اوّل 1
1
1پولُسی طرفی کا، که خِدا پیستَه نَه دَعوت بَه تا مسیحِ عیسی رسول بِبو، و چَمَه بِرا سوسْتِنِسی طرفی کا،
2خِدا کلیسا را که قُرِنتُسی شهری کایَه، و کسونی که مسیحْ عیسی کا تقدیس بَیینه و دَعوت بَیینه تا یَندی نَه مقدّس بِبون، گِردِ کَسونی همراه که هَر جِگایی کا چَمَه خِداوند مسیحِ عیسی نومی دَخونِن، که چَمَه خِداوند و چَوون خِداوندَه:
3فیض و صُلح و سلامتی خِدا طرفی کا، چَمَه دَده، و خِداوندْ عیسایِ مسیح کا، شِمَه را با.
شُکر کَردِه
4از همیشه چِمِن خِدا شِمَه واسی شُکر بَکَردیم. و خِدا اَ فیضی واسی که مسیحْ عیسی کا بِه شِمَه آدوعَه بییَه. 5چوم شِمَه مسیح کا هَر چیی کا، گِردِ کلامی کا و گِردِ دانایی کا غَنی بَییرونه 6حتی اَتَه که چَمَه شهادتی مسیح دربارَه شِمَه میانه کا تصدیق بَه، 7هَتَه که شِمَه، چَمَه خِداوند عیسایِ مسیح آگردِستِه مُنتظِریرونه، هیچ هدیه ای کا بی نصیب نیرونه. 8اَ، تا آخِر شِمَه پابَرجا غَم بَردی، تا چَمَه خِداوند عیسایِ مسیح روزی کا بی تقصیر بِبییَه. 9خِدا وفادارَه، اَ خِدایی که شِمَه دَعوت کَردِشه تا چَیی زوعَه نَه، چَمَه خِداوند عیسایِ مسیح نَه، رِفاقت بِدارَه.
جِدایی کلیسا دیلَه کا
10اِی بِرااِن، چَمَه خِداوند عیسایِ مسیح نومی واسی شِمَه کا خواهیشت بَکَردیم که یَندی نَه یَکدیل بِبییَه، و شِمَه دیلَه کا جِدایی مَبو، بَلکَم هَم فیکر کَردِه کا و هم رأی کا ایلَه بِبییَه. 11چوم که، چِمِن بِرااِن، خْلوئه کَ آدَمِن، بَه مِن خَوَر دوعَشونه که شِمَه دیلَه کا دعوا مرافعه یَه. 12چِمِن منظور اِمَه که شِمَه کا ایی نفر بَواتی: «از پولُسی پِیرویمَه»؛ اَ ایلَه بَواتی: «از آپولُسی پِیرویمَه»؛ ایی نفر دییَر بَواتی: «از پِطرسی پِیرویمَه»؛ و اَ ایلَه نی بَواتی که: «از مسیح پِیرویمَه.»
13مَگم مسیح تقسیم بییَه؟ مَگم پولُس بَه که صلیبی سَری کا شِمَه واسی مصلوب بَه؟ مَگم پولُسی نومی نَه غُسل تعمید گِتَرونَه؟ 14خِدا شُکر بَکَردیم که کْریسپوس و گایوسی غِیراز، دِ شِمَه هیچ گِلَه غُسل تعمید نِدومَه، 15تا کسی مَشا بوآجِه که چِمِن نومی نَه تعمید گِتَشَه. 16اَز اِستِفاناسی خانواده نی تعمید دومَه؛ اِمی کا وِرتَر ویرِم نی که هیچکَس دییَری تعمید دوعَم بِبو. 17چوم که مسیح مِن ویسا آنِکَردِشه تا غُسل تعمید بِدَم بَلکَم ویسا آکَردِشه تا اِنجیلی موعظه بِکَرِم، ولی نِه دنیا حکیمانه گفون نَه که قانع بَکَردین، نَبادا که مسیح صلیبی قدرت هیچ بِبو.
مسیح حِکمت و خِدا قدرت
18چوم که صَلیبی پیغوم کسونی را که هلاک بَبین نادونی یَه، امّا اَمَه را که نجاتی راه دیلَه کا ایمونه، خِدا قدرتَه. 19چوم که اِشعَیای پِیغمبری کیتابی کا نیویشته بییَه که:
«حَکیمون حِکمتی از بِین بَبَردیم
و فهمیده آدَمون فَهمی، هیچ بَکَردیم.»
