لوقا 8
8
عیسا یانی سورا گئدَن آروادلار
1اوندان سورا عیسا شَهردَن شَهره و کَنددَن کَنده گزیردی و تارئ پادشاهلیگینینگ خوش خَبرینی اعلام ائدیردی. اون ایکّی حَواری ده اؤنونگ اینان ایدیلار، 2ائله بئله ده بیر پارا آرواد کی شیطانلی روحلاردان و مَریضلیگلَردن آزاد اولموشلاردی، عیسا یانی سورا گئدیرلَردی؛ مریم کی اؤنا مَجدللی دئییلیردی و اوندان یئتدی شیطانلی روح یازّیا چیخمیشدی، 3خوزانینگ آروادی یوآنّا. خوزا هیرودیس حاکم مُباشری ایدی. سوسن و چوخ آیری آروادلار. بو آروادلار اؤز دارالیگلاریندان عیسا و شاگردلَرینینگ احتیاجلارینی برطَرف ائدیرلَردی.
بَرزگر مَثَلی
4خَلخ چوخ شَهرلَردَن عیسا گؤرمَکینه گلَنده و بیر بویوک جمعیت عیسا یانینا ییغیلنده، عیسا بیر مَثَل چَکدی و دئدی: 5«بیر بَرزگر دان سَپمَک ایچی یازّیا چیخدی، دانلاری سَپَنده بیر پاراسی یول اوستونه تؤکولدو و آیاق آلتیندا پایمال اولدو و گؤیینگ قوشلاری اوللاری یئدیلَر. 6بیر پاراسی کوتورلو یئره تؤکولدو و گئیَرنده، قورّودو چونکی نَم یوخیدی. 7دانلارینگ بیر پاراسی تیکانلار ایچینه تؤکولدو و تیکانلار دا اوللار اینان گئیَردیلَر و اوللاری خَفهلهدیلَر. 8آما دانلارینگ بیر پاراسی خوب تورپاقا دؤشدو، گئیَردیلَر و یوز برابر ثَمر ائدیلَر.» عیسا اوجا سَس اینَن دئدی: «هَرکَسینگ کی ائشیدَن قولاق واری، ائشیدسین.»
9عیسانینگ شاگردلَری بو مَثَلینگ مَعنیسینی اوندان خبر آلاندا، 10عیسا دئدی: «تارئ پادشاهلیگینینگ سِرّلَرینی آنگلاماگ، سیزه وئریلمیش. آما باقّی خَلخ ایچی مَثَل اینَن دئییلیر تا،
”باخالّار آما گؤرمئیهلَّر؛
ائشیدَلَّر آما آنگلامیالّار.“
11«ایندی بَرزگر مَثَلینینگ معنیسی بو دور: دان، تارئ کلامی دیر. 12یول اوستونه تؤکولَن دانلار، او آداملار دیرلار کی، تارئ کلامینی ائشیدیرلَر آما اِبلیس گلیر و کلامی اؤرهکلَریندَن قاپیر تا ائدمئیه ایمان گتیرَلَّر و نجات توتالّار. 13کوتورلو یئره تؤکولَن دانلار، او آداملار دیرلار کی تارئ کلامینی ائشیدَنده، شادلیگ اینَن قبول ائدیرلَر آما کلام اوللاردا ریشه ائدمئیر. بیر آز مُدّت ایمان وارلاری، آما امتحان اولماگ وختی ائتیشَنده، ایماندان دؤشیرلَر. 14تیکانلار ایچینه تؤکولَن دانلار، او آداملار دیرلار کی تارئ کلامینی ائشیدیرلَر آما زامان گَچَنده، نگرانلیگ، دنیا مالی و زندلیگینگ خوشلیگلاری، تارئ کلامینی اوللار ایچینده خَفهلهییر و ثَمر ائدمئیر. 15آما خوب تورپاقا دؤشَن دانلار، او آداملار دیرلار کی تارئ کلامینی ائشیدیرلَر و بیر دؤز و خوب اؤرهک اینَن اؤنو سفت ساخلاتیرلار و صَبر اینن ثَمر ائدیرلَر.
