رسولانِ اعمال 19
19
پولُس اِفِسُس درون
1اُ زمات کی آپولُس قُرِنتُس شار درون ایسأ بو، پولُس اُ ولایت راهِ جا کی خشکی بو ردّا بوست و اَفسس شار فاراسه. اویا چن تا جه شاگردانَ بیافت، 2و پولُس اوشان جا واورسه: «اُ موقع کی ایمان باوردید، روح القدّسَ فیگیفتید؟» اوشان بگفتید: «نه، اَمان حتی نیشتاوستیم کی روح القدّسی ئَم نَئا.» 3پولُس اوشانَ بگفت: «پس، چه جور غُسل تعمیدی بیگیفتید؟» اوشان بگفتید: «یحیی تعمیدَ.» 4پولُس بگفت: «یحیی تعمید، توبه تعمید بو. اون مردومَ گفتی، اونیَ کی بعدِ خودش اَیه ایمان باورید، یعنی عیسیَ.» 5اوشان وقتی اَنه بیشتاوستید، عیسیِ خُداوند نام مرا غُسل تعمید بیگیفتید. 6وقتی کی پولُس، اوشان سر دَس بنه، روح القدّس اوشان سر قرار بیگیفت، و اوشان دیگر زَوانانِ مرا گَب زئید و نبوّت کودید. 7اُ مرداکان، دُوروَر دوازده نفر بید.
8بازون پولُس یهودیان عبادتگا بُشو و اویا سه ماه جرأت اَمرا گب زئی و دلیل آوردی و خُدا پادشائی باره، اوشانَ قانع کودی. 9ولی بعضیان، زیر بار نُشوئید و ایمان ناوردید و همه کَس چومِ جُلُو، ’اهل طریقت‘ یعنی ایمان داران بَدیَ گُفتیدی. پولُس اوشانَ نیده بو بیگیفت و شاگردانَ خو مرا اوساد و همتا روج، تیرانوس مدرسه درون گب زئی و دلیل آوردی. 10دو سال هَطو بُگُذشت و اَ زمات درون، تمان آسیا ولایت مردومان چی یهودی و چی یونانی خُداوند کلامَ بیشتاوستید.
اِسکیوا پسران
11خُدا پولُس دَس مرا عجایب و غرایب مُعجزه ئان انجام دئی، 12اوجور کی مردوم ایتا تیکه پارچه یا رختی کی اونِ تنَ واسوخَسته بو، ناخوشان ره بردیدی، و اوشانِ ناخوشی خُبَ بوستی و پلید ارواح اَشانِ جا بیرون شوئی.
13پس چن تا دوره گرد جِنگیر کی یهودی بید، تَقلاّ بُکودید عیسیِ خُداوند نامَ اوشان ره کی پلید ارواح دَشتید بخوانید. اوشان گُفتیدی: «به اُ عیسی کی پولُس اونَ موعظه کونه شمرأ قسم دئیم!» 14اوشانی کی اَ کارَ کودن دیبید اِسکیوا هفتا پسران بید. اِسکیوا ایتا جه یهود پیله کاهنان بو. 15ولی پلید روح اوشانَ جواب بدَه: «عیسیَ شناسم، پولُسَم ایشناسم، ولی شُمان ده کیسید؟» 16اُ مردای کی پلید روح دَشتی اوشانِ سر بپَرست و اوشان همتان حریفَ بوست. اون اوجور اوشانَ بزِه کی لُخت و سُوخت و زخمی اُ خانه جا جیویشتید.
17اِفِسُس مردومان همتان، چی یهودی و چی یونانی، اَ جریان جا واخَبرَ بوستید، تمان اوشانَ ترس اوساد، اوجور کی بازون پس عیسیِ خُداوند نامَ خَیلی حرمت نَائید. 18و خَیلی کَسان کی ایمان باورده بیدم، پیش باموئید و همه کَس چوم جُلُو خوشان کارانَ آشکار اعتراف کودیدی. 19خَیلیانم کی پیشتر جادوگری کودید، خوشان کِتابانَ باوردیدی و همه کَس چوم جُلُو بُسوجانه ئید. وقتی اُ کِتابان پولَ حیساب بُکودید، پنجاه هیزار تا سکه نقره بو. 20اَطو بُبوسته کی، خُداوندِ کلام پخشَ بوستی و قوّت گیفتی.
21بعد اَ جریانات، پولُس خُدا روح اَمرا هدایت بُبوسته کی مقدونیه منطقه و اَخائیه جا ردَّ بِه، و اورشلیم بشه. پولُس بگفت: «بعد اَنکی اویا بُشوم، بایسی رومِ شارم بیدینم.» 22بازون دو تا جه خو همکاران، تیموتائوس و اِراستوسَ مقدونیه روانه کود و خودِش چن وقت آسیا ولایت درون بأسا.
