روملیلَر 1
1
1مَسیح عیسانینگ غُلامی، پولُسدان،
کی چاغیریلموش تا بیر حَواری اولا و سَچیلمیش تا تارئ اینجیلینینگ خوش خبرینی اعلام ائده؛ 2ائله او خوش خبر کی تارئ ایلرتردَن، اؤز پیغمبرلَری طریقیندَن، مُقدّس یازیلیلاردا وَعدهسینی وئردی، 3اؤز اوغلو بارهسینده، کی جسمه گؤره، داوود پادشاه سویوندان ایدی 4و قُدّوسلیگ روحونا گؤره اؤلومدَن دئرّیلمَکی اینن، قُدرتده اعلام اولدو کی تارئنینگ اوغلو دور، یعنی رَبّیمیز عیسا مَسیح. 5اؤنونگ طریقیندَن، فِیض و حَواریلیگ خدمتی بیزه وئریلمیش تا اؤنونگ آدی خاطرینه، واری ملّتلَر آراسیندان آداملاری ایماندان اطاعت ائدمَکه ساری گتیرَک، 6سیز ده ائله او آداملار آراسیندایانز کی چاغیریلموشلار تا عیسا مَسیحکی اولالّار.
7واری اوللارا کی روم شَهرینده، تارئ بئللَرینی چوخ سئیر و چاغیریلموشلار تا مُقدّس اولالّار:
بووآمیز تارئ طرفیندَن و رَب عیسا مَسیح طرفیندَن، سیزه فِیض و صُلح و سلامتلیگ اولسون.
پولُسینگ اشتیاقی روما گئدمَک ایچی
8اولاً، عیسا مَسیح طریقیندَن، تارئمی سیزینگ وارینز ایچی شُکر ائدیرم، بو خاطره کی بوتون دنیادا سیزینگ ایمانینزینگ گپی دیر. 9چون ائله او تارئ کی من اؤنا روحوم اینن اوغلونونگ اینجیلینده خدمت ائدیرَم، منیم شاهدیم دیر کی نهیین همیشه بئلَینزی یاد ائدیرَم 10دُعالاریمدا و یالواریرام کی اگر تارئ سئیه، ایندی آخیردان بیر رَقم بئلَم ایچی بیر یول آچیلا گلم سیزینگ یانینزا. 11چون گؤرمَکینز آرزیسینی چکیرَم کی بیر پارا روحانی عَطادا سیزی شریک ائدَم تا باعث اولا کی قُوّت توتانز. 12یعنی تا بیز بیر بیرینگ ایمانیندان دلگرم اولاک، سیز منیم ایمانیمدان و من ده سیزینگ ایمانینزدان. 13کاکالار، سئمئیرم بوندان بیخبر اولاینز کی، نئچه دفعه سئمیشَم گلم یانینزا آما هر دفعه بیر زاد یولوم دَمینی توتموش. سئمیشَم کی سیزینگ آراینزدان بیر پارا محصول بیچَم، ائله اولهیین کی غیرییهودیلارینگ باقّیسی آراسیندا ائدمیشَم.
14من هم یونانلیلَر، هم ده بَربَرلَر، هم حِکمتلیلَر، هم ده نافَهملَرینگ دئینی آلتیندایام. 15بونونگ ایچی ده، شوق و ذوق واریم کی اینجیلی سیزه دا کی رومدایانز تعلیم وئرَم.
صالح آدام، ایمان اینان زندلیگ ائدَر
16چونکی من اینجیلدَن عار یوخوم، بو خاطره کی اینجیل، تارئنینگ قُدرتی دیر هر ایمان گتیرَنینگ نجاتی ایچی. اَوّل یهودی ایچی، اوندان سورا ده غیرییهودی ایچی. 17چونکی اینجیلده، او صالحلیگ کی تارئدان دیر آشکار اولونیر، کی اَوّلدَن آخیرا ایمان اوستونه دیر. ائله اولهیین کی حَبَقوق پیغمبر کتابیندا یازیلمیش: «صالح آدام، ایمان اینان زندلیگ ائدَر.»