چیراغ مَثَلی
16«هئچ کَس چیراغ آلیشدیرمئیر تا اونو درف آلتیندا پناه ائده یا دا اؤنو تخت آلتینا قؤیا. بلکی اؤنو چیراغدانا قؤیور تا ایچری گلَنلَر، ایشّیقی گؤرَلَّر. 17چونکی هئچ پنهان اولونموش زاد یوخدور کی آشکار اولمایا و هئچ باستیریلمیش زاد یوخدور کی آلهیین اولمایا. 18پس دقّت ائدینز کی نهیین ائشیدیرَینز، چونکی او آداما کی واری، آرتیق وئریلَر، آما او آدام کی یوخو، ائله او ده کی گمان ائدیر واری، اَلیندن آلینار.»
عیسانینگ آناسی و کاکالاری
19بو موقعده عیسانینگ آناسی و کاکالاری اؤنونگ یانینا گلدیلَر، آما جمعیتینگ چوخ اولدوگو سَبرسینه، عیسایا یاخین اولا بیلمهدیلَر. 20عیسایا خبر وئردیلَر کی: «آنانگ اینان کاکالارینگ یازّیدا تورموشلار و سئیرلَر سَنی گؤرَلَّر.» 21آما عیسا جواب وئردی: «منیم آنام و کاکالاریم اوللار دیرلار کی تارئ کلامینی ائشیدیرلَر و اؤنا عَمل ائدیرلَر.»
طیفانی یاتیردماک
22بیر گؤن عیسا اؤز شاگردلَری اینَن بیر قایقا میندی و اوللارا دئدی: «گلینز دریاچهنینگ او تئیینه گئدَک.» اوللار دا یولا دؤشدولار. 23قایق سو ایزینده گئدَنده، عیسا اوخویا گئتدی. بیردَن دریاچهده بیر سَخت طیفان دؤشدو. ائله کی قایق سودان دؤلیردی و اوللار خَطره دؤشموشلاردی. 24شاگردلَر عیسا یانینا گئتدیلَر، اؤنو اویاردیلار و دئدیلَر: «اُستاد، اُستاد، آز قالمیش آرادان گئدَک.» عیسا اویاندی و طیفان و موجلارینگ تلاطمینا تَشَر ووردو. طیفان یاتدی و آراملوق دؤشدو. 25اوندا عیسا اوللارا دئدی: «ایمانینز هاردا دیر؟» اوللار تَعجّب و قورخو اینان بیر بیره دئییرلَردی: «بو کیشی کیم دیر کی حتّی یئله و سویا دا فرمان وئریر و اوللار دا فرمان آپاریرلار؟»
بیر شیطانلی روحا گرفتار اولان آدامینگ شفاسی
26پس اوللار جِراسیلَر منطقهسینه کی جَلیل ولایتینینگ قَرشیسینده ایدی گلدیلَر. 27عیسا قایقدن ائنَنده، بیر کیشی او شَهر آداملاریندان کی شیطانلی روحلار اؤنونگ ایچینه گیرمیشلَردی، عیسا قَرشیسیندن چیخدی. او آدام چوخ وخت ایمیش کی نه رَخت گئیمیشدی، نه ده اوبادا زندلیگ ائدمیشدی بلکی مزار صانلوقدا زندلیگ ائدیردی. 28عیسایی گؤرَنده بَغیردی، عیسانینگ قیچینه دؤشدو و اوجا سَس اینَن دئدی: «ای عیسا، مُتعال تارئنینگ اوغلو، مَنده نه ایشینگ وار؟ سَنه یالواریرام مَنه عذاب وئرمه!» 29چونکی عیسا او شَریر روحا فرمان وئرمیشدی کی او کیشیدَن یازّیا چیخه. او شَریر روح چوخ دَفعهلَر او کیشییی توتموشدو. با بو حال کی خَلخ بو کیشینینگ قیچ و قولینی غُل و زَنجیر اینن باغلامیشلاردی و گؤزلهییرلَردی، آما او هر دفعه زَنجیرلَری قیریردی و او شیطانلی روح اؤنو بیابانا آپاریردی. 30عیسا اوندان خَبر آلدی: «آدینگ نه دیر؟» او جواب وئردی: «قوشون،» چونکی چوخ شیطانلی روحلار اؤنونگ ایچینه گیرمیشلَردی. 31شیطانلی روحلار عیسایا یالواردیلار کی اوللاری جَهنّمه یوللامایا. 32او یاخینلَرده بیر بویوک دونقوز سؤروسو وار ایدی کی داغلیگدا یاییلیرلاردی. شیطانلی روحلار عیسایا یالواردیلار کی قؤیسون تا او دونقوزلار ایچینه گیرَلَّر. عیسا دا اجازه وئردی. 33پس شیطانلی روحلار او کیشیدَن یازّیا چیخدیلَر و دونقوزلار ایچینه گیردیلَر. او سؤرو ده یالدان اوزوقولاندیلار و دریاچه ایچینه تؤکولدولار و سودا بوغولدولار.
