لوقا 10
10
عیسا یئدمیش نفر شاگردی یوللاییر
1بوندان سورا، رَب عیسا یئدمیش نفر داها شاگردلَردن سَچدی و اوللاری ایکّی-ایکّی او شَهرلَره و یئرلَره کی اؤزو سئیردی گئده، یوللادی. 2اوللارا دئدی: «محصول چوخ دور آما فَحله آز، پس محصول اَیهسینه یالوارینز تا اؤز محصولونونگ ییغمَگی ایچی، فَحله یوللایا. 3گئدینز! من سیزی قوزّولار لهیین، قوردلار آراسینا یوللاییرام. 4اؤزونز اینن نه پیل کِسّهسی گؤتورونز، نه توربا، نه ده آیاققابی. یولدا سالام ائدمَک ایچی وخت تَلَف ائدمهینز. 5هر ائوه کی گئدیرَینز، اَوّل دئیینز: ”بو ائوده صُلح و سلامتلیگ اولسون.“ 6اگر کی اؤردا بیر صُلح و سلامتلیگ سئیَن آدام اولا، سیزینگ سالامینز اؤنونگ اوستونده قالار آما اگر اولمایا، اؤزونزه دؤنَر. 7ائله او ائوده قالینز و هَرنه کی بئلَینزه وئریرلَر، یئیینز و ایچینز، چونکی فَحلهنینگ مُزدی اؤنونگ حَقّی دیر. ائودَن ائوه گزمهینز. 8هر وخت بیر شَهره گئتدینز و بئلَینزی یوئودّولار، هَرنه کی جلوینزا قؤیدولار، یئیینز. 9اؤرانینگ مَریض آداملارینی شفا وئرینز و اوللارا دئیینز: ”تارئ پادشاهلیگی سیزه یاخین اولموش.“ 10هر وخت بیر شَهره گئتدینز آما بئلَینزی یوئودمادیلار، او شَهرینگ کوچهلَری ایچینه گئدینز و دئیینز: 11”حتّی شَهرینزدَن قیچیمیز اوستونه اوتوران تورپاقی ده ضدّینزه سیلکیرَک، آما بونو بیلینز کی تارئ پادشاهلیگی سیزه یاخین اولموش.“ 12سیزه دئییرم کی قیامت گؤنونده، جَزا تَحمّلی سُدوم شَهری ایچی آسانتر اولور تا او شَهر ایچی.»
وای توبه ائدمین شَهرلَر حالینا
13عیسا دئدی: «وای سنینگ حالینگا، ای خورَزین شَهری! وای سنینگ حالینگا، ای بِیتصِیدا شَهری! بو سَبریه کی سیزینگ ایچینزده ائدیلَن قُدرتلی ایشلَر، صور و صِیدون شَهرلَرینده ائدیلسیدی، چوخ وخت بوندان ایلَری، اؤرانینگ خَلخی، پالاس گئییلی و کؤله اوتورولو، توبه ائدهرلَردی. 14آما قیامت گؤنونده، جَزا تَحمّلی، صور و صِیدون شَهرلَری ایچی آسانتر اولور تا سیزینگ ایچی. 15و سن ای کَفَرناحوم شَهری، سن کی سئیردینگ باش گؤیه ائتیشتیرَینگ، اؤلولَر دیارینانچاز آشاغی چَکیلَرَینگ.
16«سیزه قولاق آسان، منه قولاق آسیر، سیزی قبول ائدمهیَن، منی قبول ائدمئیر و منی قبول ائدمهیَن، منی یوللایانی قبول ائدمئیر.»
یئدمیش نفرینگ گئری دؤنمَگی
17او یئدمیش نفر، خوش و خُرّم گئری دؤندولَر و دئدیلَر: «آقا، سنینگ آدینگی دئمَک اینَن حتّی شیطانلی روحلار دا بیزدَن اطاعت ائدیرلَردی.» 18عیسا اوللارا دئدی: «من گؤردوم کی شیطان نهیین ایلدیریم لهیین گؤیدَن دؤشدو. 19من سیزه قُدرت وئرمیشَم تا ایلانلاری، عَقربلَری و بوتون دشمن قوّتینی آیاق آلتینا قؤیاینز و هئچنه سیزه ضرر وورا بیلمَز. 20آما بوندان کی شیطانلی روحلار سیزدَن اطاعت ائدیرلَر شاد اولمانز، بلکی بوندان شاد اولینز کی سیزینگ آدینز گؤیده یازیلمیش.»
