انجیلِ مَتّی 21
21
عیسی شاهانه آمیین به اورشلیم
1وختی عیسی و چُو شاگرده اورشلیم شهره نزدیک بِبنده، آرسسنده دِه بیت فاجی که زیتون کوه دامنه دَ به. اُخُری عیسی دِ نفر اَز اِشتن شاگردش بخِرسا 2اَجونش بِوات: «اَ دِهی که شَما پیش اسه بِشا. زمانی که شا دِه دِله، البحل، ای خری چو خره کره خَمنا وینا که بِر دِبَستشونه. اَ دِ آکرا و چِمن وَر بایرا. 3اَگم کسی شَما چیزیش بوات، بوایا: ”خداوند اَجون لازم داره،“ و اَو اَلَبَحل اجون خِرسه.» 4اَم کار ببه تا اَ چیون که پیغمبر، پیشگویش کرده به، انجام بیبی، که واتش به:
5«اورشلیم مقدسه کوه دَ، صهیونِ کِلِگِ بوا
”دِدِس اِشته پاتشاه فروتنییَم اِشته ور آ
خره سر نِشتاسَه
خَره کره سر نِشتاسَه.»
6اَ دِ شاگرد بِشنده و همنه که عیسی دَستورش دایه به بِکَردشون. 7اَوُن خر و خره کره شون بایردِندِ و اِشتن خلاوشون چون سر بِنا و عیسی چو سر بِنِشت. 8پِر جماعت نی اِشتن خلاوشون راه سر جیکردنده و بعضیونَ نی داره لاخه شان ایبِره، راه دَ جیکردشونه. 9جماعتی که عیسی پیش شَینده و جماعتی که چو پَش اومَینده، جیکیلَییم بواتنده:
«نجات، داوود پادشا زا طرفَ آ!
«مبارک اِسه اَ کسی که خداوند نومییم آ!
«نجات عرش برینَ آ!»
10وختی عیسی بشه اورشلیمِ شهر، همه‌ی شهر شور و شوق دکَتِنده. مردمه آپرسسشون: «ام کیه؟» 11اَ جماعت بواتشون: «اَم عیسای پیغمبره، جلیلیه ناصره مردم!»
عیسی معبد تمیز کره
12اَ موقع عیسی بِشه معبده دله و همه‌ی کسانی که معبد دَ خرییِشونه و خوروتشونه، اَبَر بِکه و صرافان میزش اوگاردونس و کوتر خروشون بساطش بهم بزه 13اَجونش بِوات: «اِشعیا پیغمبره کتابَ نیویشته بیاسه، ”چِمِن کَه وانده دوُعا کَه، “امّا شَما اَوِرون”دِزون لونَه“ رچ کرده.»
14معبدَ، کوره و شَل عیسی وَر بومِندِ و عیسی اَجونش شفا بدا. 15ولی وختی سران کاهنان و تورات معلمین عیسی معجزاتشون بوینتنده و بِشنَوِسِنده که خوردگِ معبد دَ بلند صصییَم وانده: «نجات، داووده پاتشاه زا طرفَ آ» پِر عصبانی ببنده. 16اَوه عیسیاشون بوات: «بَشنوسی اَوه چِه وانده؟» عیسی جواو بدا: «آها. مگم داوودِ زبورَ دَ نخونتَیو که،
«”خوردگون و شِت آخَره خوردگِونَ نی اِشتن زونییم
اَجو ستایش کَرنده؟“»
17عیسی اَجونِش ترک بکه و اَ شهر دَ بِشه بِیت‌عَنْیا ده و شَوِه را بِر وِندَرد.
