مَتّی 12
12
عیسا، مُقدّس شنبه گؤنونگ اَیه‌سی دیر
1او زامان یهودی‌لارینگ بیر مُقدّس شنبه‌سی گؤنونده عیسا اَکینلَر ایچیندَن گچیردی. اؤنونگ شاگردلَری آج ایدیلَر، پس بوغدا خوشالاری‌نینگ باشینی قوپارتماگا و یئمَکه باشلادیلار. 2فَریسی فِرقه‌سی‌نینگ عالِم‌لَری بونو گؤرَنده، عیسایا دئدیلَر: «باخ، سَنینگ شاگردلَرینگ او ایشی کی گؤرمَکی مُقدّس شنبه گؤنونده جایز ده‌ییل، گؤرورلَر.» 3عیسا اوللارا دئدی: «بئیه اوخومامیشاینز کی داوود پادشاه، اوندا کی اؤزو و اوللار کی بئلَسی اینن ایدیلَر، آج ایدیلار، نیجه ائدّی؟ 4داوود، تارئ ائوی ایچینه گئتدی و مُقدّس چؤره‌کی یئدی، او چؤره‌کی کی یئمَکی نه اؤنا جایز ایدی، نه ده اوللارا کی بئلَسی اینن ایدیلَر، بلکی فقط کاهِن‌لَره کی مَعبدینگ عالِم‌لَری ایدیلَر، جایز ائدی. 5یا دا بئیه توراتدا اوخومامیشاینز کی نه‌یین مُقدّس شنبه گؤنونده، کاهِن‌لَر مَعبدده اؤز وظیفه‌لَرینی یئرینه ائتیردمَک سَبرسینه، شنبه گؤنونونگ حُرمَتینی ساخلامئیرلار، آما با بو حال تَقصیرکار ساییلمئیرلار؟ 6سیزه دئییرم، بوردا بیری وار کی مَعبددَن بویوکتر دیر. 7و اگر بیلسَیدینز کی بو کلامینگ نه معنی واری کی دئییر: ”من رَحمت سئیرَم، نه قُربانلوق،“ تَقصیر‌سیزلَری محکوم ائدمَزدینز. 8چونکی انسان اوغلو مُقدّس شنبه گؤنونونگ ده اَیه‌سی دیر.»
بیر اَلی قورّوموش کیشی‌نینگ شفاسی
9عیسا اؤردان گئتدی و اوللارینگ عبادتگاه‌سینا گلدی. 10بیر کیشی اؤردایدی کی بیر اَلی قورّوموشدو. فَریسی‌لَر عیسایا بوهتان وورماگ ایچی بئلَسیندَن خبر آلدیلار: «آیا مُقدّس شنبه گؤنونده شفا وئرمَک جایز دیر؟» 11عیسا اوللارا دئدی: «سیزینگ هانی بیرینزَینز کی بیر قویونو اولا و اگر او قویون شنبه گؤنونده قویویا دؤشسه، اؤنو توتمیا، یازّیا چاخارتمیا؟ 12ایندی، آدامینگ اَرزشی، ناغاد قویون‌دان آرتیق دیر. پس شنبه گؤنونده، خوب‌لیگ ائدمَک جایز دیر.» 13اوندان سورا عیسا او کیشیه دئدی: «اَلینگ اوزات.» او کیشی اَلینی اوزاتدی. او اَل، او بیر اَلی له‌یین سالم اولدو. 14آما فَریسی فِرقه‌سی‌نینگ عالِم‌لَری یازّیا چیخدیلَر و بیر بیر اینن شوهْر ائدیلَر کی نه‌یین عیسایی نابود ائدَلَّر.
تارئ‌نینگ سَچدیگی خادم
15عیسا بونو بیلَنده اؤردان گئتدی. چوخ آداملار دا اؤنونگ آردی سورا گئتدیلَر و عیسا اوللارینگ واریسینی شفا وئردی، 16آما اوللارا قَدغَن ائدی کی اؤنو تانیدّیرمیالار. 17بئله اولدو تا اِشعَیای پیغمبر طَریقیندن دئییلَن سؤز یئرینه ائتیشه کی:
18«بو دور مَنیم خادمیم کی اؤنو سَچمیشَم،
منیم عَزیزیم کی جانیم اوندان چوخ راضی دیر.