عیسا، قُدّوس روحدا شادلیگ ائدیر
21ائله او موقع تارئنینگ قُدّوس روحو عیسایا بیر بویوک شادلیگ وئردی و عیسا دئدی: «ای بووآ، ای یئر اینَن گؤی رَبّی، سَنی شُکر ائدیرَم کی بوللاری عَقللیلَردن و بیلَنلَردن پناه ائدینگ و اوللارا کی اوشاق لهیین ساده دیرلَر، آشکار ائدینگ. بَله، ای بووآ، سنینگ سئدیگینگ بئله ایدی. 22منیم گؤیدهکی بووآم واری زادی منیم اختیاریما قؤیموش. بووآدان آیری هئچکَس اوغلو تانیمئیر، اوغولدان آیری دا، هئچکَس بووآیی تانیمئیر بهغیری او آداملار کی اوغول سئیه بووآیی اوللارا تانیتدیرا.»
23اوندان سورا عیسا ایزینی اؤز شاگردلَرینه ساری ائدی و اؤز آرالاریندا اوللارا دئدی: «خوش او گؤزلَر حالینا کی سیز گؤرَن زادلاری، گؤرورلَر. 24چونکی سیزه دئییرم، کی چوخ پیغمبرلَر و پادشاهلار آرزی چَکیرلَردی کی سیز گؤرَن زادلاری گؤرَلَّر، آما گؤرمهدیلَر و سیز ائشیدَن زادلاری ائشیدَلَّر آما ائشیدمهدیلَر.»
خوب سامِرهلینینگ مَثَلی
25بیر گؤن شَریعت عالِملَرینینگ بیرسی توردو آیاقی و عیسایی امتحان ائدمَک ایچی اوندان خبر آلدی: «اُستاد، نیجه ائدَم تا اَبَدی زندلیگی میراث آپارام؟» 26عیسا اؤنا دئدی: «توراتدا نه یازیلمیش؟ اوندان نه آنگلیرانگ؟» 27او عالِم جواب وئردی: «”رَب تارینگی، بوتون اؤرهکینگ اینَن، بوتون جانینگ اینان، بوتون قوّتینگ اینَن و بوتون فکرینگ اینَن چوخ سئه“؛ و ”قونشونگو ده اؤزونگ لهیین چوخ سئه.“» 28عیسا اؤنا دئدی: «دؤز جواب وئردینگ. بو ایشی گؤر کی زندلیگینگ اولور.»
29آما او، بونونگ ایچی کی عیسایا گؤرسَده کی بیر بی غَرَض آدام دیر، عیسایا دئدی: «منیم قونشوم کیم دیر؟» 30عیسا دا بئله جواب وئردی: «بیر کیشی اورشلیم شَهریندَن، اَریحا شَهرینه گئدیردی کی یولدا گَدیگ باغلایانلار اَلینه دؤشدو. گَدیگ باغلایانلار او کیشییی لیت ائدیلَر، کِتَک ووردولار و یاری جان، اؤنو آتدیلار یول قیراقینا و گئتدیلَر. 31تَفاقدان بیر کاهِن کی مَعبد عالِمی ایدی او یولدان گچیردی، آما او آدامی گؤرَنده، یولونگ او تئییندَن گئتدی. 32بیر لاوی ده کی مَعبدینگ خادمی ایدی اؤرا ائتیشدی و اؤنو گؤرَنده، یولونگ او تئییندَن گئتدی. 33آما اوندان سورا، بیر سامِرهلی مُسافر اؤرا ائتیشدی و اؤنو گؤرَنده، اؤرهکی اؤنا یاندی. 34اؤنونگ یانینا گئتدی، یارالارینی شراب اینان یوودو، یاغ سؤرتدو و باغلادی. اوندان سورا دا اؤنو گؤتوردو، اؤز اَشَّکینه میندیردی و بیر کاروانسرایا آپاردی و اؤردا اؤنا اَیه چیخدی. 35او گؤنونگ صاباسی ایکّی دینار چاخارتدی کاروانسرانینگ اَیهسینه وئردی و دئدی: ”بو آداما اَیه چیخ و اؤنو گؤزله، اگر کی اؤنونگ خَرجی بوندان آرتیق اولدو، گئری بؤکولَنده سَنه وئرهرَم.“ 36ایندی سَنینگ نَظرینگه او اؤچ کیشینینگ هانیسی او گدیگ باغلایانلار اَلینه دؤشَن آدامینگ قونشوسو ایدی؟» 37او عالِم جواب وئردی: «او آدام کی اؤنا رَحم ائدی.» عیسا دا اؤنا دئدی: «سن ده گئد و اؤنونگ لهیین رووآل ائد.»