انجیره دار خشک آبیین
18صبح تولو وختی عیسی آگَردِسَی اورشلیم شهر، وَشیرش ببه. 19راه کِنارَ، اَنجیره داریش بیوینت و بِشه چو طرف، اَما چیزی جز لیوَه نویتشه. پس دارِش بِوات: «تَه دِ هرگز میوه نایری!» البحل دارَه خشک ببه. 20شاگرده وختی اَمِشون بوینت مات ببنده و بواتنده: «چه طَرَه اَنجیره دارَه البحل خُشک ببه؟» 21عیسی جواو بدا: «حقیقتا، شَما را وام اَگم ایمان بدارا و شَک مَکرا، نه فقط تونو اَم کاره بکرا، بَلکم اگم اَم کوهِ بوایا ”بییا دَ اَبَر بوره و بِش دریا دِگن،“ هِمنَه بی. 22اگم ایمان بِدارا، هر چی دعا بکرا ایگیرا.»
عیسی اقتدار راجب شون سوال آپرسس
23وختی که عیسی معبده دِله بشه و مردمش تعلیم بدا. هَ زمان، سران کاهنون و قوم یهود شیخون، چو وَر بومِندِ و بواتنده: «که اَم حقِ اَتِش دایه؟» 24عیسی بوات: «اَزی شَما کودَ سوالی دارِم. اگم جواورون بدا، ازی شَما را وام کوم حَقیَم اَم کارون کَرم. 25که یحییش حق دایه که تعمید بِدیه خدا یا انسان؟» اَوه اِشتن وَر بحثشون بِکَه و بواتنده: «اگم بوایوم خدا طرف به، اَجما وا، پس چرا ایمانرون نایرده؟ 26اگم بوایوم انسان طرف به، جماعت دَ تَرسام، چون همَّه یحیی عه ای پیغمبر زوننده.» 27پس عیسیاشون بوا: «اَما نِزونوم.» عیسی بوات: «اَزی شَمارا نِوام که چه حَقییَم اَم کارون کَرم.
دِ کوله مثال
28«شَما نظر چیه؟ مردی دِ زاش دَ. اِشتن پیله زا وَر بِشه و بوات: ”زا، هارو بِشه انگوره باغَ دَ کار بِکه. 29چو زا بوات: ”اَز نشیم.“ امّا اُخُری چو نظر آگردِسشه و بِشه.“ 30په وِلِگ زا وَر بِشه و اجوشَ نی هَم لاوِش بوا. وِلِگِ زا بوات: ”از شیم، آقا،“ امّا نِشه. 31کومین اَ دِ زا اِشتن پِه خواسته شون انجام بدا؟» جواوشون بدا: «اولین زا» عیسی اجون بوات: «حقیقتا، شَما را وام باجگیرِ و فاحشه عه شَما دَ پیش تر خدا پاتشاهی دله بِشنده. 32چون یحیی بومه و درست راش شَماش نشون بدا و امّا شَما اوِرون ایمان نایرد ولی باجگیرِ و فاحشه عه ایمان بایردِندِ و شَما حتی با اَم که اَمِرون بِوینت هنی شَما نظررون عوض نِکه و ایمانِرون نایرد.
شرور باغبانون مثال
33«علایدَه مثلی گوش بیدیا. ملک صاحابی به که انگوره باغش رچ بکه و چو دویرَ حصارش بِکَشِس. اَو انگوره آو ایگَتَنهه را باغ دلَ حوضیش رَچ بکه و نگهبانی را ای برجیش بِر رَچ بکه. و انگوره باغِش چند باغبانِش اجاره بدا و اِشتن علایدَه مملکتی سفر بکه. 34وختی محصوله اوگَتنِ فصل آرَسس، اِشتن نوکَرش بخرسا باغبانون وَر تا چو میوه بیگیرِنده. 35امّا باغبانه چو نوکرونِش بگَتِند، ایو شون بزه و ایوِشون بکوشت و اَ ایوِشون سِگسار بِکَه. 36هنی، باغ صاحاب اولین سَفَرِ شارین، نوکرانی چون وَر بِخِرسا امّا باغبانه اَ نوکرونییَم همنه رفتار بِکَردنده، 37آخر سر اِشتن زاش باغبانون وَر بِخِرسا و اِشتنییم بوات: ”چمن زا حرمته نیا دارِنده.“ 38امّا اَ زمُون که باغبانه چو زاشون بِوینت همدیگرِشون بوات: ”انگوره باغ وارث اَمِ. بایا اَجو بوکوشوم تا چو ارث اَجَما آرسه.“ 39پس اَ کوله شون بِگَت و انگوره باغ دَ اَبَربکردشون و بوکوشتشونه. 40حالا شَما نظر وختی باغه صاحاب با، اَم باغِبانونییَم چه کَره؟» 41اَوه عیساشون بوات: «اَ شرور باغبانونِ بی رَحمییم کوشه و انگوره باغه علایدَه باغبانون اجاره دی تا برداشته فصله را چو میوه سهمه بیدینده.»