20حکیمَ آدَم کییارَه؟ توراتی معلم کییارَه؟ کسونی که اِم دورَه زمانه کا نظر بَداین کییاری نه؟ مَگم خِدا، دنیا حِکمتی نادونی کَردَه نیشَه؟ 21چوم اوآنه که بینا بَر خِدا حکمت، دنیا نِشاستِشَه حکمتی راه نَه خِدا آزونِه، خِدا اِنتَه صلاح ویندِشه که هِم نادونی راه نَه، که اَمَه موعظه بَکَردیمون، کسونی که ایمان بواَردین، نجات بِدَه. 22چوم یهودی اِن علامت و معجزه پیستِشونَه و یونانی اِن حِکمتی دومله اینه، 23ولی اَمَه مصلوب بییَه مسیح موعظه بَکَردیمون، که یهودیون را سِنگی شیوارَه که باعیث بَبی بَلَکِن و غیریهودیون را نادونی، 24امّا دعوت بییَه اون را، چِه یهودی و چِه یونانی، مسیحْ، خِدا قدرت و خِدا حکمتَه. 25چوم اَ چیی که خِدا درباره نادونی بَویندیمون، اِنسانی حِکمتی کا حکیمانه‌تر و اَ چیی که خِدا درباره ضعف بَویندیمون، اِنسانی قدرتی کا، قدرتمندتَرَه.
26اِی بِرااِن، شِمَه وضع اوضاع ویر بواَرَه، اَ موقعی که خِدا شِمَه دَعوت کَردِشه. وِرتَرِ شِمَه دنیا اِرزِشون نَه، حکیم حساب نِبیرون؛ و وِرتَرِ شِمَه قدرتمندون کا یا نجیب‌زاده اون کا نِبیرون. 27امّا خِدا، اَ چی که دنیا اَیی نادونی بَزنی، اَیی اِنتخاب کَردِشَه تا حکیمَ آدَمون شَرمنده بِکَرِه؛ و خِدا، اَ چی که دنیا اَیی ضَعیف بَزنی، اِنتخاب کَردِشَه تا قدرتمندون شَرمنده بِکَرِه؛ 28خِدا، اَ چیی که اِم دنیا کا پَست و هیچَه، حتی اَ چییونی که وجود نِدارِن، اِنتخاب کَردِشه تا هَر چیی که وجود دارِه هیچ آکَرِه، 29تا هیچ آدَمی خِدا پیشی کا اِفتخار مَکَرِه. 30چَیی واسی یَه که شِمَه مسیحْ عیسی کا ایرونه. اَ مسیحْ عیسی که خِدا طرفی کا اَمَه را حِکمت بییَه، یعنی صالحی، قدّوسیت و آزادی. 31تا هَتَه که اِرمیای پِیغمبری کیتابی کا نیویشته بییَه: «هَر کسی که اِفتخار بَکَردی، بِه خِداوند اِفتخار بِکَرِه.»
Currently Selected:
اوّل 1: ITB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
اوّل 1
1
1پولُسی طرفی کا، که خِدا پیستَه نَه دَعوت بَه تا مسیحِ عیسی رسول بِبو، و چَمَه بِرا سوسْتِنِسی طرفی کا،
2خِدا کلیسا را که قُرِنتُسی شهری کایَه، و کسونی که مسیحْ عیسی کا تقدیس بَیینه و دَعوت بَیینه تا یَندی نَه مقدّس بِبون، گِردِ کَسونی همراه که هَر جِگایی کا چَمَه خِداوند مسیحِ عیسی نومی دَخونِن، که چَمَه خِداوند و چَوون خِداوندَه:
3فیض و صُلح و سلامتی خِدا طرفی کا، چَمَه دَده، و خِداوندْ عیسایِ مسیح کا، شِمَه را با.
شُکر کَردِه
4از همیشه چِمِن خِدا شِمَه واسی شُکر بَکَردیم. و خِدا اَ فیضی واسی که مسیحْ عیسی کا بِه شِمَه آدوعَه بییَه. 5چوم شِمَه مسیح کا هَر چیی کا، گِردِ کلامی کا و گِردِ دانایی کا غَنی بَییرونه 6حتی اَتَه که چَمَه شهادتی مسیح دربارَه شِمَه میانه کا تصدیق بَه، 7هَتَه که شِمَه، چَمَه خِداوند عیسایِ مسیح آگردِستِه مُنتظِریرونه، هیچ هدیه ای کا بی نصیب نیرونه. 8اَ، تا آخِر شِمَه پابَرجا غَم بَردی، تا چَمَه خِداوند عیسایِ مسیح روزی کا بی تقصیر بِبییَه. 9خِدا وفادارَه، اَ خِدایی که شِمَه دَعوت کَردِشه تا چَیی زوعَه نَه، چَمَه خِداوند عیسایِ مسیح نَه، رِفاقت بِدارَه.
جِدایی کلیسا دیلَه کا
10اِی بِرااِن، چَمَه خِداوند عیسایِ مسیح نومی واسی شِمَه کا خواهیشت بَکَردیم که یَندی نَه یَکدیل بِبییَه، و شِمَه دیلَه کا جِدایی مَبو، بَلکَم هَم فیکر کَردِه کا و هم رأی کا ایلَه بِبییَه. 11چوم که، چِمِن بِرااِن، خْلوئه کَ آدَمِن، بَه مِن خَوَر دوعَشونه که شِمَه دیلَه کا دعوا مرافعه یَه. 12چِمِن منظور اِمَه که شِمَه کا ایی نفر بَواتی: «از پولُسی پِیرویمَه»؛ اَ ایلَه بَواتی: «از آپولُسی پِیرویمَه»؛ ایی نفر دییَر بَواتی: «از پِطرسی پِیرویمَه»؛ و اَ ایلَه نی بَواتی که: «از مسیح پِیرویمَه.»