مریم و مارتا ائوینده
38یولدا گئدَنده، عیسا بیر کَنده گئتدی، اؤردا بیر مارتا آدلی آرواد ایدی کی عیسایی اؤز ائوینه قوناقلادی. 39او آرواد بیر باجی واریدی کی آدی مریم ایدی. مریم عیسانینگ آیاقی ایجینه اوتورموشدو و قولاقی عیسا سؤزلَرینده ایدی. 40آما مارتا کی چوخ ایشلَر اینَن مشغول ایدی، عیسا یانینا گلدی و دئدی: «آقا، هئچ سنینگ ایچی اهمیت یوخو کی باجیم مَنی ویل ائدمیش تا قوناقلاردان تَک پذیرالیگ ائدَم؟ اؤنا دئ تا گله مَنه کؤمَک ائده.» 41آما رَب عیسا جواب وئردی: «مارتا، مارتا، سَن چوخ زادلار ایچی نگرانانگ و ناراحتلیگ ائدیرَینگ. 42آما فقط بیر زاد لازم دیر؛ مریم او خوب ایشی سَچمیش، کی اوندان آلینماز.»
Currently Selected:
لوقا 10: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
لوقا 10
10
عیسا یئدمیش نفر شاگردی یوللاییر
1بوندان سورا، رَب عیسا یئدمیش نفر داها شاگردلَردن سَچدی و اوللاری ایکّی-ایکّی او شَهرلَره و یئرلَره کی اؤزو سئیردی گئده، یوللادی. 2اوللارا دئدی: «محصول چوخ دور آما فَحله آز، پس محصول اَیهسینه یالوارینز تا اؤز محصولونونگ ییغمَگی ایچی، فَحله یوللایا. 3گئدینز! من سیزی قوزّولار لهیین، قوردلار آراسینا یوللاییرام. 4اؤزونز اینن نه پیل کِسّهسی گؤتورونز، نه توربا، نه ده آیاققابی. یولدا سالام ائدمَک ایچی وخت تَلَف ائدمهینز. 5هر ائوه کی گئدیرَینز، اَوّل دئیینز: ”بو ائوده صُلح و سلامتلیگ اولسون.“ 6اگر کی اؤردا بیر صُلح و سلامتلیگ سئیَن آدام اولا، سیزینگ سالامینز اؤنونگ اوستونده قالار آما اگر اولمایا، اؤزونزه دؤنَر. 7ائله او ائوده قالینز و هَرنه کی بئلَینزه وئریرلَر، یئیینز و ایچینز، چونکی فَحلهنینگ مُزدی اؤنونگ حَقّی دیر. ائودَن ائوه گزمهینز. 8هر وخت بیر شَهره گئتدینز و بئلَینزی یوئودّولار، هَرنه کی جلوینزا قؤیدولار، یئیینز. 9اؤرانینگ مَریض آداملارینی شفا وئرینز و اوللارا دئیینز: ”تارئ پادشاهلیگی سیزه یاخین اولموش.“ 10هر وخت بیر شَهره گئتدینز آما بئلَینزی یوئودمادیلار، او شَهرینگ کوچهلَری ایچینه گئدینز و دئیینز: 11”حتّی شَهرینزدَن قیچیمیز اوستونه اوتوران تورپاقی ده ضدّینزه سیلکیرَک، آما بونو بیلینز کی تارئ پادشاهلیگی سیزه یاخین اولموش.“ 12سیزه دئییرم کی قیامت گؤنونده، جَزا تَحمّلی سُدوم شَهری ایچی آسانتر اولور تا او شَهر ایچی.»
