نامَه رومِه کلیسا را 16
16
سلام و درود
1چاما خوعَه، فیبی سفارشه شاما را کرم. اَوَه کِنخْریه شهره کلیسا خادمانک اِسا. 2اَوِه خداوندک، اَجوره که مقدسان لایق اِسته، قبول بِکرا و هر کمکی که شاماک آخازیه، اَوه دریغ مکرا، چون اَوَه پر کسان، حتی منِش، پِر کمک کرده.
3چِمن همکاره مسیح عیسک، پْریسکیلا و آکیلا را سلام آرسانا. 4اَوان اِشتن جانشان چِمن واسنه خطرک دِرنده، و نه فقط اَز، بلکم همهی غیریهودیان کلیساهان، اَوانک تشکر کرنده. 5ایزه نی به کلیسایی که چَوان کییک هندیگرنه بیدا آبینده، سلام آرسانا. چِمن عزیز گرامیه رفقه، اِپاینِتوسه سلام آرسانا. اَ اولین کسانیک بِه که آسیاک مسیحش ایمان بوعرده. 6مریم را نی که شاما راش پر زحمت بِکشس، سلام آرسانا. 7چِمن خویشان، آندْرونیکوس و یونیاس که مَنه زندانک بِنده، سلام آرسانا. اَوان رسولان دلَک، معروفنده که چِمن پرانتر مسیحه ایمان داشتشانه. 8چِمن عزیز گرامیه رفق خداوندک آمپْلیاتوسه را سلام آرسانا. 9چِمن همکاران مسیحک، اوربانوس، و چِمن عزیزه رفق، اِستاخیسه، سلام آرسانا. 10آپِلیسه را که اِشتن امتحانش مسیحک پس آدییَه، سلام آرِسانا. آریستوبولُسه خانواده سلام آرسانا. 11چِمن قوم و خویش هیرودیون و نارکیسوس خانواده که خداوندک اِسنده، سلام آرسانا. 12تْریفینا و تْریفوسا را، اَ خادمانی که خداونده خدمتک زحمت کشنده سلام آرسانا، و پِرسیسَه که چِمن اَدرین عزیز گرامیه رفقا که خداونده ورک پر زحمت کشییه، سلام آرسانا. 13روفُسه را که خداوندک انتخاب بییَه و چَوه ما که چِمن حقک نی مارَتیش کرده، سلام آرسانا. 14آسینکْریتوسه، فْلِگون، هِرماس، پاتْروباس و هِرمِس و علوده براران که اَوانه اِسنده، سلام آرسانا. 15فیلولوگوس، یولیا، نیریاس و چَوه خوعر را، و اولیمپاس و همهی مقدّسانی را که اَواننه همراهنده، سلام آرسانا. 16هندیگره ایگله مقدّسه ماچِنه سلام باجا. همهی مسیحه کلیساهان شاما را سلام آرساننده.
آخرین سفارش
17ای براران، گَمه شاماک خواهش بکرم اَ کسانی ویراجین ببا که جدایی باعث بینده و شاما راهک سد نینده و تعلیمی نه که شاما آموترانه، مخالفت کرنده؛ اَوانک دوری بِکَرا، 18چون ایزنه آدمه چاما خداوند عیسی مسیحه خِدمَت نِکرَنده، بلکم اِشتن ترنه فکرکنده و قشنگ لاوانه و زوان اَرَکرینه سادهلوحه آدمان وازی دینده. 19شاما اطاعت کردنه آوازه هَمان دِلَک اَپیچسه؛ پس، شاما واسنه پِر شادم. امّا شاماک گمه که، اَ چیانی پرانک که چاکنده، دانا، و اَ چیانی پرانک که بدنده، ساده ببا.
20صلح و سلامتیه خدا ام زودیان شیطانه شاما لنگان جیرک فرچ آکَره.
چاما خداوند عیسی مسیح، فیض شاما نه بیبی.
21چِمن همکار تیموتائوس شاما را سلام آرسانه. چِمن خویشه لوکیوس، یاسون و سوسیپاتِر نی شاما را سلام آرساننده.
22از، تِرتیوس، که اِم نامَه نیویشتشه، خداوندک شاما نه سلام واجم.
23گایوس که از و همه کسانی که انگاره کلیساک اِسنده مهمانداریش کرده، شاما را سلام خرسانه.
اِراستوس که شهره خزانهدار اِسته، و چاما برا کوآرتوس شاما را سلام آرسانه.
24«چاما خداوند عیسی مسیح فیض شاما همانه بیبی. آمین». 25اِسا شکوه جلال چوه را بیبی، که تانه عینه انجیلی که از عیسی مسیح درباره موعظه کرم، شاما تقویت بکره- یعنی عین ایگله سِری که دیار آبییه که پره زمانان نُین بیه به، 26امّا اِسا بنا بر پیغمبران نیویشت هان و ابدیه خدا حمکنه، همان قومان را دیار ببه، تا اَوان ایمان بوعرنده و اطاعت بکرنده- 27اَوی که تینا خدای دانا اِسه، عیسی مسیح واسطنه تا ابد جلال بیبی! آمین.
Currently Selected:
نامَه رومِه کلیسا را 16: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company