روملیلَر 15
15
1بیزلَر کی گؤجلویاک وظیفه واریمیز، گؤجسیزلَرینگ ضعیفلیگلَرینی تحمّل ائدَک و اؤز خوشلیگیمیز قولونجوندا اولمایاک. 2گلینز تا هَر بیریمیز او خوب زاددا کی قونشوسیندا گؤرور او بارهده او آدامی خُشنود ائده تا او آدام بَنا اولا. 3چونکی مَسیح اؤز خوشلیگی قولونجوندا دهییلدی، بلکی ائله اولهیین کی زَبور کتابیندا یازیلمیش: «سَنه اِهانَت ائدنلَرینگ اِهانَتی، منیم اوستومه دؤشدو.» 4بو سَبریه کی هَرنه کی قدیمکی گؤنلرده یازیلمیش، بونونگ ایچی یازیلمیش تا بیزه درس اولا تا او اِستقامت و دلگرملیگ طریقیندَن کی مُقدّس یازیلیلار وئریرلَر، امید واریمیز اولا.
5اِستقامت و دلگرملیگ تارئسی بئلَینزه عَطا ائدسین تا بیر رقم کی مَسیح عیسا سئدیگی اینن جور گلیر، فکرلَرینز بیر بیر اینن بیر اولا. 6تا سیز بیرلیکده، بیر سَس اینن، تارئیی، رَبّیمیز عیسا مَسیحنینگ بووآسینی حَمد و ثنا ائدَینز. 7پس ائله اولهیین کی مَسیح سیزی قبول ائدمیش، سیز ده بیر بیری قبول ائدینز تا تارئ شوکت توتا.
مَسیح، یهودیلار و غیری یهودیلارینگ امیدی دیر
8چون سیزه دئییرم کی مَسیح، تارئنینگ حَقیقتینی گؤرسدمَک ایچی، سُنّت اولانلارینگ یعنی یهودیلارینگ خادمی اولدو تا جدلَریمیزه وئریلن وَعدهلری تصدیق ائده، 9و تا غیری یهودیلار، تارئیی رَحمی ایچی حَمد و ثنا ائدلَّر. ائله اولهیین کی مُقدّس یازیلیلاردا یازیلمیش کی:
«پس من سنی غیرییهودیلار آراسیندا حَمد و ثنا ائدهرَم،
و سنینگ آدینگ ایچی ییرلهیرَم.»
10و گئنه توراتدا دئییر:
«ای غیرییهودیلار، اؤنونگ خلخی اینن شادلیگ ائدینز!»
11و گئنه زَبور کتابیندا دئییر:
«سیز، ای واری غیرییهودیلار، رَبّی حَمد و ثنا ائدینز،
و واری خلخلَر، اؤنو اوجالتسینلَر!»
12و گئنه اِشعَیای پیغمبر دئییر:
«یَسانینگ ریشهسی گلَر،
ائله او کی آیاق توتیر تا غیرییهودیلارا حکم سؤره؛
غیرییهودیلار اؤنا امید باغلایارلار.»
13امید تارئسی، سیزی ایماندا اولان بوتون شادلیگ و صُلح و سلامتلیگ اینن دؤلدورسین، تا بئله تارئنینگ قُدّوس روحونونگ قُدرتی اینن امیددَن دؤلانز.
پولُسینگ خدمتی غیری یهودیلار آراسیندا
14کاکالاریم، من اؤزوم سیزدَن خاطر جمعَم کی سیزینگ اؤزونز خوبلیگدَن دؤلویانز، بیر تمام و کمال مَعرفتدَن دؤلویانز و باشاریرانز بیر بیره تعلیم وئرَینز. 15آما بیر پارا مَسئلهلَر بارهسینده چوخ جسارت اینن سیزینگ ایچی یازمیشام تا یادینزا سالام، او فِیض سَبرسینه کی تارئ منه وئرمیش 16تا مَسیح عیسانینگ بیر خادمی اولام غیری یهودیلار ایچی و تارئ اینجیلینینگ کاهِنلیگی خدمتینی یئرینه ائتیردَم، تا بئله غیری یهودیلار، تارئ دَرگاهینا بیر مَقبول هدیه اولالّار کی تارئنینگ قُدّوس روحو اینان مُقدّس اولموشلار.