42عیسی اَجونِش بِوات: «مگم زبورِ کتابَ دَ نِخونتیو که،
«هَه سِگی که بَنایان رَد بکردِندِ و فرِشون بِدا،
هَنِنه بنا اصلیه سِگ بیاسه.
خداوند اَم کارش کَرده
و اَم چَما نظر عجیبه“ ؟
43پس شَما را وام خدا پاتشاهی شَما کودَ ایگَتِه بی، و قومی آدایه بی که چو محصولَ دَ، خدا سهم بِدیینده. 44هر که که اَم سِگِ سر ایگینه خُرد بی، و اَگم اَم سِگ کسی سر ایگینه اجو فِرچ کریه.»
45وختی سران کاهنون و فَریسیون عیسی اَم مثالِشون بشنوس، بِزونسشونه که درباره چون لاوه کره. 46پس راهی پشَ بِنده که عیسی بیگیرنده، امّا جماعت کودَ ترسِسَینده چون اَوه عیسی شون ای پیغمبر زونِسَی.
Currently Selected:
انجیلِ مَتّی 21: KTT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیلِ مَتّی 21
21
عیسی شاهانه آمیین به اورشلیم
1وختی عیسی و چُو شاگرده اورشلیم شهره نزدیک بِبنده، آرسسنده دِه بیت فاجی که زیتون کوه دامنه دَ به. اُخُری عیسی دِ نفر اَز اِشتن شاگردش بخِرسا 2اَجونش بِوات: «اَ دِهی که شَما پیش اسه بِشا. زمانی که شا دِه دِله، البحل، ای خری چو خره کره خَمنا وینا که بِر دِبَستشونه. اَ دِ آکرا و چِمن وَر بایرا. 3اَگم کسی شَما چیزیش بوات، بوایا: ”خداوند اَجون لازم داره،“ و اَو اَلَبَحل اجون خِرسه.» 4اَم کار ببه تا اَ چیون که پیغمبر، پیشگویش کرده به، انجام بیبی، که واتش به:
5«اورشلیم مقدسه کوه دَ، صهیونِ کِلِگِ بوا
”دِدِس اِشته پاتشاه فروتنییَم اِشته ور آ
خره سر نِشتاسَه
خَره کره سر نِشتاسَه.»
6اَ دِ شاگرد بِشنده و همنه که عیسی دَستورش دایه به بِکَردشون. 7اَوُن خر و خره کره شون بایردِندِ و اِشتن خلاوشون چون سر بِنا و عیسی چو سر بِنِشت. 8پِر جماعت نی اِشتن خلاوشون راه سر جیکردنده و بعضیونَ نی داره لاخه شان ایبِره، راه دَ جیکردشونه. 9جماعتی که عیسی پیش شَینده و جماعتی که چو پَش اومَینده، جیکیلَییم بواتنده:
«نجات، داوود پادشا زا طرفَ آ!
«مبارک اِسه اَ کسی که خداوند نومییم آ!
«نجات عرش برینَ آ!»