روحومو اؤنونگ اوستونه قؤیارام،
و او، عِدالتی، ملّت‌لَره اعلام ائدَر.
19او نه جَر ائدَر نه ده داد چَکر،
نه ده بیری اؤنونگ سَسینی کوچه‌لَرده ائشیدَر.
20دَقَزلی قَمیشی قیرمَز،
و ضعیف فیتیله‌یی کور ائدمَز
تا عِدالتی پیروز ائده.
21اؤنونگ آدی بوتون ملّت‌لَره امید اولور.»
عیسانینگ قُدرتی شیطانلی روح‌لار ضدّینه
22اوندان سورا، بیر شیطانلی روحا گرفتار اولان کیشی‌یی کی کور و گُنگ ایدی عیسا یانینا گتیردیلَر. عیسا اؤنو شفا وئردی، ائله کی او کیشی هم دانیشدی، هم ده گؤردو. 23بوتون خَلخ تَعجّب ائدمیشلَردی و دئییرلَردی: «گؤرَینگ بو کیشی، داوود پادشاه اوغلو ده‌ییل؟» 24آما فَریسی فِرقه‌سی‌نینگ عالِم‌لَری بونو ائشیدَنده، دئدیلَر: «بو فقط بِعِلزِبول، شیطانلی روح‌لارینگ بویوکی کؤمَکینه دیر کی بو کیشی، شیطانلی روح‌لاری یازّیا چاخارتیر.» 25عیسا آنگلادی کی اوللار اؤنونگ باره‌سینده نه فکر ائدیرلَر، پس اوللارا دئدی: «هر پادشاه‌لیگ کی اؤز ضدّینه بئیله بئیله اولا، ویرانا اولور و هَر شَهر و هر اوبا کی اؤز ضدّینه بئیله بئیله اولا دوام گتیرمَز. 26اگر کی شیطان، شیطانی یازّیا چاخارتا، او اؤز ضدّینه آیریلیق سالمیش. پس اؤنونگ پادشاه‌لیگی نه‌یین دوام گتیره بیلَر؟ 27اگر کی من بِعِلزِبول کؤمَکینه شیطانلی روح‌لاری یازّیا چاخارتیرام، سیزینگ اؤز شاگردلَرینز نه‌یین اوللاری یازّیا چاخارتیرلار؟ اؤز شاگردلَرینز سیزینگ جوابینزی وئره‌رلَر. 28آما اگر من تارئ روحو طَریقیندن شیطانلی روح‌لاری یازّیا چاخارتیرام، پس بونو بیلینز کی تارئ پادشاه‌لیگی سیزه گلمیش. 29بیر آدام نه‌یین بیر گؤجلو آدامینگ ائوینه گیرَه بیلَر تا اؤنونگ مالینی چاپا؟ به‌غیری کی اَوّل اؤنونگ اَل-آیاقینی باغلایا. او زامان گرچَکدن باشارار او آدامینگ ائوینی چاپا. 30هَر کَس کی مَنیم اینَن اولمایا، مَنیم ضدّیمه دیر و هَر کَس کی مَنیم اینَن، آداملاری تارئ یولونا ییغمیه، اوللاری داغیدیر.
31«پس سیزه دئییرم کی آداملارینگ هر گُناه و کُفری باغیشلانار، آما تارئ روحونا کُفر دئمَک، باغیشلانماز. 32هَر کَس انسان اوغلونونگ ضدّینه دانیشا، باغیشلانا بیلَر، آما هَر کَس تارئ‌نینگ قُدّوس روحو ضدّینه دانیشا باغیشلانماز، نه بو دنیادا، نه ده او دنیادا.
