထီအွꩻကို၊ ကွဲႏတွော့ꩻ သီအဝ်ႏမျောႏဒျာႏ ကလာအုတ် ပဉ်ဗာႏဗာႏနေးနဝ်ꩻသွူ။
25“သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ သီအဝ်ႏပသေကြောင်းစင်ဒျာႏ သီတကောက်ꩻတွမ်ႏ သီဝန်ႏ အထန်ႏဖဲ့ꩻကျာꩻ ကောင်းကိုဖဲ့ꩻနဝ်ꩻ အဝ်ႏဗွေသော့ꩻဒျာႏတွမ်ႏ သီကလꩻလွဉ်ဒါႏ မာꩻကျံꩻကြမ်ꩻထာꩻတွမ်ႏ ဟဝ်နမ်းတာႏလွုမ်ꩻသွူ။ 26ဖါရိသဲမဲ့ခေ့ꩻဖုံႏ မာꩻကြောင်းစင် ရီးသွော့ တကောက်ꩻကောင်းကိုဖဲ့ꩻ၊ နဝ်ꩻထွူ ကောင်းထန်ႏဖဲ့ꩻ နဝ်ꩻတဲ့ အီႏကြောင်းစင်လွဉ်ဒျာႏ နေနေသွူ။
27 #
တ ၂၃:၃။ “သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ သီနဝ်ꩻ ဗွိုန်နုဲင်း သဲင်ႏခဲင်ꩻမုတ်ဖုံႏ သူႏဗွာနေးတဲင်၊ ထွားကောင်းထန်ႏနဝ်ꩻ ယံငါႏ ကွဲႏတွော့ꩻ ကောင်းကိုနဝ်ꩻ အဝ်ႏဗွေႏသော့ꩻဒျာႏ အဆွတ်ꩻဖုံႏတွမ်ႏ လိုꩻသီ အသေင်ဖြင်းနဝ်ꩻသွူ။ 28ဗွိုန်နုဲင်းနဝ်ꩻ နေနေ သီအထန်ႏနဝ်ꩻ အွဉ်ႏနယ်မွေးစွဉ်ႏ လိုꩻစွုမ်ႏဖြာꩻ အဟဝ်၊ ကွဲႏတွော့ꩻ သီကောင်းကိုဖဲ့ꩻနဝ်ꩻ အဝ်ႏဗွေသော့ꩻဒျာႏ သူႏတောႏလိန်ႏလဲဉ်တွမ်ႏ အပဲစ်ဖုံႏသွူ။
ဗွေႏယေသျုဟော်ꩻငါရီးဝွေꩻသီးအီႏခံႏဗာႏအပဲစ်တံႏထာꩻစီႏရင်ႏချက်
(လုကာ ၁၁:၄၇–၅၁)
29“သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ သီမာꩻဟဝ်ဖေႏမွေးစွဉ်ႏ ပရောဖဲစ်ဖုံႏတာႏ သဲင်ႏခဲင်ꩻမုတ်အောင်တဲင် မာꩻတရေꩻ ဖေႏမွေးစွဉ်ႏ လိုꩻအသက် အဝ်ႏမွန်ဟဝ်သား မုတ်အောင်ဖုံႏနဝ်ꩻသွူ။ 30သီအသက် မဉ်ႏအဝ်ႏမွန် သီမွိုးဖြား ဖါဖြားသီးဖုံႏစိုးနဝ်ꩻ နုဲင်းဝွေꩻသီး ကမာꩻသီလဲဉ်း ပရောဖဲစ်ဖုံႏအတွိုင်ꩻ သီအီႏတမာꩻတဝ်း သီဒေါ့ꩻကေႏညာႏဒျာႏ နုဲင်းနဝ်ꩻသွူ။ 31နဝ်ꩻမꩻ သီနဝ်ꩻထွာ လိုꩻကမာꩻသီဒါႏ ပရောဖဲစ်ဖုံႏ အပိုလီꩻစွိုးခွိုꩻဖုံႏကျောင်ꩻ သီဝွန်ႏခံႏလဲဉ်းနဝ်ꩻသွူ။ 