10وختی عیسی بشه اورشلیمِ شهر، همه‌ی شهر شور و شوق دکَتِنده. مردمه آپرسسشون: «ام کیه؟» 11اَ جماعت بواتشون: «اَم عیسای پیغمبره، جلیلیه ناصره مردم!»
عیسی معبد تمیز کره
12اَ موقع عیسی بِشه معبده دله و همه‌ی کسانی که معبد دَ خرییِشونه و خوروتشونه، اَبَر بِکه و صرافان میزش اوگاردونس و کوتر خروشون بساطش بهم بزه 13اَجونش بِوات: «اِشعیا پیغمبره کتابَ نیویشته بیاسه، ”چِمِن کَه وانده دوُعا کَه، “امّا شَما اَوِرون”دِزون لونَه“ رچ کرده.»
14معبدَ، کوره و شَل عیسی وَر بومِندِ و عیسی اَجونش شفا بدا. 15ولی وختی سران کاهنان و تورات معلمین عیسی معجزاتشون بوینتنده و بِشنَوِسِنده که خوردگِ معبد دَ بلند صصییَم وانده: «نجات، داووده پاتشاه زا طرفَ آ» پِر عصبانی ببنده. 16اَوه عیسیاشون بوات: «بَشنوسی اَوه چِه وانده؟» عیسی جواو بدا: «آها. مگم داوودِ زبورَ دَ نخونتَیو که،
«”خوردگون و شِت آخَره خوردگِونَ نی اِشتن زونییم
اَجو ستایش کَرنده؟“»
17عیسی اَجونِش ترک بکه و اَ شهر دَ بِشه بِیت‌عَنْیا ده و شَوِه را بِر وِندَرد.
انجیره دار خشک آبیین
18صبح تولو وختی عیسی آگَردِسَی اورشلیم شهر، وَشیرش ببه. 19راه کِنارَ، اَنجیره داریش بیوینت و بِشه چو طرف، اَما چیزی جز لیوَه نویتشه. پس دارِش بِوات: «تَه دِ هرگز میوه نایری!» البحل دارَه خشک ببه. 20شاگرده وختی اَمِشون بوینت مات ببنده و بواتنده: «چه طَرَه اَنجیره دارَه البحل خُشک ببه؟» 21عیسی جواو بدا: «حقیقتا، شَما را وام اَگم ایمان بدارا و شَک مَکرا، نه فقط تونو اَم کاره بکرا، بَلکم اگم اَم کوهِ بوایا ”بییا دَ اَبَر بوره و بِش دریا دِگن،“ هِمنَه بی. 22اگم ایمان بِدارا، هر چی دعا بکرا ایگیرا.»
عیسی اقتدار راجب شون سوال آپرسس
23وختی که عیسی معبده دِله بشه و مردمش تعلیم بدا. هَ زمان، سران کاهنون و قوم یهود شیخون، چو وَر بومِندِ و بواتنده: «که اَم حقِ اَتِش دایه؟» 24عیسی بوات: «اَزی شَما کودَ سوالی دارِم. اگم جواورون بدا، ازی شَما را وام کوم حَقیَم اَم کارون کَرم. 25که یحییش حق دایه که تعمید بِدیه خدا یا انسان؟» اَوه اِشتن وَر بحثشون بِکَه و بواتنده: «اگم بوایوم خدا طرف به، اَجما وا، پس چرا ایمانرون نایرده؟ 26اگم بوایوم انسان طرف به، جماعت دَ تَرسام، چون همَّه یحیی عه ای پیغمبر زوننده.» 27پس عیسیاشون بوا: «اَما نِزونوم.» عیسی بوات: «اَزی شَمارا نِوام که چه حَقییَم اَم کارون کَرم.
