اعمال 5
5
حَنانیا و سَفیره
1آما بیر حَنانیا آدلی کیشی، آروادی اینان کی آدی سَفیره ایدی، بیر مِلک ساتدیلار. 2حَنانیا او پیلدَن بیر اندازه اؤزو ایچی ساخلادی و آروادی دا بونو بیلیردی. حَنانیا او پیلینگ باقّیسینی گتیردی و قؤیدو حَواریلار جلوسینا. 3آما پِطرُس اؤنا دئدی: «حَنانیا، نه ایچی شیطان اؤرهکینگی بئله دؤلدورموش کی تارئنینگ قُدّوس روحونا یالان دئیَنگ و یئر پیلینینگ بیر اندازهسینی اؤزونگ ایچی ساخلاتانگ؟ 4بئیه ساتماکدان ایلَری بو یئر اؤزونگکو دهییلدی؟ بئیه ساتیلاندان سورا ده پیلی اؤز اختیارینگدا دهییلدی؟ نه ایچی بو فکره دؤشدونگ کی بیر بئلهیین ایش گؤرَینگ؟ سن انسانا یالان دئمهمیشینگ، بلکی تارئیا یالان دئمیشَینگ.»
5وختی حَنانیا بو سؤزلَری ائشیتدی، دؤشدو و آخیرکی نَفَسینی چَکدی! بو خَبری ائشیدَن آداملارینگ واریسینینگ جانینا بیر بویوک قورخو دؤشدو. 6جاهاللار توردولار گلدیلَر، حَنانیایی خَلعتلهدیلَر، آپاردیلار یازّیا و بئلَسینی تورپاقا تاپشیردیلار.
7تقریبا اؤچ ساعات اوندان سورا، حَنانیانینگ آروادی، کی خبر یوخو ایدی نیجه اولموش، گلدی اؤرا. 8پِطرُس آرواددان خبر آلدی: «منه دئ گؤرَم سیز یئری ائله بو قیمته ساتدینز؟» سَفیره دئدی: «بَله، ائله بو قیمته.» 9آما پِطرُس آروادا دئدی: «نه ایچی اَل وئرمیشَینز بیر بیره تا رَبّینگ روحونو امتحان ائدَینز؟ باخ، اوللار کی اَرینگ تورپاقا تاپشیرمیشلار قاپیدا دیرلار و سنی ده آپارارلار.»
10ائله او آن، سَفیره ده پِطرُس قیچی دَمینده دؤشدو و آخیرکی نَفَسینی چَکدی. جاهاللار ایچری گلَنده، گؤردولَر کی آرواد دا اؤلموش. پس سَفیرهیی آپاردیلار یازّیا و اَری یانیندا بئلَسینی تاپشیردیلار. 11بوتون کلیسا آداملارینگ و بو زادلاری ائشیدَنلَرینگ واریسینینگ جانینا بیر بویوک قورخو دؤشدو.
چوخ نیشانالار و مُعجزهلَر اولونیر
12چوخ نیشانالار و مُعجزهلَر حَواریلَر اَلی اینن خلخ آراسیندا اولونیردی. ایماندارلارینگ واریسی، بیرلیکده سُلیمان ایوانیندا ییغیلیرلَردی. 13خَلخینگ باقّیسی جرأت ائدمئیرلَردی حَواریلارا قوشولالّار، آما اوللارا چوخ حُرمَت ائدیرلَردی. 14همیشهکیندَن آرتیق آدام، هم کیشی هم آرواد ایمان گتیریرلَردی و رَبّه قوشولیرلاردی. 15ائله کی اوللار حتّی مَریضلَری گتیریرلَردی کوچهلَره و اوللاری تَختلَر و دُشّکلَر اوستونه قؤییرلاردی تا پِطرُس اؤردان گچنده، بلکم کؤلگهسی اوللارینگ بیر پاراسی اوستونه دؤشه تا شفا توتالّار. 16ائله بئله دا خلخ اورشلیم دئییرندهکی شَهرلَردن گلیرلَردی و مَریضلَری و اوللاری کی شَریر روحلارا گرفتار ایدیلار گتیریرلَردی و اوللارینگ واریسی شفا توتیرلاردی.