32နဝ်ꩻမꩻ နုဲင်းသီမွိုး ဖြားဖါဖြားသီး ကမာꩻလဲဉ်းဒါႏနဝ်ꩻ မာꩻသွုပ်တဲင် မာꩻထွူထွူထိုꩻခန်းဟုဲင်း။ 33#မ ၃:၇၊ ၁၂:၃၄၊ လု ၃:၇။ သီထွာ ရူးခွိုꩻဖုံႏတွမ်ႏ ရူးအပိုဖုံႏ၊ ကအီႏစီႏရင်ႏ ဖေႏတံႏသော့ꩻ ငါးရုဲင်ꩻကိုနဝ်ꩻ သီအဝ်ႏမောင်ꩻနေက အီႏသျောင်ႏလဲ့လꩻ နုဲင်းမုဲင်ꩻဟောင်း။ 34နဝ်ꩻမꩻ ခွေဒေါ့ꩻဖေႏသီ ခွေအီႏအွဉ်ႏစွꩻလွဉ် ဖေႏသီ ပရောဖဲစ်ဖုံႏ၊ လိုꩻဉာဏ်ႏပညာႏ အဝ်ႏသားဖုံႏတွမ်ႏ ဆရာႏဖုံႏသွူ။ ဝွေꩻသီး ယင်ဟန်ႏနဝ်ꩻ သီအီႏမာꩻသီ၊ အလင်နဝ်ꩻ သီအီႏတွဲႏဒပ် ကင်းထွန်ႏလောင်း၊ အလင်နဝ်ꩻ သီအီႏတွဲႏ တရာꩻစရွပ်ကိုတဲင် ဝါးထန်ႏထိုꩻ ဝွေꩻသီး တဝေင်ꩻထွူတဝေင်ꩻသွူ။ 35#ကမ္ဘာႏ ၄:၈၊ ၂ရာႏချုပ် ၂၄:၂၀၊ ၂၁။တွိုႏအဆုဲင်ꩻသွတ်ꩻ နုဲင်းကမာꩻသီဒါႏ လိုꩻကြောင်းစင်ဖုံႏ အပဲစ်တံႏတာႏနဝ်ꩻ အီႏသဲင်ꩻထဲ့လူး သီအလောင်း၊ တယ်ႏစွဉ်ႏ ကမာꩻသီထိုꩻ လိုꩻအပဲစ်အဲဉ်ထဝ်း အာဗေလ၊ ကမာꩻသီထိုꩻဒါႏ ဗေရခိပိုခို ဇာခရိ၊ ပါꩻသီကမာꩻသီထိုꩻဒါႏ ဗိမာန်ႏတောႏကျောင်ꩻတွမ်ႏ ယဇ်ပလ္လင်ႏခါႏ အပဲစ်ထာꩻစီႏရင်ႏဖုံႏ တာႏနဝ်ꩻ အီႏထဲ့လူး သီလောင်းသွူ။ 36ခွေဒေါ့ꩻဖေႏသီ အမွေးအမဲဉ်ႏ၊ လိုꩻကမာꩻသီဒါႏ ဝင်ꩻဖုံႏယို အပဲစ်တံႏ ထာꩻစီႏရင်ႏတာႏနဝ်ꩻ အီႏထဲ့လူး လိုꩻဟန်ႏနီꩻယိုဖုံႏ အလောင်းနဝ်ꩻသွူ။
ဗွေႏယေသျုရက်ဝေင်ꩻယေရုသလမ်ႏ
(လုကာ ၁၃:၃၄–၃၅)
37“အွိုးဝေင်ꩻယေရုသလမ်ႏ၊ ဝေင်ꩻယေရုသလမ်ႏ၊ နာꩻမာꩻသီ ပရောဖဲစ်ဖုံႏတဲင် ဗွေႏဘုရာꩻ သတင်ꩻဖေႏသား ကအွဉ်ႏစွꩻလွဉ် သီထျꩻနဝ်ꩻ တွမ်ႏလုံးတူႏ နုဲင်ႏသီထိုꩻဒျာႏ နုဲင်းမုဲင်ꩻ။ နုဲင်းဆျာမွူး ကခို့ꩻအပေႏဖုံႏ အဒေ့ꩻဖုံႏ ဆꩻလအတွိုင်ꩻ ခွေမဉ်တဖော့ခူငါႏသီ လိုꩻဖုံႏကားကအဝ်ႏ ခွိုင်းကားမုဲင်ꩻ၊ ကွဲႏတွော့ꩻ သီဖေႏတဖေါ့တဝ်းခွေ။ 38#ယေ ၂၂:၅။ နဝ်ꩻမꩻ အီႏစွဉ်ꩻကုဲင်ထိုꩻသီ ဗိမာန်ႏတောႏ ကျောင်ꩻတွော့ꩻ အဝ်ႏခြေင်ခြွစ်ꩻ ထိုꩻဒျာႏသွူ။ 39#သာ ၁၁၈:၂၆။ ခွေဒေါ့ꩻဖေႏသီ တယ်ႏစယိုမာꩻငါ ဗꩻတွိုႏစွဉ်ႏ သီကရိုꩻဒါႏ ၊ “လိုꩻကကျွꩻလွဉ်ဒါႏ စွဉ်ႏထာဝရဘုရာꩻ အမဉ်ꩻနာႏမနဝ်ꩻ ဗွေႏဘုရာꩻဖေႏဝွေꩻ မင်္ဂလာႏနဝ်ꩻ သီအီႏတထီႏဗာႏဖျင် တဝ်းဒွုမ်ခွေ” နုဲင်းနဝ်ꩻသွူ။
Currently Selected:
မတဲ 23: PBCL
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
မတဲ 23
23
ဗွေႏယေသျုဖေႏသတိꩻဆန်ချာကျမ်ꩻဒါႏဆရာႏတွမ်ႏဖါရိသဲဖုံႏ
(မာကု ၁၂:၃၈။ လုကာ ၁၁:၄၃၊ ၄၆၊ ၂၀:၄၅–၄၆)
1နဝ်ꩻထွူ ဗွေႏယေသျုဒေါ့ꩻဖေႏ လိုꩻစွိုꩻဖုံႏတွမ်ႏ ဝွေꩻဗွေႏ တပဲ့တောႏဖုံႏနဝ်ꩻသွူ။ 2“ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏနဝ်ꩻ ဗွောင်နယ်ဖေႏ မောသျေ ပညတ်ကျမ်ꩻ အခွင်ꩻအာႏဏာႏအဝ်ႏသွူ။ 3နဝ်ꩻမꩻ ဝွေꩻသီး ကဒေါ့ꩻနယ်ဒါႏသီ ဖေႏကမာꩻနဝ်ꩻ သီလွောက်ꩻနာႏတဲင် မာꩻလွဉ်ꩻလို့သွော့၊ ကွဲႏတွော့ꩻ တွမ်ႏထွားနုဲင်းမွိုန်း နုဲင်းဝွေꩻသီးထာꩻမာꩻဖုံႏ၊ ပွိုးတွော့ꩻ နုဲင်းဝွေꩻသီးကဟော်ꩻနဝ်ꩻ ဝွေꩻသီး တကံကျင်ꩻလွဉ်ꩻတဝ်း အတွက်သွူ။ 4ဝွေꩻသီး စွိုင်အွဉ်ႏဒင်ႏဖေႏ လိုꩻဖုံႏ ငင်းလောင်း ကွန်ႏထာꩻခြိုꩻနဝ်ꩻ ထွူႏငါႏ။ ဝွေꩻတောလွေꩻဗာႏနဝ်ꩻ ယပ်ꩻခုဲင်ႏငါႏ၊ ကွဲႏတွော့ꩻ ကအီႏစွဲကို လိုꩻကအဝ်ႏတောလွေꩻ ကွန်ႏထာꩻခြိုꩻဖုံႏနဝ်ꩻ တွမ်ႏဝွေꩻသီး စူနုန် တလီးငါတဲ့ တမဉ်အွော့ꩻတဝ်းသွူ။ 5#မ ၆:၁၊ ဟော်ꩻ ၆:၈၊ ကွ ၁၅:၃၈။ ဖေႏနေးလိုꩻဖုံႏကထီႏ ဝွေꩻသီးနဝ်ꩻ ဝွေꩻသီးမာꩻနယ် ထာꩻစွုမ်ႏစွိုးနဝ်ꩻသွူ။ လိတ်ကျမ်ꩻပိုဒ်ဖုံႏ ကတဲမ်းလူးဒါႏ တဖြို့ꩻလောင်းနဝ်ꩻ အွဉ်ႏအကတောင် လောင်းတွမ်ႏ အစူဗောင် လောင်းတွော့ꩻ ဝွေꩻသီး တန်မျတ်ငါႏ ခွိုင်းကားမုဲင်ꩻကျောင်ꩻ မာဖေႏနေးလိုꩻဖုံႏ ကသေနဝ်ꩻသွူ၊ ဖေႏကသေပါက ဝွေꩻသီး ဆဲင်ꩻတန်လောင်း ကဝ်ႏဖုတ်ꩻဆွာꩻငါႏ ခွိုင်းကားမုဲင်ꩻကျောင်ꩻ နဝ်ꩻသွူ။ 6ပွယ်ꩻလမ်ꩻကို ခင်ႏလမ်း အဟဝ်သွတ်ꩻဖုံႏတွမ်ႏ ကအွဉ်ႏသေꩻခါꩻဖေႏ ခင်ႏလမ်းအုံလင်ꩻ တရာꩻစရွပ်ကိုဖုံႏနဝ်ꩻ ဝွေꩻသီး ကျွိုက်နစ်သက်ငါႏနဝ်ꩻသွူ။ 7စွဉ်ႏထာꩻရိုႏသေႏ ကနုတ်ဆက်ဝွေꩻသီး ဆေꩻတန်ꩻခါႏကိုစွဉ်ႏ အွဉ်ႏလိုꩻဖုံႏဟဲ့ꩻ ဝွေꩻသီး ‘ဆရာႏ’ နုဲင်းနဝ်ꩻနဝ်ꩻ ဝွေꩻသီး ကျွိုက်နစ်သက်ငါႏသွူ။ 8သီနဝ်ꩻ ခံႏဟဲ့ꩻဗာႏတဝ်း ‘ဆရာႏ’၊ ကွပ်ပွိုး သီကားကအဝ်ႏနဝ်ꩻ ဗွိုန်ဗွိုန်လို့ဒျာႏဝင်ꩻတဲင် ဆရာႏအဝ်ႏဒျာႏ တပါꩻလွုမ်ꩻနဝ်ꩻသွူ။ 9ဟံႏတန်လောင်းယိုနဝ်ꩻ ပါꩻမုဲင်ꩻတဖြာꩻတဲ့ သီတဟဲ့ꩻဗာႏတဝ်း ‘ဖါ’၊ ပွိုးတွော့ꩻ သီဖါနဝ်ꩻ အဝ်ႏဒျာႏ ခမ်းထီမို့ꩻလောင်းကီ တပါꩻလွုမ်ꩻ အတွက်သွူ။ 10သီနဝ်ꩻ ခံႏဟဲ့ꩻဗာႏတဝ်း ‘ခေါင်းဆောင်’ ပွိုးတွော့ꩻ သီခေါင်းဆောင်နဝ်ꩻ ထွာဒျာႏ ခရစ်တောႏ တပါꩻလွုမ်ꩻ အတွက်သွူ။ 11#မ ၂၀:၂၆၊ ၂၇၊ မာ ၉:၃၅၊ ၁၀:၄၃၊ ၄၄၊ လု ၂၂:၂၆။ သီအကို အတန်သွတ်ꩻ တဖြာꩻနဝ်ꩻ အီႏထွာဗာႏ သီအသွဉ်းသွူ။ 12#လု ၁၄:၁၁၊ ၁၈:၁၄။ ပါꩻမုဲင်ꩻအွဉ်ႏတန် အနမ်းသားနဝ်ꩻ အီႏခံႏဗာႏ အချꩻဖွိုႏတဲင် ပါꩻမုဲင်ꩻအွဉ်ႏချဖွိုႏ အနမ်းသားနဝ်ꩻ အီႏထွာဗာႏ အတန်သွတ်ꩻသွူ။
ဗွေႏယေသျုပဲစ်တင်ႏဝွေꩻသီးသူႏတောႏလဲဉ်
(မာကု ၁၂:၄၀၊ လုကာ ၁၁:၃၉–၄၂၊ ၄၄၊၅၂။ ၂၀:၄၇)
13“ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ သီအတာႏ ဟဝ်ငမ်းသꩻငါႏ ခွိုင်းကားမုဲင်ꩻ။ သီသူႏတောႏလဲဉ်။ ခမ်းထီမို့ꩻလောင်း တခါꩻနဝ်ꩻ သီအွဉ်ႏခတ်ꩻပေ့ꩻခါꩻ လိုꩻဖုံႏဆꩻငါသွူ။ ကွဲႏတွော့ꩻ သီနမ်းတဲ့ တနွို့သော့ꩻတဝ်း လိုꩻဖုံႏကအဝ်ႏကျိုꩻစာꩻ အီႏနွို့သော့ꩻနဝ်ꩻတဲ့ သီတဖေႏနွို့တဝ်း နဝ်ꩻသွူ။
14သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ သီရိမ်ထူႏရီး မဲမုဲင်းမူႏ ထာꩻခြိုꩻဖုံႏတဲင် စွန်ရိမ်ထူႏ အလမ်းဖုံႏ ထွူတွော့ꩻ ဆုတောင်ꩻဆွာꩻနယ် ဘုရာꩻ၊ ကွပ်ပွိုး ကအီႏဖေႏသီ အပဲစ်တံႏနဝ်ꩻ အီႏဟုဲင်းကယ်ꩻက လိုꩻလင်ကားကအဝ်ႏသွူ။
15“သီထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ ဖေႏပါꩻတဖြာꩻ ကပြောင်ꩻကြုဲင်ꩻလွဉ်နဝ်ꩻ သီထုမ်း သင်္ဘောꩻ ဖျတ်ကာႏ ပင်ႏလယ်ႏကို လယ်ႏစွစ်ꩻစဲစ်ꩻ တခမ်းလွုမ်း ဒေါ့ꩻဟော်ꩻတဲင်၊ သီထွိုင်ႏအောင်ႏနွောင်ꩻလွဉ်နဝ်ꩻ သီမာꩻထဲ့သော့ꩻထိုꩻဝွေꩻ ငရုဲင်ꩻနီဆꩻ နုဲင်းသီကထဲ့သော့ꩻနဝ်ꩻသွူ။
16“လိုꩻမဲ့ခေ့ꩻ အွဉ်ဝင်ꩻတဖူꩻသားဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ ‘ပါꩻတဖြာꩻဖြာꩻ မဉ်ႏတွိုင်ႏတယ်ႏအီစွဉ်ႏ ဗိမာန်ႏတောႏကျောင်ꩻတွော့ꩻ စွဉ်ႏဝွေꩻကမာꩻဒါႏ ဂတိနဝ်ꩻ တတီႏတဝ်းနဝ်ꩻသွူ။ ကွဲႏတွော့ꩻ ဝွေꩻမဉ်ႏတွိုင်ႏတယ်ႏ အီစွဉ်ႏခံꩻ ကအဝ်ႏသော့ꩻဒါႏ ဗိမာန်ႏတောႏ ကျောင်ꩻကိုနဝ်ꩻ ဝွေꩻဂတိတီႏ။ သီသွဉ်သင်ဝင်ꩻ နုဲင်းနဝ်ꩻသွူ။’ 17သီလိုꩻမဲ့ခေ့ꩻ ထာꩻသူႏသေဆေ့ꩻသားဖုံႏ၊ ခံꩻမဉ်ႏတမွေးတဝ်း ကမာꩻကြောင်းစင်ဒါႏခံꩻ ဗိမာန်ႏတောႏကျောင်ꩻနဝ်ꩻ အစွိုးမုဲင်ꩻ အရေꩻတန်လွိုဟောင်း။ 18သီအဝ်ႏသွဉ်သင်ပါက၊ ‘ပါꩻတဖြာꩻဖြာꩻ မဉ်ႏတွိုင်ႏတယ်ႏအီ ယဇ်ပလ္လင်ႏ စွဉ်ႏဝွေꩻကအွဉ်ႏ ဂတိနဝ်ꩻ၊ ဝွေꩻဂတိနဝ်ꩻ တတီႏတဝ်း။ ကွဲႏတွော့ꩻ ဝွေꩻမဉ်ႏတွိုင်ႏတယ်ႏ အီစွဉ်ႏ ယဇ်ထာꩻပူႏဇောႏကအဝ်ႏ ယဇ်ပလ္လင်ႏလောင်း လက်ဆောင်ႏနဝ်ꩻ ဝွေꩻဂတိနဝ်ꩻ ထွာအတီႏ’ သီသွဉ်သင်နုဲင်းနဝ်ꩻသွူ။ 19သီမွော့ꩻ မဲ့ခေ့ꩻငါႏ ခွိုင်းကားမုဲင်ꩻ၊ ယဇ်ထာꩻပူႏဇောႏ မဉ်ႏတမွေးတဝ်း ကမာꩻကြောင်းစင်ဒါႏ ယဇ်ထာꩻပူႏဇောႏ ယဇ်ပလ္လင်ႏနဝ်ꩻ အစွိုးမုဲင်ꩻ အရေꩻတန်လွိုဟောင်း။ 20နဝ်ꩻထွူ ပါꩻတဖြာꩻ ကတွိုင်ႏတယ်ႏအီစွဉ်ႏ ယဇ်ပလ္လင်ႏချိန်ႏ ဝွေꩻနဝ်ꩻ အဝ်ႏတွိုင်ႏတယ်ႏ ပါစွဉ်ႏ ယဇ်ထာꩻပူႏဇောႏ ကအဝ်ႏ ယဇ်ပလ္လင်ႏလောင်း နဝ်ꩻသွူ။ 21ဝွေꩻကတွိုင်ႏတယ်ႏအီစွဉ်ႏ ဗိမာန်ႏတောႏကျောင်ꩻချိန်ႏ၊ ဝွေꩻအဝ်ႏတွိုင်ႏတယ်ႏပါ ဗိမာန်ႏတောႏကျောင်ꩻတွမ်ႏ ဗွေႏဘုရာꩻ ကအဝ်ႏနင်းသော့ꩻ နဝ်ꩻကိုသွူ။ 22#ဟေသျာ ၆၆:၁၊ မ ၅:၃၄။ ပါꩻတဖြာꩻဖြာꩻ ကတွိုင်ႏတယ်ႏအီ ခမ်းထီမို့ꩻလောင်းချိန်ႏနဝ်ꩻ ဝွေꩻအဝ်ႏတွိုင်ႏတယ်ႏ ပါစွဉ်ႏ ဗွေႏဘုရာꩻ ပလ္လင်ႏတွမ်ႏ စွဉ်ႏဝွေꩻဗွေႏ ကအဝ်ႏနင်းဒါႏ ပလ္လင်ႏနဝ်ꩻလောင်းသွူ။
23 #
ဝိ ၂၇:၃၀။ “သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏ ဟဝ်ငမ်းသꩻငါႏ ခွိုင်းကားမုဲင်ꩻ။ သီလဲင်ꩻဖေႏနေးစွဉ်ႏ ဗွေႏဘုရာꩻ ဆီပွန်းတပွန်း ရာႏသီႏအလွောက်ꩻ တသီႏမွူးပေႏဖုံႏ ကသော့ꩻဒါႏ ဟန်ႏအိုကို အစားနုဲင်း အိန်ခြိမ်ꩻမွူး၊ စမုတ်မွူး၊ သီယာမွူးဖုံႏ၊ ကွဲႏတွော့ꩻ ကအီႏလွောက်ꩻနာႏမွေး အရေꩻတန် ပညတ်ကျမ်ꩻ ထာꩻသွဉ်သင် အစားနုဲင်း ထာꩻတရျား၊ ထာꩻသꩻညင်ꩻတွမ်ႏ ထာꩻစွို့ꩻစွဉ်ႏနဝ်ꩻ တအဲဉ်ထဝ်းသွူ။ ယိုဖုံႏနဝ်ꩻ သီဟဝ်ကံကျင်ꩻ၊ အလင်ဖုံႏနဝ်ꩻတဲ့ တွမ်ႏအွဉ်ႏဖွီထိုꩻမွိုန်း။ 24လိုꩻမဲ့ခေ့ꩻ အွဉ်တဖူꩻသားဖုံႏ၊ သီခါထန်ႏထိုꩻ ထာꩻသားပေႏကွင်ႏ သီထီအွꩻကို၊ ကွဲႏတွော့ꩻ သီအဝ်ႏမျောႏဒျာႏ ကလာအုတ် ပဉ်ဗာႏဗာႏနေးနဝ်ꩻသွူ။
25“သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ။ သီအဝ်ႏပသေကြောင်းစင်ဒျာႏ သီတကောက်ꩻတွမ်ႏ သီဝန်ႏ အထန်ႏဖဲ့ꩻကျာꩻ ကောင်းကိုဖဲ့ꩻနဝ်ꩻ အဝ်ႏဗွေသော့ꩻဒျာႏတွမ်ႏ သီကလꩻလွဉ်ဒါႏ မာꩻကျံꩻကြမ်ꩻထာꩻတွမ်ႏ ဟဝ်နမ်းတာႏလွုမ်ꩻသွူ။ 26ဖါရိသဲမဲ့ခေ့ꩻဖုံႏ မာꩻကြောင်းစင် ရီးသွော့ တကောက်ꩻကောင်းကိုဖဲ့ꩻ၊ နဝ်ꩻထွူ ကောင်းထန်ႏဖဲ့ꩻ နဝ်ꩻတဲ့ အီႏကြောင်းစင်လွဉ်ဒျာႏ နေနေသွူ။