34دونقوزلارینگ چوبانلاری بونو گؤرَنده قَچدیلَر و بو خَبری شَهرده و کَندده داغیتدیلار. 35پس خَلخ گلدیلَر یازّیا گؤرَلَّر نیجه اولموش. عیسایا ائتیشَنده، گؤردولَر او کیشی کی شیطانلی روحلار اوندان چیخمیشلَر، رَخت گئییلی و عَقلی باشیندا، عیسانینگ آیاقی ایجینه اوتورموش. بونو گؤرَنلَر قورخدولار. 36بو تَفاقی گؤرَن آداملار، خَلخ ایچی تعریف ائدیلَر کی بو کیشی کی شیطانلی روحا گرفتار ایدی نهیین شفا توتموش. 37اوندان سورا دا جِراسیلَر منطقهسینینگ بوتون خَلخی عیسادان سئدیلَر کی اؤردان گئده بو سَبریه کی اوللارینگ جانینا بیر بویوک قورخو دؤشموشدو. عیسا دا قایقا میندی و دریاچهنینگ او تئیینه دؤندو. 38او کیشی کی شیطانلی روحلار اوندان چیخمیشلَر ایدی، عیسایا یالواردی کی عیسا اینان گئده آما عیسا اؤنو یولا سالدی و دئدی: 39«اؤز ائوینگه دؤن و او ایشی کی تارئ سَنینگ ایچی گؤرموش، اعلام ائد.» او کیشی ده گئتدی و او شَهرینگ واری یئرینده اعلام ائدی کی عیسا اؤنونگ ایچی نه ایش گؤرموش.
دئرّیلَن قیز و ساغ اولان آرواد
40عیسا دؤنَنده خَلخ شادلیگ اینَن اؤنونگ پیشوازینا گلدیلَر، چونکی واریکَس عیسا یولونو گؤزلهییرلَردی. 41ائله بو موقع بیر یایروس آدلی کیشی کی عبادتگاهینگ رئیسی ایدی، عیسا یانینا گلدی، عیسا قیچینه دؤشدو و عیسایا یالواردی کی اؤنونگ ائوینه گئده، 42چونکی بیر تَک قیزی کی اون ایکّی یاشیندا ایدی، آز قالمیشدی اؤله.