حَواریلار زندانا دؤشیرلار
17آما ائنگ بویوک کاهِن و بوتون یانینداکیلار کی صَدوقی فِرقهسینینگ عالِملَریندن ایدیلر، حَسودلیگدان 18حَواریلَری توتدولار و بئللَرینی آتدیلار او زندانا کی واری رَقم زندانلی اؤردا ایدی. 19آما گئجه رَبّینگ بیر فرشتهسی زندان درلَرینی آچدی و اوللاری گتیردی یازّیا و دئدی: 20«گئدینز و تورینز مَعبد ایچینه و اؤردا بو زندلیگینگ بوتون پیغامینی خلخه دئیینز.» 21حَواریلَر بونو ائشیدَنده سَحر ناماچاغی مَعبده گئدیلَر و تَعلیم وئرمَکه باشلادیلار.
اوندا کی ائنگ بویوک کاهِن و یانینداکیلار گلدیلر، شورا آداملارینی و یهود خلخینینگ واری شیخلَرینی چاغیردیلار و آدام یوللادیلار زندانا تا حَواریلاری گتیرَلَّر. 22آما اوندا کی مأمورلار ائتیشدیلَر زندانا، حَواریلاری بولمادیلار. پس بؤکولدولَر و خبر وئردیلر کی: 23«زندانینگ درلَری بئله خوب قُفل ایدی و ناتّورلار ده درلَر دَمینده تورموشلاردی. آما درلَری آچاندا، هئچکَسی زندان ایچینده بولمادیک.» 24مَعبد ناتّورلارینینگ رئیسی و باش کاهِنلَر بو گپلَری ائشیدَنده، اوللاردان اَربَد قالدیلار و فکره گئدیلَر کی بو ایشینگ آخیر عاقبتی نهیین اولور؟
25بیر آدام گلدی و بئللَرینه دئدی: «باخینز! او کیشیلَر کی بئللَرینی آتمیشدینز زندانا، تورموشلار مَعبد ایچینه و خَلخه تَعلیم وئریرلَر.» 26اوندا مَعبد ناتّورلارینینگ رئیسی مأمورلار اینان بئلینه گئدیلَر و حَواریلاری گتیردیلر، آما نه گؤجکی، بو سَبریه کی قورخیرلاردی خلخ بئللَرینی سَنگسار ائدلَّر.
27حَواریلاری گتیردیلَر شورا حُضورونا. ائنگ بویوک کاهِن اوللاری بازخواست ائدی و دئدی: 28«بیز سیزه سَخت قَدغَن ائدیک کی داها بو آددا تَعلیم وئرمیهینز، آما گئنه ده سیز اورشلیمی اؤز تَعلیملَرینز اینن دؤلدورموشاینز و سئیرَینز کی او آدامینگ قانینی آتاینز بیزیم بوینوموزا.»
29آما پِطرُس و باقّی حَواریلَر جواب وئردیلر: «بیز تارئدان اطاعت ائدهسیک نه آداملاردان. 30جَدلَریمیز تارئسی، عیسایی اؤلولَردَن دئرّیتدی، ائله او عیسا کی سیز بئلَسینی صَلیبه چَکدینز و اؤلدوردونز. 31تارئ، عیسایی آپاردی اوخاری و اؤز ساغ اَلینه قؤیدو و بئلَسینی سَروَر و نجات وئرَن ائدی تا اؤز خَلخینه توبه و گُناهلاردان باغیشلانماک فُرصتی وئره. 32و بیز بو زادلارینگ شاهدلَرییَک، ائله اولهیین کی تارئنینگ قُدّوس روحو ده شاهد دیر. ائله او قُدّوس روح کی تارئ اؤنو اوللارا کی بئلَسیندَن اطاعت ائدیرلَر وئرمیش.»