27 #
တ ၂၃:၃။ “သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ သီနဝ်ꩻ ဗွိုန်နုဲင်း သဲင်ႏခဲင်ꩻမုတ်ဖုံႏ သူႏဗွာနေးတဲင်၊ ထွားကောင်းထန်ႏနဝ်ꩻ ယံငါႏ ကွဲႏတွော့ꩻ ကောင်းကိုနဝ်ꩻ အဝ်ႏဗွေႏသော့ꩻဒျာႏ အဆွတ်ꩻဖုံႏတွမ်ႏ လိုꩻသီ အသေင်ဖြင်းနဝ်ꩻသွူ။ 28ဗွိုန်နုဲင်းနဝ်ꩻ နေနေ သီအထန်ႏနဝ်ꩻ အွဉ်ႏနယ်မွေးစွဉ်ႏ လိုꩻစွုမ်ႏဖြာꩻ အဟဝ်၊ ကွဲႏတွော့ꩻ သီကောင်းကိုဖဲ့ꩻနဝ်ꩻ အဝ်ႏဗွေသော့ꩻဒျာႏ သူႏတောႏလိန်ႏလဲဉ်တွမ်ႏ အပဲစ်ဖုံႏသွူ။
ဗွေႏယေသျုဟော်ꩻငါရီးဝွေꩻသီးအီႏခံႏဗာႏအပဲစ်တံႏထာꩻစီႏရင်ႏချက်
(လုကာ ၁၁:၄၇–၅၁)
29“သီကထွာ သူႏတောႏလဲဉ်၊ ကျမ်ꩻဒါႏဆရာႏဖုံႏတွမ်ႏ ဖါရိသဲဖုံႏ၊ သီတာႏနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ သီမာꩻဟဝ်ဖေႏမွေးစွဉ်ႏ ပရောဖဲစ်ဖုံႏတာႏ သဲင်ႏခဲင်ꩻမုတ်အောင်တဲင် မာꩻတရေꩻ ဖေႏမွေးစွဉ်ႏ လိုꩻအသက် အဝ်ႏမွန်ဟဝ်သား မုတ်အောင်ဖုံႏနဝ်ꩻသွူ။ 30သီအသက် မဉ်ႏအဝ်ႏမွန် သီမွိုးဖြား ဖါဖြားသီးဖုံႏစိုးနဝ်ꩻ နုဲင်းဝွေꩻသီး ကမာꩻသီလဲဉ်း ပရောဖဲစ်ဖုံႏအတွိုင်ꩻ သီအီႏတမာꩻတဝ်း သီဒေါ့ꩻကေႏညာႏဒျာႏ နုဲင်းနဝ်ꩻသွူ။ 31နဝ်ꩻမꩻ သီနဝ်ꩻထွာ လိုꩻကမာꩻသီဒါႏ ပရောဖဲစ်ဖုံႏ အပိုလီꩻစွိုးခွိုꩻဖုံႏကျောင်ꩻ သီဝွန်ႏခံႏလဲဉ်းနဝ်ꩻသွူ။ 32နဝ်ꩻမꩻ နုဲင်းသီမွိုး ဖြားဖါဖြားသီး ကမာꩻလဲဉ်းဒါႏနဝ်ꩻ မာꩻသွုပ်တဲင် မာꩻထွူထွူထိုꩻခန်းဟုဲင်း။ 33#မ ၃:၇၊ ၁၂:၃၄၊ လု ၃:၇။ သီထွာ ရူးခွိုꩻဖုံႏတွမ်ႏ ရူးအပိုဖုံႏ၊ ကအီႏစီႏရင်ႏ ဖေႏတံႏသော့ꩻ ငါးရုဲင်ꩻကိုနဝ်ꩻ သီအဝ်ႏမောင်ꩻနေက အီႏသျောင်ႏလဲ့လꩻ နုဲင်းမုဲင်ꩻဟောင်း။ 34နဝ်ꩻမꩻ ခွေဒေါ့ꩻဖေႏသီ ခွေအီႏအွဉ်ႏစွꩻလွဉ် ဖေႏသီ ပရောဖဲစ်ဖုံႏ၊ လိုꩻဉာဏ်ႏပညာႏ အဝ်ႏသားဖုံႏတွမ်ႏ ဆရာႏဖုံႏသွူ။ ဝွေꩻသီး ယင်ဟန်ႏနဝ်ꩻ သီအီႏမာꩻသီ၊ အလင်နဝ်ꩻ သီအီႏတွဲႏဒပ် ကင်းထွန်ႏလောင်း၊ အလင်နဝ်ꩻ သီအီႏတွဲႏ တရာꩻစရွပ်ကိုတဲင် ဝါးထန်ႏထိုꩻ ဝွေꩻသီး တဝေင်ꩻထွူတဝေင်ꩻသွူ။ 35#ကမ္ဘာႏ ၄:၈၊ ၂ရာႏချုပ် ၂၄:၂၀၊ ၂၁။တွိုႏအဆုဲင်ꩻသွတ်ꩻ နုဲင်းကမာꩻသီဒါႏ လိုꩻကြောင်းစင်ဖုံႏ အပဲစ်တံႏတာႏနဝ်ꩻ အီႏသဲင်ꩻထဲ့လူး သီအလောင်း၊ တယ်ႏစွဉ်ႏ ကမာꩻသီထိုꩻ လိုꩻအပဲစ်အဲဉ်ထဝ်း အာဗေလ၊ ကမာꩻသီထိုꩻဒါႏ ဗေရခိပိုခို ဇာခရိ၊ ပါꩻသီကမာꩻသီထိုꩻဒါႏ ဗိမာန်ႏတောႏကျောင်ꩻတွမ်ႏ ယဇ်ပလ္လင်ႏခါႏ အပဲစ်ထာꩻစီႏရင်ႏဖုံႏ တာႏနဝ်ꩻ အီႏထဲ့လူး သီလောင်းသွူ။ 36ခွေဒေါ့ꩻဖေႏသီ အမွေးအမဲဉ်ႏ၊ လိုꩻကမာꩻသီဒါႏ ဝင်ꩻဖုံႏယို အပဲစ်တံႏ ထာꩻစီႏရင်ႏတာႏနဝ်ꩻ အီႏထဲ့လူး လိုꩻဟန်ႏနီꩻယိုဖုံႏ အလောင်းနဝ်ꩻသွူ။
ဗွေႏယေသျုရက်ဝေင်ꩻယေရုသလမ်ႏ
(လုကာ ၁၃:၃၄–၃၅)
37“အွိုးဝေင်ꩻယေရုသလမ်ႏ၊ ဝေင်ꩻယေရုသလမ်ႏ၊ နာꩻမာꩻသီ ပရောဖဲစ်ဖုံႏတဲင် ဗွေႏဘုရာꩻ သတင်ꩻဖေႏသား ကအွဉ်ႏစွꩻလွဉ် သီထျꩻနဝ်ꩻ တွမ်ႏလုံးတူႏ နုဲင်ႏသီထိုꩻဒျာႏ နုဲင်းမုဲင်ꩻ။ နုဲင်းဆျာမွူး ကခို့ꩻအပေႏဖုံႏ အဒေ့ꩻဖုံႏ ဆꩻလအတွိုင်ꩻ ခွေမဉ်တဖော့ခူငါႏသီ လိုꩻဖုံႏကားကအဝ်ႏ ခွိုင်းကားမုဲင်ꩻ၊ ကွဲႏတွော့ꩻ သီဖေႏတဖေါ့တဝ်းခွေ။ 38#ယေ ၂၂:၅။ နဝ်ꩻမꩻ အီႏစွဉ်ꩻကုဲင်ထိုꩻသီ ဗိမာန်ႏတောႏ ကျောင်ꩻတွော့ꩻ အဝ်ႏခြေင်ခြွစ်ꩻ ထိုꩻဒျာႏသွူ။ 39#သာ ၁၁၈:၂၆။ ခွေဒေါ့ꩻဖေႏသီ တယ်ႏစယိုမာꩻငါ ဗꩻတွိုႏစွဉ်ႏ သီကရိုꩻဒါႏ ၊ “လိုꩻကကျွꩻလွဉ်ဒါႏ စွဉ်ႏထာဝရဘုရာꩻ အမဉ်ꩻနာႏမနဝ်ꩻ ဗွေႏဘုရာꩻဖေႏဝွေꩻ မင်္ဂလာႏနဝ်ꩻ သီအီႏတထီႏဗာႏဖျင် တဝ်းဒွုမ်ခွေ” နုဲင်းနဝ်ꩻသွူ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.