اوندا کی عیسا یولدا ایدی، خَلخ هر یاندان اؤنو باسیرلاردی. 43او جمعیت آراسیندا بیر آرواد وار ایدی کی اون ایکّی ایل ایدی کی اوندان قان گئدیردی. آرواد واری دارالیگینی طبیبلَره خَرج ائدمیش ایدی تا اؤنو درمان ائدَلَّر آما هئچ کَس اؤنو درمان ائده بیلمهمیشدی. 44بو آرواد عیسانینگ دالی آردیندان گلدی و قاباسینینگ بالینی اَللَدی. ائله او آن قانی توردو. 45عیسا خبر آلدی: «کیم مَنه اَل ووردو؟» واریکَس حاشا ائدیلَر. پِطرُس دئدی: «اُستاد، جمعیت سَنینگ دئییرینگه ییغیلمیشلَر و هر یاندان سَنی باسیرلار.» 46آما عیسا دئدی: «بیری منه اَل ووردو، چونکی بیلدیم کی مَندَن بیر قوّت چیخدی.» 47اوندا کی او آرواد بیلدی کی بئلَسینی تانیمیشلار، تیتریه-تیتریه ایلَری گلدی، عیسا قیچینه دؤشدو و واری خَلخینگ حُضوروندا دئدی کی نه ایچی عیسایا اَل ووردو و نهیین فوری شفا توتدو. 48عیسا اؤنا دئدی: «قیز، ایمانینگ سَنی شفا وئرمیش، سلامت گئد.» 49عیسا حَلی دانیشیردی کی یایروس ائویندَن بیری گلدی و دئدی: «قیزینگ اؤلدو، داها اُستادا زَحمت وئرمه.» 50آما عیسا بونو ائشیدَنده، یایروسا دئدی: «قورخما، فقط ایمان وارینگ اولسون، او خوب اولور.» 51عیسا ائوه گلَنده، قؤیمادی هئچ کَس بهغیری پِطرُس، یوحَنّا و یَعقوب و او قیزینگ آنا بووآسی اؤنونگ اینان ایچری گله. 52واریکَس قیز ایچی آغلاییرلاردی و شیون ائدیرلَردی، آما عیسا دئدی: «آغلاماینز، چونکی او اؤلمهمیش، بلکی یاتمیش.» 53اوللار عیسایی ریشخند ائدیلَر چونکی بیلیرلَردی کی قیز اؤلموش. 54آما عیسا قیزینگ اَلیندن توتدو و اؤنا دئدی: «قیز، تور آیاقی.» 55قیزینگ روحو گئری دؤندو و بیر آندا توردو آیاقی. عیسا اوللارا دئدی کی قیزه خورَکی وئرَلَّر. 56قیزینگ آنا بووآسی حیران قالمیشلاردی آما عیسا اوللاردان سئدی کی بو دؤشَن تَفاقی هئچکَسه دئمهیهلَّر.
Currently Selected:
لوقا 8: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
لوقا 8
8
عیسا یانی سورا گئدَن آروادلار
1اوندان سورا عیسا شَهردَن شَهره و کَنددَن کَنده گزیردی و تارئ پادشاهلیگینینگ خوش خَبرینی اعلام ائدیردی. اون ایکّی حَواری ده اؤنونگ اینان ایدیلار، 2ائله بئله ده بیر پارا آرواد کی شیطانلی روحلاردان و مَریضلیگلَردن آزاد اولموشلاردی، عیسا یانی سورا گئدیرلَردی؛ مریم کی اؤنا مَجدللی دئییلیردی و اوندان یئتدی شیطانلی روح یازّیا چیخمیشدی، 3خوزانینگ آروادی یوآنّا. خوزا هیرودیس حاکم مُباشری ایدی. سوسن و چوخ آیری آروادلار. بو آروادلار اؤز دارالیگلاریندان عیسا و شاگردلَرینینگ احتیاجلارینی برطَرف ائدیرلَردی.
بَرزگر مَثَلی
4خَلخ چوخ شَهرلَردَن عیسا گؤرمَکینه گلَنده و بیر بویوک جمعیت عیسا یانینا ییغیلنده، عیسا بیر مَثَل چَکدی و دئدی: 5«بیر بَرزگر دان سَپمَک ایچی یازّیا چیخدی، دانلاری سَپَنده بیر پاراسی یول اوستونه تؤکولدو و آیاق آلتیندا پایمال اولدو و گؤیینگ قوشلاری اوللاری یئدیلَر. 6بیر پاراسی کوتورلو یئره تؤکولدو و گئیَرنده، قورّودو چونکی نَم یوخیدی. 7دانلارینگ بیر پاراسی تیکانلار ایچینه تؤکولدو و تیکانلار دا اوللار اینان گئیَردیلَر و اوللاری خَفهلهدیلَر. 8آما دانلارینگ بیر پاراسی خوب تورپاقا دؤشدو، گئیَردیلَر و یوز برابر ثَمر ائدیلَر.» عیسا اوجا سَس اینَن دئدی: «هَرکَسینگ کی ائشیدَن قولاق واری، ائشیدسین.»