وَلوا اِفِسُس درون
23اَ زمات درون اهل ’طریقتِ‘ ضد یعنی ایمان داران، ایتا پیله وَلوا بپا بُبوست. 24ایتا نقرهکار کی اون نام دیمیتریوس بو، نقره ایی چیان آرتِمیسِ معبد ره ساختی، و جه هه راه صنعتکارانِ ره خَیلی درآمد چاکودی، 25دیمیتریوس صنعتکاران و اَجور کارانِ صاحبانَ جمَ کوده و اَشانَ بگفت: «اَی آقایان، دَنید کی اَمی درآمد، جه اَ راه ایسه. 26ولی هَطوکی دینیدی و ایشتاویدی، اَ پولُس نه فقط اِفِسُس شار دِرون، بلکی تقّریبا سرتاسر آسیا درون، خَیلی جه مردومَ قانع و گُمرا بُکوده دَره. اون گه خُدایانی کی آدمی دَس مرا بساخته بُبوسته خُدایان نیئیدی. 27و اَ خطر نئه کی نه فقط اَمی کسب و کار، رونقِ جا دکفه بلکی آرتمیس، اَمی پیله الهه معبدَم هیچ بِبه و حتی خو عظمتَ جه دَس بدِه. الهه ای کی سرتاسر آسیا و دُنیا درون پرستش کونید.»
28وقتی اوشان اَنه بیشتاوستید، حیسّابی بَرزَخا بوستید، داد بزه ئید کی «اِفِسُسیانِ آرتِمیس پیلیه!» 29تمان شار درون وَلوا بپا بُبوست! مردوم همدیگر اَمرا همدس بُبوستید و مسابقات میدان سمت هجوم ببردید. اوشان، گایوس و آریستارخوسَ کی مقدونیه شین و جه پولُسِ همرائان بید، فَکش فَکش مرا خوشانِ مرا بَردیدی. 30پولُس خواستی کی جمعیت درون بشه، ولی شاگردان وَئنلاشتید. 31حتی بعضی جه آسیا ولایت پیله کسان کی پولُسِ رِفِق بید، اونِ ره پیغام اوسه کودید و منّت بُکودید کی مسابقاتِ میدان درون نشه.
32جماعت درون غوغا بُبوست و مردوم گیجَ بوسته بید. همه داد زِئیدی و هر کَس ایچی گفتی و ویشترِ مردوم نانستیدی کی چی واسی جمَ بوستیدی. 33بعضیان، گُمان کودید کی اسکندر مسئول ایسه، چونکی یهودیان اسکندرَ پیش توَدَبید و بعضیانَم جماعت درون اونَ دستوراتی دَئیدی. اسکندر خو دَسَ تکان بدَه و مردوم جا بخواست کی تام بزنید و تَقلّا بُکود کی ایچی بگه و خو جا دفاع بُکونه. 34ولی وقتی مردوم بفهمستید کی یهودی ایسه، همه ایصدائی، دوروَرِ دو ساعت داد زِئیدی: اِفِسُسیانِ آرتِمیس پیلیه!»
35شار داروغه وقتی کی خلقَ آرامَ کود، بگفت: «ای اِفِسُسِ مرداکان، کیسه کی نَدانه اِفِسُس شار، پیله آرتِمیس معبد نگهبانه؟ کیسه کی نَدانه اِفِسسِ شار، مُقدّس سنگ نگهبانه کی آسمانِ جا بکفته؟ 36پس وقتی کی نِشه اَ چیانَ حشا کودن، بایسی آرام بیبید و تُنداتُندی هی کاری نُکونید. 37چونکی شُمان اَ مرداکانَ اَیا باورده ئید، کی نه اَمی معبدَ بی حرمتی بُکودید و نه اَمی الهه یَ کُفر بُگفته ئید. 38پس اَگه دیمیتریوس و صنعتکارانی کی اونِ همکارید، هر کَس جا شکایت دَریدی، دادگائان دَر وازه و فرماندارانم حاضیرید. وَئلید خوشان شکایتانَ اویا ببَرید. 39ولی اَگه شکایت دیگری دَریدی، اونَ بایسی شار انجمن درون حل فصل بُکونید. 40چونکی راس راسی اَ خطر درون دَریم کی ایمروجِ جریانات واسی متهم به شورش بیبیم. اَگه اَطو ببه نتانیم اَ وَلوا ره دلیل باوریم.» 41وقتی کی داروغه اَنه بگفت خلقَ پخشَ کوده.