33شورا آداملاری بو سؤزلَری ائشیدَنده، عصبانی اولدولار و سئدیلَر حَواریلَری اؤلدورَلَّر. 34آما شورادا بیر گامالائیل آدلی کیشی وار ایدی کی فَریسی فِرقهسیندَن ایدی. او شَریعت معلّمی ایدی و واری خلخ دا بئلَسینه چوخ حُرمَت ائدیرلَردی. گامالائیل شورادا توردو آیاقی و اَمر ائدی تا حَواریلَری اؤردان چیخارتالّار و بیر آز یازّیدا ساخلایالّار. 35اوندا اؤرداکی آداملارا دئدی: «یهود خلخی، دقّت ائدینز کی سئیرَینز بو آداملار اینان نه ایش گؤرَینز. 36بو سَبریه کی بیر مُدّت بوندان ایلَری، بیر تئوداس آدلی کیشی توردو آیاقی و اِدّعا ائدیردی کی بیر بویوک آدام دیر و دؤرد یوز نفره یاخین قوشولدولار اؤنا. آما او آدام اؤلومه گئتدی و واری اوللار دا کی اؤنا قوشولموشلاردی، نیست و نابود اولدولار. 37اوندان سورا، جَلیللی یَهودا آداملار سایقوشونونگ موقعسیندا توردو آیاقی و خَلخینگ بیر پاراسینی اؤزونه قوشدو. آما او دا آرادان گئتدی و واری اوللار کی اؤنا قوشولموشلاردی، داغیلدیلار. 38پس ایندی بو مَسئله بارهسینده سیزه دئییرم کی بو آداملاردان اَل چَکینز و اوللاری اؤز حاللارینا قؤینز. بو سَبریه کی اگر بو قَصد و عَمل بَشردَن اولا، بو ایشینگ آخیری هئچیئره ائتیشمَز. 39آما اگر تارئدان اولا، باشارماینز اوللاری آرادان آپارانز. بئله سیز تارئ اینن ضدّ ائدیرَینز.» پس اوللار گامالائیل نَصیحتینه قولاق آسدیلار
40و حَواریلاری چاغیردیلار ایچری. اوللارا شلّاق ووردولار و بئللَرینه قَدغَن ائدیلَر کی داها عیسا آدیندا دانیشمایالّار. اوندا دا بئللَرینی ویل ائدیلَر تا گئدَلَّر.
41اوندا حَواریلَر شورا مَجلسیندن چیخدیلَر یازّیا و خوشحال ایدیلار کی بو لیاقت اوللارینگ نَصیبی اولموش کی عیسا آدی خاطرینه بئللَرینه اِهانَت اولونا. 42اوللار گؤنده مَعبدده و ائودَن ائوه تَعلیم وئریرلَردی و اعلام ائدیرلَردی کی وَعده وئریلَن مَسیح ائله او عیسا دیر و هئچ زامان بو ایشدَن اَل چَکمدیلَر.
Currently Selected:
اعمال 5: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
اعمال 5
5
حَنانیا و سَفیره
1آما بیر حَنانیا آدلی کیشی، آروادی اینان کی آدی سَفیره ایدی، بیر مِلک ساتدیلار. 2حَنانیا او پیلدَن بیر اندازه اؤزو ایچی ساخلادی و آروادی دا بونو بیلیردی. حَنانیا او پیلینگ باقّیسینی گتیردی و قؤیدو حَواریلار جلوسینا. 3آما پِطرُس اؤنا دئدی: «حَنانیا، نه ایچی شیطان اؤرهکینگی بئله دؤلدورموش کی تارئنینگ قُدّوس روحونا یالان دئیَنگ و یئر پیلینینگ بیر اندازهسینی اؤزونگ ایچی ساخلاتانگ؟ 4بئیه ساتماکدان ایلَری بو یئر اؤزونگکو دهییلدی؟ بئیه ساتیلاندان سورا ده پیلی اؤز اختیارینگدا دهییلدی؟ نه ایچی بو فکره دؤشدونگ کی بیر بئلهیین ایش گؤرَینگ؟ سن انسانا یالان دئمهمیشینگ، بلکی تارئیا یالان دئمیشَینگ.»
5وختی حَنانیا بو سؤزلَری ائشیتدی، دؤشدو و آخیرکی نَفَسینی چَکدی! بو خَبری ائشیدَن آداملارینگ واریسینینگ جانینا بیر بویوک قورخو دؤشدو. 6جاهاللار توردولار گلدیلَر، حَنانیایی خَلعتلهدیلَر، آپاردیلار یازّیا و بئلَسینی تورپاقا تاپشیردیلار.
7تقریبا اؤچ ساعات اوندان سورا، حَنانیانینگ آروادی، کی خبر یوخو ایدی نیجه اولموش، گلدی اؤرا. 8پِطرُس آرواددان خبر آلدی: «منه دئ گؤرَم سیز یئری ائله بو قیمته ساتدینز؟» سَفیره دئدی: «بَله، ائله بو قیمته.» 9آما پِطرُس آروادا دئدی: «نه ایچی اَل وئرمیشَینز بیر بیره تا رَبّینگ روحونو امتحان ائدَینز؟ باخ، اوللار کی اَرینگ تورپاقا تاپشیرمیشلار قاپیدا دیرلار و سنی ده آپارارلار.»