آغاج، ثَمری اوستوندن تانیلیر
33«خوب آغاجینگ ثَمری خوب دور، پیس آغاجینگ ثَمری ده پیس دیر. آغاجی ثَمریندن تانی‌ییرلار. 34ای اَفعی‌لَرینگ نَسلی، سیز کی بئله شَریرَینز، نه‌یین خوب دانیشا بیلیرَینز؟ چونکی دیل، او زاد‌دان دانیشار کی اؤره‌ک اوندان داشیر. 35خوب آدامینگ اؤره‌کیندَکی خوب خزئنه‌دَن، خوب سؤزلَر چیخَر، و پیس آدامینگ اؤره‌کیندَکی پیس خزئنه‌دَن ده، پیس سؤزلَر چیخَر. 36سیزه دئییرم، کی قیامت گؤنونده آداملار هر ویل گپ اوستونه کی چالمیشلار، حساب گئری وئره‌رلَر. 37چونکی اؤز سؤزلَرینگ اینن تبرئه اولارانگ، اؤز سؤزلَرینگ اینن ده محکوم اولارانگ.»
یونس نیشاناسی
38او زامان، تورات معلّم‌لَری و فَریسی عالِم‌لَری‌نینگ بیر پاراسی عیسادان خبر آلدیلار: «اُستاد، سئیرَک کی سَندَن بیر نیشانا گؤرَک.» 39آما عیسا اوللارا جواب وئردی: «بو شَریر و زِناکار نَسل کی تارئ اینان باغلایان عَهده وفالی قالمئیرلار، بیر نیشانا سئیرلَر، آما اوللارا هئچ نیشانا وئریلمَز، به‌غیری یونس پیغمبر نیشاناسی. 40ائله اوله‌یین کی یونس پیغمبر اؤچ گؤن-اؤچ گئجه بیر بویوک بالیق قارنیندا ایدی، انسان اوغلو دا اؤچ گؤن-اؤچ گئجه یئر ایچینده اولور. 41قیامت گؤنونده نینوا شَهری‌نینگ خَلخی بو زامانانینگ شَریر خَلخی اینَن دئرّیلَرلَر و اوللاری محکوم ائده‌رلَر، چونکی نینوا خَلخی، یونس پیغمبرینگ سؤزلَرینی ائشیدَنده توبه ائدیلَر، و ایندی باخینز، بوردا اولان، یونس‌دان بویوکتر دیر. 42قیامت گؤنونده، جنوب مَلَکه‌سی بو زامانانینگ شَریر خَلخی اینَن دئرّیلَر و اوللاری محکوم ائده‌ر، چونکی او، دنیانینگ او باشیندان گلدی تا سُلیمان پادشاه حِکمَتینی ائشیده، و ایندی باخینز، بوردا اولان، سُلیماندان بویوکتر دیر.
43«بیر شَریر روح بیر آدامدان یازّیا چیخَنده، قورّو بیابان‌لاردا ویل اولیر تا بیر استراحت یئری بولا، آما هئچ یئر بولمئیر. 44اوندا دئییر: ”ائله او ائویمه کی اوندان یازّیا چیخدیم، گئری دؤنَرَم.“ گئری گلدیگی وختده، او ائوی خالی، سؤپورولو و ییغیلی گؤرور. 45پس گئدیر و یئتدی دانا اؤزوندَن شَریرتر روح اینان گئری دؤنیر و اوللار اؤردا یئر توتیرلار. او آدامینگ آخیر عاقبتی ایلَرتریندَن دا بدتَر اولیر. بو شَریر نَسلینگ آخیر عاقبتی دا ائله بئله اولور.»
عیسانینگ آناسی و کاکالاری
46ائله اوندا کی عیسا حلی دانیشیردی، آناسی و کاکالاری یازّیدا توردولار و سئیرلَردی کی اؤنونگ اینَن دانیشالّار. 47پس بیری عیسایا خبر وئردی: «آنانگ و کاکالارینگ یازّیا تورموشلار و سئیرلَر سنینگ اینَن دانیشالّار.» 48عیسا بو گپی چالان آداما دئدی: «منیم آنام کیم دیر؟ کاکالاریم کیملَردیرلَر؟» 49و اَلینی شاگردلَرینه ساری اوزاتدی و دئدی: «بوللار منیم آنام دیرلار، بوللار منیم کاکالاریم دیرلار. 50چونکی هَر کَس کی منیم گؤیده‌کی بووآم سئدیگینی یئرینه ائتیشتیره، منیم کاکام، باجیم و آنام او دور.»