Currently Selected:
رسولانِ اعمال 19: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
رسولانِ اعمال 19
19
پولُس اِفِسُس درون
1اُ زمات کی آپولُس قُرِنتُس شار درون ایسأ بو، پولُس اُ ولایت راهِ جا کی خشکی بو ردّا بوست و اَفسس شار فاراسه. اویا چن تا جه شاگردانَ بیافت، 2و پولُس اوشان جا واورسه: «اُ موقع کی ایمان باوردید، روح القدّسَ فیگیفتید؟» اوشان بگفتید: «نه، اَمان حتی نیشتاوستیم کی روح القدّسی ئَم نَئا.» 3پولُس اوشانَ بگفت: «پس، چه جور غُسل تعمیدی بیگیفتید؟» اوشان بگفتید: «یحیی تعمیدَ.» 4پولُس بگفت: «یحیی تعمید، توبه تعمید بو. اون مردومَ گفتی، اونیَ کی بعدِ خودش اَیه ایمان باورید، یعنی عیسیَ.» 5اوشان وقتی اَنه بیشتاوستید، عیسیِ خُداوند نام مرا غُسل تعمید بیگیفتید. 6وقتی کی پولُس، اوشان سر دَس بنه، روح القدّس اوشان سر قرار بیگیفت، و اوشان دیگر زَوانانِ مرا گَب زئید و نبوّت کودید. 7اُ مرداکان، دُوروَر دوازده نفر بید.
8بازون پولُس یهودیان عبادتگا بُشو و اویا سه ماه جرأت اَمرا گب زئی و دلیل آوردی و خُدا پادشائی باره، اوشانَ قانع کودی. 9ولی بعضیان، زیر بار نُشوئید و ایمان ناوردید و همه کَس چومِ جُلُو، ’اهل طریقت‘ یعنی ایمان داران بَدیَ گُفتیدی. پولُس اوشانَ نیده بو بیگیفت و شاگردانَ خو مرا اوساد و همتا روج، تیرانوس مدرسه درون گب زئی و دلیل آوردی. 10دو سال هَطو بُگُذشت و اَ زمات درون، تمان آسیا ولایت مردومان چی یهودی و چی یونانی خُداوند کلامَ بیشتاوستید.
اِسکیوا پسران
11خُدا پولُس دَس مرا عجایب و غرایب مُعجزه ئان انجام دئی، 12اوجور کی مردوم ایتا تیکه پارچه یا رختی کی اونِ تنَ واسوخَسته بو، ناخوشان ره بردیدی، و اوشانِ ناخوشی خُبَ بوستی و پلید ارواح اَشانِ جا بیرون شوئی.
13پس چن تا دوره گرد جِنگیر کی یهودی بید، تَقلاّ بُکودید عیسیِ خُداوند نامَ اوشان ره کی پلید ارواح دَشتید بخوانید. اوشان گُفتیدی: «به اُ عیسی کی پولُس اونَ موعظه کونه شمرأ قسم دئیم!» 14اوشانی کی اَ کارَ کودن دیبید اِسکیوا هفتا پسران بید. اِسکیوا ایتا جه یهود پیله کاهنان بو. 15ولی پلید روح اوشانَ جواب بدَه: «عیسیَ شناسم، پولُسَم ایشناسم، ولی شُمان ده کیسید؟» 16اُ مردای کی پلید روح دَشتی اوشانِ سر بپَرست و اوشان همتان حریفَ بوست. اون اوجور اوشانَ بزِه کی لُخت و سُوخت و زخمی اُ خانه جا جیویشتید.
17اِفِسُس مردومان همتان، چی یهودی و چی یونانی، اَ جریان جا واخَبرَ بوستید، تمان اوشانَ ترس اوساد، اوجور کی بازون پس عیسیِ خُداوند نامَ خَیلی حرمت نَائید. 18و خَیلی کَسان کی ایمان باورده بیدم، پیش باموئید و همه کَس چوم جُلُو خوشان کارانَ آشکار اعتراف کودیدی. 19خَیلیانم کی پیشتر جادوگری کودید، خوشان کِتابانَ باوردیدی و همه کَس چوم جُلُو بُسوجانه ئید. وقتی اُ کِتابان پولَ حیساب بُکودید، پنجاه هیزار تا سکه نقره بو. 20اَطو بُبوسته کی، خُداوندِ کلام پخشَ بوستی و قوّت گیفتی.
21بعد اَ جریانات، پولُس خُدا روح اَمرا هدایت بُبوسته کی مقدونیه منطقه و اَخائیه جا ردَّ بِه، و اورشلیم بشه. پولُس بگفت: «بعد اَنکی اویا بُشوم، بایسی رومِ شارم بیدینم.» 22بازون دو تا جه خو همکاران، تیموتائوس و اِراستوسَ مقدونیه روانه کود و خودِش چن وقت آسیا ولایت درون بأسا.