10ائله او آن، سَفیره ده پِطرُس قیچی دَمینده دؤشدو و آخیرکی نَفَسینی چَکدی. جاهاللار ایچری گلَنده، گؤردولَر کی آرواد دا اؤلموش. پس سَفیرهیی آپاردیلار یازّیا و اَری یانیندا بئلَسینی تاپشیردیلار. 11بوتون کلیسا آداملارینگ و بو زادلاری ائشیدَنلَرینگ واریسینینگ جانینا بیر بویوک قورخو دؤشدو.
چوخ نیشانالار و مُعجزهلَر اولونیر
12چوخ نیشانالار و مُعجزهلَر حَواریلَر اَلی اینن خلخ آراسیندا اولونیردی. ایماندارلارینگ واریسی، بیرلیکده سُلیمان ایوانیندا ییغیلیرلَردی. 13خَلخینگ باقّیسی جرأت ائدمئیرلَردی حَواریلارا قوشولالّار، آما اوللارا چوخ حُرمَت ائدیرلَردی. 14همیشهکیندَن آرتیق آدام، هم کیشی هم آرواد ایمان گتیریرلَردی و رَبّه قوشولیرلاردی. 15ائله کی اوللار حتّی مَریضلَری گتیریرلَردی کوچهلَره و اوللاری تَختلَر و دُشّکلَر اوستونه قؤییرلاردی تا پِطرُس اؤردان گچنده، بلکم کؤلگهسی اوللارینگ بیر پاراسی اوستونه دؤشه تا شفا توتالّار. 16ائله بئله دا خلخ اورشلیم دئییرندهکی شَهرلَردن گلیرلَردی و مَریضلَری و اوللاری کی شَریر روحلارا گرفتار ایدیلار گتیریرلَردی و اوللارینگ واریسی شفا توتیرلاردی.
حَواریلار زندانا دؤشیرلار
17آما ائنگ بویوک کاهِن و بوتون یانینداکیلار کی صَدوقی فِرقهسینینگ عالِملَریندن ایدیلر، حَسودلیگدان 18حَواریلَری توتدولار و بئللَرینی آتدیلار او زندانا کی واری رَقم زندانلی اؤردا ایدی. 19آما گئجه رَبّینگ بیر فرشتهسی زندان درلَرینی آچدی و اوللاری گتیردی یازّیا و دئدی: 20«گئدینز و تورینز مَعبد ایچینه و اؤردا بو زندلیگینگ بوتون پیغامینی خلخه دئیینز.» 21حَواریلَر بونو ائشیدَنده سَحر ناماچاغی مَعبده گئدیلَر و تَعلیم وئرمَکه باشلادیلار.
اوندا کی ائنگ بویوک کاهِن و یانینداکیلار گلدیلر، شورا آداملارینی و یهود خلخینینگ واری شیخلَرینی چاغیردیلار و آدام یوللادیلار زندانا تا حَواریلاری گتیرَلَّر. 22آما اوندا کی مأمورلار ائتیشدیلَر زندانا، حَواریلاری بولمادیلار. پس بؤکولدولَر و خبر وئردیلر کی: 23«زندانینگ درلَری بئله خوب قُفل ایدی و ناتّورلار ده درلَر دَمینده تورموشلاردی. آما درلَری آچاندا، هئچکَسی زندان ایچینده بولمادیک.» 24مَعبد ناتّورلارینینگ رئیسی و باش کاهِنلَر بو گپلَری ائشیدَنده، اوللاردان اَربَد قالدیلار و فکره گئدیلَر کی بو ایشینگ آخیر عاقبتی نهیین اولور؟
25بیر آدام گلدی و بئللَرینه دئدی: «باخینز! او کیشیلَر کی بئللَرینی آتمیشدینز زندانا، تورموشلار مَعبد ایچینه و خَلخه تَعلیم وئریرلَر.» 26اوندا مَعبد ناتّورلارینینگ رئیسی مأمورلار اینان بئلینه گئدیلَر و حَواریلاری گتیردیلر، آما نه گؤجکی، بو سَبریه کی قورخیرلاردی خلخ بئللَرینی سَنگسار ائدلَّر.