تارئنینگ غَضّبی
18چونکی تارئنینگ غَضّبی آداملارینگ بوتون تارئسیزلیگلاری و شَریرلیگلَری ضِدّینه گؤیدَن آشکار اولونیر. ائله او آداملار کی اؤز شَریرلیگلَری اینن حَقیقتینگ جلوسینی توتیرلار. 19چون هَر نه کی تارئ بارهسینده اولیر بیلَینگ اوللارا آشکار دیر، بو خاطره کی تارئ بونو بئللَرینه گؤرسهتمیش. 20چون اوندادان کی تارئ دنیایی یاراتمیش، اؤنونگ گؤز اینن گؤرولمهیَن خِصلتلَری، یعنی اَبدی قُدرتی و تارئلیگ ذاتی، او زادلاردا کی دؤزهتمیش عالم آشکار گؤز اینن گؤرولیر. پس اوللار هئچ ماهان یوخلاری.
21بو خاطره کی، هَر چند اوللار تارئیی تانیدیلار آما بئلَسینه تارئ لهیین حُرمَت ائدمهدیلَر و اؤنو شُکر ائدمهدیلَر، بلکی اؤز فکرلَرینده باطللیگه گرفتار اولدولار و اوللارینگ نافَهم اؤرهکلَری قَرنگیلیگه باتدی. 22اِدّعا ائدیرلَردی کی حِکمتلی دیرلَر، آما نافَهم اولدولار، 23و فانی اولمایان تارئنینگ شوکتینی، بیر مُجسمهلَر اینان کی فانی انسانا، قوشلارا، حیوانلارا و یئرده سؤروننلَره بنزهییرلَر، دهییشدیلَر.
24پس تارئ بئللَرینی اؤرهکلَرینینگ شهوتلَری ایچینده وئردی ناپاکلیگ اَلینه، تا اؤز آرالاریندا اؤز بدنلَرینی حُرمَتسیز ائدلَّر. 25چونکی اوللار تارئ بارهسیندهکی حَقیقتی، یالان اینان دهییشدیلَر و مَخلوقی، خالق یئرینه پَرست ائدیلَر و خدمت ائدیلَر. ائله او خالق کی اَبدنچاز مُتبارک دیر! آمین.
26بو سَبریه ده تارئ اوللاری وئردی نَنگ هَوی و هَوسلَر اَلینه. چونکی اوللارینگ آروادلاری، طَبیعی رابطهلَری، غیری طَبیعی رابطهلَر اینن دهییشدیلَر؛ 27و ائله بئله دا کیشیلَر، طَبیعی رابطهلَری آروادلار اینان ویل ائدیلَر و او هَوی و هَوس ایچینده کی بیر بیر ایچی وارلاری ایدی یاندیلار. کیشی، کیشی اینن بیر عَمللَر ائدیردی کی نَنگ ایدی و اوللار پیس عَمللَرینینگ مُکافاتینی اؤزلَرینده چکدیلَر.
28و بونونگ ایچی کی تارئیی تانیماک اوللار ایچی ارزش یوخو ایدی، تارئ اوللاری وئردی زشت فکرلَر اَلینه تا او ایشی کی گؤرولمهیهسی ایدی، گؤرَلَّر. 29اوللار واری رَقم نادُرستلیگدان، شَریرلیگدَن، طَمعدَن و بدجنسلیگدَن دؤلو ایدیلار. اوللار حَسودلیگدان، آدام اؤلدورمَکدَن، جَر و دعوادان، حُقّهبازلیگدان و بدجنسلیگ ائدمَکدَن دؤلو دیرلار. اوللار غیبت ائدَن دیرلَر، 30بوهتان ووران دیرلار، تارئدان نفرت وارلاری، تَکبّرلی دیرلار، گَگ دیرلَر و اؤزلَرینه غَرّه دیرلار. شَر دؤزهتَن دیرلَر و آنا بووآدان اطاعت ائدمئیرلَر، 31نافَهم، وفاسیز، عاطفهسیز و رَحمسیز دیرلَر. 32با بو حال کی اوللار تارئنینگ عدالتلی حکمینی بیلیرلَر کی بو ایشلَری گؤرَن آداملار اؤلومه لایق دیرلار، نه فقط اؤزلَری او ایشلَری گؤرورلَر، بلکی او ایشلَری گؤرَن آداملاری دا تَصدیق ائدیرلَر.
Currently Selected:
روملیلَر 1: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
روملیلَر 1
1
1مَسیح عیسانینگ غُلامی، پولُسدان،
کی چاغیریلموش تا بیر حَواری اولا و سَچیلمیش تا تارئ اینجیلینینگ خوش خبرینی اعلام ائده؛ 2ائله او خوش خبر کی تارئ ایلرتردَن، اؤز پیغمبرلَری طریقیندَن، مُقدّس یازیلیلاردا وَعدهسینی وئردی، 3اؤز اوغلو بارهسینده، کی جسمه گؤره، داوود پادشاه سویوندان ایدی 4و قُدّوسلیگ روحونا گؤره اؤلومدَن دئرّیلمَکی اینن، قُدرتده اعلام اولدو کی تارئنینگ اوغلو دور، یعنی رَبّیمیز عیسا مَسیح. 5اؤنونگ طریقیندَن، فِیض و حَواریلیگ خدمتی بیزه وئریلمیش تا اؤنونگ آدی خاطرینه، واری ملّتلَر آراسیندان آداملاری ایماندان اطاعت ائدمَکه ساری گتیرَک، 6سیز ده ائله او آداملار آراسیندایانز کی چاغیریلموشلار تا عیسا مَسیحکی اولالّار.
7واری اوللارا کی روم شَهرینده، تارئ بئللَرینی چوخ سئیر و چاغیریلموشلار تا مُقدّس اولالّار:
بووآمیز تارئ طرفیندَن و رَب عیسا مَسیح طرفیندَن، سیزه فِیض و صُلح و سلامتلیگ اولسون.
پولُسینگ اشتیاقی روما گئدمَک ایچی
8اولاً، عیسا مَسیح طریقیندَن، تارئمی سیزینگ وارینز ایچی شُکر ائدیرم، بو خاطره کی بوتون دنیادا سیزینگ ایمانینزینگ گپی دیر. 9چون ائله او تارئ کی من اؤنا روحوم اینن اوغلونونگ اینجیلینده خدمت ائدیرَم، منیم شاهدیم دیر کی نهیین همیشه بئلَینزی یاد ائدیرَم 10دُعالاریمدا و یالواریرام کی اگر تارئ سئیه، ایندی آخیردان بیر رَقم بئلَم ایچی بیر یول آچیلا گلم سیزینگ یانینزا. 11چون گؤرمَکینز آرزیسینی چکیرَم کی بیر پارا روحانی عَطادا سیزی شریک ائدَم تا باعث اولا کی قُوّت توتانز. 12یعنی تا بیز بیر بیرینگ ایمانیندان دلگرم اولاک، سیز منیم ایمانیمدان و من ده سیزینگ ایمانینزدان. 13کاکالار، سئمئیرم بوندان بیخبر اولاینز کی، نئچه دفعه سئمیشَم گلم یانینزا آما هر دفعه بیر زاد یولوم دَمینی توتموش. سئمیشَم کی سیزینگ آراینزدان بیر پارا محصول بیچَم، ائله اولهیین کی غیرییهودیلارینگ باقّیسی آراسیندا ائدمیشَم.
14من هم یونانلیلَر، هم ده بَربَرلَر، هم حِکمتلیلَر، هم ده نافَهملَرینگ دئینی آلتیندایام. 15بونونگ ایچی ده، شوق و ذوق واریم کی اینجیلی سیزه دا کی رومدایانز تعلیم وئرَم.
صالح آدام، ایمان اینان زندلیگ ائدَر
16چونکی من اینجیلدَن عار یوخوم، بو خاطره کی اینجیل، تارئنینگ قُدرتی دیر هر ایمان گتیرَنینگ نجاتی ایچی. اَوّل یهودی ایچی، اوندان سورا ده غیرییهودی ایچی. 17چونکی اینجیلده، او صالحلیگ کی تارئدان دیر آشکار اولونیر، کی اَوّلدَن آخیرا ایمان اوستونه دیر. ائله اولهیین کی حَبَقوق پیغمبر کتابیندا یازیلمیش: «صالح آدام، ایمان اینان زندلیگ ائدَر.»