17پس مَسیح عیسادا من سبب واریم تا تارئیا ائتدیگیم خدمته فَخر ائدَم. 18چونکی من جرأت ائدمئيرَم کی بیر زاددان دانیشام، به غیری او زاددان کی مَسیح منیم طریقیمدَن یئرینه ائتیشتیرمیش تا غیری یهودیلاری ایماندان اطاعت ائدمَکه گتیرم - سؤزوم اینن و عَملیم اینن، 19نیشانالار و معجزهلَر قُدرتی اینن، تارئ روحونونگ قُدرتی اینن - ائله کی اورشلیم شَهریندَن تا ایلیریکوم شَهرینانچز اوغونموشام و مَسیح اینجیلینینگ خدمتینی تمام و کمال یئرینه ائتیردمیشَم؛ 20همیشه آرزیم بو ایمیش کی اینجیلی او یئرلَرده کی ائله ایندیسی مَسیح آدی خلخینگ قولاقینا ائتیشمیش اعلام ائدمهیَم. تا ائدمئیه کی آیری آدام قؤیدوگو پِی اوستونه، من دؤزهدَم، 21بلکی ائله اولهیین کی اِشعَیا کتابیندا یازیلمیش:
«اوللار کی هئچوخت اؤنونگ بارهسینده بئللَرینه دئییلمهمیش، گؤز اینن گؤرَرلَر،
و او اوللار کی هئچوخت ائشیتمهمیشلَر، آنگلایارلار.»
پولُس سئیر گئده روما
22بونونگ ایچی دیر کی، چوخ وخت سیزینگ یانینزا گلمکدن ساخلانمیشام. 23آما ایندی، بو خاطره کی داها بو منطقهلَرده ایش ایچی یئر یوخوم و بو سبریه کی نئچه ایل دیر آرزی ائدیرَم گلم یانینزا، 24امید واریم اؤندا کی گئدیرَم اسپانیایا یولوم اوستونده سیزی گؤرَم و بوندان سورا کی بیر مُدّت سیزینگ اینن بئلینه اولماکدان کیف ائدیم، منی اؤرا گئدمکده کؤمَک ائدَینز. 25آما ایندی اورشلیمه گئدیرَم تا مَسیحه ایمانی اولانلارا بیر پارا کؤمَک آپارام. 26بو خاطره کی مَقدونیه و اَخائیهیه منطقهلَرینینگ کلیسالارینا بئله خوش گلمیش کی اورشلیمدهکی مَسیحه ایمانی اولان یوخسوللارا بیر پارا کؤمک یولا سالالّار. 27چونکی اوللار گؤینلَری سئیردی بو ایشی گؤرَلَّر و گرچکدَن ده یهودیلارینگ دئینی آلتیندا دیرلار. چونکی اگر غیری یهودیلار، یهودیلارینگ روحانی بَرکتلریندن بَهر آپارمیشلار، وظیفه ده وارلاری کی یهودیلاری مادّی بَرکتلَرده خدمت ائدلَّر. 28پس اوندا کی من بو ایشی یئرینه ائتیردیم و اوللار ایچی ییغیلَن کؤمَکلَری اَللَرینه ائتیشتیردیم، بیر رقم کی یولوم اوستونده سیزینگ یانینزا دا گلم، اسپانیایا ساری گئدهرَم. 29بیلیرم کی سیزینگ یانینزا گلنده، مَسیحینگ تمام و کمال برکتی اینن گلَرم.
30کاکالار، رَبّیمیز عیسا مَسیح و تارئ روحونونگ مُحبّتی خاطرینه سیزه یالواریرام کی تارئ درگاهینا منیم ایچی دعا ائدمک اینن منیم اینن بئلینه تلاش ائدینز، 31تا من یهودیهدهکی ایمانسیزلاردان جان بورد ائدم و تا خدمتیم اورشلیم ایچی، مَسیحه ایمانی اولانلار طرفیندَن قبول اولونا. 32تا بئله تارئنینگ سئدیگی اینن شادلیگ اینن سیزینگ یانینزا گلم و سیزینگ اینن بئلینه اولماک اینن جانیم تازّالانا. 33صُلح و سلامتلیگ تارئسی سیزینگ وارینز اینان اولسون. آمین.