27حَواریلاری گتیردیلَر شورا حُضورونا. ائنگ بویوک کاهِن اوللاری بازخواست ائدی و دئدی: 28«بیز سیزه سَخت قَدغَن ائدیک کی داها بو آددا تَعلیم وئرمیهینز، آما گئنه ده سیز اورشلیمی اؤز تَعلیملَرینز اینن دؤلدورموشاینز و سئیرَینز کی او آدامینگ قانینی آتاینز بیزیم بوینوموزا.»
29آما پِطرُس و باقّی حَواریلَر جواب وئردیلر: «بیز تارئدان اطاعت ائدهسیک نه آداملاردان. 30جَدلَریمیز تارئسی، عیسایی اؤلولَردَن دئرّیتدی، ائله او عیسا کی سیز بئلَسینی صَلیبه چَکدینز و اؤلدوردونز. 31تارئ، عیسایی آپاردی اوخاری و اؤز ساغ اَلینه قؤیدو و بئلَسینی سَروَر و نجات وئرَن ائدی تا اؤز خَلخینه توبه و گُناهلاردان باغیشلانماک فُرصتی وئره. 32و بیز بو زادلارینگ شاهدلَرییَک، ائله اولهیین کی تارئنینگ قُدّوس روحو ده شاهد دیر. ائله او قُدّوس روح کی تارئ اؤنو اوللارا کی بئلَسیندَن اطاعت ائدیرلَر وئرمیش.»
33شورا آداملاری بو سؤزلَری ائشیدَنده، عصبانی اولدولار و سئدیلَر حَواریلَری اؤلدورَلَّر. 34آما شورادا بیر گامالائیل آدلی کیشی وار ایدی کی فَریسی فِرقهسیندَن ایدی. او شَریعت معلّمی ایدی و واری خلخ دا بئلَسینه چوخ حُرمَت ائدیرلَردی. گامالائیل شورادا توردو آیاقی و اَمر ائدی تا حَواریلَری اؤردان چیخارتالّار و بیر آز یازّیدا ساخلایالّار. 35اوندا اؤرداکی آداملارا دئدی: «یهود خلخی، دقّت ائدینز کی سئیرَینز بو آداملار اینان نه ایش گؤرَینز. 36بو سَبریه کی بیر مُدّت بوندان ایلَری، بیر تئوداس آدلی کیشی توردو آیاقی و اِدّعا ائدیردی کی بیر بویوک آدام دیر و دؤرد یوز نفره یاخین قوشولدولار اؤنا. آما او آدام اؤلومه گئتدی و واری اوللار دا کی اؤنا قوشولموشلاردی، نیست و نابود اولدولار. 37اوندان سورا، جَلیللی یَهودا آداملار سایقوشونونگ موقعسیندا توردو آیاقی و خَلخینگ بیر پاراسینی اؤزونه قوشدو. آما او دا آرادان گئتدی و واری اوللار کی اؤنا قوشولموشلاردی، داغیلدیلار. 38پس ایندی بو مَسئله بارهسینده سیزه دئییرم کی بو آداملاردان اَل چَکینز و اوللاری اؤز حاللارینا قؤینز. بو سَبریه کی اگر بو قَصد و عَمل بَشردَن اولا، بو ایشینگ آخیری هئچیئره ائتیشمَز. 39آما اگر تارئدان اولا، باشارماینز اوللاری آرادان آپارانز. بئله سیز تارئ اینن ضدّ ائدیرَینز.» پس اوللار گامالائیل نَصیحتینه قولاق آسدیلار
40و حَواریلاری چاغیردیلار ایچری. اوللارا شلّاق ووردولار و بئللَرینه قَدغَن ائدیلَر کی داها عیسا آدیندا دانیشمایالّار. اوندا دا بئللَرینی ویل ائدیلَر تا گئدَلَّر.
41اوندا حَواریلَر شورا مَجلسیندن چیخدیلَر یازّیا و خوشحال ایدیلار کی بو لیاقت اوللارینگ نَصیبی اولموش کی عیسا آدی خاطرینه بئللَرینه اِهانَت اولونا. 42اوللار گؤنده مَعبدده و ائودَن ائوه تَعلیم وئریرلَردی و اعلام ائدیرلَردی کی وَعده وئریلَن مَسیح ائله او عیسا دیر و هئچ زامان بو ایشدَن اَل چَکمدیلَر.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company