وای توبه ائدمین شَهرلَر حالینا
13عیسا دئدی: «وای سنینگ حالینگا، ای خورَزین شَهری! وای سنینگ حالینگا، ای بِیتصِیدا شَهری! بو سَبریه کی سیزینگ ایچینزده ائدیلَن قُدرتلی ایشلَر، صور و صِیدون شَهرلَرینده ائدیلسیدی، چوخ وخت بوندان ایلَری، اؤرانینگ خَلخی، پالاس گئییلی و کؤله اوتورولو، توبه ائدهرلَردی. 14آما قیامت گؤنونده، جَزا تَحمّلی، صور و صِیدون شَهرلَری ایچی آسانتر اولور تا سیزینگ ایچی. 15و سن ای کَفَرناحوم شَهری، سن کی سئیردینگ باش گؤیه ائتیشتیرَینگ، اؤلولَر دیارینانچاز آشاغی چَکیلَرَینگ.
16«سیزه قولاق آسان، منه قولاق آسیر، سیزی قبول ائدمهیَن، منی قبول ائدمئیر و منی قبول ائدمهیَن، منی یوللایانی قبول ائدمئیر.»
یئدمیش نفرینگ گئری دؤنمَگی
17او یئدمیش نفر، خوش و خُرّم گئری دؤندولَر و دئدیلَر: «آقا، سنینگ آدینگی دئمَک اینَن حتّی شیطانلی روحلار دا بیزدَن اطاعت ائدیرلَردی.» 18عیسا اوللارا دئدی: «من گؤردوم کی شیطان نهیین ایلدیریم لهیین گؤیدَن دؤشدو. 19من سیزه قُدرت وئرمیشَم تا ایلانلاری، عَقربلَری و بوتون دشمن قوّتینی آیاق آلتینا قؤیاینز و هئچنه سیزه ضرر وورا بیلمَز. 20آما بوندان کی شیطانلی روحلار سیزدَن اطاعت ائدیرلَر شاد اولمانز، بلکی بوندان شاد اولینز کی سیزینگ آدینز گؤیده یازیلمیش.»
عیسا، قُدّوس روحدا شادلیگ ائدیر
21ائله او موقع تارئنینگ قُدّوس روحو عیسایا بیر بویوک شادلیگ وئردی و عیسا دئدی: «ای بووآ، ای یئر اینَن گؤی رَبّی، سَنی شُکر ائدیرَم کی بوللاری عَقللیلَردن و بیلَنلَردن پناه ائدینگ و اوللارا کی اوشاق لهیین ساده دیرلَر، آشکار ائدینگ. بَله، ای بووآ، سنینگ سئدیگینگ بئله ایدی. 22منیم گؤیدهکی بووآم واری زادی منیم اختیاریما قؤیموش. بووآدان آیری هئچکَس اوغلو تانیمئیر، اوغولدان آیری دا، هئچکَس بووآیی تانیمئیر بهغیری او آداملار کی اوغول سئیه بووآیی اوللارا تانیتدیرا.»
23اوندان سورا عیسا ایزینی اؤز شاگردلَرینه ساری ائدی و اؤز آرالاریندا اوللارا دئدی: «خوش او گؤزلَر حالینا کی سیز گؤرَن زادلاری، گؤرورلَر. 24چونکی سیزه دئییرم، کی چوخ پیغمبرلَر و پادشاهلار آرزی چَکیرلَردی کی سیز گؤرَن زادلاری گؤرَلَّر، آما گؤرمهدیلَر و سیز ائشیدَن زادلاری ائشیدَلَّر آما ائشیدمهدیلَر.»