دِ کوله مثال
28«شَما نظر چیه؟ مردی دِ زاش دَ. اِشتن پیله زا وَر بِشه و بوات: ”زا، هارو بِشه انگوره باغَ دَ کار بِکه. 29چو زا بوات: ”اَز نشیم.“ امّا اُخُری چو نظر آگردِسشه و بِشه.“ 30په وِلِگ زا وَر بِشه و اجوشَ نی هَم لاوِش بوا. وِلِگِ زا بوات: ”از شیم، آقا،“ امّا نِشه. 31کومین اَ دِ زا اِشتن پِه خواسته شون انجام بدا؟» جواوشون بدا: «اولین زا» عیسی اجون بوات: «حقیقتا، شَما را وام باجگیرِ و فاحشه عه شَما دَ پیش تر خدا پاتشاهی دله بِشنده. 32چون یحیی بومه و درست راش شَماش نشون بدا و امّا شَما اوِرون ایمان نایرد ولی باجگیرِ و فاحشه عه ایمان بایردِندِ و شَما حتی با اَم که اَمِرون بِوینت هنی شَما نظررون عوض نِکه و ایمانِرون نایرد.
شرور باغبانون مثال
33«علایدَه مثلی گوش بیدیا. ملک صاحابی به که انگوره باغش رچ بکه و چو دویرَ حصارش بِکَشِس. اَو انگوره آو ایگَتَنهه را باغ دلَ حوضیش رَچ بکه و نگهبانی را ای برجیش بِر رَچ بکه. و انگوره باغِش چند باغبانِش اجاره بدا و اِشتن علایدَه مملکتی سفر بکه. 34وختی محصوله اوگَتنِ فصل آرَسس، اِشتن نوکَرش بخرسا باغبانون وَر تا چو میوه بیگیرِنده. 35امّا باغبانه چو نوکرونِش بگَتِند، ایو شون بزه و ایوِشون بکوشت و اَ ایوِشون سِگسار بِکَه. 36هنی، باغ صاحاب اولین سَفَرِ شارین، نوکرانی چون وَر بِخِرسا امّا باغبانه اَ نوکرونییَم همنه رفتار بِکَردنده، 37آخر سر اِشتن زاش باغبانون وَر بِخِرسا و اِشتنییم بوات: ”چمن زا حرمته نیا دارِنده.“ 38امّا اَ زمُون که باغبانه چو زاشون بِوینت همدیگرِشون بوات: ”انگوره باغ وارث اَمِ. بایا اَجو بوکوشوم تا چو ارث اَجَما آرسه.“ 39پس اَ کوله شون بِگَت و انگوره باغ دَ اَبَربکردشون و بوکوشتشونه. 40حالا شَما نظر وختی باغه صاحاب با، اَم باغِبانونییَم چه کَره؟» 41اَوه عیساشون بوات: «اَ شرور باغبانونِ بی رَحمییم کوشه و انگوره باغه علایدَه باغبانون اجاره دی تا برداشته فصله را چو میوه سهمه بیدینده.»
42عیسی اَجونِش بِوات: «مگم زبورِ کتابَ دَ نِخونتیو که،
«هَه سِگی که بَنایان رَد بکردِندِ و فرِشون بِدا،
هَنِنه بنا اصلیه سِگ بیاسه.
خداوند اَم کارش کَرده
و اَم چَما نظر عجیبه“ ؟
43پس شَما را وام خدا پاتشاهی شَما کودَ ایگَتِه بی، و قومی آدایه بی که چو محصولَ دَ، خدا سهم بِدیینده. 44هر که که اَم سِگِ سر ایگینه خُرد بی، و اَگم اَم سِگ کسی سر ایگینه اجو فِرچ کریه.»
45وختی سران کاهنون و فَریسیون عیسی اَم مثالِشون بشنوس، بِزونسشونه که درباره چون لاوه کره. 46پس راهی پشَ بِنده که عیسی بیگیرنده، امّا جماعت کودَ ترسِسَینده چون اَوه عیسی شون ای پیغمبر زونِسَی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company