Currently Selected:
روملیلَر 15: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
روملیلَر 15
15
1بیزلَر کی گؤجلویاک وظیفه واریمیز، گؤجسیزلَرینگ ضعیفلیگلَرینی تحمّل ائدَک و اؤز خوشلیگیمیز قولونجوندا اولمایاک. 2گلینز تا هَر بیریمیز او خوب زاددا کی قونشوسیندا گؤرور او بارهده او آدامی خُشنود ائده تا او آدام بَنا اولا. 3چونکی مَسیح اؤز خوشلیگی قولونجوندا دهییلدی، بلکی ائله اولهیین کی زَبور کتابیندا یازیلمیش: «سَنه اِهانَت ائدنلَرینگ اِهانَتی، منیم اوستومه دؤشدو.» 4بو سَبریه کی هَرنه کی قدیمکی گؤنلرده یازیلمیش، بونونگ ایچی یازیلمیش تا بیزه درس اولا تا او اِستقامت و دلگرملیگ طریقیندَن کی مُقدّس یازیلیلار وئریرلَر، امید واریمیز اولا.
5اِستقامت و دلگرملیگ تارئسی بئلَینزه عَطا ائدسین تا بیر رقم کی مَسیح عیسا سئدیگی اینن جور گلیر، فکرلَرینز بیر بیر اینن بیر اولا. 6تا سیز بیرلیکده، بیر سَس اینن، تارئیی، رَبّیمیز عیسا مَسیحنینگ بووآسینی حَمد و ثنا ائدَینز. 7پس ائله اولهیین کی مَسیح سیزی قبول ائدمیش، سیز ده بیر بیری قبول ائدینز تا تارئ شوکت توتا.
مَسیح، یهودیلار و غیری یهودیلارینگ امیدی دیر
8چون سیزه دئییرم کی مَسیح، تارئنینگ حَقیقتینی گؤرسدمَک ایچی، سُنّت اولانلارینگ یعنی یهودیلارینگ خادمی اولدو تا جدلَریمیزه وئریلن وَعدهلری تصدیق ائده، 9و تا غیری یهودیلار، تارئیی رَحمی ایچی حَمد و ثنا ائدلَّر. ائله اولهیین کی مُقدّس یازیلیلاردا یازیلمیش کی:
«پس من سنی غیرییهودیلار آراسیندا حَمد و ثنا ائدهرَم،
و سنینگ آدینگ ایچی ییرلهیرَم.»
10و گئنه توراتدا دئییر:
«ای غیرییهودیلار، اؤنونگ خلخی اینن شادلیگ ائدینز!»
11و گئنه زَبور کتابیندا دئییر:
«سیز، ای واری غیرییهودیلار، رَبّی حَمد و ثنا ائدینز،
و واری خلخلَر، اؤنو اوجالتسینلَر!»
12و گئنه اِشعَیای پیغمبر دئییر:
«یَسانینگ ریشهسی گلَر،
ائله او کی آیاق توتیر تا غیرییهودیلارا حکم سؤره؛
غیرییهودیلار اؤنا امید باغلایارلار.»
13امید تارئسی، سیزی ایماندا اولان بوتون شادلیگ و صُلح و سلامتلیگ اینن دؤلدورسین، تا بئله تارئنینگ قُدّوس روحونونگ قُدرتی اینن امیددَن دؤلانز.
پولُسینگ خدمتی غیری یهودیلار آراسیندا
14کاکالاریم، من اؤزوم سیزدَن خاطر جمعَم کی سیزینگ اؤزونز خوبلیگدَن دؤلویانز، بیر تمام و کمال مَعرفتدَن دؤلویانز و باشاریرانز بیر بیره تعلیم وئرَینز. 15آما بیر پارا مَسئلهلَر بارهسینده چوخ جسارت اینن سیزینگ ایچی یازمیشام تا یادینزا سالام، او فِیض سَبرسینه کی تارئ منه وئرمیش 16تا مَسیح عیسانینگ بیر خادمی اولام غیری یهودیلار ایچی و تارئ اینجیلینینگ کاهِنلیگی خدمتینی یئرینه ائتیردَم، تا بئله غیری یهودیلار، تارئ دَرگاهینا بیر مَقبول هدیه اولالّار کی تارئنینگ قُدّوس روحو اینان مُقدّس اولموشلار.