9عیسانینگ شاگردلَری بو مَثَلینگ مَعنیسینی اوندان خبر آلاندا، 10عیسا دئدی: «تارئ پادشاهلیگینینگ سِرّلَرینی آنگلاماگ، سیزه وئریلمیش. آما باقّی خَلخ ایچی مَثَل اینَن دئییلیر تا،
”باخالّار آما گؤرمئیهلَّر؛
ائشیدَلَّر آما آنگلامیالّار.“
11«ایندی بَرزگر مَثَلینینگ معنیسی بو دور: دان، تارئ کلامی دیر. 12یول اوستونه تؤکولَن دانلار، او آداملار دیرلار کی، تارئ کلامینی ائشیدیرلَر آما اِبلیس گلیر و کلامی اؤرهکلَریندَن قاپیر تا ائدمئیه ایمان گتیرَلَّر و نجات توتالّار. 13کوتورلو یئره تؤکولَن دانلار، او آداملار دیرلار کی تارئ کلامینی ائشیدَنده، شادلیگ اینَن قبول ائدیرلَر آما کلام اوللاردا ریشه ائدمئیر. بیر آز مُدّت ایمان وارلاری، آما امتحان اولماگ وختی ائتیشَنده، ایماندان دؤشیرلَر. 14تیکانلار ایچینه تؤکولَن دانلار، او آداملار دیرلار کی تارئ کلامینی ائشیدیرلَر آما زامان گَچَنده، نگرانلیگ، دنیا مالی و زندلیگینگ خوشلیگلاری، تارئ کلامینی اوللار ایچینده خَفهلهییر و ثَمر ائدمئیر. 15آما خوب تورپاقا دؤشَن دانلار، او آداملار دیرلار کی تارئ کلامینی ائشیدیرلَر و بیر دؤز و خوب اؤرهک اینَن اؤنو سفت ساخلاتیرلار و صَبر اینن ثَمر ائدیرلَر.
چیراغ مَثَلی
16«هئچ کَس چیراغ آلیشدیرمئیر تا اونو درف آلتیندا پناه ائده یا دا اؤنو تخت آلتینا قؤیا. بلکی اؤنو چیراغدانا قؤیور تا ایچری گلَنلَر، ایشّیقی گؤرَلَّر. 17چونکی هئچ پنهان اولونموش زاد یوخدور کی آشکار اولمایا و هئچ باستیریلمیش زاد یوخدور کی آلهیین اولمایا. 18پس دقّت ائدینز کی نهیین ائشیدیرَینز، چونکی او آداما کی واری، آرتیق وئریلَر، آما او آدام کی یوخو، ائله او ده کی گمان ائدیر واری، اَلیندن آلینار.»
عیسانینگ آناسی و کاکالاری
19بو موقعده عیسانینگ آناسی و کاکالاری اؤنونگ یانینا گلدیلَر، آما جمعیتینگ چوخ اولدوگو سَبرسینه، عیسایا یاخین اولا بیلمهدیلَر. 20عیسایا خبر وئردیلَر کی: «آنانگ اینان کاکالارینگ یازّیدا تورموشلار و سئیرلَر سَنی گؤرَلَّر.» 21آما عیسا جواب وئردی: «منیم آنام و کاکالاریم اوللار دیرلار کی تارئ کلامینی ائشیدیرلَر و اؤنا عَمل ائدیرلَر.»