Currently Selected:
مَتّی 12: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
مَتّی 12
12
عیسا، مُقدّس شنبه گؤنونگ اَیه‌سی دیر
1او زامان یهودی‌لارینگ بیر مُقدّس شنبه‌سی گؤنونده عیسا اَکینلَر ایچیندَن گچیردی. اؤنونگ شاگردلَری آج ایدیلَر، پس بوغدا خوشالاری‌نینگ باشینی قوپارتماگا و یئمَکه باشلادیلار. 2فَریسی فِرقه‌سی‌نینگ عالِم‌لَری بونو گؤرَنده، عیسایا دئدیلَر: «باخ، سَنینگ شاگردلَرینگ او ایشی کی گؤرمَکی مُقدّس شنبه گؤنونده جایز ده‌ییل، گؤرورلَر.» 3عیسا اوللارا دئدی: «بئیه اوخومامیشاینز کی داوود پادشاه، اوندا کی اؤزو و اوللار کی بئلَسی اینن ایدیلَر، آج ایدیلار، نیجه ائدّی؟ 4داوود، تارئ ائوی ایچینه گئتدی و مُقدّس چؤره‌کی یئدی، او چؤره‌کی کی یئمَکی نه اؤنا جایز ایدی، نه ده اوللارا کی بئلَسی اینن ایدیلَر، بلکی فقط کاهِن‌لَره کی مَعبدینگ عالِم‌لَری ایدیلَر، جایز ائدی. 5یا دا بئیه توراتدا اوخومامیشاینز کی نه‌یین مُقدّس شنبه گؤنونده، کاهِن‌لَر مَعبدده اؤز وظیفه‌لَرینی یئرینه ائتیردمَک سَبرسینه، شنبه گؤنونونگ حُرمَتینی ساخلامئیرلار، آما با بو حال تَقصیرکار ساییلمئیرلار؟ 6سیزه دئییرم، بوردا بیری وار کی مَعبددَن بویوکتر دیر. 7و اگر بیلسَیدینز کی بو کلامینگ نه معنی واری کی دئییر: ”من رَحمت سئیرَم، نه قُربانلوق،“ تَقصیر‌سیزلَری محکوم ائدمَزدینز. 8چونکی انسان اوغلو مُقدّس شنبه گؤنونونگ ده اَیه‌سی دیر.»
بیر اَلی قورّوموش کیشی‌نینگ شفاسی
9عیسا اؤردان گئتدی و اوللارینگ عبادتگاه‌سینا گلدی. 10بیر کیشی اؤردایدی کی بیر اَلی قورّوموشدو. فَریسی‌لَر عیسایا بوهتان وورماگ ایچی بئلَسیندَن خبر آلدیلار: «آیا مُقدّس شنبه گؤنونده شفا وئرمَک جایز دیر؟» 11عیسا اوللارا دئدی: «سیزینگ هانی بیرینزَینز کی بیر قویونو اولا و اگر او قویون شنبه گؤنونده قویویا دؤشسه، اؤنو توتمیا، یازّیا چاخارتمیا؟ 12ایندی، آدامینگ اَرزشی، ناغاد قویون‌دان آرتیق دیر. پس شنبه گؤنونده، خوب‌لیگ ائدمَک جایز دیر.» 13اوندان سورا عیسا او کیشیه دئدی: «اَلینگ اوزات.» او کیشی اَلینی اوزاتدی. او اَل، او بیر اَلی له‌یین سالم اولدو. 14آما فَریسی فِرقه‌سی‌نینگ عالِم‌لَری یازّیا چیخدیلَر و بیر بیر اینن شوهْر ائدیلَر کی نه‌یین عیسایی نابود ائدَلَّر.
تارئ‌نینگ سَچدیگی خادم
15عیسا بونو بیلَنده اؤردان گئتدی. چوخ آداملار دا اؤنونگ آردی سورا گئتدیلَر و عیسا اوللارینگ واریسینی شفا وئردی، 16آما اوللارا قَدغَن ائدی کی اؤنو تانیدّیرمیالار. 17بئله اولدو تا اِشعَیای پیغمبر طَریقیندن دئییلَن سؤز یئرینه ائتیشه کی:
18«بو دور مَنیم خادمیم کی اؤنو سَچمیشَم،
منیم عَزیزیم کی جانیم اوندان چوخ راضی دیر.
