انجیل لوقا 3
3
یحیی پیغام
1رومه امپراطور تیبِریوس، پانیزدَهُمین سالِ سَلطَنَتِک، خدا کلام بیابانِک بَر یحیی، زکریا زا، نازل آبه. اَدَمی پُنتیوس پیلاتُس، یهودیه منطقه فرماندار به، هیرودیس جلیله منطقه حاکم و چَوه برا فیلیپُس ایتوریَه و تِراخونیتیسِ منطقه حاکم بِه، و لیسانیوس آبیلینی منطقه حاکم بِه، و 2اَدَمی حَنّا و قیافا معبده پیله کاهن بِندِه، 3یحیی تمانه نواحی اُردن رِباره دویر و وَره را شِسه و مردمه راش اعلام کَردردِه اِشتن گناهان بخشسه بینه را توبه بِکَرندِه و غسل تعمید بیگیرندِه. 4اَجوره که اِشعیای پیغمبر کتابِک نیویشته بییه:
«مردکی بیابانِک جِرنَه واتَر،
”خداوند راه، چَوِه را آماده بِکَراه!
چَوه راه‌هان هَموار بکرا!
5همه‌ی دَرَه فِت آبینده و همه‌ی کوهه و تپه هموار آبینده؛
شَت راه، دوز آبیینده، و چاله چوله راهه، هموار آبینده.
6اَدمی همه‌ی مردم، خدا نجاته وینندِه.“»
7یحیی جماعتی نَه که آمیردنده چَه وَر غسل تعمید بیگیرنده نه، واتردشِه: «ای اَفعی زادهان، کی شاما هشدار بِدا تا غضبی کی که آمییر دِوَزا؟ 8اِشتن نه مواجا که: ”چاما جَد ابراهیم پیغمبره.“ شامانه واجِم که، خدا قادره اِم سِنگانک ابراهیمه را نسلی به وجوده بوعره. پس توبه بِکراه و اَعمالی انجام بِدَیا که آمانه توبه ران کَرده. 9حتی اِسا نی تیشه، داران بِنَه بِنجِقِک نیَه بییه. هر داری که چاکه میوه آمَدَیه، بِرنده و آتش دِلَک دِرَنِنِدِه.»
10مردم یحییک آپَرسسشانه: «پس آما چِه بکرام؟» 11یحیی چَوان جواوش بدا: «اَ کسی که دو گله خلوع داره، ایگله آدیه اَ که خلوع نداره، و اَ کسی که غذا داره نی اِنجوره گه بِکَره.» 12خراجگیره نی بامنده تا غسل تعمید بیگیرنده. اَوِکِشان آپرسس: «استاد، آما چِه بکرام؟» 13یحیی اَوانَه باتِه: «اَ اندازَه ای که تعیین آبیه پرتر خراج اَمَرگیرا.» 14سربازه نی اَوِک آپَرسِسِشانه: «آما چِه بکرام؟» یحیی اَوانه باته: «زور و تهدید نه هیچ کیک پول اَمَرگیرا و هیچ کسه تُیمت مَزنا و شاما مُزدِنه قانِع بِبا.»
15مردم منتظر بِنده و اِشتنَ شان فِکر کردردِه که ممکنه یحیی هَ مسیح موعود بیبی؟ 16یحیی چَوان همان جوابِش ایزِه بِدا: «اَز شاما اُونه تعمید دَیم، امّا کسی آمییر که مَنک قویتره، که اَز لیاقت نِدارم چَه پاقابان بَنده آکَرم. اَ شاما خدا مقدسه روح و آتش نه تعمید دَیه. 17اَ اِشتَن چَنگه دَسِک داره تا اِشتن خَرمنگاه تمیز آکَره: و گَندِمه اِشتن انبارک ذخیره کره، امّا سِنبَره آتَشی نه سوجانه که دونُکُشِه.»
18یحیی اَلوده نصیحتانه، اِم چاکه خبرش مردمه دیرده. 19امّا یحیی، هیرودیس حاکمش سَرزان کَردِه، چون اِشتن بِرار زَنِشَه، هیرودیاشه برده بییا و پِر خلافش کرده. 20هیرودیس، یحییش دِرَنده زندانک و اِم کارِنه اَ همه‌ی بده کارانی که پرانتر کردَش به ایضافه آکه.
21همان تعمید کَتنه پَش، عیسی نی تعمید بِکَت و دُعاش کردَردِه، که آسمان آبه 22و خدا مقدسه روح، کوتَر شوآر چَه سر نازل آبِه، آسماننَه سَسی بامه: «تِه چِمن عزیزه زایش، از تک پِر راضیم.»