طیفانی یاتیردماک
22بیر گؤن عیسا اؤز شاگردلَری اینَن بیر قایقا میندی و اوللارا دئدی: «گلینز دریاچهنینگ او تئیینه گئدَک.» اوللار دا یولا دؤشدولار. 23قایق سو ایزینده گئدَنده، عیسا اوخویا گئتدی. بیردَن دریاچهده بیر سَخت طیفان دؤشدو. ائله کی قایق سودان دؤلیردی و اوللار خَطره دؤشموشلاردی. 24شاگردلَر عیسا یانینا گئتدیلَر، اؤنو اویاردیلار و دئدیلَر: «اُستاد، اُستاد، آز قالمیش آرادان گئدَک.» عیسا اویاندی و طیفان و موجلارینگ تلاطمینا تَشَر ووردو. طیفان یاتدی و آراملوق دؤشدو. 25اوندا عیسا اوللارا دئدی: «ایمانینز هاردا دیر؟» اوللار تَعجّب و قورخو اینان بیر بیره دئییرلَردی: «بو کیشی کیم دیر کی حتّی یئله و سویا دا فرمان وئریر و اوللار دا فرمان آپاریرلار؟»
بیر شیطانلی روحا گرفتار اولان آدامینگ شفاسی
26پس اوللار جِراسیلَر منطقهسینه کی جَلیل ولایتینینگ قَرشیسینده ایدی گلدیلَر. 27عیسا قایقدن ائنَنده، بیر کیشی او شَهر آداملاریندان کی شیطانلی روحلار اؤنونگ ایچینه گیرمیشلَردی، عیسا قَرشیسیندن چیخدی. او آدام چوخ وخت ایمیش کی نه رَخت گئیمیشدی، نه ده اوبادا زندلیگ ائدمیشدی بلکی مزار صانلوقدا زندلیگ ائدیردی. 28عیسایی گؤرَنده بَغیردی، عیسانینگ قیچینه دؤشدو و اوجا سَس اینَن دئدی: «ای عیسا، مُتعال تارئنینگ اوغلو، مَنده نه ایشینگ وار؟ سَنه یالواریرام مَنه عذاب وئرمه!» 29چونکی عیسا او شَریر روحا فرمان وئرمیشدی کی او کیشیدَن یازّیا چیخه. او شَریر روح چوخ دَفعهلَر او کیشییی توتموشدو. با بو حال کی خَلخ بو کیشینینگ قیچ و قولینی غُل و زَنجیر اینن باغلامیشلاردی و گؤزلهییرلَردی، آما او هر دفعه زَنجیرلَری قیریردی و او شیطانلی روح اؤنو بیابانا آپاریردی. 30عیسا اوندان خَبر آلدی: «آدینگ نه دیر؟» او جواب وئردی: «قوشون،» چونکی چوخ شیطانلی روحلار اؤنونگ ایچینه گیرمیشلَردی. 31شیطانلی روحلار عیسایا یالواردیلار کی اوللاری جَهنّمه یوللامایا. 32او یاخینلَرده بیر بویوک دونقوز سؤروسو وار ایدی کی داغلیگدا یاییلیرلاردی. شیطانلی روحلار عیسایا یالواردیلار کی قؤیسون تا او دونقوزلار ایچینه گیرَلَّر. عیسا دا اجازه وئردی. 33پس شیطانلی روحلار او کیشیدَن یازّیا چیخدیلَر و دونقوزلار ایچینه گیردیلَر. او سؤرو ده یالدان اوزوقولاندیلار و دریاچه ایچینه تؤکولدولار و سودا بوغولدولار.
34دونقوزلارینگ چوبانلاری بونو گؤرَنده قَچدیلَر و بو خَبری شَهرده و کَندده داغیتدیلار. 35پس خَلخ گلدیلَر یازّیا گؤرَلَّر نیجه اولموش. عیسایا ائتیشَنده، گؤردولَر او کیشی کی شیطانلی روحلار اوندان چیخمیشلَر، رَخت گئییلی و عَقلی باشیندا، عیسانینگ آیاقی ایجینه اوتورموش. بونو گؤرَنلَر قورخدولار. 36بو تَفاقی گؤرَن آداملار، خَلخ ایچی تعریف ائدیلَر کی بو کیشی کی شیطانلی روحا گرفتار ایدی نهیین شفا توتموش. 37اوندان سورا دا جِراسیلَر منطقهسینینگ بوتون خَلخی عیسادان سئدیلَر کی اؤردان گئده بو سَبریه کی اوللارینگ جانینا بیر بویوک قورخو دؤشموشدو. عیسا دا قایقا میندی و دریاچهنینگ او تئیینه دؤندو. 38او کیشی کی شیطانلی روحلار اوندان چیخمیشلَر ایدی، عیسایا یالواردی کی عیسا اینان گئده آما عیسا اؤنو یولا سالدی و دئدی: 39«اؤز ائوینگه دؤن و او ایشی کی تارئ سَنینگ ایچی گؤرموش، اعلام ائد.» او کیشی ده گئتدی و او شَهرینگ واری یئرینده اعلام ائدی کی عیسا اؤنونگ ایچی نه ایش گؤرموش.