17پس مَسیح عیسادا من سبب واریم تا تارئیا ائتدیگیم خدمته فَخر ائدَم. 18چونکی من جرأت ائدمئيرَم کی بیر زاددان دانیشام، به غیری او زاددان کی مَسیح منیم طریقیمدَن یئرینه ائتیشتیرمیش تا غیری یهودیلاری ایماندان اطاعت ائدمَکه گتیرم - سؤزوم اینن و عَملیم اینن، 19نیشانالار و معجزهلَر قُدرتی اینن، تارئ روحونونگ قُدرتی اینن - ائله کی اورشلیم شَهریندَن تا ایلیریکوم شَهرینانچز اوغونموشام و مَسیح اینجیلینینگ خدمتینی تمام و کمال یئرینه ائتیردمیشَم؛ 20همیشه آرزیم بو ایمیش کی اینجیلی او یئرلَرده کی ائله ایندیسی مَسیح آدی خلخینگ قولاقینا ائتیشمیش اعلام ائدمهیَم. تا ائدمئیه کی آیری آدام قؤیدوگو پِی اوستونه، من دؤزهدَم، 21بلکی ائله اولهیین کی اِشعَیا کتابیندا یازیلمیش:
«اوللار کی هئچوخت اؤنونگ بارهسینده بئللَرینه دئییلمهمیش، گؤز اینن گؤرَرلَر،
و او اوللار کی هئچوخت ائشیتمهمیشلَر، آنگلایارلار.»
پولُس سئیر گئده روما
22بونونگ ایچی دیر کی، چوخ وخت سیزینگ یانینزا گلمکدن ساخلانمیشام. 23آما ایندی، بو خاطره کی داها بو منطقهلَرده ایش ایچی یئر یوخوم و بو سبریه کی نئچه ایل دیر آرزی ائدیرَم گلم یانینزا، 24امید واریم اؤندا کی گئدیرَم اسپانیایا یولوم اوستونده سیزی گؤرَم و بوندان سورا کی بیر مُدّت سیزینگ اینن بئلینه اولماکدان کیف ائدیم، منی اؤرا گئدمکده کؤمَک ائدَینز. 25آما ایندی اورشلیمه گئدیرَم تا مَسیحه ایمانی اولانلارا بیر پارا کؤمَک آپارام. 26بو خاطره کی مَقدونیه و اَخائیهیه منطقهلَرینینگ کلیسالارینا بئله خوش گلمیش کی اورشلیمدهکی مَسیحه ایمانی اولان یوخسوللارا بیر پارا کؤمک یولا سالالّار. 27چونکی اوللار گؤینلَری سئیردی بو ایشی گؤرَلَّر و گرچکدَن ده یهودیلارینگ دئینی آلتیندا دیرلار. چونکی اگر غیری یهودیلار، یهودیلارینگ روحانی بَرکتلریندن بَهر آپارمیشلار، وظیفه ده وارلاری کی یهودیلاری مادّی بَرکتلَرده خدمت ائدلَّر. 28پس اوندا کی من بو ایشی یئرینه ائتیردیم و اوللار ایچی ییغیلَن کؤمَکلَری اَللَرینه ائتیشتیردیم، بیر رقم کی یولوم اوستونده سیزینگ یانینزا دا گلم، اسپانیایا ساری گئدهرَم. 29بیلیرم کی سیزینگ یانینزا گلنده، مَسیحینگ تمام و کمال برکتی اینن گلَرم.
30کاکالار، رَبّیمیز عیسا مَسیح و تارئ روحونونگ مُحبّتی خاطرینه سیزه یالواریرام کی تارئ درگاهینا منیم ایچی دعا ائدمک اینن منیم اینن بئلینه تلاش ائدینز، 31تا من یهودیهدهکی ایمانسیزلاردان جان بورد ائدم و تا خدمتیم اورشلیم ایچی، مَسیحه ایمانی اولانلار طرفیندَن قبول اولونا. 32تا بئله تارئنینگ سئدیگی اینن شادلیگ اینن سیزینگ یانینزا گلم و سیزینگ اینن بئلینه اولماک اینن جانیم تازّالانا. 33صُلح و سلامتلیگ تارئسی سیزینگ وارینز اینان اولسون. آمین.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company