عیسی شجره نامه
23عیسی تقریبا سی سالَه به، که اِشتن خدمتش شروع بکه. مردمه ایزه زانسَرده که عیسی یوسفه زایه، یوسف، هِلی زا، 24هِلی، مَتّات زا، مَتّات، لاوی زا، لاوی، مِلْکی زا، مِلْکی، یَنّا زا، یَنّا، یوسف زا، 25یوسف، مَتّاتیا زا، مَتّاتیا، عاموس زا، عاموس، ناحوم زا، ناحوم، حِسْلی زا، حِسْلی، نَجَّی زا، 26نَجَّی، مَئَت زا، مَئَت، مَتّاتیا زا، مَتّاتیا، سِمِعین زا، سِمِعین یُسِک زا، یُسِک، یهودا زا، یهودا، 27یوحَنان زا، یوحَنان، ریسا زا، ریسا، زِروبابِل زا، زِروبابِل، شِئَلتیئیل زا، شِئَلتیئیل، نیری زا، 28نیری، مِلکی زا، مِلکی، اَدّی زا، اَدّی قوصام زا، قوصام اِلمادام زا، اِلمادام، عیر زا، 29عیر، یوشَع زا، یوشَع، العازار زا، العازار، یوریم زا، یوریم، مَتّات زا، مَتّات، لاوی زا، 30لاوی، شَمعون زا، شَمعون، یهودا زا، یهودا، یوسف زا، یوسف، یونام زا، یونام، اِلیاقیم زا، 31اِلیاقیم، مِلیا زا، مِلیا مِنّا زا، مِنّا، مَتّاتا زا، مَتّاتا، ناتان زا، ناتان، داوود پادشاه زا، 32داوود پادشاه، یَسا زا، یَسا عوبید زا، عوبید، بوعَز زا، بوعَز، سَلمون زا، سَلمون، نَحْشون زا، 33نَحْشون، عَمّیناداب زا، عَمّیناداب، رام زا، رام، حِصْرون زا، حِصْرون، فِرِص زا، فِرِص، یهودا زا، 34یهودا، یعقوب زا، یعقوب، اسحاق زا، اسحاق، ابراهیم زا، ابراهیم، تارَح زا، تارَح، ناحور زا، 35ناحور، سِروج زا، سِروج، رِعو زا، رِعو، فِلِج زا، فِلِج، عِبِر زا، عِبِر، شِلَخ زا، 36شِلَخ، قینان زا، قینان، اَرْفَکْشاد زا، اَرْفَکْشاد، سام زا، سام، نوح زا، نوح، لَمِک زا، 37لَمِک، مَتوشالَح زا، مَتوشالَح، خَنوخ زا، خَنوخ، یارِد زا، یارِد، مَهَلَلئیل زا، مَهَلَلئیل، قینان زا، 38قینان، اَنوش زا، اَنوش، شیث زا، شیث، آدم زا و آدم، خدا زا به.
Currently Selected:
انجیل لوقا 3: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 3
3
یحیی پیغام
1رومه امپراطور تیبِریوس، پانیزدَهُمین سالِ سَلطَنَتِک، خدا کلام بیابانِک بَر یحیی، زکریا زا، نازل آبه. اَدَمی پُنتیوس پیلاتُس، یهودیه منطقه فرماندار به، هیرودیس جلیله منطقه حاکم و چَوه برا فیلیپُس ایتوریَه و تِراخونیتیسِ منطقه حاکم بِه، و لیسانیوس آبیلینی منطقه حاکم بِه، و 2اَدَمی حَنّا و قیافا معبده پیله کاهن بِندِه، 3یحیی تمانه نواحی اُردن رِباره دویر و وَره را شِسه و مردمه راش اعلام کَردردِه اِشتن گناهان بخشسه بینه را توبه بِکَرندِه و غسل تعمید بیگیرندِه. 4اَجوره که اِشعیای پیغمبر کتابِک نیویشته بییه:
«مردکی بیابانِک جِرنَه واتَر،
”خداوند راه، چَوِه را آماده بِکَراه!
چَوه راه‌هان هَموار بکرا!
5همه‌ی دَرَه فِت آبینده و همه‌ی کوهه و تپه هموار آبینده؛
شَت راه، دوز آبیینده، و چاله چوله راهه، هموار آبینده.
6اَدمی همه‌ی مردم، خدا نجاته وینندِه.“»
7یحیی جماعتی نَه که آمیردنده چَه وَر غسل تعمید بیگیرنده نه، واتردشِه: «ای اَفعی زادهان، کی شاما هشدار بِدا تا غضبی کی که آمییر دِوَزا؟ 8اِشتن نه مواجا که: ”چاما جَد ابراهیم پیغمبره.“ شامانه واجِم که، خدا قادره اِم سِنگانک ابراهیمه را نسلی به وجوده بوعره. پس توبه بِکراه و اَعمالی انجام بِدَیا که آمانه توبه ران کَرده. 9حتی اِسا نی تیشه، داران بِنَه بِنجِقِک نیَه بییه. هر داری که چاکه میوه آمَدَیه، بِرنده و آتش دِلَک دِرَنِنِدِه.»