دئرّیلَن قیز و ساغ اولان آرواد
40عیسا دؤنَنده خَلخ شادلیگ اینَن اؤنونگ پیشوازینا گلدیلَر، چونکی واریکَس عیسا یولونو گؤزلهییرلَردی. 41ائله بو موقع بیر یایروس آدلی کیشی کی عبادتگاهینگ رئیسی ایدی، عیسا یانینا گلدی، عیسا قیچینه دؤشدو و عیسایا یالواردی کی اؤنونگ ائوینه گئده، 42چونکی بیر تَک قیزی کی اون ایکّی یاشیندا ایدی، آز قالمیشدی اؤله.
اوندا کی عیسا یولدا ایدی، خَلخ هر یاندان اؤنو باسیرلاردی. 43او جمعیت آراسیندا بیر آرواد وار ایدی کی اون ایکّی ایل ایدی کی اوندان قان گئدیردی. آرواد واری دارالیگینی طبیبلَره خَرج ائدمیش ایدی تا اؤنو درمان ائدَلَّر آما هئچ کَس اؤنو درمان ائده بیلمهمیشدی. 44بو آرواد عیسانینگ دالی آردیندان گلدی و قاباسینینگ بالینی اَللَدی. ائله او آن قانی توردو. 45عیسا خبر آلدی: «کیم مَنه اَل ووردو؟» واریکَس حاشا ائدیلَر. پِطرُس دئدی: «اُستاد، جمعیت سَنینگ دئییرینگه ییغیلمیشلَر و هر یاندان سَنی باسیرلار.» 46آما عیسا دئدی: «بیری منه اَل ووردو، چونکی بیلدیم کی مَندَن بیر قوّت چیخدی.» 47اوندا کی او آرواد بیلدی کی بئلَسینی تانیمیشلار، تیتریه-تیتریه ایلَری گلدی، عیسا قیچینه دؤشدو و واری خَلخینگ حُضوروندا دئدی کی نه ایچی عیسایا اَل ووردو و نهیین فوری شفا توتدو. 48عیسا اؤنا دئدی: «قیز، ایمانینگ سَنی شفا وئرمیش، سلامت گئد.» 49عیسا حَلی دانیشیردی کی یایروس ائویندَن بیری گلدی و دئدی: «قیزینگ اؤلدو، داها اُستادا زَحمت وئرمه.» 50آما عیسا بونو ائشیدَنده، یایروسا دئدی: «قورخما، فقط ایمان وارینگ اولسون، او خوب اولور.» 51عیسا ائوه گلَنده، قؤیمادی هئچ کَس بهغیری پِطرُس، یوحَنّا و یَعقوب و او قیزینگ آنا بووآسی اؤنونگ اینان ایچری گله. 52واریکَس قیز ایچی آغلاییرلاردی و شیون ائدیرلَردی، آما عیسا دئدی: «آغلاماینز، چونکی او اؤلمهمیش، بلکی یاتمیش.» 53اوللار عیسایی ریشخند ائدیلَر چونکی بیلیرلَردی کی قیز اؤلموش. 54آما عیسا قیزینگ اَلیندن توتدو و اؤنا دئدی: «قیز، تور آیاقی.» 55قیزینگ روحو گئری دؤندو و بیر آندا توردو آیاقی. عیسا اوللارا دئدی کی قیزه خورَکی وئرَلَّر. 56قیزینگ آنا بووآسی حیران قالمیشلاردی آما عیسا اوللاردان سئدی کی بو دؤشَن تَفاقی هئچکَسه دئمهیهلَّر.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company