13مَگم مسیح تقسیم بییَه؟ مَگم پولُس بَه که صلیبی سَری کا شِمَه واسی مصلوب بَه؟ مَگم پولُسی نومی نَه غُسل تعمید گِتَرونَه؟ 14خِدا شُکر بَکَردیم که کْریسپوس و گایوسی غِیراز، دِ شِمَه هیچ گِلَه غُسل تعمید نِدومَه، 15تا کسی مَشا بوآجِه که چِمِن نومی نَه تعمید گِتَشَه. 16اَز اِستِفاناسی خانواده نی تعمید دومَه؛ اِمی کا وِرتَر ویرِم نی که هیچکَس دییَری تعمید دوعَم بِبو. 17چوم که مسیح مِن ویسا آنِکَردِشه تا غُسل تعمید بِدَم بَلکَم ویسا آکَردِشه تا اِنجیلی موعظه بِکَرِم، ولی نِه دنیا حکیمانه گفون نَه که قانع بَکَردین، نَبادا که مسیح صلیبی قدرت هیچ بِبو.
مسیح حِکمت و خِدا قدرت
18چوم که صَلیبی پیغوم کسونی را که هلاک بَبین نادونی یَه، امّا اَمَه را که نجاتی راه دیلَه کا ایمونه، خِدا قدرتَه. 19چوم که اِشعَیای پِیغمبری کیتابی کا نیویشته بییَه که:
«حَکیمون حِکمتی از بِین بَبَردیم
و فهمیده آدَمون فَهمی، هیچ بَکَردیم.»
20حکیمَ آدَم کییارَه؟ توراتی معلم کییارَه؟ کسونی که اِم دورَه زمانه کا نظر بَداین کییاری نه؟ مَگم خِدا، دنیا حِکمتی نادونی کَردَه نیشَه؟ 21چوم اوآنه که بینا بَر خِدا حکمت، دنیا نِشاستِشَه حکمتی راه نَه خِدا آزونِه، خِدا اِنتَه صلاح ویندِشه که هِم نادونی راه نَه، که اَمَه موعظه بَکَردیمون، کسونی که ایمان بواَردین، نجات بِدَه. 22چوم یهودی اِن علامت و معجزه پیستِشونَه و یونانی اِن حِکمتی دومله اینه، 23ولی اَمَه مصلوب بییَه مسیح موعظه بَکَردیمون، که یهودیون را سِنگی شیوارَه که باعیث بَبی بَلَکِن و غیریهودیون را نادونی، 24امّا دعوت بییَه اون را، چِه یهودی و چِه یونانی، مسیحْ، خِدا قدرت و خِدا حکمتَه. 25چوم اَ چیی که خِدا درباره نادونی بَویندیمون، اِنسانی حِکمتی کا حکیمانه‌تر و اَ چیی که خِدا درباره ضعف بَویندیمون، اِنسانی قدرتی کا، قدرتمندتَرَه.
26اِی بِرااِن، شِمَه وضع اوضاع ویر بواَرَه، اَ موقعی که خِدا شِمَه دَعوت کَردِشه. وِرتَرِ شِمَه دنیا اِرزِشون نَه، حکیم حساب نِبیرون؛ و وِرتَرِ شِمَه قدرتمندون کا یا نجیب‌زاده اون کا نِبیرون. 27امّا خِدا، اَ چی که دنیا اَیی نادونی بَزنی، اَیی اِنتخاب کَردِشَه تا حکیمَ آدَمون شَرمنده بِکَرِه؛ و خِدا، اَ چی که دنیا اَیی ضَعیف بَزنی، اِنتخاب کَردِشَه تا قدرتمندون شَرمنده بِکَرِه؛ 28خِدا، اَ چیی که اِم دنیا کا پَست و هیچَه، حتی اَ چییونی که وجود نِدارِن، اِنتخاب کَردِشه تا هَر چیی که وجود دارِه هیچ آکَرِه، 29تا هیچ آدَمی خِدا پیشی کا اِفتخار مَکَرِه. 30چَیی واسی یَه که شِمَه مسیحْ عیسی کا ایرونه. اَ مسیحْ عیسی که خِدا طرفی کا اَمَه را حِکمت بییَه، یعنی صالحی، قدّوسیت و آزادی. 31تا هَتَه که اِرمیای پِیغمبری کیتابی کا نیویشته بییَه: «هَر کسی که اِفتخار بَکَردی، بِه خِداوند اِفتخار بِکَرِه.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company