روحومو اؤنونگ اوستونه قؤیارام،
و او، عِدالتی، ملّت‌لَره اعلام ائدَر.
19او نه جَر ائدَر نه ده داد چَکر،
نه ده بیری اؤنونگ سَسینی کوچه‌لَرده ائشیدَر.
20دَقَزلی قَمیشی قیرمَز،
و ضعیف فیتیله‌یی کور ائدمَز
تا عِدالتی پیروز ائده.
21اؤنونگ آدی بوتون ملّت‌لَره امید اولور.»
عیسانینگ قُدرتی شیطانلی روح‌لار ضدّینه
22اوندان سورا، بیر شیطانلی روحا گرفتار اولان کیشی‌یی کی کور و گُنگ ایدی عیسا یانینا گتیردیلَر. عیسا اؤنو شفا وئردی، ائله کی او کیشی هم دانیشدی، هم ده گؤردو. 23بوتون خَلخ تَعجّب ائدمیشلَردی و دئییرلَردی: «گؤرَینگ بو کیشی، داوود پادشاه اوغلو ده‌ییل؟» 24آما فَریسی فِرقه‌سی‌نینگ عالِم‌لَری بونو ائشیدَنده، دئدیلَر: «بو فقط بِعِلزِبول، شیطانلی روح‌لارینگ بویوکی کؤمَکینه دیر کی بو کیشی، شیطانلی روح‌لاری یازّیا چاخارتیر.» 25عیسا آنگلادی کی اوللار اؤنونگ باره‌سینده نه فکر ائدیرلَر، پس اوللارا دئدی: «هر پادشاه‌لیگ کی اؤز ضدّینه بئیله بئیله اولا، ویرانا اولور و هَر شَهر و هر اوبا کی اؤز ضدّینه بئیله بئیله اولا دوام گتیرمَز. 26اگر کی شیطان، شیطانی یازّیا چاخارتا، او اؤز ضدّینه آیریلیق سالمیش. پس اؤنونگ پادشاه‌لیگی نه‌یین دوام گتیره بیلَر؟ 27اگر کی من بِعِلزِبول کؤمَکینه شیطانلی روح‌لاری یازّیا چاخارتیرام، سیزینگ اؤز شاگردلَرینز نه‌یین اوللاری یازّیا چاخارتیرلار؟ اؤز شاگردلَرینز سیزینگ جوابینزی وئره‌رلَر. 28آما اگر من تارئ روحو طَریقیندن شیطانلی روح‌لاری یازّیا چاخارتیرام، پس بونو بیلینز کی تارئ پادشاه‌لیگی سیزه گلمیش. 29بیر آدام نه‌یین بیر گؤجلو آدامینگ ائوینه گیرَه بیلَر تا اؤنونگ مالینی چاپا؟ به‌غیری کی اَوّل اؤنونگ اَل-آیاقینی باغلایا. او زامان گرچَکدن باشارار او آدامینگ ائوینی چاپا. 30هَر کَس کی مَنیم اینَن اولمایا، مَنیم ضدّیمه دیر و هَر کَس کی مَنیم اینَن، آداملاری تارئ یولونا ییغمیه، اوللاری داغیدیر.
31«پس سیزه دئییرم کی آداملارینگ هر گُناه و کُفری باغیشلانار، آما تارئ روحونا کُفر دئمَک، باغیشلانماز. 32هَر کَس انسان اوغلونونگ ضدّینه دانیشا، باغیشلانا بیلَر، آما هَر کَس تارئ‌نینگ قُدّوس روحو ضدّینه دانیشا باغیشلانماز، نه بو دنیادا، نه ده او دنیادا.