خوب سامِرهلینینگ مَثَلی
25بیر گؤن شَریعت عالِملَرینینگ بیرسی توردو آیاقی و عیسایی امتحان ائدمَک ایچی اوندان خبر آلدی: «اُستاد، نیجه ائدَم تا اَبَدی زندلیگی میراث آپارام؟» 26عیسا اؤنا دئدی: «توراتدا نه یازیلمیش؟ اوندان نه آنگلیرانگ؟» 27او عالِم جواب وئردی: «”رَب تارینگی، بوتون اؤرهکینگ اینَن، بوتون جانینگ اینان، بوتون قوّتینگ اینَن و بوتون فکرینگ اینَن چوخ سئه“؛ و ”قونشونگو ده اؤزونگ لهیین چوخ سئه.“» 28عیسا اؤنا دئدی: «دؤز جواب وئردینگ. بو ایشی گؤر کی زندلیگینگ اولور.»
29آما او، بونونگ ایچی کی عیسایا گؤرسَده کی بیر بی غَرَض آدام دیر، عیسایا دئدی: «منیم قونشوم کیم دیر؟» 30عیسا دا بئله جواب وئردی: «بیر کیشی اورشلیم شَهریندَن، اَریحا شَهرینه گئدیردی کی یولدا گَدیگ باغلایانلار اَلینه دؤشدو. گَدیگ باغلایانلار او کیشییی لیت ائدیلَر، کِتَک ووردولار و یاری جان، اؤنو آتدیلار یول قیراقینا و گئتدیلَر. 31تَفاقدان بیر کاهِن کی مَعبد عالِمی ایدی او یولدان گچیردی، آما او آدامی گؤرَنده، یولونگ او تئییندَن گئتدی. 32بیر لاوی ده کی مَعبدینگ خادمی ایدی اؤرا ائتیشدی و اؤنو گؤرَنده، یولونگ او تئییندَن گئتدی. 33آما اوندان سورا، بیر سامِرهلی مُسافر اؤرا ائتیشدی و اؤنو گؤرَنده، اؤرهکی اؤنا یاندی. 34اؤنونگ یانینا گئتدی، یارالارینی شراب اینان یوودو، یاغ سؤرتدو و باغلادی. اوندان سورا دا اؤنو گؤتوردو، اؤز اَشَّکینه میندیردی و بیر کاروانسرایا آپاردی و اؤردا اؤنا اَیه چیخدی. 35او گؤنونگ صاباسی ایکّی دینار چاخارتدی کاروانسرانینگ اَیهسینه وئردی و دئدی: ”بو آداما اَیه چیخ و اؤنو گؤزله، اگر کی اؤنونگ خَرجی بوندان آرتیق اولدو، گئری بؤکولَنده سَنه وئرهرَم.“ 36ایندی سَنینگ نَظرینگه او اؤچ کیشینینگ هانیسی او گدیگ باغلایانلار اَلینه دؤشَن آدامینگ قونشوسو ایدی؟» 37او عالِم جواب وئردی: «او آدام کی اؤنا رَحم ائدی.» عیسا دا اؤنا دئدی: «سن ده گئد و اؤنونگ لهیین رووآل ائد.»
مریم و مارتا ائوینده
38یولدا گئدَنده، عیسا بیر کَنده گئتدی، اؤردا بیر مارتا آدلی آرواد ایدی کی عیسایی اؤز ائوینه قوناقلادی. 39او آرواد بیر باجی واریدی کی آدی مریم ایدی. مریم عیسانینگ آیاقی ایجینه اوتورموشدو و قولاقی عیسا سؤزلَرینده ایدی. 40آما مارتا کی چوخ ایشلَر اینَن مشغول ایدی، عیسا یانینا گلدی و دئدی: «آقا، هئچ سنینگ ایچی اهمیت یوخو کی باجیم مَنی ویل ائدمیش تا قوناقلاردان تَک پذیرالیگ ائدَم؟ اؤنا دئ تا گله مَنه کؤمَک ائده.» 41آما رَب عیسا جواب وئردی: «مارتا، مارتا، سَن چوخ زادلار ایچی نگرانانگ و ناراحتلیگ ائدیرَینگ. 42آما فقط بیر زاد لازم دیر؛ مریم او خوب ایشی سَچمیش، کی اوندان آلینماز.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company