10مردم یحییک آپَرسسشانه: «پس آما چِه بکرام؟» 11یحیی چَوان جواوش بدا: «اَ کسی که دو گله خلوع داره، ایگله آدیه اَ که خلوع نداره، و اَ کسی که غذا داره نی اِنجوره گه بِکَره.» 12خراجگیره نی بامنده تا غسل تعمید بیگیرنده. اَوِکِشان آپرسس: «استاد، آما چِه بکرام؟» 13یحیی اَوانَه باتِه: «اَ اندازَه ای که تعیین آبیه پرتر خراج اَمَرگیرا.» 14سربازه نی اَوِک آپَرسِسِشانه: «آما چِه بکرام؟» یحیی اَوانه باته: «زور و تهدید نه هیچ کیک پول اَمَرگیرا و هیچ کسه تُیمت مَزنا و شاما مُزدِنه قانِع بِبا.»
15مردم منتظر بِنده و اِشتنَ شان فِکر کردردِه که ممکنه یحیی هَ مسیح موعود بیبی؟ 16یحیی چَوان همان جوابِش ایزِه بِدا: «اَز شاما اُونه تعمید دَیم، امّا کسی آمییر که مَنک قویتره، که اَز لیاقت نِدارم چَه پاقابان بَنده آکَرم. اَ شاما خدا مقدسه روح و آتش نه تعمید دَیه. 17اَ اِشتَن چَنگه دَسِک داره تا اِشتن خَرمنگاه تمیز آکَره: و گَندِمه اِشتن انبارک ذخیره کره، امّا سِنبَره آتَشی نه سوجانه که دونُکُشِه.»
18یحیی اَلوده نصیحتانه، اِم چاکه خبرش مردمه دیرده. 19امّا یحیی، هیرودیس حاکمش سَرزان کَردِه، چون اِشتن بِرار زَنِشَه، هیرودیاشه برده بییا و پِر خلافش کرده. 20هیرودیس، یحییش دِرَنده زندانک و اِم کارِنه اَ همه‌ی بده کارانی که پرانتر کردَش به ایضافه آکه.
21همان تعمید کَتنه پَش، عیسی نی تعمید بِکَت و دُعاش کردَردِه، که آسمان آبه 22و خدا مقدسه روح، کوتَر شوآر چَه سر نازل آبِه، آسماننَه سَسی بامه: «تِه چِمن عزیزه زایش، از تک پِر راضیم.»
عیسی شجره نامه
23عیسی تقریبا سی سالَه به، که اِشتن خدمتش شروع بکه. مردمه ایزه زانسَرده که عیسی یوسفه زایه، یوسف، هِلی زا، 24هِلی، مَتّات زا، مَتّات، لاوی زا، لاوی، مِلْکی زا، مِلْکی، یَنّا زا، یَنّا، یوسف زا، 25یوسف، مَتّاتیا زا، مَتّاتیا، عاموس زا، عاموس، ناحوم زا، ناحوم، حِسْلی زا، حِسْلی، نَجَّی زا، 26نَجَّی، مَئَت زا، مَئَت، مَتّاتیا زا، مَتّاتیا، سِمِعین زا، سِمِعین یُسِک زا، یُسِک، یهودا زا، یهودا، 27یوحَنان زا، یوحَنان، ریسا زا، ریسا، زِروبابِل زا، زِروبابِل، شِئَلتیئیل زا، شِئَلتیئیل، نیری زا، 28نیری، مِلکی زا، مِلکی، اَدّی زا، اَدّی قوصام زا، قوصام اِلمادام زا، اِلمادام، عیر زا، 29عیر، یوشَع زا، یوشَع، العازار زا، العازار، یوریم زا، یوریم، مَتّات زا، مَتّات، لاوی زا، 30لاوی، شَمعون زا، شَمعون، یهودا زا، یهودا، یوسف زا، یوسف، یونام زا، یونام، اِلیاقیم زا، 31اِلیاقیم، مِلیا زا، مِلیا مِنّا زا، مِنّا، مَتّاتا زا، مَتّاتا، ناتان زا، ناتان، داوود پادشاه زا، 32داوود پادشاه، یَسا زا، یَسا عوبید زا، عوبید، بوعَز زا، بوعَز، سَلمون زا، سَلمون، نَحْشون زا، 33نَحْشون، عَمّیناداب زا، عَمّیناداب، رام زا، رام، حِصْرون زا، حِصْرون، فِرِص زا، فِرِص، یهودا زا، 34یهودا، یعقوب زا، یعقوب، اسحاق زا، اسحاق، ابراهیم زا، ابراهیم، تارَح زا، تارَح، ناحور زا، 35ناحور، سِروج زا، سِروج، رِعو زا، رِعو، فِلِج زا، فِلِج، عِبِر زا، عِبِر، شِلَخ زا، 36شِلَخ، قینان زا، قینان، اَرْفَکْشاد زا، اَرْفَکْشاد، سام زا، سام، نوح زا، نوح، لَمِک زا، 37لَمِک، مَتوشالَح زا، مَتوشالَح، خَنوخ زا، خَنوخ، یارِد زا، یارِد، مَهَلَلئیل زا، مَهَلَلئیل، قینان زا، 38قینان، اَنوش زا، اَنوش، شیث زا، شیث، آدم زا و آدم، خدا زا به.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company