آغاج، ثَمری اوستوندن تانیلیر
33«خوب آغاجینگ ثَمری خوب دور، پیس آغاجینگ ثَمری ده پیس دیر. آغاجی ثَمریندن تانی‌ییرلار. 34ای اَفعی‌لَرینگ نَسلی، سیز کی بئله شَریرَینز، نه‌یین خوب دانیشا بیلیرَینز؟ چونکی دیل، او زاد‌دان دانیشار کی اؤره‌ک اوندان داشیر. 35خوب آدامینگ اؤره‌کیندَکی خوب خزئنه‌دَن، خوب سؤزلَر چیخَر، و پیس آدامینگ اؤره‌کیندَکی پیس خزئنه‌دَن ده، پیس سؤزلَر چیخَر. 36سیزه دئییرم، کی قیامت گؤنونده آداملار هر ویل گپ اوستونه کی چالمیشلار، حساب گئری وئره‌رلَر. 37چونکی اؤز سؤزلَرینگ اینن تبرئه اولارانگ، اؤز سؤزلَرینگ اینن ده محکوم اولارانگ.»
یونس نیشاناسی
38او زامان، تورات معلّم‌لَری و فَریسی عالِم‌لَری‌نینگ بیر پاراسی عیسادان خبر آلدیلار: «اُستاد، سئیرَک کی سَندَن بیر نیشانا گؤرَک.» 39آما عیسا اوللارا جواب وئردی: «بو شَریر و زِناکار نَسل کی تارئ اینان باغلایان عَهده وفالی قالمئیرلار، بیر نیشانا سئیرلَر، آما اوللارا هئچ نیشانا وئریلمَز، به‌غیری یونس پیغمبر نیشاناسی. 40ائله اوله‌یین کی یونس پیغمبر اؤچ گؤن-اؤچ گئجه بیر بویوک بالیق قارنیندا ایدی، انسان اوغلو دا اؤچ گؤن-اؤچ گئجه یئر ایچینده اولور. 41قیامت گؤنونده نینوا شَهری‌نینگ خَلخی بو زامانانینگ شَریر خَلخی اینَن دئرّیلَرلَر و اوللاری محکوم ائده‌رلَر، چونکی نینوا خَلخی، یونس پیغمبرینگ سؤزلَرینی ائشیدَنده توبه ائدیلَر، و ایندی باخینز، بوردا اولان، یونس‌دان بویوکتر دیر. 42قیامت گؤنونده، جنوب مَلَکه‌سی بو زامانانینگ شَریر خَلخی اینَن دئرّیلَر و اوللاری محکوم ائده‌ر، چونکی او، دنیانینگ او باشیندان گلدی تا سُلیمان پادشاه حِکمَتینی ائشیده، و ایندی باخینز، بوردا اولان، سُلیماندان بویوکتر دیر.
43«بیر شَریر روح بیر آدامدان یازّیا چیخَنده، قورّو بیابان‌لاردا ویل اولیر تا بیر استراحت یئری بولا، آما هئچ یئر بولمئیر. 44اوندا دئییر: ”ائله او ائویمه کی اوندان یازّیا چیخدیم، گئری دؤنَرَم.“ گئری گلدیگی وختده، او ائوی خالی، سؤپورولو و ییغیلی گؤرور. 45پس گئدیر و یئتدی دانا اؤزوندَن شَریرتر روح اینان گئری دؤنیر و اوللار اؤردا یئر توتیرلار. او آدامینگ آخیر عاقبتی ایلَرتریندَن دا بدتَر اولیر. بو شَریر نَسلینگ آخیر عاقبتی دا ائله بئله اولور.»
عیسانینگ آناسی و کاکالاری
46ائله اوندا کی عیسا حلی دانیشیردی، آناسی و کاکالاری یازّیدا توردولار و سئیرلَردی کی اؤنونگ اینَن دانیشالّار. 47پس بیری عیسایا خبر وئردی: «آنانگ و کاکالارینگ یازّیا تورموشلار و سئیرلَر سنینگ اینَن دانیشالّار.» 48عیسا بو گپی چالان آداما دئدی: «منیم آنام کیم دیر؟ کاکالاریم کیملَردیرلَر؟» 49و اَلینی شاگردلَرینه ساری اوزاتدی و دئدی: «بوللار منیم آنام دیرلار، بوللار منیم کاکالاریم دیرلار. 50چونکی هَر کَس کی منیم گؤیده‌کی بووآم سئدیگینی یئرینه ائتیشتیره، منیم کاکام، باجیم و آنام او دور.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company