تارئنینگ غَضّبی
18چونکی تارئنینگ غَضّبی آداملارینگ بوتون تارئسیزلیگلاری و شَریرلیگلَری ضِدّینه گؤیدَن آشکار اولونیر. ائله او آداملار کی اؤز شَریرلیگلَری اینن حَقیقتینگ جلوسینی توتیرلار. 19چون هَر نه کی تارئ بارهسینده اولیر بیلَینگ اوللارا آشکار دیر، بو خاطره کی تارئ بونو بئللَرینه گؤرسهتمیش. 20چون اوندادان کی تارئ دنیایی یاراتمیش، اؤنونگ گؤز اینن گؤرولمهیَن خِصلتلَری، یعنی اَبدی قُدرتی و تارئلیگ ذاتی، او زادلاردا کی دؤزهتمیش عالم آشکار گؤز اینن گؤرولیر. پس اوللار هئچ ماهان یوخلاری.
21بو خاطره کی، هَر چند اوللار تارئیی تانیدیلار آما بئلَسینه تارئ لهیین حُرمَت ائدمهدیلَر و اؤنو شُکر ائدمهدیلَر، بلکی اؤز فکرلَرینده باطللیگه گرفتار اولدولار و اوللارینگ نافَهم اؤرهکلَری قَرنگیلیگه باتدی. 22اِدّعا ائدیرلَردی کی حِکمتلی دیرلَر، آما نافَهم اولدولار، 23و فانی اولمایان تارئنینگ شوکتینی، بیر مُجسمهلَر اینان کی فانی انسانا، قوشلارا، حیوانلارا و یئرده سؤروننلَره بنزهییرلَر، دهییشدیلَر.
24پس تارئ بئللَرینی اؤرهکلَرینینگ شهوتلَری ایچینده وئردی ناپاکلیگ اَلینه، تا اؤز آرالاریندا اؤز بدنلَرینی حُرمَتسیز ائدلَّر. 25چونکی اوللار تارئ بارهسیندهکی حَقیقتی، یالان اینان دهییشدیلَر و مَخلوقی، خالق یئرینه پَرست ائدیلَر و خدمت ائدیلَر. ائله او خالق کی اَبدنچاز مُتبارک دیر! آمین.
26بو سَبریه ده تارئ اوللاری وئردی نَنگ هَوی و هَوسلَر اَلینه. چونکی اوللارینگ آروادلاری، طَبیعی رابطهلَری، غیری طَبیعی رابطهلَر اینن دهییشدیلَر؛ 27و ائله بئله دا کیشیلَر، طَبیعی رابطهلَری آروادلار اینان ویل ائدیلَر و او هَوی و هَوس ایچینده کی بیر بیر ایچی وارلاری ایدی یاندیلار. کیشی، کیشی اینن بیر عَمللَر ائدیردی کی نَنگ ایدی و اوللار پیس عَمللَرینینگ مُکافاتینی اؤزلَرینده چکدیلَر.
28و بونونگ ایچی کی تارئیی تانیماک اوللار ایچی ارزش یوخو ایدی، تارئ اوللاری وئردی زشت فکرلَر اَلینه تا او ایشی کی گؤرولمهیهسی ایدی، گؤرَلَّر. 29اوللار واری رَقم نادُرستلیگدان، شَریرلیگدَن، طَمعدَن و بدجنسلیگدَن دؤلو ایدیلار. اوللار حَسودلیگدان، آدام اؤلدورمَکدَن، جَر و دعوادان، حُقّهبازلیگدان و بدجنسلیگ ائدمَکدَن دؤلو دیرلار. اوللار غیبت ائدَن دیرلَر، 30بوهتان ووران دیرلار، تارئدان نفرت وارلاری، تَکبّرلی دیرلار، گَگ دیرلَر و اؤزلَرینه غَرّه دیرلار. شَر دؤزهتَن دیرلَر و آنا بووآدان اطاعت ائدمئیرلَر، 31نافَهم، وفاسیز، عاطفهسیز و رَحمسیز دیرلَر. 32با بو حال کی اوللار تارئنینگ عدالتلی حکمینی بیلیرلَر کی بو ایشلَری گؤرَن آداملار اؤلومه لایق دیرلار، نه فقط اؤزلَری او ایشلَری گؤرورلَر، بلکی او ایشلَری گؤرَن آداملاری دا تَصدیق ائدیرلَر.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company