وَلوا اِفِسُس درون
23اَ زمات درون اهل ’طریقتِ‘ ضد یعنی ایمان داران، ایتا پیله وَلوا بپا بُبوست. 24ایتا نقرهکار کی اون نام دیمیتریوس بو، نقره ایی چیان آرتِمیسِ معبد ره ساختی، و جه هه راه صنعتکارانِ ره خَیلی درآمد چاکودی، 25دیمیتریوس صنعتکاران و اَجور کارانِ صاحبانَ جمَ کوده و اَشانَ بگفت: «اَی آقایان، دَنید کی اَمی درآمد، جه اَ راه ایسه. 26ولی هَطوکی دینیدی و ایشتاویدی، اَ پولُس نه فقط اِفِسُس شار دِرون، بلکی تقّریبا سرتاسر آسیا درون، خَیلی جه مردومَ قانع و گُمرا بُکوده دَره. اون گه خُدایانی کی آدمی دَس مرا بساخته بُبوسته خُدایان نیئیدی. 27و اَ خطر نئه کی نه فقط اَمی کسب و کار، رونقِ جا دکفه بلکی آرتمیس، اَمی پیله الهه معبدَم هیچ بِبه و حتی خو عظمتَ جه دَس بدِه. الهه ای کی سرتاسر آسیا و دُنیا درون پرستش کونید.»
28وقتی اوشان اَنه بیشتاوستید، حیسّابی بَرزَخا بوستید، داد بزه ئید کی «اِفِسُسیانِ آرتِمیس پیلیه!» 29تمان شار درون وَلوا بپا بُبوست! مردوم همدیگر اَمرا همدس بُبوستید و مسابقات میدان سمت هجوم ببردید. اوشان، گایوس و آریستارخوسَ کی مقدونیه شین و جه پولُسِ همرائان بید، فَکش فَکش مرا خوشانِ مرا بَردیدی. 30پولُس خواستی کی جمعیت درون بشه، ولی شاگردان وَئنلاشتید. 31حتی بعضی جه آسیا ولایت پیله کسان کی پولُسِ رِفِق بید، اونِ ره پیغام اوسه کودید و منّت بُکودید کی مسابقاتِ میدان درون نشه.
32جماعت درون غوغا بُبوست و مردوم گیجَ بوسته بید. همه داد زِئیدی و هر کَس ایچی گفتی و ویشترِ مردوم نانستیدی کی چی واسی جمَ بوستیدی. 33بعضیان، گُمان کودید کی اسکندر مسئول ایسه، چونکی یهودیان اسکندرَ پیش توَدَبید و بعضیانَم جماعت درون اونَ دستوراتی دَئیدی. اسکندر خو دَسَ تکان بدَه و مردوم جا بخواست کی تام بزنید و تَقلّا بُکود کی ایچی بگه و خو جا دفاع بُکونه. 34ولی وقتی مردوم بفهمستید کی یهودی ایسه، همه ایصدائی، دوروَرِ دو ساعت داد زِئیدی: اِفِسُسیانِ آرتِمیس پیلیه!»
35شار داروغه وقتی کی خلقَ آرامَ کود، بگفت: «ای اِفِسُسِ مرداکان، کیسه کی نَدانه اِفِسُس شار، پیله آرتِمیس معبد نگهبانه؟ کیسه کی نَدانه اِفِسسِ شار، مُقدّس سنگ نگهبانه کی آسمانِ جا بکفته؟ 36پس وقتی کی نِشه اَ چیانَ حشا کودن، بایسی آرام بیبید و تُنداتُندی هی کاری نُکونید. 37چونکی شُمان اَ مرداکانَ اَیا باورده ئید، کی نه اَمی معبدَ بی حرمتی بُکودید و نه اَمی الهه یَ کُفر بُگفته ئید. 38پس اَگه دیمیتریوس و صنعتکارانی کی اونِ همکارید، هر کَس جا شکایت دَریدی، دادگائان دَر وازه و فرماندارانم حاضیرید. وَئلید خوشان شکایتانَ اویا ببَرید. 39ولی اَگه شکایت دیگری دَریدی، اونَ بایسی شار انجمن درون حل فصل بُکونید. 40چونکی راس راسی اَ خطر درون دَریم کی ایمروجِ جریانات واسی متهم به شورش بیبیم. اَگه اَطو ببه نتانیم اَ وَلوا ره دلیل باوریم.» 41وقتی کی داروغه اَنه بگفت خلقَ پخشَ کوده.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company